1. مرحباً بك عزيزي الزائر في منتديات صقر البحرين
    يشرفنا أن تقوم بالتسجيل معنا إذا رغبت بالمشاركة في المنتدى.
    إذا كنت عضواً بالمنتدى فقم بتسجيل دخولك أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

قصة - روايه خذني بحضنك - روايه للكاتبة لرذاذ الماس القصة كاملة

الموضوع في 'القصص والروايات' بواسطة صقر البحرين, بتاريخ ‏14 أغسطس 2010.

  1. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    السلام عليكم
    اخباركم القصة منقولة بس حبيت احطها لكم لانها تجنن

    خذني بحضنك
    للكاتبه:رذاذ الماس


    .. هذي ثاني تجربه لي في كتابه الروايه بعد رواية
    ## خلــف الضبــاب ##


    يمكن ماحصدت النجاح المطلوب بس منها قدرت اثبت نفسي وقدرتي على صياغه الحوار وصناعه الحدث

    مع انها كانت مجرد تحدي بيني وبين ناس عزيزين علي والحمد لله اعجبتهم كبدايه وها انا انا ادشن لكم انجاز جديد بعنوان/



    خذنى بحضنك

    ... روايتـــي تحمـل بيـن سطـورها ترابـط العائله و خوف كبارها على صغارهـا...والحـب الصادق تحت ايـطار الاحـترام تزفه احداث لاتتـعدى الخـطوط الحمراء... غلفـه التلاحـم... ورسخـه الحب الـحقيقي عـاش بقلوبهم من الصـغر وترعـرع بيـن جوانحهم نمى معهـم و كبروا وهـو يحرسهم

    وجا الوقت لتتـفجر هذه المشاعر قد يسعـفها الوقت لتـتحقق وقد تتحـقق ولا تستمـر وقد يسـتمر في قلـوبهمكذكرى جميـله فـقط ...

    .. روايـتي تعتمد على الاحاسيس والمشاعر اغلب احداثها نسجتـها من واقـع نعـيشه جميعا من الخليـج الى المحـيط كل انسـان عربي إما عاصـر احداثها او سمـع بهـا..
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

    ♣♣♣♣♣♣♣♣♣♣♣♣♣♣
    ... قد قلتي ســوف اعـوـوـوـود يومآ
    عندما يأتــــي الربيع..
    ومضــت الأيــا ا ا ا ا ا م ....
    وفي گـل يوم ابعث لــقلبي الأمـــــل
    فأنتظر القطــار ....
    الناس عادوا و الربــيع أتى
    وذ ا ا ا ا ا ا ا ا ا ق قلبي بــأس الانتظار ..
    اتراگـي نسيتي حبيبتي ؟!
    أم ان تذگـره القطار تمزقت
    و طويتي مــعها قصتي.....
    ياليتــني قبل الرحيل ترگـت عندك ساعتي
    فقــد ذهبتي ونسيتـــــي مــوعد القــطار..
    ♣♣♣♣♣♣♣♣♣♣♣♣♣♣

    °°°°°°°°°°°°°°°°°°°°°°°°°°°°°°°°°°°°°°°°°°

    : : بســــــــــــــــــم الــلـــــــــــــه نبــــــــــــــــــــدأ : :

    °°°°°°°°°°°°°°°°°°°°°°°°°°°°°°°°°°°°°°°°°°
    ،'،' ريمـــــــاس ،'،'

    [صاحبة♥الاحساس♥المرهف]
    بيضاء جذابــه طولها وسط و جسمها متناسق انيقه تهــتم بمظهرها بشكل ملفت أغلى على ابوها من نظره.. لفت دول أوربيه گـثيره وزارت دول عربيه -تونس الجزائر لبنان الأردن سوريا- عندها حلم تزور دولــه عربيه تعشقها لحد الجنون وابوها وعدها إذا فضى يصيفون فيها)


    =====
    ها١١١١١١١١١ي (انا هنــا)
    ========
    ..... انا ريماس بنت ناصر دلوعة البابا لأني ببساطه وحيدته..كان عندي اخو اگـبر مني اسمه فهد بس مات غرقان في المسبح وهو ابو سنتين،، ابوي وحيــد-امه وابوه- توفوا من صغره ورباه عمه=>(متزوج وماعنده عيال) وتوفى عمه وهو في الخارج يدرس ولما انتهت دراسته تزوج امي وجيت انا بعد وفاه فهد وبمرور سنتين توفت امي بالخبيث الله يگـافينــا شره و المسلمين.... عشت مع ابوي 4سنوات قبل مايستقر في السويد ثم سافر وتركني عند خالي حاتم وخالاتي وامي (جدتها ام امها تقول لها يمه) يجي لرياض من فتره لفتره يتطمــن علي و يجلس معي اسبوع لان ظروف عمله ماتسمح له يطول ويزورنا في الأعيــاد ويحرص يقضي العشــر الأواخر من رمضان گـل سنه في الحرم ويتعيــد في الرياض ثم يسافر من جديد
    ...ويوم صار عمري 10سنوات سافرت معه...
    الوالد تشارگـ مع واحد من أصحابه اسمه احمد قطري لكن عايش بالسويد هو وزوجته (تعرف عليه بأمريكا يوم كانوا يدرسون ) وبدت شركتهم من هناك ودرست فيها سنــه وبعدها فتحوا أول فرع لشركه في النمسا و سافر ابوي عشان يديره و درست في النمسا (4 سنوات) بس الحمد لله ماگـانت مدرستي مختلطه ثم سافرنا بعدها لألمانيا درست (سنتيــن) ... ثم سافرنا لروما عشان ابوي يدرب احد موظفيــنه على أساسيات الاداره عشان يمسگ اداره فرع روما لأنا گـنا بنسافر لبريطانــيا السنه اللي بعدها عشان ادرس المرحله الجامعيه
    ....واخيرا استقرينا في بريطانيا وبتحديد لندن من3 سنوات وشوي .....
    جالسه حاليا في غرفتي اگـتب لگـم تقرير مفصل عن حياتي....
    ...عمــري 21 سنه و هذي السنه الأخيره لي بجامعة اگـسفورد الحمد لله ادرس تسويق وتجــاره عشان أساعد الوالد ان شاءا لله في عمله ...(فروع الشركه في أوربا فقط بس من سنه فتح احمد شريك ابوي فرع في الأردن گـأول فرع في الوطن العربــي).....و الدور على شرگـة الوالد تفتح فرعها الجديد فتعاقد الوالد مع شرگـه العائله في السعوديه عشان تبني لهم الفرع الأول على مستوى الخليــج في الرياض بحگـم انه مجال عملهم وان شركة العائله شغلها مضمون و لايعلا عليه وباشروا في التنفيذ من 9 شهور وباقي 4 شهور على التسليم لان من شروط العقد بعد سنه يسلم المشروع .. وابوي يفگـر مع بداية نشاط الفرع يديره هو ونرجع لأمنا أم الخير ارض الحرمين الشريفين السعوديـه
    .. الوالد يواجه مشاگـل من فتره في الفرع اللي بروما العاصمه الأيطاليه ويديره عن طريق الشبگـه العنگـبوتيه لأنه تابع لأداره ابوي وأحيانا يضطر يسافر له من وقت لوقت مع ان فيه تعب عليه بس ماحب يقطع جامعتي خصوصا انها اخر سنه لي و صعب اترك زملائي و صديقاتي و ربعي فقرر يديره بهالطريقه لحد ماأنتهي
    الله يطولي بعمره.......
    .. أما عن أهلي في السعوديـه فنزورهم بداية گـل اجازه يجلس ابوي أسبوع ثم يسافر لــجده مع سلمى (زوجته تونسيه حبوبه مره وقريبه لي عمرها 28 سنه تزوجها الوالد من5 سنوات بس ماجابت عيال)ياخذون عمره ثم يسافرون ويترگـوني عند خالي وامي شهر نسافر فيه لجــده



    والطائــف أو الجنوب واهم شي نأخذ عمره أحس براحه وطمأنينه في بيت الله
    أحب أصلي هناك وأعيش أجوا روحــانيه فيه...وأحيانا نسافر لشرقــيه هذا غير انا نخيم في الثمــامه كل ماجيهم ولازم جوله في الرياض على شرفي (بس من جد الرياض تستاهل من يلفها تغيرت مره وتطورت تطور ملحوظ كل سنه أجي هنا أشوف مشاريع جديده و منتزهات ومراكز توها مفتوحه
    لدرجه اني أتمنى استقر هنا بصراحه مليت من برا ناس ماعرفهم ولا أثق فيهم بس قال وش حدك على المر قال اللي أمر منه)
    صعبه اترك الوالد...... وبصراحه افتقد هالأشيا برا مع اني دايم أسافر بس سفرنا رسمي وحدي أروح السوق مو إن الوالد مقصر لكنه يصير مرتبط وانا خوافه مستحيل اطلع من دونه ...
    اذكر مره جينا في السنه اللي افتتح فيها الملك عبد الله برج المملكه وكنت في السوق مع خالي وسمر ونواف وهند مرت خالي وشفنا الملك عبد الله.. الله يطول بعمره و صورته لبشاير لأنها مهيب مصدقه ويوم شافت الصور قالت عليك حظ ماتجين الا في السنه حسنه و شفتيه وانا هنا مابعد شفته.. ويوم أتذكر ردها اضحك على براءة هالبنت ياحبي لها
    ....وبعد ماينتهي الشهر يوصلني خالي للمطار









    ويستقبلني ابوي وهم يجونا في الدوله اللي نكون إحنا مــستقرين فيها يصيفون لكن من 3سنوات صاروا يسافــرون للندن (لدرجه أحفظوا كل شبر فيها )مــو عشاني لا.... لوجود مازن ولــد خالتي يدرس لان ماعنده اجازه تذكر على قوله حامد زيد (كل مايوصل برحله يرجع برحــله جديده)... والحمد لله اني ادرس هناك عشــان اشوفهم ..
    ... احب الرسمـ عندي القدره ارسم شخص ماشفته إلا مره وحده.. رسمت كذا صوره لأهلي وناس أحبهم مثلا ابوي (أهديته الصوره بعد ما بروزتها وغلفتها في العيد كشكر وعرفان له) وخالي حاتم عطيته الصوره العام يوم سافر لنا في الصيف وارسم الآن صوره لإنسان قريب مني بس باقي وقت وانتهي منها... ورسمت اقرب صديقه لقلبي غدي.....
    ... على فكره ماقلت لكم عندي اخوان صح قلت اني وحيده امي وابوي بس اخواني اللي بقولكم اخواني من الرضاعه امي الله يرحمها يوم جابت فهد اخوي الله يرحمه رضعته هو واحمد ولد خالي مع بعض ويوم جابتني انا اكتشفوا المرض معها وعمري 4شهور و رضعتني خالتي أم ثامر فصاروا عيالها (ثامـر-معـتز-رينــاد
    -مهنــد) اخواني بس اصافحــهم فقط عند السلام عدا أحمد ولد خالي سلامي (بوس) لانه ساكن معي في بيت خالي وبعد هو اقرب اخواني وعادني مثل سمر اخته...وطبعا عائلتنا مو كبيره ومحظوظه كوني مااتغطى عن احد إلا مازن وهيثم عيال خالتي أم هيثم و حتى لي فتره طويله ماشفتهم..
    ... أحب القصص الرومنسيه
    وأحب اقرأ لشاعر مهــندس الكلمه"بدر بن عبد المحسن" والقنبلــه"حامـد زيـد"
    واقرأ للكاتب نـزار قباني
    "شاعر المرأه"عندنا مكتبه ولا مكتبه هارون الرشيد يشتري ابوي دايم كتب لاسافر حتى معرض الكتاب في الرياض مايفووووته عشان يشتري منه رغم انه مايقرا الانادرا ...
    أحب الأغاني الخليجيه بشكل عام مع انه بحيـاتي ماشريت شريط ولانتظرت الأغنيه الفلانيه على القناه الفلانيه أشوفهم من باب الصدفــه بس تستهويني أغاني راشد الماجد والجسمي كلماتهم مؤثره وتدخل القلب من دون وسيط...
    أحب الخير للكل وأكون مرتاحه يوم أشوف أهلي مرتاحين .. مااحب أنام كثير مثل خلق الله أحب اسهر
    ...و الليل بداية عالمي الخاص أبدا أبحر فيه بلا مجداف أفكر في كل شي في خالي حاتم أحب اهتمامه فيني وتنفيذ طلباتي من دون نقاش بس بحدود.. يعجبني اهتمام الكل فيني وأحب تواصل اخواني معي رغم مشاغلهم بس عمرهم مانسوني في اي مناسبه هم أول المهنئين لي ....و أفكر في سمر ياالله عليها حبوبه قريبه مني كثير كل شي فيها يعجبني تفهمني أكثر من نفسي أحيانا تترجم أفكاري لما اعجز عن صياغتها هي اقرب من أخت واحن من أم و اوفا من صديقه كلمات العالم ماتوفيها جزء من حقها ...
    ... ابوي وآه يابوي هو ابوي باختصــــــار (وحده ماعندها أسلوب) بس جد مو شويه الواحد عنده ابو.. خصوصا إذا مثل ابوي مافيه أعظم منه هو كل شي بالنسبه لي معه أحس بالأمان..و حريص على دراستي
    ...أحس بالانتماء العائلي مع أهلي كلهم خالاتي أعدهم مثل امي والشباب والبنات اخواني الكل هم اناو دمنا واحد وقلوبنا على بعض ادري اي فرد في العالم او بالأصح في الوطن العربي يحس بالانتماء لعائلته لكن انا غير عائلتي كياني أحبهم وأداري عليهم مااحب أشوفهم متضايقين احرق نفسي عشان أنور الدنيا لهم أحب أكون مصدر التفاؤل والبسمه عشان أسعدهم...
    أفكر في بكره كثير رغم اني مو متشائمه لكن أفكر على حدود 4سنوات قدام وش ممكن يتغير من يتزوج من يجيله
    عيال ومن يسافر ومن يموت الله يختم لنا بالشهاده..
    والحمد لله مستوانا فوق الممتاز وفي السعوديه خالي وابو ثامر و أبوهيثم (رجال خالاتي) عندهم شركه مقاولات مشهوره و مستواهم فوق الجيد جدآ ويشتغل فيها هيثم ولد خالتي ومعتز اخوي حتى مازن ولد خالتي قبل لايسافر (اشتغل سنتين بعد ماترك الجامعه مع انه درس سنتين فيها وقرر يسافر يدرس بعد ماضيع 4سنوات من عمره)
    ... ويفكرون يفتحون فرع جديد بس للحين ماصار شي مدري عجز في الميزانيه أو نقص بالعاملين مدري ...
    عائلتنا محافظه مدري كيف تفسر كلمه محافظه بهالوقت لكن اقصد نتغطى من شباب العائله والرجال الأجانب اما انااكشف وإحنا في الخارج يمكن لأني تربيت برا بس لاجيت هنا امشي سيده ..
    حجيت مرتين الأولى مع ابوي وسلمى والثانيه من 3سنوات مع خالي حاتم وهند وأحمد وسمر وخالتي أم هيثم وابو هيثم وبشاير وميهاف وثامر وعنوده وريناد والعام حجوا الشباب بأصرار من خالي <هيثم ومعتز ومهند ومازن>
    °°°°°°°°°°°°°°°°°°°°



    ====
    هــذي انــا باختــــــصار....
    =======
    أحب أتذكر دائما ذكرياتنا يوم كنا صغار ذكرياتي مع سمر وبشاير ومازن ومعتز وأحمد ومهند بقولكم مواقف أحبها وعمري مانسيتها كأنها صارت معي أمس من كثر ماهي مرسومه بخيالي ودي تعيشون معي لحظات منها أول موقف ...
    ... كان في بيت خالي حاتم عزيمه غدا لرجوع ابوي من السفر وكلن لاهي في الضيوف
    المهم انا وسمــر بنت خالي (اخت احمد) و بشايــر بنت خالتي ام هيثم طلعنا لشارع مع انه محضور علينا في القوايل المهم علقت سمر جرس جيرانا (طولت على زر الجرس) وجت ركض للمكان اللي نتخفى فيه و جلسنا نراقب رده فعل ولدهم لاطلع ولا حصل احد ثم نضحك عليه ولدهم هذا بعمر مازن ومعتز نكرهه كلنا لأنه فلق مازن ولد خالتي من فتره(رماه بشي حصاه اوحديده و جرح رأسه ونزل دمه) وصرنا ننتقم منه وعشان الدقه و المصداقيه حنا ماخذين هالطريقه من العيال لابغوا يزعجون احد يسوون كذا(مهويــن) المهم بعد سمر جا دوري وسويت نفس سمر وتخبيت طلع الولد هالمره يسب ويلعن بصراحه معصب على الأخر.. بعدين وصل دور بشاير وطمرت(وقفت بسرعه كنايه عن الاستعداد التام لتنفيذ) وعلقت الجرس وركضت بس الله لايوريكم يوم تكرفست (طاحت طيحه قويه) وإلا ابن اللذينا طالع و شافها شكله مسوي كمين و واقف ورا الباب وإلا ماأمداه يجي بهالسرعه المهم هي شافته جتها أم الركب (عارض صحي مفاجئ يجي في الركب مع الخوف المفاجئ تعرفون الشد العضلي اللي يجي اللاعبين فجأه نفسه) مالكم في الطويله.. أقولكم ويمسكها ويطقها طق لين حبت الأرض (لو هالطق في يهودي اسلم ودفع الجزيه بعد).. أتوقع مارقدت ذيك الليله مغير تقلب في فراشها من حر ماتونس (حراره اللي تحس فيه) وعلى طاريه تقول سمر انه تزوج خذا وحده تهبل خساره فيه مع انه مو شين بس كذا تكرهه بشاير كره مو طبيعي تقول من الله وانا مدري..
    (إلا والله من شي ذاقته.. )ههههههه
    حاجه ثانيه كنت انا وسمر وبشاير نموت في شي اسمه شارع دايم نطلع ونلعب كوره مع العيال وإلا حريم مع البنات(للي مايعرف هاللعبه يعني نحط فلانه ام والثانيه بنتها والثالثه رجلها وهذي شغالتهم ونشكل كذا عائله وإللي رجلها متوفي وإللي ولدها مسافر...بس اتوقع اهل السعوديه يعرفون هاللعبه والشرح لغير السعودين) المهم نلعب في الأرض اللي ورا بيت جيرانا واحيانا حبشه وشكه (شبكه) المهم نصرف عمارنا مانجلس ...فمره و حنا نلعب عند باب بيتنــا تهاوشت مع عيال الحاره واحد منهم شات الكوره وجت فيني وانا من القهر رميتهــا في بيت الجيران و هالجيــران الله يخسهم طلعوا مسافرين و تجمعوا علي يــقولون طبي من الجدار جيبيهــا ورفضت يوم شافتهم سمر ناوين علي ركضت تنادي العيال كانوا يلعبون اتاري في الملحق(هذاك الوقت مابعد عرفنا البلايستيشن) نادتهم لان هالعيال شرانين وصلوا عقب مادفني واحد من عيال الكلب و طحت عاد انا يوم شفت العيال قمت ابكي وصارخ تقول مذبوحه عشان ينقضون عليهم مع ان الطيحه عورتني بس انا كبرت السالفه احب الاكشن والإثاره وفعلا تطاقوا معهم على طول حتى سمر معهم تطق (احس هالبنت مسترجله ...ترا الى الحين اقولها يومك صغيره كنتي ولد بثوب بنت تمووووت ضحك) اقولكم قال مازن لأحمد يدخلنا داخل و يسكر الباب بس انا كانت رجلي تعورني شالني مازن عقب الهوشه عشان يدخلني وانا لافه يدي ورا رقبته وقاعده اتأمله من كثر ماهو قريب احس بنفسه على خدي والولد منحرج ماتكلم (احسه يلعن بنفسه ابو التهور) أما انا مروقه على الآخر وقاعده اتفــرج عليه من قريب(ناقص احط رجل على رجل) وجهي مغسول بمرق ويوم دخلني الصاله حطني على الكنب وابتسم وطلع شوي و رجع حسبته ناسي شي بس جا و وقف قبالي/لحد زعلك قوليلي..
    عاد انا بغيت انط بحلقه عشان ابوسه من الفرحه.... يا حبي له ايه احبه هذا تفسير شعوري ذاك الوقت بس ماكنت اعرف اسم هالشعور (حلو احساس ان احد مهتم فيك)و لاني عارفه انه مايحب يسلم على الحريم تراجعــت حتــى جدتي وخالتي واجد لاسلم عليهم في العيد.......
    وعلى طاري العيــد ...العيد عندنا له فرحــه خاصه خصوصا مع مازن ومعتز كانوا يقولون لنا ولأحمد ومهند نجمـع فلوس قبل العشـر الأخيره من رمضان وقبل عشر ذي الحجه ..نعطيها مازن يجمعها (هوى ياأمين الصندوق) مع إن مهند وسمر يرفضون مازن هو اللي يجمعها لانه سروق اربد(بمعنى محترف ومتعود) أما انا فلا تسألوني أثق فيه ثقه عمياء ..و قبل العيد بيومين يشترون من عند واحد في الحاره مشهور ببيع الشروخ بانواعها شهرته مثل شهرة نوير(هذي بياعه شروخ في الرياض اشهر من نار على علم ناس كثير يجونها من برا الرياض الله يرزقها ...دعايه ببلاش) ونوزيها(نخبيها) ليوم العيد مع ان خالي مهاوشهم عند الشروخ بعيد الأضحى بحجه انه عيد اللحم على قوله بس العيد غير مع الشروخ وريحتها ...
    حاجه ثالثه بس هالسالفه مع صاحب البقاله(البراده على قول اهل البحرين) جنب بيت خالتي ام هيثم اسمه سليم وخالي حاتم قايل له لايسلفنا من كثر مايسدد هالبقاله عاد حنا ماشاء الله قبيله مهوب شوي فاندخل كلنا انا وشلتي ومازن وشلته(معتز واحمد ومهند) بتسألون عن ريناد بنت خالتي بقولكم هي وميهاف اخت مازن مايطلعون معنا مثل اول ينقال كبروا ..اقولكم حنا سبعه وزعنا مازن لضمان نجاح الخطه خمسه يدخلون لآخر المحل وينادون سليم على اساس ينزل لنا اشياء ما نطولها وإذا جانا ورى يدخل مازن يفتح الدرج وياخذ اللي يحصله بالواجهه على شرط يكفينا أما معتز يوقف برا يراقب لحد يدخل ويكشف مازن وبعد مايخلص يطلع بسرعه وإذا رجع سليموه مكانه يدخلون بسلام ونشتري اقصد نسرق بس سرق شريف مثل مااقنعنا بعض لانا نرد الفلوس له ومال خالي منه ... وهالحركه سويناها ولا عشر مرات لحد ماتغطينا ياهو مازن عنده مخ لكنه مو نظيف كل افكاره وسخه سرق وطق وهواش استغفر الله بس عسى صاحب البقاله يدفع زكاه عن المحل عشان يطول ما سرقنا مسمى صدقه ..
    حتى جدتي ماسلمت من سرق مازن ومعتز على فكره مازن كثر ماهو مشهور بالسرق اذا شفنا معه شي غريب على طول نسأله من وين سارقه..ومن كثر ما هبل مازن ومعتز بجدتي تسمي مــازن"بليس" ومعتــز"غراب البين"
    ومهنــد "محراك النار" لانه مشهور بالتحريض وفتان و احمــد"ابو البنات" وعشان المصداقيه اللي مسمي احمد مازن ومعتز مهوب جدتي لانه كثير يجلس عندنا ومايروح معهم..وكان عند جدتي بضاعــه تبيعها لنا عشان مانطلع احنا البنات لشارع يعني (بطاطس زيزو حار وكتشب وبسكويت ميزان وشمعدان وديمه ومينو و ريكو و علوك يابسه "مو اقول لكم مغبره" وبيبسي مايدل الثلاجه ومن هالبضاعه اللي انقرضت ههههه) فهي ماكانت تحطهم في الدالوب على قولتها ماعندنا بدو (بمعنى مافيه غريب يسرقهن)عاد ربي مسلط عليها مازن ومعتز والمشكله لاسرقوا ماياخذون شوي يكثرون عشان يكفينا كلنا ..بس لاجا معنا فلــوس نروح للبقاله وش نبي ببضاعة جدتي معاد إلاتنتهي من كثر ماابطت عندها(ايه اشوفها تغصبكم عليها ماعليه كملي كملي)ههههه... مع والله ماودي اظلم مازن ومعتز مايقصرون على جدتي في السرق عشان تجدد بضاعتها ولابعد لاانتهت ما ترميهم توزعهم علينا مسويه فيها كريمه (وين البلديه عنها) غامضتها ترمى في الزباله(وانتوا بكرامه) ولأحلى من كذا انا وبشور و سمر تثق فينا و نسوي الي تبي عشان تقول روحوا خوذوا حق(هذا الحق ياطويلين العمر بمعنى مكافئه مقابل الخدمه اللي سويناها) لدرجه صرنا قعيطيات مانسوي شي الا و تعطينا وتعطينا ...تقول عندها سوبر ماركت ماكأن الحال الله عالم به...وإن عيت سحبنا عليها..ههههه ..ماقلت لكم احمد ومهند ليش ما يسرقون مثل مازن ومعتز ببساطه جدتي مره كبست عليهم وهم في مهمتهم(الدور عليهم) و حشرتهم داخل و مردغتهم و من عقبها مالهم في السرق ينقال تابوا (من خاف سلم) ومازن ومعتز عاقبوهم عقبها كل ماسرقوا يعطونهم بطاطس ويقولون تقاسموه بينكم (واحد له بقيه الكيس والثاني ياخذ حقه بيده) ومره تهاوشوا على الكيس لانه اكثر من النصف الثاني قال معتز حطوا عزيمه(يفتح بطاطسهم ويحطه في الأرض وياكلون سوا) و لابعد من النذاله ياكل معهم من كثره الحين.......
    ... (روقوا هذي آخر سالفه)
    كل ماتذكر هالسالفه اموووت ضحك كان عندنا جيران ولهم بنت اسمها ساره بعمرنا صديقتي انا و سمر كانت على نياتها ينقص عليها وبشور و مازن ومعتز مايواطنوووووونها ومازن ومعتز يطقونها دايم ويسمونها أم كشه مع ان شعرها ناعم بس امها مهملتها لأن عندها تؤام وآخر همها سويره على قوله بشاير ومره اتفقت بشاير مع الشباب يسوووون فيها مقلب من دون مااعرف انا ولاسمر لأنا لو عرفنا ماراح نرضى عليها... فاخطتهم تقنع بشاير ساره تكتب على سياره خالي وعطتها خطاط اسود أماالازرق لبشاير حنا رفضنا بالأول على اساس ياويلهم من خالي و سفهتنا بشاير وتحدتها والبنت دمها حار ماتحب التحدي ورحنا لسياره خالي لونها ابيض وقالت بشايراللي تكتب اسمها كامل الأوله هي الفايزه وعدت لهم سمر وبدوا وبشور تظاهرت ان قلمها مانفتح وساره شكت اسمها (ساره حمد فلان ال فلان الفلاني)سوت بشاير نفسها منقهره انها خسرت إلا هذا مازن ومعتز مقبلين قلنا لها امسحيه بسرعه ومسحت بيدها بس ماش ماراح وتفلت عليه الضعيفه(وانتوا بكرامه) و فركته بيدها و ماانمسح و يوصلون العيال (بصراحه رحمتها يوم شفت الخوف بعيونها كانوا ذاك الوقت مسوين لها رعب وصلت انهم متحلفين فيها إذا تطلع من بيتهم) حرااااام المهم مسكوها ودخلوها لخالي ويوم طلع وشاف اسمها انقهر بس ماطقها مثل ماتوقعنا قال لها انه عيب ولاتسويها مره ثانيه باسها لانها بكت وقال روحي لبيتكم وبعد مامشت هاوشنا حنا... بصراحه كنت بقول ان بشاير هي اللي قالت لها بس تراجعت لانها اكيد من خطط مازن ...تصدقون لها الوقت بشاير تقول ان مازن يسأل عن ساره الله يذكرها بالخير بس ماندري عنها لان ذاك البيت اجار مهوب لهم وسافروا من زمان ...
    ... فيه نقطه مهمه في حياتي ماقلتها لكم لي حكايه مع مازن صارت بيني وبينه وحنا صغار محد يعرفها غيرنا كنت في ثالث ابتدائي ناجحه رايحه لرابع وفي هالأجازه التهبت عندي اللوز مره مسويه لي قلق بسبب هالسكريم(بلاه مهوب حلال).. ايه صح ماحب اكذب هههههه اقولكم لدرجه ما آكل حاجه فقرر خالي اسوي عمليه طبعا بموافقه ابوي و حضر ابوي قبل موعد العمليه ورافقت معي خالتي أم ثامر وجلست 3ايام بعد العمليه في المستشفى مازارني لا الأولاد ولا البنات عدا احمد يوم العمليه مع خالي و حتى ماطول ...و مره زارتني خالتي أم هيثم ومعها مازن فرحت يوم شفته وكان عندي ابوي وخالي حاتم أما مازن من دخل وهو ماتكلم بس لاجت عيني بعينه ابتسمنا شافتنا امه وقالت وهي تطالعه/هذي ريماس يامازن(تطالع ابو ريماس)من دخلت المستشفى وهو بروح لريماس بروح لريماس..
    (ابو الفضايح)
    أبو ريماس/خليه يجي متى مابغى تراها بنت خالته (وطالع لمازن) متى مابغيت تجي وانا ابوك قلي وجيبك...
    عاد ليتكم تشوفون وجهه من الأحراج وقبل لاينتهي وقت الزياره طلع ابوي وخالي بعد ماحب ابوي راسي هذا غير الهدايا اللي دفني بها كل ما زارني وبعد ماأنتهى وقت الزياره مشت خالتي ومازن ودخلت خالتي أم ثامر دوره المياه توضأ لصلاه المغرب قبل وقت الصلاه لانها وقت الأذان تنشغل بالحريم تقول ينامون فيها مايتوضون...دقايق وانفتح الباب ودخل مازن استغربت توني بقول ليه رجعت حط اصبعه على شفايفه يعني اسكتي والتفت (هو) يمين ويسار يدور على خالتي و يوم سمع صوت المويه بدوره المياه دخل بسرعه وقف عند السرير قريب مني ودخل يده في جيبه وطلع ورده نفس ورد حديقه المستشفى (الله يفضحك) ومدها لي وابتسم وخذيتها و عادي عندي باختصار (خبيله) طبعا الورد ذاك الوقت ماكان يعني لي شي.. ثم دخل يده مره ثانيه وطلع شي ما شفته لانه سكر يده ثم دخلها تحت وسادتي وطلع يده فاضيه ثم طالعني شوي... بيني بينكم وقفته كانت ثواني بس حسيتها شهر ودي اشوف وش حاط لي(مشفوحه) ومشى خطوتين ورجع لي(اشوا اني ماتهورت وشفت وش حاط) ثم باسني على خدي وطلع بسرعه اكذب لو قلت انحرجت أوتلون وجهي كثر ماركزت في المكان اللي كان فيه بعدين ذكرت الشي اللي حطه(تبين تفهميني انك نسيته ايه هين اصلا تعجبت وانتي تقولين طلع قبل ماتبلغين شفك يالمشفوحه بس انجزي) ههههه المهم اني رفعت وسادتي وحصلت سلسله نعومه مره اعجبتني مدري اذا عشانها حلوه وإلا لأنها من مازن خذيتها مو مصدقه للحين ان مازن شاريها لي يكفي اني كنت في باله شلتها و لبستها ودخلتها تحت لبسي عشان خالتي ماتحقق معي من وين؟!.. بس لو كنت بهالوقت كان ضميتها يكفي ان انامل مازن حضنتها....وبعد ماطلعت من المستشفى سافرت بعد أسبوع مع الوالد للخارج و شفت مازن في السنتين الأوليه من سفري و بعدها ماصرت اشوفه بحجة اني كبرت والولد حيوي مايدخل البيت بعكس معتز و مهند مطيحين عندنا x24 24واول ماتغطيت ارسل لي مازن دبدوب هديه نجاحي مع معتز....و بعدها انتهى كل شي بيننا والحب بدى يختفي مع صاحبه لان ما فيه وسيله لتواصل هالقلوب المتعطشه وبعد ماطلعت انا جوال أول شي جا في بالي ادق له بس ترددت خفت ماأعني له شي ومااعرف اشلون اتعامل معه اكيد تغير ماراح يبقى هو نفسه عشان كذا اختصرت ويمكن بعد اطيح من عينه وبعدها برد هالحب مع الوقت رغم ان هالذكريات تعذبني وتأسرني خصوصا يوم اتذكر الأهتمام والخوف اللي بعيونه والحين لي قرابه 9سنوات مو شايفته ومع هذا احس بشوق له ودي بس اجدد صورته في بالي مع اني كل يوم احضن هالدبدوب... والسلسله كثير البسها احسها بقايا حب برئ اكل الزمان عليه وشرب ...و مع اني اعيش قصه حب ناجحه بجميع المقايس بالجامعه بس ما قدرت انسى ولا اتنازل عن بقايا حبي السابق على قول المثل وماالحب إلا للحبيب الأول!! ....
    سالفه ثانيه ...ادري طولت عليكم بس هذي آخر سالفه(مو تو هذيك آخر سالفه)لاجد هذي الأخيره...تدرون عاد عناد فيكم منيب قايله انتوا الخسرانين (ابركها من ساعه)........
    °°°°°°°°°°°°°°°°°°°°°

    =ملاحظه/ حركه التنوين في الروايه بكتبه نون على اساس يناسب نطقنا ..مثل < خساره فيك>> تصير خسارتن فيك
    ‏ ‏- ok‏ وهكذا...>
    =التعريف ببقيه ابطال الروايه على حده (اسهل من كتابتهم في البدايه انا نفسي انسى الابطال في طريقه سردهم )...
    °°°°°°°°°°°°°°°°°°°°
     
    جاري تحميل الصفحة...
    :
  2. شاعـــر الحـــب
    Offline

    شاعـــر الحـــب مشرف قسم التطوير الذاتي إداري مراقب قسم

    إنضم إلينا في:
    ‏29 مارس 2010
    المشاركات:
    2,317
    الإعجابات المتلقاة:
    227
    نقاط الجائزة:
    151
    الوظيفة:
    طالب
    الإقامة:
    In ThIs SiTe
    رد: قصة - روايه خذني بحضنك - روايه للكاتبة لرذاذ الماس القصة كاملة

    ما ذا اقول يا اخي صقر البحرين غير ان القصة فعلا فعلا رائعه
    انتظر بكل صبر كل جديدك الله لا يحرمنا من هذه المواضيع المميزه
     
  3. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    «»‏«»‏«»‏«»‏«
    ♣خذني بحضنگـ ♣ 1
    ‏«»‏«»‏«»‏«»‏«»






    /ههههههههههه دخلوا الكفتيريا واصوات ضحكهم تسبق خطاهم نحو الهدف (من اولها فصحى هونا) ..... [لا امزح بلاكم حاريــن]

    ======
    المكان/لندن بالتحديد الحرم الجامعي..
    الزمان/الساعه10ص بعد محاضره خفيفه على قلوبهم كانت للدكتور جورج>> فرنسي..يحب العرب بشكل جنوني ودايم يتكلم عن انجازاتهم و يحب شله ريماس و يسولف معهم يعرف ابو ريماس لانه رجل اعمال مشهور






    ===،'،'===

    ...و اصحاب الضحك والفله هم ريماس وشلتها ..
    -غدي>>سعوديه صاحبة ريماس الروح بالروح..
    -مشاعل>>اسم الشهره ميشو جزائريه حبوبه...
    -بدر>> سعودي طويل وسيم رومانسي وفوق هذا متفوق...
    -مازن>>سعودي نفس طول بدر رزه عيونه فيها جاذبيه غير طبيعيه شعره اسود ناعم وكثيف ...
    -حمدان>>اماراتي مملوح و طيب لآخر حد و متفوق...

    °°°°°°°°°°°°°°°°°°°°

    حمـــدان ماكان حاضر المحاضره وجالس في كفتيريا الشله و على نفس طاولتهم من3سنوات... جالس ينتظرهم (الجامعه فيها كذا كفتيريا بس كفتيريا الشله معروف عند الكل واللي يبغاهم على طول يلقاهم فيه)
    حمـــدان/ اعصابكم وش تضحكون عليه..
    بـــدر/فاتك نصف عمرك!!
    حمـــدان/ليــــــه؟
    غـــدي/لو شفت جورج قوم مازن يناقشه وطبعا مثل العاده يلعب مع ريماس ‏xo‏ و ماجاوب قوم ريماس ونفس الحكايه وطمر بدر مع انه جنب ريماس بس عشان مايخرب خطته و قومني وهو حاط في باله مانيب مجاوبه لاني كنت اسولف مع ميشو تعلمني وش صار معها امس هي ومجدي(مجدي حبيب ميشو من نفس الدوله جزائري الشله يحبونه وهو من طينه بدر دافور) بس جاوبت وخربت عليه لانه كان بيقوم ميشو ثم جلسنا كلنا و مازن ماتاب كمل لعب و سوالف في دفتره مع ريماس وقومه جورج مره ثانيه ولا جاوب وقاله يجي قدام بس مازن رفض ..تفاجئنا بس قلنا يمكن عشان ريماس بس طلع مضيع جزمته لانه كان فاسخهم تحته ويوم عصب جورج عليه راح قدام من دون جزمه وجورج من العصبيه ماأنتبه له...
    حمـــدان/غريبه هو رايق وعسل..
    بـــدر/بس عسل إلا قشطه...
    ميشـــو/ هو كذا بس مزون وريماس شيبوا براسه..
    ريمـاس تطق ميشوعلى يدها/
    ترا ماقلت شي طول المحاضره ساكته وماطلعت صوت...
    ميشـــو/عشان كذا عصب متعود على نقاشك انتي ومازن واسئلتكم اللي مالها صله في المحاضره...
    مـــازن/اسألتنا هذي اللي تطنزون فيها ترا نسألها عشان نثقفكم فقط لاغير...
    ميشـــو/ايه بس خفوا عليه تراه يحبكم انتوا ومجدي!!
    غـــدي/يعني لازم تدخلين مجدي في السالفه!!
    الكـــــــــل/هاهاهاهاها...
    حمـــدان/مزون وين لقيت جزمتك...
    مـــازن بقهر/وين لقيتها بعد... اسأل اللي جنبك..
    حمـــدان يطالع ريماس/معقـوـوـوـوله..
    ريمـــاس/ههههه انا ماخبيتها الا بعد مانكد بي في اللعب ياخي ياهو غشاش...
    مـــازن/ياعمري هذي شطاره مهوب غش وبعدين فيه مثل يقول اللي تغلبه اللعبه(يطالع حمدان)شافتني ذكي قالت غشاش...
    غـــدي/خلاص خلاص فيه موضوع اهم العزيمه على مين اليوم...
    ميشـــو/على ريماس..
    ريمـــاس متفاجئه/لا حراااام عليكم والله ماكملت 5ايام عازمتكم..
    مـــازن حمـــدان غـــدي/عليـــك إلا علــــــيك!!
    ريمـــاس/حرام عليكم..
    ميشـــو/مو شغلنا لا ضيعتي ..
    ريمـــاس/والله ماضيعت عازمتكم يوم امتحان امممم
    جوليا اللي هو يوم الأحد المفروض اليوم مازن يعزمنا...
    مـــازن/لا يمي لاتورطيني لو سمحتي ومع هذا بسلفك لو ما معك فلوس...
    ريمـــاس/لا معي وبعزمكم (ببتسامه) وجعله يحلكم..
    الكل/ ههههههه
    بـــدر/انا عندي اقتراح بما انا وقت امتحانات وش رايكم العزيمه تكون على اللي ياخذ اقل درجه...
    حمـــدان /انا موافق...
    مـــازن بسخريه /اجل بعد اكيد بتوافق ..
    ريمـــاس وميشـــو/لاااا
    غـــدي/وانا بعد احتج... على كذا العزيمه بتصير يوم علي ويوم على ميشو(تضحك) وما يرضيكم تخسرونا...
    مـــازن/لاتخافون انا معكم...
    الكــــــل/ هههههههه....
    ميشـــو/لا انت و ريماس ما ينخاف عليكم لاصارت الدعوه فلوس تاخذون الأول....
    مـــازن و ريمـــاس/هههههههه
    ....ومشاهم بدر على النظام غصب مو عشان مايدفع بس يبغى درجاتهم تصير تمام ومن بكره عزمتهم ميشو لانها اقلهم درجه وبعدها عزمهم مازن ثم غدي يومين ورا بعض... ثم ريماس في اخر امتحان تساوت مع مازن وعزموهم على الغدا برا الجامعه لانه آخر امتحان ..
    لكن جو الامتحانات غير الكل يذاكر جد خوف من هالعزيمه. .(والله بدر عارف لهم..) ومازن وريماس دايم يعلقون على بعض ويتعايرون بين بعض في الدرجات خصوصا عند جوليا كانوا متفقين يذاكرون عشان يغيضونها بدرجاتهم وفعلا خذوا درجات عاليه عندها هم انفسهم ماصدقوا ....واليوم اللي بيخبرهم جورج بالدرجات قبل مايوزعها كانت غدي تقول انا حاسه ان العزيمه علي وماتوا ضحك عليها لكنه ماعطاها درجتها الا الاخيره ...اما على اماكنهم في قاعات المحاضرات معروفه في الوسط و قبل الصف الأخير بــ4 سطور ...من اليمين ميشو ثم غدي ثم حمدان ثم بدر ثم ريماس ثم مازن...
    °°°°°°°°°°°°°°°°°°
     
  4. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    بعد اسبـــوع الساعه 10ص
    =======
    ..... كانت محاضرة الدكتور فهد >>سعودي... دخل مازن و ريماس وحمدان متأخرين لانهم كانوا يدورون غدي وبدر ويوم ماحصلوهم دخلوا بس تفاجئوا ان الدكتور رائد>> كويتي... موجود عندهم دخلهم لانهم ممتازين عنده وغريبه عليهم يتأخرون والمفاجئه الثانيه لقوا بدر وغدي والمشكله مالهم مكان عندهم .. حمدان حصل مكان عند ميشو ومجدي وجلس عندهم ...ومازن وريماس رجعوا ورا ومروا على بدر وغدي اللي كانت تضحك عليهم وتحلف بهم مازن لانهم ماحجزوا لهم مكان (مادروا انهم متأخرين مثلهم وزين حصلوا مكان جنب بعض)
    ووقف مازن عشان تدخل ريماس لانه يبغى يجلس على الطرف...وبدت المحاضره فتحت ريماس دفترمحاضراتها وكتبت لمازن(الاجازه بقى عليها اسبوع بتسافر وإلا بتجلس هنا)
    مازن(أكيييييد بسافر واحشيني الاهل)
    ريماس(وش رايك تجلس هنا اسبوع وتسافر اسبوع)
    مازن(مقدر ولو يوم واحد اصلا بطلع ذاك اليوم من هنا سيده للمطار)
    ريماس بغيظ(ليش ماتغاب اخر يوم بالمره)
    ضحك لانه قهرها وكتب(وانتي ليش محتره)
    لاحظ رائد انهم مو منتبهين له ونبههم بس شوي وكملوا سوالف وقوم مازن يناقشه في الجزء المشروح وانقذه الطالب اللي قدامه فتح له دفتره وجاوب وجلس كتبت ريماس(احسن يوم قومك ... بس من وين عرفت الاجابه) مازن(انـــا هنـــا )ضحكت تموت عليه إذا قال كذا..(زين انتبه شكله ناوي عليك اليوم)
    مازن (اقنعي ابوك وخليني اوصلك لسعوديه ونرجع مع بعض في نفس الطياره) ريماس(مقدر الاجازه قصيره وبنروح الأسبوع الثاني لروما)
    مازن(عشان كذا كنتي تبغين اجلس اسبوع موعشاني عشان محد عندك...بس عناد فيك بسافر عند اهلي وبغيب الاسبوع الاول من الدوامات بعد)
    ريماس(عــــــادي)
    مازن(طيب سافري معي ترا ماخاسر الا انتي)
    ريماس(إن شاء الله بس انتبه)
    لف لها لقاها كاتمه ضحكتها قرب منها لحد كتفه ماجا جنب كتفها وقام يطالع لدكتور وهو يشرح...أما ريماس تفاجئت من قربه منها صح مازن جرئ بس مو لدرجه لاصق فيها ..سوت نفسها عادي وقالت انتبه لايقومني انا..فجـــــأه حست بيد على يدها زادت نبضات قلبها همس من دون يطالعها "بتشتاقين لي"
    مشاعرها تكهربت وماردت حست بشرارات بين جسمها
    وجسمه كانت بتسحب يدها من يده بس قلبها ماطاوعها حست بعروق يدها تنبض تحت يد مازن خافت يحس فيها و سحبتها لكن كان يقرا افكارها وسكر يده بقوه على يدها كل هذا وهم يطالعون الدكتور بس محد فيهم يدري وش يقول..ريماس ودها تبكي مو من الالم في يدها..لا من عاصفة المشاعر اللي اجتاحت قلبها بهالحظات ودها تحط راسها على كتفه ودها تقول احبك من دون خوف ودها تقول عورتني ياقلبي..حس مازن انه ضايقها خصوصا انه لاحظ انها تطالعه لف لها ببرآئه و انصـــــدم
    شاف اللي يكره يشوفه عوره قلبه وده ماسوى اللي سواه قام يلعن نفسه ...صح شاف اللي حلم يشوفه بعيونها حب ومشاعر صادقه ووله وشوق
    مع دمعه حاولت انها تمنعها بس ماقدرت لكن يكره يشوف دموعها..اما احساسه ماكان خوف كونه شعور بالفرح لانه عرف هالدموع ليه نزلت ...فك يدها شافهاحمراء من اثار مسكته قال من دون يطالعها
    "اســـف" وقف وراح لدكتور تكلم معه بصوت واطي وطلع والتفت لها الكل غدي وبدر وحمدان وميشو ومجدي مستغربين من حركه مازن ومتفاجئين من ريماس لانها حاطه راسها على الطاوله...
    .....
    ........
    .....
    بعد ماانتهت المحاضره اللي كانت اطول من ليالي الشتاء على قلب الشله طاروا لها وسألوها وش فيها بس مارفعت راسها ورفعته غدي غصب وشافوا دموعها حاولوا معها تقول لهم وش فيها بس مارضت دق بدر لمازن مارد وطلع مع حمدان يدورونه ومجدي استاذن وطلع..
    ميشو/اش اللي صاير ريماس..
    جلست غدي مكان مازن و مسكت يدها/وش صاير ليش تبكين وليش مازن طلع...
    ريمـــاس/.......
    دخل مجدي وخذا ميشو ....
    لفت ريماس لغدي/مازن يحبني ..يحبني ياغدي...
    غـــدي بفرح/هو اللي قالك ؟
    ريمـــاس أشرت براسها بالنفي/هو ماقال بس افعاله قالت...!
    غـــدي ضمتها على دخله مازن وبدر وحمدان...
    غـــدي/هلا مازن ليش طلعت...
    يوم سمعت اسمه رفعت راسها من كتف غدي ومسحت دموعها...
    طالع ريماس وهي تمسح دموعها ابتسم وطالع غدي/ ابد حسيت اني عطشان وماقدرت اتحمل وطلعت... وجلس قبالها /اشفيك...
    هزت راسها بمعنى مافيها شي..
    غـــدي عرفت ان مازن يبغى يتكلم مع ريماس واشرت لبدر واستاذنوا هم وحمدان وطلعوا
    .... اما ريماس كانت بعالم ثاني من دخل مازن كانت تتأمله وهو يتكلم مع بدر وحمدان قبل يطلعون ثم لف لها وأبتسم/ادري انك زعلانه بس....
    تقاطعه ببتسامتها المعهوده/ من قالك زعلانه!!
    بشك/مو زعلانه..
    /لا بس بيني وبينك توقعتك رومنسي ماتوقعت تعبر عن مشاعرك بهالطريقه!!
    /هههه وانا ماذبحني إلا هالرومنسيه اللي ماقدرت تعبر عن مشاعري...قلت اغيرها!!

    مــازن وريمـاس/

    هههههههههههههههههههه....
    نزلت راسها فجأه ثم رفعته وركزت بعيون مازن ابتسمت و هزت راسها/ بشتاق لك...
    فرح يعني هي تحبني مثل مااحبها ..تحبني مثل ماتوقعت..تحبنـــي تحبنـــي
    ..انتبه من سرحانه/ ريماس..
    /نعم..
    /تحبينـــي!!
    فاجئها السؤال و قامت تجمع اغراضها ومرت من جنبه ومسك يدها/على ويـــن؟
    وقفت تطالعه..
    /لاتقوليـــن إيه وإلا لا... بس جد لاتزعلين..
    /ههههه..
    /وش فيك!!
    /ولاشي..يالله تأخرنا عليهم وانا جوعانه ما أبغى افوت عزيمه حمدان...مدت يدها له ومسكها وطلعوا...

    םםםםםםםםםםםם

    خذنى بحضنك 00رواية00سعودية00رومانسية 00جريئة




    آخـــر يـــوم في الجامعه قبل الأجازه(الاجازه اسبوعين استراحه وبعدها يكملون الدراسه) ...

    =======
    ماعند الشله إلا محاضره وحده الساعه9 وتنتهي11 وكانت لدكتور جورج ..بعد مـــاأنتهت طلعوا معه وسألهم إذا بيسافرون وسأل ريمـــاس إذا بتسافر لسعوديه... ثم سلم عـــليهم ومشى وطلعوا من الجامعه فـــرحانين...
    ... اخيرا جت هالأجازه و بترتاح الجامعه من الدوشه المده هذي إلى عوده طلابها لستئناف الدراسه مع انها مو طويله 15يوم بس يرتاحون من المحاضرات وملل الدكاتره و الروتين في بلاد الغـــربه... عزمهم بدر في المطعم على غدا محترم بعده طلعوا مع بعض لنهر التايمز عدا ميشو لانها راحت مع مجدي وحمدان دق له واحد قريبه يشتغل بلندن ..وحجز بدر لهم في السفينه بس ريماس رفضت مثل العاده واصروا عليها بس مافيه امل تغير رايها وركب بدر وغدي لان غدي قالت نفسها فيها ... بقى مازن و ريماس ..
    صد لها/ ليه ماركبتي...
    /انا اخاف بس انت ليش ماركبت معهم...
    /هذا انتي قلتيها مابي اتركك يالخوافه...
    /هههه انا اخاف من المويه لكن هنا عادي..بس انت كان ركبت...
    /تراني ركبتها ولا مليون مره بس كنت ابغاك تشوفين الفلل والقصور والشركات والمناظر الأثريه من وسط النهر ...
    ... راحوا لمنتزه مازن يروح له دايم مع شباب العائله اذا جو للندن...جلسوا فيه من الساعه 3 العصر ضحك وسوالف مابقى موضوع ماتكلموا فيه إلا حدود علاقتهم او وش ممكن ترسي عليه خصوصا انه مابقى إلا 4 شهور على نهاية السنه وبعدها بيرجع هو لسعوديه وهي بتعيش مابين السعوديه و روما... كان الجو بارد نزلت ريماس جزمتها وشالتها و قامت تمشي على الثلج




    استغرب/ ليش تسوين كذا؟

    /احب امشي على الثلج..
    بمرح /بس كذا توقعت تأخر الرماتيزيوم...
    طالعته بغيظ وضحك عليها وقامت تكور ثلج وتحلته به ...
    وتمشوا إلى الساعه10م ثم راحوا لسوق لان مازن يبغى هدايا لأهله ودخلوا مول كبير قالت /كل واحد يتسوق لحاله واللي يخلص يدق على الثاني..
    وافق ودخلوا كل واحد راح من جهه معاكسه لثاني مازن كان يكذب هو شاري هدايا اهله من زمان بس لو ماقال كذا بترجع لبيتهم لانها تأخرت فحب يجلس معها اطول فتره ممكنه..أما ريماس قالت يتفرقون لانها تبغى تاخذ له هديه وراحت لقسم الهدايا ...و بعد ½ ساعه يدور ما لقى شي لريماس ... دقت له وطلع لها..ماتت ضحك يوم شافت الدبدوب اللي معه كان كبيــــر يعني مازن شايله مابين من جسمه من ورا الدبدوب إلا راسه ورجلينه..لونه بيج اعجب ريماس هالدبدوب سوا شكله أو كبر حجمه...وقف ونزله على الأرض وضحك على حركه ريماس كانت حاطه يدينها على راسها من كبر الدبدوب



    ..وطالع يدينها فاضيه/ ماأعجبك شي...

    / لا... بس كيف بتشيل هذا...
    / اعجبك انا...
    / وش تبغى فيه؟! . / لبشاير أختي تحب الدباديب..
    حست بالغيره من هالبشاير مو كافي اني كل ما أشوفه تدق له او يدق لها و فوق هذا شاري لها هديه و بيسافر لهم ويتركني وبيشوفنه ويتهنون فيه... مع انها اخته و عادي اللي يسونه مع بعض اخت واخوها بس ريماس حست بالغيره وخلاص...
    ... طلعوا من المول وتعشوا ثم وصلها مازن للفندق حقهم ونزلت..
    /ريماس..
    لفت له/نعم..
    نزل وخذا الدبدوب /اتمنى تقبلين هالهديه المتواضعه .. وعطاها إياه.. رفضت تاخذها بحجه انه شاريه لأخته...
    /من قالك شاريه لغيرك..
    /انت قلت لأختك!
    /بشاير شاري لها من اسبوع...
    قامت تطالع الدبدوب ثم رفعت راسها/ مشكور يا...
    / هههه يااا ايش...
    بخجل/ياأحلى مازن..
    مـــازن/ بــــــس!!
    / ليه وش كنت متوقع
    بمرح/ سلامتك...
    / طيب كيف اشيله..
    /عادي هو يشيلك !..هههههههه وصافحها
    / نام بدري عشان تصحى بدري..
    ... تواعدوا يشوفها بكره قبل طيارته بوقت...ورجع ...
    ...
    .....
    .......
    ...........
    .......
    .....
    ...
    الساعه ½ 7ص ...
    =======
    ... دقت لمازن تطمن إذا صحوا وكانوا احرص منها لانهم صحوا ونزلوا يفطرون
    اما هي افطرت مع ابوها و سلمى ثم دقت لغدي وطلعوا لشباب مع سواق ريماس وركبوا اغراضهم وطلعوا يتمشون مع بعض لحد الساعه 8 دخلوا المطار... لان طيارتهم الساعه 9ص ... وراح بدر وغدي يختمون الجوازات ومازن و ريماس واقفين يطالعون غدي وبدر ليما بعدوا لف لها لقاها تطالعه ابتسم/وصلنا اخر المشوار...اقصد المطار وشوي وبسافر ...
    ريماس/حطت يدها على قلبها و غمضت/ آآآآه
    بخوف/اش فيك ...
    فتحت /حسيت بنغزه!!
    بخوف/من ايش!!
    ابتسمت بعذوبه/منـــك...
    بادلها الابتسامه/عشان بسافر..
    بجديه/لا عشاني ما حب اسمع الكلام هذا..
    /اي كلام..
    /آخر المشوار... اخر المطاف...ومن هالكلام...
    / اها بس جد حنا وصلنا آخر.....(وسكت) لانها رفعت له يدها عشان مايكمل...
    وطلعت من جيب بنطلونها نوتا صغير وحطته بجيب التشيرت حقه..وطلعت علبه مسكت يده وحطتها فيها/لاتفتحها الا بغرفتك في السعوديه ...
    / مافيني صبر...
    تذكرت مازن ولد خالتها يوم اهداها السلسله يوم كانوا صغار وابتسمت...
    /
    ضحكيني معك...
    /هههه لا ولاشي..
    شاف بدر وغدي من وراها راجعين لهم حب يستغل كل ثانيه معها....
    /ريماس..
    رفعت راسها كانت تلعب بجوالها لان مازن احرجها بنظرتها/ نعم..
    ماكان يبغى يسافر قبل ما يتأكد من مشاعرها مع انها دايم تقوله يالغالي/بتشتاقين لي؟!
    بخجل/ أكيــــــد..
    /بتكلميني؟!
    / اكيــــــد..
    /بوحشــــــك ..؟!
    /اكيــــــد..
    /بتفقدينــــــي؟!
    /اكيــــــد..
    /تـحبــيــنـــي؟!
    /اكيــــــد..
    لحظـــة صمـــت..............
    ..بعد ماستوعبت سؤال مازن وجوابها نزلت راسها...
    /ههههه من متى؟؟
    عصبت لانه استغل برائتها /انت شتقول..
    شاف بدر وغدي ما يفصلهم عنهم سوا خطوات/و لاشي..
    / بس انا ما....
    غـــدي/طولنا عليكم..
    لفت لهم وسكتت..
    مـــازن/لا ابـــدآ.
    غـــدي/يا الله والله بيصير لكم فقده...
    مـــازن/ اكيــــــد (يطالع ريماس اللي صدت عنه وابتسم)
    (يا الله انا وش فيني ليه قلت له ..معقوله كان يستدرجني عشان اقول له اوفففف وانا اللي اقول بخليه على اعصابه
    لحد مايرجع بس آه منك يامازن والله بشتاق لك كل ثانيه ودقيقه وبتوحشني وبكلمك كل يوم
    لحد مااطفشك وبحبك ضعف حبك لي مليون مره.. بس لا تطول علي) كل هذا يدور في خاطر ريماس...
    وبهالوقت كانوا البقيه يتناقشون في الوقت المتبقي لطائره طالع مازن ريماس/يا هوه نحن هنا..
    ابتسمت وشالوا شناطهم لاحظ شرودها نزل شنطته و استاذن يجيب له مويه بارده من السوبر ماركت اللي قدامهم مشى خطوتين عشان مايشكك بدر وغدي في نيته ثم لف لها/ تخاويني..
    لحقته بس هو مادخل السوبر ماركت سحبها لدورة المياه
    (عزكم الله) و وقفوا قبال غسالات اليدين وسكر الباب...
    قرب منها مازن لحد ماتبقى بينهم الا مسافه صغيره وحط عينه بعينها وهي تراجعت كارده فعل طبيعي مسك يدها وحطها على صدره وهي صدت عنه...
    بجديه/اوعدك هالقلب مايسكنه غيرك وإن حب غيرك لدوسه برجليني!...
    ابتسمت له ابتسامه ذوبت قلبه وحركت كل خليه بجسمه ... اضطربت مشاعره قرب منها...كان ناقوس الخطر يدق عنده تدارك نفسه وحب راسها لانه كان بيبوسها بس صرفها بالحظه الأخيره...ريماس كانت حاسه باللي يدور في باله لكن ماقدرت تمنعه كأن جسمها انشل عن الحركه ويوم حب راسها ماقدرت تقاوم شذى عطره اللي خدرها...ماحست الا وهي ترمي نفسها بحضنه وهو كان محتاج لهالتهور وحضنها لصدره وقام يلعب بشعرها بكت من 3سنوات حبته بجنون حبته اكثر من نفسها بس كان صعب تعبر عن هالمشاعر وجا الوقت والوقت المناسب اللي تعبر فيه مع انه ياما تسبب في نزول دموعها اذا شافته بصدفه او احد قالها انه مع ليال
    (كويتيه تحبه بس هو عادي عنده حتى بدر وحمدان يكرهونها لان ملابسها عاريه ماكأنها بنت خليجيه وتحكمها عادات وتقاليد وفوقهم دين بس الكلام لهلها مو لها) رفعت راسها له وتركها و وقفت قباله وتلاقت عيونهم متعطشه لهذا التلاقي كأنهم ماشافوا بعض من سنين قالت بدموع/لا تتـــــــــأخر...
    ابتسم وهو يشوف دموعها الكفيله انها تذوب قلبه رفع يده ومسحهم/احـــــــــاول
    سحبت يدها من يده ومشت
    /ريماس.
    ريمـــاس لفت له وهي تمسح دموعها كارهه سفره عنها هو لاغاب يوم جنت عشان تشوفه كيف بيسافر عنها اسبوعين/لبيـــه...
    ابتسم ومسك يدها و طلع خاتم من جيبه وحطه بأصبعها



    / لاتفسخينه لحد مارجع"تاملها بسرحان" وإذا طالعتيه اذكريني...

    هزت راسها بالموافقه..
    بابتسامه/ Broms
    (وعـــد)
    ‏ ‏/ Broms‏ ...
    قام يتأمل هالملاك اللي بيوحشه كثير...
    /احممم طيارتك!
    مسك يدها ومشوا بيطلعون والتفت على ورى لان ريماس وقفت لقاها مبتسمه وابتسم/أش فيك؟
    /بتشتاق لي؟
    / أكيـــــــد..
    /بتكلمني؟
    /ههههههه أكيـــــــد..
    /تحبني؟
    /على طول!ههههههه أكيـــــــد بس اسألتك ناقصه!!
    ههههههههههه
    وطلعوا حصلوا بدر على اعصابه
    بـــدر/كان نمتوا هناك بعد...
    ريمـــاس/ليـه طولنا!!
    غـــدي بمرح/لا بس بدر خايف الطياره تخليه...
    مـــازن يكلم غدي/خاف طيارة ابوه ...ثم لف لبدر (يضحك) أنا هنا وغمز له!!
    بـــدر سحبه من يده /امش الله يخليك مامضيعني الا انت ...ويوم بعدوا شوي عن البنات بـــدر/ وين المويه اللي شريتها..
    تورط ثم ضحك مشكلته مع بدر انه فاهمه/شاريها اتمنظر بها وإلاعشان اشربهاوارميها...
    بـــدر/تصدق صدقتك ...
    مـــازن/شي راجع لك..
    ثم لفوا للبنات
    /يالله مع السلامه عنوده.. اشوفك على خير(وطالع غدي)ديري بالك على نفسك و عليها...
    غـــدي/ افا عليك اعتمـــد..
    ومشوا وقبل مايدخلون الصاله لف لها واشر شافها تمسح دموعها...ودخل أماهي من دخل مازن ضمت غدي وقامت تبكي...

    °°°°
     
  5. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    °°°°°°
    °°°°°°°°
    ... اليوم سافر مــازن وبــدر لسعوديه والليله طيارة ميشــو ومجدي للجزائر وبــكره طيارة حمدان للأمارات وبــقى انا مقدر اسافر لان الاجازه قصيره وبجلس مع ابوي بنســافر بعد اسبوع لروما و غدي متــعوده ماتسافر لأن اهلها معــها عدا اخوها الكبير بسعوديه متزوج وهو اللي بيجــي لهم..




    في السعوديــــه>>المطــــار

    =======
    ...وصل الاخ المحبــوب الأبــن البار الشـاب الوسيم الــرجل المثالي ... مازن ابــن26 ربيعا ابــن الغربه عانى منها الكثير وعاش فيها غريب وبها تحمل

    الشاعري الرومنسي المحب المخلص الحنون ...مــــازن عاد من جديد لتحضنه ارض بلاده وتغطيه سمائها ويداعبه هوائها ...سيبقى فتره وجيزه ليعيش كل لحظه بها بين اهله واصحابه واحبائه... ويعود ادراجه من جديد بعد ان يملئ رئتاه حب ووفا وذكرى لوطنـــه الأم..
    ...استقبله هيثم اخوه وخاله حاتم ومعتز ولد عمه...وطاروا فيه هذا المزيون ابو معاذ..
    3سنوات من عمره...مــــازن






    +سبــحــــان الـله+

    +سبحـان الـله+ +سـبـحـان الـلـه+
    +ســـبـحـان الـلـه+
    +سـبــحــان الــلـه+ +ســـبــحـــان الـلـه+
    +سبــحــــان الـله+
    +سـبــحــان الـلـه+
    +سبحـان الـله+
    +سـبـحـان الـلـه+
    +سبــحــــان الـله+











    بيـتـ ابو هيثــــم







    >> مجلس الرجال...

    =======






    الكل مرتبش وفرحان بمازن

    لحظات مرت ضحك سوالف قهوه شاهي دخون هذا واقف يصب القهوه وهذا يعدل شماغه وهذا يتكلم في الجوال
    وفجـــــــــــــــــأه
    عم الصمت وهدأ المكان وتعلقت العيون على من القا تحية الإسلام بصوته المرح صوته الجهوري صوته الذي يميزه الجميع واخيرآ ردوا السلام والابتسامه تعلو محياهم ....وقف الجميع مستبشرين بحضوره ابو هيثم اول واحد هلا فيه/مرحـــبا بهالصوت ... وجاه مازن طاير وسلم عليه وحب خشمه وراسه ويده...
    أبو هيثـــم/يامرحبا والله وشلونك وانا ابوك..والحمد لله على سلامتك..
    مـــازن/الله يسلمك ..وشلونك انت عساك طيب..
    أبو هيثـــم/بخير وسهاله يوم شفتك...
    أبو ثامـــر قرب من مازن وقال لأخوه/ اجـــل هو ولدك لحالك!!
    لف له مازن وضحك/ حيـــا الله عمي ..
    أبو ثامـــر/حيا الله الشيـــخ.. وسلم مـــازن وحب راسه...
    ثم سلم على الشباب كلهم...
    واخيرا طمن(نزل راسه=او دنق) على جده "ابو محسن" وحب راسه..شلونك ياجـــدي..
    الجـــد/هلا وغلا بالغالي
    ...ومسك يده وجلسه جنبه...
    وشلونك عساك طيب...
    مـــازن/بخير جعلك بخير...
    الجـــد/عسى ماتعبت...
    مـــازن/لا الحمد لله.
    الجـــد/وشلون المدرسه!!
    مـازن بأستغراب /المدرسه!! ثم لف لشباب وماتوا ضحك/ايه المدرسه ماعليها زينه.
    الجـــد/وعساك بتنجح...
    مـــازن/ههههه وراك غاسل يدك مني!!
    مهـــند/نورت السعوديه يابن عمي..
    مـــازن/يعني تبي تفهمني عايشين بظلام من رحت لـــين اليوم..
    حاتـــم بمرح /لا مهوب لهالدرجه..
    مهنـــد/الظلام هنا يالمزيون ...وأشر على صدره..
    الكـــل/وااااااااااو.....
    وقام مازن وجلس جنب ابوه/شخباره ابو مـــازن...
    ابو هيثـــم/بخير وانا ابوك...
    ابو ثـامــر/يامتى ترجع لنا و تخلص من هالروحات وانا ابوك!
    مـــازن/هـانــت ياعمي الحمد لله....إلا شخبار خالتي..
    ابو ثـامــر/بخير تسأل عنك.
    مـــازن/تسأل عنكم العافيه...
    ...ثم بدا الضحك والتعليق والسوالف ...وبعد مرور ساعه طلع مــازن يسلم على اهله...
    םםםם
    םםםםםם
    םםםםםםםם

    <عائـــ لة ابــو هيــثم>

    =======
    (ابو هيثم/ تــــركي اب مثالي في هذا الزمن...يخاف على عياله ويداري مشاعرهم عمره ما قال لأحد منهم لا في شي لمصلحتهم حكيم و خبير.. رجل عصامي كافح لبنأ شركة العائله مع ابوه واخوه وبعد وفاة ابوه مسك الشركه مع اخوه ابو ثامر و ولد عمته ابو نواف)
    (أم هيثم/نــــوف طيبه لآخر حدود الطيبه وحنونه على عيالها وعيال اخوانها اللي توفوا.. و احيانا شديده لشي فيه مصلحه لهم...انسانه مؤمنه بقضاء الله وقدره)
    (هيثــــم/ اكبر عيالهم يلفت الانتباه برزته وتزانه يموت على اخوانه متزوج ريناد بنت عمه عنده تركي عمره سنتين ...ماسك قسم المحاسبه في شركة العائله)
    (مــــازن /اصغر من هيثم اجتماعي بشكل غير طبيعي يشبك مع اي احد بسهوله يدرس في لندن وهذي آخر سنه له شاعري مليان مشاعر واحاسيس انسان راقي بتعامله يملك موهبه الكتابه عنده مقالات جنان لدرجه يقولون له اخوانه يجمعها في مجلد شرط يصير مليونير أوعلى الأقل ينشر في مجله بس يقول كتاباتي مشاعري الخاصه و شي خاص فيني... ولصراحه عنده الفاظ مؤثره واسلوب روعه مقالاته باختصار تمس وتر حساس لكل المحبين... على فكره المفروض كان يدرس في امريكا اوراقه قبلت هناك وكل شي تمام بس قرر يدرس بلندن لكثره العرب هناك و الخليجين حدث ولاحرج اللي دراسه واللي علاج واللي مصيف واللي مهاجر هناك)
    (ميهــــاف/ 22سنه جميلـه .. تخرجت من الجامعه العام تخصص احياء.. تتميز بقلبها الحنون على اخوانها وابوها وامها خطبها معتز ولد عمها بس للحين ماردت وهي تموووت فيه)
    (بشــاير\
    [صاحبة�الروح �المرحه]
    جمالها هادي جسمها حلو وشوي طويله آخر العنقود عمرها20 سنه جامعيه تدرس علم نفس باقي لها سنتين وتتخرج)......
    ...ومعهم في نفس البيت عم ابوهم وخال امهم يقولون له الشباب والبنات جدي ...اسمه محمد له ولد اسمه محسن اسر في حرب الكويت الى إن مات... و زوجته ماتت قبل ما يتوفى ولده بسنه واحيانا يروح لبيت ولد اخوه الثاني(أبو ثامر)




    ......

    .........
    =======
    .... دخل مازن من باب المطبخ اللي من جهت مجالس الرجال..




    وحصل ريمان "شغالتهم أو البشكاره على قول اهل الامارات" /ها ا ا ا ا ي ...

    لفت لصوت شافت مازن "هي تموووت عليه"..
    ريمــان /وا ا ا ا او..WeLcome
    ومسحت يدها من المويه وصافحته بحراره...
    ابتسم من حركتها وصافحها/فيه احد هنا...
    ريمـان/yes
    /طيب نادي لي احد...
    ريمـان/ok..
    سمع صوت ميهاف وركض يتخبأ توقعها جايه للمطبخ وصدم سواري(خادمه ام ثامر) همس/Excuseme
    ‏(المعذره)
    سواري/no problem
    (لا مشكله)
    طلع لصاله بعد ماطول ينتظر.بس وينها من ثواني سمع صوتها بس وين راحت شافها داخله من الحديقه معها تركي ولد هيثم وعزوز ولد ثامر شكلها جايبتهم من الشمس ...
    شافه تركي ولد هيثم وصرخ بصوت عالـــي/ااااذن.
    رفعت راسها وشافت مازن مطمن لتركي عشان يشيله ابتسمت ابتسامه صادقه من قلب يموت عليه وراحت له
    شال تركي يبوسه/وشلونك حبيبـــي!!
    تركــي/تيب..وين هتيه؟
    (وين الهديه)
    ضحك/وراك حار مهوب الحين!
    بعصبيه/اتى
    /عساك ماتطقني بس ..لا راح عزوز عشان ماياخذ هديتك...
    وباسه ونزله يوم وصلت ميهاف وقدم لها وفتح يـــدينه وضمها..مع هالبنت ينســى هموم الدنيا كلها يحبها موت واسراره عندها .. قريبه منه بدرجه كبيره...صح يحب دلع وخبال بشور ويحب يدللها ...بس ميهاف غير تفهمه على طول وتترجم نظرات عيونه للغه مفهومه...
    وميهاف بحضنه/ والله وحشتينـــي وحشتينـــي!!
    /وانا اكثر...
    فكها ومسك يدها/شخبارك ..
    /انا تمام
    .. قامت تتفحص وجهه نورت السعوديه
    /هههه كل من شافني قال نورت السعوديه والله من الشلخ عندكم!!...
    /هههه...الحمد لله على السلامه...وإلا بعد اكذب في هذي..
    /والله على حسب نيتــك .. الله يسلمك...فيه احد داخل..
    /أيه خالتي وريناد واهل خالي وجدتي..
    شاف بشور جايته تركض بعد صرخه سمعها الرجال اكيــد... وبلهفــه وشـوق حضنت اخوها وبوسته على خشمه وراسه وهو ميت ضحك هذي بشور ماتعقل /الحمد لله على سلامتك..
    مـــازن/الله يسلمك شخبارك؟
    ببتسامه/ازقـــح بس انت كيفك وش اخبارك وشمسوي..
    مـــازن/ بخيـــر الحمد لله...
    ... طلعت امه من مجلس الحريم بعد ماخبرتها ميهاف.. يوم شافت مازن مسحت دموع الفرح ومشت له وهي تسمي عليه وتلبي قلبه وقدم مازن لها مبتسم وسلم عليها وحب راسها/يا الله يمـــه وش له هالدموع؟
    /غصب عني وانا امك!!
    /الله يعين..طمنينــي عنـك.
    /بخير ربي يعافيك ويسلمك..
    بشايـــر/يمــه يمـــه
    سفهتها/ وكيف دراستك و اختباراتك...
    /الحمد لله..
    بشايـــر/يمــه يمـــه
    /عافيـــه خلينـــي اشوف اخوك..
    بشايـــر/هذا وهو توه واصل وسافهتـــني بعدين وش بتسويـــن!!
    أمهـــا/ماعليكي منه!!
    يطالع بشاير ويضحك عشان يغيضها/ ياشين الغيـــره
    ..."ولف لأمه" شخبارهــا جدتي وخالتي!!
    /مافيهم إلا عافية ربي..ادخل سلم عليهم مابه احد...
    ودخل بعد ماعطت بشور البنات خبر ان مازن بيدخل يسلم ..
    مـــازن/احـم احـم ...ياولــد ودخل ..الســـلام عليـــكم..
    الكـــل/وعليـــكم الســـلام..
    قامت خالته/ياهلا ويامرحبا..
    سلمت عليه ودخل يسلم على جدتـــه..
    الجـــده ضمته بقوه مازن يتميز بمكانه مرموقه في العائله/بشرني عنك يابوي..
    مـــازن/الحمد لله بخيـــر..
    الجـــده/عسى.. وإن شاء الله خلصت..
    /لا بقى علي حول4 شهور..
    تطمنه/عجله وانا امـــك على الحي والسالم...
    /الله يعين ....
    /الله يوفقك ويسنع امرك ويرزقك بنت الحلال...
    طالع ميـهاف قدامه وابتسم ...
    ولف لجدتـــه/انتي وشلونك الحيـــن...
    الجـــده/احمد ربي وشكره ماشكي باس...
    مـــازن/الحمد لله وصد لصوت انثوي يعزه..../الله يسلمك وشلونك انتي ووش اخباره نواف...
    ........../الله يسلمك...
    (هذي هند مرت خاله) ...
    ثم سلمت عليه ريناد والعنود دخلت بشاير معها عصير ووزعته على شرف مازن..دق جواله بنغمة رساله سكره من دون يفتحها وكمل معهم ساعه الا ربع ثم شال تركي وطلع مع ميهاف للمطبخ..وفتح الرساله في طريق لقـــاها من
    "عنـــود الريـــم"
    ((قل لأمـــك سمـــح الله خطاهـــا...جـــابتك فتنـة
    للقلـــوب الرهيفـــه))
    عطى الجوال لميهاف..وقامت تضحك..
    /شكلها ذايبه...
    بثـــقه/بس ذايبه قولي منتهيـــه..
    ابتسمت بشك/ شكلك
    شكلك مغبي عني شي..
    ضحك/تقدرين تقولين بس بعديـــن بقولك على رواقــه...
    وطلع لرجال وهي رجعت للبنات.
    .....
    .........

    العــــــصر فضى البيت ودخل مازن مع ابوه وهيثـــم راجعين من المسجد..مالقوا احد في الصاله استاذن وطلع لغرفـــته يرتاح .. وشاف ميهاف تصلي لان غرفتها جنب غرفته/تقبل الله..

    ودخل غرفته ...وانسدح وابتسم يوم ذكر رساله ريماس الظهر.. وطلع جواله فكر يدق بس قال ارسل الحين وبدق لها الليله..و ارسل/
    (ابســألك عن شي مابين الضلوع ماتشوفه بس تحس وتسمعــــه لايكل ولايمل ولايجوع بس يوم تصد عنه توجعــــه دوم يبكي ولا بكى ماله دموع ولا بكى من حبكم أبكي معــــه عرفته وش من الأشياء يكون؟ إذا عرفته تراك عرفت حبــك وين موطنـه)

    ====

    المكــــان/لنــدن
    في البلكونه حيث تقف هناك مبلله بالمطـــر ..
    ======
    سمعت صوت مسج دخلت على امل يكون من مــازن و فرحـــت يوم شافت المسج بأسم"شبيــه الـريــح"
    معناه ما انشغل عنها مثل ماتصورت انه بيكون في عز دوشته هناك بين ناسه واهله واخر شي يفكر فيه هي بس الحمدلله مع انها انقهرت يـــوم مارد عليها الظهر بس اسعدها انه مانساها...
    وردت/
    (لو دريت ايش صارلــي في غيابك ماكان طــاري الفراق اليوم يقفي بك الـــبعد طول علي والشوق ماجابـــك ياليت طيفك يحن اليـــوم ويجيبك)
    ========
    طلع من دوره المياه



    بعد شور جدد نشاطه وفتح شنطته عشان ياخذ علبه ريماس والنوتا من بنطلونـــه وراح لسرير








    وفتح علبه ريماس حصل ميداليه على شكل مجسم صغير (تقدر تسكر يدك عليه) من زجاج ثقيل الوزن لبنت خياليه مثل الملاك باسه ورجعه للعلبه وفتح النوتا ..

    الصفحه الأولــى كاتبه فيها بخط رووووعه
    (من السهل أن ينسى الانسان نفسه ولكن من الصعب أن ينسى نفسا سكنت نفسه)
    الثانيـــه(جميل أن يكون لك قلـــب أنت صاحبه ...ولكن الأجمل أن يكون لك صاحب أنت قلـــبه)
    الثالثـــه(سهــل أن اشتاق لك ...وصعــب أن اجدك كلما أشتاق ...!!)
    الرابعـــه( من المستحيـــل أن أمحو ذكرياتـــك من قلبي أو أن تكون في يوم ورقه طـــواها النسيــان)
    --- قرا قرابه 10ورقات ثم حطه تحت وسادته وغمض عيونه تمهيد لنوم....

    םםםם

    םםםםםם
    םםםםםםםם





    بعـــد المـــغرب بساعه ونص طلع ابوهيثــم وهيثــم وجده وأمــه و بشايـــر...لبيت اخوه لان عنده عشاء عازم مــازن ...

    وجلست ميهاف على اساس تلحقهم مع مازن راحت للمطبخ وطلعت حلى من الثلاجه و سوت عصير وطلعت لصاله دقايق ونزل مـازن وشاف اللي قدامها/هاه نمشي وإلا تونا بدري ...
    / لا تونا اجلس..
    جلس/وهذي جلسه اش عندك...
    عطته العصير خذاه منها /الموضوع ومافيه اشتقت لك!!
    /مهوب كثري والله ..
    /شخبار الدراسه..
    /ماشيـــه!!
    / بس ماشيـــه..
    يضحك/وزينــه بعد...
    بمرح/ اجل مهيب زينه وانت جالس6 شهور ماشفناك..
    بجديه /والله ماأفضى تطبيق وامتحانات وبحوث وحـــاله قشرا...بس بصراحه لاجيت هنا انسى التعب وابو ابوه..
    /الله يـــعينك...
    /انتـــوا وش اخباركم وكيف امي معاد تعبت!!...
    /لا الحمدلله..
    /وابوي شخبار الشركه معه!!
    /ماشيــه...شخبار عنودك ...
    /آآه ياميهاف ياحبــي لها..بس اليوم خبلت بي.. نسيت احط جوالي على السايلنت و ازعجتني مسجات ومكالمات لدرجه اعطيها مشغول!!
    /وليــه ماقفلته...
    / لا ماحب اقفل في وجهها...
    /طيب كان رديت...
    / قالوا ثور قال احلبوه..اقول قايم من النوم تقول كان رديت!!
    /عـــاااادي...
    /لاياقلبي ما بغاهاتسمع
    صوتي وتوني قايم من النوم...
    بسخريه/قول كذا...طيب دقيت لها...
    /ايه بس عقب ماطيرت عقلها ..وقامت تهاوش علي ليـــه اعطيها مشغول..قلت اني كنت تعبان وصحيتينـــي وقامت تضحك(تلفت)ويـــن بشور اجل؟!..
    /راحت مع هيثـــم..
    نزل كاسه/هاه نمشي معتز ينتظرني الحين...إلا على طاريه وش قررتـي بموضوعـه.
    مبتسمه/كل شي بوقته حلـــو!!
    /ابن الحلال عند طاريــه هذا هو دق..
    /خلاص بلبس عبايتـــي..

    םםםםםםםםםםםםםםם


    ... رجــع مــازن وامــه و ابــوه وميهــاف وبشــور من بيت عمه ..وجلسوا في الصاله يسولفون مع مازن..

    ثم وصــل هيثم وريناد وتروكي بعد ½ساعه ...
    وطلعت ريناد فوق بعد مادخلوا ام هيثم وابوه ينامون أما هيثـم وولده جلسوا ...وخذا مازن الريموت يقلب في الدش وحصل افلام كرتون وعداها قاله تركي يرجع بس مازن مشاها وقاموا يعلقون عليه ويضحكون عصب وجلس في حضن ابوه وجاه النوم وقاموا يحلتونه وإلا لاغمض ينادون بأسمه بصوت عالي عشان يطيرون عنه النوم..
    تركــي لف لأبو بسرعه كانه تذكر شي/بوي...
    هيثــم/لبيـــــه..
    تركــي/هايدي برت بيتر(هايدي مرت بيتر بس هو نص الحروف يبلعهم...)
    هيثــم استغرب سؤاله/لا لــيه...
    تركــي فاتح عيونه على الأخر/إلا...
    هيثــم/من يقوله؟..
    تركــي/اواف(نواف)
    هيثــم/يا هالنواف الحين تكذبني وتصدقه!!
    مــازن/طيب وانت وش حارق رزك قل إيه...
    هيثــم/ماحب اكذب عليه!!
    مــازن / اي كذب من شفتهم يترززون على الضلعان وانا غاسل يدي!!...
    هيثــم/ههههههه..
    بشايــر تكلم هيـثم/وانت احمد ربك لو طلع ولدك على نـواف بن حاتم...
    مــازن/وانا اشهــد!!
    ميهــاف/ مازن وش سوى نواف يوم شافك...
    مــازن/بغى يستخف و لايقول عشاني لاتسافر...
    ميهــاف/علمك ابوه انه يقول اكثر واحد احبــه مازن ثم انت...
    مــازن/ههههه ايه يعلمني خالي يقول ياأجلس هنا يا خذه ودرسه على حسابــك...
    قلت ياولــد انا ادور احــد يتبناني هناك...
    وقامت تضحك بشايــر على رد مــازن..
    بشايــر/طيب نواف تغيــر عقبك..
    مــازن/ايه تغيــر حتى هالمفعوص بعد طلع له لسان عقبي مع اني ماافهم عليه(يتكلم عن تركي)...
    بشايــر/يبــي له من يفك الطلاسم ...
    مــازن/ههههههه...
    هيثــم/هيــه بشور ترا ولدي يسواك..
    بشايــر/إيــه هيــن!!

    םםםםםםםםםםםםםםם


    ؛،.» بيت أبو ثامــر«.،:

    >>العــــــصــر...
    ==========

    «عائــ لة ابـو ثامــر‏«

    (ابو ثامـــر/ عبد العزيز يحب الخير للكل ويعد عيال اخوه وولد عمته مثل عياله... اكبر من اخوه ابو هيثـــم .. اما مجال عمل شركتهم
    "تصميـــم معمـــاري وبنـــاء")
    (أم ثامـــر/نوره ام مثل جميع الأمهات تحب عيالها وتخاف عليهم وطيبـــه)
    (ثامـــر /اكبر عيالهم معيد بالجامعه يدرس Eng lish
    درس بالخارج وتزوج من العنود بنت خاله الله يرحمه طبعا من اختيار اهله لانه مايؤمن بالحب قبل الزواج وبعد ماعرفها حبها لحد الجنون وصارت كل شيء له... وعندهم يارا3 سنوات وعزوز اكبر من تركي بـ 3شهور)
    (معتـــــز/طويل ملامحه متناسقه يشبه مـــــازن ولد عمه في كل شي نفس الطول ونفس الجاذبيه ومع هذا اصحاب واكثر من اخوان..خاطب ميهاف اخت مازن و ينتظر الموافقه..ويعمل بشركه العائله..وله اسماء كثيره اشتهر بها منها:
    هنوف/اسم متداول بين اصحابه...
    عادل امام/اسم القاه عليه معيد بالجامعه يوم مازن كان يدرس معه...
    مرته لمازن/اسم متداول بين الشباب ودايم يقولونه له عشان يغايضونه...)
    (رينـــــاد/ أم تركي بعمر ميهاف وصاحبتها ملامحها هاديه ونعومه تكره الازعاج والفوضئ محبوبه عند ابوها و امها واخوانها كونها البنت الوحيده بينهم متزوجه من هيثم ولد عمها)
    (مهـــند/ آخر العنقود دلوع ومحبوب عند الكل ..فاكهه العائله يدرس صيدله وهذي اخر سنه تطبيقيه له...مشهور برقص مايكل جكسون يحب الاستعراض والحفلات والفله)
    םםםם
    םםםםםם
    םםםםםםםם











    ... دخل ثامر الصاله







    لقى امــه وجدتــه(مسيره عليهم)/السـلام عليكــم..

    /وعليكــم السـلام والرحمه..
    طمن وحب راس جدته/ شخبــارك يا جده...
    الجــده/بخيــر ربي يسلمگ.
    ثامـــر/وين من زمان عنك!
    الجـــده بسخريه ممزوجه ببتسامه/اما انتم اللي تنشافون!
    ثامـــر/هههه وشلون السكر!!
    الجـــده/زيـــن...
    ثامـــر/إذا بغيتي تشوفين هو زين وإلا..لا دقي لمهند ترآه كذا ..(واشر بصبعه)
    الجـــده تضحك/من سمعك قال ماهوب كل يوم عندنا بكشف عليك بشوف ركبتك بحللك عشان السكر بشوف نظرك كم إلا مـــدري وشهو!!...
    ثامـــر وامـه/هههههه...
    الجـــده/ميـــر يوريه خالك مايقصرمعه وإلا لو علي فسخني...
    ثامـــر مات ضحك...
    أم ثامـــر/هذا بعد جزاه...
    الجـــده/لاوالله مايقصر ابو عبدالعزيز ..الله يخليه لعين ترجيه..
    أمـه /آمـــين...
    تلفت ثامر ثم قال لأمه/يمــه وين العنود اجل..
    الجــده/طلعت تجيب عبايتها بتخاويني لخوانها...
    ثامــر/طيب بطلع ابدل وانزل اوصلكم...
    الجــده/ لا اجلس لين تنزل ثم رح...
    ثامــرضحك لانه عرف قصد جدته/هههه ليــه!!
    الجــده/لو طلعت عندها سرا الليل مانزلتوا...
    ثامــر/هههههههههههه
    الجــده/اضحك لأمك...
    دخل مهند يوم شاف جدته ضحك يحب يطفشها/مرحبا مليــون بمعذبني...
    ثامــر بمرح /ياولــد
    بس جدته ماردت عليه..
    ثامــر/هههههه
    الجــده التفتت لثامر معصبه/وانت للحين هنــا!!
    ثامــر/تقولين لاتروح...
    الجــده/رح ولاتبطي علي ترا ان ابطيت بروح على رجليني..
    مهنــد/ابوك ياتهديد.. انا اشهد انك زاحفه..
    الجــده/..................
    (ساكته تتحشى هبال مهند)
    مهنــد يلعب في جواله(ببتسامه)/اجل بتروحيــن على رجلينك..
    الجــده/.................
    مهنــد/ههههه...
    الجــده/وش يضحكك؟
    مهنــد/لا ذكرى عابره..
    الجــده/الغابر وجهك ياللي ماتستحي...
    مهنــد/هههههه
    الجــده/ماتقولي وش اللي يضحكك..
    مهنــد/ذكرى غابره..اااا اقصد عابره..
    .........
    םםםםםםםםםםםםםםם




















    فـــوق عند عصافير الحب!!

    ========
    .. أول مادخل غرفته





    شافها تعدل شعرها بيدها عند المرايه قرب منها و ابتسمت ولفت له..

    /اوف وش دراك عني كنت بهبلك ....
    /هههه حرام عليك...
    /طيب وش دراك عني ..ولاتقولين حسيت..
    /لا المره هذي شفتك في المرايـــه...
    انتبه لشكلها كانت حلوه مع انها ماحطت إلا كحل ومسكره و لابسه جلابيه تفاحيه وطالعه جذابه قرب منها وهي قامت تضحك على شكله لاسوا فيها متفاجئ يطلع جنان ..حطت يدها على خده وابتسمت..
    /ليش تضحكين..
    /ههههه......شكلك كانك واحد بيسرق له سرقه!!
    /هههه ..عمـــري..
    /لبــــيه.
    يهمس بأذنها/وش رايك تهونين ونجلس مع بعض ولهــــان عليك..
    /ليه تدري وين بروح!!
    /إيه قلبي قال لي..
    /ياسلام وش قالك..
    /إنك رايحه لسمور ياهنيها فيــــك..
    /قل ماشاء الله..ترا حدي هالأخت...
    /ماشاء الله بس وش قلتي؟؟
    بأصرار/ No way
    /عشانــي..
    ‏ ‏/ Iam sory
    /حبيبـــك!!

    ‏/Nooooo

    /ابو عزوز
    /لاا ا ا ا ا
    ‏ ‏/PLeez
    /حبيـــبي مقدر..
    ضمها ولف يدينه وراها وهمس بأذنها/فوتي الروحــه ونقضي سهره صباحيه في المكان اللي تبغينــه!!
    تتفكك منه/ ماحب الأغراء..
    /هههه و(مسكها بخبت).

    بعصبيـــــــــــــــه

    وصـــــــــوت عالــــــي....
    "وخـ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــر"
    .....
    ........





    םםםםםםםםםםםםםם

    -من اقتحم على العنود وثامر خلوتهم؟؟
    -وش بتسوي الجده لثامر لو تأخر عليها؟
    -والأهم مازن كيف بتكون اجازته؟؟
    םםםםםםםםםםםםםםם
    اول جزء بعدين بنزل وورد فبة جزئين \\\اسعد بلقياكم وانتظر رايكم
     
  6. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    »‏«»‏«»‏«»‏«»‏«
    ♣خذني بحضنگـ ♣2
    «»‏«»‏«»‏«»‏«»



    ؛،.»بيت أبـوهيثــمـ«.،:
    العصــــر....
    ======
    بشايــر منسدحه على الكنب


    /تروك قم هات الريموت...
    تركــي يلعب بهديه مازن اللي جابها له /................
    بشايــر/تروك قــم...
    تركــــي/ياااوه فاتي!!
    بشايــر/فضــى راس عدوك قم قـــام ان شاء الله..
    تركــــي/مابي..
    بصوت عالي/تروووك
    تركــي فيه البكيه/حييييل انتي..
    (خير انتي)
    تدري مايجي إلا بالمساحر(المسايسه)/حبيبــي جبه الحين بيجي بابا عبدالله اسرع..
    تركــي/من بابا عبدالله...
    طفشت منه/قوم يالله عشان اللعب معك..
    طلعت عيونه/ لا ماب تلعبي حدي اعطني اذن...(لامنتي لاعبه هذا حقي معطينيه مازن)




    /ابركها من ساعه قم يالله هاته وإلا بلعب غصب...
    بضيق /اوفففف..
    /اوف من وجهك .. (بصوت عالــي) قــــــم...
    قام وجابه وقبل يعطيها/وتعطيني عكه(علكه)
    /لاو الله ان قمت بعطيك نعله!!
    /انتي حماله!!
    /هئئئئ (شهقت بصوت عالي) ياويلي بتطيح السماء علينا (جلست عدل) عيــب ..هين ان ماعلمت مازن..
    /اتن اذن حبيبــي!!
    (اصلا مازن حبيبي)
    تطالع ورآه/مازن جا ا ا ا ا ك
    جا ركض لها من دون يلتفت..
    بشايــر/هههههه..
    التفت مالقى احد وراه ورماها بالريموت وراح يكمل لعـب..
    /هههه (تمسح دموعها) ياحليــك ياتروك اجل مازن حبيبــك هاه!!
    /................
    قامت تقلب في التلفزيون مالقت برنامج حلو! و
    قامت عنده/تروكي انا مسكينه ..
    /احثن(حاقد من قلب)
    /تلعبني انا عمه...
    /لا انتي بنت...
    /وراك حاقد على البنات ..وإذا صرت بنت!!
    /ماتعرفي ...
    تستعطفه/تكفى ..
    /لا روحي لأمك ..
    .......

    ========
    ... صحى وتلفت حوله يتذگر المگان اللي هو فيه..وابتســم توقع انه بلندن للحين ودخــل يتوضأ و طلع من غرفته سمع صوت بشاير وترگي تحت ونـــزل لهم
    وشافه ترگي وخاف يحسبه بيطقه مثل ماقالت بشاير...
    ..شاف ابتسامة مازن وفرح وجلس معهم على الأرض جنب تركي..
    مــــازن/هاه تروكي حلوه الهديه..
    تركـــي وهو لاهي في اللعب/ايــــه..
    مــــازن/طيب قل شكرآ!
    تركـــي/افوا..
    بشايـــر/ههههه
    مــــازن/ههه اقول قل شكرا يقول عفوا..قل شكـــرا عمي..
    تركـــي/تيـــب..قام وحب راس مازن..
    مــــازن/بعـــدي يا سنايدي..
    بشايـــر قربت عشان تلعب معه
    شافها تركي وجمع العابه وحطها في السله..
    مــــازن/ليـــه تروكي..
    تركـــي/بث هذي باتلعب..(بس هذي ماتلعب)
    بشايـــر بنتقام/اجل بعلم باللي تو قلت..
    تركـــي بندفــاع/لا ا ا ا
    بشايـــر بتشفي/اجل لعبني..
    تركـــي/لا ا ا ا...
    بشايـــر/مازن تـ ـــ ـرى تروك يقـ ول ا ا ا ا..اعلم...
    تركـــي قام يبكي.../اوف منت بلوح لأمي..(ابوك ياتصريف)
    مــــازن وقف بصف تركي/اصلا هو ماقال شي..انا ما سمعته.. صح تروكي..
    تركـــي بفرح/ايـــه..
    وخذاه مازن بحضنه..
    بشايـــر/فيه واحد ثوبه وسخ ومهوب رايح معنا...ميـــن ميــن يارب!!
    ماتت ضحك لانها شككت تركــي في نفسه وقام يطالع ملابسه..
    مــــازن/قل احسن بروح مع عمي..
    تركــي/ايه تح(ايه صح)..ويطالع بشاير عشان يقهرها..
    بشايـــر مسكره خشمها/اوف ريحتك!!
    بشك/ماثويت ثي (ماسويت شي)
    بشايـــر/هههههههه الاصح مازن..
    مــــازن/هههه لا تكذب انت ريحتك حلوه..
    تركـــي بقهر/اثلا انتي اوف..(اصلا انتي اوف=يقصد هي اللي وسخه)
    مــــازن/ههههههه
    نزل هيثم وقاموا على الكنب يسولفون وراحت بشاير تجيب القهوه لأخوانها ..وجلسوا يتقهون ودقايق ونضمت لهم ميهاف...
    هيثـــم/وين امي؟.
    تركـــي/لاحت(راحت)
    بشايـــر/عند الجيران..
    شال ولده وحطه بحضنه..
    /بوي..(عنده علم)
    /نعم..
    /اب ثياره..
    مــــازن/ان شاء الله لارحت بشور السوق بتجيب لك..
    بعتراض /لا ا ا تبيــله..(كبيره)
    هيثـــم/خلاص لاتنسين يابشاير..
    /يخسى..
    /لا اب متل حد اذن..(ابغى مثل حقت مازن)
    مــــازن/ياويل ابوك..
    هيثـــم يضحك/ان شاء الله لااعرست..
    بشايــر/هههههه
    تركـــي قهرته بشاير لانها تضحك عليه /"بعصبيه" بوووووي..
    مــــازن/ياخي شوف هالصعيدي وش يبي!!
    هيثـــم /نعـــم بابا..وبعدين قل بابا..فاهم..
    /ثوف بسار..
    (شوف بشاير)
    هيثـــم/بشور اسكتي عنه احسن لك..
    /بوي..
    هيثـــم/قل بابا اول..
    تركـــي/سوف...(شوف.. واشر على بشاير)
    هيثـــم/بشور والله مهوب ازين لك..ابلعي العافيـــه احسن لك.
    تغايظه /طيب هو مو حلو!!
    مــــازن يكلم بشاير/الحين بسار انتي ..انا قلت بعد من ذا..
    الكـــل/هاهاهاهاها...
    هيثـــم يكلم ولده/بابا من هذا (يأشر على مازن)
    تركـــي/اذن
    هيثـــم/وهذي(ميهاف)
    تركـــي/اياف..
    هيثـــم/وهذي..(يأشر على بشاير)...
    تركـــي/لا ا ا ا ا ا وع...
    بشايـــر/من زين وجهك تقول فار لاحقته قطوه ..
    مـــازن/هههههههه
    .....

    םםםםםםםםםםםםם

    التفتــــوا ..و شافــــوا...
    عــ ـــ ــــ ــــزوز!!!...
    معصب لان امه متضايقه من مسكه ثامر/ وخــــر انت..
    عزوز/ماما جده تقول يا الله..
    التفت على العنود وماتوا ضحك ثم طالع ولده/اقطع الله هالوجه...
    دفت ثامر من صدره وراحت لعزوز وطمنت له/قل تقول ماما ان شاءالله ...
    جا ومسك يدها يقومها(يقهر عزوز)..
    عـــزوز/وخـر عن امي...
    (مشكله اللي يغارون)
    ثامـر/لاياشيخ ...خوفتنـي!!
    عزوز بعصبيه/ثامـ ـروه...
    (لان ابوه مايقول له الاعزوزوه)
    مات ضحك وشاله غصب وهو يرافس وانسدح على السرير يبوسه ويعظه /أنا ابوك يالكلب قول بابا..
    استغلت الفرصه وخذت عبايتها وطلعت انتبـــه لها ونقهر ما صدقت انه لها عنها... فتحت الباب حق قسمها شافت الخادمه/ماما كبير يقول يالله..
    العنــود/يا الله ...
    فكرت تنزل بس رجعت للغرفه وقابلها عزوز طالع..ودخلت شافته جالس على السرير جلست جنبه/ثامــر من بيودينا...
    /..........
    ببتسامه/انت...
    بغيض/لا
    /تكفــى ودنا..
    /......
    مسكت يده/حبيبــي..
    /.....
    هزت يده"بدلع"/ ثــامــــر...
    /اممممم
    /وش قلبك علي...
    /.......
    /لايكون عزوز ...
    /هذابليس مو عزوز...
    /هههههه...
    /مفرق الجماعات..
    طقته/اسم الله على ولد ثامر ترا مرضى عليه...
    رضى بعد ماقالت له كذا/تدرين لو طلعتي ماقلتي لي بزعـــل..
    /وهذا اللي مرجعني..
    قام وراح للباب فكرته بيطلع بس فاجئها يوم سكره وقفله..
    /لاتسوي لي فيها ترا جدتي تنتظرني تحب..
    /اشششش وضمها وحط يدينه على خصرها..
    لفت يدينها حول رقبته قالت بكل المشاعر اللي تختلج نفسها /احبـــك...
    شالها وماتت ضحك..
    باست خده /نزلني تأخرنا على امي هذا اذا مادقت لسواقها..
    وبنذاله/الله يســـمع منك..
    /ههههههه..
    وقالها الكلام اللي قالته جدته تحت وقامت تضحك...
    نزلوا لقوا الجده على اعصابها..
    ثامـــر/ يالله مشينا !!
    الجـــده منقهره منهم /شغلك حرق وانا جدتك..(بمعنى انه خدمها بس بعد مانغص هالخدمه )

    ♣♣♣♣♣♣♣♣♣♣♣♣♣

    بعــد مرور اسبــوع
    >>رومـــــــــــا
    ======
    ....وصلت ريماس البارح من لندن دخلت غرفتها


    والحين تحـــاول يمسك الخط معها عشان تدق لساره صاحبتها(عراقيـه)تعرفت عليها بروما من قبل ماتدخل الجامعه وكل مره تجي هنـــا لازم يشوفون بعض ..
    أما ابوها طلع من بدري لشركه يحاول يسبـــق الوقت ويحل المشكله اللي تواجه الفرع.. في مده لا تتجــاوز الأســـبوع...

    ..
    .....
    ........

    السعوديـــه....
    الساعــه9م بيت ابو نواف


    في الصالة ...
    ======


    الجــده/اقول يابو نواف..
    حاتــم/سمــي..
    الجــده/وينه احمد؟
    حاتم/راح مع مهند لاستراحه ابو اريج..(خال احمد)
    الجــده/وانت وراك مارحت..
    معتــز/مازن بيجي هنا ..
    الجــده/الله يحييــه..
    معتــز طلع للمجلس لان مازن وصل ...وحاتم مر هند وسمر في المطبخ ياخذ القهوه..
    وتقهووا ....
    ♣♣♣♣♣♣♣♣♣♣♣♣♣

    ‏«عائــ لة ابـو نــواف‏«
    (ابـونواف/ حاتم عمره 33 سنه ابوه متوفي وعايش مع امه في بيتها...تزوج من منى وجاب منها ولد سماه نواف و ماتت بسبب نزيف بعد العمليه ..ثم تزوج بعد ثلاث سنوات من هند بنت خالته ولهم اربع سنوات ماجاهم عيال...ويعمل مدير عام لشركه بغياب اسيادها (ابـو هيثــم وابـو ثامــر)وماسك اداره المشاريع والأشراف عليها)
    (هنـــــد/ انسانه قويه تزوجت حاتم وربت نواف احسن تربيه والكل يشهد لها بذلك تتميز بان عندها حل لجميع المشاكل عندها اخو واحد متزوج)
    (نــواف/عمره7 سنوات يدرس اول ابتدائي بس اكبر من عمره..وهند يقول لها ماما)
    (العنــود/كانت عايشه قبل لاتتزوج مع اخوانها في بيت جدتها(اللي تربوا من كانوا صغار تحت عين عمهم... عمره ماشكى منهم بالعكس يحبهم ويخاف عليهم من الهوى الطايــر) تحب اخوانها وهم متعلقين فيها وتعتبرهم مثل عيالها لأنها اكبر منهم)
    (أحمـــد/ اصغر من مازن ومعتز بسنه مملوح مره وعيونه ناعسه وجسمه رياضي يعمل موظف في الأتصالات السعوديه عنده صاله رياضيه اهداها له عمه حاتم بعد تخرجه من الجامعه لانه يعشق الروحه لصالات الرياضه عشان يهتم بجسمه



    ..عنده بغبغاء اسمه(رومــيو)


    مهديته له ريماس يوم قبلوها بالجامعه سموه كذا لانه يحب الجده كثير..وله قصه حب بريئـــه..)
    (سمـــر
    [صاحبـة♣الطلـه♣البهيـه]
    أو"دلـع"مثل ماتسميها جدتها ...بنت غيـر حبوبه وعسوله الكل يحبها واحمد اخوها يموت فيها و مدلعها..وهي صندوق اسرار ريماس)
    (الجـده/أم خالد بس بعد وفاته صاروا ينادونها ام حاتم.. لها اخت متوفيه"أم هند مرت حاتم" و3 اخوان ابو محسن وابو عبدالعزيز"عياله ابو هيثم وابو ثامر" والثالث محمد مات مقتول وعمره22 سنه... لها ولدين و3بنات... خالد اكبرهم توفى هو وزوجته بحادث و معهم ولدهم الصغير تركي ابو3 اسابيع توه طالع من الحضانه وتوفوا..و عاشوا عياله في بيتها(العنود-احمد-سمر)
    بناتها
    نــوره/أم ثامر..
    ونــوف/أم هيثم..
    والعنــود/أم ريماس..
    وعندها حاتم اصغر عيالها... وربت ريماس بعد سفر ابوها للخارج...)

    ♣♣♣♣♣♣♣♣♣♣♣♣♣






    هيثـم/خالي ويـن جدتي..
    حاتــم/في الصاله اناديها..مشى ثم صد لهم/ وإلا اشرايكم نروح لها..
    مــازن/يالله بس خاف نزعج اهلك..
    حاتــم بستنكار/وش ازعاجه !!
    قوموا بس ..
    ودخلوا وسلموا..
    الجــده/مازن متى بتسافر..
    مــازن /بعد اسبوع..
    الجــده/الله يوفقك.
    مــازن/آمــين..
    حاتــم/مزون وش رايك نزوجك قبل لاتروح..
    معتــز/ومن هاللي بيزوج بنته في اسبوع!!
    حاتــم/هو يقول تــم ويشوف..
    مــازن ماأعجبه الكلام/ماحب هالسيره وبعديــن وش انا مستعجل عليه..
    الجــده/على العيال وانا امك ولاماودك بولد ينادونك بأسمه..
    معتــز يبغى يحرق دم مازن/طيب من هاللي بتخطبها له ياخالي..؟
    حلته مــازن بالخداديه/اسكت لقوم اتوطى في بطنك..
    معتــز/هذا جزا اللي يخاف عليك..
    مــازن/إذا تبيها انت تراها مسفوطه لك..
    معتــز ميت ضحك لانه عصب بمازن/لايابوي مرتي عندي و مانيب ماخذ غيرها..
    مــازن/ اسكت اجل..
    قام معتز وجلس جنب مازن وحب راسه /ياولــد امزح لاتزعل...
    مــازن/مازعلت بس ماحب هالموضوع..
    الجــده/عسى منتب تبي وحــده من ديار ابليس؟!
    مــازن قرصه قلبه ..بعد انتي ياجده اللي اقول بتوقفين معي طلعتي كذا../لاتطمني بس ماافكر الحين..ولف لخاله وانت ياحظي بتقوم نمشي وإلا لا ..
    معتــز يضحك لان مازن قلب على خاله فجأه..
    حاتــم/وانا وش دخلني ..وبعدين من جيت مانزلت من سيارتي تقول مالي حاجه إلا اوديك واجيبك وإلا ماعندك سياره...
    مــازن/ايه تمنن انت وجهك!!
    حاتــم/مالفيت بك المطاعم والمقاهي والاسواق والشركه والمزرعه حتى استراحات الربع وديتك..وفوق هذا رحت لشرقيه مع هيثم ومعتز اربعا وخميس وجمعه!!
    مــازن/ولـو..وبعدين انت وش دخلك في هيثم ومعتز...بتوديني وإلا اطلع..
    حاتــم/لاوالله مانيب موديك..الكذب خيبـــه..
    وقف/اجل سـلام..مع السلامه ياجده..
    /وراك عجل وانا امك..
    يبغى يفتن على خاله/والله مانيب عجل بس ولدك طردني...
    /مايسويها ابو نـــواف!!
    بمرح/ ايه لاحبتك عيني ما ظامك الدهر...
    حاتـــم/اخخخخخخ
    مـــازن يكلم خاله/اقول ظف وجهك بس!!
    وطلع ولحقه معتز......
    لقوا نواف برا وخذوه معهم وهم بيطلعون في الشارع شافهم حاتم طالع يوصل ثامر وهيثم...
    حاتـــم/نواااف..
    التفت مازن وشاف خاله وشال نواف وقال لمعتز يشغل السياره ولحقهم حاتم ركض بس ركبوا وسكروا الابواب قبل يوصلهم دق حاتم الزجاج حق مازن بس مازن عيا يفتح ..
    حاتـــم /مزون نزل ولدي احسن لك..
    وصله صوت مازن واطي لانه مسكر الدريشه/اقول رح ارقـد!
    حاتـــم/ نزله عنده مدرسه بكره ...
    مـــازن هز راسه بمعنى لا...
    ثم تكلم مع معتـــز وضحكوا طبعا حاتم مايدري وش يقولون..وطق الشباك مره ثانيه.. رمى مازن عليه بوسه وشغل معتــز السياره بس حاتم وقف قدامها..
    مـــازن/ههههه ..ارجع ارجع ورا
    وريوس معتز بسرعه وحركوا .. وحاتم يتوعدهم وبعد ماابعدوا فتح مازن الشباك اللي فوق وطلع نواف منه...
    حاتـــم بصوت عالي عشان يسمعونه/مزون نزله نزلت عظامك..
    مـــازن/لا..
    حاتـــم يستعطفه/مازن نزله لاتعور راسي ترا مو فاضي لك..
    مـــازن/ياهووو ياللي مهوب فاضي اقول رح للمدام تعطيك حبـــة راس وتنـــومك..
    حاتـــم بتهديد/مازنوه نزله احسن لك..
    رمى عليه بوسه/تصبح على خيـــر..ودخل داخل السياره ومشوا لفوا الشوارع وكمل مازن سالفه عنوده لمعتز لانه قايل له من قبل نص السوالف..
    معتـــز/ احسها بنت حلال..
    مـــازن/ اجل انا وش اقول !!
    تخيل لنا 3 سنوات من عرفنا بعض بحياتها ماقالت لي حبيبـــي ولا كلام من هذا إلا وحنا بالمطار مع انها تدري اني احبها ومابعد شفتها مسويه حركه بايخه مع احد او حتى جالسه مع احد الا وصديقاتها معها..ماقول محافظه كثر ماهي محترمه والكل يشهد لها..
    معتـــز/وانت كنت ضامن انها
    تحبك!!
    مـــازن/ألا متأكد من كلامها انها تعزني وإذا بغت تقولي شي قالت لو ماتهمني..لو مااخاف عليك.. وكثير تدافع عني عند الدكاتره خصوصا عند جوليا هالكريهه...والله انها فلـه.. حتى ذاك اللي قلت لك انه يحبها والله ماتفكر فيه اصلا..
    معتـــز/مازن لاتزعل مني..بس وحده تطلع معك وتمشي معك..المفروض ماتثق فيها..
    مااعجبه الكلام/لاتحط في ذمتك شي..
    معتـــز/استغفر الله بس بعد...
    يقاطعه/ماأرضى تقول كذا عنها ..وتطمن انا اول ماعرفتها كنت اتجنبها قلت نفسك انها تعرف ناس وتطلع وتروح وتجي مثل الأغلبيه بس يوم عرفتها من قريب تندمت على افكاري البايخه حتى اكد لي بدر .... وغدي كذا مره قالت بعفويه انها تهاوشت مع ناس كثير لانهم يضايقونها واخر واحد ماكس هاللي يحبها قطعت علاقتها معه يوم كنا بثالث تقول ماتحب حركاته وماتطمن له..
    معتـــز/طيب وش يتوقع قيس ! بعد هالعلاقه الغراميه..
    تنهد بضيق/جيت على العوق ياخوي ..انا للحين ماقررت احيانا اقول اخطبها بس ابوي مستحيــل يوافق حتى جدتي سمعت من شوي وش قالت.. واحيانا اقول حتى ابوها مهوب موافق لانها وحيدته.. واحيانا اخاف اخسر ابوي..ولأعظم من هذا كله لو فكرت اتركها مستحيـل انساها او افكر في غيرهـــا وماادري...
    معتـــز/الله يعينك..
    والتفت ورى لقى نواف نايم..مزون نواف نام وشلون الحين نرجعه..
    بندفاع/لا خل اقهر خالي شوي..
    معتـــز/وش بتسوي..
    /باخذه للبيت بعطيه ميهاف بتعرف تداجيـــه!!.
    معتـــز/لو سمحت مرتي لاتزعجها..
    / وانت اختي لاتطريها!!
    هاهاهاهاها
    � � � � � � � � � � �

     
  7. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    ...رجــع مازن للبيت الساعـه ½12 وطلع فوق ودق باب ميهاف برجله..
    /ادخل..
    / تعالي افتحي..
    /مفتوح!!
    / افتحي يديني مشغوله!
    قامت وفتحت الباب تفاجئت يوم شافت نواف/وش فيـــه؟
    / ولاشي..
    /اهله فيهم شي..
    / لا بس تهاوشت مع ابوه وخطفته..
    /هههه وابوه يدري!!
    /ايه حاضر يـــوم نخطفه..بس انتبهي عليه..
    /من انتم...
    "هي متأكده انه هو و معتز بس تحب تسمع اسمه"
    /انا والمملوح ابو ندى.. بس بعدي ترا رقد يديني ولد خالگ..
    /حـرام عليگـم..
    "حطه على سرير"..
    بشگـ/ مازن خالي يدري؟.
    /اي والله شايفه معنا..بس انتبهي تراه من 6 بيجي يدوره هنا و بذبحگـ لو خذاه ..
    /حرام عليگـ ترا هالولد نظر عينه..
    /ماعليگـ بس لاسأل قولي ماشفتيني من بعد العشا..
    /خاف يرقى ويلاقيه!!
    /ياوالله القلق ..طيب شوفي بترگـ باب غرفتي مفتوح متى ماجا قوميني زيـــن؟
    /زيـــن...
    /يالله تامرين على شي تعبان بدخل انام..
    /وعنــود الريـــم..
    /هههه وش فيها؟!
    /بتگـلمها؟
    /على طول..
    دخل غرفته وخذا شور وطلع دق لعنـــوده وجلسوا سوالف لحد ماأذن الفجر ثم طلع يصلي ورجع وحط راسه ونام ..فگـر ينتظر خاله بس النوم سلطان.. وخبر امه انه عازم خاله للفطور عشان لاجا ماتنهبل ان في احد شي....
    .....
    ........
    ♣♣♣♣♣♣♣♣♣♣♣♣♣


    الصبــــاح الساعه ½7
    =======
    أم هيثــم تجهز الفطور مع ريمان ..وابوهيثــم يلبس ويتجهز عشان يمشي لشركه بعد الفطور ....مــازن في سابع نومه.... ميهــاف نايمه هي ونواف اللي محد يدري انه هنا الاهي ومازن... بشاير ماداومت من يــومين وبتكمل لنهايه الاسبــوع ومن جهت العذر عندها واســطه في المستشفــى...
    وصــل حاتم شاف اخته طالعه من المطبخ سلم عليها وسألها عن مازن قالت نايــم وطلع له فوق على اساس يصحيه!! قابل ريمــان وسألها عن نواف قالت ماتدري توجه لغرفة مـازن وهو متأگـد مليون بالميه انه مقــفل الباب بس لقاه مفتوح
    "تتــحدا يامزون اوريــگـ" فتح الباب و دخل واجهته عاصفه بارده... تقول في القطب الشمالي " بذبحگـ كان ولدي نايــم في هالبرد وهو تعبان" ولــع النور بس مهوب عنده معناها عند معتـز مشى بيطلع قال ورى ما انگـد عليه نومته سحب اللحاف ورماه....
    لگـن مازن ماتحرك ولادرى عنه خذا گاس المويه من على الكومدينا ورشه بيده وقام يتمتم بنرفزه...
    ورش عليه ثانيه وانتبه /يااخي وش تبي..يالله صباح خير..
    (يحسبه هيثم لانه قايل له امس انه بيخاويه لشرگه)
    .... تفاجـــــئ باللي جلس على سريره.. املا عليه المخ اوامره... طــمر من على السريــر لكن يد خاله اسرع منه وسحبه ولف يده ورا ظهره ..
    يضحك/تـوبه ياخالي والله امزح..
    /ماأحب المزح انا..و اول شي وين ولدي!!
    /مــدري..
    "يسوي نفسه يفكر"
    يــاويــلي!! نـسيته في السياره!!
    مسك شعره وسكر عليه بقوه ومازن يصارخ /وين ولدي وينه لاعورك تكلم..
    /مع معتـز خلاص فكني عورتني!!
    /ولــيه خذيته؟
    /مدري لحظه ضعف.. والله بليس لعب في راسي..
    ابتسم على كلام مازن/وانا وش بستفيد من كلامك!!
    /ااااااااسف خالي والله لحب راسك ورجلينك بس فكني
    ...آه قطعت شعري وانا ماخليت شنبوا مااستخدمته عشان يصير كذا...
    .... بهاللحظات وصل معتز وسلم على خالته وعمه وشاف هيثــم على الدرج..وراح له/صباح الخيــر..
    /هلا صباح النــور..
    قاله عن سالفتهم وان نواف نايــم هنا!!
    هيثــم/اجل هذا صوت خالي عنده..
    طلعوا فوق وهم يضحكون على صياح مازن وتوسله و راح هيثم لقسمه يجيب ملف راجعه البارح
    ..دخل معتز ووقف ورى خاله وكتفه/هاااااه مزون ياالله..
    سمـع صوت معتز وتفكك من خاله ومات ضحك لان معتــز مسيطر عليه..
    وقف قبال خاله/وش تبغاني اسوي فيك اصفقك..وإلا اعطيك بقس..على كيفك وش تبي انت..
    معتــز/ مـازن خله يتصل بصديق ههههههههههه..
    مــازن /هههههههههههه لا انا اللي بختار وقرب من خاله..
    بس فاجئه يوم رفــع رجله ودفه على بطنــه!!
    مــازن/ آه والله منتب سهل تلعب كرتيه هاه..اوريك وجاه من وراه ومسك شعره بقوه/ اولآ انا مازن بن تركي كان بمكاني اكسر رجلك بس.....
    مامداه يكمل إلا معــتز فاك خاله ولف حاتم على مازن بسرعه ومازن حط رجله برا الغرفــه وصدم بهيثــم عند الباب وكب الاوراق اللي في الملف ودخل بغرفه ميهــاف وقفل الباب وخاله يتوعده/هــين ياابن اللذينا بتطلع وبلعن
    خيرك...
    معتــز يصرف/خالي وراك مامسكته الشرهه علي قلت افكك عليه بس والله انك حرمه...(هذا مثل اللي بيكحلها عماها )ولحقه خاله ونزلوا تحت...
    مالقى ميهاف بس استنتج انها في الحمام
    كانت تؤضأ وسمعت الدوشه وعرفت ان خالها وصل طلعت شافت مـازن يضحك/كبس عليك خالي ؟؟
    التفت عليها/لاو الله كبس على ابو ندى..
    تداري فرحتها/هو هنا..
    /ايه ..والله مافوت له اللي سواه..
    بتعجب /خالي!!
    /لامعتز على باله وقف معي مسك خالي يوم تفككت منه وبغيت انتقم فكه علي...وحتى خالي بوريه كب علي مويــه وشوتني وسحب شعري!!
    قامت تضحك على هبال الشباب.../طيب هم وين؟
    /سمعت خالي يلحق معتـز والظاهر نزلوا..
    طلع مازن شايل نواف وحطه على سريره وغطاه ..ودخل يتوضأ...







    .... تحت افطروا الشباب وابو هيثــم ثم طلع هيثــم وابوه
    شوي ونزل مازن لابس ثوب وشماغ ومتزكرت شاف خاله ومعتــز يشربون شاهي في الصاله قال بصوت عالــي/ تغطوا ياحريم ..
    لف حاتــم له/تعال لو كنت رجال..
    /اقول بس ويــن ابوي؟؟
    حاتــم/خايفه يالحرمه!!
    يضحك/عسى ماهوب منك!!
    معتــز/مازن امك تنادي عليك شوف وش تبغى ..
    /ماسمعتها!!
    حاتــم/والله لو إنك تسمع ..
    /اقول خالي وش اخبار النومه البارح..؟
    حاتــم/....................
    /اقول امي تناديني..؟
    حاتــم/اجل تنادينــي!!
    /من متى قبل مايضيع ولدك وإلا عقب...
    معتــزو مــازن/هاهاهاها
    طــا١١١١١ر لدرج استغل فرصه انه يضحك... ركض بس مو ذاك الركض لانه ميت ضحك ودخل غرفته بس قبل لايسكر دف حاتم الباب ومازن يدف من جهته... جت وميهــاف دفت مع خالها...و فتحوه و دخلوا شاف ولده جالس على السرير يفرك عيونه مايدري وش السالفــه .
    مسك مازن على الجدار وخنــقه
    مــازن/كــح كــح كــح كــح ...
    بتشفي/ خلك تعرف المرجله صح!
    /كــح كــح كــح ...خلاص خالي توبه..
    فكه وراح لولده وانسدح جنبه /هاه بابا نمت البارح زين!
    نواف هز راسه بالموافقه..خذته ميهاف لدوره الميــاه
    نزل حاتم.. اما معتــز ماقدر يطلع عندهم فوق لان ميهاف صاحيه.. يوم شاف خاله نازل راح له على الدرج..وطلعت ميهاف ونواف...وشافت معتز وتفاجئت وقفت ورا خالها و معتــز انحرج من نفسه..
    حاتــم يلطف الجو صد لميهاف/ياهوه وش فيك Relax
    تراه بيكون رجلك قريب!!
    طقته على ظهــره وضحك ..جاهم مــازن وشاف الموقف/هــيه انت خيــر ماتشوف اهلي هنا..
    معتـز انحرج من كلام مازن
    حز في نفسه يسمع هالكلام منه بالذات ونزل من دون يتكلم وميهاف راحت لغرفتها وحاتم انقهر كيف يقول كذا لمعتز قدام ميهاف ..
    حس باللي سواه بس طلعت عفويه مهما كان مايرضى احد يشوف خواته ونزل...
    كان متوجه للباب ومسك كتفه/ لايكون زعلت والله طلعت عفويه..
    صد عنه/صــار خير..
    /لاتزعل والله خالي خلاني اعصب غصب عني!! ابو ندى والله ماقصدت!!
    بابتسامه/خلاص ..بس بعد ماتوقعت اسمع هالكلام منك..
    فرح يوم شاف ابتسامته / اسفين ياشيخ وانا بعد المفروض ازعل فكيت الوحش علي!
    "يطالع خاله وهو جالس على الكنب"
    /ههههه
    يكلم معتـز/ عـندي لك مفاجئه !!
    جالس يطالعهم/وش هالمفاجئه!!
    لف له ثم لف بسرعه من الجهه ثانيه..يدور شي ....
    حاتــم فاهم مازن وش يدور رفع رجله واشر بجزمته(الله يكرمكم)/هاك صفقني بها...
    مـازن ومعتــز/هاهاهاهاها...
    ... دخلت أم هيثــم الصاله
    حاتــم /اقول ام هيثم إذا تبغين ولدك يرجع يكمل دراسته سالم خليه يبعــد عني!!
    مــازن مسوي نفسه منصدم من كلام خاله/لالا حرام مابقدر ..
    حاتــم/.....................
    /طيب مايصير اسافر وانا مازن ..يــعني لازم اغيــراسمي ...o.k‏ بس مابي سالم...
    معتــز/ههههههه
    طالع مازن بقهر للحين مابرد كبده"بتحذير"/ انا انذرتــك!!
    ضحك وراح لامه وحب راسها ومر على خاله/اقول روق بس لايطق فيك عرق..
    امسكه ورماه على الكنب وقام يطقه طق يبرد القلب ...
    قام يصرخ يستنجد/آه يمــه فكيني من اخوك....
    /والله اخوي ماجاك ليــن جيته..
    /آآآهـ ابو ندى فكني الله يلعن وجهك!!
    فكه وخذا شماغه وحب راس اخته وطلع...
    مــعتز/ورا مادفيته!
    بقهر/برك علي تقول بعير وين ادفه معه!
    أم هيثــم ابتسمت على تعبير مازن/قل ماشاء الله..
    /آآآه ...
    "خذا شماغه و ركض يلحق خاله ومسك يده وحب راسه/مايليق لك تعصب...
    صد عنه وكمل طريقه..
    وقف قدامه وحب خشمه../اقول خالي طلبتك خذ اجــازه لأبو ندى من العمده.. بيروح معي للمطعم نفطر !!
    /لاتوظفت عند ابوك قلت له!..
    يطالع معتز/هههه يالله ابونــواف مايقصر!!
    وطق خاله على كتفه وركب مع معتــز..
    ♣♣♣♣♣♣♣♣♣♣♣♣♣


    المطـــــــــــــــــــار...
    ========
    ...كــمل مازن اسبوعين بالتمام والكمال..بس مو مسافر للندن بيسافر للأمارات
    مع بــدر مواعديــن حمدان يقضون عنده 3 ايــام في الإمارات ثم يسافرون مع بعض للندن..وطبعا مثل العاده مايداومون الاسبوع الأول..
    ...
    ......
    ........

    بــدأ الاسبوع الثانـــي من دوامات الجامعه واليـــوم اول يوم يداومون فيه الشلـــه....
    ======
    دخل مازن وبدر الجامعه و توجهوا لشله وسلموا وجلسوا يسولفون لحد ماتبدأ المحاضره كان على الطــاوله (ميشو و غدي و حمدان ومجدي)..وبعــد ¼ ساعه دق جوال مـــازن دقه وتسكر..ابتسم واستاذن..
    غــدي/وش هالغزل العلني ..
    مـــازن/هههههه
    غـــدي/شكلك ارتبكت على العموم روح روح ...
    ضحك ومشى.
    غـــدي بصوت عالي/مــازن..
    التفت لها/هلا..
    غـــدي/لا بس اللي مثل هذي بخيـــله وش تبي فيها؟!
    ابتسم و توجه لبوابات الجامعه(اكيـــد عارفين ليــه ؟!..)
    شافها ...تواجهوا...تلاقت العيون...
    اشتاق لها شوق ماينوصف
    ..له 3 اسابيع ماشافها صح يكلمها بالساعات ويرسل لها بهبل..بس عمر الصوت ما يغني عن الصوره...
    قرب منها ومدت يدها له بنتظار يده تعناق يدها صافحها بحراره ابتسمت و قلبها يعلن صفارة الانذار يوم شافته.. واخيــــــرا نطق/
    الحمد لله على سلامتك!.
    /الله يسلمك.. كيفـك؟
    /بخير الحمد لله..كيف الوالـــد وسلمى..
    /تمام..بشر كيف السعوديـــه واهلها؟
    /بخيــر وتسلم عليك..و الرياض تسأل عنك...
    /هههه..وش اخبار امك والاهل كلهــم!
    /كلهم عال العـــال...
    /الحمد لله.... حدني ذاكره سلمى تسلم عليك و تقول اعزميـــه نشوفه!!
    /لا ويـــن صعبه!!
    /ليش ابوي عسل واسأل بدر شافه من قبل و اعجب فيه وفي اخلاقه خصوصا يوم قلت له انه سعودي..
    /ولو مقدر..
    /كيفك اجل بنأجل العزيمه بعـــدين والله يعينك تعزمها انت!!
    / اعجبك.."وغمز لها" انا هنـــا!!
    /ههههه
    وسكتــــــوا...وهي قامت تصدد عنه لانه احرجها بنظراته..
    حست انه يبغى يقول شي
    /مازن
    بوله/لبيـــه
    /ههه لاتقول كذا اخاف احد يسمعك!!
    /محد فاهـــم..
    /هههههه
    بنظرات حالمه/ريماس.
    /نعم..
    /اشتقت لك..
    طول الوقت تغبي ارتباكها وشوقها ورى الضحك انحرجت وصدت لان كلامه يطلع منه بعواطف جامحه ويعني كل حرف قاله يعنيه
    .... سكر على يدها اللي للحين بيده يصحيها من احلام اليقظــه...
    صدت له/تشتـــاق لك العافيه!!
    رفع حاجب ونزله كنايه عن عدم تقبله لرد!!
    تنهدت ونزلت راسها/وانا اكثـــر بس....
    بتعجب/بس ايش!!
    /خلنا نمشي الكل يطالعنا وإلا مو ملاحظ...
    /قصــدك مو حاس!!
    ابتسمت/يالله نشوف الشله قبل مايبدأ العـــد التنازلي للمحاضره...
    /يااللـــه..
    راحـــوا لشله متماسكين بالايدي وسلموا عليهم...
    (امـا لقاهم مخطط له من قبل ومـازن قايل لها يبغى يشوفها الأول لحالــه)

    ¶ ¶¶ ¶¶ ¶¶ ¶¶ ¶¶ ¶


    السعوديــــه..
    ======
    ........./هلا سمور..
    ........./هلا.
    ........./وش ابشرك به..
    ........./خيـــر
    ........./مهند جـــاب الورقه...الله يسلمـه ويوفقـه ويخليـه لهله!
    ........./ .........
    بشايــر/هيـــه سمور وين رحتي تدرين وش افكر فيه ..فيه آه لو يخطبني بس..
    ........./ .........
    بشايــر/هـــو شفيك...وازيدك من الشعر بيت بوافق وانا مغمضه!
    (بمعنى من دون تفكير)
    تسكــــر الخط ...
    بشايــر/الــو الــووو سمور... هيــن ياسخيفه!!
    دقت مره ثانيه على التيلفون
    بس محد رد...دقت على جوالها...
    سمــر/هلا وغلا و...
    بشايــر/لاهلا ولا سهلا يالحماره...
    سمــر/هههه ليــه
    بشايــر/ليش سكرتي بوجهي!!
    سمــر/اوهووه اسفين..
    (تأسفت كرد على هبل بشاير تجيها خمات احيانا)
    بشايــر/انا قلت خاف صدقتي!!
    سمــر/افا عليك.. روقي بس
    بشايــر/ماسألتيني وش صار مهيب عاده..
    سمــر/في ايش!!
    بشايــر/مهند يوم جانا..
    بصـدمـه /جـــاكم متى...
    بشايــر/الحمد لله وشكر ..وانا وش اقولك لي ساعه..
    سمــر/المهم جاب العذر!
    بشايــر/ايه..مع انه تأخر بس انجاز منه...يومه بسنه!!
    سمــر/احمدي ربك..
    بشايــر/الحمد لله بس يمكن مااداوم بكره وش رايك توصلينه انتي..
    سمــر/وليه ان شاء الله منتيب مداومه..
    بشايــر/ماعندي شي مهم بكره!
    سمــر/ إلا خلينا نحضر الهوشه..
    بشايــر/خاف نتورط معهم...عاد انتي راعيت فزعات خاف تورطيني..
    سمــر/بنتفرج من بعيد لبعيد!!
    بشايــر/زين وبتروحين معي نودي العذر..
    سمــر/ايه بالمره اشوفه!
    بشايــر/وش تشوفين فيه ترا الأخو ماله علاقه فيه لا من قريب ولا من بعيد..
    سمــر/ولو ...
    بشايــر/عسى بس ماتقولين باخذه تذكار...
    سمــر/هههه والله مهيب شينه
    بشايــر/على كيفك ترا يالله وصلني...يالله اقلبي وجهك ..
    سمــر/طبعك ماشاريته!!
    بشايــر/ههههه باي..
    سمــر/بايات..
    ...
    ......
    ..........
    بالكوفي شوب...

    =======


    يجلسون حول الطاوله...10 شباب جمعهم حب واحلام وآمال وصداقه قويه واخوه حقيقيه...ضحكوا كثيرا..وعاشوا سويه لحظات سعيده..بكوا جميعا عند رحيل احد عناصر هذه الشله...وحزنوا عند سفر الآخر ..لكل واحد منهم قصه حب منهم من نجحت ورأت النور ومنها ما انظلم و اغلق عليه ستار النسيان...انهم احباب مازن واصحابه(اسامه-معتز-هيثم-تركي-مهند-احمد-فيصل-خاله حاتم-ثامر-وليد)
    عند النت مهند وتركي...
    على الطاوله ضحك سوالف مزح رسائل بلوتوث ...و.. وش جديدك!!
    بينهم قلب ينزف ..جريح ..مل الحياه..كره ذاته..يخرج مع اصحابه ويعود اليهم تحت مسمى المجامله.. من اسبوع انطعن في الصميم ومنذ ذلك الوقت ينزف..
    احمـــــد انسان حساس قلبه مرهف يحمل بين جوانحه كل الحب لانسانه طعنته في مقتل...لم تعلم.. ولم تشاء ..ولكن الله شاء والمكتوب لامفر منه...
    اســـامه لاحظ شروده /
    هاه ابو خلود اللي خذا عقلك!!
    ابتســـم ..
    ولـيد يضحك/ لو في الأتصالات حريم..قلنا طاح في شباك وحده ولو....
    يقاطعه معتــز/الصوت يسوي شغل لاتنسى...
    الكـــل /هاهاهاهاها...
    احمـد/والله انكم رايقين اقول ريما.. مافيه كشته هاليومين..
    فيصل"ريما"/ إلا بتخاوينـــا؟
    احمــد/من انتم؟
    فيصل/انا وتركي و وليد وعيال عمي!!
    احمــد/ومتى تمشون؟
    فيصــل/الاربعاء العصر..
    احمــد/ بس معكم..
    فيصل/الساعه المباركه..ولف لمعتز.. هنوفه معـــنا!!
    معتــز/لاو الله..
    فيصـــل/بيفوتك التطعيس..وبنضبب(يصيدون ضبان)
    معتــز/لاوالله وشلي بلقوايل والشموس فوق هذا ماآكل ضبان..
    فيصـــل/طيب ذوق طعمها والله كذا..ويأشر بصبعه..
    معتـــز/الله يديم النعمه!!
    فيصل/كيفك...وانت ابو تركي..
    هيثـــم/بفكــر..
    فيصل/وابو عزيز..
    ثامر/بتطولــون؟
    فيصل /لا الجمعه العصر حنا هنا ان شاء الله..
    ثامر/تـــم..
    فيصل/ و ابو نواف..
    حاتم/لاو الله ماصليت الجمعه اللي راحت ومابي افوت هذي...
    ... وافــق رغم انه يكره الحــر وفوق هذا داخلين على الصيف..بس مضطر ذبحه التفكير..صاير هاليومين ابن بطوطه من مطعم لستراحه لكوفي كله عشان ينسى ويخفف الضيقه
    اللي خيمت على سماه!!
    ....
    .......
    ססססססססססססס



    المكان/ لنــــــــدن بتحديد الجــــامعـه...بعد اسبوعيـــن..
    الزمان/الساعه 10ص...
    ========
    .. مــازن وبــدر جالسين في الكفتيريا يفطــرون وصل
    حمــدان/السلام عليكم..
    بـــدر ومــازن/هلا وعليكم السلام..
    مــازن/مرحبا مليون ولايسدن بذمتي..
    بـــدر/هههه حياك اجلس افطر..
    جلس/اشحالكم..
    بـــدر/تمــام...
    وافطـــروا مع بعض....
    مـــازن/حمدان متى وصلت؟
    حمـــدان/من 10دقايـق..ليــه؟
    مـــازن/ماوصلوا البنات؟
    حمـــدان/ ماشفتهم...بس ميشـو ومـجدي جـو!!
    بـــدر يطالع حمدان/ ماعطاك مجــدي مرجعي ودفتــر المحــاضرات!!
    مــازن باستنكار /مجدي ماخذهــم!..
    حمـــدان/لا ماعطاني شي ...بس صدق غريـبه مجدي وش يبغى فيهم !!
    بـــدر/ لامهوب هو اللي ما خذهم واحد من شلته..
    مـــازن/اهــاااا
    حمـدان شاف من خلف مازن ريـماس و غـدي يسلمون على ماكـس.../ مزون الحـق الحــق شوف من مع ريماس!!
    رفع راسه شاف بدر وحمدان يطالعون وراه.. التــفت وشافه(هذا من معجبين ريماس بس من سنه قطعت علاقتها فيه ماتعجبها حركاته) وقــام/ Good morning
    ماكـس بابتسامه عشان يغيظه/Good morning
    شـافته قرت افكاره وعرفت من تجربه عميقه انه ناوي على الشر واعتذرت من ماكس و مشت حتى ماخذت غدي انقهر منها لانها احرجته قدام ماكس و غدي ومشى ماكس وهو مبتسم مثل اللي حقــق مراده وطلع من الكفتيريا لربعه..
    صرف السالفه وسلم على غدي/ صباح الخير..
    غـــدي/اهلين صباح الورد..
    "تلطف الجو"غريبه واصلين قبلنا..
    مـــازن/لا بس انتوا انشغلتوا بغيرنا...ياالله بطلع اشوف واحد من الربع...
    /انا بعد مابعد افطرت باي..
    طلع منقهر من حركة ريماس وبدأ يفكر بجديه بكلام معتــز يوم قال تعرفك و تطلع معك اكيد تعرف غيرك .."لا لا مستحيل ريماس تحبه او مواعدته اصلا هي قطعت علاقتها فيه..اكيد هو اللي جالها في الكفتيريا عشان يقهرني بس ليه صافحته وتكلمت معه وهي عارفه اني موجود بس لحظه غدي استغربت وجودنا قبلهم معناه ريماس ماتدري اني داخل هين ياريمـاس بتشوفين كيف بردها لك مهوب مازن اللي يلعب من وراه .... قطعت حبل افكاره /قوه مــازن..
    انا قلت بنتقم بس مهوب الحين ولا بهالسرعه ريماس لو شافتها الحين بتقول قاصد اووووف هذي وش تبي .. "من دون نفس"/هلا ليال كيفك..
    ليـال/الحمد لله.....بلاك..(وش فيك)
    مـــازن/شوي مصدع .. وقام عن اذنك...
    مسكت يده /عندي مسكن تبغى..
    /لا شكرا ما استعملهم!!
    /وين رايح!!
    /بشوف ريماس تأخرت..
    "يقهرها"
    انقهرت منه قالت اردها له/كانت هنا مع ماكس من 5 دقايق..
    حتى انتي شفتيهم وبعد كانت معه من قبل ماتدخل الكفتيريا طيب استاذن وطلع للمحاضره
    جلس قدام على غير العاده...
    ودق جواله للمره 5 كانت ريماس بس مارد عليها ثم دق له بدر ورد عليه...
    بــدر/هلا مزون وينك..
    مــــازن/في المدرج (القاعه) مع حمدان !!
    بــدر/اوف وش هالشطاره..
    مــازن بمرح/ حلال عليكم حرام علي..
    بــدر/بس مالك داعي لنا ساعه ندورك...إلاتعال ليــه مارديت على ريماس؟
    مــازن/هي عندك؟
    بــدر/لا انا عند مجدي اخذ اغراضي بس دقت تحسبك معي قلت ماشفته !!
    مــازن/طيب انتظرك..
    بـــدر/زين الله الله بالمكان...
    مــازن/ افا عليك تعال بس..
     
  8. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    ¶ ¶¶ ¶¶ ¶¶ ¶¶ ¶¶ ¶
    بعد ماانتهت المحاضره طلع الدكتور..
    بــدر لف لمازن"جالس جنبهم قدام"/سألتها ليه واقفه معه؟
    /ماسألت ولاني بسائل!!
    بـــدر /ماتخاف تطلع مظلومه..
    /..............
    /كيفك..
    حمــدان بقلق/مازن لو ادري بيصير مشكله ماقلت لك...
    /حمدان لاتضيق نفسك هي اللي قاصده تسوي هالحركه..
    بـــدر/لاتظلمها يامازن!!
    /ماظلمتها...
    قام بدر بعد ماخذا اغراضه يرجعها ورا بعد ½ساعه عندهم جورج..بس انصدم البنات وينهم توقع طلعوا بعد ماطلع الدكتور..لكن ميشو جته وسألت ليه البنات طلعوا قبل ماتبدأ المحاظره...
    ورجع لمازن وقاله..
    مااهتم وطلعوا يتمشون..
    جتهم ليــال/هاه مازن بشر كيفك الحين؟!
    تورط لانه قال لها يصرفها/الحمد لله احسن..
    ليــال/زين يصير اخذ من وقتك دقايق..
    مايدري وش يقول ..
    حمدان بندفاع بعد ماشاف تردد مازن/ماعليش ليال ابغاه في سالفه توني مصرف البنات..
    ليــال/O.k‏ مع انه يقدر يرفض بنفسه على العموم اسفه على الأزعاج..
    بدر ضحك..ومازن مل من كثر مايصرفها ..
    حمدان يقلد صوتها/يقدر يرفض بنفسه.."بجــد" يعني متعوده على الرفض يالحقيره ليه جايه اجل...
    مــازن/مشكور حمدان انقذتني..في الوقت المناسب..
    حمــدان بثـقه/اعجبك انا..
    مــازن /هاهاهاها..
    "ضحك لان حمدان متأثـر بمصطلحاته.. حتى اصـدقائهم الفرنسييـن يستعملون كلماته كثير..."
    .....
    ........

    ...طلعــوا فوق قبــل وقت المحاضره لان مازن يتــهرب من ريماس مايبغى يشــوفها لانه معصب للحيــن على حركتهــا اللي سوت... وقبل لايدخــل ...التــفت بسرعــه يــوم حس باليــد اللي مسكــت يــــده...

    ¶ ¶¶ ¶¶ ¶¶ ¶¶ ¶¶ ¶
    من هذا الي مسك مازن و وش يبغى فيه؟
    و وينها ريماس؟
    وش كانت تبغى ليال منه؟
    ¶ ¶¶ ¶¶ ¶¶ ¶¶ ¶¶ ¶


    סםסם
    םסםסםס
    الـعـــــــــصـــــر
    ؛؛:؛،.» بيت ام حـاتم «.،:؛؛:
    ========
    جالسين يتقهون..
    حاتـــم يطالع هند/وين نواف؟
    هنـــد/كان عندي في المطبخ..
    سمــر/تلاقيه يلحق روميو في الحوش عشان يوريه احمد شغله حذره الف مره بس ولدك ماعليه من احد!!
    حــاتم/سمور ناديه..
    دخل شايل روميو...
    شافته/ جيت والله جابك ان ماعلمت احمد بتشوف..
    نــواف/علــمي عادي...
    حاتــم/هلا بولد ابوه ...من وين جاي..
    نــواف/جايب روميو فيه برا قطوه سودا...
    أم حاتــم بحقد/ماخليتها تاكله!!
    سمــر/كان يستخف احمد...
    نــواف/لا انا ابغاه حرام..
    سمــر/عمي!
    حاتـــم طالعها /هلا
    سمـــر/ابغى مراجع من المكتبه!!
    نــواف/وانا بعد المدرس يقول اكتب لوحه لنشيد!!
    حاتـــم/بتكتب لك سمر..
    سمـــر/وسمر تبغى المكتبه ضروري!!
    حاتـــم/يعني اوديك؟
    سمـــر/ إذا ماعندك مانع..
    حاتـــم/متى؟..
    سمـــر/الحين لو تقدر..
    حاتـــم/و وينه احمد؟
    سمـــر / مدري عنه البيت صاير فندق له يجي عشان ينام..."نادرا مايتغدا معهم"
    حاتـــم/حتى انا مهوب عاجبني شكله!
    الجــده بخوف/وش فيه اسم الله عليه!!
    سمـــر تصرف/الدلع الله لا يوريك..
    الجـــده/مهوب راعي دلع الله يحفظه!!
    طلع جواله ودق عليه بس طلع مقفل...
    /عمي إذا مو فاضي اقنع جدتي تخلي السواق يوصلني ...
    بندفاع/السواق لا خليها الليله وإلا بكره..بطلع لصاله اشوف يمكن الاقي احمد هناك..
    /خلاص بدق للعنود بروح معها..
    / زين بكلم ثامر..
    /لا استحي منه بنروح مع سواق عمتي!!
    / ماتطولون وإذا رجعتي علميني!!
    /تراني مو بزر بضيع وبعدين معي عنود..
    باهتمام/ ولو...يالله بشوف اخوك وينه!
    طلع بعد مادقوا للعنود ...

    ==========
    ... احمـــد في صالته طلع جواله يدق لمهند خلاص فاض فيه الكـيل..ولقاه مقفل من الظهر..وفتحه ونهالت عليه المسجات..
    من عمه4 ‏Mawjood‏ ‏...و2
    من مهند..
    ومن سمر3 CallME‏‏
    دق لعمه اول بس عطاه‏ مشغول.. ثم دق لمهند..عشان يحط النقط على الحروف.
    مهنــد/مرحبا
    احمـــد/اهلين مهند..
    مهنــد/هلا
    احمـــد/وينك!!
    مهنــد/في البيت..بغيت شي؟
    احمـــد/اي والله..
    .. دخل حاتم المكتب وشافه يكلم وجلس ينتظره يخلص...
    مهنــد/آمر..
    بتوتر/ااا مرني ابغاك في سالفه..
    مهنــد/ O.k‏ بعد ساعه امرك في الصاله..
    /لا بنطلع..
    مهنــد/اللي تبي.
    /يالله لاتبطي!!
    مهنــد/صــــار...
    بعد ماسكر سأله /وش هالموضوع!!
    /ولاشي سوالف..
    /ليش تستغفلني؟
    بستهبال/انـــا..
    / فيه شي مضايقك..؟
    تنهد وخذ القلم يلعب فيه..
    /احمد وش فيك..
    رفع راسه/ عمي منيب كاذب عليك فيه موضوع مضايقني ..لو ماقدرت احله برجع لك اصلا ماعندي احد اقوله غيرك ..بس مهوب الحين!
    /على راحتك ..طيب ليه ماتغديت في البيت؟
    /لا مالي نفس..
    /زين بطلع اشوف أم ثامر تعبانه شوي..
    بخوف/وش فيها؟
    /ابد تقول العنود راسها يعورها..تخاويني..
    /لا بمرها مع مهند بعد المغرب..
    /زين بس لاتضيق صدرك...ووو متى محتجت لي بتلاقيني.."مشــى ثم التفت له" كلم امي طمنها عليك..
    /ان شاء الله..

    ....في شوارع الرياض تجول سياره مهنــد مع احمد اللي مو راضي يتكلم....
    احمـــد/مهند وقف نصلي..
    "المغرب"ونزلوا وصلوا
    ثم توجهوا لصاله حقت احمد..
    مهنــد/ياأخي اشفيك...وبعدين وينك امس اعرفك من عشاق الاستراحات وفله الحجاج..وش فيك.!
    زفر بضيق/مهند فيه موضوع ابغى اكلمك فيه..بس إذا دخلنا داخل...
    دقايق واستقروا في مكتب احمد...
    /وهذي جلسه...غــرد كلي اذان صاغيه!!
    بتردد/تحـــب؟
    ابتسم ثم ضحك/اسألتك ملغمه!!
    /لاجد تحب!
    / حب حب لا..بس اعز وحده..
    يدري انه يقصد سمر اخته..بس قال اتأكد انها مو بشاير/ولو اكتشفت انها ماتحبك!..اقصد ماتفكر فيك!!
    قبضه قلبه لايكون ماتبيني وانا دبلجت حياتي على انها زوجتي.. بس تظاهر قدامه بالهدؤ/مافهمت..
    /لو هاللي تحبها ماتفكر فيك وانت شاريها و فيه ثانيه تحبك وش بتسوي؟!
    فهم ان احمد يتكلم عن نفسه بس ياترى من الي تبيه ومن هو يبي/مدري..صعب اكلمها وصعب اشوف حبي ينهار!!
    /ابغى تحليل منطقي..
    بتفكير/ لو اضطريت بكلمها أو ارسل لها..
    /وش بتكتب لها!!
    /بقولها انا وشهو بالنسبه لها..
    /قويـــه...ابغى حل واقعي!!
    بتفكير/ احمد من هذي..لا تقول انها بنت خالك!!
    صد عنه/لا مو كذا
    /حرام عليك عمي وش ذنبه يوم عطاك بنته؟
    ياليتك تعرف ان بنته تحبك انت...ياليتك تحس بالنار اللي بجوفي/المشكله تخص واحد صاحبي في العمل..
    بشك/وكل هالضيقه عشان صاحبك!!
    تنهد وسند على الكرسي..
    /بشاير اللي ماتبيك وإلا بنت خالك..
    بعصبيه مستحيل يرضى احد ياخذ فكره سيئه عنها/ قلت لك واحد صاحبي!!
    /على العموم اسأل واحد عنده تجربه..انا مقدر افيدك!..
    قرر يدفن اللي سمعه بجوفه لانه مالقى حل ...بس بقى عنده فرصـــه وفرصه اخيره.....مستحـــيل ترفض تساعده.....

    °°°°°°°°°°°°°°°°°°°
    من اللي بتساعد احمد في حل مشكلته؟وياترى بشاير او لا؟
    °°°°°°°°°°°°°°°°°°°









    الجــــــامعـــه....
    =======
    ...التــفت بسرعــه يــوم حس باليــد اللي مسكــت يــــده...
    ابتسم بحتقار/اشـــتبين!!
    ....../ابغى اتكلم معك!
    / ..................
    ....../وش ذنبي اذا فهمت غلط!!!
    /غلـــط!!!
    ...../ايه اشفيك علي حتى الصباح ماسلمت.. ويوم ناديتك مارديت علي..
    / كنتي متوقعه بجي واشكرك على اسلوبك الحلو..وإلا استقبالك البارد..
    بإحراج من الطلاب يطالعونهم
    بصوت واطي/ زين خلنا نمشي من هنا بتكلم معك!!
    مــازن/بعد المحاضره..
    شافت ساعتها /باقي 5دقايق..
    /زين ...وين بنروح؟
    ريمــاس/بنلف..
    /امشي!!
    نزلوا تحت...
    /اول شي انت ليش زعلان؟
    /من قالك زعلان!!
    /شكلك..
    /وش فيه!!
    /اسأل نفسك ..طيب ليه مارديت علي الصباح يوم دقيت..
    عشان يقهرها/ كانت عندي ليال خفت تزعل لو رديت!!
    بقهر/تتكلم جد و إلاتمزح..
    /وليه امزح..
    بدهشه/انت كنت طالع لها!
    /................
    بقلق/مازن اكلمك!!
    /مااعتقد حاسبتك..ولاحتى اهتميتي لي وانتي مع ماكس ولاحتى راعيتي مشاعري...ومع هذا لاواعدتها ولاسلمت عليها بحراره والأهم مشيت وتركتها!!
    تفشلت/وانا ماوعدته اما السلام احرجني يوم مد يده..وعن الحراره ماراح ارد عليك ..
    /اجل ليش جاك..
    /اصلا مامداه سلم الا وانت طاب علينا..
    يتطنز/خربت عليكم اجل..
    بضيق/مـــازن!!
    /بس سمعت غير كذا..
    بطفش/وش سمعت بعد؟
    /انه كان معك قبل تدخلين الكفيتيريا!!
    /من قالك؟
    /يعني صـــدق!
    /لا بس من الحقير اللي قالك.
    "بتفكير"..اقصد الحقيره..
    /ههههه ليـــه تكذب؟
    /بس تكذب إلانصابه..
    بحب /يعني ماكنتي مواعدته؟
    /انت مجنون..شبي فيه كان عندي وانا اللي رفضته!!
    /خفت يطلع الكلام اللي في بالي صح!!
    رفعت حاجبها/اي كلام؟..
    /يقولون اللي تطلع معك تطلع مع غيرك!
    بثقــه/ هالمثل لغيري اما انا لا...
    /اتمنى..
    /مازن شكلك تلمح لشي ..
    / اخاف يجي يوم و تصدمينـي!!
    /انت وش تقول..مستحيــل يجي ذاك اليوم..
    /يـــارب..بس قولي ان شاء الله
    /ان شاء الله زين مازن لاتزعل لاشفت ماكس مره ثانيه معي هو يتعمد يسوي كذا عشان يستفزك!!
    /والله هذا يعتمد عليك ..إذا يهمك زعلي لاتوقفين معه!!
    /من عيوني..
    بهمس/ وبكسر يدك لو شفتها بيد رجال حتى لو بدر وحمدان!!
    ابتسمت بفرح تحب اهتمامه فيها بس قالت بتشوف ردت فعله/طيب ويدك..
    /لا انا غيـــر هههه..
    بس جد حتى يدي لاتصافحينها اغار منها وهي تحضن يدك!!
    بمرح /خلاص!!
    /وشهو..
    /رضيت!
    /انا قلت لك ماكنت زعلان بس قهرتيني!!
    /انا تعذرت ومشيت لاني مابيك تحتك فيه ولا تسبب بمشكله ..بس يوم رحت حسيت اني جرحتك خصوصا انك مارجعت تفطر!!
    /صار خير ..وعشان تدرين ان زعلك يهمني صرفت ليال قبل لا تطلعين و تشوفينها عندي!!
    ابتسمت/عشاني وإلا خايف؟
    / كلهم ..
    /وش رايك مانحضر...
    بإنفعال/المحاضره...
    شاف ساعته لقاها بدت من 10 دقايق..
    /خلاص تأخرنا خلنا نجلس بكرامتنا...
    /لا بنطلع جورج بيدخلنا بنقول مانتبهنا للوقت..
    /كيفك....
    ...وراحوا لمكان المحاضره و دق مــازن الباب وفتحه بس انصـــــــــدم ماكان جورج كانت جولـــيا وطبعا رفضت تدخلهم مع انهم اول مره يتأخرون عندها بس هي انسانه حقوده....ونزلوا
    ريمـــاس/احســـن انها مادخلتنا ..
    مـــازن/حقيره ماصدقت تاخرنا
    /زين انها طردتنا..مالي خلق محاضره..
    / ومن سمعك.."بمرح" توني اكتشفت ان عينك تصيب...
    فهمت قصده لانها قالت له يجلسون بكرامتهم/هههههه
    /الحين وين بنولي..
    /نروح لصاله من زمان عنها..
    (صاله العاب طائره و تنس طاوله وبلياردو وفريره وكره سله.... مساحه الصاله كبيـــره تتسمع لأكثر من الف طالب ..)
    دخلوا ومثل العاده تضج بالحماس والتشجيع...
    /اوف شكلها كلها محجوزه...
    ريماس/لا نفسي اللعب...
    بعد ماتأكدوا انه مافيه امل توجهوا لباب...
    بصوت عــــــالي/مــــــازن...التفتوا لمصدر الصوت كان مجدي شكل مو بس هم المطرودين لحالهم...وراحوا له
    مـــازن/ليش مادخلت؟
    مجـــدي/اصحابي وصلوا من الجزائر اليـــوم وماقدرت احضر..وانتوا..
    مـــازن/لاحنا تأخرنا وكانت جوليا مبدله مع جورج وطردتنا..
    مجـــدي/عادي ماتحترم احد..اش رايكم تلعبوا معانا..
    مـــازن/وش تلعبون..
    مجـــدي/طائـــره.
    مـــازن/O.k
    وكانت ريماس بفريق مجدي ومازن في الفريق الثاني ولعب وضحك وحماس..قطع عليهم الدكتور جورج سألهم ليـــه ما ادخلوا المحاضره وخبرته ريماس وقال لها إذا يبغونه يكلمها..قالت له لا! لانهم ماراح يدخلون واستاذن وطلع اما مازن وريماس كملوا معهم لعب إلى ان دق بدر...و اشكروهم واستاذنوا....
    ...توجهوا لمكان تجمعهم المعهود...
    סססססססססססס


    السعوديـــه
    =======
    .....رجع من العمل مرهق بس مانام عنده تخطيط ثاني دق لسمر وناداها لغرفته...
    دخلت وهي تطالع وراها/هلا احمد ...
    احمـــد/لاتقولين روميو اللي وراك!!
    سمـــر تطالع احمد/ليه مو داق عشان اجيبه؟
    احمـــد/لا سكري سكري قبل لايدخل...
    وسكرت الباب وسمعت زعيقه /ههههه حرا ا ا ا ا ام!!
    احمـــد/خليه وتعالي..
    سمـــر/شـــو بدك!
    احمـــد/فاضيه؟..
    سمـــر/لا مليانه!! هههه ..."جلست على المكتب" اتفضى لك آمر..
    احمـــد/زين انا عندي مشكله وحلها عندك...بتساعديني؟
    متفاجئه /عندي انا..!
    احمـــد/ايـــه..
    بابتسامه/اساعدك ليه لا بس وش بتعطيني في المقابل شوف لاتقول استغلاليه عــــــادي صرت مشهوره بالاوساط بهالصفه
    احمـــد/عمري كله لك..
    سمـــر/ مايصير"وفركت اصبعها الابهام وسبابه"بمعنى تبغى فلوس!!
    احمـــد/إللي تبين..
    سمـــر/إذا هات ماعندك!
    احمـــد/بس يبقى سر بيننا.
    سمـــر/صـــار..
    احمـــد على بلاطه/وش رايك في مهند؟
    سمـــر انصدمت من سؤاله/
    ولد عمتي؟
    احمـــد/ليـــه تعرفون غيره!
    سمـــر/نعرف من حنا!
    فضح عمره/هاه وش رايك؟
    سمـــر/ من اي ناحيه وليش؟
    احمـــد/من جميع النواحي..
    سمـــر/مدري..اقصد ماعرفه عشان احكم عليه...
    يستدرجها مصر يعرف من مهند اللي تتمناه بشور وتحلم فيه لانه مايتوقع تحب واحد مسمى لبنت خالها/طيب تدرين انك له؟
    بخوف/ايه بس لاتقول خطبني الحين!
    /لا بس قريب..
    بندفاع/لا ا ا ا ا ا...
    /ليـــه؟
    /من دون ليه ماابغى اتزوج الحين..بكمل دراستي!!
    /يعني موافقه على المبدأ ومو رافضه مهند..
    /ايه.. بس لو خطبني ما نيب راده عليه قبل ماتخرج لو وافقت خطب ولو خطب قال بملك ولو ملك قال متى الزواج لاتقول مادريت مستحيل ارد قبل لا اتخرج..
    يفكر كيف يدخل بموضوع بشاير/..................
    بقلق/احمد مهند كلمك؟
    /لا بس انا بغيت اتأكد من شي سمعته!
    /وش سمعت؟؟
    /سمعت كلام عن ناس خفت يسحبونك في طريقهم!!
    /من هالناس؟
    /ناس وبس...انتبهي لنفسك!!
    بقلق/احمد..وش سامع؟
    /ولاشي...خلاص توكلي بنـــام!!
    كان قاصد يثيـــر السالفه ويتركها مبهمه عشان هي اللي تستجوبه ويسحبها هو وبتجاوب على اسألته كدفاع عن بشاير....
    /مانيب طالعه...لين تقول لي...
    /تهميني انتي وغيرك يكفي انها صدمتني بنفسها!
    بشك/منهـي..
    /الله يستر عليها...ماابغى اتكلم في الموضوع يكفي اني مقهور منها...
    /بشايـــر؟؟
    /هذي انتي عارفه وشله الاستجواب!!
    /وانت تصدق فيها..
    /انا ماصدقت لين سمعتها هي بلسانها...
    / وش سمعت !!بشور اخر شي تفكر فيه هالحركات ..اصلا لو انا رديت لمهند هي مستحيـــل تفكر بشي يشغلها عن دراستها والله الدراسه هاجسها الوحيد!!
    /الدراسه..وإلا غيرها..
    بغيظ/احمد مااسمح لك بشاير اشرف من اشرف...
    /واللي سمعته!..
    /اكيد وحده غيوره وحاقده عليها..
    /اقصـــد اللي سمعته انا؟
    /طيب وش سمعت.؟.
    /مو مهم..
    /طيب متى؟ بشاير مستحيل تسوي الغلط انت ماتعرفها كثري..
    طمن راسه/خســاره بس..
    /وش اللي خساره!!
    /كنت ناوي اخطبها بس الحمد لله ماتورطت...
    بفرح/ صــدق..
    "وتذكرت شي"في ايش
    خايف تورط...
    /اقصد لو كنت خاطبها كان صعب اسحب الخطبه
    /حرا ا ا م تراك ظالمها
    "بتفكير"بعد احسن ماتهورت!!
    شدته كلمتها خاف انها تحب لايابشاير بذبحك لو اكتشفت خيانتك/ليـــه احسن!!
    بتهرب/ولاشي...يالله نام!!وقامت بتطلع قام ومسكها بعصبيه../ليـــه احسن!
    /ببساطه مهيب موافقه..
    /ليـــه تقدم لها خويها..
    بلمت(فتحت فمها وعيونها من الصدمه)/..............احمد شتقول انت..
    /اللي سمعتيه..وصد عنها ورجع لسريره وجلس..
    جت وجلست جنبه/لاتظلمها والله .....
    يقاطعها/ لاتحلفين
    بأصرار/قسم بالله انها..........
    بعصبيه /لا تكذبيـن ياسمر انا سمعتها..تتمناه بلهفه وفوق هذا تقول بوافق وانا مغمضه تقولين ماتحب هالحركات(ايقن احمد ان بشاير تحب من خلال ربكه سمر وعشوائية اسألتها.)!!
    بجديه/يمكن تقصدك!
    /سمر اتكلم جد وبعدين اسمي احمد مهوب مهند..
    تفكر بوجه الشبه ليش قال انا احمد مهو مهند/مافهمت!!
    فضح نفسه/.............
    /وش قصدك...
    بعصبيه/ ولاشي ....خذا غترته وطلع......
    /احمــد..احمــــد...
    /.............
    /وش اسوي الحين ادق لبشاير وقولها ...بس هو قال لاتقولين لاحد معناها يقصدها...وحتى لو اعلمها وش اقول اقول شاك فيك وانك تحبين وانه سامعك بأذنه... بس خاف اجرح مشاعرها صح مابعد قالت لي انها تحبه بس يبين عليها..يارب شسوي...لازم اقولها وهي تتصرف لوتحبه جـــد تدافع عن حبها.......انا مااقدر اقوله انها تحبه اخاف تزعل مع اني كنت بقول له واللي فيها فيها لكن ماعطاني فرصه وفوق هذا يقول اني كذابه يعني هو متأكد من اللي سمعه..اوفففففف..

    ¶ ¶¶ ¶¶ ¶¶ ¶¶ ¶¶ ¶














    ؛،.»بيت أبوهيثـمـ«.،:
    =========
    كانت في الصاله اللي فوق مع ميهاف وريناد تلعب بلايستيشن
    وهيثم دخل ينام وتروكي منسدح جنب امه عليه حراره .....راحت لغرفتها يــوم سمعت جوالها يدق ابتـــسمت يوم شافت من المتصل...
    بشايـــر/هااااي يامسمسمه..
    مروقه ياخوفي بعد اللي بتسمعينه تنقلب هالترويقه ياصعب المهمه يارب ساعدني/هلا بشور
    بشايـــر/بالمهلي..غريبـــه!
    ســـمر/وش الــغريب..
    بشايـــر/مهيب عاده تدقين هالحزه خبري فيك هالحزه نايمه وش قلبك..
    ســـمر/عندي موضوع بس اكيد مهوب معجبك!!
    بقلق/وشهو
    بجديه/بشاير انتي تحبين؟
    بشايـــر/ايه..
    ســـمر/من اعرفه؟
    بشايـــر/ايه مهند...ههههه..
    بقل صبر/بشاير اتكلم جد ترا مو رايقه لك..
    بخوف/سمور وش فيك..
    ســـمر/من مهند؟
    بشايـــر/حقـــك!!!
    ســـمر/صـــدق...
    بشايـــر/لاتقولين صدقتي والله اضحك !! لكن ليــه؟ خطبك!
    ســـمر/لا انتي اللي المفروض تنخطب!
    اسرعت نبضات قلبها اعلان لسباقها مع الزمن/نعـــم
    ســـمر/احمد كان بيخطبك!!
    بفرح/صــدق..."اسكتت بعد ماانتبهت" كــان...
    ســـمر/ايـــه بس انسحب...
    دموعها بدت تتجمع بعينها انسحب... انسحب اللي حبيته من سنين ... انسحب اللي مادق قلبي الا له... انسحب من رسمت صوره له في قلبي...انسحب اللي اشوف وجهه بكل الوجوه...انسحب اللي رسمت حياتنا وخططت لها على ورقه... نزلت دموعها بضعف وخوف وقليل من الندم /ليـــه
    ســـمر/...مدري شقولك يقول انه سمع ان لك علاقه مع احد وتأكد منك يقول سمعتها مره تتلهف على واحد وانها تقول بوافق وانا مغمضه!!
    بصـدمــه/ انا....متى...و وين؟
    ســـمر/ماقال بس شكله انصدم فيك حتى قال الحمد لله انه اكتشفك قبل لايتورط معك!
    بشايـــر/وانتي وش قلتي له!!
    ســـمر/دافعت عنك بس ما عطاني وجه وقال اني كذابه...
    بشايـــر/...........
    بخوف على بشاير/بشور ...وينك..الو.
    بشايـــر/زين سمر وش اسوي؟
    ســـمر/مدري هو حلفني مااقولك بس ماحبيت يصير شي من ورا ظهرك!!
    بخوف/شي...مثل ايش!
    ســـمر/مـــدري
    بشايـــر/تقصديـــن..ا ا ا ا ا أريج!!
    سمـــر/مـــدري
    بشايـــر/ طيب متى قلت كذا؟
    سمـــر/مـــدري
    بعصبيه/سمر وش فيك!!
    بضيق لان بشاير صعبت عليها وقامت تبكي/مـــدري بشور والله مـــدري!!
    بضعف وقهر كيف يصدق فيها /مشكوره سمر..هو حر خليه يسوي اللي يبغى يسويه واثق الخطى يمشي ملكا...
    سمـــر/وش بتسوين!!
    تمسح دموعها/ ولاشي
    بصدمه/بتسكتين!
    بشايـــر/ اغصبه علي!
    سمـــر/لابس كلمي هيثم..
    بشايـــر/مستحــيل...هو سمع وصدق مافكر يتأكد..وانتي تقولين ماعطاك فرصه.. كيفـــه!!
    سمـــر/وبعديـــن..
    كانت بتقول طمنيني وش بيصير بس كرامتها ماسمحت لها/مشكوره مره ثانيـــه....باي!!
    سمـــر/لاتضيقين صدرك بكلمه مره ثانيه... مع السلامه..

    ¶ ¶¶ ¶¶ ¶¶ ¶¶ ¶¶ ¶
    ياترى وش ممكن يصير لبشاير بيتركها احمد ويخطب بنت خاله؟
    أو يفضحها عند اخوها لانها ماحافظت على حبه و كرامة اهلها؟؟
    ¶ ¶¶ ¶¶ ¶¶ ¶¶ ¶¶ ¶
     
  9. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    غرفه مـازن الساعـ11م ـه
    ========

    جالس قبــال المرايه يفكر في حركه ريماس واضح اني ماهمك ولاماكنتي سافرتي والموضوع معلق فوق هذا تركتي جوالكـ هنا يعني افهمها ماابيك ليه ياريماس ليه سويتـــي كذا اذا انا غلطت فانتي الســـبب إذا ضايقك كلامي فانا انهنت قدام الكــل مافيه رجل تهون عليه نفسه الا اللي ماعنده كرامه ومع هذا دستها لعيونك دقيت وارسلت لكن انتي وش سويتي مارديتي على رسايلي حتى الثابت دقيت وصرفتيني بس الوعـــد لا رجعتي بنشوف من إللي بيهتــم لك من اللي يخاف عليـــك من اللــي لا حتجتيـــه تلقينه خلي باريــس تنفعـــك..وتساعدك تنسيني... طلع يتمشى..




    =============
    ================


    فجري اللي تبينه من غيابك وغيبي اصلا القلب ما بقى به شظايا ! واتركي لي جروحي جعلها ما تطيبي و لا تخليــن عندي ..منك اية بقايا !غلطتي واحتملها يوم اعامل بطــيبي
    واحسب الناس مثلي واضحين النوايا.!شفت المقــفي وربي ما أتبعه لو خطوتين و أصبعي وهو اصبعــي لامن غدرني أبقطعه!
    بأسألك سؤال واحد والجواب بكلمتين لاصار قدرك والهوى خصمين من تاقــف معه!.
    ياخي عز الكرامــه وانت دايم مستهين ياخي ضرســك لو يعورك بذمتك ما تشلعه!..









    ================
    =============




    ؛،.» بيت أبو ثامــر«.،:
    ========
    ...موجود الشباب في المجلس
    عدا احمد اعتذر انه مشغول بالصاله...(لكن هو مهوب مشغول ...متضايق من عقب سالفه بشاير ماحب يروح وهو متضايق يخاف عمه يلاحظ من جديد ضيقته لانه المره الماضيه اصر إلا يقول عن اللي مضايقه واحمد قال انها انحلت مشكلته بس الخوف من كبته لمشاعره وهمومه يجي يوم وتنفجر...)
    الكــل/ههههههه
    ........../اضحكوا جعل المزيون مايغيب من شر!
    حاتــم/لايكون زعلت!!
    ثامــر/ليه يزعل هو البادي...
    هيثــم/والبادي اظلم..
    معتــز/اقول الشرهه علي اللي جالس عندكم ...
    وطلع لصاله وجلس عند جدته
    دق التليفون وردت جدتــه طلعت ميهاف تبغى ريناد
    بس كانت فوق تغير لتركي وقام معتــز ..
    الجــده/ويــن اجلس ماتنشاف انت الا إذا مازن هنا بس من يمشي تختفي..
    يضحك/بنادي ريناد لتليفون ...
    لكن ماناداها رد هو من المطبخ...
    معتــز/الو
    معصبه/بـدري!!
    معتــز/من عمرك ياعمري...
    ميهــاف/..................
    معتــز/الو
    بحراج/ممكن اكلم ريناد!!
    معتــز/لا ا ا ا ا
    ميهــاف/O.k‏ ....باي
    معتــز/ميهاف!
    ميهــاف/...................
    معتــز/شخبارك..
    ميهــاف/الحمد لله
    معتــز/متى نملك..
    ميهــاف/اسأل مازن..
    معتــز/بس انا ابي اسمع رايك انتــي!!
    ميهــاف/انا مابي املك قبل لايجي ..
    قاطعها/بس هو قال العوض في الزواج..
    ميهــاف/انا بعد قالي كذا بس ماتكتمل فرحتي الا وهو موجود!
    معتــز بمرح/زيــن بخليك بكيفك ليــن تطيحين بيدي!!
    ميهــاف/متى؟ ههه
    معتــز/لا متى هذي تخصني !!
    ميهــاف/كيفك...بس الله يخليك عطني ريناد...
    معتــز/وش تعطيني إذا ناديتها..
    ميهــاف/وش تبي...
    معتــز برقه /امووووه
    هههههه وباس السماعه...
    سواري /بابا انت يحلم...
    التفت لها/هههههه
    وطلــــــــع لشباب...
    بعد ماسكرت ميهاف

    ...بعـــد اسبوعيـــن...
    ========
    ... وصلت العصر ونامت مباشره وصحت المغرب وصلت ونامت لحد الساعه 10 م
    قامت مروقه خذت شور وصلت العشا وفتحت جوالها... وقررت تداوم بكره وامطر
    جوالها بمسجات كثيره فتحت اول شي رسايل مازن كانت مشتــاقه له موت رجعت بعد تفكير عميق باللي صار ارجعت مصــره ترجعه لها مستحيل تتخلى عنه وعن حــب سنوات ماضيــه...فتحت اول مــسج كان./..
    (ما دام طعــت الوقت فيني و اقفيــت.....تحمــل اللي يجيك لا جــيت تايــب)




    ابتسمت اكيــد ماخذ في خاطــرك بس انا جيت لك نادمــه ....فتحت الثانيــه/...
    (انا ترى لا اقفيـت قفيّـت مابنـت
    والشخص لامني كرهته كرهتـه
    مااذل نفسي وارخي الراس يا بنت
    واللي بغا فراقي تـرى ماجبرتـه
    نفسي عزيزه وافهم العلم لاهنـت
    الـذل مايـوم ٍ بعمـري تبعـتـه
    رفضت غيرك وانت بالحب مالنت
    ياقرد حظي يوم غيرك رفضتـه)


    حزت بنفسها انه يقصد ليال بكلامه...بس عاذرتك ياقلبــي
    الوعد بكره لا ابوس رجليك...
    وارسلت له/.....


    (لا تخونك ظنونـك في خليلا ً تعــزه تبعــده وتلهيــه الأيــام عنــك وظـروفه تذله
    تـرى الغـــلا ماهو سلام أو رسـالة و رنة الغــلا غلاك لا صـرت في وسط قلب إنت وحدك ملكته )
    ارسل لها/...
    (ما انت على خبري تغيرت بالحيل ماهوب قول الناس شوف عيني مثلتلي دور المحبين تمثيل روحي كملي المشوار هالحين دوني دامه حصل بالوضع يازين تبديل في عزتي للنفس هجرك يهوني)
    ياعمري انت.. غصب عني اللي صار عطني فرصه ابرر موقفي...وارسلت/..
    (يا ذيب أنا بوصيك لا تآكل الذيب كم ليلة عشاك من عقب المجاعه )



    رد /
    (خلاص أرحل وأنا برحل
    مدامك بس تبي تزعل
    وسامحني على التقصير
    أشوفك يا الزعول بخير)
    دقت له وعطاها مشغول ...




    ثم وصلها مســـج منه/
    (من يفتح لفرقاي باب افك له عشرين باب..
    وإذا خويي مايقدر خوتي ماقدره....
    الصاحب اللي مايجي من صحبته غير العذاب..
    نذر علي ان ماهجرني وإلا انا اللي بهجره)


    ...(مازن رد علي)
    (ويـــن كنتي يوم كنت محتاجك)
    (سامحني غصب عني)
    (قلتلك من قبل اخاف يجي يوم وتصدميني بس قلتي اهوجس)
    (وانت تهوجس للحين..رد علي)
    (بتداومين بكره)
    (خاف اقول ايه ولا تداوم)
    (انا حر على قولتك)

    םסם
    סםסםס
    םסםסםסם






    اول مادخلت من البوابات شافته واقف ينتظر بس من دون الابتسامه المعهوده وقفت تطالعه وهي مابين تروح له وإلا تنتظر هو يجي فجــــــأه
    عطاها ظهره ومشى...
    انا وش صار لي معقوله مقدرت اتحمل غيابها رغم اللي سوته فيني واللي قالته عني .. و بعدين مالها عذر لو كانت مشتاقه لي مثل ما انا مشتاق لها ماوقفت تطالعني كل هالوقت كأنهاتدور احد ينقذها..هذي ثالث مره تردين علي بكذا الاولى كلامك لي والثانيه سفرك وهذي الثالثه وصل القاعه بس رجع ونزل ماله خلق يحضر جلس بالصاله الرياضيـــه اهم شي يختفي لحد ماتدخل ريماس المحاضره!!
    بعد½ ساعه طلع وارسل لبدر إذا ريماس داخله المحاضره قال لا!!
    انقهر وطلع يدورها لانه من شوي شاف ماكس ..خاف يكون عندها...
    ... كانت جالسه في الصاله الخارجيه ومعها دفتر بدر تسجل المحاضرات اللي فاتتها..كان فيه طلاب و كذا شله بس شلتها داخل كلهم...ماحست الا بدفتر يطيح على الدفتر اللي تكتب فيه..عرفته من شذى عطره..بس ماقدرت ترفع راسها تشوفه منحرجه من حركتها الصباح...
    مـــازن/ماله داعي تكتبين هذا دفترك عطانيه واحد من الشباب من..اسبـــوعيـــن
    "تعمد يرص عليها لانها طولت" واتوقع كامل عدا محاضره جوليا امس ماسجلتها ....
    /..................
    رفعت راسها شافته رايح ياخساره ..والله فشله مااستاهله انا وجهي"وهي تفتح دفترها شافت قرابه عشرين محاضره"
    فديت روحه يارب...بس لو كملتها وحضرت امس...ههه
    قررت تلحقه وتراضيه بس هونت يوم تذكرت رسايله ومقابلته اليوم لها حست انه متغير عليها..نزلت راسها على دفترها وسكرتها على وجهها وغمضت عيونها تستنشق احلى نسمه في الدنيا..
    تركت اغراضها وطلعت تدوره بالكفتيريا بس مالقته وجلست مع شله تعرفها لحد مايطلعون ربعها...
    دق جوالها كان رقم غريب وطنشت..ثم دق ثانيه..
    ريمـــاس/الو
    ............/هلا ريماس..
    ريمـــاس/نعم
    .........../الحمد لله على السلامه!!
    ريمـــاس/الله يسلمك..ماعرفتك!
    ............/انا احمد مشكوره على الملزمه ترا عطيتها مازن
    ريمـــاس/ايه وصلتني..
    احمــد/زين سلمي على الشله باي..
    ريمـــاس/باي..
    ...انتهى وقت المحاضره ودقت لغدي تستعجلها..واستاذنت من الشله اللي كانت عندهم وطلعت تاخذ اغراضها...
    بس مالقت ملزمتها..توقعت مقلب من مازن بس استبعدت الفكره ودورتها.. مالقتها وسألت الجالسين بس محد يدري عنها..
    طلعت تنتظر غدي وهي متضايقه وش بيقول مازن عنها لو عرف انها ضاعت اقل شي بيقول ماأهتمت...جتها غدي وطلعوا على طول تحت استغراب غدي...وقالت لها السالفه من دخلوا وجتها ليال وسوت انها مالها دخل وسألتها ليه غابت ..
    وكملت لحد ماجاها مازن وكيف ضيعت ملزمتها...
    غـــدي/قهر من سافرتي وهو مايجيب ملزمته طول الوقت يسجل لك..
    ريمـــاس/هذا القهر وتلاقينه ماسجل لنفسه للحيــن!
    غـــدي/وش بتسوين..
    ريمـــاس/مدري..بس من تتوقعين يسويها؟
    غـــدي/ليـــال اكيد شافت مازن يوم عطاك إياها..
    ريمـــاس تنهدت بقهر
    غـــدي/روقـــي!!
    ريمـــاس بحزن/ اقوله
    غـــدي بتفكير/لا انتظري يمكن معه وإلا مع واحد بيسوي فيك مقلب!
    ريمـــاس/اكيــد بيزعل..
    غـــدي/اكيـــد لو انا بزعل.
     
  10. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    ــــ
    ـــــــ
    ـــــــــــ
    اليـــــوم الثانــــــيـ
    ======
    ...دخل الدكتور وبدأ يناقش الطلاب في المحاضره اللي مضت.... كانت جالسه قدام جنب الجدار وسانده عليه وسرحانه كيف بتقول لمازن...
    فجــــــأه طقتها غدي من تحت الطاوله عشان تنتبه لان الدكتور قال اسمها اعلان لمناقشتها وقفت مصدومه انه قومها... و خايفه لانها مااستعدت...
    وطبعا ماجاوبت وجلسها الدكتور بعد ماحط لها(-) ...من مكانه المعهود راقبها بقهر( ماجاوبتي عشاني انا اللي مسجلك وفوق هذا ماشكرتيني
    بس كيف ازعل لانها ما شكرتني وهي للحين ماسلمت علي...يصير خير ياريماس)
    انتهت المحاضره وقامت غدي بتمشي بعد مالمت اغراضها بس انصدمت يوم شافت دموع ريماس على خدها لانها شافت مازن يطلع مافكر يسألها ليه سوت كذا او وش فيها..
    قومتها وطلعوا بس من دون مايمرون الكفتيريا...
    غــدي التفتت لها/خلاص ريماس صار خير لاعرف بيعذرك!
    بغصه /ماشفتيه طلع كأنه مايعرفني...
    غــدي /تراه معذور سافرتي ماقلتي له ورجعتي ولاسلمتي عليه عطاك الملزمه و ماحافظتي عليها والاهم هو بيفسر انك ماجاوبتي عشان تقهرينه بدليل ماجلسنا معهم ولامريناهم لا اليوم ولا امس...
    تبكي/ادري بس وش اسوي ضاعت غصب عني!!
    غــدي /زين تعالي نروح لكفتيريا ثانيه نطلب انا للحين ما أفطرت وبعدين ورانا الهم جوليا...
    ريمــــاس/انا مانيب حاضره..
    غــدي /وشهــــــــو؟
    ريمــــاس/اللي سمعتيه !.
    ....وفعلا ماحضرت راحت لممر البارمودا وجلست هناك كسيره اعز الناس خذلها ماحاول يعرف ليش سوت كذا...
    دق جوالها شافت مسج بأسمه وفتحته/
    (ماله داعي تفتعل هذا الزعل
    قولها لي بكل صراحه ماأبيك
    قول ان الحب عن قلبك رحل
    وأن قلبي صار لعبه في يديك
    ماني اول قلب في الحب انخذل
    ولاأنت آخر من يخذله شريك)
    كانت تحارب دموعها من شوي لا تنزل لكن الحين غرقت بدموعها ليه يامازن تتصور اني مرخصتك كل شي ضدي من رجعت حتى انت...
    (مسكينه كل هذا وهي مابعد عرفت بالمصيبه اللي بتوصلها بطريق)
    ססססססססססססס


    السعوديــه....
    ؛،.»صالـة أبو ثامــر«.،؛
    ‏======
    ...بعد قهوه العصر المعتاده في اغلب البيوت العربيه....
    جلس مهند وريــناد يلعبون كيرم.... وثامر منسدح على رجل امه وعزوز وتركي ولد ريناد ينططون عنده...والعنود في المطبخ عندها يارا الا تغسل المواعيــن بس سواري طلعتها برا ورا امها ودخلوا الصاله شافت ثامر يقنع امه على شي بس ماتدري وشهو..!
    أم ثامــر/ياولدي ماعرف!!
    مهنــد تدخل مثل العاده/أفاااا أم ثامر ماتعرف تلعب كيرم وصمه عار في العائله.!
    ثامــر/ههههه ...
    وبعز النقاش فاز مهند(الاستراحات وماتعلم)..وشال الكيرم وراح قبال امه وريناد جابت المركى عشان يحطونه تحت الكيرم..
    رينــاد/يالله يمه انتي ويا مهند وانا وثامر..
    أم ثامــر بجديه/اللي معي مهوب شايف الفوز!!
    مهنــد بثقه/ماعليك يمه انتي خربي عليهم وانسي الفوز..
    ثامــر/هذا وحنا اخوانك تقول كذا..
    مهنــد/ماعليك امر اخت ريناد عيدي اقتراحك ماسمعته!
    رينــاد ببراءه/ انت وامي وانا وثامر..
    مهنــد/من كاذب عليك وقال بتلعبين!!
    رينــاد بعناد بتجلس قبال ثامر....
    مهنــد بصوت عالي/لا لا لا
    وقفت من الخوف/خيــر روعتني!!
    مهنــد/ولاشي بس هذا مكان عنود...
    رينــاد بتعجب/نعــم ..وجلست عناد..
    مــهند/توك خاسره دور عنود تلعب مع ثامر..
    العنــود بعتراض/لا مهند خلها تلعب..
    مهنــد بعناد/والله ماتلعب تو مسويه فيها بتفوز علي"يقلدها"لاخسرت تودي تركي للبقاله وتباشر علينــا كلنا!!
    رينــاد/ههههه
    ثامــر يتمصلح عشان يدخلون العنود تلعب مكانها/إذا كذا قومها متحديتك وتلعب!!
    مهنــد ماصدق/يالله شرفي...
    رينــاد بقهر/هيــن ان مادقيت لهيثم ورحت!
    ثامــر بمرح/اقول بس سوقيها..
    وجلست العنود قبال ثامر لهم العشرات ومهند وامه الخمسات وبدأ اللعب حماس وضحك ...
    مهنــد/لا رجعها ثامر والله انك سارقها..
    ثامــر يتصنع البراءه /احلف بعد؟
    مهنــد/ثامر رجعها ...
    ثامــر/وش هالغش ارجع حقتي!!
    مهنــد بقهر بعد مارجع اللي سرق ثامر/يمه انتبهي له تراه حرامي..
    الام/وانا وش دخلني بس شف انا بصيد هذي لاتخربها علي وإلا والله لسرق وعطي ثامر!!
    ثامــر/هههههه..والله يمه انك زاحفه...
    مهنــد بغيض/ يالله يمه العبي دورك..
    أم ثامر متورطه /خاف مصيد ونخسر..
    مهنــد بانفعال/اقول العبي الله يرحم والديك من سمعك قال واقفين عليك ...
    (يقصد معتمدين عليها)
    العنــود وثامــر/هههههههههه
    أم ثامــر/بسم الله ولعبت
    "طبعا ماصادت شي"
    أم ثامــر/عساني صدت..
    مهند بطنازه/المره الجايه!
    أم ثامــر/شوف الجحور زين انا متاكده ان الحبوب نقصوا..
    مهنــد/ والله ان كانهم نقصوا فثامر سارق لكن إذا على الصيد منتيب حوله..وبعدين تراها كيرم مهوب بلياردو بغيتي تشيلين عيني!!
    وجا دور أم ثامــر مره ثانيه ولعبت وصادت..وقام يصفر و يزغرد مهنــد والكــل ميت ضحك..وحلته امه بالصول...وكملوا قرابه ثلث ساعه بس فاز ثامر والعنود..
    مهنــد بعتراض/غش انت ومرتك سروقين وعندكم احد يشجعكم(عيالهــم) وبعدين امي مادير اللعب...
    أم ثامــر/ايه اشوفك صدت الخمسين!!
    مهنــد/صدقتي انك حريفه اصلا قلت كذا اشجعك وإلا هي جت صدفه...
    ثامــر/ههههههههههههههه
    أم ثامــر/اقول قم تقلع ماخسرنا الا انت...وإلا انا دايم اللعب مع عيال ثامر وافوز..
    ثامــر يقهر مهند/نعم..
    يــارا/بابا دوري...
    ثامــر/الليله يلعب معك مهند..
    مهنــد بسخريه/إذا تخرجتي ذكريني...
    ثامــر/ابو المذله...
    أم ثامر"مروقه"/ماعليه لاحقه على خيــر..
    قام مهند وحب راس امه ومشى بيطلع
    ثامــر/مهند ويــن؟
    مهنــد/يوووووه نسيت اخذ اذنك قبل ماطلع!!
    ثامــر بابتسامه/اتكلم جد..
    مهنــد/ليــه
    ثامــر/اذا شفت اسامه اعزمه للعشا في المزرعه...
    مهنــد باستنكار/وانت ليه ماتعزمه؟
    ثامــر /دقيت له جواله مقفل..
    مهنــد/بشوف...ولف لامه هاه يمــه تامرين على شي!!
    أم ثامــر/سلامتك..
    وطلع ثم رجع بسرعه...
    "بابتسامه" اجل يمه تفوزين على عيال ثامــر هاه ...
    وحلته امه بعلبه المنديل...
    مهنــد/ههههههههههههههه
    ثامــر بسخريه /الحمد لله وشكر !! انت خبل...
    مهــند/لامهنــد..
    ¶ ¶¶ ¶¶ ¶¶ ¶¶ ¶¶ ¶








    لنــــدن....
    الجامعــــه....
    ========
    انتهتـ المحاضره وطلعت تدور ريماس معها ميشو ...
    كانت محتاره تبلغها وإلا تاجل الخبر لان ريماس من رجعت من يومين ونفسيتها زفت...
    شافوها من بعيد سرحانه بعالمها..بس يوم وصلوها انصدموا بدموعها على خدها...
    استغربت غدي حالها لانه ماصار لهم مصيبه الاو ريماس حاسه انها بتصير فببساطه حست باللي صار في المدرج وجلسوا عندها حطت غدي يدها على يد ريماس/وش فيك!
    اتنهدت ومسحت دموعها قالت بقرف/مدري من دخلتوا وانا ضايقه مدري ليه كل شي صاير ضــــدي!!
    غــدي/...............
    مسحت ميشو دموع ريماس وضمتها...
    وصل بـــدر/السلام عليكم..
    ريمـــاس مطمنه راسها ماتحب احد يشوفها ضعيفه/وعليكم السلام..
    بـــدر بحسن نيه/ماعليك منها خليها تولي جيبي عذر وتدخلك الاداره الامتحان غصب عنها!!!!




    (لحظــــــــــــــــــــــــــــــة صمــــــــــــــــــــــــت)





    غــدي...نزلت راسها !
    ميشو...صدت عن ريماس!
    بــدر...درى انه جاب العيد!


    شافت ملامحهم درت ان فيه مصيبه بضعف طالعت بدر/ وش صاير؟
    يدري الكلام مايجيب نتيجه مد لها ظرف خذته وفتحته طاحت دموعها من جديد...
    /حرمـــــــان!!
    ميشو بانفعال/ليش مازن استلمه ماكانت تقدر تسوي شي لو جلس عندها...
    بـــدر بدفاع عن مازن/بس هو ماله دخل من قبل تدخلون انتوا قالت انها مهيب مدخله ريماس الابعذر ونادت مازن يوقعه!!
    غــدي حطت يدها على كتف ريماس/جيبـــي العذر وقهريها هي تدور عليكم شي من زمان...
    ريمـــاس/..................
    ..عرفت غدي انها كرهت نفسها بسبب مازن ماكفاه انكاره لها وجموده ماجايوقف معها شاطر رماها بالنار وتركها..
    .. وش اقول عنها تعبت مو حمل كل هاللي يصير تبغى العون والسند منه بس وينه تركها بعز حاجتها له...
    اشرت غدي لبدر وميشو عشان تكلمها لحالها و استاذنوا
    غـــدي/خلاص ريماس كل هذا عشان حرمان..ابوك يده طايله جيبي العذر وقهريها وحده مثل هذي خساره فيها الاحترام...
    ماردت وطلعت جوالها ودقت...
    ....../الو
    ريمـــاس/ايوه حسين..انتظرك عند بوابه الجامعه..بسرعه!
    باستنكار/ويــن
    ... وقفت ومشت بس ماهانت عليها غدي رجعت لها وضمتها وبكت...
    بشفقه لحالها/ ريماس ارتاحي...بجيب تصويري من المكتبه وبوصلك انا!!
    ريمــاس رفعت راسها/لا حسين برا(سواقها من كانوا في النمسا وهو عندهم قرابه 9 سنوات....حبشي)
    غــدي/دقي له يرجع لابوك بوصلك انا!
    ريمــاس/لاغدي بروح معه باي..ومشت
    ماقدرت تسوي شي لها سوا انها تــبلغه بنتيجــه افعاله ...
    .. طــا١١١١١ر لبوابات الجامعه شافها طالعه
    /ريــــمـــــــــــااااس...
    التفتت له وشافته جاي يركض بس ماسمحت له يشوف المها و عذابها ركبت سيارتها وتحركت قدام عيونه ماقدر يمنعها ماقدر يواسيها انقهر ليه تسوين كذا كله عشان هالحقيره هنت عليك لو جيتي رميت كل شي ورا ظهري لوعطيتيني فرصه صححت اللي صار...انا بس قلت اثقل عليها اكيد ماراح تصبر متأكد انك راجعه بس خذلتيني.. بس بتشوفيــــن...اوووه انا بعد وش اقول انا مقدر اهددها لاني باختصار مقدر على زعلها بس هي اللي تجبرني..يالله ماصدقت رجعت... هي من زعل سافرت اسبوعين اكيد الحين بتهاجر طلع جواله ودق لها بس انقهر لقى جوالها مغلق...
    ¶ ¶¶ ¶¶ ¶¶ ¶¶ ¶¶ ¶





    =============
    ================
    (ابسكـــت واخبي جـــرح قلبي عن النـــاس مادمت ياخـــلي في بعـــدي تناسيـــت افهم ترا مافيني شي من اليـــاس لاني عرفت الحـــب صادق و حبيت دام الغلا مع كل شخـــص له اقياس مـــات الغلا من يوم عني تخليـــت)
    ================
    ==============




    םסם
    סםסםס
    םסםסםסם
    بعد مـــرور 3ايـــام على غياب ريمـــاس عن الجامـــعه....
    ==========
    العصـــر جالس بالكوفي شوب يفكر فـــي اللي صار اليوم...
    انا غبي تحبني وتموت فيني ليه اترك من هب ودب يفرق بيننا ليه مارحت لها وش فيها انا بعد غلطت عليها مثل ماغلطت ليه ماتسامحنا ونسينا كل واحد كابر وفي النهايه وش حصلنا حتى الحقيره جوليا استغلت بعدنا عن بعض ..يالله وش قاعده تسوي الحين تبكي وإلا متندمه على معرفتها لي وثقتها فيني بس انا استاهل جت واعترفت بحبها ليش ماصنتها ليه ماوقفت معها ...
    ارسل لها/..
    (--غبت يوم وعذرناك وبولهنا انتظرناك يالله ارجع كفايه ابصراحه فقدناك-يعني ماصاحت اذنك مابكى الشوق منك ماصرخ يوم حزنك لحظه اللي طريناك-في غيابك نسينا وش لنا وش علينا شاغل البال فينا ليتنا ماتركناك-انجبرنا نخليك نبتعد عن مراسيلك بس واللي يخليك حتى في الحلم شفناك--)
    ....كان هذا آخر شي توصل له قرر يستعطفها ويحنن قلبها عليه يبغى ترق لحاله وتغير رايها ترجع له او على الاقل ترد عليه يتفاهمون
    حاسب ورجع لشقتهم
    ...بس كيف ترجع وكل شي ضدها جوليا وليال وحركات مازن والأهم ظروف ابوها وظغط العمل وسفرات وفوق كل هذا تعبانه ....
    دخلت غرفتها لان جوالها يوم دق كانت في الصاله عند ابوها قالت لهم غدي مرسله تبغاني ادق لها
    قرت المسج حنت له ورحمت حاله بس هو المتهم الأول في كل اللي صار لها وردت على رسالته ثم قفلت جوالها....
    ماانتظر ردها لانه فاقد الأمل من سافرت لباريس وهي ماارسلت له إلا ذيك الليله بس دق جواله اعلان لوصول مسج كان يدعي بقلبه انه منها فتحه وطار من الفرحه يوم شاف المرسل انطعنت فرحته
    بقلبه نزل الجوال بهدؤ وقام يدور بالغرفه مايحس بنفسه اليوم ريماس حكمت على علاقتهم جلس على كرسي المكتب وطمن ودخل اصابعه في شعره رفع راسه وخذ القلم وكتب كلمات نطق بها قلبه المتعب وروحه الجريحه وجروحه التي تنزف نقش كلمات ستخلدها الذكريات في قلبه ....



    احسست بأنفاسي تخنقني حين صعقتني كلماتك كان مدلولها زلزالآ فجر زوايه الألم المستبد في داخلي جرفت معها كل تفكيري ..اردت ان تطل على السجايا وماتخبه الأعماق غير ان الوقت اختصر كل ذلك وجعل من الهروب ملاذآ لتغير دفه الأمور والضجر الذي دوى صوته وايقظني من غفلتي التي احدثتها الاعتراضات العنيفه و شعرت انها فرصه لاجتذاب الكلمات ومنعها من العبور حتى تصبح في طي اللاشعور حيث احرق كل اوراقي التي لاأجد لها مكانآ في قلبي......
    رمى القلم ورجع لرسالتها يتأكد من كلماتها وانه هو المقصود فيها قراها للمره الاخيره استعداد لمسحها من ذاكره جواله وقبلها ذاكرته هو...
    (لعبه الأقدار تلعب في هوانا والزمن غدار مايحفظ امانه هذا شي معروف من يملك مصيره العيون تشوف وايدينا قصيره
    ياحبيبي وين كنا وانتهينا صار دمع العين يتحسر علينا الزمان سيوف وجروحه كثيره العيون تشوف ويدينا قصيره)
     
  11. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    ¶ ¶¶ ¶¶ ¶¶ ¶¶ ¶¶ ¶
    آآه ياليتك فكرتي لثواني كيف بيكون وقع رسالتك علي ...
    ياليتك تحسين فيني ذبحني كبريائك ذبحني عنادك ليه ماقدمتي تنازلات عشان حب صادق كان ممكن يستمر
    ويعيش ليه قتلتي برائته ...آه يالقهــــــر‏ .........
    نام على غصه نام مكسور نام بالم وحزن وندم ايه ندم هي مهيب المسأوله الوحيده هو شاركها ليه مانسى لها غلطتها ومشاها ياما عدت له وفوتت....



    الســـ 5ص ــــاعه
    صحاه بدر عشان يصلون جماعه...ثم رجع لغرفته لحقه بـــدر/مازن منتب مداوم!!
    مــازن/لا
    بــدر/ ليــش...مازن هذا مستقبلك إذا من اول صدمه تستسلم بتتعب الحياه مليانه هموم ومشاكل والشاطر اللي يسلك نفسه بينها ...مازن انا قدامك كرهت الحياه بعد وفاه امي جيت بين ابو مايسأل ومرت ابو ظالمه توقعت اني انتهيت بس صارعت الحياه درست وهتميت صح لأختي فضل علي مايستهان فيه بس لو ماكانت ارادتي قويه ماكنت وصلت لهنا ولا كنت متفوق... مازن ريماس صديقتي و اعزها بس دامها قالت ما تشرفها انساها هي حره يمكن عندها احد من اهلها محجوزه له وكتشفت ان علاقتكم غلط او على الاقل ماتبغى تتعذبون بعدين مازن اعذرها...
    بضعف/مالها عذر ليه ماجت وقالت لي عذرها.. هذا لو طلع كلامك صح...
    بــدر/طيب داوم ساعد نفسك انك تنساها عود نفسك تشوفها من بعيد لبعيد تأقلم على الوضع الجديد واحمد ربك مابقى الا3 شهور وترجع صدقني هناك بتنساها بين اهلك وترتاح!!
    /الكلام سهل يابدر..
    بــدر/وانت قوي انا من عرفتك ماشفتك ضعيف تذكر تعب امك السنه الماضيه..و سالفه الاوراق المزوره اللي حطوها فيك ...مع ان التهمه لو ظبطت عليك كان فيها سجن وغرامه اذكرك وش سويت طنشت حتى يوم قلت علم هيثم وإلاخالك قلت داروا اموركم بالكتمان..واناماسويت شي ومايقدرون يضروني ويوم عصب عليك حمدان قلت انا رجال واعرف اصرف عمري...وين الرجال مايدوس قلبه إذا بيذله ...
    مــازن/...............
    بهدؤ/مازن إذا انت ماتحب تشوف ريماس جاحدتك كذا... انت على الأقل تعرف مكانتك عندها واعترفت لك بمشاعرها...انا اعرف وحده و حبيتها مع الوقت بس اكتشفت ان صاحبي يحبها سكرت على قلبي وكابرت عليه لحد ماتأقلمت اشوفها واسلم عليها لكن اكذب لو قلت انها صارت عاديه عندي بس دامني احبها بتمنى لها السعاده لو مع غيري والله يفوقها...





    ==============
    ================
    (ابارك لك واودع كل دنيا الحب والاحباب ... نصيبي بالهوى حبك وصرتي لواحد غيري
    اعزي فيك حظي والخفوق اللي من اجلك ذاب ... واتمنى السعاده لك ولو مع واحد غيري)
    ================
    ===============

    كان يسمع باهتمام رغم انه يعرف كل شي عن بدر الا ان توه يعرف انه كان يعيش قصه حب /مــن هذي!!
    بابتسامه/وحده كنت احبها قبل ..كنت كنت!
    بشك/والحين..
    بابتسامه/ وراك ماتعوذ من ابليس وتقوم تجهز للجامعه..
    ابتسم/...............
    قام ياخذ شور ويلبس ويذاكر قبل مايطلع ناداه باهتمام/بــدر من صاحبك؟
    التفت وبتسم/لاتخليني اتحسف اني قلت لك!...وطلع
    شاف جوال مازن في الصاله يأشر كان على السايلنت توقع حمدان يقنعه يداوم قال ابشره
    بس لقى مسج..قاسي من ريماس لمازن رد جارح طعنت حبه ومصداقيه مشاعره ....
    (ياليت في وقتها كنتوا فهمتونا
    ولا عنا تخليتوا وبعتونا وقدرتوا الوفا والحب اللي جا لكم منا..
    عانيت يا ما لأجل أرضي خواطرهم وداريت همي وكنت أشقى وأريحهم صبرت وصرت أنا وقلبي ندور من يصبرنا)
    .. لو هو اللي قراها مات من القهــر.... لكن بدر مسحه بجرائه مايهون عليه يشوفه مكسور ...
    ... اما مازن برغم ضيقته الا ان بدر بسهــوله قدر يضحكه عنده قدره غريبه يغيــر مسار الحديث من الجد الي مزح ..ذكر ريماس واللي سوته قام يجيب جواله لقــى مسج جديد كان يتمنى تكون ريماس متندمه...
    لكن انصدم فيها....



    (وجودي والعــدم واحد على قلبك وفي بالك وجودي عادي بعينك وهذا ما تبــينته اباركلك اذا هذا قرارك ياهنيالك اباركلك على همن وهجــر منك انا شفته تبين ما توقعته بعادي صار يهنالــك وخطواتك بدت تقصر وباب الهجــر شرعته اذا هــذي نهايتنا عسى فال السعد فالك عسى الله يسعد ايــامك على دربا تخيرته بواسي قلبي الشاقي بحبك كان يرضالــك وابمســح دمعتي ويكون لي درس وتــعلمته لك السلوان ياقلبي تصبر خلك بحالك ترا واجبك سويــته وحبيته وقدرته وفيت ورايتك بيضا ولا تخليه في بالك ولا تنــدم على مافات وكل شي وله وقــته)



    ...ليــــــــه ...حرام هي غلطت علي قالت ماتشرفني ولا اناسبها قالت كل واحد حر وله طريقه سافرت و الموضوع معلق جيتها نــاسي اللي سوته كنت مشتاق لها بس قابلتني ببرود مافكرت تسأل عني..وجبت ملزمتــها عذر عشان اشوفها مع اني عاهدت نفسي ماهينها بس اضطريت... مقدر اشوفها وامنع نفسي عنها مقدر اشوفها وحدها من دون ما اجلس معها..لكن صدتني مافكرت تسلم حتى مارفعت راسها لي... ليــه تسوي كذا ليــه تصدمني بنفسها رجع للغرفه هون عن روحة الجامعه
    هذا جزاي ياريماس ..افرحي افترقنا بارادتك محد جبرك على شي...










    ==============
    ليــه اذا حبيتك اكثر زدت قسوه
    وان دريت بحاجتي لك زدت جفوه وان عطيتك من حياتي ماتريده ماكفاك وتحسب ان الحب نزوه والله اني ياأحب الناس احبك والله ان الروح لو ترضيك فدوه والله اني تارك غيرك وجيتك مزعل الزعلان والعذال عنوه كل دقه قلب فيني لك قصيده تكفي الدنيا مع الاحباب غنوه وكل هاجس مايجيب الاخيالك سلوتي بالعمر في صحوه وغفوه اجمع احساسي و اشواقي واجي لك وألبس ثياب الهوى والعشق كسوه وانتقي لك من سواليفي حسنها والقصايد من غزلها كل حروه وانثر العبرات والضحكات عندك واقول اني احق الناس فضوه ادري اني عادي مافيه ميزه وادري اني كادح ماحاش كروه لكن اني صادق في مااقوله واطلب من الله عن الزلات عفوه...






    ===============
    ===========






    زفر بضيق وارسل لها/..
    (خلينا نتفاهم وليال قلتلك مليون مره انها ماتعنيلي شي)
    ...قهرته يوم ماردت.. شكلها مصممه على رايها ارسل.../
    (على كيفك خذ الدنيا مزح وجـــد على كيفك تمادى بعذابي لين تنهينــــي أناقد الوفا قد البعد وإحتمال الصـــد أنا وإن كنت ماتدري يموت الورد بيديني أناماقلت هذا أترجى منك عطف وود أناقلته لجل تعـــرف وش اللي تجهله فيني)
    طلع لبدر وقاله ماراح يداوم!!






    סססססססססססס‏

    ؛،.»بيت أبوهيثـمـ«.،؛
    غرفــه بشــايــر...
    =========
    ميهــاف بطفش/يا الله بشاير!
    باعتراض /مقدر اروح مابي اشوفه..
    رينــاد/ومن قال بتــشوفينه!
    ميهــاف/ بشاير انتي مكبره الموضوع بدليــل ماسوا شي للحين وبعدين لو صار شي كان قالت لك سمر!
    /.................
    ميهــاف/ياعمري دامه ماخذ موقف منك لو شافك حتى لحالك مهوب مكلمك...
    رينــاد/يالله بس بلا دلع البسي قبل مايوصل هيثم..
    ميهــاف/يا الله بنطلع البسي ولاتتاخرين!
    هزت راسها بالموافقه وبعد ماطلعوا سكرت الباب وقفلته وتوجهت لسرير وانسـدحت على بطنها ومدت يدها تطلـع صورته من تحت طرف الفـراش ...كانت ماتـنام الا بعد احـلام وطمـوحات وتخطيط لـحياه سعيده معه ..بس عقـب اللي صـار قامت تحضـنها كل ليله وتنـامـ...
    (آه ياأحمـد بموت لو خطبت بنت خالك انا موبس احبك انا اشوفك في ثقل هيثم ورزانه ميهاف ومرح سمر اشوفك في عيون امي في اهتمامها وحرصها وخوفها عليك.. الله يخليك ارحمني انا مابي الا انت..بكــت..ثم رفعت راسها يـارب انك تعلم مافي نفسي
    .. تعلم بحبي له من كنت صغيره..يارب اكتبه لي و اسعدني به..يارب مقدر اتخيـل انه بيكون لغيري ..)
    %¤%¤%¤%¤%¤%¤%¤%




    بعد ساعتـيــن
    ؛،.» بيت ام حـاتم «.،؛
    =========
    ...هههههههههههه
    الجـده/خلن الضحك وقومن عاونن هنـد!
    رينـاد/ جده توني جايه منها ماعندها شي...
    الجـده/ قومي يابشور شوفي.
    بأرتباك/دقيت لها ما تبغى شي!! (تكذب)
    ميـهاف تصرف/بروح انا بشاير تعيبـانه..
    الجـده بخوف لفت لبشاير/وش فيك اسم الله عليك..
    مشت مع الكذبه/بطنــي شوي يعورني..(صدقــــت)
    الجـده حست انها تكذب
    "بعصبيه"/اقول بطنك ما أوجعه الا اضحك ..قومي بس ساعدي مرت خالك...
    /طيـب..(ماقامت)
    الجـده/طيب وانتي منسدحه!!
    /جده بطني يعورني..
    رينـاد لابسه جلال الصلاة/بشاير تكفين شوفي وين تركي..
    بصوت واطي /محظور علي مغادره المكان!
    رينـاد بغيظ/لايكون صدقتي انك تعبانه..
    بشايـر/ههههههه...
    .....طلع الكل من المجلس ام ثامر وأم هيثم يصلون في الحوش والبنات في المطبخ وريناد طلعت تدور ولدها وجدتها دخلت توضأ ...قررت تروح عند البنات اصلا لو احمد دخل مايقدر يكلمها قدامهم...
    ودخلت عندهم وساعدتهم وبعد ماجهزوا العشا طلعوا لصاله وتجمعوا من جديد يسولفون طلعت سـمر من المطبخ/اوف وش هالحـر!!
    ميهاف بسخريه/ خاف ذبحك الشغل..
    رينـاد/ههههه
    سمـر/انا اللي مسويـه الحلى والعصير..
    بشايـر/وهند وش سوت اجل..
    سمـر/العشا والقهوة!..اقول بس قومي بوريك حاجه في المطبخ...
    بشايـر/وشهـو؟
    سمـر/قلت في المطبخ..
    رينـاد بمرح/مايصلح نشوف بعد حنا ..
    سمـر بنفعال/لا شي خاص..انتوا بس اقعدوا حشوا في خلق الله..
    ميهـاف ورينـاد/هههههههه
    بشايـر تذكرت شي/سمور وين عطري؟
    سمـر/مدري عنه..
    بشايـر/مالي دخل انا تركت شنطتي عندك ليه ماانتبهتي لها الجامعه سرق بسرق..وإلا على قول جدتي لالقيتي الحكي نسيتي نفسك!
    سمـر تضحك/اقول قومي بس...
    ودخلوا المطبخ...
    سمـر/حطي بيالات لرجال وانا بزبط الشاهي...


    بشايـر/وليـه مايزبطونها الشغالات!
    سمـر تصرف /خالي مايحب شغل الخدم..
    وسنعت بشاير البيالات وطلعت شوي دخل احمد ومالقاها عصب/سمور وينها؟
    سمـر/وش اسوي لك تأخرت وطلعت..
    احمـد/روحي جيبيها!
    سمـر/بزر هي عشان اجيبها ..وبعديـن شكلها حاسه عشان كذا طلعت!!
    احمـد/تصرفي...
    وطلعت سمـر وجابت بشاير بس قبل لاتدخل المطبخ رجعت على اساس تجيب جوالها ودخلت بشايـر اسمعت صوت برا وراحت لقت الشغالات برا يكبن على بعض مويـه...تحمدت ودخلت
    أما احمد يوم ابطت سمر عليه طلع لرجال ثم رجع بس مالقا احد كان بيطلع بس سمع ضحك عند باب المطبخ حق الحديقه..وشاف بشايـر تدخل متحجبه بطرحتها...
    شافته وغطت وجهها بسرعه كانت بتطلع لصاله بس الحين احمد فيه يمكن مايخليها تمـر وعطته ظهرها بتطلع عند الشغالات ...
    /بشـــايــــر...
    وقفــت هذا اللي كنت خايفه منه الله ياخذ عدوك ياسمر ..اكلمه وإلا امشي اصلا مايقدر يجبرني اسمع..
    احمــد/ليش ماقلتي لسمر تقولي الحقيقــه بوقتها!
    بتوتر/ليه انت قلت لها تقولي انك متاكد اني لعابه وراعيت حركات..
    احمــد/ولــو
    /على العموم هذا شي يخصني وماحب الغريب يتدخل بشئوني!!
    بقهر/الشرهه مهيب عليك على اللي حاط لك اعتبــار وجاي يتكلم معك!
    فرحت يعني درا اني مظلومه رق قلبها لانها ماعطته وجه...ياقلبي انت حاط اعتبار لي يعني اهمه بس لازم يذوق من اللي ذقتــه وانتي ياسمور ياويلك مني../مشكور ..عن اذنك ...
    وطلعــــت...
    ارتاح يوم كلمها صح ماعطته وجه وفرح يوم قالت له سمر السالفه من اسبوع ...
    والأهم شافها وكلمها الباقي لاحق عليــه!!!

    °°°°°°°°°°°°°°°°°°°°°

    بعـد مـــرور يوميــن
    =======
    ... كان بغرفته مصـدوووووم
    من الكلام اللي نقله له بدر من ساعه للحين مو مصدق الخبر اللي زلزل كل خليه بجسمه... لهالدرجه هنت عليها لهالدرجه ماصرت اعني لها شي لهالدرجه مو طايقه تشوفني ليــــه ليــــــه ليــــــــه
    خلاص مازن شارف على الجنون والأحداث شارفت على انزال الستار على نهاية قصته

    ==========
    ==============
    ...ابنســحب في صمــت ما اتحمــل اوجاع .. وقطع حبال الوصــل بينك وبيــني .. اكيــد قصة حبنا كانت اخــداع ... كل المشاعر كــاذبه صدقــيني ...
    ==============
    ==========

    .. كانت مصره على قرارها رغم ان ابوها حاول يثنيهــا عنه لان من شكلها حزنانه على ترك جامعتها واصحابها وانه مابقى سوا 3 شهور وشوي وبينتظرها (ما يدري وش فيها بالظبط فسر حالتها على كيفه) بس هي مصره بحجه انه تعب عليه يسافر كل اسبوع يديــر فرع روما....(اتوقع عرفتوا وش ناويــه عليه)
    ويوم شافها مصره قال لها انه بيوصي جورج يسحب اوراقها وبيحجز لهم هاليومين...

    םסם
    סםסםס
    םסםסםסם
    زارت الجامعه بعد غياب اسبوع ودعت زملائها والدكتور جورج وفهد ورائد ....لفت الجامعه مع غدي وميشو ودعت اماكن احتضنتها واماكن عاشت بها لحظات ماتنسى ودخلت المدرجات اللي عاشت فيها مع مازن احلام وطموحات راحت لصاله الرياضيه والصالات الخارجيه و جلسوا هناك..
    غــدي بتوسل/ريماس لاتسافرين..والله صعبه كلنا نبغاك محد راضي عن سفرك!
    ميــشو بحزن/ليش بهالوقت طيب؟
    نزلت راسها/اعذروني ابوي تعبان مو حمل سفرات ..وبعدين هو كان يأجل السفر عشان جامعتي بس خلاص جاني الحرمان واختصر الطريق...وبيني وبينكم الكل ماخذ مني موقف بسبب الكلام اللي قالته عني جوليا وعن نوع علاقتي بمازن!
    بحزن/حتى مازن ماعاد مازن اللي اعرفه تغيــر علي ...
    (تذكرت) ذكروني معي غرض اعطيكم اياه وصلوه له وسلموني عليه....
    واخير استقر بها المطاف في الكفتيريا وشافت بدر وحمدان صافحتهم بحراره ودموع جارفه جلست معهم قرابه الساعه
    الساعــ ½ 10ـــه استاذنــت سألها بدر اذا بتشوف مازن بس صدمــته بردها البارد/ لا
    ودعتهم بحــب ولحظات لاتنسى بكوا لها جلست على الارض تبكــي ماقدرت تودع ناس عاشت معهم وعاشرتهم عرفت خفايا قلوبهم ضمتها ميشو و بكت معها!!
    ... مشى ماقدر يتحمل فراقها مهما قست على صاحبه بتظل صديقتــه وعزيزه عليــه...دق لمازن يبلغه كان وده مبلغه من شافها بس ماقدر يدق خاف انها ماتبي تشوفه بس الحين الامر واقع ...انقهــر من جواة حــس بشي يقطع قلبه يوم حصل جوال مازن مغلق...
    رجع لهم و ودعها سألتها غدي عن وقــت طيارتها قالت بعد ساعتين...



    � � � � � � � � � �
    ...الساعـــ12ـــه
    كان جالس بالكوفي شوب قبال فندقهم له ¼ساعه محتار يطلع لها ويـــحطها قدام الأمر الواقع او يدق لها تنــزل له
    ... طلع جواله يرسل انه تحت ياتنزل يا يطلع لها بس شاف جواله مقفل تذكر انه قافله من الصباح فتحه وصله "موجود" كثيـــر من بدر ورساله منه قراها على عجل عشان يرسل لريماس...
    (مازن متى مافتحت جوالك دقي علي ضروووووووري)
    وش عنده بدر دق لـــه
    بــدر/هلا مزون انت وينك؟
    مــازن/ورا كنك مشفوح علي وش صاير؟
    بــدر بعجله/انت وينك!
    مــازن/ليــه..
    بــدر بعصبيه/طيب وينك اول؟
    مــازن/طيب لاتدف ..بدق لريماس تنزلي لازم نتفاهم!!
    بإنفعال و خوف/هنــــاك!
    مــازن/فجرت اذني ..ايه
    بــدر /تعال ريماس هنا عندي حمدان وغدي بعد..لاتتاخر..
    سكر عشان كذا ما شفتها بس اشوى ماتهورت ورقيت لهم فوق يابعد قلبي ادري مهون عليها..
    يارب ساعدني ..كيف ابلغه انها في المطار وبقى عليها ½ ساعه وتركب الطياره
    ... وصل مازن ودخل بسرعه لقى بدر واقف مرتبك وخايف..
    بفرح/وينــها...
    .... .... .... .... .... .... ....
    غــدي/طمنيني لاوصلتي..
    ريمــاس/ان شاء الله.
    ميشو/لاتنسينــا مع الزحمـه!
    بابتسامه/انسى نفسي ولا انساكم..
    دق جوالهــا/ هذا الوالد يستعجلني...
    خذوها بالاحضان وبكــوا من جديد.....
    تمسح دموعها /اشوفكم على خيــر
    "طالعت ميشو /ديري بالك على مجدي تراه طيب و يستاهلك وسلمي عليه.."لفت لغدي" وبكت وحضنتها ..سحبت نفسها من حضنها (بحزن) /سلمي عليه مع انه مافكر يودعني ولاتنسين هديته..وسلميني على بدر وحمدان...
    مشت والتفتت قبل تدخل صاله المغادرين و دموعها على خدها
    اشرت لهم..ثم دخلت..
    وصلها مسج منه.. من مازن من حبيبــها فتحته بلهفه وشوق اي شي بيقوله لها بتقدره لانها هي اللي قررت تنهي كل شــي...
    (يا قسوتــك وشلون قلبك يطاوعك تنسى غرامٍ ســاكنٍ في ضلوعك)....
    ضمت الجوال لصدرها رفعته وباست الشاشه وجلست على الارض وسندت ظهرها على الجدار انا اسفه يامازن كل شي ضدي..ماكنت قادره اكمل المشوار تعبت ابغى ارتاح... ماتهون علي بس غصب عني والله غصب (حست باليـد الحانيه على كتفها رفعت راسها وضمته كانت محتاجه له محتاجه احد ينصفها بكت على صدره بضعف وقهر ضمها لقلبه وروحه يبغى يحسسها انه معها حتى لو انشغل عنها)
    .... .... .... ....
    اما هو بعــد مابلغه بدر انها بالمطار ماقدر يتحمل طا١١١١١١١١١١١١١ر
    لغرفتــه...

    � � � � � � � � � � �


    » السعوديــــه «
    ...جالسه بغرفتـــها


    تنتظره مشتاقه له من يوميــن ماسولفت معه بحجه واعدها تنام عند اهلها بس هون ومن عقبها وهو يتهرب من الكلام معها وهي تكابــر عليه....
    دخل وقف على الباب يطالعها انتبهت وقامـــت تطالعه...وصل مسج لجوالها فتحته لقته من "نصفيـ الثـانيـ"
    ‏(اكثـر من اول احبـك بس ما ابغـى اقول اخـاف لو قلت تتغـلا علـي مـره انـا بصراحـه احبك حب مو معقول اكبـر دليــل لغلاتـــك غيرتي مره شـف دمعتـي لهفتـي حتى العيون تقول احلى كـــلام احفظـه‎ ‎ويضيع من نظره لما تقـول لي احبــك ألتفت بذهول‎ ‎ومن فرحتـي فيـك
    تخنـق صوتي العبره لاغبـت احـس الدقايـق في الغياب تطول وتشـب في غيبتـك
    وسط الحشا جمره كـل البشر حبهـم قطرة غـلا وميول حبـك بحـر وش تجي عند البحر قطـره‎ ‎ماأبـالغ ان قـلت وان بالغت انا المسأول انـا اصـدق احسـاس فالدنيـا علـى فكره)
    ... ابتسـمت وجلست تلعب بالجوال..قــرب منها وقف قبالها ومسك يدها وقــومها و حب راسها وحضنتــه..
    ...../ليــه تكابرين وانتي مو قد الشــوق!
    ضحكت/ انت السبب!
    ...../زين بوديك العصر لاهلك وبمــرك إذا رجعت على11 ...
    ½11 !!
    بابتسامه هزت راسها بالموافقه وباســت خده ومشت تجهــز الغدا مع بشاير و ميهــاف..
    برقــه/ رينــــــــــاد..
    التفتت له/لبـــيه
    ابتسم/مايليــق لك الزعل!!
    بمرح/ادري بس وش اسوي فيك..
    وغمزت له... وطلعت انســدح وطلع جوالــه وارسل لها.../
    (مره اشگرالوقت يوم الوقت جاااابگ... ومــره اگره الوقت لاحسيــت بغياااابگ)
    وقام يبــدل ملابسه...دق جواله ....
    .. فتحه لقى رد/
    (أنـا في دنيتي إنســان
    ملكني دون ماادري وزرع في داخلي حبه ومع الايــا ا ا ا مـ
    بدت تقوى اصول الحب واصبح لي عــديــل الروووح ولو يـزعـل ولويـجـفى ولو يعاتبني بيبقى لي أحــب إنــســان)
    ابتســم ونــزل يتغدا معهم....

    ססססססססססססס





    ==========
    ==============
    ....قلبـي له اليوم ثالث يوم موجعني وعــينـي لها اليوم ثالث تجمع طيوفـك والبـال كنه على دربك يوزعني ولساني ماكنه ألاخلق لحروفـك لا النـوم نافع ولا التفكـــير نافعني أنـام وأصحـى على الباقي من وصوفك باللــه قلي شعـوري هـذا وش يعنـي طـمني اللــه يطمن همك وخوفك بيــني وبيــنك تـرا اللي صدق ضيعني
    أن أنت في آخـر لقا شـارح لي ظروفـك مـدري وش أقـول لكن تدري أسمعنـي خابرك وافي وأبيك أتم معروفك
    أن كنت ناوي تسافرلاتودعنـي بس أنتبـه لاتسافر قبـل ماأشـوفـك.........
    ===============
    ==========





    ...دخل غرفتــه بألم بضعف هان عليها سافرت من دون تودعه... اتهمها قدام بدر بابشع التهم خايــنه وانانــيه و جاحــده..
    جلس على سريره بقهر انا وش سويت لك عشان تجازيني كذا حس بسكين تنغرس في قلبه
    تذكر الايــام الحلوه والسوالف وضحك ماتوقع تنتهي علاقتهم بهالبرود ...
    ..بعمره ماكان ضعيف مثل اليوم بس هو موضعيف ضعيف!! الحب اكبر منه ومن احساسه ..ضاق صدره لان نفسيته زفت له شهر وكل يوم اردى من الثاني...
    خانته دموعه حاول ماتنزل بس خانت رجولته اللي المفروض هي اهم شي عنده..رجل بهيبه مازن ومرحه وثقته تنزل دموعه سيل جارف لمن رحلت تاركه هذا الحب خلفها تنزف طعونه لمن لم تنصفه ولم تلتفت للحظات خلفها تنظر ماسببته من دمار قبل رحيلها...
    ارسل لها رساله يعني كل حرف فيها وكل عاطفه وكل كلمه/
    ‏(لحظه لحظه من عطاك الحق تنساني وتروح وتنهي احلامي معاك وكل عمري أللي عشته من سنين..وحده وحده حتى استوعب كلامك والجروح انت فاهم شنهو يعني انتهينا ..بكل
    سهوله انتهينا كلمه قالتها وراحت وانا ماني قادر افهم شنهو يعني انتهينا ..يعني ماعدنا حبايب وانهدم كل شي فينا المحبه والأماني والسنين اللي قضينا..
    ليش ماقلتي من اول ترى هالرحله قصيره ومهمآ طال الحب فينا اعتبرنا مابتدينا ..آآآه لوقلتيلي بالاول قبل تغرق تعلم المحبه بحر لكن بحرها من غير ميناء..وشلون مامرت في بالي لحظه الفرقا حبيبي وانك انت مثل غيرك والقدر ماهو بيدينا..ليش يااجمل واغلا من عرفته في حياتي ماعرفنا هالمحبه وإلا اصلا مالتقينا..)



     
  12. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    .... .... .... .... .... ....
    ...كانت بحضن ابوها تبكي ليه يامازن اللي شفته مهوب شوي انا ماضريتك كثر ماكنت احاول اسعف نفسي وانتشلها من هالزحام حذرتك كثير عندها بس كأنك تروح لها من باب اتحدي..ومن رجعت وانت تعاملني كاغريبه رسايلك اللي ارسلتها لي اول ماوصلت كانت بمعنى ماابيك بس وصلتها بطريق من تحت لتحت تغيرت علي مقدر اشوف احب الناس على قلبي تاركني على الرف... وصلها مسج مازن انسحبت من صدر ابوها ومشت افتحته....
    قررت تنهي كل شي عشانه وعشانها خلاص حبل الوصل انقطع ليه مو راضي يقتنع ارسلت له كارهه بس كان لازم تسوي كذا من زمان....


    (انت آخر من على الحب يتكلم انت استاذ الخيانه والجراح ماتحس ماتغار ماتألم
    راح عمرك بالغدر والكذب راح الوفا والحب عندك شي ثاني تشتري بقلوب الناس وتبيع
    مو اناني انت اكبر من اناني
    انت صحراءمن مشى فيها يضيع
    البدايه بعشرتك يعني نهايه قلبك القاسي عن الطيبه بعيد
    انكشفت وبانت فصول الحكايه ويوم فراقك صار عندي يوم عيد
    احلى ايام العمر ضاعت معاك وقلبي الغالي جرحته بيديك
    بعد ماعلمتني اتبع هواك
    علمتني الدنيا كيف اقسى عليك)
    ....قفلت جوالها وتوجهت رحلتهم الى هدفها...
    بعد 3ساعات حضنتهم روما
    مرحبه بهم بهوائها العليل ونسماتها البارده ...
    فتحت جوالها في سيارتهم الخاصه وصلها مسج كانت متردده تفتحه كافي تطعن فيه وكافي يتهمها في مشاعرها بس هي خايفه من رده لان رسالتها كانت جارحه وقويــــه...قررت تفتحها في جناحهم(لابوها فندق من 14طابق مأجره ولهم جناح خاص فيه )
    ...فتحت غرفتها وقفلت الباب كــــانت مرتبه ومعطره بفضل الخدم..
    فتحت رساله مازن بصــــمت وبكت بصمــــت ونامت بصــــمت...
    كانت طول الرحله تبكي حبها تبكي الانسان المخلص تبكي مشاعر ماتقدر تكتمها متندمه على قرارها لو تريثت شوي كان حل ابوها مشكله الجامعه وحل مازن مشكله قلبها بس فضلت الانسحاب بهدؤ مصيــر حبهم بيقابل حاجز الفراق يومآ ما ...
    .... .... .... .... .... ....
    خرج من الفندق يهيم بشوارع لندن التي كانت يومــا محل اعجاب وسحر له..كانــت عالم اخر لهم ولكن اصبحــت موحشه تقبع بزوايهــا اصوات الموتا وتخرج من بين بيوتها اشباح ويرا بوجوه اهــلها الوحشيه... كيف له ان ينسى من سكنت روحه وعاشت بقلبه...

    ==========
    ==============
    °قــمة الألــم "ان تسكــت وفي قلبــك جرحآ يــتكلم وأن تكون آخــرالحلــول جــرح من تحــب°
    ==============
    ==========









    ¶ ¶¶ ¶¶ ¶¶ ¶¶ ¶¶ ¶
    ...بعــد اسبوع...
    لم يهدا ولم تستكن روحه
    للحـيـن مغتاظ من ريماس...وكاره ليــال اللي مقدر اوصف فرحتها باعظم انجاز سوته...
    فهل ستحظى بقلب مازن..بعد هذا التعب....؟
    ارســــل لحبـــه.../
    (ادري انك في غرامي للأسف نلتي منال افترقنا في دقايق والسبب لعنه لعين

    حبك اشبه في غرامي بالوصال الأنفصال ويلعب الخفاق لعبه كبريا الخاضعين

    بالهوى ماهي غريبه نكبه عيال الحلال ولاني أول من يصون ولا إنتي آخر من

    يهين الصداقه في عيون الناس منفى للعدال وكان ردت لصراحه كلبونا مذنبين

    المحبه شبه زالت وصداقه لاتزال بس اببقى في عيونك مازن اللي تعرفين)

    ردت له.../



    (انت منت اللي عشقته انت اكيد انسان ثاني......كيف صرت بها البرود وهالأحاسيس البليده
    وين حبك للزعل وين العناد الأولاني.....وين حنية زمان وفرحه العمر الرغيده
    وين ذاك اللي ليا اقبل مايبات الابأماني......وين راح اللي ليا قفا مايروح الا فقيده واحد من جابه الله بس يامر و يعصاني
    .....الوحيد اللي اخافه غصب وامشي معه سيده مابغيت اطيح بيده لين ماربي بلاني.....والا انا لو هو بكيفي مابغيت اطيح بيده ذاك بس اللي ليامن شفته يتلخبط كياني.........ذاك من نظره ينشف دم قلبي في وريده)
    םםםםםםםםםםםםםםם







    بعــد فتره.....
    ‏========
    ‏...دخلوا الجامعه.... كان فرحان ومروق لان صاحبـه واغلى ناسه مداوم اليـــوم قرر ينسى اللي نساه....
    دخلوا الكفتيريا مع انه كان رافض في البدايه بس بدر اجبره لانه لو مايدخله من البدايه بيتعود معاد يدخله...حصلوا ميشـو وغـدي استانسوا بمازن اخيــرا قرر يطلع نفسه من العزله!!
    بــدر يستدرج مازن لانه وعده ينساها مع الوقت/غدي شخبار ريماس؟
    لف لبدر مستغرب من توقيت السؤال !!
    غــدي ببرأه/ماعليها ترى تسلم عليكم...وعليك بالذات تقول على خبري يسجل محاضرات وممتــاز قلت لبكره مهوب مثل بعض الناس(تطالع حمدان لان من سافرت ريماس وهو متعاطف مع مازن وكثير يغاب)
    حمــدان/شو هالرمسه علي!!
    غــدي/ههههههه
    "مرتاحــه هنــاكـ!!"
    سؤال لم يتوقعه الجميـع ومنه تحديدا ....
    غــدي /تقول زينــه مع اني اشك!!
    بــدر/وش حدها تسافر اجل!
    غــدي/خبرك شغل ابوها...
    مــازن سرح بعالمه يفكر إذا اللي تسويــه تكابر فيه على نفسها وبيجي الوقت اللي ترجع متندمه او تصرفاتها جاده فيه...
    صد لمازن شافه سرحان/ياهــوه اللي ماخذ عقلك...
    ابتسم قــام وطلع
    غــدي /وش فيه!
    بــدر تنهد/مدري صاير مو طبيـعي..
    ميشــو/ اكيــد ذكرتوه بعنوده!!
    حمــدان/هو مانساها عشان نقول ذكرها...
    بــدر بألم/دايم طفشان و مهوب مازن اللي اعرفه...
    غــدي بشفقه لحال مازن اللي انقلب/طيب يمكن مهوب من ريماس.... يمكــن عنده مشاكل عائليــه..
    بــدر/لا اعرفه زيــن لو شي يخص الاهل سافر بس اللي فيه قالب موازينــه!!
    ... وقف يــتأمل المكان من 3اسابيع ماداوم يحس بشوق و انتما لكل زاويه بس من دونها صاير المكان يوحي بالكآبــه...
    ... شافته واستغلت فرصه ان الشلــه مهيب معه بالذات حمدان لانه مايعطيها فرصه وجاف معها...
    بدلع/قوه مازن...
    "شايفها من بعيد وهي جايه له بس انتظرها يبغى ينهي كل شي ويحط النقط على الحروف"
    يتصنع الهدؤ/هلا ليال!
    غريبه هالرد بس بعد لو كانت ذالفه عن وجهي من زمان عرفت اخليه يتبعنــي انا !!بس حنا فيها/كيفك..
    مــازن/تمــام..
    قربت ومسكت يده بطريقه وقحه وسحب يده وبعد عنها...بهدؤ /شوفي ليال انا بحياتي ماحبيت الاهي حتى لو سافرت ببقى وفي لها...فلا تفكرين راحت بحب من جديد انا ماعندي الا قلب واحد وهي مالكته فيلتك تفهمين وبعد فيه شي الصداقه اللي انتي رافضتها انا اللي ماابيــها وإذا كنتي رافضتها مره انا رافضها مليون مره"بصوت عالي" واعقلي مابي اسوي شي تندمين عليه!!
    بقهر/لعلمك انا ماحبيتك بس اسوي كذا عشان اطفش هالحقيره...
    بنفعال/ليــــــال...
    كملت بصوت عالي/و هذي هي ذلفت وانت ولاشي انسان تافــه حقــير اناني و فــوق هذا مــغرور والمصيــبه تحب وحدها تعدك تابع لها تســوي اشيا مو مقتنــع فيها عشانها.... لكنها تستلطفك وإلا حبها كلنا نعرف مين بس انت تسوي نفسك اعمى لكن انت تتعيمى عن الحقيقه!!....
    /الكلام اللي قلتيه مردود لك ....بس اتمنى يكون كلامك صدق عشان ارتاح منك!(يقصد حبها) ومشى عنها...بس كلامها شغله من هذا اللي تحبه ريماس ...وانا ليش افكر!! هذي كذابه وحقوده عشان رفضت حبها قالت كذا انا اثق بعنــود الريــم ثقه عميا انا الوحيد اللي يملك مشاعرها حتى لو كابرت وهجرتني....

    םםםםםםםםםםםם

    ..../الــو
    مــازن بشوق/مرحــبا والله بهالصوت..
    ‏...../كيــفك ياوحشنا!!
    /بخيـر عساك بخير..
    ...../ذبحنــا الشوق!!
    /وحنا اكثــر..
    ...../هههه
    /تضحكين من زيـن فعايلك!!ليش سويتي كذا..
    ...../ههه البابا هيـك بدو...
    تنهد/حكم القوي..
    ...../وش فيك كل هذا هم على قلبك!!
    /ياليتك هنـا عندي ماكان هذا حالي!
    ...../ استغفر ربك...ومهوب
    معنى اني بعيـده اني ناسيتك...
    والله ادعي لك بالسلامه و
    راحـت البال..
    بيأس/ اما راحـت البال كثري لــي منها!!
    ..../الله يعينك.
    /آمـيـن
    .../لحظه مازن....
    /..................
    .../..................
    /..................
    ..../..................
    /..................
    .../الــــو
    /هاه ويــن رحتي؟
    ..../قريبه...بس طمني عنك..
    /انا تمام ومشتاق ...اقول ميهاف ويــن امي طولت عليك عطيني اسلم عليها قبل اسكر...
    ميــهاف/مهوب قبل اعرف اخبار قلبك!
    مــازن/ترا انتي وبدر امتحنتونـي
    مقــدر اتناساها يبيلي وقت!!
    متعجبه/وقت عشان تتناساها اجل كــم تبي عشان تنساها!!
    /ميهــاف خلاص لاتكلميني بهالموضوع مره ثانيه عشاني زين...
    بخوف/الى متى؟
    بتفاؤل/لين ربي يجمعنــا!!
    /!!!!!!!
    بمرح/هاه ويــن امي..
    بيأس من حالته/هذي هي ... بــاي!!
    ماتهون عليه ماحب يتركها وهي متضايقه عشانه/ ميهــاف
    /نعــــم..
    /انا بخيــر لاتخافين بس مقدر انساها انتي اكثر وحده تعرف وش تعني لي!!
    /ادري بس خايفه عليك التفكــير بيتعبك!!
    يضيع الموضوع عشان يطمنها ويفهمها انه بخير/اقول شخباره معتــز اخذ اخباره منكم القاطع!!
    /يزقــح! ااا يالله مازن دير بالك على نفسك وطمني عليك..هــذي امي!
    /ميهاف نادي بشور بكلمها بعد امي تقول انك ماتسأل!!
    /ههه ان شاء الله...معك امي...
    بشوق/ هلا بأم هيثـمـ
    أمــه بحنيه/يامرحبا ويامسهلا...وشلونك يمه!
    /بخير الحمد لله....
    امــه/عساك طيب..
    /الحمد لله... طمنيني عنك!!
    أمــه/ ياربي لك الحمد والشكر..
    /الحمد لله...وش اخبار بشور..
    أمــه/طيبه ماخذه هالاجازه مساييـر!!
    /هههه متى امتحاناتها؟
    أمــه/بعد اسبوعــين
    /الله يوفقها..وشخبار ابوي وابو تركي واهله!
    أمــه/كلهم بنعمه..ماكلمت جدتك تقول ماكلمني من راح!
    /اي والله... بس اكلم خالي واقوله يسلمني عليها..
    أمــه/ولو وانا امك دق لها.
    /على هالعوج..شخبار خالتي وعيالها وخالي وعياله ..
    أمــه/مافيهم الا العافيــه... الله يحفظك مابي اطول عليك انتبه لنفسك والله الله بالصلاه وافطن من عيال الحرام..
    /ان شاء الله سلميني على ابوي وهيثم..
    أمــه/يبلــغ..هذي بشاير معك...مع السلامه.
    /فمان الله...
    بشايــر/الو السلام عليكم بشاير تتحدث!
    /هههه هلا بشور...انتي وينك يالقاطعه ماتقولين عندي اخو اتطمن عليه(خير وسيله لدفاع الهجوم)
    بسخريه/روق بس...
    /ههههه..
    /شخبارك
    /تمــام..وانتي؟
    /زوينــه!
    /يقولون 24ساعه برا البيت..
    /اي والله ماوراي شي..
    بجديه/بشور ماوصيك على المذاكره..
    بمرح/افاااا عليك..بس جهز الهديه!!
    /ازهليــها..
    /يالله ماطول عليك و نبغى شهاده ترفع روسنا بها ترى صديقتي مزعجتني اخوي دارس برا واخوي دارس برا ليته عاد فالح له 6 سنوات شكله ماعنده سالفه بس يصرف اهله يقول تطبيق سنتين !!
    /هنــا
    /لا بمريكا..
    /يالله اجل وراي مناقشه بكره في البحث بس قلت اتطمن عليكم...
    /انت اللي داق..؟
    /ايه دقت ميهاف وسكرت قلت اشوف هالبخيــله وش عندها...
    /هههههه..
    /تامرين بشي!
    /لا سلامتك..
    /الله يسلمك باي..
    /الله يحفظك...

    °°°°°°°°°°°°°°°°°°°°°
    دق جواله بمسج ...
    فتحه لقى مسج من
    «عنــــود الريـــــمـ»
    (هــذا الزمـن حـاكم وأنــا فيــه محكـوم مـاهمني كبـر الفضـا و أتساعه مـدام دمعي جــف والقلب مصـدوم بقـول للأحزان سمعـا و طاعه و مدامني عشـت الـزمن دوم محروم شيصيـر لوضـاقت علي كـل سـاعه)
    آه ياريماس ليـه يصيـر فينا كذا فتح رساله جديده وكتب.../
    (خذي قلبي وخليني أعيش العمر من دونه إذا أنتي كل ماغبتي عن عيوني وحشتيني أجل وشلون لاطال الفراق و خيم سكونه جرحتك ألف مره وأتضايق لو جرحتيني وش اللي في يديني والمشاعر غصب مسجونه ماهو ذنبك ولاذنبي ولكنك عرفتيني أحبك حب ما فالكون لاشكله ولالونه
    حياتي صدقيني لوما أحس أنك فهمتيني لاقول أن الهوى كذاب و الايام مجنونه مادام انك على وضح النقا لهفه قريتيني أنا اللي ما قريتك غير صدق تورق غصونه أنا لايمكن أنسى يوم جيتيني وأخذتيني من أحزاني ودمعاتي وقلب تكثر طعونه وأنا لايمكن أنسى يوم بيدينك حضنتيني و ناديتك هلاياسلوة المشتاق وعيونه وأنا لايمكن أنسى يوم بدموعك بكيتيني و حسيت بمشاعر صادقه فالقلب مدفونه وحسيت بشعور زلزل الوجدان وركونه خذيني دام قلبي صعب أعيش العمر من دونه )
    كان بيرسلها بس تراجع باللحظه الأخيره و ارسل .../
    (مصدر حياتي عزتي واعذرينـي
    مقدر اواصل بالهوى حـاني الراس
    صحيح حبك نقـطة الضعف فـيني
    مانكرت لــكن عـزتي مالـها قـــياس)
    وصله مســـج
    (جـرح الجسـد لا مضى الوقت يبـرى وإلا غيـابك جـرح منهو يـداويه لا فـاد دكتــور ولا شيــخ يقرى وعجـزت كراتيـن العلاجات تشفيـه لعنبـو قلــب من الحب يشقـى ولعنبـو فرقـا من تحبه وتغليـه)
    ارسل لها.../
    (أنهنت في حبــك وانا حــر ما أنهان والحـر ما يرجع لشخص يهينــه والله احبــك حب والقلب ما خان حافظ عهود الحب يومك تبينه بس للاسف ما أقدر على حب خوان يمشى يشيل اسمى وباكر يهينه !!!)
    ....هذا جزاي واقل من جزاي انا اللي دمرت هالحب ...بسببي انهزت اركانه ليه سويت كذا وين كان عقلي ليه فرطت بأول انسان يحبني لشخصي مو طمع بمركز ابوي وثروته ليه تركته لها يمكن تفرض نفسها لحد مايحبها والمثل يقول (اللي بعيد عن العين بعيد عن القلب)
    يارب ساعدني انساه او ارجع له معاد اقدر صبري نفذ كملنا شهر من يومين وهذي حالتي كيف بكمل الشهرين الجايه كيف بذاكر كيف ....ما اقدر اتحمل غيابه وهو هنا بكره لارجع لهله وش بسوي...كل يوم ادعي ربي يجمعنا بالحلال لان شوفته بيجي لها فتره وبتنقطع يارب ساعدنا....

    .... .... .... .... ....
    ..../هاه ابو معاذ خلصت...
    رفع راسه لبدر بتعجب/من ايش!
    /لاتقول مابعد ذاكرت!
    بطفش/ولا عندي نيه..
    بضيق/من شفتك منسدح في الصاله وانا غاسل يدي منك.
    /..........
    جلس بجنبه بهدؤ/مازن اش صار لك ماصار هذا حب كل هذا عشان وحده تركتك مقول انها نستك او ماتحبك لان اللي صار له اسبابه بس انتبه لدراستك والاهم صحتك تروح للجامعه مواصل وتسهر الليل ياأخي ان لبدنك عليك حق!!
    طمن راسه وحطه بين يدينه بهيئه ضعف/ والله افتح المرجع اسكره يوم اشوف كتاباتها وسوالفها توقيعها خواطرها....بدر مقدر انساها انا محتاج لها محتاج خوفها روحها المرحه حبها كل شي فيها... انا ماني ضعيف بس الحب اقوى مني!.... (رفع راسه لبدر) مالي نفس اسوي شي..
    /ليــــه
    /مدري!!
    /تعوذ من ابليس..
    /اعوذ بالله من الشيطان الرجيم
    /طيب قوم ذاكر بجيب العصير لغرفتك..
    بسرحان/احسها معي هاليوميــن على طول !
    /وش الجديد..
    التفت له/مدري بس مو مرتاح احس فيها شي تعبانه... محتاجه لي!
    /ترى انت موسوس لو فيها شي الله لايقوله بتقول لنا غدي..
    /........
    /طيب دق لغدي وتطمن عليها!!
    /لا بتقول لها...
    /حتى وانت محتاجها تكابر!!
    تنهد/................
    /وش هالنذاله اللي ماجاء طاريها الاعلى ايام المناقشه
    ابتسم/الشوق ماله وقت...
    /ماقلنا شي بس عاد الحين...طيب ادخل ذاكر بجي اذاكر معك(و رمى مرجعه على مازن)خذه معك للغرفه بجيب شي ناكله....
    دخل وفتح مرجع بدر ناوي يذاكر لانه وعده..بس طار لعالم الذكريات خذا القلم وكتب
    (حينما تشتد بي رياح الحزن..و تعجز كلماتي عن وصف شوقي وحنيني ويعجز قلمي عن التعبير عن مايدور في خلجي تأخذني امواج طيفك إلى شواطئ الأمل تاخذني لاعذب الذكريات ......) انتبه على جواله يدق نزل قلمه و فتح المسج كان من ريماس(قول لطيفك يتركني بحالي)
    ابتسم يعني هي اردى مني...
    (مو قبل ماتلاقين لي حل مع طيفك)
    ...دخل بــدر/ضحكني معك
    ابتسم..
    قرا اللي كاتب مازن في مرجعه/وين اللي بيذاكر!!
    /مهوب الحين احس جسمي تعبان بنام...صحني المغرب!
    /والله انت التعبان مو جسمك...(وقف)نوم العوافي من يدري يمكن تقوم احسن...
    /هههههه
    طلع وبدت معه رحله الف ميل تذكر ريماس يوم كان بيسافر لسعوديه يوم اعترفت بحبها له يوم رمت نفسها بحضنه وبكت على صدره ويوم كانوا في المطعم الشله كلها وغنوا
    (النظره اللي في عينيك واللهفه اللي في يديك محسوبه ياعمري عليك انك متيم مستهام
    تنكر ياعمري محبتي وفيك أش تسوي نظرتي وعند راسك صورتي تحظنها كل ليله وتنام)
    كانت طول الوقت تطالعه بس هو يسوي نفسه مالاحظ...
    وخذ القلم وكتب....(ماعدت في المنفى احس بغربه أو وحشه اواشتكي هذا الرحيل القاسي لقد اصبح المنفى صديقي الغالي يأتي الى المقهى يقرأ الجرايد معي ويعد وجبات الطعام معي ويقيس بدلاتي وقمصاني ويلبس نصف احذيتي ويمل من كل النساء معي وينام ملء جفونه و انا اظل مع القصيده صاحيا ماعدت في مدن الشمال ممزقآ متسكعآ متشردآ متهاويآ ماعدت في لندن امشي على ثلج الشوارع حافيا... للحب في المنفى مذاقآ آخر وللقهوه السوداء طعم آخر وللبرق والأمطار في عينيك عمق أخر وللقرط في اذنيك جرس آخر حتى جنون الحب حين نعيشه في لندن يبدو جنونا راقيا... هل ممكن ان يصبح المنفى كأيه زوجه نختارها يومآ اولا نختارها مادمت اكتب ليس عندي مشكله
    فأنا احدد وجهتي ومكاني وأنا قادر على اصنع الوطن الذي اختاره بدقائق واشق به جداولآ وسواقيا....)
    تذكر اول معرفته لها...والعام كان احلى ايام عمره...وعلاقتهم قوت والكل لاحظ.وتذكر موقف صار قبل إجازتهم بشهرين...
    (كانت الشله في الصاله الرياضيه يلعبون ضد ميشو ومجدي و3 من اصحاب مجدي
    جاهم طالب وبلغ ريماس ان جولــيا تنتظرها...
    مــازن يكلم ريماس/وش تبي؟
    ريمــاس بقلق/شيــدريني!
    بــدر/كان سألتي اللي ناداك؟
    ريمــاس/يقول مايدري..الحين وشلون اروح وإلا اطنش...
    مــازن/لاروحي شوي وبلحقك!
    بــدر/لا تراها ماتحب هالحركات..
    ريمــاس/بس انا مابغى اروح!!
    غــدي/ وش بتسوي يعني يمكن تبغى واسطه...ههههه
    مــازن/بتروحيـن ننتظرك وإلا نروح للكفتيريا سوا !!
    ريــماس/بروح خاف تسوي لي فيها...وانتوا روحوا بجيكم هناك...
    بــدر/لاتطولين!!
    مــازن/ان زعلتك خميها بكف وعلى ضمانتي...
    بــدر/ههههه لاريماس ماعليك منه..ترى بيورطك..
    حمــدان/لو ضايقتك تصرفي معها وعندي اللي بيصير...
    غــدي/ولو تبغين الفزعه ازهليها...
    مــازن/لاخلي الفزعه لي بس خليها تقول لها شي!!
    بــدر/ايه ايه خربوها ....
    مــازن يضحك/هي خاربه خاربه خلونا نعميها!!
    ...وراحت ريماس لجولــيا
    والبقيه راحوا للكفتيريا...
    بعد ¼ ساعه كان صوت ضحكهم يسمعه اللي برا الكفتيريا ..
    دخل صاحب مجدي وشافهم يعلقون على بعض ويضحكون.
    ......./انتو هنا !
    بــدر/آمــر...
    ......../تدرون وين ريماس!
    غــدي بثقه /عند مرت بباي!!
    حمــدان...بــدر/ههههههههههه
    ......./انتوا مزعلينها؟
    حمــدان بمزح/شوي
    مــازن بخوف حس ان صاير شي /ليــه اش صاير!!
    ....../هي هنــاك على درج المبنى تبكي الظاهر فيه احد مزعلها!! عندها ميشو و مجدي بس مارضت تتكلم...
    طار لها من سمع انها تبكي ماسمع بقيه الكلام ...
    شافها حاطه راسها على كفوفها وتبكي جلس جنبها بخوف /وش فيك؟
    ريــماس/.........
    مــازن/لايكون هالحقيره قايله لك شي!!
    بقهر/لا
    لف لمجدي /وش فيها؟
    ميشــو/ماحكت...
    وصلوا الشله وشافوها تمسح دموعها غــدي جلست جنبها /وش صايــر!!
    بــدر بخوف/لاتقولين الحقيـره مزعلتك!
    ريمــاس تمسح دموعها
    غــدي بحزم/تكلمي خوفتينا!
    حمــدان بسخريــه/فيه غيرها احد متسلط علينــا!
    سحب يدها من على وجهها"بصرامه"/بتقولين وش
    فيك وإلا اتصرف بمعرفتي!!
    خافت يروح لجوليا في الحق مايهمه اكبر راس/مازن ما فيني شي بس ابغى اجلس لحالي شوي!
    غــدي بحنيه/وحنا مو اخوان..
    طالعت غدي/تكفين غدي روحي"ولفت لهم"روحوا لما اهدا بجيكم..
    غــدي/لا رجلي على رجلك..
    مــازن/وانا بعد ماتحرك لين اعرف ليش تبكين!
    لفت له /بعديــن ..مالي خلق اتكلم الحين..
    مــازن لف لبدر وحمدان و مجدي وميشو وغدي/خلاص روحوا انتوا...
    رفعت راسها/وانت بعد....
    مــازن ماعطاها وجه/ يالله توكلوا...
    ومشوا وهم يضحكون على حركته مع ريماس لانه لو جادلها ماخلص...
    .../هاه راحوا قولي اش صاير!!
    ريمــاس/وش هالثقه...و بعدين انا قلت....
    مــازن يقاطعها/ بس انا مايمشي علي اللي قلتي...
    صدت/ماعندي شي اقوله....
    /بتفشليني يعني...
    ضحكت
    /يالله قولي!
    طمنت وبكت..
    بجديه/انا قلت قولي ماقلت ابكي!!
    /..........
    بحزم/ريماس بتقوليـن وإلا لا..
    /بقول بس ....
    /بس ايش؟
    /جولــيا
    /كنت متأكد انها سبب بكاك..قولي وش صار من الألف للياء...
    صدت/تقول تقــول
    ا ا ا ا نتم متزوجين؟
    ابتسم ...ثم ضحك...
    لفت له/ليه تضحك؟
    /لا ولاشي...وش قالت لك...
    بقهر يضحك وهي تبكي/تقول الله يخلف عليك!
    /هههه طيب وبعد!!
    بصدمه/بس... هذا مو سبب كافي؟
    /لا توقعتها قالت بترسبك بتسوي شي يضرك..
    بغيظ/واللي قالتــه..
    /عــا ا ا ا دي
    / اقولك متأكده حتى تقول انتم المسلمين تأمنون بالعين عشان كذا تسترون على الزواج...
    /وش قلتي لها؟
    /قلت انه كذب ولو انا متزوجته ليش اغبي وإذا على العين ورد عن نبينا عليه الصلاه والسلام ان العين حق
    /عليه الصلاه والسلام.... تدريـن انك معطيه الموضوع اكبر من حجمه!
    طالعته وطمنت راسها وبكت استغربت هدؤه ..بس هو ليش ينقهر هذي سمعتي انا هو رجال محد مصدق فيه...
    استغرب بكاها عشان شي تافه/ريماس خليها تقول اللي تقوله هي منقهره!!
    /بس ولو اكيد فاضحتني عند الكل..
    بمرح/لاتخافين لو صدقوا بتزوجك!
    دفته وقامت اعصابه بارده....
    /ههههه "مسك يدها"
    بعصبيه/اتركني...
    /ترا حنا ماسوينا شي غلط روقي...
    /وش بيقولون عنا ...بيقولون ماقالت كذا الاشايفه عليهم شي!!
    بتسائل/سوينا شي غلط؟
    بضيق/لا
    /بعدين المفروض تفرحين!
    لفت له لقته يضحك ابتسمت و مشت
    لحقها/ترا ماحب دلع البنات!!
    طالعته وضحك وفتح يده ومسكته وراحوا للكفتيريا.....
    /مازن
    /نعم
    /لاتقول لهم استحي..
    /افا حنا مو اخوان على قول غدي!
    /كيفك...
    جلسوا وقالهم مازن السالفه وهو مستانس ويضحك...
    بدر مبتسم /وليش تضحك لايكون صدقت "وغمز له"
    التفت على ريمـاس قاصد يحرجها/ياليــت..!!)
     
  13. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    ¶ ¶¶ ¶¶ ¶¶ ¶¶ ¶¶ ¶

    [...احببته ..استعبد حبي..هجرته انتصارآ لكرامتي وكلي ينبض بحبه..لم اسفك دمآ بل قلبآ..لم اقطع وريدآ ولا شريانآ بل وصلآ عذبآ انه عذب جبار واصبح اعذب واعذب بعد ما انقطع الوصال ..أنا من اخترت ونفذت وهجرت... وماذا بعد؟ ..اريد العوده لك !.. لالن اعود ولو رغبت ذلك حتى الموت... لن ارضخ لكبريا رجل ولا لنداءات قلبي الجريح..ولكن اعترف بانني انتظر منه مجرد تلميحه حتى اعود راكضه !!سأبقى المنتصره لأنه من سيبدأ.. سيدي اريدك ان تبدأ الوصال فتسقي شراييني حبآ !! اجعلني سيدي سيرتك للحظات وانهزم امامي فقط ارجوك !!...]






    ======

    المكان/رومــــا...
    الزمان/الصبــــاح الساعه6 ...
    =========
    ....اليــــــوم مــر شهريــن على سفر ريماس وكملوا 3اسابيع منقطعه اخبار مازن محد يعرف شي عن الثاني قبل كانوا يتراسلون مسجات عتب بس انقطعت فجأه ...
    .... .... .... .... .... ....
    ....كانت واقفه في بلكونة غرفتها تفكر فيه تندمت كثر شعر راسها على تهورها بس عشان محد يعرف بتناقض مشاعرها كابرت على سلمى وكذبت على غدي ومثلت على ابوها.... من ثواني افرجت عن قلمها لم يتوقف نزيفه من الليله الماضيه ....تأملت الناس والشوارع المزدحمه والهدؤ خصوصا بهذا الوقت انتظرت شروق الشمس مثل عادتها فهو من يبعث الامل لقلبها ....
    .... .... .... .... .... ....
    ...من صلى الفجر وهو يذاكر ...دخل بــدر شافه جالس على السرير وملزمته(ملزمه بدر) في حضنه/ههههه
    رفع مــازن راسه وزفر بتعب وانسدح
    بــدر/الله يبلشها ابلشتك انت وغدي وإلا من يصدق انتوا تذاكرون...
    بابتسامه/ قل يالله ان تقلقها!
    ضحك عليه اليوم عندهم جوليا من سافرت ريماس ومازن وغدي يدخلون القاعه بأتم الاستعداد للمناقشه... وحده مثل هذي مريضه مهيب مرتاحه لحد ماتطيرهم مثل ماطيرت ريماس (اما ليش تسوي كذا فهي متعقده من الرجال كان عندها حبيب بس خانها مع وحده ثانيه فنشأت فيها عقده العشاق اول ما تشوف ثنين عايشين بسلام يملي عليها احساس داخلها او اللا شعور فيها وتسعى تفرق بينهم حتى ماتنصدم مثلها بس اللي غايظها من جد التفاهم الغير طبيعي اللي كان بين مازن وريماس)
    طلع بدر من عنده وقام خذا جواله وساعته وبوكه
    شال كتبه وطاحت ملزمته طمن يشيلها شاف كتابات ريماس .. كان يقرا كلمات الحب ويتألــم يااااه ياريماس كل هذا كلام على ورق ماله صله بالواقع وإلا ماهنت عليك وتركتيني في عز حاجتي لك خصوصا انه خلاص مابقى وقت على الرحيل و بانسى مع الوقت لنــدن وينهدم حلم السنين وبينتهي كل شي و يصبح ذكرى... بس انتي سبقتي الاحداث وكتبتي نهايه قصتنا قبل وقتها....
    انسدح على سريره وفتح دفتر مذكراته وكتب..../
    (قد قلتي سوف اعــود يومآ عندما يأتي الربيع..اتى الربيع و الليل يمضي والنهار.. في كل يوم ابعث الأمل لقلبي فأنتظر القطار الناس عادوا والربيع اتى وذاق قلبي بــأس الانتظار ..اترى نسيتي حبيبتي أم ان تذكره القطار تمزقت وطويتي معها قصتي..ياليتني قبل الرحيل تركت ساعتي عندك فقد ذهبتي ونسيتي موعد القطـار..)
    دق جواله بمسج وفتحه كانت
    "عنــود الريــم"
    (غيبتي طالت ولاهمك جفاي..
    وكنت عايش على امل تسال علي..من غلاك احسبك عايش في رجاي..واثري ماهمك ولو طال زعلي..انت مالك ذنب هذا من غباي..ناسيني واحسبك تتغلى علي..)
    فرح بالمسج معناه انه في بالها مثل ماهي معه بكل وقت فكر مايرد بس قال ارسل رد جاف احسن....وارسل/
    (...عقب البطا تنشد عن الحال ياشوق..انت الذي عقب البطا ويش جابك...)
    ارسلت..../
    (( كانك تخاف الله ... في قلب محبوبك ..اسال ترى كسر الخواطر ظليمه))
    قراها ونزل الجوال ليه ترسلين لواحد مايشرفك واحد خاين واحد منتي ملزومه فيه وطلع عند بدر في المطبخ يفطر سمع جواله بنغمه رساله بس تركه وبعد ماافطروا دخلوا بغرفه مازن وفتح جواله لقاها مرسله
    (:: خذني على قد تفكيري و جاملني يكفيني اللي مضى لي من وقتي القاسي :
    رق حاله لها مهما هجرته بتظل ملكه قلبه ارسل..../
    (ماهقيت ان الغلا يمحاه ماحي
    لكن الأيــام ورتني عجايبها،،)
    قفلت جوالها وبكت ليش يقسى علي وش ذنبي ليه يعاملني بقسوه ليه منت راضي تحس فيني يامازن ... يمكن اشغلتك عني ويمكن صارت صاحبتك ويمكن حبيتها وخذت محلي ... بس لا!!! شي جواي يقول انه مو انت اللي يخون...طلعت عند سلمى طفشت وكرهت نفسها من جت هنا ماشافت يوم حلو كثر ماحبت روما كثر ماكرهتها....
    .... .... .... .... ....







    ....طلع من الجامعه متضايق رغم اصرار بدر انه يحضر محاضره الدكتور رائد ...راح لمكانه المعهود في مطعم العم معاذ كان يروح له مع الشله احيانا لانه مليان عرب واكله نظيف كونه عراقي

    عم معــاذ/ايش الي مضايقك ياابني...
    مــازن بضيق /ولاشي...
    عم معــاذ/اصحابك هنا؟
    مــازن هز راسه برفض
    عم معــاذ/ماذا بك؟
    مــازن بضعف/تعبان!!
    عم معــاذ/سلامه عليك اين اصحابك؟
    مــازن/بالجامعه..
    دخل عم معاذ داخل يجيب له شي ياكله ويهدى اعصابه...
    وابحر في ذكراياته...
    اماسبب طفشه رسالة ريماس
    له في الجامعــه.../
    (ليه اسمع كلامـه واحلم معاه وتشـد ليه وفجـأه الغرام يطلع كـلام عشمنــي بيه ومن عارف اكيد قابل غـرام تاني وقدامـي هوآه مخبيـه..ليه ارضى بعذاب قلبـي اللي ذاب من عشقـي ليه ايـام جميله في عمرنـا وهانـت عليه حرام ينسى اللي كان بيننـا وينساني وانـا بس افكـر فيـه..)
    ...وهو بوسط معمعه ذكرياته وغمرة احزانه دق جواله اعلان لوصول مسج جديد ..../
    (ليه نتعذب و نتوجد بفرقاه ليه نتمنى شرف من لايبينا دامه مقفي ليه نتشفق لطرياه و شلون نطري من تركناو نسينا)
    انقهر منها من سافرت كثير جرحته...وكثير طعنت في حبه ارسل لها.../
    (،،،نفسـي عزيـزه شامخـه مثـل الأشجـار،،،تمـوت و لا تشحـذ مـن الغيـم ماهـا،،،)
    ارسلت..../
    (كان لك عزه فأنا عندي كرامه
    وما على المقفي ولو غالي ندامه ..إني استنجدبك ترجع لا تهوجس لو تفارقني إلى يوم القيامه)
    ارسل لها..../
    (يا صاحبي ما هي قضية كرامه حنا خسرنا بسبتك ناس غاليــــــن )



    ¶ ¶¶ ¶¶ ¶¶ ¶¶ ¶¶ ¶

    ياقسوتـك يامـازن من مايحب الاهتمام فيه والخـوف عليه!!
    و ياغبائـك ياريمـاس من يفـرط هاليومين بحب صادق !!!
    كيف بتمر الفـتره الجايه عليهـم ؟
    ¶ ¶¶ ¶¶ ¶¶ ¶¶ ¶¶ ¶

    ♣خذني بحضنگـ ♣4

    ‏«»‏«»‏«»‏«»‏«»

    السعوديـــه.....

    ؛،.» بيت ام حـاتم «.،:
    =======
    الساعــــــ 10م ــــــه


    ......./يـارا ياعسوله وينك؟

    يــارا متخبيه /مدري!
    التفتت بسرعه على الصوت وراحت ركض خلف الستاره ومسكتها/عليك يالله الحقيني...
    يــارا تصرخ/لا ا ا ا انتي تركضين بسرعه!
    سمر/قولي ماشاء الله ...الله يكفيني شرك!!
    يــارا/لابطلت...
    سمر/والله لو بطلتي الحين لاصكك بكف اشوف لي ساعه الحقك ماقلتي بطلت ويوم جا دورك بطلتي....
    /بطني يعورني بروح عند ماما(تصرف)
    /عسى ان شاء الله ....(بحقد) اقول يابرد قلبي يوم نواف ما يلعبك معه...
    حاتـم -العنـود-احمـد/هاهاها
    هاها...
    زعلت /كولي تراب...
    شهقت بصدمه/هئئئئئئئئئ
    وشهوا.. التراب لخاله ياياروه طقتها على خفيف... وبكت ...
    الجــده بعصبيه/سمور انتي ورعه يوم تلعبين مع البزر...
    احمــد يغيظ سمر/لا ياجده هذا يسمونه طفوله متأخره..
    راحت له وحطت يدها على خصرها/اقول اخ احمد ياليت تحترم نفسك ... وبعدين المسكينه هنا من العصر محد لعب معها حتى بن عمي الموقر (نواف)مارضى يلعبها بلايستيشن...
    احمــد يسوي نفسه متأثر/
    حر ا ا ا ا ا ا م!
    سمــر خذت علبه المناديل ورمته عليه وكان في يده فنجال قهوه وانكب عليه وقام يلحقها بس ماقدر يمسكها كانت تدور حول الكنب...
    احـمـد وقف/تعالي ...
    خايفه لانه يكون شرس لحد زعله/خايفه!!
    احمد/احسن لك تعالي..
    بخوف/وديــع
    /لا اليسار..
    /اخاف تمشخني!
    /قطوه
    /لافــار (وحده مروقه)
    بعصبيه/سمور تعالي!
    /جده تشوفينه..
    احمد/لاعميــاء!!
    هنـد-حاتـم/ههههههه
    التفتت للعنود /اضحكي كل هذا عشان ادافع عن الحماره بنتك!!
    بصوت عالي/يعني اتصرف انا!
    /لاتصرخ علي تقول شارب!!
    /شارب وإلا لحيه..ههه
    بحقد/اقول ياشين السرج على البقره!!
    عصب و لحقها لحد مامسكها ورماها على الكنب ومسك شعرها من البقره ؟
    بخوف/انا ا ا ا ا ا
    /ليه كبيتي القهوه علي؟
    بدلاخه/مهوب انا المنديل!!
    /المنديل هاه "وقوى على مسكه شعرها"
    /جده فكيني منه!
    /ليه مربطك..
    /جــــــــده!!
    /عشاني يااحمد خلها..
    يكلم سمر/قولي اسفه اول...
    /تحلــم
    /يعني عاجبتك مسكت الشعر... وسحبه..
    صرخت/جــــده
    الجــده/انا حلفت ان تخليها..
    فك شعرها وقام..
    تمسك جلد راسها/ضعفه ان شاء الله
    جدتها/تضعف العدو...
    سمــر/..................
    الجــده/يالله روحي فوق..
    بدهشه/ليــش!!
    احـمـد/ازعجتينا...
    تطالع جدتها /مابدي لسى بكير!
    الجــده/شو اللي بكير
    احـمـد بمرح/ياولــد على اللبناني ولف لعمه وضحكوا...(يجي منها)
    احـمـد استاذن وراح لغرفته عنده شغل...
    بعد مامشى راحت سمر وجلست جنب عمها... باهتمام/اقول عمي مالاحظت شي بااحمد؟
    حــاتم خاف انه انتكس من جديد ..بخوف/لا
    سمــر/رجع احمد الاولي...
    حــاتم/الحمد لله!!
    الجــده/وش تساسرون تقولون!!
    حــاتم/لا ولاشي..
    سمــر /إلا نحش فيك!
    الجــده/ وانتي من بقى ماحشيتي فيه!
    حــاتم/واو واو واو...
    تطالع عمها لانه سوا كذا عشان جدتها احرجتها/ عادي "ولفت لجدتها "باقي واجــــــد
    الجــده/اعقلي بس
    /بقى حرم عمي و.....
    كـح كـح كـح كـح (خانقها عمها)
    حاتــم/وش قلتي!
    /اقول لا اله الا الله...
    حاتــم/اشوا حسبت بعد!!
    ....دخل غرفته و سكر الباب
    طق طق طق (صوت احد يدق الباب )
    احــمد/ادخل...
    اللي برا دق مره ثانيه..
    احــمد بصوت عالي/ادخل...
    يــارا/ماعرف ادخل!! (تقصد
    ماتعرف تفتح)
    قام وفتح الباب و شاف يارا ماسكه يد عزوز ووراهم روميو وابتسم... /هاه اشعندكم!!
    طمن وشال عزوز ويارا مع بعض وحطهم على السرير..
    يمووت عليهم يذكرونه بنفسه يوم كان يداجي سمر وهم صغار..ويارا دايم ورا عزوز لدرجه ماتخلي احد يشيله وهو مو راضي..
    احــمد/هاه وش عندكم؟
    يــارا/خالي خل نروح للملاهي..
    احــمد/وليش مايوديكم بابا!
    يــارا/يجي من المدرسه تعبان .
    احــمد/وانا بعد!!بس ولايهمك نروح بكره زين؟
    قامت تناقز على السرير وتصرخ هيه هيه خالي وبس والاهبل عزوز معها يصرخ مايدري وش السالفه...وخذاهم لصاله وقال لسمر/شوفي بدخل ولايلحقني اللي وراي!!
    طالعت وراه ماشافت احد/من!
    صد ومالقاه ونادى بصوت
    عالي/روميــــو...
    (طبعا احمد طلع من غرفته مهوب عشان يوصل اعيال اخته تحت لا عشان يلحقه روميو بس ابن اللذينا فاهم الخطه دامه ماطفى النور معناها عنده رجعه هنا مع ان احمد يعرف ان روميو من الحيوانات الذكيه بس نسى يطفي النور مثل عادته لابغى يصرفه)
    شاف روميــو ينزل/ بدخل المطبخ وانتي صرفيه عشان مايشوفني وانا طالع ...
    العنــود/طيب ادخل وسكر الباب قبل لايوصل اصلا يبي له ساعه يرقى الدرج...
    هنــد/بلاك ماتعرفينه لو سوى كذا بيشيلنا بصراخه تقول ولد له...
    العنــود/اوووف!!
    سمــر تكلم احمد/حرام يبغاك..
    احمــد/انا مشغول بيزعجني لو دخل...
    سمــر/اخاف يصرخ علي!!
    احمــد/روحي نادي له نواف يعرف له...
    وبعد ماخذاه نواف طلع احمد لغرفته فتح درج المكتب وطلع الملف خذا قلمه وفتح الملف وشاف صورتها صوره احب الناس على قلبه ماخذها من عند سمر قبل زعله من بشاير يعني من شهر...
    (كان داخل غرفتها يبغاها بسالفه بس كانت بالحمام جلس على السرير شاف مراجعها وشاف واحد منهم مكتوب عليه "بشاير بنت تركي"
    خذاه وفتحه لقى في الصفحه الاولى ملاحظات ومسجله رقم كاتبه عليه المتفائله ومن داخل تخطيط بس كان مرجعها نظيف عدا الصفحه الاخيره كانت كاتبه
    (اذا جلست يوماً وحيداً تحاول ان تجمع حولك ظلال ايام جميلة عشتها مع من تحب اترك بعيداً كل مشاعر الالم و الوحشة التي فرقت بينكما حاول ان تجمع في دفاتر اوراقك كل الكلمات الجميله
    التي سمعتها ممن تحب و كل الكلمات الصادقة التي قلتها لمن تحب وإذا سألوك يوماً عن انسان احببته فلا تقل سراً كان بينكما ولا تحاول ابداً تشويه الصورة الجميلة لهذا الانسان الذي احببته اجعل من قلبك مخبأ سرياً لكل اسراره و حكاياته فالحب اخلاق قبل ان يكون مشاعر)
    تنهــد... و حط مرجعها على صدره فتحه بسرعه عشان يشم شذى عطرها طاح شي منه كانت صوره قلبها وشافها شاف ملاكه وحبه وقلبه حطها بجيبه وسكر المرجع وطلع)
    كانت لابسه عبايه التخرج حقت الثانويه لونها اسود على فوشي كانت روعه رافعه شعرها بتسريحه حلوه ومنزله خصل قام وانسدح على السرير يتأملها مثل كل ليله ......





    םסם

    סםסםס
    םסםסםסם


    اليــوم الثــانيــ ....

    العصــــر......
    =========
    معتــز/الــــو
    مــازن/هلا والله بابو ندى وراكان!!
    معتــز/ههههه
    مــازن/قل اميــن عسى الله يرزقكم بتؤام عشان يثبت ابو راكان اللي محد راضي يناديك به..
    معتــز/بسلامة امهم!!
    مــازن/اميــن...إلا على طاري امهم تراني مشتكيك عندها
    معتــز/ليــــش!
    مــازن/اقول قاطع...
    معتــز/الله يعيــن والله اجهز البيت عشان اول ماتوصل نملك ونحدد الزواج...
    مــازن/تستاهــل ...شخبار الأهل...
    معتــز/ماتلاحظ انك ماسألت عني ...
    مــازن/يعني انت اللي سألت!!
    معتــز/ههههه..شخبارك
    مــازن باستعباط/لا لا سكر ودق من جديد!!
    معتــز/ايه هيــن..
    مــازن/هههه شخبار خالي والشباب...
    معتــز/يزقحون...ترا فهد
    يسألني عنك يقول غير جواله قلت لا!!
    مــازن/كلمني البارح..
    معتــز/ايه قلت له الخط مايمسك على يسر جرب ثانيه ..
    مــازن/طيب شخبار خالي مبطي ماكلم مهيب عادته...
    معتــز/ماعليه بس عشان تعرف ان مايدق لك الا انا!
    مــازن/اقول روح بس...احمد مكلمني من يومين وهيثم مكلمني اليوم من الشركه و عطاني ابوك وابوي ....
    معتــز/ولو...
    مــازن/متى آخر مره رحتوا للي خبري خبرك..
    معتــز/رحنا الجمعه اللي فاتت!
    مــازن/شخبارهم..
    معتــز/تسأل عنك امه تقول وينه قلنا سافر...بس والله لو ماجاك الا دعاها لك!!
    مــازن/الحمد لله ...
    معتــز/هاه بس متى ترجع ترا مليت!!
    مــازن بتعجب/من وشو..
    معتــز/من سفرتك اللي علقتني لو مالكين كان الحين محددين الزواج...
    مــازن/هههه وش مطيرك...
    بسخريه/وشهو اللي مطيرني حتى المكالمات مانعينها عني...
    مــازن/طبعــا.
    معتــز/اقول بس يالله خسرتني على الفاضي..
    مــازن/وش تبي...
    معتــز/كلم ميهاف وقولها ترد علي...
    مــازن/ان شاء الله لاصار بكره زواجكم بقولها!!
    معتــز/هذا اللي الله قدرك عليه!
    مــازن/هههه تقول ترد عليك عندك رقمها!
    معتــز/مهوب شغلك فمان الله وسكــــــر....
    مــازن توقعه يمزح وارسل له
    (ولا تزعــل لاتملكتوا بقول لها)
    ارسل له معتــز..../
    (لا تملكت ماشاورتك)
    ضحك وراح لبدر في الغرفه يذاكر معه.....

    ¶ ¶¶ ¶¶ ¶¶ ¶¶ ¶¶ ¶
     
  14. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    الاسبــــوع الاول من امتحانــــات الشلــــه....
    ‏=======
    ‏....طلعت غــدي الأوله بس انتظرت البقيه على درج المبنى
    وبعدين طلع مازن وسألها...
    مــازن/وش سويتي؟
    بابتسامه/الحمد لله وانت.
    مــازن/ماتوقعت بيكون كذا بس ربك سهلها!وش رايك نروح لصاله الداخليه لحد ماياصلون...
    غــدي/يالله...
    .. شوي دق جوالها ..
    /ها ا ا ا اي غدي..
    غــدي/هلا بعمر غدي..
    /بشــري!!
    غــدي/الحمد لله..
    /زيــن ..
    غــدي/يعني!
    /طالعه بدري؟
    غــدي/لاتوني من10 دقايق ليش؟
    / دقيت من شوي مارديتي !
    غــدي/ايه كنت حاطته على السايلنت...ههه
    /ليش تضحكين؟
    غــدي/بغيت اسأل عن امتحانك تذكرت انك خلصتي..
    وصل بــدر/هاه مزون بشر..
    مــازن/تمــام..
    بــدر/وانتي غدي...
    غــدي/زين...لحظه ريماس..."طالعت بدر" تدري كنت شايله همك يوم تأخرت خفت يلغون امتحانك!!
    بــدر/كنت اشرح مسأله لمجدي والشله يقولون انها مهمه وجت في الامتحان..
    غــدي/خساره ليتني تأخرت اجل!!
    ...هو من سمع اسمها من غدي حن لها كان وده يقول لغدي حطي على المايك..وده يسمع صوتها واحشته مووووت...
    ريمــاس/الــو...غدو
    غــدي/هههه هلا
    ريمــاس/ هذا بدر..
    غــدي/ايه.
    ريمــاس/شخبار امتحانه؟
    غــدي/يقول زين..
    ريمــاس بتردد/ووو مازن
    غــدي/تمام مستانس يقول حلو..
    ريمــاس/سلمي عليهم.
    غــدي/شباب ريماس تسلم عليكم..
    بــدر/الله يسلمها... شخبارها..هي اللي معك؟
    غــدي/تمام..ايه هي تبي تكلمها؟.
    بــدر يصرف/بعدين..
    "سلمي عليها "...ومشى..
    ريمــاس/تسلم ياقلب ريماس وروح ريماس وحياة ريماس...
    غــدي/لحظه بعطيكياه!!
    ريمــاس/لا لا غدي...
    غــدي/ايــه اعقلي..
    ريمــاس/لا يكون يسمعك!
    غــدي/لا طلع ولحقه بدر..
    بخوف/وش فيه؟
    غــدي/ماادري..احيان يكون معنا بالجسم فقط..
    ريمــاس/ليش خوفتيني عليه.!
    غــدي/تغيــــــر...
    ريمــاس/.....................
    وصلت ميشو...ومجدي.
    غــدي/ريماس كلمي ميشو بشوف مجدي جالس يصحح الامتحان مع الشباب...
    ريمــاس انقهرت كانت تبغى تستفسر عن مازن..
    ميشــو/هلا ريماس..
    ريمــاس/اهلين كيفك؟
    ميشــو/الحمد لله..
    ريمــاس/وكيف الامــ .....
    ميشــو تقاطعها/حلو انتي كيفك!!
    ريمــاس/الحمد لله..........وتنهدت..
    ميشــو/اش فيك؟
    ريمــاس/مازن تغير..
    ميشــو/مافهمت.
    ريمــاس/مستانس
    ميشــو/بصراحه لا مثل اللي ماله نفس بشي!!
    ريمــاس تنهدت
    ميشــو/مانساك ياريماس كل شي يقول كذا!!
    ريمــاس/.................
    ميشــو/صدقيني بيكون بخيــر
    ريمــاس/اتمنــى












    °°°°°°°°°°°°°°°°°°°°
    .....رجع لشقه متضايق مثل العاده كل ماتجــي سيرتها يمشي يتهرب يكابر..انسدح في الصاله وشغــل التلفزيون كان فيه راشد يصدح بـ الا يامطوله صبري...رفع الصوت...
    (،الايامطوله صبري اذوق المـر من گـاسـه الا ياگم قسـى دهري علي وگـم قسوا ناسه تهنـى من سلى قلبه مشـى گـلآ على دربـه وطيت الشوك انا وحدي ولاقبلي احد داسـه
    ،احد مثلـي بگـى دمـه بگـى دمعه ولافاده احد مثلي قسـم همـه معه في شربـه وزاده الامـن قد صبـر مثلي وانا في حالتـي مبلـي وقل الحـظ من صغري معي للحيـن وهو عـاده، على الله يابقـى دمعــي محد غيرگـ وفـا ليا جفوني كل هلـي وربعـي وانا مگفي على النيـه يادنيـا لو على قلبـي احبـك بس وش ذنبـي رضيت انا بردى حظـي وحظـي مارضـى بي،،)
    عنده رقمها بس ماهانت عليه نفسه يـكلمها وهي ماودعته...والاهم رسـالتها انت آخر من على الحب يـتكلم...ذبحته مو قادر ينسـاها وهو عاد بالكبريا ياخذ امتيـاز مع مرتبه الشرف
    ...والحيـن لهم 3 شهـور محد تنازل ودق لثاني..رغـم ان كل واحد يثق بمكانـه بقلب الثاني بـــس.........

    םסם
    סםסםס
    םסםסםסם

    بعـد مـــرور الامتحانــاتـ
    بسلا ا ا ا ا ام ....
    ========
    هيثـم/الــو
    مــازن بشوق/هلا بالغالــي هلا بأبوي وكل ناسي ...حياك..
    هيثـم/ههه كل هذا لي!
    مــازن/ماعندي اغلى منك..
    هيثـم باهتمام/طيب بشر كيف امتحانك؟
    مــازن/الحمد لله ماصدق اني طليــق!
    هيثـم/ بتجينـا؟
    مــازن/ما اعتقـد ودي اشوف حل مع عنوده اول!.
    هيثـم / وليــــه ماتنساها؟
    بضعف/ماقدرت ......
    هيثـم/الله يعينك بس ماقلتلي انها جتكم..
    مــازن/من قال جت انا ودي اسافر لها...
    هيثـم/اوففف لهالدرجه ماتقدر عنها..
    تنهــد
    هيثـم/زيــن لاتنسى تكلم خالي محد فرح لك قده!.
    مــازن/اكيــد ياانا مشتاق له!
    هيثـم/زين سلمني على بــدر...
    مــازن/وين توك!.
    هيثـم/ايه بلا الفاتوره مهوب انت اللي بتسددها...
    مــازن/ههههه الله يخلي ابوي..
    هيثـم/آميــن. إلا مازن عندك فلوس...
    مــازن/فداك..
    هيثـم/اتكلم عنك تبغى شي عشان تميلح عند الغرشوبه إذا رحت لها!
    مــازن/ههههه مشكور مخليك لعوزه بس ترا انا مملوح مايحتاج اتميلح....
    هيثــم/ايه صح بس قبل لاتسافر دق لي!
    مــازن/بغيت شي...
    هيثــم/لابس اتطمن!!
    مــازن/افا عليك تامــر امر...
    هيثــم/O.k‏ بــاي..
    مــازن/‏ بــاي...
    °°°°
    °°°°°°
    °°°°°°°°

    ....بــدر في الصاله ينادي لمازن بس محد رد عليه.
    دخل لقاه واقف في البلكونه وجواله معه/اشفيــك؟
    بطفش/ولاشي.. هيثم يسلم عليك..
    بــدر/الله يسلمه..شخباره؟
    مــازن/بخيــر..وش رايك نطلع طفشان...
    بــدر/افا ا ا ا ا ا هذا وانــا هنــا
    مــازن/هههههههه
    بــدر/ايه اضحك وروق وبعدين وش مطفشك..
    زفر/ مــدري
    بــدر/يالله اجل مشينــا..
    وهم يتمشون ...
    لاحظ ان مازن مو معه سرحان/ابو معــاذ وش شاغل بالك الاهل فيهم شي...؟
    مــازن/لا الحمد لله بس مدري وش فيني كنت مخطط لاخر يوم نتمشي ونروح مع الشباب لسينما ونفلها لكن مدري وش صــــار!!
    بــدر/لكن انا ادري..
    صــد له /خيــــر.
    بــدر/انت ببساطه من الناس اللي لو مافيه شي ينكدهم يتنكدون.....
    يقاطعه/لكن....
    يقاطعه/ لاتنكر انت كذا انت والنكد اعوان على الوناسه!
    تنهد/يمكن..
    بجديه/ ليه ماتروح لها
    مـــازن/خايف...
    بـــدر/من ريماس!!
    بسخـريـه /لامنك..
    بجديه/تعرف مازن احس انك قاصد اللي صار مع ريماس لانك ضامن حبك بقلبها..
    بضيق/ماراح ارد عليك!
    بـــدر/ليــه
    مـــازن/كيف ليه هذا وانت اقرب واحد لي تقول كذا وش خليت للغريب!!
    بـــدر/خلاص روح لها بالتليفون ماراح تفاهمون و لاتوصلون لحل..واعرفك اول ماتعصب بتسكر التليفون و هي ماراح ترضى على نفسها فأحسن شي روح لها وجه لوجه اصلا اول ماتشوفون بعض بتذوب المشاكل وهي بتقدر جيتك لها هذا إذا ماخذتك بالاحضان اول ماتشوفك بعدين بتعاتبك ويمكن تنسى لك اللي سويته
    مـــازن/متــردد!!
    بـــدر/كيفك بس هذا احسن حل!!
    ...مازن يعرف سكن ريماس بس على ورق لانه ارسل لها هديه عيد ميلادها...
    لكن مايدله بالظبط...
    بــدر/ قوم بس اعزمني على العشا ترا على غداي للحين..
    بمرح/يا اخي وين كلامك يوم علي ويوم عليك لي حول شهر اكد عليــك..
    بــدر/بتتمنــن انت وجهك علمني اسحب من البنك!!
    مــازن/انا لو ادري لاقلتلك كذا بتسحب كان قلت لك من زمان..
    بــدر/اصلا انا مو مشتهي..
    مــازن/ليــــش؟
    بــدر/احب انام خفيف..
    مــازن/اشو اجل انا بطلب وجبه...
    بــدر/زدلي معك..
    مــازن/تو تقول بنام خفيف...
    بــدر/ايه بس دامك طالب طالب جبلي معك!!
    وركض ولحقه مازن و عطاه بقس...ودخلوا المطعم...

    .... .... .... .... .... ....
    الساعــــ ½11 ــــه...
    كان منسدح على سريره خذاجواله عشان يحط المنبه لصلاه الفجر...
    جت في باله ريمــاس لانها كثير ترسل هالحزه قبل لايزعلون فكر يرسل لانه من زمان ماأرسل لها خصوصا انها من يومين ارسلت له 3رسايل بس مارد لها ارســل.../
    (رحت اسولف للجبال الصم عن قصة رحيله،،،،
    ماتركت امتونها الاينحت الدمع بصخرها
    كن ربي صخر لها المعجزات المستحيله،،،،
    وإن تبسم للجبال الصامته نطق حجرها)
    جاه الرد على طول كأنها ماصدقت ارسل.../
    (عرفت الناس والدنيا وطريقي
    وعرفت ان الهـوى كذب وأماني!
    خذاني الشوق والحب الحقيقي
    لذاك اللي عقـــب وده جفاني!
    نساني للأسف في عز ضيقي
    وأنا في غمرة جراحي أعاني!
    لقيته في هوا غيــــــري غريق
    تنـــكر من هواي ومن حناني!)
    ...ليه تقولين عني كذا اجل لو ماتدرين عن حبي لك وش تقولين انقهر من حركاتها وحط الجوال على السايلنت على اساس بينام بس جافاه النوم رجع للجـــوال...وقام يقرا رسايل ريماس من سافرت كان حاطهم في حافظه بأسم
    "تذكار عيشوا على التذكار"
    كانت قاسيه وجافه...تذكر مسج خذاه ايام الامتحانات من حمدان وارسله لها...
    (شوف عقبك حبيبي كيف أصبح
    زمانـي وكيف أعيش الليالي وانت عني بعيــد شوفني كل ليله من فراقك اعانـي وشوق قلبي لقلبك كل يوم يزيــد كل شي يا حبيبي مات حتى الأمانـي ما بقى غير حزني والبكا ما يفيـد لو عرفت بغيابك كيف يصبح زمانـي كان ما عشت لحظه وانت عني بعيــد)
    ردت.../
    (مستحيل اللي يحب ينسى شخص حبـه..حتى لو مرت عليه من السنين دهـور
    مستحيل يلقى شخص ثاني يملكه قلبه..حتى لو حبيبه ما يبادله نفس الشعـور هذي حقيقه كتبها قلبي عـن تجربـه..ماهوب كلام يطلع من غيـر دستـور هذا شي مجرب وعني انا لا تستغربه..تمر سنين وتلقى حبـك لازل مذكـور )
    اوف اخيـــرا اعترفتي اني بقلبك
    موجود للحيـن استانس وارسل..../
    (عساهم يذكروني مانسوني
    مثل ماذكرهم بالبال طاري
    حبايبنا عساهم يفهموني
    انا مابيـــع دوم الدوم شاري)
    ردت.../
    (يابعـــد هالعالم و هالناس ياآخر احبابي ولأول..
    حبك وسط عيني و عالراس يبقى وحب الغير يرحل)
    طا ا ا ا ا ا ار من الفـــرحه
    قام يقرا رسالتها يتمعن كل حرف فيها....إلى ان دق جواله بوصول مسج جديد...افتحه...
    (لو تعرفوه لو يوم آبلكو اسئلوه ليه الأيام بياخذوه .. لو تعرفوه لو يوم شفتوه علموه فيه ناس هنا بيحبوه)
    ...ضحك وارسل عشان يغيظها..../
    (وفكروه فاتني وبستناه وكمان بئا عرفوه من فات حبيبه تاه)
    استانست من حركته يعني مروق...ارسلت...
    (!!أنا من غبـــت عنك ماقـويت أنسـاك‏
    انا كيف أبنسى اللي خيالــــه ساكـــن فينـــــي!!)
    ارسل لها....
    (المشاعر في غيابك ذاب فيها كل صوت
    ولليالي من عذابك عذبت فيني السكوت)

    ¶ ¶¶ ¶¶ ¶¶ ¶¶ ¶¶ ¶









    مــر علــى هــذي الأحــداث
    اسبــــــوع....
    =========
    بــالهــايــد بــارك
    مــازن/والله ابو سيف له فقده..(ابو سيف=حمدان رجع للأمارات)
    بــدر/هذي الدنيا...اقول مازن عندي سالفه بقولها بس لاتزعل...
    مــازن/هات ماعندك ياأخ!
    بــدر/هات ماعندك ياأخ ...هذي وشلون تركب!
    مــازن/هههههه
    بــدر/ماعلينا تدري اني فرحان موووت مو لان الامتحانات خلصت ولا لاني برجع لاهلي ولا لان السعوديه وحشتني ولا لان.....
    مــازن/هيـــه انت الظاهر تعودت على اللي بين السطور انجــز...
    بــدر/هههه..المهم
    مــازن/ايــوه المهم!
    بــدر/والله ماتصور فرحتي...
    مــازن يقاطعه/درينا مو لان الامتحانات خلصت ولا لان السعوديه وحشتك والشهادات بعد 3اسابيع ...الزبــده...
    بــدر/ههههههه
    بطفش/ها ا ا ا اه!!
    بجديــه/لانك رجعت مازن
    اللي ضاع مني من شهور مازن المرح اللي الضحكه ماتفارق وجهه(يضــحك)المجنون...
    تنهد /آآه يابدر هذا وانا اتصنع الوناسه عشانكم ولاربي يعلم كم من الشوق فيني...
    بــدر/وليش ماتنساها وانت مو راضي تنازل شوي عشانها وهي مو راضيه تنازل عشان اللي بينكم!!
    مــازن/تقرا افكاري انا ناوي اسافر لها بس فيه عايق!!
    بــدر/وشهــو.
    مــازن/اخاف ماتتقبل وجودي...(ونزل راسه بأسى)
    بــدر/ياولد وش تقول انت الكل يعرف وشلون تحبك..و تلاقيها بعد نفس حالتك اسمعني سافر لها وشف ليه قطعت فجأه!!
    مــازن/بــس...
    بــدر يقاطعه/لابس ولاشي إذا على سكنها بالظبط بسأل ميشو سمعتها مره تقول انها تعرفه..
    بحده/لا انا لو بسافر مابي احد يدري اني بروح لها!!
    بــدر/كيفك... خلاص بقول لهم انه سافر لسعوديه..بس متى بتروح؟
    مــازن بتردد/يمكن الاسبوع الجاي!
    بــدر/وليــه مو بكره وإلا بعده..
    بكبر/ليش انت حار..
    ببتسامه/يعني تبي تفهمني مو ودك الحين معها !!
    بمراره /انا معها بكل الاوقات صح عندك بس معها!
    يضحك/هيــه مازن لايكون خبطت..
    ضحك من دون نفس/لابس من راحت وهي ماغابت عن عيني...
    بجديه/حالتك صعبه!
    مــازن/من زمان هذا حالي..
    بــدر/زيــن قول تــمـ!!
    مــازن/ليــه.
    بأنفعال/قول تمـ..
    مــازن/تــمـ
    بــدر/سفرتك بكره وبقول للي يسألني عند اهله اسبوع وراجع..
    بمرح/قول اسبوعين..
    بسخريه/ليــه
    مــازن/يمكن يعجبني الوضع!!
    بــدر/لو عليك مارجعت لنا..
    مــازن/طيب يمكن....
    يقاطعه/لا يمكن ولاغيرها..
    مــازن/O.k‏ بس مو الحين بعد يوميــن ثلاثه!
    بتعجب/اش معنى!!
    بتفكير/في راسي شي بتأكد منه اول ثم يصيــر خير..
    بجديــه/3 ايـامـ بس...
    مــازن/قل عسى ان اللي في بالي يظبط!!
    بــدر/وشهــو..
    مــازن/خيــر ان شاء الله بس ادع لي...
    بــدر/الله ينولك اللي في بالك...
    .....بعد مارجعوا ارسل مازن لريماس.../
    (يعني لوما أسال عليك تهدنـي
    ياأخي أسأل رفيـقك ميت حـي
    مأجبـرك تشتــاق لي و تودنــي
    بس كلمني شوفني محتاج شـي
    حتى العدو اللي سبق وضرنــي
    بين حــزه وحـزه يشيـك علــي)
    ..ردت.../
    (تركتني بقسى الظروف
    قتلــت بيديــنك وفــاي)
    رد عليها..../
    (ان كنت انا مخطي عليك
    لاتحكي وتحمل خطاي
    يامــا تحملــت الكثيــر
    تخطي وسامـح زلتك)

    °°°°°°°°°°°°°°°°°
    بعد 3 ايـــامـ ½11 م

    مازن جالس على گرسي هزاز في البلكونه توه واصل من عند واحد من زملائه مستاجر جوال (طبعآ زميله يأجر الجوال للي يبغاه لأن عنده رقمين) گان مرتبك مايدري كيف يبدأ بختراق الحاجز اللي بينهم ومتردد يرسل وإلا لا.. "لا لا مو اللحين" ياأبن الحلال أرسل وعلى الله!!"لامو اللحين ياغبي يمكن ابوها صاحي للحين"!طيب و يمكن مابعد رجع للبيت."كيفك انت حر"(صراع بينه وبين ذاته بين قلبه اللي يعشقها لحد الجنون وعقله اللي يقول اللي نساك انساه) بس مازن ساند قلبه في الراي وأرسل رسالتين ورا بعض الأولى/
    ((مساء الخير يا غالي فراقگ غير احوالي
    جرح قلبي وسهرني و خلا الدمع سيالي
    خيالك ما جفاني يوم عايش دوم في بالي
    ومهما طالت الفرقه مكانك في القلب عالي
    اشوفك في القمر لا طل يبدد ظلمتة ليالي
    واشوفك في ضيا شمسي منور في السما عالي
    احسك في دفا روحي وانت كل آماآآآآلي
    حبيبي لا تعاتبني اذا ما جاك مرسالي
    فما باليد تقصيري ولا للغلا سالي
    قتلني الشوق في غيابك ودمعي يثبت اقوالي..))




    والثانيه/
    ـ ـ ماتقبلت الفـــراق و ما في يدي حيـــله
    آه لو أن الظروف المقبلــه تكشف قدرها
    لو يعرف الشخص منـــا وش مع الغيـــب بيجيله؟!
    كـــان جنبنا المشــاكـل من قبل يوقع ضررها
    ماهقيت الليلـــه اللي جابت الفرقا طويلــه
    ألين صـارت ليلة امس بعيني أطول من شهرها
    والعـذاب اللي يذوب بعيـــن من يفقد خليلـــه
    عندي أكبـــر من عذاب العين لو تفقــد نظرها
    من حفـر بضلوع قلبه حفره تكفي قتيلــه
    ليه ما يدفـــن قتيلـــه بالضلوع اللي حفرها!!
    لو طعونـي بالسكاكين بيده تشفي غليلـــه
    والله لا شتريهـــا من عذابي و أدفع بدمـــي مهرها
    وأطلبـــه ينهال فيني طعـــن لين يطيح حيلـــه
    بس لايترك عيـــوني تنحرم نعمــة بصرهـــا ـ ـ
    ...انتظر 3 دقايق ماردت ثم أرسل/
    (ليت لي قلب يتحمل غيابگـ
    وفي غيابك ليت لي عين تنامـ
    لوخذاك الليل وياه وسرابگـ
    من يقول النور يخفيه الظلامـ
    كل مافيني يحن لكل مابگـ
    وأنتظر منك لويجي لي سلامـ
    وش عليه القلب لومات وحيابگـ
    ألتفت لي يابعد عمري حرامـ )
    ...ريماس كانت في الصاله مع سلمى بعد مادخل ابوها ينام يوم جاها المسجين ماهتمت لان يجيها احيانآ ارقام بالغلط وارقام مزعجه بس يوم وصل المسج هذا استغربت من يكون المرسل قالت يمكن غلطان وايدتها سلمى ونزلته وكملت سوالف...اما مازن انقهر منها حتى خاف يكون رقمها غيرته بس شال هالفكره من راسه ويعرفها راسها يابس وبعدين شك انها تعرف الرقم هذا لان صاحبه ماترك خليجي ماأجره الرقم بس قرر يكمل مو اكيد انها تعرفه... و أرسل من جديد/
    (التفت بالهون واسمع يامـلاكـ
    ودي أسولف على كيفي وأقول
    إيه أحبك مـوت وأتنفس هواكـ
    والعمر وياك ياليتـــــه يطول
    مادخل قلبي سواك
    وحــدكـ الغـــــالي وبقلبـــــي تجول
    اطلب عيوني وانا كلي فـــداكـ
    ياشتاء عمري وياكل الفصول)
    أستاذنت سلمى عشان تدخل تنام و وقفوا عشان كل وحده تروح لغرفتها فجأه دق جوال ريماس اعلان وصول مسج جديد فتحتها وقروها سوا(مع بعض) ..
    سلمى/اوفف من تتوقعين ؟؟
    ريماس بتفكير/محد في بالي..
    سلمى/ارسلي قولي من انت!
    ريماس بخوف/خاف يعاند إذا شافني اهتميت له!
    سلمى/خلص ماترسلي. نامي وبكره اكلمه لو بدك..يالله حبيبتي بدي نام ..good niht‏
    ريماس/good niht...‏
    دخلت غرفتها وراحت لسرير انسدحت كان في بالها واحد لكن ماقالت لسلمى بس لو كان هو ليه مرسل وش معنى اللحين! واليوم بالذات! وهالوقت! ! وين كان وإلا توه فاضي لي .. آه يامازن ياليت صدق انت المرسل .. انا وش جاني كذبت الكذبه و صدقتها مافيه دليل انه هو ... الا هو هذا اسلوبه عندي احساس مايخيب انك مازن .. فكرت تدق على رقمه(جواله هو)لكن خاف مايكون هوالمرسل واحرج نفسي وخاف يكون هو ويستانس اني شكيت فيه و بيقول اني في بالها وتنتظرني وانا من تركني تركته صح مانسيته بس بعد ماأقدر ارجع معه ريماس الأوله .. بس في الوضعين ماراح ارسل ونزلته على الكومدينا وجاها مسج جديد فتحته كانت مرتاحه نوع ما لهالمسجات ذكروها بحبها وحبيبها اللي ماسأل عنها..
    [حاولت معه يمكن يرد و انا بهون عنادي واناديه
    يومين ماسير علي وش علامه يومين مادري دنيته وينها فيه
    ماهو مهم انه يطول خصامه هو بس يرجع عقب صده وارضيه]
    ابتسمت يالله من انت .. يارب من هذا متزاعله وياه من يومين والمشكله ربعي هنا ماعطيتهم هالرقم معطتهم رقمي هنا حق روما اصلآ ماحد يرسل لي مسجات بالعربي الا سارونه وهي ماتعرف رقمي هذا (عندها جوالين خط ايطالي وخط بريطاني وكلهامدوله)... اوففف مافيه الا أنت يا مازن احسه انت!! فكرت ترسل بس وش ارسل اقول من انت ماراح يقول حافظه هالحركات شسوي اجل..و ارسلت ماصدق يوم سمع النغمه فتحها بسرعه /
    "من المرسل!!"
    أخير ٤رسايل عشان تقولين من المرسل بس واجد عليك ..ياعنووده ارسل/

    (خلنا مني وطمني عليك ...
    ماأنام الليل من خوفي عليك ...
    انت طيب هذا هو اللي يهم ...
    انت طيب وغير هذا مايهم ...)


    كنت متأكده مهوب قايل .وبعدين وش هالحرص امممم..وضحكت مافيه الا انت يامزون.. يارب يكون هو ..محتاره اللحين اسفهه وإلا ارد .. واخاف اخش جو معه ومايطلع مازن ولو طلع هو خاف اطيح من عينه خاف يتوقع اني راعيت حركات شسوي شسوي شسوي اممم ارسل وعلى الله أرسلت/



    "انت اكيد تايه وإلاغلطان .. من تبي بالظبط"
    جاها الرد /
    (جيتك وانا ماني تايه الراي
    جيتك وكل انسان غيرك نسيته
    جيتك وقلبي تسبقه دقه خطاي
    جيتك اقول مفارقك ماقويته)






    اوووف هذا اش جاه علي ليكون بس واحد مضيع وانا ضيعته زود وحاسبني حبيبته قاعده تتغلا عليه وانا الهبلا قاعده اتأمل انه مازن.. صدق مانيب صاحيه ومخبطه على قولتك ياسمور ...والمشكله لو ارسلت ماراح يعطيني وجه لو احب السما ..خل اقفله بس و حط راسي وراي صلاة
    "الفجر" حطته ودخلت لدوره المياه و طلعت و بدلت..انسدحت بعد ما طفت النور بس فيه شي يجذبها لهرسايل...."هيييييه يابنت ليكون صدقتي انه مزون اصحي هذا نساك وعنده ليال تسواك" ،،هيه انت اسمه مازن بن اااا ايه صدق شسم ابوه خل ابوه يولي اهم شي هو ..وتخسى لياليوه تسواني اصلآ هو يموت علي و مستحيل ينساني ،، "ايه صادقه اشوفه دق وسأل عنك ولاحتى عبرك بمسج" ،،ردها عقلها الباطن للواقع المر اللي ياما حاولت تنساه صدق مازن كأنه ماصدق سافرت ..بس هو ارسل ودق عشان نتفاهم وانا اللي مارديت عليه... روعها صوت الجوال فتحته لقت مسج من نفس الرقم لكن فاضي كأن المرسل عرف انها دخلت عالم الأحلام عالم الخيال كأنه يقول اللي خذا عقلك تهنى به.. ترددت بين ترسل وإلا تطنش.. ارسلت/

    " قول من انت عشان اعرف اتكلم معك؟!. "
    طار من الوناسه ..توقعهاحطته على السايلنت و نامت وتركته(طبعآ هو متأكد ماقفلته خبير دق وعرف انه مفتوح وسكر قبل لايدق عندها) قام يضحك يتخيل شكلها معصبه بس وين تعصب لو وحده غيرها دقت ولعنت طيفته لكن يعرفها زين انسانه مسالمه لأبعد حد وغير كذا آخر شي تفكر فيه تدق على رقم ماتعرفه وهذا اللي مريحه انها ماراح تحاول تعرف هو من!!..
    ارسل/


    (انا دكتور من حولي وجرحي حير الدكتور..........
    اداوي جروح وتبرى وجرحي فيه انا بلشان
    جروحي كيف بنساها و دمعي دايمآ منثور..........
    تركتيني مع جروحي وانا مقدر على النسيان!!.. )
    جلس يضحك اكيد الحين طفشها وجلس ينتظر ارد... طولت عليه.. لاحوول لياها لبستني على قول حمدان(سفهتني)فكر يدق ويسكر بس تراجع لان ريماس لو كانت شاكه فيه بتتأكد الحين لأن مايسوي هالحركه معها إلا هو لدرجه عاداها وقامت تسويها معه قبل لاتسافر !!(الصاحب ساحب)! وجاه الرد اخيرآ بس جدد جروحه/

    "أي جروح تتكلم عنها وأي نسيان..."
    آه ياريماس بهالسهوله تقولينها كيف طاوعك قلبك تسألين عن الجروح ياسبه جروحي ارسل/


    ،،،،أدخلني حبك سيدتي مدن الأحزان
    وأنا من قبلك لم أدخل مدن الأحزان ..
    لم أعـرف أبدا أن الدمع هو الإنسـان
    وأن الإنسان بلا حب ذكــرى انســـان،،،،


    ونزل جواله ووقف في البلكونه يفكر بريماس ليش تركها الفتره اللي فاتت ليش ماسأل عنها وإلايعاقبها على اللي سوته معه ليه ياريماس هنت عليك ليش ماحاولتي ترجعيني لك وإلا لقيتي من خذا مكاني و نساك المزيون قال بضيق يوم جا في باله ان ريماس يمكن تكون عرفت غيره تذكر القصيده اللي تقول،،

    (ياليت من يقدر يقرى ولو يوم مذكرات وسادتك وانت غايب
    وش دارفي بالك قبل عينك تنوم
    يلي عليك القلب بالحب ذايب)
    رجع لجواله وارسل/
    (وشهو الزمن لو عشته العمر وحدي...ادري بعاني بس وشلون بنساك.....كلي معك وانت مع الوقت ضدي...وصرت الضحيه بين صبري و فرقاك....)
    ريماس جد انقهرت منه ...لكن جواها شي يقول لاتقفلينه ولا تتركينه شي يدفعها تسايره ليما تعرفه شي يجبرها ترد له شي يقول ماراح تندمي ارسلت/

    "بصراحه طولتها وهي قصيره قول من انت ولابقفل"
    (حبيبي ودي اتكلم حبيبي هاضت الأشجان حبيبي اجمل سنين العمر وياك عشناها تراك أغلى علي من الغلا ياغالي الأثمان وترى اغلى ماأملكه عيني فدالك كان تبغيها)
    .................................................. ......................................
    سمعت نبضها يوم قرتها حطت يدها علي قلبها اجمل سنين العمر وياي قضاها .. ياجعل قلبي مايسرق كنت واثقه بحساسي أعرفه مايخيب ارسلت وهي تسمع نبضها اعلى من صوت ازارير الجوال ......رغم الصراعات اللي مرت فيها بيظل حبيبها وروحها وأغلى ناسها كانت تنتظر منه اشاره/
    "غايب حبيبــي ماوصلني سلامه
    مدري غيابــــه عذر أو شي مقصود
    مو عادته يبخل علي باهتمامه
    دايم يـطمني ولو كان موجود
    مبغى أشوفه بس أبسمع كلامـــه
    لاصار طيب راحتي مالها حــــــدود
    يرجعه ربي علي بالســــلامه
    اللي وحشني كم بقى يوم ويعود"
     
  15. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    .....عرف انها عرفته تمنى هاللحظه ان له جنحان ويطير لها تمناها تكون جنبه بس.....أرسل/



    (المشكله إني...
    انساك ثم اذكرك ثم ارجع انساك--واشتاق لك واذكرك واسألك وينك-- ما كني البارح مع طيف ذكراك-- ولاكني اللي ذاق موته بيدينك)
    بسم الله عليك من الموت ... جلست ثواني تقنع نفسها ان مازن رجع لها وهي من شوي تبغى تشيل من راسها انه مازن سبحان مغير الأحوال... ارسلت اقصد اناملها اللي ارسلت أما هي الله هو اللي عالم بحالها/


    (انا حبيت فوق الحب ولما اشتقت كنت الشوق ولماجيت ابنسى الحب نسيت الدنيا من دونك...أحبك كثر غلطاتك كثر مالك علي حقوق وانا من حقي احلم بك واعيش بداخل عيونك...تمادى كثر ماودك بكل غلطه احسك ذوق احسك تبتعد عني وغلطاتك يجيبونك..انالي خافق عاشق وكان احساسك المعشوق لقيت ان كل احاسيسي بكل حاله يحبونك..احبك كثر ما تبعد وكل مره احسك فوق ولو حتى نجوم الليل عندي مايطولونك..بقلبي لك مواعيد وظروف وسالفه وشروق يخون القلب نبضاته وانا والله مااخوووونك.)
    ياجعلني فداااااها يارب




    (اوعدكـ مااجرح احساسك ولا خونك..كيف بفرح بغيرك والفرح قربكـ...لو تحس بشعوري يوم من دونك..كان تشكر على كثر الغلا ربكـ...)
    ارسلت/

    (يعني هاين عليكـ.. تترك واحد يبيكـ
    ..سلم قلبه بيديكـ.. وانت مستكثر تجيه )
    رد/


    (يامتعبني وانا ماحب غيرك غيرتك من غيرك تخرب عليك)
    حست انها ملكت العالم من جديد بعد ماخسرته الحمد لله مو مصدقه وينك ياسلمى وينك ياسمر حد يكب علي مويه يقرصني يصفقني .. فيني صيحه محبوسه من زمان يآآآآه جاها مسج جديد



    (ليه أحس إني معك أنسان ثاني‏
    وأني أسعد شخص في هذا الوجود..
    وإن في يديني مفاتيح الأماني
    وكل درب أمشيه مفروش بورود..
    ملهمه قلبي خذاها اللي خذاني
    عيونها تشهد ونظراتي شهود.
    .كن عالمها عن الناس أحتواني
    وكنها للقلب و أشواقه وقود..
    كل يوم ألقى لها صرح بكياني
    كل يوم وعشقها فيني يزود.
    .كلها ذوق وأحاسيس ومعاني
    تجبر الخاطر وتصدق بالوعود.
    .أكره الدنيا إذا غابت ثواني
    وأستعيد بوصلها الدنيا و أعود..
    يا هواي اللي من الناس أصطفاني
    الغلا ماله وسط قلبي حدود..
    كل ماشفتك تسمرت بمكاني
    كن في عيونك لخطواتي قيود.
    .كلمتين وكني مضيع لساني‏
    نظرتين وكل ما فيني يجود.
    .من عرفتك وأنتي الفرح بزماني
    وكل ما شفتك تمنيت الخلود..)


    ..من قلبها ودها تسمع صوته لكن هو شكله منحرج من اللي صار عشان كذا اكتفى برسايل ارسلت/
    (ودي أنقل لك شعوري وأستريح من وجع في القلب تاعبني معاه. لو تجرب شوقي مره من صحيح كان قلبك ضمني داخل حشاه!!.)


    ارسل/
    (أبي وعد منك إنك ماتخليني ولا تساوي غلاي بواحد ثاني وإن كااااااااانكـ تحبني صدق وتغليني لامني اخطيت سامحني على شاني و اما انافي محبتك مايلزم توصيني من يمك الروح تامرني وتنهاني)
    ارسلت/





    (حبيـبي لاتساويـني بأحد غيري و تظلمني أنـاحبگ أنـاعمرك أنـا أغلى من الـغالي أبي منگ عن الدنـيا و مـا فيها تـميـزني أبـي الباقين يحسـون إني متمـيز عن الباقي أبي قلبگ لي لحالـي ولا غالـي يـشارگنـي مـثل مـاقلبـي لگ وحدك و لا معـگ أحد ثاني أبيگ تـحبني بجنـون ليـن الگون يحسدني على حـبگ على قلبگ أو يحسدنـي على الإثـنين أبيگ تحس بجـروحـي و بـأفراحـي تقاسمـني و أبي حبگ ينسينـي أنـا ويـن و قلبي ويـن و لا ودي تساويني بأحـد غيري وتظلمـني‏
    لأنـي في عيـون الناس مـتميـز عـن الباقيـن)
    ثم ارسلت/


    "مازن انا اسفه على اللي صار ماتدري غيابك وش سوى فيني...سامحنــي "
    ارسل/


    (ان زعلت ارضيكـ وكل عمري فداك..والزعل ما ازعل يالغالي عليك.. لوتطلب عيوني في لحظه تجيكـ ..انت اغلى الناس ومن لي في غلاكـ ..وانت نبض القلب..في الغلا والحب ابد مالك شريك..ميزك ربي عن الناس وعطاك ميزه تخص ذاتكـ وتعنيك.. لك وصوف نادره دايم معاك.. دايم محبوب وناسكـ تهتويكـ)
    ارسلت/


    "اتكلم جد سامحني ...."
    رد/


    (خل السوالف انا مشتاق لعيونكـ..عجل وشوف لك طريقه نلتقي فيها لاتخلي الشوق يذبح حال محبوبكـ لاجتكـ فرصه طلبتكـ لاتعديها اتركـ هلابكـ وكيف حالك وشلونكـ جلسه معكـ
    تسوى الدنيا ومافيها)
    ..استغربت ليش مايرد بسوالف مثلها ..
    ارسلت/



    "ودي بشوفتك اليوم قبل بكره لكن مافي يديني شي!"
    رد/




    (قالت قــــدر!! وأقول يومـكـ تبيني غصــــب على الدنيا يدكـ في يديني
    =لا تظلمين الوقــــت وش ذنب الأيام لا تظلمين الحــــظ لا تظلميني=
    ارسلت/


    "مازن الله يخليكـ قول شي سولف والله مشتاااااقه.."
    رد/
    (زين يصير ادق....)
    ماقدرت تقول ايه اصلآماتجرأت تقولها بينها وبين نفسها ماكانها كانت تبغى تسمع صوت اللي ياما حنت وجنت له....جاها مسج/


    (تصبحين على خير..مصير الحي يتلاقى.)
    خافت لايكون زعل ماقدرت تدق ولاترسل وجلست تقلب على فراشها ماتدري هي بحلم ولاعلم ابتسمت لانها نست تسأله إذا كان الجوال له جلست قرابه ساعتين تفكر في اللي صار وخذت الجوال عشان تقرا رسايله ثانيه وثالثه وعاشره
    أما مازن شقول عن مازن قواميس العالم ماتكفي حروفها لوصف جزء من فرحته طلع لغرفة بدر كان ناوي يصحيه بالي هوبه(بأي طريقه) عشان يشاركه فرحته يوم شاف شكله تركه كان مثل اللي مانام له سنه بعذره من هم هالمتحانات طلع عنه وراح للبلكونه فكر يدق لميهاف أو معتز وإلا هيثم خاف يكونوا نايمين ماحب ينكد عليهم رجع للغرفه سمع صوت مسج فتح الجوال بس مالقى شي تذكر جواله هو وضحك كبر راسه عليه لقى مسج من....!!
    ....."عنــــود الريــــم".....
    قراه وماااات ضحك هالبنت مو طبيعيه أحيانآ يكون فيها دلاخه بشكل فضيع ..... حس بالراحه نفسيه وجسديه من زمان عنها!!
    وقام يغني (محد قده)




    ....من فينا هالليــ له ينـ ام
    والشـ وق صاحـ ي ماينام.....
    ......وكل منـ ا ياحبيبـ ي
    شايـ ل بقلبه كـ لام.......
    .......هذا وحنا مالتقيـ نا
    ورعشةالشـ وق بيديـ نا ...
    ..........

    ♣♣♣♣♣♣♣♣♣♣♣♣

    اليــوم طيــارة مازن عشان يقابل عنود الريم ملكه قلبه...
    ..وصــل مع بدر من ½ ساعه في المطار ذيك الزاويه شهدت اعترافها له وحبها اللي ما صانه ودموعها ووعود مالها نهايه ابتسم ودخل صاله المغادرين بعد توصيات عده من بدر اهمها صلاته...
    °°°°
    °°°°°°
    °°°°°°°°
    رومــــــا
    ... كان منسدح على السرير وبيده عنوانها بيســأل عنه بكره اليوم تعبــان وبيرتاح خذ شور وانسدح بتعب ...
    دق جوالــه ...
    مــازن/هلا بدر.
    بــدر/هلا شخبارك؟
    مــازن/تمــام ..
    بــدر/ علوم اللي عندك؟
    مــازن يضحك/بدري على هالسؤال!
    بــدر/زيــن عندك ورقه وقلم؟
    مــازن/ليــش ابتعطيني جدول الجامعــه..هههه
    بــدر/ياشينك لاقمت تنكت!
    مــازن/اجل وشهولــه؟
    بــدر/مو تبي سكن ريماس..
    كان منسدح ثم طمــر..
    بــدر/تبيه وإلا لا..
    مــازن/لاتقول من البنات!
    بنفاذ صبر/لا
    مــازن/تكفى بدر لاحد يدري على الاقل لين اشوفها!
    بعد ماعطاه العنوان/ياالله سلمني عليها وقلها مشتاق لها موت(بعفويه طلعت منه)
    مــازن بغيظ/ماودك ابوسها لك واعطيها صورتك توقع عليها
    بــدر/ههههههههه اعصابك ..بعدين مخليــن البوس لهله!
    مــازن/اقول ضف وجهك..
    بــدر/عا ا ا ا دي عا ا ا ا ادي..
    مــازن/وشهــو؟؟
    بــدر/الزفــه
    مــازن/لابدور لاتزعل امزح ..من جد من دونك اضيــع! بس محب احد يقول عنها كذا حتى لو انت !!.
    بــدر/اقول روقنــا...بــاي
    مــازن/دير بالك على نفسك ونام بدري!!
    بــدر باستنكار/ليش؟
    مــازن باستهبال/خاف احــد يمردغك وانا مانيب عندك!
    بــدر/هههههههههههه مراعي الحاله اللي انت فيها!
    مــازن/ هههههههه
    بــدر/لا شفتها بس سم واقرا المعوذات!!
    مــازن/ليــه اطلع جن انا!
    بــدر/ههه اقصد اقر على نفسك لايصير لك شي..
    مــازن/اها ا ا ا
    بــدر/يا الله بتركك بس خلني في الصوره...
    مــازن/على هالعوج...
    بــدر/بــاي..
    مــازن/فمان الله.


    ...طلع من سكنه يدور فندق اهل ريماس بعد ماافطر.. طبعا بيسأل لانه مو مره يعرف لروما جاها من قبل مع العائله من 3 سنوات وجا هنا مره ثانيـــه
    مع الشله السنه الماضيه..
    المهم سأل لحد ماعرف موقع حيـــهم بس بعد مالف شوارعها لين تعب



    \..وسأل وعرف انهم في الفندق قبال الكوفي شوب وجلس فيه وطلب قهوه تركيـــه وانتظرها عشان تطلع بس طولت هذي طلعته من الظهر والحيـــن الساعه 9 م
    ..شاف شله جايه ووقفت تحت الفندق تتكون من 3 شباب وبنتيــن ذكروه بشلته...حاسب وطلع ماقدر ينتظر اكثر من كذا لحقه النادل عشان يعطيه باقي المبلغ لكن مازن ركب التكسي وراح...
    ....ثواني معدوده ونزلت ...كانت ساره و شلتها تحت ينتظرونها وطلعوا يتعشون على البحر.. البحر له قصه معاها هي والشله خصوصا مع مازن...
    اما مازن وصل وحط راسه مباشره ونام مع انه واعد بدر يدق بس ماقاوم الفراش وراح في سابع نومه...
    صحى منتعش شاف الساعه كانت12 خذا شور وصلى الظهر ونزل يفطر في نفس المطعم اللي تغدا فيه امس...وخذا تكسي للكوفي شوب ودق لبدر واعتذر انه مادق له البارح لانه كان تعبان من لف شوارع روما
    قاله بدر يطلع لجناحها بس مازن ماايده يخاف من المواجهه و يخاف اكثر من ابوها مابعد احتك فيه..سكـــر ودق على جوال ريماس بس سكر بعد مادق ثم دق من الكبينه!!
    وكان بين كل دقه ودقه يدق قلبه مليون دقه فجـــــــــأه سمع صوت جهوري..
    ......./مرحـبـــــا..
    ارتبك وسكره على طول
    ..من هذا معقوله غيرت رقمها
    ... اكيــد غلطان بالرقم ودق من جديد ورد عليه نفس الشخص!!
    دق لبدر بطفش وقاله اللي صار قاله بدر يدخل يسأل الريسبشن ...
    ودخل وسأل بأسم ناصر بس الموظف طلب الاسم كامل تورط لانه مايعرف الا اسمه بس قال اقوله ريماس يمكن يعرفها...
    ..../ولو هاي من مايعرفها كلياتنا نشتغل عند بيها...
    فرح وسأل اي جناح لانه يعرف ابوها بس صدمه الرد انها طلعت وقاله ينتظرها بالعاده مايتأخرون وجلس ينتظرها بس طولوا...راح لريسبشن وطلب ورقه وقلم وكتب لها رساله وقال يسلمها لريماس يد بيد وطلع كانت الساعه 3 قبل العصر تغدا وراح للبحر يالله كانه امس كان هنا ...نفس الشواهد والاشياء كانت موجوده...تذكر يوم كان ناوي هو وبدر يهبلون فيها كأنهم بيرمونها وهي تهاوش على بدر على اساس ابوها موصيه عليها ويــوم دخلوا هالمحلات اللي قبال البحر مع الشله شرى خاتم ولبسها اياه وهي شرت قلمين وكتبت اسمائهم عليها بس ماعطته قلمه إلا بدايه السنه في المحاضره حطته على مرجعه وابتسم....
    تذكر حركات الجامعه كانت ماتنفك من يده ومن تبدأ اي محاضره تبدأ السوالف لدرجه بدر يجلس بينهم احيانا....
    وتذكر مره جوليــا قومت ميشو تناقشها لانها تسولف مع مجدي ثم قومت كذا طالب ثم غدي ثم هو وطبعا محد جاوب قومت ريماس بس فاجئتها يــوم جاوبت وجلستها لكنها سحبت يد مازن وطاح على الكرسي وضحك الطلاب التفتت لهم جوليا معصبه لقت مازن جالس وعصبت عليه قال ان ريماس حطت الكرسي على رجله بالغلط....
    شاف ساعته مر ساعه على وجوده رجع لشقته عشان يصلي ويستعد لريماس!!
    ودق لمعتز يسولف معه لانه طفش تو الوقت بدري على الموعد...
    ...اما من الطرف الثاني وصلت ريماس بعد ماصلوا العصر برا وقبل لاتدخل اللفت(الاصنصير)رجعت تجيب جوال ابوها من السياره ويــوم رجعت ناداها احد الموظفين وبلغها ان فيه واحد سأل عن ابوها و انتظره بس يوم تأخرتوا ترك هالظرف لك..تعجبت وشكرته...لكن هي مالها علاقه مع موظفين ابوها ...دخلت اللفت وفتحت الظرف كان مكتوب..../





    ((ابغـى اشوفـك العصـر على البحـر لاتتأخريـن.....مـازن))




    بغت تنجن مازن تعنننننى لها...مازن للحين شاريها...
    ابتسمت مازن ينتظرني آآآه...يارب ساعدني احس قلبي بيوقف قويــه منك يامازن هالحركه...
    فديت روحك يارب...انا جايتك الحين ..دخلت وتظبطت واستاذنت من ابوها وطلعت كانت الساعه4 راحت للبــحر صح هو ماحدد مكان معين لكن هي متأكده انه بيجي لمكانهم العام وجلست تنتظره طلعت ورقته وقرتها ثانيه ثم طلعت جوالها تتأكد انه مفتوح عشان لــو ..لــو دق!!
    بس مازن تأخر عليها قامت تمشى ثم وقفت عند السياج قبال البحر ثم رجعت وجلست خافت يكون مقلب من مقالب مازن بس الخط خطه..قالت ادق لغدي وسألها لكن غدي مافادتها لانها قالت انا كنا بالسينما من 3ايــام الشله كلها سكرت وقررت تنتظر ساعه لو وصل وإلا بتمشي و فتحت ورقته و نزلت راسها على يدها وطمنت على الورقه و رسمت وجه مافارق خيالها ملامح قريبه من ملامحه ملامح شبيه الريــح!!
    آه ياواحشني يتهيا لي بستخف لو اشوفك... مشتاقه لك لكلامك اللي يرد الروح لسوالفك ومرحك والاهم وجودك بحياتي...
    واقتحمت من جديد عالم الذكريات
    ...فجـــــــــــأه
    بغمــره احزانها و على شواطئ ذكرياتها....
    حست بشي غطى عيونها
    نزلت القلم ومسكت كفوفه
    عرفته من عطره اللي تموت فيه بدليـــل شرته يوم جت هنا... قالت بهمس و ضعف و شوق جارف/انا اسفه!!
    سحب يدينه من يدينها ووقفت شافته وشافها تلاقت العيون بلهفه... تصافحوا بحراره ..جلسوا يطالعون بعض...
    فتره طويله .


     
  16. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    ==========
    ==============
    تشوووووفها صــدفه
    وانــا اشوفــــها غير انا تصنعت الصـدف لأجل اشوفك ما تتعب المشتــاق كثر المشاوير لا صافحت لهفة كفوفه كفوفك لا جاك قلبي واشتياقي مسايير ارجوك تكرم بالمحبه ضيوفك مابي وعد خــل الوعد للمقادير لو ضامنــك وشلون بضمن ظروفــــي!!
    ===============
    ===========










    .....نزلت عيونها تهرب من نظراته وصدت..
    عرفها من بعيد وحب يسوي لها مفاجئه وغمض عيونها بس من لمستها خارت قوته ماقدر يتحمل لمساتها وسحب يده يخاف يسوي شي يندم عليه بس بعد ماصافحها هان عليه ياخذها بحضنه يضمها لصدره عل وعسى تبرد النار اللي فيه ويوم صدت عرف انها ماقدرت تتحمل المفاجئه سكـــر يده على يدها عشان تشوفه بس هي مارفعت راسها
    بلهفه/ليش ماتبيـن تشوفيني!!
    رفعت راسها له وقامت تتأمله وابتسمت/طمني عنك!
    سرحان في شكلها كثير تغيرت و احلوت اكثر/صرت زين لما شفتك!!
    جلست وقامت تبكي...جلس قبالها ومسك يدها وحضنها بيدينه بشك/دموع فرح!
    مسحت دموعها ثم هزت راسها/لا دموع نــدمـ!!
    سحب يدها من على وجهها/خلاص مالها داعي الندم انا هنـا!
    ضحكت/ انكوينا كلنا بسبب قراري...
    بحنيه/ صارخيـر انسي اللي صار وخلينا نبدأ صفحه جديده....
    مسحت دموعها وقربوا من البحر...



    /شخبارك شمسويه هنا وكيف عايشه؟
    بجديه/حياتي هنا و لاشي بلمقارنه مع حياتي هناك!!
    بتفكير/متنـدمه
    تنهدت/كثــر شعر راسي...
    /كيف كانت امتحاناتك؟
    /زينه...
    /متى النتيجه!!
    /نفسكم بعد اسبوعين ثلاثه..
    /قدمتي عدل ...
    ابتسمت/بدري إذا طلعت النتيجــه بقولك!
    يضحك/شسوي ادق ماتردين...
    بتعجب/دقيت علي..
    ببتسامه/دايم بس قلت خاف غيرت جوالها!
    /لا ماغيرته ...
    /طيب من الرجال اللي يرد علي ...(يضحك)لايكون زوجك...
    ابتسمت/ لا طبعا يمكن ابوي بس من جيت هنا ماشفت لك مكالمه..
    /افتحيه وشوفي...
    فتحت ولقت المزيونه..في المكالمات المستلمه!!
    خذا الجوال وشاف اسمه وابتسم/ليه غيرتي اسمي!!
    /الظروف...بس انت داق من كبينه
    /ايه دقيت ورد رجال...
    /اكيـــد ابوي..
    بجديه/ ريماس بسألك عن شي وتجاوبيني بجد ادري ماراح استفيـد شي بس بعد ابغى اعرف ليه يــوم ناديتك بالجامعه مارديتي ؟؟
    تنهدت...
    /سلامتك من الآه...
    بتردد/ماكنت ابغى اشوفك!
    /اوفففف ليش...عشان الدفتر ضاع!
    باهتمام /قالت لك غدي..
    /لا..انا لقيته مشقوق ومرمي بدوره الميـــاه انقهرت منك ماقدرتي كتاباتي فيه ...بس شفت بعدين مع غدي قلمك قالت ان احد الطلاب لاقيه وعطاها اياه...ثم قالت لي السالفه كلها وانك انحرجتي مني...ارتحت على الاقـل عرفت مو انتي اللي مسويه كذا..
    ريمـــاس/ياكبرها عند الله الحيـن شاك فيني...
    مـــازن/لا بس قلت خاف طلعت من طورها!!
    وقامــوا يضحكون...
    مـــازن/ بس ولو وش اللي منعك ماتجين تقولين لي!!
    ريمـــاس/خلها على الله..
    .. وكملوا سوالف وضحك لحد مامشوا يصلون المغرب في مسجد ريماس تصلي فيه دايم...
    ثم طلعوا وراحو لمطعم وطلبوا عصير وسندويشات...
    /حبيبـــي مشكور على الهديه..
    تذكرتها وابتسمت/اي هديه الله يخليك...ساعتك وصورتك...ودبدوب عشان لانسيت يذكرك فيني...وعطر متواضع...
    /ولو....
    (الساعه ساعه مازن من فتره نساها في المحاضره وخذتها ومن ذاك الوقت عندها...والصوره هي راسمتها له وطلبها منها من فتره بس رفضت...واهدتها له هذا وقتها)
    بعد صمت/تدرين انك تغيرتي.
    بخوف/من اي ناحيه؟
    /احلويتـــي!!
    ابتسمت وطمنت راسها....
    مـــازن/... ... ... ...
    بعفويه/تدري مازن احيانا اقول خلاص يابنت انسيه اكيد نساك خصوصا يوم اكلم غدي تقول انك مو الاول ودايم سرحان خفت انك نسيتني...
    بمرح/تسألينها عن ليال؟!!
    تضحك /اووووه كل مكالمه ليال تروح له؟ يكلمها؟ تمشي معه؟ تعزمه؟ تاخذه منكم؟ لدرجه صارت تهاوشني لاجبت سيرتها تقول انا بنفسي بقول لاصار شي!
    يستدرجها/وليش مهتمــه؟
    طمنت ماتوقعت هالسؤال/... ... ... ...
    سند بيدينه على الطاوله وقرب منها/ تغاريـــن!
    رفعت راسها /لا ا ا
    بثقه/اجل ليــه تسألين؟
    هزت كتوفها/تعودت...
    بخبت/ايه انا قلت كذا ...اتوقع لو اهمك ماسويتي كذا !!
    /صح ...بدليل كنت اكلم غدي مره وانت عندها لما سمعت صوتك ماحسيت الا بدموعي على خدي...
    بمكر/يمكن حنيتي للجمعه مااعتقد عشاني!!
    عارفه قصده/انا بعد اقول كذا ..
    حاسب وطلعوا يتمشون بالاسواق..ويسولفون..
    كان حاط يدينه بجيوب بنطلونه..طلعت يده ومسكتها..ابتسم من دون يلتفت لها يدري حالتها اصعب من حالته وظغط على يدها و طالعوا بعض وضحكـوا..
    رفع يدها وباسها..انحرجت من حركته غريبه عليه ..شاف الخاتم اللي بصبعها وفسخه وحطه بجيبه..


    باستنكار/ليـــش؟
    /حقي وإلا حقك(الخاتم اللي لبسها اياها في المطار)
    جت تطلعه ماعطاها فرصه ومسكت في تشيرته عشان يعطيها اياه بس رفض....
    ‏ ‏/O.k‏ ‏
    ونزل يدها وقام يركض وهو يضحك...ولحقته ووقفت بعد مابعد عنها...التفت يشوفها لقاها واقفـــه ورجع لها كانت اشكالهم جنان ولايقين لبعض..
    ريمـــاس/.... ... ... ...
    وقف قبالها/وش فيك؟
    تقهره/برجع للبيت !
    رفع حاجبه/ليش؟
    بغرور/بس..
    قرب وهمس/مو بكيفك انا جاي من لندن عشان اشوفك تبغين تروحين الحين...لا ابوك ولاغيره يقدر ياخذك مني ...انا ماصدقت اشوفك بعد هالفتره اخليك تروحين احلـمي.
    مسك يدها وسحبها معه...
    وقفته /عندي شرط؟
    /لك عيوني"كأنه فهم قصدها"بس الخاتم لا!
    سحبت يدها/مابي ودني لبيتنا...
    بمرح/لاجت الساعه وحده بفكـــر...
    بانتقام/احسن خل ابوي يهاوشك!!
    / إذا بترضيـــن علي انتي وضميرك!!
    سحبها ودخلوا محل اكسسوار..وخذا لها سلسال حلقته قلب جزئيـــن خذا جزءوحطه بجيبه ولبسها الثاني ...
    استغربت حركته
    وطلعوا يكملون الجوله و الساعه10 وصلها مازن لبيتها على اساس يشوفها بكره...و سمعوا احد ينادي لريماس التفتوا له كان صاحب الكوفي معه باقي فلوس مازن بس مازن قاله حلال عليك!!
    بتعجب/كنت هنا من امس!!
    /وما ادراك اليوم ثالث يوم...
    /و ليش مادقيت علي اول ماوصلت!!
    /ماقدرت خفت ماتستقبليني..
    بضيق/مالك حق تقول هالكلام...
    /صدق ترا بدر يسلم عليك يقول قل لها مشتاق لها موت!
    /الله يسلمه...قطع عني الفتره الماضيه... "بشك" خاف انت قايل له اعرفك زين نذل....
    /هذا رايك فيني...
    /هههههه امـــزح..
    /يالله مابي اطول اكثر من كذا.....
    تقاطعه بمرح/ ما قصرت كل هذا وماطولت...
    /يالله بس مع السلامه..
    /الله يسلمك...مازن
    صد لها وسكتت ......
    סססססססססססס


    ...رجع لشقته ودخل ياخذ شور طلع حصل مسج ومكالمه
    ...المسج من"عنـــود الريـــم"
    ((تمــر اللحظـ ـ ـة بغيابــك
    عشـر ساعـات وعشـر ساعات بحضـورك مثـل لحظـ ـ ـ ـة
    أنـا ياعمـري لـو تـدري عن اللـي فـات حــزن و أوهــام من عمري فكل لحظـ ـ ـة
    وجــودك أحيـا كل مـا فيـنـي مــات دخيــلك لا تخليـــني ولــو لحظـ ـ ـ ـة))
    تنهــد بحب وارسل..../



    (( وشـلون ماأصيـح باسمـك
    وأكشف أوراقي؟واسمـك مثــل حـلم ماني قـادر اوصلــه آآه لــو اوصلــك ياويلــك مـن أشـواقـي وإن مـت في مسكتك هـذا الشـرف كلـه تصـــدق عــاد إن حبـك خـرب أخلاقـي لأنـي لا ذكـرتك اطنـش كـل خلـق الله))
    ميته وناسه من كان يصدق ان مازن يلحق المقفي ابتسمت يوم تذكرت انها نادته بس صرفتها شي جواها مايبيها تتركه كان وده تضمه من شافته بس انحرجت
    ضمت الجوال لصدرها وباسته ثم ارسلت.../


    (فديت من كان لغياااابي يعانـي فديت أنا ممشـاه وخطاويه_)
    ارسل لها..../



    (أجمـ نسـاء الدنيـا ـل
    جوى عيوني انتي...أجمل نسـاءالدنيـا أنتي ياحبيبتــي...أنا مش مصدق نفسي إنك بين يديا...من يوم ماحبگ ماخذانـي مش بتنام عنيا...جواي شــوق قد الحنان اللي في عينيگ...روحي فيك ونظــره ليكي هيا الحياااااااة...
    أجمـل نسـاءالدنيـا في عنيا انا...قدرت تاخذني في ثانيه من روحي انا...وعد مني محب غيرك في الوجوووود...احساس جميل جوايا اگبر من الغرام...واللي مابيني وبينك اكبر من الگـلام...احساس جديــد خذنا لبعيــد مالوش حدوووود...
    يا أجمـ من گل النساء ـل)

    °°°
    °°°°°
    °°°°°°°°
    .. دق لهيثــم وعلمه بالسالفه من شافها لحد مارجعها لبيتهم وانه ماستوعب انها قدامه لحد ماصافحها وحضنت يدينه يدينها وانها احلوت كثير و كيف كان ميت شوق لها...بس المشـــكله هيثـمـ ماندمج معه...
    مـــازن/لايكون بتنام وازعجتك!
    هيثـــم/لابس....(تدارك في اللحظه الاخيره اللي كان بيقوله)....ولاشي..
    مـــازن بشك/ابو تركي ابوي فيه شي امي خواتي اهلك!
    هيثـــم /لا مافيهم شي...
    مـــازن بخوف/انت فيك شي؟
    هيثـــم/لا....(يصرف)...هاه كمل وبعديــن...
    حس ان صاير شي وستعجل بإنها المكالمه ودق لميهاف....
    ميهــاف بشوق /هلا بطش وارش والــ....
    يقاطعها/شخبار ابوي؟
    ميهـــاف/ليش!!
    مـــازن/سمعت انه تعبــان...
    ميهـــاف/مافيه شي انت سامع غلط امي كانت تعبانه(وعشان ماتخوفه كملت) والحين عندنا و بخيــرالحمد لله..
    بقلق/ليــه وش فيها؟
    ميهـــاف/تعبت الاسبوع اللي فات ونومت يوم لان الظغط انخفظ عندها وطلعت الحمد لله...
    بضيق وصوت عالي/وليــه محد قال لي ولا انتوا عيالها وانا لا!!
    ميهـــاف بهدؤ/ روق مازن قلتلك بخير....وبعديــن ماحبينا نشغلك وتوك منفك من هــم الامتحانات!!
    مـــازن/ولو....
    (لحظة صمــت)
    الحيــن بخير...
    ميهـــاف/اي والله وإذا منت مصدقني تعال و إلا ا ا ا
    تخاف تترك شاغل بالك...
    بجديه/عشان امي ارمي الدنيـا ورا ظهري...
    ميهـــاف/طيب بتجينا ولا بترجع للنــدن ؟
    مـــازن/لابجــي!!
    ميهـــاف/بس تطمن والله امي بخيــر..
    بمرح/طيب صدقتي يوم قريتي رسالتــي؟
    ميهـــاف/على طول صدقت بس كيف اقتنعت!!
    مـــازن/اقنعنــي بدر...
    ميهـــاف/ والله بـدر مايستهان فيه شكلي بخليه واسطــه...
    مـــازن/مايحتاج انا كلي لك!!
    ميهـــاف/ههه... هذاك اول بس من رجعت المياه لمجاريها وانا على الرف...
    مـــازن/هههههه...
    ميهـــاف/عمري مابي اطول عليك وطمنا عنك...
    مـــازن/صار بس سلميني على امي وتحمدي لها بالسلامه و على ابوي وبشور...
    ميهـــاف/مو كأنك ناسي ان عندك اخو!!
    مـــازن/لا مو ناسي بس توني مسكر منه يالله وصلي السلام وبوسيلي تروكي!!
    ميهـــاف/ صار بــاي...








    ¶ ¶¶ ¶¶ ¶¶ ¶¶ ¶¶ ¶

    مــر اسبوع علـى وجود مازن عنـد ريمـــاس....عوض ايـامـ الغربه اللي مضت راحوا لمنتزهات ملاهي اسواق معارض لفوا روما في ظرف اسبوع ...
    ==========
    ....صحى على ازعــاج المنبه سكره وشاف الساعــه كانت
    ½ 10 توضى وصحصــح ونزل للوبــي وطلب فطور كــان ميت جوع ودق على جــوال امه يتطمن عليها.... من عرف بتعبها وهو يدق لاصحى وقبل تنام امه...بس ماردت اكيد صاحيه هالحزه كان بيدق لهيثم وقرر يفطر اول لان ريحت الفطور زادت جوعه .
    .. وبعد ماأفطر دق لامه بس ماردت دق لهيثم لقاه مغلق وابوه مايرد جن جنونــه ودق لميهاف نفس الحكايه مغلق... عوره قلبه اكيــد امه تعبانه تعوذ من ابليس ودق لخاله بس رد وطمنه ان امه بخير وانه بيدق على التليفون و يقولها تدق له وتطمن خصوصا ان خاله هادي حتى يسولف ويضحك سكر و قلبه قابضه قرر يودع ريماس ويرجع هذي امه حبيبته الغاليه مايقدر يجلس اكثر خاف يكون فيها شي وهو ضيع اسبوع هنا كان بامكانه يسافر من 4ايــام بس اجلها عشان حبه نسى امه تاج راسه قرر القرار الاخير وطلع لريماس على اساس يودعها
    امه تنتظره بس ماردت على جوالها ودق على الثابت بس محد رد راح لها و سأل الريسبشن و بلغوه بان ابوها نقل للمستشفى بسبب حادث البارح ....
    وطا ا ا ا ا ر لها وش سالفة المستشفيات اليوم... راح وسأل عن غرفته ثم توجه لها حصل ريماس عند بوابه العنايــه المركزه سألها وبكت قالت نقل هنا الصباح حالته تدهورت...رق قلبه لها مالها إلا هالابو صح على كلامها خوالها جنان وطيبين بس ابوها جنتها ونارها...جلس جنبها يهديها وهو يحتاج من يهديــه و يطمنه على امه...
    ... دق جواله وطلعه بخوف لقى
    "الاميـر ابو تــركي"
    بصوت متقطع/هــلا ابو تركي ..
    هيثــم/هلا حبيبي! داق..
    مــازن/هيثم بلا هبل امي اش فيــها!!
    هيثــم/بخيــر...
    مــازن/هيثم اتكلم جد...
    هيثــم/تعيبانه بس والله انها بخيــر...
    بصوت عالي/ليش ماقلتوا لي !!!
    هيثــم/صار خيــر (ماقدر يتفاهم معه لانه يعرف امهم وشهي بالنسبه لمازن)
    مــازن تنهد /بالمستشفى؟؟
    هيثــم/ايه بس....
    مــازن يقاطعه/لاتعــذر ...
    هيثــم/انا ماأتعذر بس امي بخير تطمن لاتخاف....
    مــازن/زيــن انا جايكم..
    هيثــم/يامازن....
    مــازن يقاطعه/مع السلامه ...
    ...جلس بتعب ونزل راسه بين يديه تنهد بضــيق كان حاس ان فيها شي وطلع توقعه صح بس كيف يترك هالمسكينه بهالظروف الصعبه بس الامر طلع من يده.. مستحيــل يأجل سفره هذي ام هيثم!!
    رفع راسه بعد ماجلست قباله
    "عند رجلينه" ....
    مسكت يده/اش فيك؟
    بضيق/امــي...
    بخوف /اش فيها؟
    تنهد/تعبــانه! "نزل راسه"
    جلست جنبه/اش فيها...
    /...............
    / قلبي روح لها انا بخير و عندي سلمى وساره !!
    / ماودي اتركك بهالظروف ..
    /سافر لها وطمنــي!!
    هز راسه وطلع يتجهز ويحجز... ورجع لها العصــر وجلس معها وسألها عن ابوها قالت ان دكتوره قال تحسن بس مابعد استقرت حالته وطلع معها لحديقه المستشفى و جلسوا قرابه ساعه ثم وصلها لسلمى وراح لدكتور يسأل عن ابوها ورجع يطمنهم ...ثم صافحهم وطلع للمطــــــار....

    סססססססססססססס

    ..بعد مامشى مازن بكـت ريماس ماتدري خـوف على ابوها!! وإلا حزن لوداع حبيبهـا !!....
    سلمــى/ياحبيبتي روقي ابوكي بيأولوا استقرت حالته!!
    /..................
    سلمــى/ادعي لإله هو محتاج لالك بهالوقت...
    لازالت تبكي
    سلمــى/خلص عشان ترتاحي حاكي الدكتور بتاعوه....
    من بين دموها/انا خايفـه يصير لابوي شي انا مالي إلا هو...
    سلمــى باستنكار/استغفرالله..ربك فين راح... انا بدي اعلمك في الدين وانتي اللي علمتيني وارشدتيني لاحكام دينيه كتيـر..خلص صلي ركعتين وادعي لإله ..
    هزت راسها بالموافقه وقامت بكسل...
    سلمــى تشوف ريماس بشفقه لحالها ..رغم انها تحس بنفس احساسها لانها بعد ماتزوجت ابو ريماس بسنـه توفى ابوها وتعد ابو ريماس ابوها واخوها كون مالها اخوان وكل شي لها بعد امها ومايا اختها المتزوجه...







    ¶ ¶¶ ¶¶ ¶¶ ¶¶ ¶¶ ¶
    بغرفـة الدكتــور....
    =======
    طقت الباب ودخلت/Hay
    الدكتــور رفع راسه وابتسم/Welcome‏ ‏
    ((الحوار باللغه الفصحى))
    بتوتر/لا اعلم ماسأقول لك...."تلفتت تعطي فرصه لستخراج الكلمات من حنجرتها"
    الدكتــور اشر لها بلجلوس...
    جلست بعد ماشكرته/
    كيف حال والدي الآن؟
    الدكتــور/حالته الآن مستقره اهدائي!!....
    /...............
    الدكتــور/اخرجي بالقرب من المستشفى كنيسه اذهبي لها وصلي له انه بحاجه لها!!
    بصرامه/مــــاذا ..."بهدؤ نزلت راسها"سأدعوا الله له!!...شاكره لك(قامت بعصبيه ناقصها كنيسه بعد)
    الدكتــور عرف من ملامحها انه اساء لها ولدينها وقف/المعذره.. لم اعرف ديانتك انا اسف إذا اسئت لك!
    /لاباس...ولكن لم يجدر بك ان تقول هذا من الكافي ان تقول ادعي له ...انا ذاهبــه اريد ان....
    الدكتــور يقاطعها/ارجوك..انا اسف مره اخرى ولكن اريد ان اتحدث اليك!
    بتعجب/عن ماذا.؟
    الدكتــور/اعذريني ولكن من الواضح انك مسلمه!
    بفخر/نعــم انا مسلمه مالعجب في ذالك؟
    الدكتــور/لاشي ...من اين؟
    /من الشرق الأوسط..
    الدكتــور/عربيــه إذا!
    /نعــم...
    (قالته بطفش تبغى تطلع اكيد ساره وصلت وبعديــن قريب بيدخل وقت صلاه المغرب بس هذا نشب بحلقها احتسبت استشارته في الدين عند الله)
    الدكتــور توقع ضيقتها عشان ابوها/لاتحزني سيكون بخير..
    /إن شاء الله...
    الدكتــور/..................
    /انا ذاهبه اريد ان اصلي والجأ لعالــم الغيب!!
    الدكتــور/انتم المسلمون تأمنون بأشياء غريبه!!
    بنفاذ صبر ممزوج بعصبيه/نحن لانومن إلا بربنــا
    هزكتوفه بتعجب...
    /مالغريب في ذالك!
    سكت شكله خاف يتكلم ويورط نفسه خصوصا ان ريماس كانت حازمه معه..
    /اريــد ان ارى والدي هلا وافقت؟
    الدكتــور/لا استطيع فهو بحاجه لراحه...
    بتوسل/ارجــوك
    الدكتــور/لقد اخبرتك انه بخير مالحاجه لدخولك!
    /هذا ابي ...اتعلم ماذا يعني !!
    الدكتــور/................
    بضعف/هو احب الي من نفسي..
    الدكتــور/اتعلمين اننا على نقيض منكم...فبعد بلوغ سن 14 نبدأ المشوار نصارع الدنيا والحيــاة معا..حياتنا صعبه نحن من نشق الطريق وحدنا و من يتجاوز الصعاب ومشوار الضياع...ولكن بحكم التعود لاأحد يفكر ..فقط يسعى إلى ان يضعف فينهار فيموت!!
    كانت تسمع بإنصات(جازت لها السوالف)/نحن المسلمين على العكس من ذلك نعيش بكنف العائله من الصغر إلى الهرم ...نكبر ونتزوج ونستقر في احضانهم نعيش بهذا الجو الاسري يتعلم الاحفاد من الأجداد ...انا مثلا فرد من افراد العالم العربي حتم علي ديني ان اعيش في ظل عائلتي يحافظون علي في صغري واراعيهم في كبرهم واخبرنا نبينا ان الجنه تحت اقدام الامهات ...كيف لكم ان تفرطوا بجنــه عرضها السموات والأرض ....ثم هم بركة البيت وهم من امر ديننا بطاعتهم وخفض جناح الرحمه لهم فهم اساس وجودنا في الحيــاة بعد الله.....
    الدكتــور بحزن/انا عملت هنا ولا اعلم اين امي لانه بعد ان سافرت لدنمارك لدراسه عدت بعد 4 سنوات لاجد ابي توفى وامي لااعلم شي عنها والآن لي قرابه14 عاما لا اعلم إذا كانت على قيد الحيــاة ام لا!!
    /لمــا..
    الدكتــور/لا اعلم..ما اعرفه خلقت لاعيش هكذا!!
    /....................
    الدكتــور/لم تخبريني ماذا يعني ابوك لك؟
    ابتسمت/ كل شي ...
    الدكتــور هز راسه عشان توضح ..
    /اعني امي توفت وانا لم ابلغ الثالثه بعد..وعشت مع ابي هو من رباني وعلمني امور ديني فكيف اتركه وهو من اعطاني الحب والحنان من دون مقابل...
    الدكتــور/اتعلميــن اني تمنيت من الإله ان اكون من اهل الشرق ارض الرسالات ...كنت في لندن من سنيتين بعثه ولفت انتباهي وحده العرب وترابطهم واخلاقهم النبيله وسماحه نفوسهم ورضاهم بما يصيبهم...
    ابتسمت بفخر كونها تنتمي لهذا الوطن...
    الدكتــور نزل راسه لثواني ثم رفعه بأسى/كنت سأكون من ديانتك ولكن الجنسيــه وقفت عائق..
    حزنت كنوع من المشاركه الوجدانيه /كيف...
    الدكتــور/انا امريكي حصلت على الجنسيه الدنماركيــه
    "تنهد" لهذا لم احصل على الموافقه!!
    طلعت من عندها كأنها كانت بمحاضره بس حتى المحاضرات عمرها ماانصتت وناقشت من باب حب المعرفه مانست تدعي له من قلبها ان الله يكتب له دخول الاسلام ويكون من الداعيــن له.....

    � � � � � � � � �







    الساعـ 10م .ــه
    ========
    ...كان واقــف على ارض السعوديــه تحديدا مطــــار الرياض...فتح جوالــه ودق لريماس وطمنها وسألها عن ابوها...ثم دق لبدر يطمنه بعد ماجاه 4‏ ‏Mawjood‏ منه لان بدر مايدري انه راجع لسعوديه ثم دق لهيثــم وبلغه انه وصل
    حصله ينتظره مع معتز في الصالــه...وبعد ماسلم عليهم وطمنــوه على امــه
    طا ا ا ا ا ا ا ا ا ر
    للمستشفــى!





    °°°°°°°°°°°°°°°°°°°°°
    -وش بيصير على ابــو ريماس؟
    وهل مازن بيلحــق على امه؟
    وش بتكون رده فــعله ؟
    °°°°°°°°°°°°°°°°°°°°°
     
  17. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    »‏«»‏«»‏«»‏«»‏«
    ♣خذني بحضنگـ ♣5
    ‏«»‏«»‏«»‏«»‏«»‏





    =========
    =============
    عســى ظــرف حجب صــوتك عن الخافــق ســريع يزول و يــرجع صوتــك الدافــئ على الخافــق يدفينــي!!
    =============
    =========

    ....دخل بفـرح وحـب شـوق
    ولهفه.. للمستشفى قابل خاله لكن وجهه مايبشر بخير ... ابتسم ثم سلم عليه بس كان سلامه بارد...
    بخوف التفت لهيثم ثم طالع لمعتز مالقى تفسير للي يشوفه سوا ان خاله مسك يده وتوجهوا الغرفه امه ودخلوا ولكن الصـــدمه اخرســـت الجميع.....
    ‏-ويــنها أم هيثم الطيبه الحنونه الام المثاليـــه؟...

    ¶ ¶¶ ¶¶ ¶¶ ¶¶ ¶¶ ¶


    ،.» بيت أبوهيثـمـ «.،
    ......../الــــــو
    ........./السلام عليكم ..
    ........تتصنع البرود "عرفته"/وعليـــكم السلام..
    ........بتردد /كيف الحال
    ......../الحمد الله"بسخريـه" امـــر!!
    ......../اقـــدر اكلم الوالــده...
    ......../لاطبعا..
    ......../وليـــه
    ......../يعني ماتدري انها مابعد طلعت وإلا ا ا ا ا
    ........بغيظ/وإلا ايش!
    ......../سلامتك...باي.
    ......../بشايـــر!!
    بشايــر زفرت/ياخيـــر.
    ......../ليش تكلميني كذا؟
    بشايــربستنكار /لا والله ...
    ......../اش فيك؟
    بشايــر بصرامه/انت اخر واحد يمكن اتكلم معاه!
    احمد /اشمعنى
    بشايــر/انت ابخص..
    احمــد بنفعال/انا عارف انك ماخذه موقف عقب اللي صار لكن انتي.......
    بشايــرتقاطعه/لاتبرر انت حـر سوا اللي تبغــاه...بس ياليت تتركني بحالي!!
    بتوسل/بشاير لو منتي غاليه علي ماهمني اللي سمعت ولا تضايقت عشانه بس انتي تفسرين بكيفك ...
    بشايــر/قلت لك سوا اللي تبي تسويه!!
    بجديه/بعدين تعالي وش قايله لسمر؟
    بطفش/وش قايــله بعد!!
    احمــد/انتي عارفه وش قايلــه بس لوسمعته مره ثانيه ادري اني بقص لسانك!
    بشايــر/خوفتــني....
    احمــد/انا انذرتك...
    بشايــر/لاتهدد! .....
    وسكرت الخط وقامت تبكي تموووووت فيه بس عشان كرامتها مضطره تكابر...احمد طعنها وشكك في مصداقيتها قدام نفسها... بكت بقهر ماتحب تجرحه ولاتشوفه متضايق كيف وهو متضايق منها...يالله كنت استانس لادق على امي ارد عليه من باب انها بعيده بس الصدق مشتاقه اسمع صوته بس الحين إذا سمعته اتذكر كلامه يوم قال لسمر الحمد لله ماستعجلت!! ليش سويت كذا ياأحمــد لو مصدق ان مالي علاقه مع احد كان كملت مشروع الخطبه هذا اكبر دليل انك ماصدقتني اوووف...شسوي يارب مع هالقلـبـ...
    ...كان حاس بذنب اكيـد جرحها يوم شك فيها بس غصب عنه اللي صار...زفـر اكيـد ماراح تسامحني..ياليتك بقلبي عشان تشوفين نفسك ملكه فيه تامريـن الكـل و اولهم انا و تنهيـن!محـد يحاسبك لان مالهم شي عنـدك هذا مكانك والحلال حـلالك وانتي حـره!!
    םסם
    סםסםס
    םסםסםסם

    ...قابلهم ابوه طالع لانه مالقى زوجته...مازن دخل ماتكلــم دموعه هي اللي استفسرت بس شاف الدهشه والخوف بعيــون الكل ابوه وخاله واخوه وولد عمه ...
    طلع هيثم ركض وسأل عن امه بس محد عطاه جواب...
    ..لايتكلم لايسمع لايرى ضعفت الرؤيا عنده وانشل لسانه عن الكلام حتى اذنه تسمع بشوشره مسكه خاله لانه شاف وجهه مصفر ومعتز طار يسأل يستفسر يبحث يدور شي يطمنهم....
    ........./السلام عليكــم
    التفت الجميع لأحمد اللي تفاجى باشكالهم وانصدم يوم ماشاف عمته من ساعه كان هنــا وقالوا انها بخير ...
    بصوت مخنوق /وينـها
    بصوت مرح /انتو هنــا ومزون بعد وصل يامرحبا ...اشفيكــم...
    مــازن ببلاهه/امي وينها!
    مهنــد/لاتخافون غيروا غرفتها وهي تنتظرك ...
    مــازن تنهــد/وينــها؟
    مهنــد/سلم اول!!
    احمــد/مهند عمتي بخير؟
    مهنــد/ايه ليش...انتم اشغلتكم الغرفه والممرضات بس فيه حادث بطريق وفضوا الغرفه لهم..
    تنهـد بارتيـاح سلم على احمد ومهند...
    وتذكر انه مابعد سلم على ابوه وسلم وحب راسه...
    ومشوا مع مهنــد وقابلهم معتز وطمنوه...
    دخلوا كان ميت ويحط راسه على صدرها ...ضمها وباس راسها ويدها ...
    أم هيثــم/انا طيبه وانا امك لاتخاف علي...
    مــازن/الحمد لله على سلامتك يمه!
    أم هيثــم/الله يسلمك وشلونك.. عسى ماهبلوك..
    ابتسم/شوي...طمنيني عنك ان شاء الله احسن!
    أم هيثــم/اي والله ياربي لك الحمد والشكر...
    مــازن/الحمد لله...
    وقام يسلم على عمه وخالته وراح من الجهه الثانيه وسلم على ميهاف وسألها عن بشاير قالت انها كانت نايمه البارح هنا ورجعت تبدل ملابسها...
    هيثــم/لو دارين انك بتجي بهالسرعه كان قلنا لك من زمان..
    مــازن/مهيب رخيصه ام مازن
    أم هيثــم/الله يطول بعمرك!
    هيثــم/اسمها ام هيثم...
    مــازن وامــه/هههه
    ابو هيثــم/مازن متى بتاخذ اوراقك..
    مــازن/بدري بعد اسبوع
    هيثــم/ومتى بتسافر؟
    غمز لهيثم عرف انه مايبغى يتكلم بسفره الحين...
    ....بعد ساعه حب هيثم راس امه ونفسه مازن وطلعوا لدكتور وطمنهم انها بخير و بتطلع بكره.. بس لازم احد ينتبه لها و لعلاجها...طلعوا ومروا ميهاف اذا تبغى شي بس خالتها حلفت ترجع مع اخوانها وهي بتنــام عند اختها الليله...
    وركبوا في سياره هيثم ابوه قدام ومازن وميهاف ورا ومروا المطعم وخذوا عشا بأمر من ابو هيثم ودق مازن لعمه و الشباب وتجمعوا عندهم وتعشوا سوا والساعه 11 دخل مازن لصاله بعد مامشوا ما حصل احد راح لغرفه ميهاف و طق الباب لان ريناد موجوده وبعد ماتغطت فتحت بشاير وضمته وهي تضحك مو مصدقه ..وهنته ريناد سلامه الاسفار وسلامة امه ثم طلعت عشان ياخذ راحته مع خواته...
    مــازن/هاه بشور كيفك ماشفناك عند امي..
    بشايــر ببتسامه /ايه طلعت اتجهز لك..
    هيثــم/الســــــلام عليكم..
    الكــل رد السلام...
    مــازن/ابوك يالزقه ورى ماتجلس تصب القهوه لين اجي!!
    ميهــاف/ههههه
    بشايــر/هيــه ترا مسمح لك هذا الغالي...
    هيثــم جلس جنب بشاير وحب راسها/ هذي والله قمركم...
    مــازن يقهر بشاير/ووووع..
    ميهــاف مبتسمه/انا ادري...
    بشايــر/مايهمني رايكم بعدين مع احترامي لكم الشاعر يقول
    (انا لاجتني الزله من الجاهل وهو كذاب تركت القافله تمشي وراها تنبح كلابه ترى بدري على مثلي تعيب وساسها معياب
    ياليت اللي يعيبني يحاول يستر ثيابه)
    هيثــم/و ا ا ا وق و ا اق
    مــازن يتصنع العصبيه /اقول قم اطلع انت وياها!!
    ميهــاف/هههه
    بشايــر/ضحكتي طايحه اسنانك..
    ميهــاف شهقت/مازن طلعهم.
    هيثــم/وانا وش علي!
    ميهــاف/انت اللي مكبر راسها علينــا...
    هيثــم بنذاله/تبون تطلعونها طلعوها ماعلي منها...
    بشايـر بغيظ/ هذا طبعك تتخلى عني بــأول مواجهه...مالت عليك
    هيثــم/وانا وش استفدت منك!!
    بشايــر/اقول مع السلامه...
    مسكها مــازن/افاااا ازعل اللي يزعلك انا...
    بشايــر/فديت خشمك..
    هيثــم/من اللي يدور مصلحته انا وإلا انتي يالمنافقه!!
    بشايــر/ (انا لاجتني الزله من الجاهل وهو كذاب تركت القافله تمشي وراها تنبح كلابه ترى بدري على مثلي تعيب وساسها معياب ياليت اللي يعيبني يحاول يستر ثيابه)
    الكل /ها ها ها ها.....

    ¶ ¶¶ ¶¶ ¶¶ ¶¶ ¶¶ ¶
    ....دخل غرفته بعد ساعتين مع اخوانه فرح بلمتهم وسوالفهم كان مشتاق لهم ومستانس على شوفتهم بس فرحته ناقصه الى ان تنور البيت تاج راسه أم هيثم....

    םסם
    סםסםס
    םסםסםסם
    =====
    اليــــومـ الثــانــــيـ
    ========
    ....مــروا معتـز في الشركه بعد ماطلعوا من المستشفى متطمنين على امهم وجلسوا عنده في المكـتـب كان مازن من شكله فيـه شي شاغل باله ومضايقه...
    معتــز/ابو معــاذ روق امك بخيــر!!
    هيثــم التفت لمازن شافه منسدح على الكنب ورامي غترته بطفش/اش فيك؟
    مــازن/ابد عنود ....
    معتــز/اش فيها!
    مــازن/ابوها تعبان كلمتها البارح كانت متضايقه على الآخر وكارهه نفسها...
    معتــز/لهالدرجه تعبــان؟
    بأسى/تقول الدكتور طمنها بس هي خايفه لو لاسمح الله مات تضيع مالها الاهو لا أم ولا اخوان...
    معتــز بشفقه/الله يخليه لها..
    هيثــم/هي هناك لحالها؟
    حط يده فوق راسه ومغمض/معها مرت ابوها قريبه منها وفاهمتها!
    معتــز/طيب كذا تكون مطمن عليها..
    جلس/انا عندي موضوع !!...ابغى اخذ رايكم فيه...
    معتــز/وشهــو؟
    هيثــم/قول..
    قرب منهم وجلس/انا بخطبها بس مدري وشلون!!
    ....تفاجـــوا من كلامه...
    هيثــم/وابـوي وش بتقوله!
    مــازن/هي سعوديــه ومن الرياض...
    معتــز/وإذا من الرياض ماركه
    يعني ...مازن اعقل هي عايشه هناك مو هنا!
    هيثــم/وتتوقع وحيده ابوها بيوافق يعطيــكياها..
    بضيق/هذا اللي مخوفني..
    معتــز/انا اقول انســاها...
    مــازن/مقدر..تكفون ساعدوني نقنع ابوي..
    معتــز/اهم من ابوك راي ابوها!
    هيثــم/صادق معتز افرض كلمنا ابوي وعصب وقوم الدنيــا وهذا شي وارد وفي النهايه رفض ابوها...
    /انا ضامنها واكيد بتقنع ابوها !!
    معتــز/انت ضامــنها...
    مــازن/هي ايــه بس ابوها مدري..
    رجع بظهره وسند على الكنب وتنهد بتعب...
    معتــز/سلامتك من الآه ان شاء الله بيصــير خير...
    قام وجلس جنب اخوه/ لا تتشائم إذا الله كــاتبها لك بتاخذها غصب عن الكــل...
    دخل اصابعه بشعره ورفعه عن وجهه /انتوا ماتدرون هي بالنسبه لي ايش...هي كل شي عمري وحياتي والله يــوم اكون معها انسى نفسي احس اني ملكها لو قالت طب في البحر مانيب محاسب ...(بضعف)ماودي اخسرها بس بعد خايف يزعل ابوي ومايوافق!!
    معتــز/هونها وتهــون قم نطلع نتغدا في مزرعه خالي وندق لشباب وفلها هناك وروق الدنيا فانيــه وانا اخوك وماتستاهل ضيقتــك!
    هيثــم/يالله انا بمر خالي واقوله ونلحقكم...
    مــازن/بس مانطول ابغى ارجع بدري عشان امي بتطلع ....
    معتــز/افــا عليك يالله...
    ¶ ¶¶ ¶¶ ¶¶ ¶¶ ¶¶ ¶

    ====
    ؛،.» بيت أبو ثامــر«.،:
    الساعـــ2 ـــه
    =======
    ...كانت أم ثامر في الصاله قاعده تكلم ميهاف إذا محتاجين مساعده لان العشا عندهم سلامة امهم متكفل به مازن...
    دخل ابوثامر جاي من الشركه حصل ثامر والعنود...
    أبو ثامــر/السلام عليكم..
    ثامـر والعنـود/وعليكم السلام..
    أم ثامـرنزلت السماعه بعد ماانهت المكالمه/هلا وعليكم السلام..
    ابو ثامــر/ويـن معتز اجل!
    ثامــر/في المزرعه مع الشباب..
    ابو ثامــر/وراك مارحت لهم؟
    ثامــر/طالع من الجامعه تعبان مريت خالتي في المستشفى وجيت اتغدا واحط راسي..
    ابو ثامــر/الله يعيـن..(طالع ام ثامر)وشلونها ام هيثم اليوم...
    أم ثامــر/لا الحمد لله اليوم احسن من امس!
    قامت العنود تجيب الغدا...
    نزلت يارا من فوق وراحت لجدها وحبت راسه وراس جدتها وجلست جنب ابوها وسندت على رجله../جدي...
    ابو ثامــر بحنيه/لبيـه..
    /جبت كاكاو..
    ابو ثامــر/لا ..الحين بيجي الغدا..
    ثامــر/والكاكاو يخرب اسنانك يخليها تعورك...
    يــارا بقهر/عادي.
    ثامــر/لامهوب عادي وبعدين وين عزوز..
    يــارا /عند ماما..
    مسك اذنها/ وانا ماقلت لك لاشوفه في المطبخ !
    يـارا بخوف/نسيت..وهو مايسمع الكلام ناديته وقال لا...
    بعديــن صدت لجدها../جدي نروح للملاهي...
    أبو ثامــر/لاجا مهند قلتله يوديكم..
    يارا بفرح/الحين!
    ابو ثامــر /لااااا عمك يومه بسنه!
    םסם
    סםסםס
    םסםסםסם





    ...دخل ياخذ شور بتعــب من صحى امس الظهر ماارتاح راح لريماس في المستشفى ثم طلع يتجهز ثم رجع يودعها ثم 6 ساعات بطياره ووصل الساعه ½8 وراح لامه ثم جلس مع الشباب وكمل السهره مع اخوانه والبارح النوم جافى عيونه يفكر بموضوع ريماس طلع و وقف قبال المــرايه ينشف شعره بالمناديل(على فكره هذي ظاهره شينه في الشباب)
    دق جواله استغرب من يدق له الكل توه شايفهم وابوه نايــم راح له حصل...
    "عنــود الريــم"
    يتصـل بك
    رد بفرح مع التعب نسى حتى نغمتها الخاصه....
    بفرح/هلا عمري!
    بصوت هادئ/هلا مازن شخبارك..
    بخوف/اش فيك!!
    تنهدت/ المهم طمني كيفها الوالده..
    /الحمد لله بتطلع العصر ان شاءالله...
    /الحمد لله على سلامتها..
    /الله يسلمك كيفه الوالد و ليش صوتك كذا؟
    /الحمد لله الدكتور يقول حالته مستقره...
    /رحتي له...؟
    /الدكتور..
    /لا ابوك!
    /لا مانعين الزيــاره للحين..
    /الله يخليه لك
    /آميــن..
    /قلتي لأهلك عن تعب الوالد؟
    /للحيــن لا...
    بتعجب/ليــه
    /لو قلت لهم مايقدرون يحضرون خالتي تعبانه ...
    /وخالك اللي تقولين حنون وينه؟
    /قلتلك اخته تعبانه وبصراحه ماابغى اشغلهم الدكتور يقول ان حاله الوالد مستقره...وبنتظر ليما تصير خالتي بخير...
    /الله يشفيها...
    / آميــن بس متى بشوفك!!
    /والله مدري ظروفي تلخبطت امي بتطلع بس بعد تعبانه واختي ملكتها قريب ...كان ودي اكون جنبك بس انتي عارفه ظروفي!!
    /مو مشكله بس دق طمني عنك!
    تنــهــد
    /حياتي تعبان؟
    /لا ليه
    /شكلك
    /لا مرهق
    /زين بتركك ترتاح...
    يقاطعها /راحتي يوم اكون معك وتكونين مرتاحه!!
    /الله يعيــن..
    /اليوم مسكتني ميهاف اسأله عنك وشلون قررت تروح لها وش شعورك يوم شفتها متى تطلع نتيجتها ووش اخبارها ووووو تصدقين ماسألت عني كثرك!!
    /هههه نفسي اشوفها احسها قريبه منك!!
    / اكثر من ماتتصورين اقولها كل شي عني ...
    /تصدق عندي قريب اسمه مازن واخته ميهاف...
    /حلو مثلي!
    /ههه تصدق ماشفته من9- 10 سنوات!!
    /اوفففف ليه؟
    /سالفه يطول شرحها
    /...................
    /ليش ساكت؟
    /افكر بالظروف اللي صارت تعب امي وحادث ابوك..
    /الحمد لله على كل حال...
    /الحمد لله...اقول عمري..
    /نعم
    /عندي موضوع ودي اقوله لك بس...
    /قول.!
    /ادري مو وقته ...بس لاطلع ان شاء الله ابوك بالسلامه تتوقعين بيوافق لو خطبتك منه!
    تفاجئت صح ياما حلمت انه يخطبها و دعت من الله بس ماصدقت ان مازن يفكر فيها كزوجه يفكر يرسي قواعد هالحب ...
    يوم ماردت توقع انها لاحد معارفها انقهر وانحرج بنفس الوقت...
    /وين رحتي؟
    /.......هنا بس بصراحه مايشغلني حاليا سوا تعب الوالد..
    /الله يخليه لك...على العموم انا اسف إذا ضايقك كلامي...
    /انا اسفه مازن بس....
    /بس ايش؟
    /انا لازم اسكر...باي.
    /ديري بالك على نفسك وطمنيني على الوالد.......(بتردد) ولو بمسج!!
    /باي.....
    .. سكر وجلس يفكر انقلابهــا المفاجئ معقوله ماتفكر فيني كزوج او ما اناسبــها او يمكن الزواج ماله علاقه بالحب
    عندها...ليه ياريمــاس توقعت هالشي بيسعدك ...لايكون بس محجوزه لأحد والله لاموت زفر بضيق ليه يارب يصير معي كذا يمكن ربي مااراد لهالعلاقــه توثق بدليل سفرها ثم اول ماوصلتها تعبت امي ثم حادث ابوها ثم سفري...بس خاف زعلت لاني ماشاورتها بس اناشفت شوقها ولهفتها فسرتها مثل مافسرت حبي وشوقي لها فسرتها انها تفكر فيني كازوج مثل ماافكرفيها كازوجه...
    انسدح على السرير بقلب متعب انهكته قسوة الظروف...
    ... ... ... ... ... ...

    ... دخل البيت بس ماحصل احد طلع سيده لغرفة ريناد وطق الباب ودخل شافها تنوم تركي..
    صدت له/هلا معتز ادخل..
    دخل وسكر الباب/ماتدرين إذا ميهاف حددت مع عمي وقت الملكه..
    رينــاد/انت غبــي!
    معتــز/ليــه؟
    رينــاد/وشلون تفكر بالملكه وإلا غيــرها وامها في المستشفى!
    معتــز/بس امها طيبه..
    رينــاد/ولــو ..وبعدين وش تفرق تملكون الحين وإلا بعدين دامها لك!
    بملل /ابغــى اكلمها براحتي اسولف معها اسمع صوتها...
    رينــاد/اصبر خالتي بتطلع اليــوم وقريب بيحددون!
    معتــز/اخاف يسافر مازن قبل ثم نظطر ننتظر من جديد...
    بتعجب/ليــه؟
    معتــز/لان ميهاف مستحيل توافق على الملكه ومازن مسافر...
    رينــاد/لو صار بقنعها لاتخاف!
    وقف بيأس /لاتتعبيــن نفسك...
    بابتسامه /احــسن بعد
    معتــز/من طينه رجلك مسوي فيها من شوي بالمزرعه يوم عصبت يايحددون الملكــه بدري يايخلوني اكلمها...عصب علي وقال عناد فيك باخذ اختك وبنسكن بالشرقيه عشان احرمكم منها قلت جعلــها كفــوك!
    شهقت بغيظ/هذا وانا اختك تقول كذا اقول قم فارق...
    معتــز/تراه نرفزني وقلت كذا عشان اقهره (يتمصلح)وإلا انتي عارفه انتي وش بالنسبه لي ياعمري!!
    صدت تغطي ولدها عن المكيف/ايــه صح!!
    قام وهو يضحك وحب راسها ومشى بيطلع وقف عند الباب وصد لها/ لاتنسين ميهاف ...
    بسخريه /والله انا اقول لوتكلمها انت يكون احسن تعرف تقردن الواحــد صح!
    ضحك وطلع أماهي دقت
    ::لنصفها الثانيـ::
    رينــاد/الــو.
    هيثــم/خيــر!
    رينــاد /هههه كيفكـ
    هيثــم/عايش!
    رينــاد/اوفففف ليه كذا.
    هيثــم/................
    رينــاد/اش فيك؟
    هيثــم/انــا
    رينــاد/لا ابوي...
    هيثــم/وش تبغيــن عند اهلك!
    تقهره/ابي ابــوي امــي اخوانــي..وش حارق رزك!
    بعدم اهتمام/كيفك..
    رينــاد/المفروض تفرح فتح لك المجال تجلس مع اخوك ...
    هيثــم انقهر/مو شغــلك!..وبعد بنام عنده الليله عندك مانع!
    تقهره/ لا الله يهنيك...بعد انا ماسمحت من اهلي برجع انام عندهم...
    بحده/سويها وشوفي!!
    رينــاد/طيب من ينــام عندي اخاف لحالي...
    هيثــم/انا بنام عندك..
    رينــاد/تقول بتنام عند مازن!
    هيثــم/ هونت زين!
    رينــاد/لا مابيك تهون عشاني خلاص نام عنده...
    هيثــم/قلت هونت!
    رينــاد/طيب شتسوي الحين؟
    هيثــم/منسدح في الغرفه.. المزيون دخل يتروش!
    رينــاد/بتنام!
    هيثــم/لا..
    رينــاد/اجل ليش دخلت؟
    بغيظ/قلنا مو شغلك..
    بدلع/حبيبــي زعلان مني..
    هيثــم/ترا بصدق اني اهمــك!!
    رينــاد/هههه اكيــد تهمني شاك؟
    هيثــم/واضــح...
    رينــاد/مالك حق تزعل!
    هيثــم/ليــه؟
    رينــاد/لاني قايله لك اني بروح بس انت من رجع مازن ماتستوعب إلا متأخــر
    هيثــم/اقول مع السلامه..
    بصوت عالي/هيثم..
    هيثــم/خيــر..
    رينــاد/متى تاخذني؟
    هيثــم/وش ابي فيك؟
    بصدمه/وشــــــــــهو!!
    هيثــم/اقصــد متى!!
    رينــاد/مع السلامـه ..
    ..وسكرت الخط...


    (لو بص بعيني مره بس حيحس اوام بشـوئي ليه..لو بص بعينـي مره بس حيحــس اني دايــبه فيه...لو آآلي تعــالي البــي دا...انا اروح لــه اوام مأولــش لا)

    نغمت هيثم بس هي ماردت ودق ثانيــه عطته مشغول.. ودق المره الثالثه وفتحت الخط..ردت بزعل/نــعم
    هيثــم/جاهزه امرك!
    رينــاد/لا
    هيثــم/متى تجهزيــن..
    رينــاد/خلاص بجي مع امي الليله!
    هيثــم/نــعم..لاياروحي انا جايك بس اجهزي!!
    رينــاد/ لا
    هيثــم/وشهو اللي لا
    رينــاد/لا تجي
    هيثــم/ليــه
    رينــاد/بس
    هيثــم/زعلانه
    رينــاد/لا
    هيثــم/فديت اللي ماتزعل ...
    رينــاد/...............
    هيثــم/الــو..
    رينــاد/ معك!
    هيثــم/شوبنــا..
    رينــاد/ولاشي!!
    هيثــم/اســف زين كذا..
    رينــاد/لا
    هيثــم/اوففف ليش؟
    رينــاد/ليش تتأسف وانت قاصد تقولها!
    هيثــم/حبيبي زعلانـ بجد
    رينــاد/ليش تقول كلام ماتحب يوجه لك!!
    بجديه/قلبي والله قلته امزح...
    رينــاد/.................
    هيثــم/لاتزعليــن!!
    رينــاد/مو زعلانه بس ماتمنيت اسمعها منك بالذات!
    هيثــم/خلاص قلنا اسفين..
    رينــاد/خلاص انا مو زعلانه
    هيثــم/اكيــــد
    رينــاد/ايــه اصلا ماعرف ازعل عليك بس انت صدمتني!!
    هيثــم/احبــك..
    رينــاد/وانا اكــثــر..
    هيثــم/اموووووه(بوسه قويه)
    رينــاد/هههههه
    هيثــم/خلاص !
    رينــاد/خلاص!
    هيثــم/زين لاتأخريــن علي..
    بهتمام/ ليه تبغى شي...
    هيثــم/ايــه.
    رينــاد/آمر!
    هيثــم/ابيــك ولا ماتكفي...
    رينــاد/خلاص بتشــوفني الليله!
    هيثــم/لا قبل المغرب ابجي ابدل ياويلك لو ماحصلتك فوق..
    رينــاد/وين!
    هيثــم/بغرفــه النوم بعد وين!
    رينــاد/وش تبــي..؟
    هيثــم/في غرفــه النوم وش تتوقعيــن ابي!
    رينــاد/هههه بفكر..باي
    هيثــم/ابنتظركـ
    رينــاد/زيــن
    هيثــم/يالله بــاي

     
  18. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    °°°°°°°°°°°°°°°°°°
    اليــــومـ الثـــانـيـ ....
    ========
    ...دخلوا الشباب واصلين من الشركه(هيثم - معتز - حاتم)
    وسلموا على أم هيثـم وجلسوايعلقون على ربةالبيت الجديده على قول حاتـم (مازن)....
    مــازن كان طول الوقت عند امه حتى صاحي قبل ميهـاف الساعه ½ 8 وهو اللي مسوي الفطور ...
    وجلس معها سوالف و وناســه
    بدليل ان مابقى سالفه ما تكلموا فيها لدرجه انه كان بيقولها سالفه ريماس من كثر مااندمج في السوالف...
    والساعه10 طلع لغرفه ميهاف يصحيها تجلس مع امه ولبس وطلع لشباب في الشركه ودخل عند خاله معه هيثم ودق لمعتز وتجمعوا ضحك وسوالف قرابــه ½ ساعه ثم طردهم حاتم لانه مشغول لكن مــازن رفض يطلع يقول الشركه شركه ابوي!!
    حاتــم/لا خافها بس شركتك انت!
    مــازن انسدح وجاه خاله و شاله ومات ضحك معتز على نفاذ صبر خالــه....
    مــازن بعد مارماه خاله برا المكتب وقفوا معه هيثم ومعتز اما حاتم حط يده على الباب لمنع اي محاوله لدخول...
    يستعطفهم/طيب انا وين اروح امي طردتني تقول رح لشركه عند الشباب وانتوا طردتوني وين يروح انا انا فيه مسكين وكل نفر صديق مال انا فيه شغل بس انا الوحيد هايت!!
    الكــل/ها ها ها ها ها...
    مسكه خاله وحب راسه ثم عزمهم مازن على الغدا وطلع لمكتب ابوه جلس عنده شوي ثم رجع معه للبيت.....
    حاتــم/نور البيت ياأم هيثم...
    أم هيثــم/منور فيكم! وشلون امي وولدك واهلك كلهم..
    حاتــم/كلهم بخير مامرك اجل احمد؟
    أم هيثــم/إلا والله مرني الله يوفقه ويسنع امره وعزمته على الغدا قال ان طلع بدري جا...
    هيثــم/يمه تركي مابعد صحى؟
    أم هيثــم/إلا خذته امه تقول بتلبسه ثوب وتكشخه لكــم...



    وطلع هيثم فوق ودخل حصل ريناد على السرير تلبس تركي كان ناوي يبوسها قبل تشوفه بس تركي شافه وقام يناديه عشان يفكه من امه (يكره تغير ملابسه)...
    صدت له وضحكت/فضحك ولدك!!
    هيثــم/عادي انا موصيه(يصرف)
    رينــاد/ايــه هين..
    انسدح وراها وسحبها وسدحها جنبه..
    تضحك/هيثــــــم بلبسه وخذه معك للغدا...
    قرب وهمس بذنها/وليش مستعجله حتى الغدا مابعد جهز!!
    تدري وش يبي باسته على خده وقامت بس مسكها
    هيثــم/لاياعمري بوستي انا غيــر...
    سحبها ورماها جنبه وطمن عليها براسه وباسه بقوه...
    قامت تدفه وتطقه وهو يضحك وقام...
    يضحك/والله انك شــرسه!
    ببتسامه/تستاهل ضيوفك تحت وش طالع تدور..
    قام ودخل دوره الميــاه وبعد ماطلع لقى تركي جاهز شاله ووقف قبال ريناد/قول لماما شكرا...
    تركــي/افــوا...
    ضحكت وباست تركي...
    هيثــم يطالعها/ لي شي وإلا امشي تراني مستعجل!
    باسته على خده وهمست بذنه/انتظــرك..
    هيثــم نزل تركي/احس راسي يعورني شكلي ماراح انزل!!!
    دفتــه من صدره...
    هيثــم /ههههه(يطالع ولده) يالله انقــز ظهري يعورني مقدر اطمن..
    طمنت ورفعته لابوه وخذت شالها ونزلوا تحت ...سلمت على خالها وباست راس عمها وصافحت معتز..وقالت لمــازن/تهناك سلامة امك يابو معاذ...
    مــازن/الله يسلمك...
    وراحت تجهز الغدا مع ميهاف وريمــان
    وبعد ماتجهز انتقلوا للمقلط عدا ريناد وميهاف جلسوا في المطبخ ووصل احمد وقف عند باب الصاله وطقه بس محد سمعه رجع عشان يدق باب الرجال...بهالوقت نزلت من السياره راجعه من الجامعه مع بنات جيرانهم وسواقهم.....
    دخلت ورمت غطوتها بطفش وفتحت شنطتها تطلع الحلاوه والكاكاو اللي شرتهم لتركي رفعت راسها بس انصدمــــت شكله كان يراقبها من زمان انقهرت منه وتغطت صاير راعي بيت وش جايبه لمجالس الحريم تذكرت امها قالت اكيد مسلم عليها اوفففف الحين وش بيفكني منه ...
    احمد ماكان اقل منها صدمه بس الفرق هو فرح بهالصدفه وقام يتأملها في عز القايله..ويوم شافته قرب منها..
    احمــد/السلام عليكم..
    بشايــر واصله معها حر وطفش وفوقها رفعت ظغط بطفش/هلا
    احمــد/تهناك سلامه الوالده..
    بشايــر/الله يسلمك...
    احمــد/معاد نشوفك عندنا..
    بشايــر/وين نروح او نجي وانت مطيح هنــا!!
    احمــد بشك/وش قصدك...
    صدت عنه /ولاشي.... فيه شي ثانــي!!
    انقهر من اسلوبها و احتقارها له كانها تكلم بزر مو واحد عمره 25 سنه طالعها من فوق لتحت..و طلــع...
    تندمت على اسلوبها معه كأنه جاي يشحذ منها... هزت راسها بندم ودخلت سمعت صوت البنات في المطبخ ورمت عبايتها في الصاله وراحت لهم ...
    رينــاد شافتها/هلا بشاير
    بشايــر جلست بطفش/هلا سلام!
    رينــاد وميهـاف/وعليكم السلام
    ميهــاف/جيتي بالتوقيت المناسب الغدا جاهز روحي بدلي و خوذي اغراضك من الصاله ترا الشباب هنا يتغدون وبيطلعون لصاله ...
    قامت بس قبل ماتطلع....
    رينــاد بتسأول/ميهاف ماحضر احمد الغدا...؟
    ميهــاف/ماقال اكيــد قال لو طلعت بدري ...
    حست بضيقه هي مو بس زعلته بعد حرمته من الغدا ياالله انا ليش يصير معي كذا طلعت لغرفتها بأسى معها اغراضها رمتهم على السرير وانسدحت قامت تبكي دايم لقاآتها مع احمد بايخه ياتحرجه ياتسفهه يا ترد رد قاسي عليه....

    ¶ ¶¶ ¶¶ ¶¶ ¶¶ ¶¶ ¶

    ؛،.» بيت ام حـاتم «.،:
    ...العصــــــــر..
    بعـد 5 ايـام من خروج ام هيثم من المستشفى ....
    ========
    الجـده بغرفتها



    تجهز ناويـه تروح لبنتها تطمن عليـها بعد ماانتهت طلعت لصاله تنتظر هند وسمر شافت احمد منسدح ...
    الجـده/اقول يمه ورا ماتودينا لعمتك وتسلم عليها!!
    احمــد مستحيل يروح بعد طرده بشاير له /بروح لها بعدين عندي شغل في الصاله.
    الجـده/اشغل مهوب طاير!!
    تنهد/بس مقدر أاجله!
    الجـده/كيفكـ
    سكت يوم سكتت عنه..
    نزلت هنــد جاهزه/ اقول احمد تغديت!
    /ايــه..
    هنــد/شكلك يقول على فطورك هذا إذا كنت مفطر!!
    /لا تغديت ماتقصريــن..
    هنــد/طيب انت اللي بتودينــا؟
    /لا مشغول!!
    الجــده/مشغول تسدح في الصاله..
    /ظهري يعورني شوي..
    الجــده/اسم الله عليك وش منه!!
    هنــد بخوف/وش منه..؟
    نزلت لهم شافت احمد جالس وجنبه جدته/ هوى يالزاحــف انت اللي بتودينــا؟
    هنــد/لا السواق احمد ظهره يعوره!
    جلست جنبه بخوف ومسكت يده هذا احب الناس اخوها وسندها/وش فيك؟
    /ارهــاق!
    تطالع هند/انا بجلس روحوا انتوا..
    احمــد/لاسمر روحي اصلا انا بطلع!
    حست ان فيه شي مضايقه بأصرار /مانيب رايحه!
    احمــد/ليــه ..مافيني شي لاتكبرين السالفه؟
    سمــر/كيفي
    وطلعت فوق واحمد يناديها بس ماردت عليــه...وبعد10 دقايق سمعت السياره مشت وطلعت تدوره ..قابلها..على الدرج...
    ببتسامه/شكل عندك شي وإلا ماتفوتيـن الروحه لبشاير..
    سمــر/ايه انت عندي وش مضايقك؟
    احمــد/مدري
    سمــر/اخاف اليــوم اليوم العالمي لضيقه!
    احمــد/وليــه انتي بعد متضايقه؟
    سمــر/لابشور اللي معفوسه اليوم بالجامعه مدري وش فيها..
    احمــد بخوف/اش فيها ؟وليــه ماسألتيها؟
    سمــر/من قال ماسألتها بس هي قالت مافيني شي..
    (بخاطره) اكيد تندمت بس ماظن تتندم هذا طبعها معي..
    سمــر/ياهوه اش بك؟
    احمــد/هههه انتي من وين تجيبين هالكلام..
    سمــر بنفخه/اعجبك انا!
    احمــد/طيب فاضيه..
    سمــر/ليش!!
    احمــد/زين تعالي ساعديني ومشى لغرفته..
    سمــر/في وشهو اساعدك؟
    احمــد/حسابات...

    ♣♣♣♣♣♣♣♣♣♣♣♣
    ؛،.» بيت أبوهيثـمـ «.،:
    =========
    .. ميهاف جالسه عند امها في الصاله..
    ريناد عند اهلها بتجي بعـد شوي
    الشباب طلعوا من ساعه...
    بشور نايمه للحيـن...
    وابوهيثم عنده جارهم في المجلس...
    ... قامت ميهاف ودقت لريناد لانها تأخرت كانت واعدتها تجي بعد العصر مباشره ... لان جيرانهم وجدتهم بيجونهم...
    /الــو
    ميهــاف/هلا السلام عليكم..
    /وعليكم السلام..
    بستهبال/مهند
    /ايه
    /كيفك...
    /تعبــان..
    /سلامات اقدر اكلم ريناد!
    /لا
    /طيب وش يعورك!
    /تدهنين سيري
    /ههههه ...
    /ضحكيني معك..
    /شخبارك؟
    معتــز/الحمد لله وانتي ؟
    /زينه..هاه اقدر اكلم ريناد...
    معتــز/وش تبين فيها..
    ميهــاف/ابغاها بس يالله وصلها..
    معتــز/انا يالله اوصلك لاتزوجنا!
    ميهــاف/احـم احـم
    معتــز/ههههههه اشفيـكـ...
    ميهــاف/..............
    معتــز/ياحلاة الحياء عليك...
    ميهــاف/..............
    معتــز/هههه يالله بجيبها عشانك بس استعجلي باللي بالي بالك!!
    بمرح/افــكر...
    معتــز/وشــو
    ميهــاف/اقول الرد عند ابوي!
    معتــز/ايه اعقلي... حددتي
    ميهــاف/ماقلت حددت قلت الرد عند ابوي...
    معتــز/لايكون اخرتيه والله لذبحك..
    بمكر/اقول مع السلامه....
    معتــز/لحظه ليش مستعجله..
    ميهــاف/بيجونا جيرانا..
    معتــز/يانا متشوق لابوك
    ميهــاف/ليه ماشفته بشركه؟
    معتــز/الا بس شوفه عن شوفه تفرق..
    ابتسمت/يا الله سلم على الاهل
    معتــز/لا
    ميهــاف/ليــه
    معتــز/اغــــار
    ميهــاف/معتــز
    معتــز/لبيــه
    ميهــاف/اعقل
    معتــز/بعقل لاتزوجنا...
    ميهــاف/باي...
    معتــز فهم انها تتهرب/ بمشي هالتصريفه بمزاجي ... ياالله الله يحفظك!!
    سكرت وهي تضحك هالمعتز يسحر لو بكيفها ماسكرت منه ...
    ماني مصدقه انا لبعض و بنكون مع بعض على طول احمدك يارب ...تذكرت بشاير وحبها ومشاعرها اللي انخذلت وجا في بالها البارح يوم دخلت عليها ولقتها تبكي و يوم سألتها ماردت إلا "ليش يصير بيني وبينه كذا"... طبعا ماقالت لي وش صاير بينهم بس حراااام الواضح على احمد انه يحبها لكن ليــه يصير كذا معهم... الله يعينهم
    دخل مازن يبدل وهاوشته لانها قايله له بيجون حريم لحد يرجع قبل المغرب..
    مــازن/ببدل وطلــع..ماتخفيش!
    ضحكت من كلامه وطلع فوق....

    °°°
    °°°°°
    °°°°°°°°


    [
    بعــد يــومـين
    العــصــر
    =========
    ...كانت تلعب بالريموت لكنها بعالم ثاني...
    نزل مــازن من غرفته/السلام عليكم..
    وجلس
    ......../................(سرحانه)
    مــازن/ياهوه اللي خذا عقلك!
    ........ابتسمت/هلا معتز وينك..
    كان صاد لتليفزيون حس انه سمع شي غلط صد لها /معتــز وينه ليش متواعدين!!
    انحرجت/قلت معتز.
    مــازن/ايه وقلتي وينك؟
    ضحكت..
    مــازن/الظاهر ماتقدرون تصبرون اكثر!
    انحرجت وغيرت السالفه/كيفها عنودك؟
    فكر يقولها اللي صار ذاك اليوم لانها بنت اكــيد بتعرف تحلل اللي قالت بس هون ...وعلى فكره مازن بعد ذيك السالفه(الخطبه) يكلمها وتكلمه بس من دون سيره الخطبه!! /ماعليها تمام..
    ميهــاف/كيف ابوها؟
    مــازن/طيب تقول الدكتور يقول قاعد يتحسن وطبعا ممنوعه زيارته..
    ميهــاف/يااللــه..
    أم هيثــم دخلت وسمعت تلاطيش من كلامهم/من هاللي تعبان !
    طالع ميهاف عشان تصرف/واحد من الربع...
    ضحكت/اقول يمه من وين جايه...
    أم هيثــم/من المطبخ اشوف احد سوى قهوه لخالك!
    ميهاف /ايه سويت ارتاحي!!
    مــازن/خالي بيجي!!
    ميهــاف/ايه داق..
    شاف امه بتجلس/يمه تعالي تعالي هنا(وحط لها مكان جنبه)
    ودخل ابوه وهيثم جايــن من برا..
    ميهــاف/حيــاهم...
    مــازن/من ويــن لافين علينا!
    هثيــم/من الشارع..
    مــازن/وش تسوون في الشارع...
    هثيــم بطفش/نخطب لك!
    ابو هثيــم/لاتقول عن اخوك كذا مهوب ولد تركي اللي ياخذ من الشارع...
    مــازن وقف من كلام ابوه هالكلمتين لهم وقع قوي على قلبه ...بس ارتاح شوي عنوده بنت حمايل وناس محترمه...

    استاذنت وراحت تجيب القهوه على مايجي خالها...
    نزلت بشايــر تهلي بنفسها..
    هثيــم بسخريه/الحمد لله والشكر!
    مــازن يضحك/اي والله الحمد لله والشكر...
    ابو هثيــم/مرحبــا بشيخه البنات!
    حبت راس ابوها وجلست جنبه ثم صدت لمازن/اقول مازن...
    مــازن/هلا
    بشايــر/ابغى اطلب منك طلب!
    مــازن/آمــــري...
    هثيــم يقهر بشاير /ياخي لاتعطيها وجه ثم تقلقك!
    بشايــر بنفعال/نــــعم..
    مــازن يضحك/ماعليك منه وش بغيتي ...
    دخلت ريمان وميهاف طلعت تفتح الباب الخارجي..ودخلت هي وخالهاو نواف وجلسوا يسولفون....
    هيثــم/خالي وش اخبار ابو ريماس؟
    حاتــم/دقيت لريماس تقول ارهاق... بس شكلها متضايقه قلت اجيك قالت لا بطمنك انا!!
    اختــه/الله يشفيه يارب ويخليه لها...
    مــازن/وش فيــه؟
    حاتــم/ارهاق عمل!!
    ميهــاف/بشاير يوم دقيتي لريماس ردت عليك...؟
    بشايــر/ارسلت بعدين وقالت بتدق لافضت!!
    حاتــم بجديــه/افكر اروح لها!
    اختــه/مالك الا اجر مسكينه ماعندها احد يهون عليــها..
    وطلع حاتــم بعد ساعه وركب معه مازن وراحوا للمزرعه..
    ورجع بعد المغرب مع معتز ودخلوا يوم شافوا سياره ابو ثامر وخالهم ...مر معتز وسلم على خالته ثم طلع لرجال تمنى يلقى ميهاف في المطبخ بس مالقاها وراح لمجلس الرجال...
    وبشره عمه ان ميهــاف وافقت تكون الملكه بعد اسبوع ..بغى يطيــر من الفرح وقام وحب راس عمه وابوه وخاله والكــل يضحك عليه!!

    םסם
    סםסםס
    םסםסםסם
    بعد مامشوا طلع مازن لغرفته ودور جواله عشان يدق لريماس اليوم دق لها العصر ولاردت عليه وارسل لها في المزرعه ولا ردت..
    انقهر هذا وقته يضيــع خذا جوال ميهاف ودق بس ماسمعه نزل للمجلس ماحصله فكر يدوره في السياره تذكر انه راح فيها مع خاله يجيب نواف(بعد المغرب) لانه دق على ابوه يجي ياخذه على قولته طفشان.. بس قال انه ماطلعه من جيبه ....
    رجع لغرفته ونــام على اساس يكلمها بكره....

    � � � � � � � � �

    المكــان/رومــــــا
    الزمــان/ الساعه ¼11م
    ========
    .. تمشي باروقه المستشفى بلا هدف هائمه تائهه ضائعه
    على عيونها غشاوه رفعت كفها تتحسس الشظايا التي احرقت خدها مسحت دموع جارفه دموع حارقه..تلفتت تبحث عن من يساعدها يقف بجوارها لم تجد سواها هي الصديق الصدوق هي توأمها هي من يشاركها افراحها واتراحها دموعها من ينصفها دائما واول من يقف بجوارها عندما تبحث عن العون والمساعده وهاهي تنزل لتواسيها لتقول ان الدوام لله وان الموت لامفر منه
    ... رفعت يديها بسرعه البرق لتغلق مسامعها عن سماع جمله تتردد بين الحين والآخر جمله قتلت الحياة بها.... جمله قذفتها في بحار الحزن والالم...





    (( لم نستطع ان نفعل له شي هذه هي اراده الله ..


    .لم نستطع ان نفعل له شي هذه هي اراده الله...


    لم نستطع ان نفعل له شي هذه هي اراده الله))



    كلمات قالها الدكتور العراقي
    بأسى...تذكرت اول ماوقع الخبر عليها دخلت على احب الناس على قلبها ضمته بقوه حضنته بلهفه تبحث عن اي حركه تصدر منه لتثبت عكس ماقالوا لها لكن سكون ..هدؤ ..جمود.. واخيرا دموع بكته دم بكته الم بكته ولسان حالها يقول
    (ان كل من عليها فان ويبقى وجه ربك ذو الجلال والاكرام)....
    .... وقفت تتامله للحظات اين الأحضان اين الابتسامه التي تهدأ روعها اين الحضن الدافئ
    ... رفعت يده وقبلتها بألم و ضعف وانكسار ...
    مشاعر تتصارع داخلها خارت قواها سقطت زاد بكائها نهضت ببط لتفسح المجال لاخرى لم تكن اقل منها حزنا ...خرجت جسم بلا روح تجول في اسياب المستشفى الموحشه الضيقه تاركه خلفها قلبا احبها بجنون رحل دون عناق دون وداع تركها اغلى من نزلت دموعها عليه...رحل تاركا خلفه قلوب تأن و ارواح تنزف ترك انسانه بأوج شبابها تحتاج لنصيحته وإرشاده ووجوده...وقفت لتنظر خلفها مثل طفل يرى امه تصارع الموت ولكن الماده تحول بينه وبين انقاذها......

    ¶ ¶¶ ¶¶ ¶¶ ¶¶ ¶¶ ¶



    السعوديــــه....
    الصبــاح الساعــه 10 ....
    ========
    ... صحى رايق مزاجه ونزل يفطر بعد ماطق باب ميهاف تنزل تفطر معه بس تفاجى يوم سمع صوتها تحت حصلها تجهز الفطور..
    ابتسمت/صاحي النوم!
    مــازن يضحك/صح بدنك ...توقعتك نايمه طقيت الباب ..
    ميهــاف/عشان تعرف تحدا مره ثانيــه..
    مــازن بسخريه /ياحظــك كسبتي!
    ميهــاف/شخبار عنود بس؟
    مــازن بجديه/جوالي مالقيته ونمت المشكله حتى قبل امس ماكلمتها بس ارسلت!!
    ميهــاف/طيب هاك جوالي دق لها...
    مــازن خذاه كان بيدق بس قال بعد الفطور..
    ميهــاف/ليش نزلته ماحفظت رقمها؟
    مــازن/إلا بس بدق بعد الفطور..
    بتوسل/لا دق الحين ابغى اسمع صوتها!!
    مــازن/تامريــن امر...
    دق ارقام جوالها وفتح الخط وسكره على طول لان امه دخلت عليهم في المطبخ...
    ميهــاف/يمه افطري..
    امــها/افطرت يوم قمت..
    ميهــاف/اكلتي علاجك؟
    امــها/الحمد لله...
    مــازن/وش اخبارك الحين؟
    امــه/الحمد لله ماأشكي باس!
    ميهــاف/الحمد لله....
    بعد ماافطر خذا جوال ميهاف عشان يدق لريماس...
    ميهــاف/ويــن؟
    مــازن/بدق منه (وغمز لها)
    رقى لغرفته وتعب من كثر مايدق بس ماردت خاف يكون صار لابوها شي بس قال يمكن نايمــه...

    ¶ ¶¶ ¶¶ ¶¶ ¶¶ ¶¶ ¶

    ...طلع من مكتبه مايدري وين يوجه بوجهه حس بالدنيا تدور فيه حس نفسه مكتف مو قادر يسوي شي تمنى ان له جنحان ويطير لها ... راح لمكاتب عيال خاله(ابو ثامر وابو هيثم)
    بس كيف يقول لهم وشلون يخبرهم بخبر زلزل الارض من تحته خبر ضيع العقل من راسه من ثواني كان بمكتبه له ¼ ساعه يحاول يستوعب اللي قراه مسج من ريماس بكاه تمنى انه كان عندها امس بس ماقدر...اسرع خطاويه ورآه انسانه محطمه معذبه ورآه الغاليه ريماس محتاجه يد حانيه تنتشلها من صدمه اوشكت على نهايتها... توجه لابو ثامر كونها مثل بنته ارضعتها زوجته..و من دون ياخذ اذن من السكرتير فتح الباب ودخل وجلس على اقرب كرسي ما انتظر صاحب المكتب يعطيه اذن الدخول...
    شافه ابو ثامر وركض له بخوف /وش فيك ياابو نواف عسى ماشر؟
    حاتـــم رفع راسه طاحت دمعته سكت مايقدر يتكلم ونزل راسه...
    ابو ثامــرتأكد ان في عمته شي..وطلع لسكرتير وقاله ينادي ابو هيثم دخل بعد ثواني وشاف اخوه مهموم و ولد عمته مغطي عيونه بغترته جاهم بخوف/وش صاير؟
    حاتــم من دون يرفع راسه/ابو ريماس....
    ابو ثامــر/..........عرف اللي يبي يقوله حاتم وسكت
    ابو هيثــم/وش فيه؟
    حاتــم/يطلبكم الحــل....
    ابو هيثــم حط يدينه على راسه من الصدمه وجلس /لاحول ولا قوه الا بالله....
    ابو ثامــر بصوت باكي/ان لله وانا إليــه راجعون..الله يحلله ويبيحه..ومسح دموعه بغترته وحط يده على كتف حاتم يهديه/الله يرحمه ويصبر بنته...قم نمشي وانا خوك...
    حاتم ارتفع صوت بكاه
    ابو هيــثم مسكه وقومه... ومروا السكرتير قال يبلغ الشباب يرجعون للبيت وطلعوا لبيت ام هيثم..
    ودخلوا كانت ام هيثــم في المطبخ دخل عليها زوجها و علمها وقامت تبكي لحال بنت اختها لا أم ولا ابو ..دعت له بالرحمه ولبنت اختها بالثبات...وطلعت لخوها وعزته وعزت ابو ثامر...دخل هيثم ومعتز يركضون شافوا كل واحد مطمن راسه ويبكي توقعوا جدهم فيه شي وإلا ماجوا هنا..
    هيثــم ركض لابوه/يبه وش فيكم؟
    رفع راسه بهمس/ ابو ريماس يطلبكم الحل..!
    جلس جنب ابوه ونزلت دموعه..
    معتز جلس ماصدق اللي سمع بكى اخته الغاليــه مسكينه ماشافت من الدنيــا خير...

    ... ... ... ... ... ...
    ... طلع من غرفته على الأزعاج
    خاف امه فيها شي ركض تحت شاف امه بس تبكي ابوه عمه خاله اخوه معتز...نزل ركض ووقف في نص الصاله..بصوت عالي/ وش صاير؟
    امــه رفعت راسها/اسم الله عليك ...ابو ريماس يطلبك الحل!!
    انقبض قلبه تذكر ابو عنوده وتنهد وجلس /الله يرحمه..
    معتــز/خالي ماقالت لك متى؟
    حاتــم/البارح...
    ثواني ودخلت ام ثامر تذكر الله وعزتهم كانت شوي قويه وهي الهاديه بينهم وسألت إذا امها عرفت..بس قالوا لا و استاذن حاتم وام ثامر يروحون لامهم يبلغونها... اما هيثم حجز 3 تذاكر وحده لحاتم والثانيه لام ثامر والثالثه شاغره الى الان...
    ......
    ..........
    ................
    ..........
    ......
    كانت منسدحه في الصاله من تعب ابو ريماس وهي تصحى بدري عشان تدق وتطمن بس اليوم ماردت عليها قالت اكيد نايمه واللي مطمنها كلمتها ريماس امس بعد المغرب وطمنتها...
    دخل عمها وعمتها وقامت تسلم على عمتها..
    أم ثامــر/وين امي؟
    سمــر بخوف/ صاير شي!
    أم ثامــر/لا بس مهيب عادتها...
    شكت ان فيه إنا... عمتها مو خاليه فيه شي مضيق صدرها/بناديــها...
    وراحت تنادي جدتها.. وطلعت معها حتى الجده استغربت...
    حاتم طلع فوق امه بتعرف ان فيه شي لوجلس دخل عند هنـد
    ابتسمت يوم شافته هي احيان تشوفه الصباح راجع ياخذ شي ناسيه او يتطمن عليهم لا كان احد مريض بس استغربت شكله راحت له بخوف /وش فيك؟
    وعلمها بوفاة ابو ريماس روعها الخبر وبكت..جلس جنبها
    حاتــم /هند مابعد قلنا لامي خليت نوره لحالها تصرف و جيت!!
    هنــد تمسح دموعها/هي تحت؟
    حاتــم/ايــه..سانديني مو عارف اتصرف ..
    قومته ونزلوا ...
    أم ثامــر/ادعيله يمه وادعي ربي يثبت المسكينه
    الجــده/الله يحلله ويبيحه ويرحمه ويصبر قليب(تصغير قلب) ابنيتي ويهون عليها...
    أم ثامــر/آميــن...
    تنهد بارتياح وراح لامه وحب راسها وعزاها ...
    دخل احمد واضح انه كان يبكي وعزاهم وطلع لسمــر اللي من سمعت الخبر راحت لغرفتها بهدؤ و بكت لحال بنت عمتها ودخلت توضأ وطلعت وصلت ركعتين دعت له بالرحمه والمغفره ولتؤامها بالصبر والرضى بماقسم الله وانسدحت على السرير ياقلبي عليها يعني يوم كنت ادق ما كانت نايمه كانت لاهيــه في مصيبتها....دخل احمد شافها تبكي وجلس يهديها...
     
  19. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    بعــد المغــرب كانت طيارتهم اما الشخص الثالث فهو.........احمــد
    وصلهم مازن ومعتز..ورجعوا للبيت...مازن كان ضايق صدره مايدري عشان بنت خالته اللي بقت وحيــده لا ام ولا اب او عشان عنوده اليوم له3 يــوم مايدري عنها...
    اقول ابو ندى ماشفت جوالي...
    معتــز/مابعد لقيته ؟
    مــازن /لا
    معتــز/متــى آخر مره استعملته؟
    مــازن /في المزرعه ..
    معتــز/خلاص اكيد هناك على الفراش..
    مــازن /لا كان معي هنا اذكره..
    معتــز/طيب في المجلس!
    مــازن /قلبته بس مالقيته...
    معتــز/طيب سيارتك؟
    مــازن /ماأتوقع!!
    .......
    معتــز تنهد/تدري نفسي اكون عند ريماس اكيد محتاجه لنا كلنا!!
    مــازن /الله يصبرها...
    معتــز بسرحان/متعلقه في ابوها بجنون بدليل منسيها مكان الام اللي حتى الكبار يفقدونه بس الشهاده لله كان معوضها عن الكل مو امها وبس!
    مــازن /الله يرحمه ويعوضها خيــر...
    معتــز/.................
    مــازن /ظنك يوم تجي هنا بتتقلم!!
    معتــز/لاتنسى انها تجي هنا كثير!
    مــازن/ولــو
    معتــز/اللي مضيق صدري انهم راسمين و مخططين يسكنون هنا بس ربك ماكتب يموت في ديرته..
    مــازن/الله يرحمه...انت وين بتروح؟
    معتــز/مدري عنك وين تبي انت؟
    مــازن/البيت.... تعبان وبشوف امي...
    معتــز/صار...
    .....لحظــــة صمــت....
    معتــز/تصدق كثر مافرحت البارح كثر ماضاق صدري اليوم!!
    مــازن ابتسم/البارح بغيت اموت عليك ضحك استخفيت مره...
    معتــز/اشوفكم...
    مــازن/حتى خالي قال بقوم اسمي عليه وجلسه...وانا سمعت كلامه بغيت اتقطع من الضحك...
    معتــز/بتكلم حقتك هاك جوالي!
    مــازن يضحك على حقتك/لابكلم من جوال ميهاف...
    معتــز بتعجب/تدري...
    مــازن/ايه اصلا ماقلت الا لك ولها ولهيثم واحمد وخالي طراطيش كلام...
    معتــز وقف سيارته عشان ينزل مازن
    مــازن/ادخل اندردش شوي مع امي...
    معتــز/لامره ثانيه هذي قومتي من الصباح!
    ....دخل مالقى احد في الصاله راح للمطبخ لقى بشاير وتركي جلس عندهم لاحظ هدؤ بشاير استغرب بس ذكر ان ميهاف قالت انها قريبــه من ريماس
    مــازن/بشور هونيها كلنا بنموت.
    بشايــر/تتوقع مدري..بس ريماس من لهابعد ابوها
    محد يدري إذا بترجع مثل اول... الانسان اللي ضحى كثير عشانها راح..
    مــازن/بس هذا قضاء ربي ...
    بكت وطلعت للحديقه...
    تنهد مازن وش هالريماس اللي ساحره قلوبهم الكل يدعي لها ويبكي عشانها معقوله تكون ريماس اللي على خبري براءه وجمال ونعومه والاهم انها كانت تحبني ضحك يوم تذكر زمان تذكرها كانت تموت فيه وانا بعد احبها اقصد كنت احبها الحيــن انا احب ريماس ..هه ليه حبي القديم والجديد يحملون نفس الاسم...ابتسم وطلع فوق بيدق لريماس خذا جوال ميهاف ودق لين مل رجعه لميهاف ورجع لغرفته ونــام بكره بيطلع بدل فاقد ريماس ماترد على ارقام غريبه اصلا!!
    ... تحت في الصاله بشايــر منسدحه على رجل امها
    بشايــر/مسكينه ماتهنت!!
    امهــا/استغفري ربك من يدري يمكن الله يرزقها ابن الحلال اللي يسعدها ويهنيها
    بشايــر/آميـــن
    ميهــاف من على الدرج/بشاير عندك رقم ريماس...
    بشايــر/ايــه ليش بتكلمين ثانيه؟؟
    ميهــاف بتعجب/مابعد كلمتها...
    بشايــر /هــو... تقولي انك دقيتي الصباح وماقدرت ترد عليك...
    ميهــاف/يمكن تقصد سمر او ريناد اصلا قائمة اسمائي ماسحها تروك !
    بشايــر/مدري اجل...بس حسبتها تقول انتي!!
    امهــا/بتكلمينها؟
    ميهــاف/ايه بس عسى ترد...


    رومــــــــا
    الصبــــاح
    =======
    وصل حاتم الساعه2 صباحا وراحو للفندق ابو ريماس على طول(لان حاتم يدله حاجز فيه يوم سافر شهر العسل مع هند)
    فتحت الخادمه ودخلوا شافت ام ثامر سلمى تبكي وعندها وحده بعمر ريماس راحت لهم وعزتهم وقالت لها سلمى ان هذي اختها مايا...عزوها الشباب وسألوا عن ريماس قالت بغرفتها ماكلت شي من امس..
    راح حاتــم لغرفتها شافها جالسه على السرير و ضامه برواز صوره لصدرها وتبكي حست بوجود احد وصدت شافته.. سندها بعد الله خالها انسان تمنت وجوده من اسبوعيـــن بس ماقدرت تقوله ماحبت تشغله... ركضت له حضنها بحب وشوق هذي ريماس بنته..قامت تبكي ماتوقعت تشوفه الحين متوقعه العصر..
    ريمــاس/خالي ابوي راح وتركني مات مااات ياخالي..
    حاتــم ضمها من جديد لصدره رساله منه انه ماراح يتخلى عنها
    دخلت ام ثامر يوم سمعت بكى ريماس ومعها احمد خذتها و مسحت على راسها وسمت عليها كانت حالتها صعبه مايعلم فيها الا الله شالها خالها وحطها على السرير وجلس جنبها ومسك يدها...
    جتها حاله هستريه وقامت تصرخ/ ابغى ابوي ابغى ابوي ابغى ابوي اتركوني بعــدوا عنــي..
    أم ثامر قامت تقرأ عليها وتسمي..بس مانفع فيـها بالعكس زاد صراخها ماحس بنفسه الا وهو صافقهــــــا....
    عم السكون احمد متفاجئ وام ثامر منصدمه وريماس مو مستوعبه رفعها وضمها نزلت دموعها بس من دون صوت...
    حاتــم بحنيه/هذا قضاء ربك المفروض تصبرين هذا ابتلاء وامتحان من الله ...ادعي له هو محتاج دعاك مو دموعك!
    تنهدت
    حاتــم/تعوذي من ابليس وقومي صلي ركعتين وادعي له..قومتها خالتها وساعدتها
    حاتــم/نامي معها حنا بنطلع نجيب فطور عشا اي شي يوكل!
    وطلعوا..

    ... ... ... ... ... ... ...
    بعد ساعتيــن نامت ريماس على رجل خالتها بعد ماجاب حاتم فطايــر وغصبها على الاكل...
    وهم نزلوا وراحوا للمستشفى حصلوا مساعدين من السفاره السعوديه واستفسروا منهم متى يستلمون شهاده الوفاه والجثه...وطمنوهم ان الشهاده قاعدين يشتغلون عليها والجثه مو قبل اسبوع...

    םסם
    סםסםס
    םסםסםסם
    طلعت ام ثامر بعد مانامت ريماس عند سلمى لقتهم مافتحوا الاكل وفتحته واقنعت سلمى تاكل وقامت تجيب لها مويه وساعدتها مع اختها لحد ماوصلوها دوره المياه عشان تؤضأ وتصلي الفجر وطلعت عنهم وصلت الفجر ونامت بغرفه ريماس...

    ¶ ¶¶ ¶¶ ¶¶ ¶¶ ¶¶ ¶
    السعوديــه...
    ؛،.» بيت أبو هيثـمـ «.،:
    =========
    ... رجع هيثم من الشركه هو وابوه اليوم ماداوم غيرهـم
    ودخلوا الصاله كان مازن منسدح على رجل امه وتركي جالس على بطنه ومن شاف ابوه طمـر وشاله هيثم يبوسه
    ابو هيثــم/السلام عليكم..
    أم هيثــم-مــازن/وعليكم السلام..
    هيثــم جلس جنب امه /شخبار ام هيثــم اليوم!!
    طالعته بحنيه/بخيــر وانا امك...
    جتهم ميهاف وحبت راس ابوها وجلست (تكلم امها)/
    اجيب الغدا؟؟
    امــها صدت لابوهيثــم/نحط الغدا ولابتبدل...
    ابوهيثــم/جهزوه بغير واجي!
    هيثــم/مازن وينك ليش ماجيت لشركه..
    مــازن يصرف/ابد امي قالت اجلس عندي وسع صدري لين يجي هيثــم.!!
    ابتسم ابوه لانه عرف يصرف عمره وقام لغرفته يبدل...وميهاف راحت للمطبخ تنكب الغدا مع ريناد...
    10 دقايق والعائله تلتف حول السفرة على الارض إلا ريناد في الصاله و بشاير في غرفتها....
    ام هيثــم /وين بشاير وإلا بتغدا مع ريناد؟
    ميهــاف/ اصلا فوق محد ناداها..
    مــازن/تركي حبيبي تروح تنادي عمه...
    تركي/تيــب...(طيب) وراح يركض طلبات مازن اوامر لانه مدلعه ودايم يجيب له هدايا وملابس وكثير ياخذه معه لاطلع مع معتز...
    كانت منسدحه على السرير تفكر في الاسلوب اللي كلمت به احمد ذاك اليوم فكرت تاخذ رقمه من الكاشف آخره55 وترسل تتأسف منه اكيد زعلان بدليل قبل مايسافر جلس اسبوع ماجا يشوف امي على غير عادته بس خايفه مايعطيني وجه كارد اعتبار....فجــــأه حست برعشه بجسمها والسبب رجفت تركي للباب بقوه...سمت بنفسها../خيــــر..
    تركــي/اتحي..
    بشايــر/ميــن؟
    تركــي/انا
    ابتسـمتـ بعد ما عرفته/من انت؟
    تركــي/انــا
    بشايــر/وش اسمك وش عيارتك؟
    تركــي/اتمي تكي وعياتي تلوك!!(اسمي تركي وعيارتي تروك)
    بشايــرتضحك/ايه هيــن...
    تركــي ببرآه/وانتي اتمك وعياتك؟
    بشايــر تضحك/اسمي بشاير وعيارتي بشور!
    تركــي/ايــه هين...
    ماتت ضحك وطلعت وشالته وبوسته ونزلوا حصلت ريناد في الصاله وعندها اكل /بيكفينــا؟
    رينــاد/لا روحي تغدي في المقلط!
    بشايــر/وانتي؟
    رينــاد/لا لو تغديت هناك ماتغدا مازن روحي انتي تغدي مع اخوانك...
    بشايــر راحت ولحقها تركي وسبقته وسكرت عليه باب المطبخ عشان يرجع لامه تناديه تغديه ودخلت عندهم وجلست ...
    هيثــم/وينه تركي...
    بشايــر/ عند امه
    قامت ميهاف بعد ماتذكرت ان ريناد ماراح تغدا معهم عشان مازن ودخلت داخل وحصلت تركي يبكي.. وفتحت الباب عشان يروح لابوه ..
    شافه هيثــم/وش فيك بابا من طقك..
    بشايــر/دليع ولدك
    بحقد ودموع/بوي بسور ثكت الباب عني...
    هيثــم/وتقولين دليع هين يابشور (ولف لولده) خلاص بعد الغدا امسكها ونطقها....
    وشاله وحطه بحضنه وحط له رز في صحن صغيــر ثم جلسه جنبه وعطاه اكله...
    تركــي/بوي ابعي لوميــه!!!
    مــازن وبشاير طالعوا بعض متعجبين من الفاظ تركي ثم انفجروا ضحك...
    هيثــم/بابا اسمها ليمونه كم مره قلت لك !!
    التفت لخوانه/ هاه ضحكت علينــا هالخبول!
    وقام يلعب بالأكل ...
    مــازن/تروكي عيب...
    هيثــم ماشاف ولده وش يسوي بس صد لمازن/ياخي اسكت عنه خله ياكل..
    مــازن بغيظ/اي ياكل الله يخليك يلعب بالنعمــه....
    ♣♣♣♣♣♣♣♣♣♣♣♣

    اليـــــوم الثانــــــيـ
    ========
    ... صحت ام هيثــم مازن يبغاه ابوه في الشركه وبعد ماأفطر راح له..
    والساعــه ½1 رجعوا الشباب
    وهيثم ركب مع مازن لان ابوه خذا سيارته يزور واحد من ربعه في المستشفى...
    "مازن السواق"...وهم في الطريق ...
    هيثــم يطالع مازن/هاه شخبار عنودك.؟
    مــازن/والله مدري ماترد على جوال ميهاف ورقمي للحيــن ضايع..
    هيثــم/يمكن ابوها تعب زياده يوم ماترد...
    مــازن/مدري بطلع بدل فاقد العصر !
    هيثــم/دورته بالمزرعه خاف هناك..
    مــازن/وين هناك اقولك كان معي في بيتنا بس....
    (كـل شي حولي يذكـرني باشي حتى صوتــي وضحكتـي لك فيها شي.....)
    هيثــم تلفت يدور الصوت
    نغزه قلبـه/جوالك؟
    هيثــم وعمليه البحث مستمره/لا خاف جوالك انت
    فرح إلا هو وهذي نغمة بدر....
    هيثــم بطفش/وينه..
    هدا سرعته ودور عند رجلينه ماحصله/دور تحتك صوته عندك...ولقاه هيثم بعد ماسكر بدر/ اخيرا قالك معتز في سيارتك وقلت لا..
    خذاه من يد هيثم/ وش دراني دورته في مكاني مالقيته ماخبرت له جنحان!!
    هيثــم/هاه من الي داق؟
    يطالع الشاشه/اوفففف 22 مكالمه و3 رسايل...
    /بــدر5 مكالمات وعنــود الريــم 14 مكالمه وميهـاف 3 ...
    هيثــم/والله انك مهم..
    ضحك/خل ادق لبدر اول اشوف وش عنده!!
    بــدر بشوق/هلا مازن...
    مــازن/هلا وغلا..
    بــدر/وينــك؟
    مــازن/والله جوالي كان ضايع من 3ايــام وتوني لاقيه يوم دقيت انت..
    بــدر/طيب وش اخبارك؟
    مــازن/بخيــر عساك بخيــر..
    بــدر/و وشلونها الوالده الحين؟
    مــازن/الحمد لله....انت وش اخبارك ومتى تجي؟
    بــدر/اخباري تسرك والجيه بدري عليها باخذ اوراقي اول !!
    مــازن/متــى؟
    بــدر/شكلك مطول!!
    مــازن يضحك/والله عندي ظروف.... احتمال اجي الاسبوع الجاي...
    بــدر/حيــاك..شخبار ريماس؟
    مــازن/مدري عنها!! اقولك جوالي ضاع وللحين ماكلمتها بس بكلمها ان شاء الله لاسكرت منك...
    بــدر/شخبار معتز وهيثم؟
    مــازن/كلهم بخيــر ومعي هيثم الحين..
    بــدر/وين رايحين؟
    مــازن/قصدك من وين جاين! حنا ياطويل العمر طالعين من الشركه راجعين للبيت!!
    بــدر/يالله يستر عليكم سلم على هيثم ومعتز وعلى ريماس لاكلمتها...
    مــازن/ان شاء الله
    بــدر/مع السلامه...
    مــازن/الله يحفظك...
    سكر وفتح الرسايل/ بدر يسلم عليك يقول.....سكت يستوعب الكلمات اللي تتراقص قدام عيــونه....
    صــرخ......
    مستحيــــل.....
    ســحب......
    فراا اا اا اا اا اا مــل....
    ضـرب الدركسون بقهر...
    طمن راسه بالــم...
    هيثــم بخوف/مــازن اش صاير..
    لامجيب..
    هز كتفه بقوه اش فيك مازن رد علي....
    نزل اسرع من البرق وفتح باب اخوه ورفع راسه وشفيــك؟
    مــازن بضيق/ابوها .........
    هيثــم/وش فيه؟
    بالم وحزن وضيق/ مات
    هيثــم/......... وش دراك ؟
    /مرسله تقول محتاجه احد جنبي...آه ياهيثم لحالها مسكينه متصله14مكالمه اكيد كانت تعبانه ومحتاجه احد جنبها وانا مااهتميت ضاع جوالي ومافرق معي!..
    هيثــم/بسيطه سافر لها وقل عندي اوراق للجامعه لازم اخلصها!!
    مــازن/آه ياعمري الله يعينك ويصبرقلبك...
    مسكه ونزله عشان يسوق هو...دقايــق ودخل بيتهم طا١١١١١ر فوق قابلته ميهاف على الدرج وشافت جواله بيده/اخيــرآ لقيته ...بركــه...
    ....مارد عليها استغربت وش فيه مهيب عادته..
    ......./ميهــاف!!
    لفت لصوت شافت هيثم نزلت له/وش فيه مـازن!!
    هيثــم/تعالي...
    وصلت عنده وجلست وش صاير؟
    هيثــم/ابوها مات...
    بصدمه/مــات...متى؟.
    هيثــم/مدري لقى من شوي جواله وحصل فيه مسج منها...
    بشفقه لحال اخوها/عشان كذا طالع يكلمها! ياعمري عليها مالها إلا هو صح...
    هيثــم/ايــه..
    تنهدت/الله يرحمه
    هيثــم/ آميــن... انا بنام صحيني العصــر..

    ... ... ... ... ... ... ... ...
    ... طلعت لمازن اكيد متضايق عشان حبيبته ودقت الباب بس مارد..دقت ثانيــه...
    بضعف/ميهاف الله يخليك خليني لحالي!!
    /حبيبي افتح بس ابتطمن عليك علمني هيثم!!
    فتح الباب ودخل
    حست انه كان يبكي بدليل ماطالعها/ كلمتــها؟
    بصوت واطي/ماترد...
    ميهــاف/طيب ارسل؟
    زفر بضيق/بعد ماردت!!
    احس ان فيها شي...(نزل راسه)اكيــد تعبانه...
    جلست جنبه/تعوذ من ابليس مو تقول انها قالت لخالها ان ابوها تعبان اكيد جاها
    /قالت شوي تعبان عشان ماتقلقه ماقالت انه في العنايه وفي غيبوبه ....
    حطت بيده العصير اللي جابته له وطلعت عشان يرتاح.....
    ابتسـم بعد مامشت وشكرها من جواة قلبه لو هالانسانه مو اخته مايدري وش يسوي بنفسه لاحس بضيق لاتعب لافرح هي مصدر امان بالنسبه له دايم هي من يخفف عنه المه ويشاطره فرحه دعى لها بالتوفيق والسعاده وان الله ينولها ماتحلم به.....
    دق لريماس يمكن ترد عليه بس ماردت ارسل ثانيــه
    (حياتي مدري تقرين رسايلي او لا بس طمنيني)
    ماردت ارسل.../ (انتظريني)
    .... ثواني ودق جواله بمسج فتحه (تكفى لاتجي لانك ماراح تشوفني عندي خوالي لاتحجز ولا تسوي شي بدق لك اول مااكون وحدي)
    (متى توفى ابوك)
    (من يــومين)
    (لاتزعلين مني والله كان جوالي ضايع مالقيته الا اليوم ودقيتلك بس مارديتي)
    (مايحتاج تقول كذا كنت متأكده ان فيه شي مشغلك ...خلاص لاترسل اهلي عندي)
    ثم ارسلت..../
    (انا رفيــق الجرح من صغر سني.. والجــرح له في داخلي ألف عنوان...ياسيدي هم البشر صار مني..و اصـبحت انا تمثال لهموم انسان)
    تنهد برتياح على الاقل هي بخير وعندها اهلها ...الحمد لله...

    ... ... ... ... ... ... ... ...
    ...نزل تحت يشوف امه بس قالت له ريمان انها دخلت غرفتها ركب سيارته ودق لمعتز ومره وراحوا للمطعم يتغدون ...


    ¶ ¶¶ ¶¶ ¶¶ ¶¶ ¶¶ ¶
    -ياترى ماذا ينتظر مازن وما الاحداث التي ستستجد بموضوعه مع حبه والأهم هل ستكون في صالحهم؟
    -ماذا سيحدث لملكة معتز وهل تــتأخر اكثر من هذا؟
    -ماجديد صدمات احمد ونهايه تفكير بشاير؟
    -متى سيعــود حاتم ومن معه وهل سيسافر مازن للندن او ينــوب عنه بدر في احضار شهاداته؟
    »‏«»‏«»‏«»‏«»‏«
    ♣خذني بحضنگـ ♣6
    ‏«»‏«»‏«»‏«»‏«»




    ؛،.» بيت أبو ثامــر«.،:
    ========
    ..العنود مع سواري في المطبخ






    يجهزون الغدا وثامر في الصاله ماداوم اليــوم وجالس يلعب بلايستيشن مع مهند اما مهند راح لدوامه وقــع وطلع و عندهم يارا نايمه ....
    ...في المطبــخ...
    العــنود/سواري قطعي سلطه؟
    عــزوز/امي انا بثوي ثلطه(بيقطع السلطه)...
    العــنود/لايا بابا السكين لا..تعورك بعديــن...اطلع عند بابا..
    عزوزبزعل/بـ.سـ.اا.ئـ.د.كـ!
    العــنود/لا تساعدني روح لبابا وعمي يلعبونـكـ!
    عــزوز/لا مابروح.....
    العــنود فتحت الفرن عشان تشوف الدجاجه تحمرت بس ازعجها عزوز ينطط بكل مكان..ماتحبه يدخل المطبخ تخاف عليه من الفرن واللي عليه وهو ماشاء الله كل شي لازم يسحبه يشوف وش فيه!!
    العــنود بنفاذ صبر/ثااامــر
    ثاااااامــر...
    عــزوز فيه البكيه /ليــه(خايف)
    العــنود/عشان يطلعك...
    عــزوز/مابــي...
    شافت ثامر واشرت براسها لعزوز عشان ياخذه...
    ثامــرضحك وراح لثلاجه يجيب له مـويـه...(شافها طفشانه وابتسـم)/ لا تقولين ساعدني بس!!
    العــنود تستدرجه/اجل شبي فيــك!
    ثامــربصدمه/هــاه...
    العنــود/من قال هاه سمع!
    ثامــر راح لها/ مهند يضحك علي يقول بتقطع بصل ان المدام تدور احد يقطعه!!
    ابتسمت/خلاص بقطعه انا خذ ولدك ومهوب تلعب وتنساه انتبه له!..
    ثامــر/على خشمي بس ان نسيــت لاتزعلين...
    العنــود/لا تكفى الفرن حار وانت عارفه مايحتاج اقولك!!
    ثامــر/على خشمي
    (وطمن وشاله كان متعلق في امه)
    العنــود قرصته على يده/لايرجــع!!
    ثامــر غمز لها /اعتمــدي!!
    وطلع وهي ابتسمت على مرحــه وتقبلـه لو واحـد ثاني قال ماعلي منه اولاتزعجيني..

    םסם
    סםסםס
    םסםסםסם
    ...دخلوا المطعم
    معتــز بشك /مزون وش صاير طلعنا من الشركه اش حلاتكـ وش صار؟
    (شاف جواله على الطاوله قدامه)
    /اوففف متى لقيتــه؟
    ابتسم /بعد ماطلعنا من الشركه وليتني مالقيته!!
    رفع حاجبه حس ان ضيقته بسبب شي بجواله/لــيه..
    مــازن/عنود مرسله تقول ابوها مات!!
    معتــز بدهشه/مات ..........متى؟
    مــازن/من يومين..
    معتــز/كلمتها؟
    مــازن/لا ارسلت ...
    معتــز/طيب اشلونها؟
    بضيق/مدري عنها..
    ابتسم/زين وين لقيت جوالك؟
    ابتسم/في المكان اللي توقعته...
    معتــز/سيارتك!!
    مــازن/ايه...
    معتــز/قلتلك بس ماصدقت...
    صد بطفش...
    يعرف هالبنت وش تعني له وضيقتها ضيقته فحب يهديه/مازن روق ترا هذا قضاء ربك...
    مــازن/ادري ونعم بالله...بس احس فيه حواجز صنعتها الظروف بيننا تعب امي ثم انشغلنا بوفاه ابو ريماس ثم مات ابوها.....(تنهد)مدري وش اسوي ودي اشوفها بس هي قالت ان عندها اهلها يعني صعب ...يارب احس ان فكري منشل مو قادر اثبت على شي وسويه...
    معتــز/مو تقول عندها اهلها خلاص تطمن وإذا على امك امك بخير وابو ريماس هذا يومه كلنا حزنا عليه و عشان بنته بس ما نقدر نرد قضاء ربك!!

    ¶ ¶¶ ¶¶ ¶¶ ¶¶ ¶¶ ¶

    الزمــان/الساعــ 1م ــــه
    =========
    ...قام من النوم مـتعجب من المكان اللي هو فيه رجعت له ذكرى احــداث امس وانه من قام من7 الصباح مانام إلى اليوم الفجــر ومع هذا سفر وتعب نفســي وجسمي والأهم ريماس تـعبانه نفسيتها مره تمنى انه جــاب سمر اكيد بتعــرف تتعامل معها...شاف ساعــته يعني دخل وقت صلاة الظهر صحى احمد عشــان يصلون جماعه...ويروحون لريماس...

    םםםםםםםםםםםםם
    ...منسدحه على بطنهــا هدت نفسها بعد ماشــافت امها و خالها حـست انها بخير وانهم بيكونون مـعها وماراح يتخلون عنها...تذكرت مازن ومسجاته وابتسمـت بس وش اللي شغلـه عني حتى ماسألته عن امه...فـكرت تدق خصوصا ان خالتهـا في الصاله عند سلمـى ومايـا...بس تراجعت اكيد خالهـا على وصول دق جوالها بيـدها ابتسمـت وردت بشوق على"الغـــد الواعـــد"
    םםםםםםםםםםםםם

    ...وصل حاتم بعد ½ ساعه وعطى نوره اخته كيس لسلمى واختـها..والكيس الثاني دخلوا به عنـد ريمـاس عشان يتغدون معها لان ام ثــامر بتتغدا مع البنات ..سمعت صوت خالها وقامت شافت احمد ماصدقت ابتسمت وضمتـه وبكت بحضنه (احمد قريب منها مره ماعمره فرق في المعامله بينها وبين سمر يحبها ويخاف عليها)
    ..مسح على راسها وعزاها و جلسوا على السرير وهي طمنت راسها تمسح دموعها ماتبي توضح لهم انها ضعيفه لازم تكابر على جرحها ..جو عشان يطلعونها من حزنها المفروض تسعدهم ...قالت بخاطرها الحزن بلقلب يابنت ناصر ....
    مسحت دموعها ودخلت دوره المياه تغسل وطلعت تجيب صحن وعصير من الثلاجه وظبطت الأكل وجلسوا...التفت حاتم لاحمد مستنكر تغير حالها في ثواني... عرف انها تكابر مثل عادتها بعمره ماحس بثقل اوتعب معها دائما شايله همها...مو عادتهم يشوفونها ضعيفه و اثبتت لهم... حتى انها سألت عن خالتها ام هيثم وعيالها وجدتها وعيال خالتها وهند ونواف وسمر وبشور والعنود وعيالها وريناد وتروكي مابقى احد ماسألت عنه مانست عمانها وجدها طبعا(ابو ثامر وابوهيثم)مو عمانها.. عيال خال امها بس هي تحب راسهم فقط...
    حاتــم غير مجرى الحديث عشان يفرفش بريماس مع انها مهمه صعبه بس بيحاول/هاه احمد استانست يوم سلمت عليك ريماس..
    ابتسمت/ماعليش احمد مانتبهت لك امس!
    احمد/لاتشيلين هم..
    حــاتم بستدراج/مارحتي لسلمى تشوفينها ..؟
    ريمــاس/إلا كنت عندها قبل ماتجون...ماعليها زوينه!
    حــاتم / وانتــي؟
    هزت راسها بنكسار/الحمد لله على كل حال...
    (لحظــات صمـــــتـ)
    حاتــم/..................
    احــمد/.................
    ريمــاس/.................
    حاتــم/ اللي راح مايرجع...
    ريمــاس نزلت راسها/الله يرحمه...
    حاتــم - احمــد /آميــن
    احــمد/ريمو مااكلتــي!!
    ريمــاس/والله مالي نفس جالسه عشانكم...
    حاتــم /شوفي لاتسويـن لنا فيـها بعد الغدا بنطلع نتمشى!!
    احــمد/اكيــد.... اصلا ماتقدر تقول لا!!
    ريمــاس ببتسامه/لا مو اليوم سلمى طيارتها بكره بنوصلها للمطار ونتمشى ...
    حاتــم/صــار يعني الغي حجزنا لاصحينا بكره...
    احــمد/احسن انا بعد مليت من المشوار كرهت النوم بسبب مشوار الفندق!!
    ريمــاس/شخبار روميــو.؟
    احــمد/يسلم عليك...
    .....بعد ماتغدوا شالت ريماس الاكل ورجعت وجلست عندهم على السرير...
    حاتــم بحنيه /كلمتي امي؟
    ريمــاس/ايــه كلمتها مع خالتي اليــوم...
    حاتــم/وام هيثــم؟
    ريمــاس/لا كلمتني ميهاف امس وكلمتها...
    طلع جواله ودق لأم هيثم يتطمن عليها ..... ثم عطاها ريماس تكلمها وكلمت بعدها بشاير وسكرت....

    ¶ ¶¶ ¶¶ ¶¶ ¶¶ ¶¶ ¶
     
  20. صقر البحرين
    Offline

    صقر البحرين Administrator

    إنضم إلينا في:
    ‏23 نوفمبر 2004
    المشاركات:
    4,874
    الإعجابات المتلقاة:
    19
    نقاط الجائزة:
    0
    الإقامة:
    مملكة القلوب
    رد: قصة - روايه خذني بحضنك - روايه للكاتبة لرذاذ الماس القصة كاملة

    ... لقى امـه وابـوه وجـده و ميهـاف وبشـور في الصـاله سلم وطمن على جده وحب راسه جا بيطلع لغرفته سأله ابوه وش فيه قال ولاشي تعبان شوي..
    أمــه بحنيـه/تغديت يابوي..
    مــازن/ايـه..عن اذنكم
    وطلع لغرفته...
    .. تضايقت عشانه وطلعت وراه طقت الباب شافت الغرفه ظلام وقفت على الباب..
    /كيفك الحين؟
    /زين..
    /دقت عليك؟
    /لا
    /طيب وين تغديت؟
    ابتسم /والله تغديت ادري منتي مصدقه بس ابو ندى ماقصر...
    ضحكت...
    /ولعي النور وادخلي..
    / خاف بتنام!
    /وين يجيني النوم الله يخليك!!
    وجلسوا يسولفون
    (يااللــه نعيش بدنيــا غيــر مليانــه حب مليــانه خيــر فيهــا الحبيــب.......)
    قام من جنب ميهاف و طار للكوميدينا ورد بلهفه...
    الــــــو...
    انسحبت وسكرت الباب اكيد عنوده تركته على راحته ريمــاس (بصوت بالكاد يسمع)/السلام عليكم
    بخوف/هلا وعليكم السلام وشفيك تعبانه!
    /ولاشي كيفك؟
    /انا بخير...طمنيني عنك...
    /بخير (تنهدت) ان شاء الله بخير...
    /عسى ان شاء الله
    /كيف امك الحيــن؟
    /يسرك حالها انتي قولي لي شلونك ومتى مات ابوك؟
    / مات قبل امـس في الليل ماادري متى بظبـط بس كانت الساعه قرابه 11 تمنـيتك جنبي بس ماحصل... لوهله حـسيت ان الدنيا وقفت واني انتـهيت و صفـيت بلا ام ولا ابو ولاحتى اخو... بس جوني اهلي جيتهم اسعدتني كثير حسيت ان الـدنيا بخيـر بصراحه وجودهم هـون علي.
    /وكيفك الحين بديتي تستوعبيـن؟
    /اهوه!
    /ليش ماتبغيني اجي ..ابغى اشوفك...
    /حتى انا بس مستحيل اهلي عندي...
    /طيب متى بتجيـن؟
    /بدري على سوالك اصلا شهادة وفاة الوالد للحين ماستلمناها والجثه والوصيه و اوراقي وكثيـر كثيـر ..
    / الله يعينك...
    /اميـن..نفسي ارجع لرياض واحشني موت على كثر ماحبيت روما كثر ماكرهتها احرمتني منك ثم من ابوي .. بس انتظر نخلص عشان ارجع لسعوديه..يااااه ابغى اشوف ناس تساعد ناس تهتم لغيرها اطلع وانا آمنه على نفسي ودي اشوف قرايبي وحشتني الجمعه و السوالف وضحك واللعب وبيت خالي وجدتي والمزرعه وليل الرياض وشروقها وناسها كل شي واحشني فيها ....
    بمرح/بس هذا اللي واحشك؟؟
    ضحكت/انت وحشتك غير....ماتتخيل الايام اللي فاتت كيف مرت علي!!
    /ماقلتلك جوالي كان ضايع ومالقيته الا اليوم انصدمت يوم قريت رسالتك كان معي اخوي هبلت به و....
    تقاطعه/O.k‏ يالمزيونه اكلمك بعدين!
    / ها ها ها كنسه!!
    /اكيد مايحتاج بكلمك ان شاء الله...بس لاتقاطعين...ياالله باي...
    /ههه ياالله انتبهي لنفسك وطمنيني!!!
    ... انسدح براحه وضحك على كلمة المزيونه ...ياحبي لك انتي والله المزيونه بس متى الظروف تسمح واشوفك مشتاق اتكلم معك واخذك لحضني الا لحياتي ياحياتي..تذكر ذاك اليوم يوم سأل عن راي ابوها لو خطبها شكله ماكان بيوافق بس الحين ماعندي مشاكل الا اقنع ابوي بحضور الشباب...
    جاه مسج فتحه .....
    كانت "عنــــود الريــــم"
    (تسلم عيون بالمحبـة خذتنـي
    طال الزمن وماتغيـرهواها
    تستاهـل التقديـر ياهـي قدرتني
    لكن أنـا وشلـون الحق جـزاها
    من حسـن حظـي بالغلا بادلتني
    مـاشفتها تبخـل علي بوفـاهـا
    حكم الزمن لو انهـا فارقتني لا هو خطا منـي ولاهـو خطاها)
    رد..../
    (مـحلا الرسالة منـك لاجت على
    شوق تهزني هزالهبايب للأوراق تطفـي لهيـب اللي مـن البعـد محـروق تروي عطش قلب على الوصل مشتـاق لاجت من الغالي لهاميزه وذوق مكتـوبة
    باخلاص من جوا الأعمـاق )







    ===========
    ===============
    مره اشگرالوقت يوم الوقت جاااابگ
    ومره اگره الوقت لاحسيت بغياااابگ
    ===============
    ===========

    ...كانت عند التلفزيون ودق التليفون جنبها بس خافت ترد وتركته طلعت ميهاف من المطبخ عشان ترد عليه شافت بشاير عنده/ليش ماتردين؟
    بشـاير/بيت خالي اخاف احمد يبغى امي!!
    ميهــاف/الو
    ....../الو السلام عليكم
    ميهــاف/هلا وعليكم السلام..(تذكرت حاجه)لحــظه...
    سكرت السماعه بيدها وقالت/الله يخلف عليك احمد مهوب في رومــا...
    بشايــر شهقت/اي والله(وضحكت)...
    ميهــاف/ايوه..
    ....../كيف الحال..
    ميهــاف/الحمد لله بخير..
    اشرت بشاير بيدها بمعنى من!!
    بس ميهاف ماردت خلتها على اعصابها
    ....../وكيف الوالده؟
    ميهــاف/طيبه الحمد لله..
    ....../وينك ماتنشافين!
    ميهــاف/الله يعين وانتي وش اخبارك؟
    سمــر/كتير منيحه..
    ميهــاف/وكيف جدتي وهند ونواف...
    سمــر/كلهم يزقحون...
    ميهــاف/ماعليش سمور كلمي بشاير انا مسويه كيكه واخاف تحترق ..
    سمــر/ياالله وذوقيني!
    ميهــاف/افااا عليك انتي بس تعالي!
    سحبت السماعه من يد ميهاف (بترويقــه)/ قــــوه
    سمــر/هلا بشور...
    بشايــر/هلا سمور...
    سمــر/ههههه ...
    بشايــر/هههه مادقيتي لريماس...
    سمــر/إلا بس كانت واصله حدها من الضيقه!
    بشايــر/الله يعينها..
    سمــر/اميــن ...كدتي ان تنسيني مااتصلت من اجله!
    بشايــر/وما هو؟
    سمــر/اجونــــا...
    بشايــر/صعب وامي!
    سمــر/خل تجي معكم حتى جدتي متضايقه عشان ريماس بصراحه الكل طفشان ومال من راح خالي واحمد.. حتى مامدانا نفرح بنجاحـنا!
    بشايــر/وفاه ابو ريماس هز الكل...على العموم ما أوعدك بس بقول لامي ورد لك...
    ...طلع مازن من غرفته مر غرفه ميهاف مالقــاها ونزل شاف جوال بشاير يــدق على المرايه اللي في نصـف الدرج مقابله للي ينزل خذاه معه لانه سمع اصواتهم تحت شاف الشاشه وفز قلبــه وابتســم مكتوب "ريمــاس الحلــوه"

    °°°
    °°°°°
    °°°°°°°°
    ... دقت بشاير لسمر وقالت تعالوا انتوا و بنتعشا سوا... امي تقول مافيها حيل تجي
    نزل هيثم من فوق شاف امه وخواته وجلس..
    ميهــاف/اجيب غداك...
    هيثــم/تغديت!
    ميهــاف/من وين؟
    بشــاير/ريناد خذت غداه له فوق يوم كنتي تكلمين ريماس!
    ميهــاف/اها "صدت لامها"يمه تراها تسلم عليك..وانتي بشور تقول ترا هديتك مجهزتها من زمان.
    بشايــر /ياحبي لها...
    هيثــم/ميهاف ماكلمتي خالي؟
    ميهــاف/لا
    ام هيثــم/كلمني اليوم ينشد عنك..ويسلم عليك..
    هيثــم/الله يسلمك وياه...
    (وقف) انا بطلع اصلي قبل مايقوم...إلاوين مازن نايم للحين(يطالع ميهاف)
    ميهــاف/لا طلع من شوي...
    كان وده يسأل ميهاف عنه إذا روق وإلا لا بس خاف امه تشك..وطلــــع..
    بصوت عالي/هيثــم
    هيثــم صد لها/هلا..
    بشايــر /لاترجعون بيجون بيت خالي..
    هيثــم/ان شاء الله...

    °°°
    °°°°°
    °°°°°°°°
    ...بعد المغــرب وصــل مـازن ومعتـز وهيثـم ودخلوا شافوا عزوز ويارا في الحوش يلعبون بالتراب..
    مــازن/عــزوز
    التفت يدور الصوت وشافهم وجالهم ..
    معتــز قام يهلي به/هلا وغلا
    لكن عزوز راح لمازن وشاله وبوسه وهو يضحك/ماعليش ابو ندى تصير في احسن العائلات...
    يصرف/انا اصلا اهلي بهالقمــر وشال يارا...
    اشتغلت عنده الغيره/وانا
    يقصد يشيله معتز مثل يارا...
    معتــز/انت لا خل مازن يشيلك!
    مــازن/اشيله العمر كله يستاهل ولد ثامر!!
    هيثــم/يارا وين تركي؟
    يارا/خذته امه تغير ملابسه مليانه مويــه...
    .. دق جوال مازن ونزل عزوز وطلعه
    معتــز/المزيونه..
    ضحك لانه قايل لمعتز سالفه المزيونه ومسكها عليه.
    /لا ثامر...هلا ابو عبدالعزيز..
    ثــامر/هلا..وينكم؟
    مــازن/في البيت ليش!
    ثــامر/حنــا في الاستراحه ننتظركم!!
    مــازن/الحين..
    ثــامر/ايه الكل وصل إلا انتوا وهيثم..
    مــازن/هذا هو عندنا ياالله شوي وجاينكم...
    مــازن/مشينا الشباب في الاستراحه..
    هيثــم/روحوا انتوا بغير ولحقكم!!
    مــازن/لاتأخر..
    وقال لعزوز يروح لامه بس عيا قال ليارا تشيله وقام يصرخ...
    معتــز ببتسامه/دق لميهاف تجي تاخذه!
    مــازن صدله/لا ماودك تجي تاخذك انت...
    مات ضحك...
    مــازن/اقول لاتقطع بس!
    معتــز/والله انتوا نحيسين يوم اخوك خطب اختي شافها وكلمها وانا مكالمه رافضين...هيــن !!!
    دق مازن لتليفون المطبخ ونادى ريمان تجي تاخذهم...وطلعــــــوا...

    םסם
    סםסםס
    םסםסםסם
    ...بغرفه ريناد لبست تركي وطلعت شافت هيثم على الدرج وابتسـمت ابتسم و وقف قبالها و تركي نـزل سيده يوم سمع عزوز يبكي في الصاله... ماصدق ولده لها عنه طمـن و شالهـا ودخـــل الغرفـــه...







    ♥♥♥♥♥♥♥♥♥♥♥♥♥

    لنــــــــدن
    ==========
    ... سافر مازن اليــوم .. معه مهند ولد عمه... واستقبلهم بدر وراحوا سيده للفندق عشان ينزلون اغراضهم ويريحون شوي وبعد ساعه نزلوا يتمشون وعزمهم بدر على العشا في الشانزليزيه...
    ثم طلعوا لمقهى العم معاذ عشان مهند يبغى النت مواعد تركي يدخل هالحزه...
    اما هم جلسوا يسولفون دق جوال مازن وابتسم قبل لايطلعه....
    بــدر/ريماس...
    مــازن/ايــه
    ودخل يده بجيب بنطلونه يطلعه...
    مهند سمع النغمه وصد لمازن/ يارب خالي... بيذبحني ماعلمته ...
    مــازن/ريح مهوب خالي...
    مهنــد/من اجل؟
    بــدر بسخريه/عميد الكليه هو كل سنه يستاذن مازن بتوزيع الشهادات!!
    مهنــد/قصدك عميدة قلبه وإلا عميد الكليه وش يبي بوجهه!..
    مــازن-بــدر/ها ها ها ها
    قام من عندهم/ هلا مليون وماتكفي ولا توفي!
    ريمــاس/ههه بالمهلــي
    ابتسم/هاه كيفك عقب البارح!
    ريمــاس/ذبحتني ضحك من وين لك هالمسجات...
    /من الربع في الاستراحه
    ... المهم اعجبتك.
    ريمــاس بجديه/بس اعجبتني جـــرح! بالذات
    ((صبرت قلبي كثير و اشتغلتني بزينها... لاتحب و لاتغير ..وماني مالي عينها))
    مــازن/هههه...وش ذكرتك فيه؟
    تنهـدتـ/بايام الجامعه والفله بكل شي حلو (هذا المسج مازن كثير يرسله لريماس لان اول مره اكتبه لها كانوا بالمحاضره وماتت ضحك عليه)... وصلت ؟
    مــازن/ايه من4 ساعات تقريبا..
    ريمــاس/الحمد لله على السلامه
    مــازن/الله يسلمك...متى شهادتك انتي؟
    ريمــاس/بعد بكره...
    مــازن/زيــــن!
    ريمــاس/وينك الحين؟
    مــازن/انا في مقهى العم معاذ مع بدر وولد عمي..
    ريمــاس/اول مره يسافر للندن؟
    مــازن/لا زارني كثير وكثير يجي مع الاهل لاجو يصيفون..
    ريمــاس/مستانس معه!
    بفرح/لا تسألين..
    ريمــاس/الله يهنــيك...ماقلتلك برجع بعد 4-5ايــام...
    /لاا ا ا ا ا ا اخيرا...
    ريمــاس/الحمد لله
    /الحمد لله...حبيبي مابي اطول عليك بروح لشباب إلا ترا بدر يسلم عليك دايم يوصيني بس انسى اوصله!!
    ريمــاس/الله يسلمك ويسلمه.. يالله سلم عليه وبشرني عنك
    مــازن/على هالعــوج!!
    ضحكت تحب الفاظه كثير تضحكها/الله يسلمه...
    مــازن/توصين على شي!
    ريمــاس/سلامتك..
    مــازن/يالله الله يحفظك..
    ريمــاس/مع السلامه.

    ¶ ¶¶ ¶¶ ¶¶ ¶¶ ¶¶ ¶

    المكــان/رومــا امام زجاج الصاله المطله على فوضى وزبائن المقهى...
    الزمــان/الساعـه11 ليلا...
    ==========
    ... سكرت من ¼ ساعه من مازن تمنت انها سافرت مع سلمى عشان تشوفه ياهني تراب لندن فيه...
    اليوم مر اسبوع و3ايــام على وفاة ابوي تقريبا تعودت على شوفه المكان من دونه والدافع المهم لنسياني وجود احمد اخوي وخالي وخالتي من سافرت سلمى الشباب استقروا هنا ودايم نطلع ونتمشى ووريتهم المسجد اللي بناه ابوي على حسابه... ومتأكده ان السبب طلعاتنا هذي مو عشان اشتاقوا لروما مثل ماحاولوا يوهموني السبب الحقيقي ينسوني همي .....وفعلا قدروا حتى مذكر متى اخر مره تذكرت ابوي و بكيت ...
    بس بعمري ماتوقعت ان ابوي بيتركني من دون كلام ولا سلام الله يرحمه..بحياتي ماحلمت بشي الاوحصلته...لدرجه كنت احمد ربي ماجا لابوي عيال عشان ماياخذون مكاني في اي شي حتى سلمى اغار لما تجينا مايا اختها يوم كنا بلندن اغار لاخذتها بالاحضان وتبوسها وتسأل عنها لدرجه إذا اشوفها جايه اجلس معهم شوي من باب الواجب و اعتــذر واطلع مع غــدي واحيانا مازن...
    ...على فكره ماقلت لكم عن وصيــة الوالد كان موزع الورث علي انا وسلمى كان يملك ملك خاص شركة السعوديــه اللي بدت عملها من شهرين وشركة لندن سجل السعوديه بأسمي وشركة لندن بأسم سلمى لان اهلها هناك وحسابي نقدا في البنك5 ملايين هذا غير الفندق اللي نسكنه الحين لي فيه 7ادوار ولسلمى 7بس اتفقنا نبيعه لاني مستحيل ادخل روما مره ثانيــه وسلمى نفس الحاله ووصل لـ4 ملايين لان اجنحته كبيره وواسعه ويكفي موقعه...بس لكثر المنافسين عليــه عرضه محامي ابوي"الله يرحمه" للمــزاد بعد اسبوع بس على مايفصل في امره بنكون بالسعوديه ان شاء الله وبيوصلني نصيبي عن طريق البنك...بس بصراحه ابوي راح حاسب حساب كل شي حتى اوراقي الجامعيه اكتشفت انه موصي عليها توصل لحد البيت دعيت له بجنات الفردوس الاعلى وشوفه وجهه الرب الكريم و صحبه نبينا محمد عليه افضل الصلاه والسلام...

    םסם
    סםסםס
    םסםסםסם

    ....كنت في المطبخ اجيب عصير لخالتي واحمد اما خالي نايم
    سمعت احمد يناديني عشان جوالي يدق عطيتهم العصير وخذيته اشوف من اللي كان داق انصدمــــتـ كان مازن حمدت ربي ماكنت موجوده و نزلته..مديت يدي عشان اخذ عصيري و دق كان اسمه يزين الشاشه
    ¤المــزيـــونهـ¤
    يتصل بك
    مشكله كيف برد حتى خالي نايم بغرفتي عطيته مشغول عشان يفهــم وسألني احمد ليه مارديت ضحكت/سوالفها واجد ولو رديت بقوم عشان مزعجكم فاحسن ادق لها بعدين وإلا لا!!!
    احمــد/زيـن ماسويتي اجل...
    ...خالتي دخلت تنام في غرفتي لان خالي من3 ايــام يصحينا من8 يقول ان سمر تقوم هالحزه ويبغى يعودني شكيت سمر اعرفها لانامت تقول ميته ماتقوم قبل العصر بس قلت فرصه الجو في الصباح جنان...
    جلست سوالف مع احمد
    احمــد/وش شعورك وانتي خلاص بتستقرين في السعوديـه؟
    تمرر اصبعها على فوهت الكـاس بـسرحان/والله مدري فرحانه وإلا حزنانه لان هالشي ماتحقق الا بوفاه ابوي!
    احمــد/الله يرحمه...بس اكيد بتشتاقين لروما واصحابك هنا والجو و....
    تقاطعه/ لايغرك ماعندي هنا شي اندم عليه إذا على الجو حر الرياض يسواه اقلها بين اهلك وإذا على اصحابي ماعندي هنا الا وحده اعرفها من6 سنوات بس تستاهل الصداقه ..لكن ربعي و اصحابي الصح بلندن!!
    ابتسم/مافيــه شباب...
    تضحك/ماتخلــى
    كنت اسولف و قلبي مع اللي شاغله كنت ابغى اعرف نتيجته ونتيجه الشباب وغدي...ايه صح غــدي ليه مادق لها و سألها عنهم استغليت فرصه ان احمد يرد على جوال خالي الظاهر واحد يعرفه...
    ارسلت مسج لغدي


    (غدو بدق لك عشان النتايج بس عندي اهلي قوليلي نتيجه الشباب كلهم وميشو ترا مانيب سائلتك)
    ثم ارسلتها وجلست 5 دقايق اضمن انها وصلتها وقرتها... دقت هي...احسن بعد لاني انحرجت ادق خفت يقول احمد زهقت مني خصوصا انه سكر..ضحك/ مصره هالبنت تكلمك انا بنزل للوبي لاخلصتي دقي علي...
    وطلــع بس مارديت على غدي عطيتها مشغول ودقيت لمازن ادري غدي بتمسكها علي بس ماصدقت ان احمد طلع وكنت حابه اسمع منه هو يكفي انه داق لي ...



    يضحك/هلا عمري كنت بزعل لو كلمتي غدي قبلي..
    ريمــاس/هي عندك..
    غــدي/اشرهه على اللي داق عليك بس خليه ينفعك!!
    كان حاطه على المايك عشان يقهر غدي لانها قالت بخرب عليك وبشرها انا بس ربي نصره سكر المايك/هلا قلبي...
    ريمــاس/مالك داعي ليه حطيت مايك (وماتت ضحك)
    مــازن/شاربه..
    ريمــاس/ايه شاربه هوى بشر عنك..
    بفرح/ابشرك امتيــاز...
    ريمــاس/انا ابغى نتيجتك انت!!
    مــازن/طايح من عينك انا...قلتلك امتيــاز.
    بجديه/مــازن...
    مــازن/اشرهه مو عليك علي انا...
    ريمــاس/تبي تفهمني انك حاصل على امتيــاز..بس لاتقول مع مرتبه الشرف!!...
    عطى تليفونه لبدر/هههه وراك ماصدقتي صح كلنا انصدمنا بس هو يعجبك لا حط شي في باله!!
    تضحك/جد ..طيب وانت
    بــدر/امتيــاز مع مرتبة الشرف
    بفرح/مبروك تستاهل
    بــدر/الله يبارك فيك وحمدان بعد امتياز ومجدي امتيــاز ومرتبة شرف وغدي وميشو امتيــاز منخفض!
    ريمــاس/زين واجد عليهم بارك للكل وسلم عليهم... وش شعور البنات
    بــدر /بغوا يستخفون ومازن يعني اني اعلى منهم يقول وش تفرحون عليه من زينها!!
    ريمــاس/ها ها ها ها...
    بــدر/يالله مابقى الا انتي..
    ريمــاس/الله يعين دعواتكم..
    بــدر/ الله يوفقك...
    ريمــاس/اميــن هاه بدر وين مزون!!
    تورط/ااا راح يمشي ولد عمه بالجامعه...
    وسكرت ريماس لكن الصدق مازن ماكان مع مهند !!...
    םםםםםםםםםםםםם


    السعوديــــه..
    ؛،.» بيت أبوهيثـمـ «.،:
    ===========
    ...عزم هيثم معتز بعد الدوام ورجع معه للبيت...
    أم هيثــم/هلا وغلا ماتقول عندي خاله اسأل عليها!!
    معتــز/حقك علي ...
    حب راسها ودخلوا مجلس الرجال يتقهون لحد مايجهز الغدا
    وبعد الغدا استاذن ابو هيثم بيدخل ينام وراحت ام هيثم وحتى رينـاد راحت تشوف تركي
    معتــز/مادق عليك مازن؟
    هيثــم/لا..بس يمكن للحين ماخذا شهادته!!
    معتــز/البارح يقول باخذها قبل الظهر!
    طلع جواله عشان يدق لان جوال معتز مقطوع حصل 3 مكالمات فتحها طلع مازن/اوف
    معتــز/وش صاير!
    هيثــم/مازن داق ثلاث مرات وجوالي كان على الصامت
    معتــز/زين ذكرنا دق له
    بس دق جوال معتز طلع مهند...خلاص خلاص دقوا...
    /هلا مهند..
    مهنــد/هلا ابو ندى
    معتــز/بدري دقيتوا
    مهنــد/شنسوي جوالك مايمسك وجوال هيثم مايرد عليه ودق مازن على امه ومسك اخيرا والحين قاعد يكلمها...
    معتــز/طيب بشر عنه..
    مهنــد/تصدق نسيتني!بس تطمن رفع راس ابوه امتيــاز
    معتــز/زين...لحظه..
    يكلم هيثم/ مزون خذا امتيــاز...
    هيثــم بفرح /صــدق
    معتــز/هاه مهند وينــه للحين يكلم...
    مهنــد/لاهذا هو سكر
    معتــز/اوراقه خلصت؟
    مهنــد/ايه كل شي تمام وحجزنا بكره!!
    معتــز/اوف ليه طايرين..
    مهنــد/وش نجلس نبي!
    معتــز/ولو حللوا التذاكر..
    مهنــد/حللها ابو معاذ ماقصر...
    ودق جوال هيثــم..
    هيثــم بفرح/مرحبــا
    مــازن/ههه ابشرك امتيــاز
    هيثــم/مبروك حبيبي تستاهل..
    مــازن/الله يسلمك والله دقيت لك حتى قبل امي وابوي بس مارديت!
    هيثــم/ماعليه قلبي اهم شي بيضتها..
    مــازن/شوف طيارتنا بكره برسل لك الوقت بالظبط لاسكرت... الحين بدق لخالي ابشره بس عسى امي ماسبقتني!!بــــاي
    هيثــم/الله يحفظك سلم على مهند وبدر..
    مــازن/يوصل ..
    وسكـــر ...
    قام هيثــم يبدل ملابسه بعد ماأستاذن...
    طلع لغرفته وقابل بشاير و سألها عن ميهاف..قالت ماتدري..
    نزلت بشاير عند امها في الصاله بس مالقتها ودخلت المطبخ لقت ميهاف وقالت لها ان هيثم يدورها..طلعت ميهاف تدوره لقت ريمان في الصاله تكنس وسألتها عنه قالت طلع للمجلس
    ¶ ¶¶ ¶¶ ¶¶ ¶¶ ¶¶ ¶

    ... لقته مطفي النور و منسدح على الكنب وحاط يديه على راسه
    /هلا هيثم وش عندك...
    /............
    جلست تطالع التلفزيون..
    انصدم يوم سمع صوتها كان مغمض بتعب فتح عيونه يتأكد انها هي طار من الفرح هذي عقوبه اخوانها ماخلوه يكلمها وشافها وبعد هي اللي جايته...
    ميهــاف/تدري مازن نجح وبيجي بكره..
    معتــز/..........
    توقعت انه نام من جد وراحت له تأكد سحبت الستاره اللي فوقه حست انه يكذب/مداك تنام وتوك سألت عني..
    طمنت له بعد مافتحت الستاره ونورت الدنيا.. انصــــــــدمت
    انعقد لسانها وقف الدم بعروقها وقفت تطالعه وهو ماتحرك بس يتأملها...انتبهت لنفسها وصدت بسرعه عشان تروح مسك يدها ووقف وسحبها له
    نزلت راسها لو قرب شوي منها سمع نبضها...
    معتــز/مامليتي من الانتظار!!
    ماردت عليه حاولت تسحب يدها بس ماقدرت./تكفى اتركني!
    سكر على يدها بقوه لدرجه آلمتها رفعت راسها له/الله يخليك..
    تغيرت كثير عن اول حتى مدح ريناد لها يعتبر ظلم في حقها ماوصفت ربع جمالها كانت روعه بختصار سحرته بلهفه/ماراح اتركك لين يشوفك هيثم معي عشان يعجلون بالزواج..
    خافت انه جاد بتوسل/ارجوك معتز اتركني...
    حطت يدها الثانيه على يده تحاول تفكها من يدها...
    ضحك وقرب منها/ياحلو اسمي على لسانك... ليش خايفه!..
    /..........
    معتــز/مارديتي مليتي الانتظار مثلي ..ترا جد ماأقدر اتحمل اكثر
    ميهــاف/!!!
    قرب منها ودفته وضحك همس لها/ماوحشتك!!
    سحبت يدها ورفعت راسها شافته من قريب انعقد لسانها من وسامته يارب وش هالحلى حست بحراره بجسمها وقلبها زادت دقاته ابتسمت تغطي خوفها...
    حس برعشه يدها بيده رفع يدها وحطها على صدره بس سحبتها من يده ومسكها ...
    معتــز/تبغيـن تروحيـن..
    هزت راسها بمعنى ايه
    قرب عشان يبوسهاو دفته مسكها غصب وباسها على خدها دفته وابتسم سمعوا صوت هيثم ينادي لها لفت للباب وصدت له بخوف بس قبل لاتكلم....................
    .................................................. .................................................. .................................................. ..........
    ........................................
    ........................................
    ...فك يدها طلعت للحديقه من دون تلتفت له ..
    دخل هيثــم /عسى ماطولت عليك؟
    معتــز/لاخذ راحتك كنت منسدح ودق لي واحد من الربع سيارته متعطله وبروح له...
    وصله هيثم للباب ورجع عند بشاير وسألها عن ميهاف قالت طلعت فوق ...
    من مشت عنه مو مصدقه اللي صار ابتسمت وهي تطالع انعكاس صورتها في المرايه تذكرت شكله وملامحه..ياحظي فيك يامعتز رفعت يدها اللي مسكها وباستها وشمت عطره فيها...تذكرت يوم قال انه مايقدر ينتظر اكثر من كذا كان منتهي لو الكيف كيفه خطفني ماشاور ياليته صدق سواها انا بعد مليت بس شسوي بالظروف ...طمــرت من الرووووعه...
    كان هيثــم يدق الباب/ميهاف
    خافت ان معتز قال له بس تذكرت انه كان يبغاها من قبل وتصنعت الهدؤ/ادخل مفتوح.
    هيثــم/مشغوله!
    /لا
    جلس على السرير
    ميهــاف/آمر
    هيثــم/بنسوي حفله لمازن وحركات بتساعدينا!!
    ميهــاف تستدلخ/من انتوا...
    هيثــم/انا ومعتز وش رايك..
    ميهــاف/حطوا حاجه يحبها!
    هيثــم/مثل ايش؟
    ميهــاف/مدري بس شي يتمناه ماقدر يحصل عليه!
    هيثــم/مافيه الا عنوده اجل!!
    ميهــاف/هههه لاغير هذي...
    هيثــم/فكري حنا تعبنا مالقينا الاحفله...
    ميهــاف/طيب حفله احلى بس من دون يدري..
    هيثــم/اجل من مسوينها له دامه مايدري؟
    ميهــاف/اقصد يالفهيم مايدري عنها الاوانتوا تدخلونه!!
    هيثــم/حلو..بس وين نسويها؟
    ميهــاف/في البيت..
    هيثــم/ادري في البيت في اي مكان؟
    ميهــاف/في المقلط لانكم بتكونون في المجلس اول لحد ماتجمعون بعدين تدخلون سوا !!
    هيثــم/صار..
    ميهــاف/عندي شرط..
    هيثــم/وشهو.
    ميهــاف/تصورها بكمره فديوا..
    هيثــم/O.k‏ بس استعجلي بيكون هنا بكره الساعه 9 في الليل..
    ميهــاف/خاف مايمدينا!!
    هيثــم/ إلابيمدي..بنروح العصر لسوق نجيب اللي تحتاجينه ونشتري هدايا له
    ميهــاف/خلاص بعد الصلاه بكون جاهزه...
    طلع هيثـم وجلست تكتب وش بيحتاجون دخلت بشاير و علمتها بخطتهم...

    םסם
    סםסםס
    םסםסםסם

    ... دخلوا محل هدايا ياخذون هدايا لمازن بشاير خذت عطر مره روعه وهيثم خذا ساعه فخمه اما ميهاف خذت له مجسم من جبس على شكل ورقه مفتوحه وتحتها ورد ملون وعلى جوانب الورقه ..وخذت ورقه وكتبت له وش يكتب عليها وطلعوا من عنده يغلفها لحد مايرجعون...وراحوا لمحل ثاني شروا شموع في كاسات كرستال ملونه باشكال مختلفه


    ومفارش وسلتين حلاو نقاوه خاصه له ...
    بعد ساعه رجعوا وشافوا التذكار وعجبهم بعد ماكتب عليه وحاسبوا .....
     
مواضيع متشابهه
في منتدى العنوان التاريخ
القصص والروايات روايه رومنسيه بين السراب والحب نظره ‏14 أغسطس 2010
القصص والروايات روايه( في الغربه التقيــنا ) ‏12 فبراير 2010
القصص والروايات روايه توأم ولكن أغرب في الجامعة الأمريكيه!! ‏5 نوفمبر 2009
القصص والروايات ممكن روايه اجاثا كريستي ارجو الرد ‏15 يوليو 2008
القصص والروايات ×[..مــشـــكلــتي أهـــوآآهـ وحــبــهـ هــو مــجــننــي..]×, روايه سعوديه رووعه ‏1 فبراير 2008

مشاركة هذه الصفحة