1. مرحباً بك عزيزي الزائر في منتديات صقر البحرين
    يشرفنا أن تقوم بالتسجيل معنا إذا رغبت بالمشاركة في المنتدى.
    إذا كنت عضواً بالمنتدى فقم بتسجيل دخولك أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
  1. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى

    قصة الحب خالد

    الموضوع في 'القصص والروايات' بواسطة بـنت الخــاجه, بتاريخ ‏11 نوفمبر 2014.

    بسم الله الرحمن الرحيم


    الجزء الأول [1]



    عبير ..
    كانت قاعده على الكرسي ومجابلته ..
    ميوده يده بالقوه ..
    عينها في عينه .. وعيونها الصغيره تلمع بلدمووع.. بصوت مخنوق: ماعليك شر يبه !!
    ابتسم لها: الشر ماييج يبه ..
    باست يده بنعومه .. وطاحت دمعتها على يده ..
    دشت عليهم بازعااجها .. ام مبارك: عبوور ؟؟ انتي للحين اهني ؟؟ يالله بسرعه ينطرونج تحت !
    عبير التفتت عليها ببراءة: ان شاءالله ( بسرعه ردت تجوف ابوها .. توها بتتحجى .. وتقطعها ام مبارك بعصبيه): بتأخرينهم على حسابج ؟؟
    عبير بسرعه خذت شنطتها من عند الباب وركضت تحت بتروح المدرسه ..
    نزلت وراها بسرعه وسحبتها بقوه من زندها: ووقفي !!
    التفتت عليها وهي منزله راسها على زندها وتجوف يدها بدون ماتطالعها
    ام مبارك معصبه: سمعيني بقول لج .. اليوم خميس يعني برووكي بيي .. يعني خلج برا في غرفتج احسن لج عشان ياخذ راحته وليدي
    رفعت راسها تطالعها: ان شاءالله
    ام مبارك هدتها : يالله ذلفي ..
    عبير مشت بسرعه بتطلع ..
    ام مبارك تصارخ: نطري اليهال فلسياره ..

    عبير .. رفعت شعرها ال wavy - اللي واصل لي فوق كوعها – عن ويهها.. وركبت السياره بهدوء .. ماتبي تفكر فللي صار .. بس تحاتي ابوها ..
    شوي الا راكب بدر جدام .. قميصه مبطل .. وكشته قايمه .. عافس ويهه .. وركبت وراه اخته التوم .. بدور .. مرتبه بمريولها .. ورافعه شعرها .. اول ماركبت التفتت على عبير وابتسمت
    عبير باستها: حبيبتي انتي صباح الخير ..
    بدور ابتسمت ..
    عبير: شلونج ؟
    بدور: زينه ..
    عبير التفتت على اخوها: بدر شلونك ؟؟
    بدر من غير نفس: زين
    عبير: حبيبي البس حزامك !! كل يوم لازم اقول لك يعني ؟
    بدر التفت عليها: اولا انتي مالج خص تتحكمين فيني .. وبعدين امي قالت لي لاتسمع حجي عبووور
    عبير انصفق ويهه: ترى مابستفيد شي اذا لبست لحزام ولا مالبسته .. انا اقووللك جذي حق مصلحتك .. وبعدين عيب تحاجيني جذي انا اختك العوده
    بدر بدون مايجوفها: انا ماعندي خوات غير بدور
    عبير خذت نفس .. : لا اله الا الله
    بدور يودت يدها .. وبهمس عشان اخوها مايسمع: معليه انا اختج
    عبير ابتسمت: آيه عليج ..



    فلمدرسه .. البريك
    عبير وهي بتقعد عالدجه: واااي ماصدق !! يعني الخميس الياي نبتدي نهاائي !!!
    زين تقعد يمها: لاحظتي ؟؟؟؟؟ كلش مب مستوعبه
    عبير: لا انتي لاحظي ان هالكورس آخر كورس لنا .. يعني خلاااص بنتخرج !!
    زين متحمسه: اللااااي انااااااااسه !! حدي ابي الوقت يمر بسرعه !!
    عبير متكدره: زيووون جدولنا مأسااه
    زين: ويييي مأساه ولا غيره .. عادي اهم شي بنفتك ..
    عبير ابتسمت: افففف متى ايي تاريخ 3-6 !!! بسوي عرس
    زين: صج صج عبور شنسوي آخر يوم ؟؟
    عبير: مااااادري لازم نسويلنا شي فن
    زين توها مستوعبه: تعالي !! شخبار ال twins ؟؟
    عبير ابتسمت: الحمدلله بخير
    زين: واللي ماتتسمى ؟؟
    عبير: من ؟؟ امهم ؟؟
    زين: من غيرها؟
    عبير: مادري .. عادي يعني نفس كل يوم .. مافي شي يديد
    زين: مالت علييها .. قالت لج شي اليوم ؟؟
    عبير التفتت عليها: زيون شفيج ؟ عادي خليها تولي
    زين: اففففففف ماستحملها عبور حدي مابلعها مادري شلون انتي قادره تعيشين وياها
    عبير بضيق: ممكن نغير الموضوع بليز ؟؟
    زين: انزين انزين لتعصبين
    عبير: لا مب عن اعصب بس ماشتهي اسولف عنها ..
    زين توها متذكره: اووووووووه تعالي !!
    عبير: همم ؟؟
    زين: ابوج شخباره ؟؟ تدرين امس كنت بتصل لج اسأللج عنه ومادري شصار ونسيت ؟
    عبير بضيق: والله تعبااااان .. وحدي احاتييه ..
    زين: محد مرّض ابوج غيرها هالساحره ..
    عبير: يارب يقوم بالسلامه .. المشكله اني ابي اروح له اليوم اجوفه .. بس
    زين تقاطعها: بس شنو ؟؟؟؟
    عبير: مبارك اليوم بيرجع لا
    زين: اي ادري ان مبارك بيرجع .. ريّانو اخوي بعد بيرجع وياه .. so what ؟؟
    عبير: لا بس .. ماتبيني ادخل البيت وهوه هناك .. يعني عشان مايستليم فيني
    زين: أمــا !! من صجج انتي ؟؟ لحظه انتي من صجج ولا من صجج ؟
    عبير: تعرفيني ماحب المشاكل .. ومابي ازيدها وابوي تعبان !!
    زين منقهره .. وقفت من القهر وجابلتها: سمعيني اهني .. كفايه انها مطلعتج من البيت .. والبيت بيت ابوج مب بيتها .. وبعد مابتخليج تجوفينه ؟؟ خوش خوش .. اكملت !!
    عبير وقفت: زيون قعدي فضحتينه !! شبلاج ؟؟ جانزين ماقلت لج !!
    زين: عبوور وويعه لاتصيرين غبيه !!!!
    عبير يودتها: زين حبيبتي قعدي .. هدي اعصابج شوي ..
    زين دزت يدها: مابي اقعد !! انا وحده مابي اقعد !! كيفي ؟؟ شحارج ؟؟ (قعدت ) المهم سمعيني ..
    عبير تخزها: توج ماتبين تقعدين !!
    زين تسوي روحها ماسمعت: اليوم اذا ماخلتج تجوفين ابوج بس طقيلي رنه وانا عند بيتكم واخليج تدشين غصب
    عبير ابتسمت: ان شاااااءالله من عيوني
    زين: انا من صجي .. بكلمج وبكلم ابوج من تلفونج الليله .. سامعه ؟
    عبير: آيه عليج ان شاءالله ولا يهمج
    زين: واذا بروك وامه قالولج شي .. بس علميني
    عبير تبي تسكتها: ولايهمج حبيبتي المهم بسألج
    زين تقاطعها: واذا قطت عليج كلمه ولا
    عبير تقاطعها: زين !! خلاص يا امي انسي الموضوع .. يصير خير الليله ( رن الجرس .. قامت ومدت لها يدها) يالله قومي لنتأخر

    بو بدر: لا بس خل تييب لي عصير برتقال
    ام مبارك توها بتطلع: ان شاءالله
    بو بدر: لحظه فايزه !!
    ام مبارك التفتت عليه: سم ؟
    بو بدر: سم الله عدوج .. بس اول ماتيي عبير خل اتيني فوق ..
    ام مبارك عفست ويهه: انزين (طلعت تصارخ) ميــــــري !!
    ميري يات ركيض من فوق: yes mam ??
    ام مبارك: سوي عصير برتقال حق بابا الحين
    ميري: ok
    ام مبارك: لحظه سمعي .. اليوم ابيج تودين غدا حق ماما مريم ..
    ميري: ok mam
    ام مبارك: وبعدين لاتنسين تيبين اليهال قبل
    ميري: ok
    ام مبارك : يالله روحي سوي العصير وتعاليلي غرفة مبارك خنرتبها
    ميري وهي رايحه : ok mam

    رن جرس الهده
    زين بسرعه خذت شنطتها وقطتها على ظهرها وسحبت يد رفيجتها ومشت
    عبير: ويي انزين نطري بعدل شعري !!
    زين مستعيله: اووه مادري من بيجوفج عاد !!
    عبير مصممه: دقيقه عاااد شنطتي بعدلها .. هييي (سحبت يدها بالقوه)
    زين وقفت بشعرها الكيرلي القصير اللي رافعته بتاج .. مجفسه يد قميصها .. وقفت تخز عبير من فوق لي تحت ..
    عبير ببراءة: فيني شي غلط ؟؟
    زين: متني شوي !! كل مالج وتختفين زود !! جوفيني انا شزيني !
    عبير: حرام علييييج !! مافي فرق بيني وبينج !!
    زين: جم وزنج الحين؟
    عبير تفكر: امممم .. 45
    زين: انا 54 .. جفتي الفرق؟؟ (تهز راسها) امشي لا امي تفضحني (سحبتها بقوه) امشي
    عبير: وه عليييج !!
    طلعوا برا المدرسه .. زحمه .. بناااات وسيايير وايد .. عبير تتلفت يمين يسار .. يمكن بالغلط اليوم يايها الدريول من وقت ..
    زين تتلفت: بووووو جوف امي !! جان وقفت عند بيتنه احسن !! تحب تمشيني فلشمس
    عبير: روحي لها بسرعه لتأخرين ..
    زين التفتت عليها: وانتي ؟؟ لي متى ان شاءالله ؟؟
    عبير ابتسمت: نفس كل يوم
    زين محتره: يعني الحين مدرسة اليهال أبعد من مدرستج .. وتطلعون نفس الوقت .. توديهم البيت عقب تييج ؟؟ شهاللعانه ذي ؟؟
    عبير: زيّون امج تنطرج !!
    زين محتره .. وهي ماشيه: بكلمج بعدين .. باي
    عبير: باي ..

    مرت نص ساعه .. والبنات كل مالهم ويروحون .. نص ساعه ثانيه ..
    محد بقى .. غيرها اهيا والناطور " security " .. حاطه شنطتها وقاعده .. تلعب في شعرها .. وميته من الحر .. شدعوه ؟؟ وينهم ؟؟ خذت شنطتها وحطتها على حظنها .. حطت كوعها عليها ويدها على خدها .. تنطر .. والشمس تطق براسها .. عينها على الساعه .. عيزت وهيا تنطر قامت بتشتريلها شي تشربه من البراده .. " الدكان " .. خذت لها ماي .. دفعت .. توها بتطلع ماكانت تطالع جدامها .. عينها على الماي .. تبي تبطل القرشه .. بطلتهاا في نفس الوقت دش عليها واحد .. وجافها جذي .. وهي ماتدري تمشي ودعمته .. وتبلل ثوبه شوي ماي.. بسرعه ردت على ورا ورفعت راسها .. بخوف ومب عارفه شتقول ولا شتسوي: آآسفه والله بس كنت ما .. بس .. امم .. سوري والله

    ماتبي تطول السالفه اكثر من الفشيله ماعرفت شتقول بسرعه نزلت راسها وطلعت ..

    اهوه تم واقف مكانه .. ماقدر يتحجى بولا كلمه .. تكهرب .. معقوله ؟؟؟؟؟؟ هذي اهيا ؟؟ ؟؟؟ بسرعه طلع وراها يبي يجوفها .. يسألها .. يحاجيها .. أي شي ..
    بس ..
    مالها اثر .. من طلعت جافت السواق وبسرعه ركضت وركبت .. وهي تنافخ من الخوف والتعب .. :وينكم لي هالحزه ؟؟
    بدر الدين: ماما يبي يودي اكل بيت ماما مريم
    عبير خذت نفس: لا اله الا الله .. " في خاطرها" شهالقلب اللي عليج مخيلتني فلشمس طول هالمده عشان يطق بيت امج ويوديلهم غدا ؟؟ ماشالله عليج !! الله يهديج بس ..


    فلسياره ..
    ريّان بشعره الكيرلي .. وكابس برشلونه .. ومجفس يد ثوبه .. قبل لاينزل: بتروح باجر الميلس ؟؟
    مبارك .. مايحب يطول شعره وايد ولا يخففه وايد .. حده عادي .. : اي ان شاءالله .. بكلمك باجر
    ريان بطل الباب: اووكي يالله فماالله
    مبارك بسرعه راح البيت ..
    دخّل سيارته .. وهوه داش الا عبير تتمشى داشه غرفتها " الميلس البراعي" ..
    مبارك بسرعه يناديها: عبير ؟
    عبير التفتت عليه: مبارك !!
    مبارك ابتسم وبسرعه راح لها: شلونج ؟ ( مد يده بيسلم عليها)
    عبير تطالع يده ومتردده ..
    مبارك بدلع: مابتسلمين علي ؟؟
    عبير مدت يدها: الحمدلله علسلامه !! شلونك ؟
    مبارك ميود يدها بالقوه: الله يسلمج ..
    عبير تطالع يده .. تبي يهدها ..
    مبارك ابتسم .. هد يدها: بدلي وتعالي نتغدى
    عبير تتذكر كلام امه: لاا لا ماشتهي آكل ..
    مبارك: افاا .. سبوعين الحين ماجفتج !! امشي امشي تغدي ويانه
    عبير متوهقه: لا مب عن بس
    مبارك يقاطعها: لا بس ولا شي .. يالله ننطرج (مشى عنها ودش البيت )
    دشت غرفتها بسرعه .. مب عارفه شتسوي .. بسرعه خذت تلفونها
    عبير: زيووون
    زين: هاااا
    عبير: لحقي علي
    زين: شصاير ؟؟ لتقولين توج راده ؟
    عبير: ايي تقريبا .. المهم
    زين: هاا ؟ شفيج ؟
    عبير: مبارك توه ياي
    زين: ايي ادري .. وصل ريانوو
    عبير: شخباره ؟
    زين: الحمدلله بخير .. دش بيرقد
    عبير: ماتغدى ؟؟
    زين: لا يقول تعبان عقب بياكل .. انزين شفيج ؟؟
    عبير: اووه نسيت .. مبارك يقول لي تعالي تغدي عندنا
    زين: so ؟؟
    عبير: اووه مافيني شدة امه !!
    زين: اووهووو انتي وأمه !! شعليج منها ؟؟ روحي ومره وحده تجوفين ابوج .. وذا قالت لج شي سفهي لها ولا جنج تسمعيينها
    عبير: تهقين ؟؟
    زين: اي اي روحي .. واذا مارحتي بتولين
    عبير: زيوووون اخاف !!
    زين بثقه: لتخافين انا وياج
    عبير: ها ؟
    زين: يعني تخيلي اني انا وياااج ..
    عبير ابتسمت: انزين ولا يهمج
    زين: الحين تسبحي وبدلي ثيابج وكشي شعرج وروحي
    عبير: اووهوو اخااف
    زين: يالله عاد !! لتدلعين ؟ وايد عطيتج ويه !!
    عبير: اوهوو انزين انزين .. يالله بكلمج عقب
    زين: اووكي يالله باي
    عبير: باي

    مبارك عقب ماسلّم عليهم ..
    ام مبارك: يالله يمه نتغدى
    مبارك: بننطر عبير
    ام مبارك عافسه ويهه: نعم ؟؟
    مبارك خذ بدور عنده: شلوونج انتي ؟؟
    بدور بدلع: زينه .. شيبت لي هديه ؟
    مبارك: لين ركبنا فوق بعطيج ..
    ام مبارك وقفت: يالله غدا
    مبارك وقف : انا بمر على عمي رياض فوق .. (التفت على اخوه) بدر اذا يات عبير نادني
    ام مبارك منقهره : مبارك !!
    مبارك مارد عليها وركب فوق .. دش على عمه ..
    بوبدر كان منسدح علسرير ويقرا الجريده ...
    مبارك: الله بلخير !!
    بو بدر نزل الجريده: مبارك !!
    مبارك راح يسلم عليه: شلونك عمي ؟؟ اشوى ان شاءالله
    بوبدر: والله شوي احسن .. بس للحين
    مبارك: ماعليك شر ان شاءالله .. تبي اودييك المستشفى ؟
    بوبدر: لا يبه مافيني شي .. توك ياي ؟
    مبارك: اي بس وصلت رياان بيتهم وييت ..
    عبير بسرعه دشت غرفة ابوها وهي عينها برا تتلفت ماتبي احد يجوفها وبسرعه صكت الباب وانصدمت ان مبارك داخل .. : اووه .. سوري
    بوبدر: شفيج يبه ؟ فيه شي ؟؟
    عبير راحت تسلم على ابوها: ها ؟ لا يبه .. بس .. ولا شي .. شلونك الحين ؟
    مبارك حابس الضحكه .. كان ابين شكلها انها شارده من احد .. كان يبي يتسبب فيها : جفتي امي ؟
    عبير: ها ؟ لالا .. مادري يمكن كانت فلمطبخ (التفتت على ابوها) اشوى يبه؟
    بو بدر: الحمدلله
    مبارك: يالله عمي تنزل تتغدى ويانه ؟؟
    بو بدر: لالا بلعافيه .. انا تغديت الحمدالله .. انتوا روحوا تغدوا ..( التفت على عبير) يبه تعاليلي عقب ابيج
    عبير: ان شاءالله يبه ..
    مبارك قام : يالله عبوره .. ننزل ؟
    عبير بحيا: يالله ..
    نزلوا مع بعض .. عبير اهم شي جافت ابوها بس خلاص تبي ترجع غرفتها .. مشت بسرعه وجدمت تبي تطلع .. مبارك ناداها: عبير ؟؟
    عبير التفتت : سم ؟
    مبارك: وين ؟
    عبير: بس بروح ..
    مبارك راح يمها .. بهدوء: اذا مابتاكلين شي .. مب ماكل
    ام مبارك تصارخ: مبااااااااااااااااااااارك
    عبير توهقت: مبارك .. بليز روح ..
    مبارك: يعني يرضيج ماتغدى وانا طالع من الرياض من الصبح علريج وميت من اليوع .. ؟؟
    عبير متفشله: مبارك بليز !!!
    مبارك: عبير !! يالله عاد !!
    عبير متوهقه ومب عارفه شتقول
    مبارك يسحب شعرها شوي: بتيين ولا شلون؟
    عبير: آآي آآي ان شاءالله ان شاءالله بس هد شعري
    راحت وياه المطبخ .. ام مبارك من جافتها هدت صحنها ووقفت : انتي شتسوين هني ؟؟
    مبارك: يمه !!
    عبير متوهقه ..
    ام مبارك: يالله روحي غرفتج بسرعه واذا تبين غدا ميري بتييب لج عقب
    عبير ماتستحمل تبقى زود .. بسرعه طلعت ومبارك طلع وراها: عبير ؟ (بسرعه راح يمها عند الباب) لحظه !!
    عبير حابسه دموعها: مبارك بليز .. خلني اروح .. طلبتك
    مبارك مب عارف شيقول: خلاص روحي .. وبخليها تطرش لج الغدا .. بس توعديني تاكلين وماتحطين بخاطرج .. ؟؟
    عبير ابتسمت: ان شاءالله .. يالله روح بسرعه
    مبارك دش المطبخ: يمه !!
    ام مبارك: اكل وانت ساكت ..
    مبارك: يعني كل ما ارجع من السفر لازم تسوين لنا مشاكل .. (التفت على ميري) ودي لها غدا
    ام مبارك: شعندك اليوم انت ؟؟
    مبارك وهوه ينجب له الغدا: ماعندي شي

    عبير بسرعه من دشت غرفتها خذت التلفون بتتصل حق زين .. عيزت واهيا تتصل .. ماترد : افففففف ياربي .. وين راحت هذي ؟

    سلطان .. كان قاعد فلقهوه ويا رفيجه تركي .. سرحاااان ويفكر ..
    تركي يطل في ويهه: الوووو ..
    سلطان توه مستوعب: ها ؟ (يتلفت) شصاير ؟؟
    تركي: وين وصلت ؟؟
    سلطان: مارحت مكان
    تركي: انت فيك شي اليوم !! شصاير ؟
    سلطان: لا لا من قال ؟ مافيني شي كلش عادي
    تركي يخزه: شفيك ؟
    سلطان لا اراديا: جفتها
    تركي مب فاهم: جفت من ؟
    سلطان بهدوء: الكلام اللي بقوله لك بيني وبينك ومابي احد يعرف شي ..
    تركي استانس .. عدل قعدته: افا عليك سرك فبير .. من ؟
    سلطان: مابي احد يعرف .. وخصوصا الذيب
    تركي: اصلا انا ماجوفه وايد .. قول قول لاتخاف .. من؟ لحظه !! دام السالفه فيها الذيب !! ليكون ؟؟
    سلطان يهز راسه: ايييه !!
    تركي: مااصدق !! لالااا !! من صجك ؟؟
    سلطان: تهقى اقول له ؟ ولا اسكت وجن ماصار شي ؟؟
    تركي: سلطان ! انت اكثر واحد ويااه .. يعني تعرف شبيسوي فيك اذا ماقلت له
    سلطان خذ نفس: انا ابيه اهوه يجوفها .. خلني افكر في شي ..
    تركي: انت ليش مكبر الموضوع ؟؟ ييبها له او وده لها وخلاص .. اهمه يتفاهمون
    سلطان: انت وايد متسيهل .. ممكن تسكت ؟
    تركي يزعم معصب: قوم اطلع برا
    سلطان مب ماعطه ويه ...


    عبير .. رقدت والتلفون في يدها .. قحصت على صوت الباب .. بسرعه قامت بتجوف من .. بكشتها .. وهي تعرك عيونها .. بطلت الباب .. مبارك كان واقف ..
    عبير بقت عينها: امبيه !!
    مبارك: شفيج ؟
    عبير تجوف ساعتها .. تعرك عينها .. وتطل فلسما: من صجهم ؟؟
    مبارك: شصاير ؟
    عبير: صار ظلام !!!!!! شلون جذي ؟؟
    مبارك: المهم انا طالع .. بس كنت بذكرج ان عمي يبيج
    عبير خذت نفس: انا رقدت ونسيت روحي .. (جربت يمه بلعدال) امك وين ؟
    مبارك ابتسم: محد
    عبير شقت حلجها: اوكي ..
    مبارك: تغديتي ؟
    عبير: نسيت .. بس الحين عقب مانزل من ابوي باكل صدقني
    مبارك: انزين .. يالله انا ماشي .. تبين شي ؟؟
    عبير: لا سلامتك ..
    مشى عنها مبارك وبسرعه راحت حق ابوها .. كان راقد .. ماكانت تبي تقعده .. رجعت غرفتها .. بطلت دفتر مذكراتها .. وبدت تكتب ..


    " أمي ..
    حبيبتي الغاليه ..
    ماعرف شكتب لج الليله ..
    غير اني محتاااجة لج ..
    محد فاهمني غيرج ..
    محد حاس فيني غيرج ..
    يــــمه ..
    ابيج ..!!! "



    PS
    عبير .. عمرها 18 .. آخر سنه لها بالمدرسه .. بنت عايشه مع ابوها .. ومرته .. واخوانها التوم .. بدر وبدور .. ومبارك ولد مرت ابوها .. امها متوفيه من يوم كانت صغيره ..



    اليمعه ..
    سلطان قاعد ويفكر .. باله مشغول .. ومب عارف شيسوي ..
    ذياب لاحظه .. التفت عليه: سلطان ؟
    سلطان مانتبه ..
    ذياب: سلطااان ؟؟
    سلطان توه منتبه: سم !!
    ذياب: يخي شفيك ؟؟
    سلطان: انا ؟ لا مافيني شي .. شفيني ؟
    ذياب: اسألك انا ..
    سلطان: لا مافيني شي .. عادي
    ذياب: اذا فيه شي قول .. تعرفني .. ماحب احد يلف ويدور علي .. احب كل شي يكون جدامي واضح ..
    سلطان متوهق: لا
    ذياب حس ان فيه شي .. عدل قعدته وجابله: جوف انا مابحن عليك .. تعرفني ماحب الحنّه .. وقت اللي تبي تقول قول ..
    سلطان وقف: انزين انا الحين بامشي
    ذياب: يعني مب قايل ؟؟
    سلطان: مافيه شي ينقال .. معليه انا مستعيل الحين ..
    ذياب: شعندك ؟؟ كل يمعه تيلس معاي لي الفير ؟؟ انطر للحين ماياو الشباب !!
    سلطان: معليه راسي يعورني انا بروح بيتنه ..
    ذياب: الله وياك ..
    سلطان بسرعه خذ تلفونه من على الطاوله وطلع من الميلس ..



    يوم السبت ..
    عبير قاعده عالسرير ويا الكتب والدفاتر والأورااق تدرس.. طق عليها الباب مبارك .. هدت الكتاب بسرعه وراحت تبطل الباب ..
    مبارك ابتسم: صباح الخير
    عبير ابتسمت: صباح النووور !! حياك !!
    مبارك: لالا مستعيل ابي اطلع عندي جم شغله ابي اخلصها قبل لاارجع الرياض .. بس قلت بسلم عليج
    عبير بحيا: الله يسلمك .. انزين .. اقدر اساعدك في شي ؟؟ (وهي تلعب في شعرها) قصدي اذا في
    مبارك يقاطعها: امممممم .. تقدرين تيين وياي عقب نشتري اغراض؟
    عبير بقت عينها وبحماس: أييي اكيييد !! افا عليك !!
    مبارك: ماتبين تدرسين ؟
    عبير: لا عادي بدرس الحين مو مشكله .. متى تبي نروح ؟؟
    مبارك: مب الحين .. يعني عقب المغرب .. لان بمشي فلليل انا ..
    عبير: اوكي صار .. ( بتردد) عاد .. اممم
    مبارك: فيه شي ؟؟
    عبير: بس .. اذا .. والله مب قصدي شي بس .. عادي ماتقول حق امك اني بروح وياك ؟؟
    مبارك من صجه: ليش يعني ؟ وبعدين ماجفتج تصيحين اليوم !! لازم اصيحج يعني ..
    عبير بقت عينها وبطلت حلجها وماعرفت شتقول ..
    مبارك فيه الضحكه: اتغشمر يبه شفيج !! خلاص ولايهمج مب قايل لها شي ..
    عبير خذت نفس: وه طيحت قلبي
    مبارك ابتسم: يالله روحي درسي .. اذا تبين شي قوليلي ..
    عبير: ان شاءالله
    دشت وصكت الباب .. توها بترد تدرس الا صوت الباب مره ثانيه .. راحت بسرعه بطلت الباب الا ميري واقفه ..
    عبير: ها ؟ في شي ؟؟
    ميري تهز راسها: madam
    عبير: تبيني ؟؟
    ميري: yes
    عبير: شتبي ؟؟
    ميري: I donno
    عبير هدت اغراضها وراحت .. دشت البيت وهي تتلفت .. تدورها ..
    جافت مرت ابوها قاعده .. حاطه ريل على ريل وتقرا الجريده ..التفتت تطالعها بنص عين : عبوور؟
    عبير: نعم ؟
    ام مبارك: سمعيني .. ابيج تدرسين اليهال .. انا بطلع ويا فوزية
    عبير: ان شاءالله
    ام مبارك: يالله بسرعه روحيلهم فوق ..
    عبير تحاتي دراستها .. وقايله تبي تكمل من وقت عشان تروح ويا مبارك .. ركبت فوق بسرعه عند اليهال .. كل واحد منسدح ويلعب فل PSP ,,
    عبير: صباح الخير !!
    محد ماعطها ويه ..
    عبير: بدر .. بدور .. امشوا بدرسكم
    بدر معصب: مانبي ..
    عبير: امك قالت لي ادرسكم .. امشوا ..
    بدور: مب الحين بعدييين نبي نلعب
    عبير: يالله عاد !! شعليكم؟
    بدور: مااث
    بدر: اصير تطلعين؟ ابي اكمل القيم
    عبير: لكم ربع ساعه .. اذا ماجفتكم عندي فلحجره بتولون ..
    نزلت عنهم بسرعه وراحت بتدرس شوي قبل لايوونها .. عقب نص ساعه نزلوا لها وقعدت تدرسهم ..
    عبير: يالله الحين اخر شي حلوولي هالتمارين وبخليكم تروحون ..
    بدر يتأفف: بس خلاص اعرف ..
    عبير: يالله آخر شي قلنا
    بدور بسرعه تحل تبي تروح تلعب .. دش عليهم مبارك .. بلعدال عشان مايقاطعهم .. وعبير تقرا كتابها على مايحلون التمارين ..
    تم واقف متسند علطوفه وعبير تقرا ولا تدري فيه ..
    مبارك بهدوء: وانا محد يدرسني ؟
    عبير رفعت راسها: مبارك ؟؟ من متى انت هني؟؟
    مبارك راح قعد يم بدر: توني .. (يطل في ورقته) بووو شمسوي انت
    بدر يخش ورقته: خلنييي انا اعرف احل
    عبير تجوف ورقة بدور: عفيه عليج .. شاطره
    بدر بسرعه يراوي عبير لورقه: عدل؟
    عبير تجوفها بسرعه: امممم .. متأكد؟؟
    بدر متملل: اوهوو
    مبارك رن تلفونه: الوو .. هلاااااا هلاا .. (قام بيطلع) ويين الناس !!! شدعوه عااد ؟ (طلع يتحجى برا)
    عبير: عفيه عليكم خلاص اذا تبون تروحون الحين روحوا ..
    بدر بطل التلفزيون: انا بتم اهني
    بدور قعدت يمه: انا بعد بجوف ويااك ..
    عبير قعدت تدرس وهمه يجوفون التلفزيون ..
    شوي الا ام مبارك داشه عليهم .. : عبوور ؟
    عبير بسرعه التفتت عليها تطالعها .. وهي ساكته ..
    ام مبارك معصبه: خوش دراسه !! (تصارخ) انا اللي قايلة لج تدرسينهم مبطلة لهم التلفزيون ؟؟؟
    عبير تبي تبرر: لا بس
    ام مبارك تقاطعها: جب !! قاعده انتي تدرسين واهمه هادتهم ؟؟؟؟؟ ( اهيا بروحها تبي تيود عليها شي عشان تزفها .. عفست غرفتها .. قطت الكتب علأرض .. دزت الطاوله .. بسرعه راحت صوب التلفزيون شالت وايرات الرسيفر وشالته وياها .. التفتت على عيالها) مابي اجوفكم اهني مره ثانيه .. بسرعه جدامي .. (التفتت عليها) صج انج ماتستحين على ويهج .. انانيه .. (التفتت على اليهال) انتوا للحين اهني ؟؟
    بسرعه اليهال طلعوا .. وهي راحت يمها .. يودتها من اذنها: يا انا .. يا انتي في هالبيت .. جليلة الحيا (دزتها علأرض وطلعت )
    عبير تمت ساكته .. عيونها متروسه دمووع .. " في خاطرها" ماصار شي يستاهل !! ولا هذي تبي الشاره عشان تزفني وتصارخ علي ؟؟ شدعوه انا شسويت الحين ؟؟ وليمتى ببقى جذي وياها ؟؟ لا اله الا الله .. الحمدلله على كل شي "
    رتبت اغراضها وردت تدرس .. يابت لها ميري الغدا .. تغدت وتمت تدرس .. اذن المغرب .. توها بتقوم اتصلي الا صوت الباب .. راحت تبطله
    مبارك واقف .. بطوله .. والثوب .. وشعره الخفيف ..
    عبير: الحين بنروح ؟
    مبارك: بس بروح اصلي فلمسيد .. اول مارجع بنمشي ..
    عبير بتردد: امم .. قلت حق امك شي ؟
    مبارك: لالا لتخافين ..
    عبير ابتسمت: اوكي عيل بصلي وبنطرك ..
    عقب ماصلت رن تلفونها ..
    عبير: الوو
    زين: عبوووور لحقي علي
    عبير خافت: شصاير؟
    زين : ماشتهي ادرس .. حدي حدي ماشتهي ادرس ..
    عبير: ويي شدعوه انا اللي اشتهي عاد !!
    زين: افف تدرين ؟ شكلي باحفظ كتاب الابراااج من كثر ماقراه
    عبير: اووهوو انتي عاد ويا الابراج .. ماتمللتي ؟؟
    زين: لا ولا بتملل .. في كتاب بعد ريانو قالي بيشتريلي اياه .. انااسه
    عبير تتطنز عليها: ماتجوفين شر
    زين من صجها: تبين اقرالج شي ؟؟
    عبير: لا حبيبتي مشكوره .. روحي درسي احسن لج ..
    زين: شلونج انتي ؟
    عبير: ابي اجوف ابووي
    زين: جوفيه !! من ميودج ؟
    عبير: افف انطرها تلهى شوي ..
    زين: ويي غبيه انتي .. دشي ولا عليج منها
    عبير: ايي عقب مارجع ان شاءالله
    زين: ويين على الله ؟
    عبير: بروح ويا مبارك يبي يشتريله جم شي ..
    زين: انتي ومبارك بروحكم؟
    عبير: اي شفيها ؟؟ وبعدين مبارك مثل اخووي العود
    زين: خوش شي .. والساحره تدري ؟
    عبير: لاا لاا ماتدري
    زين: واهوه مايعرف يشتري اغراضه بروحه ؟
    عبير: انزين شفيها اذا رحت وياه ؟ بروحي ابي اغير جو شوي ..
    زين: لا .. مافيها شي .. روحي ابوي روحي ..
    عبير: يالله خل ابدل اخاف ايي الحين .. بكلمج عقب
    زين: اووكي مو مشكله .. انا بعد بروح اقعد ويا ريانو قبل لايمشي ..
    عبير: اوكي .. سلمي عليه
    زين: الله يسلمج .. يالله باي
    عبير: باي

    سلطان يتحجى فلتلفون : ويينك ؟؟
    تركي يعدل شعره: بطلع الحين
    سلطان: وين رايح ؟
    تركي: الميلس
    سلطان: انزين اطلع لي انا برا
    تركي: اوكي يايك ..
    شوي وطلع له ..
    سلطان نزل الدريشه: اركب
    تركي: صاير شي؟
    سلطان: اركب بس ..
    تركي ركب جدام وصك الباب: شفيك ؟
    سلطان: لا بس بروح وياك الميلس ..
    تركي: انزين .. عيل مر البراده ابي اشتريلي جم شي
    سلطان: مب حزتك ترووك
    تركي: يه !! جان خليتني اروح بسيارتي عيل ؟
    سلطان: انزين يالله رايحين .. حنّاان

    عبير ومبارك فلسوبرماركت
    مبارك يدور ويحط الاشيا اللي يبيها ..
    عبير: دقيقه باييب لي شي وبايي
    مبارك: اوكي
    عبير راحت صوب الآيس كريم .. رن تلفونها ..
    عبير: الو
    مروه: عبوور ؟؟
    عبير: مرووووو آيه عليج !! شلونج ؟
    مروه: اوكي تمام شلونج انتي ؟
    عبير: الحمدلله بخير .. ويينج !!
    مروه: انا اللي ويني ولا انتي ؟
    عبير: آيه عليج شسوي .. انتي بعد ماتبينين !!
    مروه: شسوي !! متى بتاخذين جدولج ؟
    عبير: امممم مادري .. بجوف زيّون .. انتي ؟
    مروه: اذا بتروحين قوليلي بروح وياج
    عبير: اوكي مومشكله ..
    (وهي تسولف خذت لها آيس كريم وراحت تبي تاخذ لها شي تشربه .. راحوا سلطان وتركي صوبها .. سلطان بطل الثلاجه بياخذ بيبسي جافها واقفه تسولف بالتلفون .. وقف .. تكهرب .. وهي مالاحظت .. تركي جافها وبق عينه .. والتفت على سلطان اللي باق عينه يطالعها ..)
    عبير: لاعااااد شفيه يوسف !! خل ينطر شوي !! مايمدينه نشتري !!
    مروه: شسوي فيهم !! عيزت وياهم
    عبير التفتت بتمشي جافت سلطان وتركي واقفين مجابلينها .. وقفت مب عارفه شسالفه ..
     
    جاري تحميل الصفحة...
    من مواضيع العضو
    :
  2. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    ][ الجـــزء الأول ][


    في المستشفى
    الدكتوره (توها داشه) : شلونج الحين ؟
    ريم ببراءة :الحمدلله
    الدكتوره (تطالع السيلان): معليه جريب يكمل .. نص ساعه وخلاص
    ريم ابتسمت
    الدكتوره من صجها: بكتب لج الأدويه واعطيهم ابوج ..
    ريم (عفست ويهه): بعد أدويه ؟؟
    امها توها يايه .. حبة راس بنتها : شلونج يمه الحين ؟؟
    ابوها دش وراها : ها ابوي .. تأخرنا عليج ؟
    ريم ابتسمت: لا عادي
    بو فيصل: شنسوي يبوج الطريج زحمه .. اشوى الحين ؟
    ريم مبتسمه: الحمدلله
    الدكتوره: يا بوفيصل هذي وصفة الأدويه .. عندنا صيدلية تحت
    بوفيصل خذ الوصفه: مشكوره وماقصرتي
    الدكتوره تطالع ريم: بس ماوصيكم .. الله الله بالأكل
    ام فيصل تحاجي بنتها: سمعتي ؟؟
    ريم مب عاجبها: يـمه !!
    بو فيصل بدا يعصب: شنو يمه ؟؟
    الدكتوره راحت يمها: مايصير تاخذين الأدويه وبطنج خالي .. لازم تاكلين .. وجبه عدله مب خرابيط
    بوفيصل يتطنز: الا جان ودج ترجعين اهني بعد كيفج
    ام فيصل: لا لا شترجع ؟ بتاكل ان شاء الله انا بوقف على راسها عدل
    ريم تحاجي الدكتور وهي تطالع السيلان: بس لا !!
    الدكتوره: تمللتي ؟ نطري بنادي السستر تعطيج أبره
    ريم طلعت عينها: ابره ؟؟؟؟؟؟ شلا بعد ؟؟ لا لا مابي .. (تحاجي امها) يمممه جوفيها ؟
    الدكتوره تضحك : هههههه أتغشمر ..
    رن تلفون بو فيصل: هلا يبه .. لا لا اكا بنطلع بس ناخذ أغراضها ونمشي .. ماتقدر تاخذها ؟ لا ابوي مانقدر .. اخاف نتأخر عليها .. اطلع انت مر عليها .. فما الله
    ام فيصل: اي وعليه نجودي بتسويلنا سالفه الحين
    بوفيصل: الله يستر من لسانها
    ام فيصل: لا وعليه بنتي ..
    ريم:قولوا الله يعين الفيص عليها
    ام فيصل: بسس عاد بس ..
    الدكتوره شالت السيلان .. قبل لاتطلع: ماوصيكم عليها .. ( تحاجي ريم) ماعليج شر
    ريم ابتسمت: الشر ماييج



    في السياره
    نجود ركبت السياره وهي عافسه ويهه
    شيلتها طايره والمريول معفس والقميص رافعته ..
    وفيصل كان لابس ثوب ومجفس يده وشعره موديه على وره .. شوي طويل نازل لي نص رقبته ..
    فيصل يطالعها: وعليكم السلام .. الناس يسلمون قبل .. السلام لله
    نجود من غير نفس: السلااااام .. استانست الحين ؟
    فيصل يمشي: عوووذ بالله منج
    نجود مب عاجبها: شيايبك انت؟
    فيصل رفع حاجبه: صج ماتستحين على ويهج .. (وهو يطالعها) تبين تحزرين اهني لي 4 ؟
    نجود تتطنز: يمه يمه خرعتني .. اقول .. لتطالعني جذي لو سمحت ..
    فيصل: اقول جب مافيني شدتج
    نجود رفعت حاجبها: عشتوا .. كيفي
    فيصل طوّل على صوت المسجل
    يات نجود وقصرّت
    فرص يدها بالقوه .. وطوّل
    نجود : ااااااااااااخ .. عبالك مايعور ؟
    فيصل تم يغني وجن مايسمعها
    نجود محتره: عبالك صوتك حلو ؟
    فيصل تم حاقرها طول الطريج

    ** فاصل **
    فيصل عمره 23 سنه .. وسيم .. جسمه عريض .. حنطي .. عيونه حلوه .. مب عوده ولا بصغيره ..
    له لحيه خفيفه .. جن اماراتي حلو [​IMG] .. طبعه هادي .. بس اذا تنرفز مشكله
    يشتغل .. اممممم
    ريم عمرها 19 .. تدرس فلجامعه .. ضعيفه .. بس جسمها حلو .. حنطيه .. حلوه .. مب وايد يعني لها ملامح حلوه .. وحليوه [​IMG]
    نجود عمرها 16 .. فلمدرسه .. ام لسانين .. محد يقدر على لسانها .. تشبه اختها ..
    ** فاصل **


    في البيت
    من وصلت حذفت شيلتها وشنطتها عند الباب وركبت حجرتها
    فيصل ركب حجرته
    شوي الا واصلين
    بو فيصل ميود الباب: حياج ابوي
    ام فيصل دشت وراها: تو مانور البيت يمه
    ريم استحت: بوجودكم يمه
    ام فيصل: وينهم مالهم حس ؟

    بوفيصل يأشر على الشنطة: جوفي بس .. الله يهديها بس
    ام فيصل: جاندرا .. في أغراض فلسياره وديهم حجرة ريم
    جاندرا: زين ماما .. مايبي قدا؟
    ام فيصل: نجبي الغدا ووديهم
    بوفيصل ينادي: فيصل .. نجود .. تعالوا تغدوا
    فيصل وهو نازل : ها .. ييتوا؟
    نجود نازله وراه .. تتطنز: لا للحين ..
    فيصل يخزها
    نجود لمت ريم: هاا المريضه؟ وحشتيني يالصفره .. (تطالع أخوها) كيفي ( من حاجاج ؟ [​IMG] )
    ريم ابتسمت : وانتي اكثر حبيبتي
    فيصل يسلم على اخته: الحمدلله على السلامه
    ريم حبته : يسلمك


    في بيت بو راشد
    اسماء لابسه شيلتها ودفتها
    وراشد لابس برمودا جينز وتي شرت بيج وكان مقرع ( رقم واحد) [​IMG]
    اسماء تصارخ : رشوووووووووووووووود
    راشد: ياي ياي
    اسماء عصبت: اففففففففف بنطرك فلسياره
    راشد ركض وراها : اف اف اف يالحنااانه انتي .. أعتذر
    اسماء ركبت السياره وركب وراها
    راشد: بلعداااااااااااال سيارتي !! جذي تصفقين الباب ؟
    اسماء: اللي يقول مادري شنهي عاد سيارتك ..
    راشد: تتطنزين ؟ زين مني مركبج .. نزلي يالله نزلي
    اسماء: راشد بليز تأخرنا !
    راشد: مب ماشي الا اذا تأسفتي .. وعليه عليها سيارتي هذهيه موديتج ويايبتج ولا ابين فعينج شي ؟
    اسماء تتطنز: آسفه ماقصد ..
    راشد: اقول نزلي بسرعه
    اسماء: راااااااااااشد !! بتذلني يعني بتذلني ؟
    راشد: يالله مشينا .. مايسوى علينه هالرفيجه
    اسماء تحره: كيفي
    راشد: يعني ماتعرفين تتصلين لها تقولين لها الحمدلله علسلامه ؟
    اسماء: لا
    راشد: لازم تجابلينها ؟
    اسماء: كيفي
    راشد: لا اله الا الله .. من الروضه لي المدرسه .. والجامعه .. الله يستر عقب
    اسماء: وه عليك يالحسود .. كيفنه
    راشد: بس سكتي عورتي راسي
    اسماء: الحين انت امتاك تسولف انا ماتحجيت !
    تموا ساكتين لي ماوصلوا بيت بوفيصل
    اسماء: شكرا
    راشد: العفو .. لين كملتي اتصلي مو تنسين روحج نفس كل مره
    اسماء بغباء: شكمل ؟؟
    راشد: اسوم يالغبيه .. بس بس لي دشيتي بيتهم بتفهمين
    اسماء: ها ؟
    راشد: مشا عنها
    اسماء تحاجي روحها: شيقول ذي ؟ شاكمل ؟؟! الحمدلله والشكر بس
    طقت الجرس وطلعت لها جاندرا ..
    دشت الا ام فيصل فلصاله بروحهه
    اسماء: السلام عليكم !!
    ام فيصل: هلا والله بالغاليه .. شلونج يمه ؟
    اسماء راحت تسلم عليها : الحمدلله .. (مستعيله) وين ريمو ؟
    ام فيصل: فوق .. روحي لها
    اسماء: ان شاء الله ..
    وهي راكبه فيصل توه نازل
    اسماء ركبت ماسلمت ولا اهوه سلم
    بطلت الباب وتصارخ : ريموووووووووووو يالخايسه
    صرخت بقوه صوتها انسمع تحت ..
    فيصل خافس ويهه: شفيها ذي .. صاحيه ؟
    ام فيصل: كيفها يمه شفيك عليها ؟
    فيصل: ختولي ..

    عند ريم
    ريم كانت لابسه بيجامة ناعمه ورديه فيها قطاوه ..
    واسوم من دشت فصخت دفتها .. كانت لابسه توب اسود وتنوره قصيره بيضه فيها ورود سود ورافعه شعرها
    ريم : وحشتيييينيي اسوم يالشاقول
    اسماء: شسويييي ريمو لو مب هالخايس جان رقدت عندج فلمستشفى ..
    ريم: آآيه عليج ماتقصرين .. شخبارج ؟
    اسماء: ماعليج مني انتي شخبارج ؟ اشوى الحين ؟
    ريم: الحمدلله بخير
    اسماء: كلتي زين ؟
    ريم: هههههه ياربي كلمن يسألني عن الأكل !!
    اسماء: لان يالخايسه ماطيحج غيره .. لو يدري عنج احم احم .. جان ياج ركض من امريكا
    ريم استحت: اقول سكتي بس ..
    اسماء: صج انج خايسه
    ريم: بس عاد !! شامه فيني ريحه ؟
    اسماء: سكتي لوّع الله جبدج .. اي صج !! على طاري الخياس
    ريم: ههههههههههه شصاير بعد ؟
    اسماء عفست ويهه: جفته .. ولاعت جبدي .. وبغيت ارجع بيتنه بسبته
    ريم: فصول ؟
    اسماء عافسه ويهه: من غيره يعني ..
    ريم: شعليج منه خليه عنج .. ليكون قلتيله شي
    اسماء: يخسي الا اهوه
    ريم: بس عاد بس ..
    اسماء: اووووووووووووووووووو يالخايسه .. توني مستوعبه
    ريم: انتي كله استيعابج بطيء !
    اسماء: لا بس مساعه الخايس .. لا بنغيرها .. الغبي يقولي لين كملتي كلميني !
    ريم: سو ؟
    اسماء: مافهمت ! .. قلت له شاكمل ؟ وقالي دشي داخل بتفهمين خخخ
    ريم: حظي انتي .. الله يعين ريلج عليج
    اسماء: جب جب .. وين نجودو؟ ماجفتها !
    ريم: يزعم تبي تدرس في غرفة فيصل .. بس اظنتي تجوف الحلقه .. حزتها
    اسماء: لتيبين طاريه افف بلعماله تلوعين جبدي يعني ؟
    ريم: من قالج تسألين ؟
    اسماء: ريمو ؟
    ريم: هاا !!
    اسماء: مايقولون ها .. يقولون نعم
    ريم: نعم الله عليج .. شفيج ؟
    اسماء: زفيت رشود مساعه وعليه
    ريم: متى مازفيتيه انتي ؟
    اسماء: شسوي ماعندي غيره ..
    ريم: الله يرحمهم حبيبتي .. ( ريم حستها بتصيح .. تبي تغير السالفه بأي طريقه) .. وي تعالي شخبار الجامعه ؟
    اسماء: مالت عليج وعليها
    ريم: ليش ؟
    اسماء: امس وزعوا أوراق المد تيرم .. شي
    ريم: هههههههههه جم يبتي ؟
    اسماء: 14 .. زين لا ؟
    ريم تتطنز: اي وايد زين ماشالله ..
    اسماء: جب علأقل أحسن من اللي يايبين 12
    ريم تضحك: انا ؟ ههههههههههههههههههههه شسوي كنت تعبانه
    اسماء: بس عيل سكتي لتطنزين !!
    نجود دشت عليهم ببيجامتها: ها السحّر !!
    اسماء: الساحره يابتها أمج
    نجود: اي ماقلتي شي غلط .. هذهيه اللي مجابلتج .. (تطالع اختها) كيفي
    ريم: ويهج عاد
    نجود: امشوا برا خنشرب جاي الضحى .. حلو الجو برا
    ريم: الضحى الساعه خمس ؟
    نجود بغباء: انا ماقلت الحين الضحى .. قلت جاي الضحى .. غبيه انتي ؟
    ريم: وشنو يعني جاي الضحى ؟
    نجود: اوهووووو شفيج ؟ الضحى صفة حق الجاااي ..
    ريم تتطنز: اها .. صح صح
    اسماء: أغبيه هههههههههههههه
    نزلوا يشربون جاي فلحديقه


    ** فاصل **
    اسماء عمرها 19 .. رفيجة ريم الروح بالروح .. بس حدها زااحفه .. مخديه .. بس شكلها حلو .. أحلى من ريم .. بيضه وشعرها أسود وقصير .. جسمها نفس ريم ودايما يتلابسون .. نفس السايز يعني
    راشد عمره 23 .. يشتغل .. وايد يسولف .. يحب يرسم .. مب حلو .. بس جذااب.. يعني فيه شي يجذب ..
    امهم وابوهم توفوا في حادث .. البيت خالي مافيه الا اهمه والخدامه
    زين اللي راشد يشتغل يصرف عليه وعلى اخته
    عمه بعد يساعدهم في مصروف البيت و معاش الخدامه
    ** فاصل **


    امريكا
    ولاية كاليفورنيا
    في الشقة
    كان لابس جينز فاتح .. وتي شيرت بيضه يده طويله .. مكتوب عليها FCUK .. وقاعد يتحجى فلتلفون[​IMG]k fine .. no no no .. I'll call u later .. bye
    عبدالله .. شوي متروس .. لابس تيشيرت سودا وبرمودا بيج .. : من ذي ؟ بالدقيقه يتصل ؟
    ناصر حط التلفون عالطاوله: خله عنك زين .. بترجع عيل ؟
    عبدالله دمعت عينه : يدتي نصور .. !
    ناصر حط يده على جتف رفيجه: الله يرحمها .. اهم شي تدعيلها
    عبد الله : الله يرحمها ..
    ناصر: متى طيارتك ؟
    عبدالله: الفير ..
    ناصر: ان شاء الله .. بوصلك انا
    عبدالله: لا لا مايحتاي باخذ لي تاكسي ..
    ناصر عصب: شنو مايحتاي انت بعد ؟ قلت لك بوصلك .. افا عليك بس تاخذ تكسي وانا هني؟
    عبدالله: نصور المطار بعيد شتوصلني الله يهداك
    ناصر معصب: عبود ؟؟؟ اسمع الحجي عاد
    عبدالله: انزين انزين كيفك .. عصبي !!
    ناصر: لا اله الا الله !!
    عبدالله: محمد رسول الله !!
    ناصر: انزين .. امش خنروح نتعشى .. وراك سفر
    عبدالله: ماشتهي آآكل
    ناصر: يعني بتم مب ماكل شي لي ماتوصل البحرين ؟ تدري اكل الطياره مب شي
    عبدالله: يالله انزين
    ناصر يضحك: عيار هالصبي !! توه مايشتهي .. اضعف شوي صاير شدبك !!
    عبدالله: جب زين لتخليني أهون الحين
    ناصر: أي امبلا بتهوّن .. خخخخخخ
    عبدالله: نصوووووووور جب .. يعني تبي تحرني يالرشيق ؟
    ناصر: لا لا افا عليك شدعوه ؟؟ بس قلت يمكن تتعلم مني يعني ..
    عبدالله : مابي اتعلم شي منك .. اقول يالله خنمشي
    ناصر: يالله
    في المطعم .. in-n-out
    ناصر يشيل الطماط
    عبدالله: جان قلت لهم مايحطون لك
    ناصر: نسيت .. مب مشكله
    عبدالله: شخبار الوالد؟
    ناصر: مساعه اتصل لي .. الحمدلله بخير
    عبدالله: وين اهوه الحين؟
    ناصر: لندن
    عبدالله: كلمتها امك ؟
    ناصر: ايي فديتها .. تصيح .. تقولي تعال لندن
    عبدالله: فقيره !!
    ناصر: شنسوي بعد .. اكل ونت ساكت

    ** فاصل **
    ناصر .. عمره 22 .. وسيم .. وايد فيه شبه من ولد عمه فيصل .. عصبي .. بس قلبه طيب .. يدرس في UCLA امريكا University of California, Los Angeles ويا رفيجه .. ابوه يشتغل في سفارة لندن .. كل مره يودونه مكان ..
    عبدالله .. رفيج ناصر .. دب [​IMG] .. حليو ..
    ** فاصل **

    يوم ثاني ..
    ام فيصل (وهي طالعه من المطبخ .. بجلابيتها والبشار مادري المشمر [​IMG]): ريم .. يمه روحي نادي اخوج خل يتغدى ويانه
    ريم (حاطه ريل على ريل تقرى المجله .. لابسه بيجامه صفره فاتحه .. التوب كت ومكتوب عليه LA SENZA.. وتحت برمودا مخططه أصفر واخضر): نجودو .. سمعتي شتقولج ؟
    نجود( قاعده تطالع التلفزيون .. لابسه بيجامه قصيره ورديه .. ساده بس مكتوب عليها LA SENZA ): والله قالت لج انتي .. سمعي الحجي ويالله روحي
    ريم( معصبه): ويعه لسان !! يبيله قص .. قلت لج روحي يالله
    نجود (ببرود): سوري .. مب رايحه .. روحي انتي .. (تطالعها) كيفي
    ام فيصل (معصبه): ول عليكم !! ماطلبت منكم شي .. ماتستحون على ويهكم ولا وحده تركب تناديه ؟؟ خلكم انا بروح
    ريم( تركض صوب امها): يمه .. يمه نطري .. بروح انا .. بس سكتي بنتج ام لسان
    نجود ( تتحلطم): انا أم لسان ؟ بس يزعم أكبر مني تتشرط علي ..
    ريم( وهي راكبه) : جب اسمعج
    نجود ( بلعدال): ويعه !!
    ريم: تويعج
    نجود( تلتفت عليها): انتي للحين ماركبتي ؟؟
    ريم: شعليج ؟
    ام فيصل: يمه نجود .. حبيبتي تعالي ساعديني
    نجود( تتحلطم): حبيبتي بعد قلبي .. اذا تبي مني شي كله تصبغ
    ام فيصل ماسمعتها: قلبي نجودي ..
    نجود: زين زين يمه كاني ..
    فيصل وريم دشوا المطبخ .. كان نازل بفانيلة وصروال [​IMG]
    فيصل: يمه شنو الغدا ؟؟؟؟
    نجود: فيصل .. يعني ماتشم الريحه ؟
    فيصل بهدوء: لا ..
    نجود عفست ويهه : فاااااااج !!
    ام فيصل: تعال يمه انجب لك
    نجود تقلدها بلعدال: تعال يمه انجب لك
    ريم: بس انتي ..
    نجود: شنو بس ؟ مافي حقوق انسان في هالبيت ؟ يعني ينجبون له واحنا لا ؟
    ام فيصل: هاتي يمه صحنج بلا حنه
    نجود استانست: اي .. هذي الأم السنعه
    فيصل يحاجي نجود: خاطري .. امنيتي فلحياه .. اجوفج ساكته
    نجود ابتسمت: حلم بلييس فلجنه
    ريم: آآآآآه !! شدعوه ؟
    فيصل: الحمدلله والشكر ..
    ام فيصل تحاجي ريم: ريم .. صحنج يمه
    ريم: خليه يمه انا بنجب لي ..
    ام فيصل: اي عشان تحطين لج هالكبير ولا تاكلين .. يالله بلا دلع هاتي صحنح
    نجود: عفيه الوالده .. صادتها .. ايه .. ايه المذر
    ريم: كيفي كيفي .. شحارج ؟
    نجود تحاجي اخوها: حبيبي الفيص .. ممكن تصب لي عصير ؟
    فيصل: اوووووه .. شصاير فلدنيا ؟ من وين ياتج الذرابه ؟
    نجود تحرك رموشها .. تبطل وتصك في عينها .. ابتسمت: يالله حبيبي .. ماتدش اللقمه الا اذا كان العصير منك فديتك
    فيصل ابتسم : يمه بنتج طالعه على من ؟؟ صبي لج بروحج
    نجود بدت تعصب: حبيبي يالله ..
    فيصل صب لها: سمي
    نجود: علينا وعليك..
    فيصل رفع حواجبه: توني اقول ذربه تعرف اتحجى .. حتى ماتعرفين تردين علي ؟
    نجود تاكل: كيفي
    ريم: مايتحجون والأكل في حلجهم .. لوعتي جبدي
    نجود: جب انتي .. اتعيلثين فيني عشان ماتاكلين ؟؟ (التفتت على امها) يمه جوفيها
    ام فيصل: بس عااد خلونه ناكل ..
    فيصل يبي يحر اخته: يمه سمعت النجد عندها يوم مفتوح
    نجود تغير السالفه: احم .. والله يا ام فيصل خوش طبخه .. تسلم يدج واااااايد ..بس وايد فيها بصل يعني هالمره لو تخلينه بدون بصل بوايد تصير أحلى ..
    ام فيصل: ان شاء الله
    نجود: لا يمه من صجي تسلم يدج
    فيصل: الله يسلمج .. اقول متى اليوم المفتوح؟
    نجود: والله يايمه العصير .. شي .. أول مره اشرب جذي
    فيصل: احاجيج ؟
    نجود قامت : الحمدلله .. شبعت
    فيصل: متأكده؟
    نجود: انسدت جبدي ..
    فيصل: قوليلي متى
    نجود: مافي يوم مفتوح اصلن أي يوم مفتوح ؟؟
    فيصل: علينا ؟
    نجود تساسره: اسكت مب جدام امي .. بذبحك
    فيصل: يمـه جوفي بنتج
    نجود بسرعه طلعت ..
    ام فيصل: خلها عنك انا اعرف اتفاهم وياها
    ريم: الحمدلله .. نعم الله عليكم
    ام فيصل: بلعافيه حبيبتي .. شبعتي؟
    ريم: اي الحمدلله



    في المطار

    ألا يارايح الديره
    وصيه وصلها عني
    ابيك تقول لهم مشتاق
    وبلغهم سلام مني

    خبرهم ظناااااني الشوق
    والغربة تعذبني
    نحل جسمي وقلبي ضاق
    أبات دمعي يسهرني


    عبدالله وهو لابس كابس مكتوب عليه LA .. قميص أسود (يحب الأسود) وجينز: تحمل في روحك
    ناصر لابس نفس الكابس .. تيشيرت عادي وجينز: انت بعد .. أول ماتوصل اتصل لي ..
    عبدالله: ان شاء الله .. بامشي وانت للحين ماقلت لي
    ناصر تنهد: آآآه .. ماقدر ..
    عبدالله: من أمس وانت تقولي (يقلده) بقولك شي خطير حده .. واخرتها ماتقدر ؟
    ناصر تم يطالع رفيجه وهو ساكت ..
    عبدالله: بتأخرني انت
    ناصر: ......
    عبدالله: تحجى
    ناصر يسلم عليه: تروح وترجع بالسلامه .. لاتنسى تطمني ..
    عبدالله: يه ؟
    ناصر مشى عنه ..
    عبدالله راح وراه : نااااااااااااااااصر !!
    ناصر: روح لتأخر ..
    عبدالله: يعني مب قايل ؟
    ناصر: بقول بس مب الحين .. السالفه طويله ويبيلها قعده .. لي رحت البحرين بقول لك
    عبدالله: وعد ؟
    ناصر ابتسم: وعد ..
    عبدالله: يالله عيل .. بااي
    ناصر: باي

    ناصر رجع شقته تعبان .. صلى الفير ورقد ..
    وعبدالله تم يفكر .. شكان ناصر يبي يقول له ..

    قام ناصر على رنة تلفونه .. الساعه 9 ..
    ناصر وصوته ابين راقد .. بزور يتكلم : الووو ..
    رقد والتلفون في اذنه
    فواز يصارخ: ناصر ؟
    ناصر بزور يبطل عينه: همممم
    فواز: ياخي بسك نوم ..
    ناصر: تعباااااااااان
    فواز: اقول قم لااجيك اتلك من فراشك
    ناصر: صاير شي ؟
    فواز: ربع ساعه وانا عندك .. خلك جاهز
    ناصر: بارقد
    فواز: مافييه .. يالله تراني جاي .. مع السلامه

    ناصر "في خاطره" صج متفرغ .. شعلي منه عاد .. بارقد

    شوي الا يرن تلفونه
    فواز: نصووووووووور ووجع !
    ناصر: ويعه ؟!!
    فواز: انا عارف بترجع تناام .. لكن مافيه
    ناصر: يخي شفيك علي والله تعبان .. بارقد
    فواز: بلا كلام فاضي .. شوي وانا عندك
    ناصر: دعله
    فواز: انت
    ناصر: اففففففففففففففففف .. قمت قمت
    فواز: هندي انا تقص علي؟
    ناصر: لا سعودي
    فواز: مالت عليك وعلى وجهك ..
    ناصر: قلت لك قمت
    فواز: مافيه ..أول اسمع صوت المويه
    ناصر: مويه فعينك .. جم مره اعلمك ؟؟ ماااي مااااااااي
    فواز يقلده : مووي مووي ..
    ناصر قام وراح صوب المغسله .. : سمعت ؟
    فواز: يالله اغسل وجهك
    ناصر يغسل ويهه: حنّان
    فواز: اي كذاا كويس ..
    ناصر يتثاوب: اعووووذ بالله من الشيطان الرجيم
    فواز: يالله خلك جاهز شوي وانا عندك
    ناصر: لحظه وين بتروحون ؟
    فواز: الشاطيئ
    ناصر يتطنز: الشاطيء؟ بيج بعد شاطئ شنو؟
    فواز: نعم ؟
    ناصر: اوكي اوكي يالله باي
    فواز: باي

    --
     
  3. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    الجــــزء الثانــــي [2]




    سلطان جرب منها وهوه عافس ويهه وعاقد حواجبه ويأشر عليها .. عبير شكت في روحها .. عبالها شي في شعرها ..يعني حشره او شي .. ويهه كان كلش غلط .. قطت التلفون والاغراض في الأرض وتمت تنفش شعرها وهي خايفه: شنو ؟؟؟ شفيني ؟؟
    سلطان للحين مشير .. وتركي مب فاهم شسالفه .. عبير ماقدرت تتحمل بسرعه ركضت وطلعت برا وهي تصارخ وتناقز وتكش في شعرها ..
    سلطان واقف مكانه مايدري شسوى ..
    تركي مب فاهم: الحين شصار ؟؟؟
    سلطان سحبه بيروحون لها: تعال تعال
    هدوا كل شي وركضوا وراها ..
    سلطان: لحظه !! لوسمحتي !!
    عبير ويدها على شعرها .. بخوف .. ومب عارفه توقف عدل .. : راح ؟ خلاص ؟
    سلطان فيه الضحكه: شنو ؟؟
    عبير بخوف: مادري انت مساعه تأشر !! شكان فيه ؟؟ نحله ؟؟( عفست ويهه) وزقه ؟ زهيوي ؟؟
    سلطان وتركي يضحكون: ههههههههههههههههههههههههههههههه
    عبير تطالعهم متفشله: شنو !!
    سلطان يبي يسويلها دقه مره ثانيه .. عفس ويهه ويأشر على صوب رقبتها ومسوي لايعه جبده .. وهي خايفه وتطق رقبتها جنها بتكش شي ..: هييييييي شنو !!
    نرفزهااا خلاها تنااقز وهوه ميت من الضحك عليها
    تركي انكسر خاطره: بس بس خلاص طار
    عبير خذت نفس: شنو كان ؟؟
    تركي يتطنز: شي غريب أول مره اجوفه .. مادري
    عبير متنرفزه: اففف .. (مشت عنهم .. حطت يدها على صدرها وهي ماشيه) يمه قلبي شلون يدق
    سلطان بسرعه: لحظه !!
    عبير التفتت ببراءة: همم ؟؟
    سلطان مب عارف شيقول: لا بس كنت بسألج اذا
    اهني طلع مبارك .. : عبير ؟
    عبير التفتت بسرعه: مبارك !!
    مبارك جاف سلطان وتركي وعطاهم بنظره: شتسوين اهني ؟؟ وليش قاطه تلفونج ؟؟ (راح يمها بلعدال) ماقلتيلي بتيبين شي وبتيين ؟
    عبير متوهقه: ايي انا شسمه بس .. عقب عقب بقول لك ..
    مبارك يخزهم ..بعصبيه: من ذلين ؟
    عبير سحبته داخل: لا ولا شي بقول لك عقب انت امش الحين
    سلطان تم واقف ماقدر يقول شي ..
    مبارك معصب: عبير من ذلين ؟
    عبير: وي مبارك هد اعصابك ماصار شي ؟؟ بقول لك السالفه عقب ..
    مبارك وقف: والله مب متحرك لينما تقولين لي من ذلين ..
    عبير خذت نفس: لا اله الا الله .. اوكي .. ان شاءالله .. كنت واقفه (توها متذكره) تلفوني عندك ؟
    مبارك: مب ماعطج اياه الا لين عرفت شسالفه
    عبير ابتسمت: ليش مكبر الموضوع
    مبارك رفع صوته: عبير ؟؟ بتقولين ولا شلون ؟ لاترفعين ضغطي بليز
    عبير: امبيه عصب !! انزين انزين .. (ببراءه) كنت واقفه احاجي مروو عاد وقفوا ذلين مجابليني وواحد منهم تم يأشر على شعري يعني الظاهر (وهي عافسه ويهه) فيه شي مقرف هلون وقمت اصاارخ وركضت برا عشان هالشي يطير واهمه ياااو وراي وقالولي بس طار .. بس !!
    مبارك عافس ويهه: شكان ذي الشي ؟؟ جفتيه ؟
    عبير بخوف: لااا بس الظاهر كان شي مب طبيعي .. (تعدل شعرها) يمه قلبي للحين يدق !!
    مبارك: وشكانوا يبون منج ؟؟
    عبير: لا بس كان يقوللي ان طار !! بس !!
    مبارك: اكيد ؟؟ والله ان كان في شي غير بروح انتفهم الحين
    عبير بقت عينها: شتنتفهم !! زين منهم قالولي الحين !! يمــــه الحمدلله ماجفته جان بحلم فيه !!
    مبارك يهز راسه: امشي امشي يالله خنخلص اغراضنه بلا كلام فاضي
    عبير: لحظه !! تلفوني ؟؟
    مبارك: اذا وصلنا البيت بعطيج
    عبير: عاد عاد عاد عطني اياااه بكلم مرووو
    مبارك مشى عنها: قلت فلبيت ..
    عبير راحت ووقفت مجابلته: بليييييييييييييييز
    مبارك: لاء .. (راح صوب الجاري اللي حاط فيه اغراضه) انا كملت .. تبين شي
    عبير يزعم مبوزه: لاء
    مبارك ابتسم: احسن
    عبير تبي تقهره: امبلا ابي .. (مشت عنه)
    مشى وراها .. خذت لها ايس كريم وحطته ويا الاغراض بدون ماتطالعه..



    سلطان ركب السياره والتفت على تركي: جفتها ؟؟
    تركي: اهم شي ان اسمها عبير !!
    سلطان يتطنز: يعني اكيد اسمها عبير !! شي يديد يعني ؟؟
    تركي: لا بس هالشي يخلينا نتأكد ..
    سلطان: يخي انا من جفتها ذاك اليوم عرفتها !!
    تركي فيه الضحكه: اماااا عبالها فيها شي !! انت شسويت لها ؟؟؟؟؟
    سلطان: لاحظت ؟؟؟؟؟؟؟ فقيره كسرت خاطري !!
    تركي من صجه: الحين شبتسوي؟؟
    سلطان: شرايك انت ؟
    تركي: ماادري !! بس خل ينطرها عند بيتهم ويحاجيها
    سلطان: من صجك انت ؟؟ نسيت شصار قبل ؟ ليش اهوه عيزان يطلع عنوان بيتهم مثلا؟
    تركي: لاا مب قصدي .. بس ..
    سلطان: اقوول .. انا من رايي ان مانقول له شي ..
    تركي بق عينه: من صجك انت ؟؟
    سلطان وعينه فلشارع: اييه ..
    تركي: اييه ؟؟ ها ؟؟ ولو درى ان احنا ندري؟
    سلطان: اوووه خل يولي زييين شتبيني اسوي له !! خلنا ساكتين هالفتره اذا حسيت ان الوضع تمام وممكن افتح معاه الموضوع بقول له .. لتخاف
    تركي: كيفك كيفك سو اللي بتسويه ..


    عقب مارجعت عبير البيت .. قعدت في غرفتها ترتبها وترتب اغراضها .. تبي تلفونها بس عند مبارك ومب راضي يعطيها اياه .. بطلت لها التلفزيون .. قعدت تفرر شوي ومن التعب رقدت وهي علسوفا..
    مبارك جهز اغراضه خلاص بيمشي ..
    يتحجى فلتلفون: يالله كاني بطلع ..
    ريّان: انطرك ..
    دش بيسلم على عمه ..
    رياض: بتمشي؟
    مبارك: ايي يالله .. (باس راسه)
    رياض: حط بالك علطريج .. بالسلامه ان شاءالله
    مبارك: الله يسلمك .. يالله فمان الله
    رياض: الله ويااااك ..
    مبارك نزل وامه قاعده تنطره ..
    ام مبارك: ها يمه .. اول ماتوصل كلمني
    مبارك: ان شاءالله يمه .. (باس راسها) تحملي فروحج وفليهال ..
    ام مبارك: ان شاءالله
    مبارك: وخلي عنج عبير ..
    ام مبارك عفست ويهه .. تطالعه بنص عييين
    مبارك تذكر تلفون عبير .. توه بيعطي امه بس .. هون . .يدري مابتعطيها ..
    ام مبارك: مريت عليهال ؟
    مبارك وهوه ماشي: ايي يمه .. يالله مع السلامه
    ام مبارك: الله يحفظك حبيبي
    قبل لايمشي راح حق عبير وطق عليها الباب .. كانت راقده .. راح السياره وخذ ورقه وكتب لها شي .. حطها مع التلفون عند الباب .. ومشى ..

    مروه تحااتي .. شفيييها صكت تلفوونها ولا ردت اتصلت !! شسالفه ؟؟ منسدحه عالسرير وريلها رافعتها علطوفه والتلفون في يدها ..
    يوسف دش عليها ميوّد الغتره: مروو ..
    مروه سرحااانه ولا تدري فيه
    يوسف رفع صوته: مروه !!
    مروه التفتت عليه: يمه بسم الله انت من متى اهني ؟
    يوسف ابتسم وعطاها نظره بريئة .. ومد لها الغتره
    مروه تتأفف: اففففففففففففففففف ماصدق !! يعني محد يعرف يكوي فلبيت غيري ؟؟؟ (عدلت قعدتها ورفعت يدها) يعلج يا كانتيوووو ريّل .. جانج شردتي وبلشتيني !!
    يوسف بلعدال: محد شردها غيرج
    مروه التفتت: نعم ؟؟
    يوسف يتبيله: هاا؟
    مروه: جنك قلت شي؟
    يوسف ابتسم: لاا ! انا ؟؟ متى ؟؟ يالله قومي
    مروه: يوسف عاد !! وين مهوووي عنك ؟؟ مره بالاسم ؟؟
    يوسف مستعيل: بتكوينها ولا شلون ؟؟
    مروه قامت وخذت الغتره: ييبها
    يوسف: حطي فيها نشا عاااد
    مروه مشت عنه .. وراحت بتكويها .. راح وراها .. حطت الغتره بتكويها .. التفتت عليه: وبعدين هالحزه بتطلع وين رايح ؟؟ مب توك راد من عندها؟
    يوسف: بييب ربعي من المطار .. وبعدين شلج شغل ؟؟
    مروه تكوي .. وعافسه ويهه .. تحاجي روحها .. " افف ماعنده الا يتأمر علي .. وبعدين تعالي .. شلا انا مكدره عمري على سالفه ماتسوى ؟؟ شفيها اذا كوييت ؟؟ الا اناااسه !! "
    تمت تغني واهيا تكوي ..وهي تصارخ: اللااااااااي اناسه انا قاعده اكوي االلااااااي فن حده فن .. (تغني) يالعيون اللي تصيب وماتسمي .. منك احب الجررح لو ماينتباارى .. بالعقل سمي وبالخفااااق سمي ..
    يوسف دش عليها: هي هي بلعدال لتحرقيينها !!
    مروه تكمل وجنها ماتسمعه : ايه احبك والغلا يسري في دمي (رفعت عينها تطالعه) والسهر ماقدّر عيون السهارى
    يوسف يهز راسه: ماتجوفين شر ..
    مروه كملتها بسرعه وعطته اياها: تفضل
    يوسف مستعيل: مشكوره
    مروه تحاااتيي عبيير .. اتصلت لها تلفونها مغلق .. " في خاطرها" مافي الا اتصل علبيت ..
    مروه: الوووو ؟؟
    ام مبارك: الوو نعم ؟
    مروه عفست ويهه " بل !! شهالصوت !!"
    ام مبارك: الوو ؟
    مروه بالغصب: مرت عمييي شلونج ؟
    ام مبارك عافسه ويهه: شعندج انتي بعد؟ شتبين ؟
    مروه تبي تحرها: مادريتي شصار ؟؟
    ام مبارك بحماس: شصار؟
    مروه: وييييي ماقالولج ؟؟
    ام مبارك: لااا شسالفه؟
    مروه: وييييي حزن لطه !!
    ام مبارك: بتحجين ولا شلون؟
    مروه: اول شي قوليلي عبوره وينهي ؟
    ام مبارك من غير نفس: جهنم
    مروه بلعدال: جهنم تاخذج قولي آمين
    ام مبارك: ها ؟
    مروه: لا اقول ماتدرين وين راحت؟
    ام مبارك: وان شعلي منها ؟؟ شعندج انتي الحين ؟
    مروه: ماعندي شييييي !! اذا قالولج السالفه خبريني ..
    ام مبارك: اي سالفه؟
    مروه: ولا شي يالله باي (صكت التلفون في ويهه)
    في خاطرها" افففففف مافي الا زيوون تدري عنها" .. اتصلت لها ..
    زين: الو
    مروه: هاا انتي
    زين: ها انتي
    مروه: شفيها عبور صاكه تلفونها ؟
    زين: مادري انا بعد عيزت اتصل لها .. يمكن تدرس وماتبي احد يزعجها
    مروه: تهقين؟
    زين: مادري !! ليكون سوت لها شي ذيج ؟
    مروه: امبيه !!!!!!!! تخيلي ؟؟
    زين: امبيه !! ليكون !!
    مروه: اففف مافيني شده احاااتي باجر علي امتحان
    زين: باجر تبتدون ؟
    مروه: اييي حدي ماشتهي
    زين: شعلييج عاد؟
    مروه: عربي .. انزين اذا كلمتج قوليلها تتصل لي ..
    زين: اوكي معليه ..
    مروه: يالله باي
    زين: بيباي

    عبير قحصت على صوت اذان الفير .. التفتت الا التلفزيون مبطل وهي راقده بثيابها .. بسرعه راحت تدور تلفونها .. تذكرت ان عند مبارك " في خاطرها" يااربي !! شلون اخذه منك الحين !!
    تيددت وصلت وبدلت ثيابها وانسدحت تبي ترقد .. ماقدرت .. عيزت وهيا تفكر .. قامت بتطلع بتشم شوية هوا .. بطلت الباب وداست على الورقه .. نزلت راسها تجوفها الا التلفون محطوط يمها .. حدها استانست وبسرعه خذته وخذت لورقه وقعدت عالدجه تقراها ..
    " عبير .. أول ماتجوفين لورقه اتصليلي ..
    أبيج
    . . . . . . . مبارك "
    عبير كانت مستغربه .. شفيه مبارك !! وشسالفته ؟؟ عادي اتصل له هالحزه ؟؟ اخاف ان راقد .. بطرش له مسج بس ..
    بطلت تلفونها جافت جم مسج ومسد كول من زين ومروه .. بس قالت بتكلمهم الصبح ..
    وكتبت المسج" هلا مبارك شلونك ؟؟ سوري بس توني جايفه لورقه .. اذا قاعد اتصل لي .. "
    " طرشت له مسج على رقمه البحريني بالغلط" ..
    دشت داخل وخذت دفتر مذكراتها وردت طلعت .. الجو ماكان حلو .. بس الهوى كان خفيف يطير شعرها ويحرك اورااقها .. السماا شوي شوي يتغير لوونها .. احمر .. برتقاالي .. أصفر ..ارجواني ..
    " آآه يمه .. ليتج معاي الحين .. الوان الفجر دايما تذكرني فيج يوم كنتي معاي ..وتعطيني امل .. وصبر .. بس من تيي الوان الغروب .. اعرف انج رحتي ومابترجعين .. " قطع تفكيرها صوت المسج من تلفونها .. بسرعه خذته تقراه .. كان مبارك .. "ماقدرت ارقد .. "
    بسرعه خذت التلفون واتصلت له ..
    عبير: الوو ؟
    مبارك فز من جاف رقمها: عبير ؟
    عبير بخوف: شفيك ؟
    مبارك: انتي اللي شفيج ؟؟
    عبير: مافيني شي !!
    مبارك: ماجفتي لورقه ؟؟
    عبير: امبلا !! بس طرشت لك مسج
    مبارك: مسج ؟ ماوصلني شي !!
    عبير: والله طرشت !!
    مبارك: ماوصلني؟
    عبير: والله العظيم طرشت لك !!
    مبارك بدا يعصب: يه ؟؟ اقول لج ماوصلني ؟ اجذب يعني؟
    عبير: لا عيل انا اللي اجذب؟
    مبارك: عبير !!
    عبير: مباااارك !!
    مبارك يبي يهدي روحه: متى طرشتيه ؟
    عبير: يعني من شوي ..
    مبارك: توج ماخذه التلفون ؟ تدريين انا طول الطريج انطر .. خفت احد خذاااه من عند الباب أو شي ..
    عبير: ويي انا مااكنت ادري .. المهم .. شفييييك ؟؟
    مبارك: شفيني ؟
    عبير: كاتب فلورقه تبيني .. شصاير ؟
    مبارك: لا ماصاير شي ..
    عبير: عيل شلا ماقدرت ترقد ؟؟
    مبارك: مادري ..
    عبير: وي مبارك صل علنبيي واقرا المعوذات وان شاءالله ترقد
    مبارك: وانتي ليش مارقدتي
    عبير ببراءة: ماقدرت ارقد ..
    مبارك يقلدها: وييي عبير صلي علنبييي واقري المعوذات وبترقدين
    عبير تضحك: لاا هههههه انزين ..
    مبارك: اقول لج شي ؟؟
    عبير: قوول
    مبارك : شي
    عبير: سخااااااااااااااااااااافتك !!!!
    مبارك: افاااا
    عبير: يالله قوم ارقد ..
    مبارك: شقاعده تسوين ؟
    عبير: ابد .. قاعده اجوف الشروق ..
    مبارك: اممممم .. عبير؟
    عبير: همم ؟؟
    مبارك: قومي رقدي باجر وراج دراسه ..
    عبير: الحين بقوم ..
    مبارك: سمعيني .. شدي حيلج .. كلها جم يوم وتفتكييين
    عبير ابتسمت: ان شاءالله
    مبارك: اذا نجحتي لج مني شي ..
    عبير: شي ؟ وشنو هالشي؟
    مبارك: انتي نجحي وانا اقوللج ..
    عبير: ان شاءالله .. يالله عيل تصبح على خير ..
    مبارك: وانتي من هله .. يالله درسي زين
    عبير: ان شاءالله .. مع السلامه
    مبارك: الله يسلمج ..
    مبارك صك التلفون وتم يفكر فيييها ..
    ريان حذف عليه الموسده ..
    مبارك التفت عليه: شتبي انت ؟
    ريان: ممكن تصك الليت ؟ ابيي آآرقد
    مبارك: تبي قوم صكه
    ريان مغطي راسه بللحاف: مباااااارك بتطير النوده اذا قمت .. يالله
    مبارك تلحف والتفت: مب قايم
    ريان: اففففففف (قام) بردها لك

    مرت ايام الامتحانااات صعبه عليهم .. عبير .. وزين .. ومروه .. كانوا بسرعه ينطرون آخر يوم .. مبارك في هالفتره مارجع البحرين .. وحالة بوبدر شوي تحسنت .. وصار يداوم بالشغل .. ام مبارك ماخلت عبير في حالها ايام الدراسه .. بس الحمدلله عدت على خير ..

    في آخر يوووم امتحانات ..
    عبير كانت تحل ورقتها بسرعه بسرعه .. تبي تطلع .. تبي تخلص .. تبي تفتك ..
    وزين كانت جدامها .. متفقين انهم يطلعون يمييع ..
    عبير خلصت لمتحان وصكت الورقه وحطتها علطاوله .. تنطر زين تخلص ..
    زين التفتت على عبير جافتها مخلصه .. بقى لها سؤال .. ماتبي تفكر وتحله خلاص تبي تطلع .. كتبت الجواب " بتخــــــــــرج وأخيييييييييراً !!! " صكت الورقه وقامت .. قامت عبير وراها بسرعه طلعوا من القاعه .. عبير لمت زين بقوه: زيووووووون خلصناااااااا
    زين مستانسه وتصارخ: اللاااااااااااااااااي ماصدق !!
    عبير تصارخ وياها: انااااااااااااااااسه
    طلعت المراقبه اللي كانت في قاعتهم .. معصبه: ثااالث ! عيب عليكم !! البنات للحين يجاوبون !! لتخربون على غيركم عاد ؟
    عبير سحبت زييين بعييد عن القاعه ..
    زين بحماس: يالله 1 .. 2 .. 3
    زين وعبير يصارخون : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآ
    زين ماعجبها الوضع: اقوى عبووور اقوى .. يالله من أول .. 1 .. 2 .. 3
    زين وعبير يصارخون مره ثانيه : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآ
    عبير تضحك: هههههههههه بس بس ليطردونه !!
    زين: خلاص احنا مطروديين مطرودييين مابنرجع بعد .. لاحظتي؟
    عبير: اللاي زيووون حده فن !! هم وانزااااااح !!
    شوي الا مروه يايتهم: هيييييييي المتخرجين
    عبير لمتها: مرووووووووو آيه علييييج ..يالله الفال لج
    زين تحرها: وعوووو مال ثنوي
    مروه تخزها: جب !! جوفي روحج شلابسه قبل لتحجييين
    زين طلعت البلانكو من مخباها: تعالي وقعي عليييه
    مروه خذت منها القلم وراحت صوب مريولها بتكتب لها شي .. كتبت لها على ظهرها صوب جتفها " كرهات تكرهج يالشينه بتوحشيني .. مروه"
    مروه التفتت على عبير: اكتب لج شي ؟؟
    عبير متردده: ها ؟؟
    زين خذت البلانكو من مروه: تعالي بكتب لج انا ..
    عبير: زيوون عاد لتكتبين شي غلط
    زين: جب عطيني ظهرج
    عبير التفتت: زيووون !!
    زين تكتب: بس سكتي لتخليني اكتب على خدج
    مروه خذت قلم اسود وراحت تكتب على قميص عبير
    عبير واقفه وثنتينهم عليها يكتبون .. شكلها كان يضحك: هيي انتوا قصة حياه ؟؟ بس عاد !!
    عقب ماخلصوا ..
    زين فيها الضحكه: ترى احنا ناويين نطلع بالمريول اليوم
    عبير تهز راسها: No way !! والله ماطلع فيه
    زين: هههههههه انزين انزين اتغشمر ..
    عبير: يالله خنروح بيتنا .. وين ثيابكم ؟؟
    زين: خليتهم عند المشرفه .. (راحت) بروح اييبهم
    عبير التفتت على مروه: وانتي ؟
    مروه: خليت يوسف يوديهم هناك
    عبير: اوكي تماام .. (رن تلفونها) هلااا يبه
    بو بدر: مبرووووووك
    عبير مستانسه: الله يبارك فيييييك يبه ..
    بوبدر: شلونج؟
    عبير: الحمدلله بخييير انت شلونك؟
    بوبدر: بخير الله يسلمج .. ها للحين فلمدرسه؟
    عبير: ايي انطر بدر الدين ..
    بوبدر: ايي كلمته الحين يايج .. ومتى بتطلعون؟
    عبير: يعني بنروح بنبدل وجذي .. وبنطلع .. مادري
    بوبدر: اييه زين .. تحملوا في روحكم عاد
    عبير: ان شاءالله يبه
    بوبدر: لتأخرون
    عبير: ان شاءالله
    بوبدر: يالله مع السلامه
    عبير: الله يسلمك ..
    زين ياتهم: مشينه؟؟
    عبير: يالله ..
    زين عند الباب تنطر: بيتأخر؟
    عبير: لا ابوي قالي ان يايكم ..
    زين: امشوا البراده عيل ..
    دشوا البراده .. في هالحزه دش سلطااان .. كان طول الوقت واقف ينطرهم يطلعون من المدرسه .. يدري ان اليوم آآخر يوم .. وكان قاصد يجوفها ..
    زين التفتت على مروو : قلتي حق اروى ان بنروح السيف؟
    عبير لاهيه ويا التلفون تكتب مسج حق مبارك وماجافت سلطان ..
    مروه: لااااااا ماقلت لها .. ختولي
    عبير التفتت عليها: ليش عااد ؟؟ ماقلت لج قوليلها؟
    مروه: اوووه مابي ..
    عبير ردت تجوف التلفون .. تحاجي زين بدون ماتجوفها: اخذيلي بيبسي وياج ..
    زين: هدي التلفووون بسج ..
    سلطان عرف ان بيروحون السيف بس مايبيها تجوفه بسرعه طلع وراح حق تركي ..

    زين تشرب البيبسي وهي طالعه من البراده: تدرين ان كل بنات صفنا بيروحون السيف؟
    مروه: انا سمعت ان مدرستنا كلها بتروح
    عبير بقت عينها: آآآآآآآ !! شيودييينه ؟؟
    زين: شدخل انتي شعلينا منهم ؟؟ احنا بنروح نستانس ..
    مروه: ايي انا قلت حق نوروو اتيينه هناك
    زين: ليش انتوا أي فتره مخلصين؟
    مروه: ثانيه.. بس نطرتكم لان ماعندي احد اييبني عقب
    عبير: ويي جان قلتيلي امر عليييج ؟
    مروه: وي الحين نطرت وخلصت .. عادي
    رن تلفون عبير .. كان مبارك ..
    عبير ابتسمت
    زين تنقز: اتصل ..
    عبير: زيون !! (ردت) الوو ؟
    زين تقلدها: الوو
    عبير تعطيها نظرات عشان تسكت ..
    مبارك: ماببارك لج .. انطر النتيجه انا
    عبير: اممم عيل انطر لي الخميس ..
    مبارك: ننطر شورانه .. شلونج ؟
    عبير: الحمدلله بخير انت شلونك ؟
    زين تلقدها بدلع : انت شلوونك ؟؟
    عبير تخزها ..
    مبارك: عبير بكلمج عقب بس ينادوني
    عبير: اوكي معليه
    مبارك: يالله باي
    عبير: باي (التفتت على زين) يالنحيسه انتي ماتخلين الواحد يتحجى فلتلفون ؟؟
    زين: جب جب .. اذا تحجيتي عدل وانتي تحاجينه بعدين تعالي حاجيني
    مروه دار راسها: هذي يسمونه طباق ولا سجع ؟
    عبير فيها الضحكه: ويهج انا احاجيه عادي ..
    زين تقلدها وهي تتدلع: الووو .. شلونك؟
    وصل بدر الدين ..
    مروه: ييه المعرس يه .. يالله مشينه

    سلطان عند تركي .. عند باب بيتهم: تروووووك بنروح السيف اليوم ..
    تركي: شلا؟
    سلطان: انت ماعليك .. بس لازم الذيب ايي ويانه ..
    تركي: ها ؟؟ شصاير ؟؟
    سلطان: اووه لتسأل .. جوفلي طريقه اقنعه ايي ويانه ..
    تركي: الحين اهوه مب فلدوام ؟
    سلطان يطالع الساعه: الحين بيطلع .. نروح له الميلس
    تركي: هالحزه؟
    سلطان بدا يعصب: بلا اسأله زايده !! يالله بتيي ولا شلون؟
    تركي: ياي ياي بس خل ابدل .. حياك انطرني داخل
    سلطان مستعيل: بنطرك فلسياره .. لتأخر
    تركي بسرعه بدل ثيابه ونزل له ..

    فلبيت ..
    عبير وزين ومروه مستانسيين طول الطريج سوالف وضحك .. دشوا البيت .. سيده طبعا غرفة عبير ..
    زين: انا الحين بتسبح وكيفكم
    مروه: وانا عقبج
    عبير: يالله آخر يوم مابي اخرب وناستي .. سوو اللي بتسوونه
    زين تتطنز: روحي غرفة ميري اذا مستعيله
    عبير بقت عينها: جب انتي
    شوي الا ميري طاقه الباب .. دشت
    مروه: يمه بسم الله عمرها طويل .. (تحاجيها يزعم تعرف تتحجى انجليزي) ميري .. me is no swim in your bathroom
    زين بقت عينها: الله !! عنتاابو انجليزيييتج !! من معلمج ؟؟
    مروه تخزها: جب !! احسن منج
    عبير حابسه ضحكتها: شفيج ميري ؟
    ميري: madam wants you
    زين بسرعه خذت اغراضها بتشرد: خل اتسبح انا
    عبير: الحين بايي ..
    راحت لها بسرعه .. كانت فلصاله ..
    عبير: ناديتيني ؟
    ام مبارك تخزها من فوق لي تحت: شمكتبه انتي على قميصج ؟ ماتستحيين على ويهج؟
    عبير ماتبي تخرب وناستها .. سكتت
    ام مبارك: سمعيني .. اذا كنت ناويه تطلعين كنسلي طلعتج ..
    عبير بقت عينها: ليش ؟
    ام مبارك: اليوم الزراع مابيي .. ابي بدر الدين يسقي الزرع شوي ..
    عبير: انزين الا بيقطنا وبيي !!
    ام مبارك: لازم تطلعين اليوم؟؟ انا قلت لاء يعني لاء؟
    عبير متنرفزه: مايصير يعني احنا نبي نطلع ؟؟
    ام مبارك تصارخ: لاترادديني !! قلت لج لاء !!
    عبير مشت عنها
    ام مبارك: انا احاجيج لتعطيني ظهرج وتمشين !!
    عبير طلعت من البيت وبسرعه راحت غرفتها معصبه .. دشت وصفقت الباب ..
    مروه التفتت عليها: يمه بسم الله شفيج ؟
    عبير معصبه: شفيها ذي ؟؟؟؟ شتبي بس !!!!!!!
    مروه وقفت: شفيييج ؟؟ شقالت لج ؟؟
    عبير خذت نفس وقعدت : افففففف ياربي ..
    مروه: هدي اعصابج انزين .. شقالت لج ؟
    عبير وقفت تصارخ: ماتطلعون .. مافي طلعه .. انا قلت لاء يعني لاء .. ليش ؟؟ نحاسه
    مروه عصبت: على كيفها ؟؟ انا بطلع اتفاهم وياها
    عبير يودتها: لااا مروو بليز مابي مشاكل ويا ابوووي .. تعالي ..
    مروه التفتت عليها ... تذكرت الروول مالها .. ان مافي شي يستاهل نعصب عليه .. ونقدر نستانس لو شصار .. ابتسمت: افا علييج العبري .. دقايق بس ..
    عبير مستغربه: شبتسوييين مروو ؟
    مروه خذت تلفونها : نطري
    عبير قعدت يمها: شبتسويين ؟
    مروه حطت التلفون على اذنها: عمي رياض شلونك ؟؟ عمي احنا نبي نطلع عادي يودينا بدر الدين؟؟
    عبير بقت عينها: هيييييي لااء بليز !!
    مروه كانت متصله في اخوها بس كان عل waiting فـ كانت تمثل عليها على مايرد ..
    يوسف: الو
    مروه فيها الضحكه: هلاا يوسف
    عبير معصبه عليها: اففففف طيحتي قلبي
    يوسف: هلاهلا ..
    مروه: يوسف حبيبي شرايك تمر بيت عمي رياض الحين؟
    يوسف: انا راد البيت .. شتبين ؟
    مروه: عاد عاد مر علينا ووصلنا السيف بليييز
    يوسف: مروه انا مب فاضي لكم .. عندهم دريول خل يوديكم .. وبعدين شلكم فلسيف ؟؟ طلبوا لكم بيتزا وقعدوا جوفولكم فلم فلبيت احسن لكم
    مروه: وييي يوسف عاااد !!
    يوسف: قولي حق بدر الدين
    مروه تمثل: ويي ماتدري شصااار يوم قلنا حق عيوز النار نبي الدريول طردتنا وسولت لنا عرس وطقت عبوور فقيره اكاهيا تصييح والدم طالع من خشمها وخربت علينا وناستنا واحنا في آخر يوم امتحاناات وعبير خلاص تخرجت و
    يوسف يقاطعها: بسسسسسسس !! بس بس فهمت !! متى تبون تروحون
    مروه مستانسه: الحين !!
    يوسف: انزين يايكم .. اذا طقيت لج رنه تطلعون .. ان تأخرتوا دقيقتين بس والله امشي عنكم .. والله
    مروه: انزين انزين شكثر يبيلك ؟؟
    يوسف: انا جريب البيت .. بنزل ببدل شوي وباييكم
    مروه: انزين تأخر ساعه جذي
    يوسف: توج تقولين الحين !!
    مروه: لا للحين ماتسبحنا ولا شي ..
    يوسف: بس عيل مب يايكم .. تبون تروحون الحين ييت ..
    مروه: يوسف عاااااااااد
    يوسف: جوفي .. اذا جهزتوا اتصلي
    مروه: اوكي يالله باي ..
    عبير مستانسه: بيي ؟
    مروه شاقة الحلج: عبااااالج انا سهله ؟؟
    عبير: اللاي ! بس مسكين اخاف تعبان من الدواام !!
    مروه: عادي عادي ..



    سلطان وتركي عند ذياب .. في الميلس
    سلطان: عاد اليوم تركي حالف يعزمك علغدا
    تركي يخزه !!
    ذياب: مانردك ..
    تركي ابتلش: بس المطعم على ذوقي
    ذياب: مب مشكله .. نروح شورانه .. (التفت على سلطان) احمدو قايل بيي جوفه وينه !!
    سلطان: اي ان شاءالله ..

    فلسيف ..
    توهم بينزلون من السياره
    يوسف: من بيرجعكم؟
    مروه التفتت عليه: بعدين نتفاهم ..
    يوسف: انزين اذا تبون شي اتصلوا ..
    مروه نزلت وصكت الباب: ان شاءالله .. باي
    عبير كانت فاله شعرها الويفي رافعته بتاج بنفسجي ضعيف .. ولابسه توب طويل علخصر purple .. وبنسل dark grey .. حاطه كحل سائل فوق عينها .. وقلوس شفاف .. وبلاشر وردي .. حدها صايره ناعمه ..
    مروه: يالله نورو تنطرنا فووق ..
    زين: تبون نتغدى قبل ولا ندش السينما ..
    مروه: انا يوعانه .. خنتغدى احسن
    عبير: يالله .. (رن تلفونها .. كانت ام مبارك) امبييه لحقوا !!
    زين: شصاير ؟؟
    مروه: من ؟؟
    عبير تراويهم التلفون ..
    مروه: لاترديين !!
    زين: صكي في ويهه بسرعه !!
    عبير: لا لا خلها
    زين خذت التلفون منها بسرعه وصكته في ويهه .. وصكت التلفون بكبره وعطتها اياه: جذي احسن
    مروه ابتسمت: الحين نقدر نستانس بدون حنه وعوار راس ..


    ام مبارك محتره: افففف صكته هاللي ماتستحي على ويهه .. مادري مع من راحت .. الحين اراوييها ..
    من وصل رياض البيت راحت بسرعه يمه ..
    ام مبارك: الحق علييي
    رياض: شفيج ؟ شصاير ؟
    ام مبارك: عبووور مادري وين رايحه
    رياض مشى عنها: انا ادري
    ام مبارك راحت بسرعه وراه: لاا ماتدري .. اتصل لها تصكه في ويهي ..
    رياض: خلاص قلت لج انا ادري !! تحبين المشاكل انتي ؟ خليها في حالها بس
    ام مبارك: ومن وداها ؟؟
    رياض التفت عليها: بدر الدين ..
    ام مبارك: لا حبيبي بدر الدين ماطلع من البيت ..
    رياض شك فلموضوع: عيل ؟؟
    ام مبارك: قلت لك مادري مع من رايحه سواد ويهه !!
    رياض يعرف بنته وواثق انها مابتسوي شي غلط .. رفع التلفون بيتصل لها .. صاكته ..
    ام مبارك: صاكته ها ؟؟ جفت ؟؟ اقول لك مادري مع من طالعه !! جوف من مر علييها سواد ويهه القذره ..
    رياض رفع صوته: بس !! خلاص !!
    ام مبارك تتحلطم بالعدال : مالت عليك وعليها ..
    رياض يدري انها بتطلع مع مروه .. بس ماعنده رقمها .. عنده رقم يوسف .. اتصل فيه ..
    يوسف كان يتغدى: هلا عمي
    رياض: شلونك بويعقوب؟
    يوسف: طيب طاب حاااالك شلون اموورك عمي ؟
    رياض راح بعييد عن مرته عشان ماتسمع شي: كل شي تماام الحمدلله ..
    يوسف: صاير شي ؟؟
    رياض: لا بس كنت ابي رقم مروه
    يوسف هد القفشه: مروه ؟؟ ليش ؟؟ شصاير ؟؟
    رياض: لا بس ابي اعرف من وداهم ..
    يوسف: انا وديتهم
    رياض: انت ؟ وديت من ؟
    يوسف: مروه وعبير وزين رفيجتهم .. ليش انت ماتدري ؟
    رياض ارتاح قلبه: امبلا امبلا .. بس ليش تعبت روحك ؟ بدر الدين ماعنده شي !!
    يوسف مستغرب: والله اهمه قالولي تعال بدر الدين مايقدر ..
    رياض يخز ام مبارك: طيب مب مشكله ..
    يوسف: لتحااتي اذا مابيرجعهم بدر الدين برجعهم انا
    رياض: معليه بنجوف شسالفه ..
    يوسف: اووكي عمي مومشكله .. يالله فمان الله
    رياض صك التلفون وراح يمها .. ببرود: يالله نجبوا الغدا .. (راح عنها)
    ام مبارك والفضول ذابحها: تعال !! قول لي من وداهم ؟؟
    رياض حاقرها ..
    ام مبارك تتحلطم بلعدال: افففف محد بيذبحني غيرك انت وبنتك ..

    كملوا غدا .. طول الوقت سوالف وضحك .. حدهم مستانسين ..
    عبير مستانسه: اللاااي شكله عجيب الفلم ..
    زين تجوف ساعتها: بيي تو الناس عليه ..
    مروه: بس زين قطعنا التذاكر .. جان الحين مابنحصل مكان ..
    نوره: اففف وايد كثرت .. خلنتنمشى نحرق اللي كلناااه !!
    عبير تجوف ساعتها: خنروح نصلي العصر ونتمشى ..

    سلطان طول الوقت يتلفت يبي يجوفها ..
    ذياب: نعم الله عليك ..
    تركي ابتسم: بلعافيه ..
    ذياب: يالله نمشي ؟؟
    سلطان حده عنده أمل ان يجوفها: خنتمشى شوي .. شعايلكم ؟
    احمد قام: انا بامشي .. عندي موعد المغرب ..
    ذياب قام: انا بعد بامشي وياك
    سلطان: لا لا .. وين تمشي !! اهوه عنده موعد انت شعندك ؟؟
    ذياب: يخي شنسوي ندور ؟؟ ماله داعي
    سلطان: اي خنتمشى شوي ..
    تركي يبي يرقع السالفه: ايي تعالوا براويكم الساعه اللي قلت لكم عنها
    ذياب: يالله
    احمد: يالله عيل .. نجوفكم الليله
    ذياب: على خير ..
    سلطان: نصلي العصر قبل ؟
    تركي: يالله ..

    عقب ماصلوا .. طلعوا نفس الوقت ..
    عبير كانت تتمشى ويا زين .. وراهم مروه ونوره .. طالعين من المصلى .. طلعوا نفس الوقت ذياب وسلطان .. وراهم تركي ..
    عبير كانت تضحك: جم مره قايلة لج لتقولين هالكلمه ؟؟
    ذياب التفت يجوفها ..
    عبير سحبت زين: تعالي ذي الصوب ..
    كانت رايحه يم ذياب .. وكانت تتمشى ومنزله عينها وتسولف ..
    ذياب تم واقف متكهرب .. بدون شعور راح وراها .. اهيا التفتت تحاجي مروه: مابيج تقعدين يمي فلسينما سامعه !!
    مروه راحت يمها: عناد بقعد يمج ..
    ذياب يسمع حجيها وواقف مب مصدق اللي يجوفه .. وقلبه يدق بسرعه.. عبير !!!!
    سلطان التفت على تركي وابتسم .. هوس على يده ورفع راسه: يس !!
     
  4. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    الجـــزء الثـالـــــث [3]

    مبارك عيز يبي يتصل في عبير .. وهي صاكته .. خاف ان فيها شي .. اتصل في امه ..
    مبارك: الو
    ام مبارك: هلا يمه شلونك؟
    مبارك مستعيل: زين .. وين عبير؟
    ام مبارك: الحين انت متصل تسأل عنها؟؟؟؟؟؟
    مبارك: يمه وين عبير؟
    ام مبارك محتره: جهنم
    مبارك عصب: يمه !!!!! وينهي ؟؟
    ام مبارك: وليش تسأل ؟؟
    مبارك: يمه ممكن تجاوبيني ؟؟
    ام مبارك: سواد ويهه القذره وانا شدراني وين راحت وياه؟
    مبارك: ويا من ؟؟
    ام مبارك: مادري عنها كل يوم طالعة لنا مع واحد ..
    مبارك يحس بنااار في صدره: يييييييمه !!!
    ام مبارك: اوهو مبارك لتأذيني .. هالمره اذا بتتصل تسأل عنها لتتصل .. سامع؟؟
    مبارك معصب: بااااي
    ريّان راح يمه: شفييك تصارخ ؟؟ شصاير ؟؟
    مبارك قاعد عالكرسي ومنزل راسه ويهز ريله .. حده متوتر: مادري ... مادري مادري لتسألني ..
    ريّان: صاير شي ؟؟
    مبارك رفع راسه: اتصل في اختك
    ريان مب فاهم شسالفه: اختي ؟؟ ليش ؟؟
    مبارك: اتصل فيها وخلاص
    ريان: مساعه كلمتها ..
    مبارك: اتصل فيها عاد !!
    ريان خذ تلفونه واتصل .. كانت زين بعد صاكه تلفونها .. : صاكته ..
    مبارك: يااااااااااارب !!
    ريان: انزين شفيك عادي يمكن تلفونها مافيه جارج
    مبارك: وعبير بعد تلفونها مافي جارج ؟؟ سبحااانك يارب ..




    واهمه يتمشوون .. وذياب وراهم .. وسلطان وتركي وراه ..
    زين: ماتعبتوا من لدواره؟ خل نيلس شوي !!
    عبير: تعبتي ؟
    زين: على خفيف
    عبير تجوف ساعتها: شرايكم نروح السينما الحين ؟؟ مابقى شي عالفلم ..
    زين: يالله ..
    ذياب بسرعه التفت على سلطان: جوف لي اي فلم بيروحون واقطع لنا ..
    سلطان يسوي روحه مايدري شسالفه: من ؟؟ اجوف من ؟؟
    ذياب بق عينه يخزه ..
    سلطان متوهق: اي اي قصدك البنات .. اي الحين الحين .. (سحب تركي وياه) امش
    عبير كلش ماجافتهم ولا حست فيهم .. طول الوقت تمشي وتسولف وحدها مشتطه
    زين: في احد يبي بوبكورن ؟؟
    عبير: لاا انا للحين الغدا في جبدي .. مابي
    مروه: ولا انا ..
    زين: خلاص خندش عيل ..
    دشوا القاعه الـ10 .. سلطان بسرعه راح حق الكونتر: الشيخ ابي الفلم اللي فلقاعه 10 .. اللي الحين بيبتدي
    الكونتر: امممم .. مافي الا أول صفه من تحت .. وعليمين .. جم كرسي ؟؟
    سلطان: ثلاث ..


    تركي وذياب واقفين ينطرون سلطان ..
    سلطان بسرعه ياب لهم التذاكر: يالله ..
    دشوا داخل .. للحين القاعه مافيها وايد ناااس .. حتى الدعايااات توها باديه ..
    البنات قاعدين فووق مكيفيييين .. اخر صفه فلوسط ..
    مروه تجوف الشباب قاعدين أول صفه من تحت .. تتنطر: وعووووو جووفو ذلاك !! شلا بعد ؟؟ جان جدموا شوي بعد ؟؟ خل يلصقون فلشاااشه احسن !!
    عبير: هي !
    مروه: عادي ماينسمع ..
    عبير: انا قايله مابي اقعد يمج
    مروه تصارخ: الحين بيذبحه !! بيموت بيموت !! ياااااااسلااااام
    عبير التفتت عليها: مرووو الحين بييج السكيورتي !! سكتي بس ..
    مروه: عادي للحين مابدى الفلم شفيييييج الا دعايات (تصفق) والله عجيييبه هاللقطه .. فنتاستيكييييه حدها
    عبير التفتت على زين: يا تطلعونها براا يا اطلع انا
    مروه سبحتها: جب انتي لتوشين الأوادم علي
    عبير: اي عاد لتفضحينه .. كلمن يلتفت يجوفنا
    مروه: محد بيجوفج من حلاتج يعني ؟
    عبير: ماقصد جذي !!
    حطوا دعاية البيبسي .. مروه تصارخ: اللي عنده بيبسي يرفعه !! (ألتفتت على البنات) محد منكم خذ بيبسي؟؟؟ فاشلين
    اللي يمها وجدامها رفعوا البيبسي والتفتوا عليها
    مروه مستانسه .. شاقة الحلج
    عبير متفشله: مرووووو !!
    مروه: اوهوو
    عبير: بليز سكتي الحين بيبتدي الفلم ..
    مروه رن تلفونها .. رنتها ( شكواي للي يفتهم شكواي .. راح الحبيب راح طول الغيبه) تهز راسها ويا الرنه ..
    عبير: صكييييييه !!
    مروه ردت وهي مستعيله: هاا اروو شتبين انا فلسينما بعدين بكلمج يالله باي
    اروى: لحظه !!
    مروه: قلت لج باي (صكته)
    عبير: صكي تلفونج بليز .. فضحتينه .. ترى الحين بيطردونج .. بس اشش اكا بدا الفلم
    مروه تضحك بروحها: هههههههههههههههههههههههههههههههه واااي وااي بطني ماستحمل ههههههههههههههههههه
    عبير التفتت عليها: مروه !! شيضحك ؟؟
    مروه من صجها: تذكرت شي !!! احم
    عبير خذت نفس: اللهم طولج ياروووح
    مروه تحاجي البنت اللي جدامها: لو سمحتي .. راسج وايد عود ماجوف ..
    البنت تطالعها بنص عين: نعم؟
    مروه بلعدال ومجربه يمها: شحاطه انتي ؟؟ في امل جدر مقلوب؟؟
    البنت: لتخليني اشتكي عليج !!
    مروه: الله يهداج بس .. حددي موقفج .. يعني يا راسج يا الجدر مايصير اثنينهم .. ماقدر اجوف !!
    عبير سحبتها: اشش بس !! شفيج ؟
    مروه ردت مكانها: باطه جبدي !! ..
    عبير: لتسوين لج سوالف .. ابين كل شي بس سكتي
    مروه: انزيين .. (ردت تحاجيها) عادي يعني اذا بتشتكين ترى مب خايفه منج
    البنت رفعت صوتها: وبعدين وياج؟
    مروه تطالع راسها وترد تطالع ويهه: الحين من يتحجى بالضبط انتي ولا اللي فوق راسج؟
    البنت: اوهووو !!
    عبير سحبت مروه: بس !!
    مروه: بس بس .. انزين


    ذياب كل ساعه التفت .. مايقدر يجوفها .. اهوه اول القاعه واهي اخر القاعه فوق .. سلطان وتركي مشتطين ويا الفلم .. وهوه كلش ماله خلق يجوف افلام ..

    عبير حده عاجبها الفلم .. من خلص تمت قاااعده
    نوره وقفت: مشينه ؟
    عبير مستانسه: اللاااي حده عجيب الفلم خندشه مره ثانيه !!
    زين وقفت: قوومي قوومي .. باط جبدي ذي الغبي
    عبير قاعده: نطري خل يطلعون الأوااادم شعايلج ؟؟
    مروه تتلفت: طلعت ام جدر ؟؟
    ذياب توه بيطلع جافهم فوق قاعدين يسولفون .. هد ربعه وبسرعه ركب ..
    مروه تجوف واحد ياي راكب بسرعه: بيه بيه جوفو ذي ياي عكس اتجاه الريح !! شيبي ؟
    عبير تتأفف: اففف مروه بس !!
    ذياب وقف .. عبير ومروه قاعدين ونوره وزين واقفين يمهم ..
    مروه تطل عليه: اخووي ترى الباب تحت مب فوق ..
    ذياب يخزها: حلفي ؟؟
    مروه: والله العظيم قسم بالله ماجذب ..
    ذياب جرب يمهم ..
    مروه: امبيه فاهم غلط !!
    ذياب طل على عبير: ممكن شوي ؟
    عبير بقت عينها: نعم ؟؟
    زين تخز عبير: ها ؟
    مروه وقفت والتفتت عليهم: مشينه ؟
    عبير مب فاهمه شسالفه : يالله
    ذياب: لحظه !! قاعد احاجيج تمشين ؟
    عبير مستغربه: شتبي ؟
    ذياب: قلت لج شوي !!
    بسرعه نزلوا البنات واهوه تم واقف .. نزل بسرعه وراهم : انا قاعد احاجيج لتمشين !!
    طلعوا من القاعه واهوه للحين وراهم ..
    مروه التفتت: لو سمحت ممكن تذلف شوي ؟
    سلطان وتركي راحوا يمه .. يبون يعرفون شسالفه .. سمعوا مروه .. وقفوا ينطرون ردة فعل ذياب .. كلش مايحب احد يقول له جذي ..
    ذياب معصب: انتي محد كلمج .. انزين ؟
    مروه التفتت تبي تكلمه عبير سحبتها: خليييييه بس امشي فضحتيينه
    واهمه ماشيين توهم بيطلعون من السينما وقف مجابلها ..
    ذياب: تعالي شوي
    عبير خافت: شفيك !! وخر بس !!
    عبير مب فاهمه شسالفته وهوه مصمم يكلمها ..
    مروه اتصلت حق اخوها اييهم ..
    ذياب للحين وراهم
    سلطان يزعم مايدري شسالفه: شفييك ؟
    عبير كانت خايفه تمشي وهمه يمشون يمها ويتلفتون وراهم ...
    ذياب يناديها : عبير !!
    عبير صب قلبها .. وقفت .. مب مصدقه اللي سمعته .. التفتت بهدوء تطالعه: شقلت ؟؟
    البنات كلهم تجمدوا ..
    مروه حطت يدها على راسها: يالاهوي !! يا خراابي !! يانهاارك ابيض !! ايه ده !!
    التفتت ماكانت تجوف الا ذياب .. سلطان وتركي كانوا يمه بس ماكانت تجوفهم .. ولا حست بوجودهم .. كانت تنطره يتكلم .. يقول شي ..
    كان واقف .. شعره شوي نازل لي رقبته .. مغتر .. وشنبه شوي طويل نازل على تحت " ماعرف اشرح" .. واقف يخزهااا وسااكت ..
    عبير ردت سألته .. بهدوء: شقلت ؟؟
    مروه: استح على ويهك شطولك وشعرضك تكلمنا جذي جدام الناس ؟؟ (سحبت عبير) امشي عن هالاشكااال بس
    عبير مب مصدقه .. التفتت على زين: سمعتيه ؟؟
    زين: انزين يمكن سمع وحده منه تناديج .. مادري !!
    عبير التفتت جافته للحين واقف مكانه .. ردت تحاجي زين: زيوون !! لحظه
    عبير بسرعه هدتهم وراحت بتجوف شسالفته .. زين بسرعه سحبتها: عبير !!!
    عبير تبي تدزهاا .. وزين ميودتها بالقوه
    مروه: هيي انتي شتبين ؟
    ذياب واقف ..
    عبير التفتت عليهم .. توها منتبهه حق اللي وياه .. سلطان وتركي .. مستغربه .. ذلين مره ثانيه ؟؟ شهالصدفه ؟؟
    عبير وقفت مكانها .. زين سحبتها: مصختييييها انتي ..
    عبير: زين !! خليني
    زين: انتي مينونه ؟؟ تبين تروحين له ؟؟ شتبين تقولين له؟ شتبين الاوادم يقولون عنه اهني !!
    عبير: شعرفه فيني ؟؟؟؟؟؟؟ ليش قاعد يلاحقني ويناديني باسمي ؟؟ شيبي ؟؟
    زين: خل يولي !! بروحه شكله جنه شريير اعوذ بالله
    عبير: وانا شعلي من شكله ؟؟
    مروه: يالغبيه واحد يبي يغااازل يعني اكيد سمع اسمج وناداج .. بلا ذكااء !! يعني ماله داعي تكبرين السالفه
    عبير وقفت : تهقوون ؟؟
    زين تمشي بسرعه: يالله بسرعه خل نمشي مافينه شدتهم ..


    ذياب تم واقف مقتهر: شفيها ذي !!!!!
    سلطان يبي يرقع السالفه: معليييه خلها تولي ..
    ذياب أيس: خل نمشي بس ..
    تركي رن تلفونه: الوو؟
    خالد: وييييينك انت؟؟
    تركي: توني باطلع من السيف ..
    خالد: خلك خلك انا يايك
    تركي: الحين ؟؟؟
    خالد: اي اي .. يالله باي
    تركي التفت عليهم: بس انتوا روحوا انا بييني رفيجي ..
    سلطان: خلاص عيل نجوفك باجر
    تركي: على خير ..


    ذياب حده معصب .. جم مره يحاجيها واهيا مب ماعطته ويه .. وقاعد يلاحقها واهي مسفهت له .. وربعها يهزئونه ..
    فلسياره ..
    ذياب التفت على سلطان: حاول تطلع لي رقمها بأي طريقه
    سلطان متوهق: ان شاءالله ..


    عبير .. ردت تعبااانه خلاص تبي ترقد .. بطلت تلفونها وجافت مسجات ومسكولات من مبارك .. توها بتتصل الا احد يطق الباب ..
    بسرعه راحت تبطله .. كانت ام مبارك
    عبير خايفه: خير ؟؟
    ام مبارك: قومي سويلي عصير برتقال .. بسرعه
    عبير " في خاطرها" وين ميري !! تعبااااانه مافيني شده !! ..


    بسرعه راحت تسويلها العصير .. ودته لها .. كانت قاعده فلصاله بروحهه
    عبير حطت العصير عالطاوله .. توها بتمشي التفتت عليها : يبيلي فاكهه شوي .. وسويلي جاي ..
    عبير في خاطرها" جاي وفروت ؟؟ "
    ام مبارك: يالله بسرعه !!
    عبير سوت لها اللي تبيه بسرعه وودته لها .. توها بتمشي
    ام مبارك: لحظه ؟؟ وين ؟؟ وان شاءالله تنطرين من يودي لصحون المطبخ ؟؟ اشتغل عندج انا ؟؟
    عبير بقت عينها .. من اللي يشتغل عند الثاني الحين ؟؟
    ام مبارك: قعدي نطريني اخلص ..
    عبير معصبه: دقيقه باييب لي ماي
    راحت المطبخ ... فيها حره .. مقتهره منها .. تبي تسويلها شي يبرد حرتها فيها .. " ياربي .. شسوي فيها ؟؟ .. امممم .. العوز الأرضية ماي اخليها تشدخ ؟؟ لا لا مسكينه حرام اخاف تتعور .. اممم .. ايي خل اخلي لها مواسد عشان تتخرع .. "
    بسكات خذت مواااسد وحطتهم علكرسي .. ولحفتها بشرشف .. وصكت الليت .. صار جنه وحده لابسه دفه وقاعده عالكرسي ومنزله راسها .. تخرع !! .. بسرعه شردت .. طلعت من باب المطبخ وقعدت عند الدريشه .. عشان تسمع شيصير ..
    ام مبارك خلصت .. تتلفت تنطر عبير تيي .. تناديها: عبووور ؟؟ "تتحلطم" وين راحت هذي ؟؟"
    شالت اغراضها بتوديهم المطبخ .. توها بتبطل الليت جافت ذيج اللي قاعده علكرسي .. منزله راسها علطاوله .. وعليها دفتها .. من الخوف تيبست ماعرفت شتسوي .. صرخت بصرخه: يييييييييييمه !!
    بسرعه قطت الاغراض من يدها وركضت فووق واندعست في لحافها من الخووف ..
    عبير بطلت باب المطبخ بلعدال .. تبي تجوف وين راحت ... مالها اثر .. بسرعه شالت المواسد وكل شي .. وخلت كل شي طبيعي ..
    دشت غرفتها وهي فيها الضحكه .. خذت تلفونها وجافت مس كول من مبارك .. خافت تتصل فيه يكون راقد .. طرشت له مسج " انت قاعد ؟"
    مبارك سيده اتصل لها: عبير ؟
    عبير ابتسمت: هلا مبارك .. قاعد ؟؟
    مبارك معصب بس يحاول يهدي نفسه: شسالفتج ؟
    عبير نست: شصاير ؟؟
    مبارك مستغرب: تسأليني ؟؟
    عبير: وي مبارك سوري والله بس .. انت ماتدري شصار
    مبارك: مابي اعرف .. بس لاتعيدينها
    عبير بدلع: زعلان؟
    مبارك سكت ..
    عبير: برووك عاد !!
    مبارك يتدلع: جب ماحاجيج
    عبير بثقه: ماتقدر !!
    مبارك: يه ؟؟ تتحدين ؟؟
    عبير ابتسمت: اممممم .. ايه
    مبارك يضحك: هههههههههه شهالثقه عبير خانم ؟؟ شصاير ؟؟
    عبير: تقدر يعني ؟
    مبارك يغير السالفه: ماعلينه .. وين كنتي اليوم؟
    عبير: اليوووووم رحت المول مع البنات
    مبارك: ومن وداكم ؟؟
    عبير: يوسف .. ليش؟
    مبارك: لا بس اسأل .. حرام ؟؟
    عبير: لا عادي .. اسأل ..
    مبارك: امممم ابي اقول لج شي ..
    عبير: شصاير ؟؟
    مبارك: لا ولا شي .. بس
    عبير خافت: مبارك شفيك؟
    مبارك: مافيني شي .. بس عندي دورة عقب جم يوم في الصين
    عبير بقت عينها: هاا ؟؟ الصين مره وحده؟
    مبارك: بروح بروحي .. يعني ريان مب وياي
    عبير: وليش ؟
    مبارك: سالفه طويله ..
    عبير: وشكثر بتم هناك؟
    مبارك: امممم مادري .. ثلاث اسابيع يمكن ؟؟ يمكن شهر .. مادري
    عبير تضايقت: مبارك .. ليش بتروح ؟؟
    مبارك: لازم اروح ..
    عبير بضيق: متى بتروح؟
    مبارك: يعني .. عقب يومين
    عبير فيها غصه .. : يعني .. (بلعت ريجها) مابنجوفك قبل لاتروح؟
    مبارك سكت ..
    عبير سكتت ..
    مبارك: .....
    عبير: ياربي !! وليش ماقلت لي من قبل ؟؟؟
    مبارك بهدوء: عبير !!
    عبير: ليش انا اخر وحده ادري ؟؟؟
    مبارك رفع صوته شوي: عبير !!
    عبير: ليش مافي احد معبرني؟؟؟
    مبارك رفع صوته: عبير !!
    عبير: ليش محد يهتم !!!!!!!
    مبارك يصارخ: بس !!
    عبير سكتت ..
    مبارك خذ نفس: انتي اول وحده تدرين .. والله امي ماقلت لها ..
    عبير سكتت
    مبارك: لتخافين .. بحاول اكلمج كل يوم ..
    عبير دمعت عينها ..
    مبارك: الحين قومي رقدي .. بكلمج باجر ان شاءالله
    عبير : ......
    مبارك: تصبحين على خير
    عبير: وانت من هله ..


    عبير بسرعه صكته واتصلت في زين ..
    زين كانت تجوف التلفزيون ..
    عبير تصيح: الوو
    زين تخرعت: شفيييييج ؟؟
    عبير تحاول تيود روحها: زيوووون
    زين متخرعه: عبور شفيج ؟؟ شصاير تحجي ؟؟؟
    عبير مشت دموعها: بيسافر ..
    زين: من ؟؟
    عبير: مبارك ..
    زين بغباء: ليش اهوه مب مسافر الحين؟؟
    عبير: امبلا زيون بس .. علأقل احس انه جريب !! بيروح الصين !!
    زين: آآآ !! شلا ؟؟
    عبير: شدراني فيه !! زيون تعرفين يعني شنو اذا مبارك سافر؟
    زين بغباء: يعني شنو؟؟
    عبير: ياربي !! زيوون تخيلي !! مبارك اهوه الوحيد اللي يدافع عنييي اذا صار شي .. انا استحمل غيبته 5 ايام وانا انطر الويك اند .. حتى لو ماكنت اكلمه وايد .. بس وجوده اهني يريحني !! عبالج ابوي اذا صار شي بيدافع عني ؟؟ ابوي يسكت .. مايقول شي .. بس مبارك غير !!
    زين: معليه والله فاهمتج بس شنسوي ..
    عبير: بروحه ابوي تعباااان وكلش مابي اتعبه وياي .. وتعرفينها اهيا كلش ماتحب تتسبب فيني !!
    زين: أيي .. كلش
    عبير: زيوون شسوي ؟؟
    زين ابتسمت: شرايج تروحين ويااه ؟؟
    عبير: وين ؟
    زين: الصين لا !!
    عبير: ينيتي ؟؟ شوديني ؟؟
    زين: شورااج ؟؟ خنروح وياه كلنا
    عبير: من كلنا ؟؟
    زين: انا وانتي وريانوو
    عبير ابتسمت: والله فكره !! .. بس انا مايصير اسافر ويااه !!
    زين: ليش ؟؟
    عبير: يعني .. مايجوز
    زين: ويي عبور عادي .. اهوه مثل اخووج
    عبير: ادري بس ماعتقد ابوي بيرضى .. وبعدين تعالي !! مايصير اقط روحي !!
    زين: عادي شفييج ..
    عبير: خططتي حضرتج ؟؟
    زين: شفييها ؟
    عبير: لا لا مايصير ..
    زين: ويي كيفج زين مني بعطيج حل الحين
    عبير: الحل ان الله يصبرني ..
    زين: آمين .. معليه لتضايقين عمرج .. كلها جم يوم وبيرجع .. عادي المفروض متعوده على غيابه
    عبير: بس عالأقل كنت احسه جريب ..
    زين: يالله معليه .. الله كريم ..
    عبير خذت نفس: الله كريم .. يالله بروح ارقد انا .. بكلمج باجر ..
    زين: اوكي .. بس لحظه !!
    عبير: هممم ؟
    زين: لا لا بس باجر نتفاهم
    عبير: شفيج ؟
    زين: لا لا ولا شي .. اقول تصبحين على خير
    عبير: فيج شي ؟
    زين: لا لا .. يالله بارقد
    عبير: اوكي .. باي


    صكت التلفون .. راحت .. وقفت عند المنظرة .. تمت تجوف روحها .. وتجوف صورة امها اللي معلقتها على المنظره .. وتطالع الشبه ..ابتسمت .. خذت الدفتر وقعدت على سريرها ..
    " آآآه يا يمه .. ليتج معاي الحين .. وتجوفين شلون صايره اشبهج ..
    آآه يمه .. وينج عني .. كل ما احس بالامان .. احسه يروح مني بسرعه ..
    يمه انا خايفه .. ابيج ..
    احسني بروحي .. محد وياي .. محد لي .. ابيج !! ..والله ابيج .. "



    خالد يتحجى فلتلفون: يااا قلبي انتي ..
    ساره: يااروحي انته
    خالد: لا .. يا قلبي انتي
    ساره: لا لا .. يا روحي انته
    خالد ابتسم: قلت لج ياقلبي انتي
    ساره: روحي انت
    خالد: قلبي
    ساره: روحي
    خالد: وحشتيني .. متى بتجوفج ؟؟
    ساره تتدلع: مساعه كنت عندك !!
    خالد: قلبي .. والله وحشتيني .. ابيج طول الوقت وياي ..
    ساره مستحيه: روحي !!
    خالد: ابي صورتج
    ساره: صورتي ؟
    خالد: باجر شعندج ؟؟
    ساره: امممم .. ماعندي شي
    خالد يرن تلفونه waiting .. : قلبي رفيجي يتصل .. بكلمج عقب ..
    ساره: اوكي انطرك ..
    خالد: باي
    دانه: الو
    خالد بلهفه: ياااااا عمري انتي !! وحشتيني !!
    دانه: آيه عليييك وانت اكثر .. شلونك ؟
    خالد: مشتاااااق لج .. حدي حدي مشتااااق لج .. ابييج
    دانه: وانا مشتاااقة لك اكثر .. شلونك حبي طمني علييك ؟
    خالد: بخيير عقب ماسمعت صوتج .. شلونج انتي ؟
    دانه بحيه: بخيير .. والله وحشتني
    خالد: يالله متى بجوفج ؟؟؟
    دانه: تجوفني ؟ مادري !!
    خالد: يالله عااد حرام عليييج .. ارحميني شوي
    دانه: خالد ماقدر كل يوم اطلع من البيت ..
    خالد: انا ماقلت لج كل يوم .. يوم واحد يالله
    دانه: مادري بجوف
    خالد: لا شنو بتجوفين ؟؟ تبين تذبحيني انتي ؟؟
    دانه: اسم الله علييك
    خالد: تحبيني ؟؟؟؟؟
    دانه: اموووت فيك ..
    خالد: باجر
    دانه: عقب باجر
    خالد: قلت باجر
    دانه: بلييز حبي خلها عقب باجر
    خالد: ماقدر !! حرام عليج ماقدر !!
    دانه: يعني انا اللي اقدر ؟؟ بس شسوي !! بليز لاتزعل .. عقب باجر ..
    خالد سكت
    دانه: يالله عااد !!
    خالد يتدلع: ان شاءالله الشوق مايذبحني .. واموت
    دانه مستحيه: اسم الله علييييييك لتقووول جذي !!
    خالد .. تلفونه الثاني يرن .. حاطه عالسايلنت بس يجوفه .. : قلبي .. رفيجي يتصل ..
    دانه: اوكي رد عليه
    خالد يتدلع: خل يولي .. ابيج انتي
    دانه: لا لا عادي رد عليه .. اذا فضيت كلمني
    خالد: متأكده؟
    دانه: اي اي عادي .. يالله
    خالد: تحبيني ؟؟؟
    دانه: امووووووت فيك .. يالله باي
    خالد بسرعه خذ تلفونه الثاني: الوو
    هيا: يعني لازم انطر سنه عشان ترد علي ؟؟
    خالد: شسوي حبيبتي كنت اتسبح .. آسف
    هيا: عندي لك خبر ..
    خالد: قولي !!
    هيا: بنروح دبي !!
    خالد: من ؟؟
    هيا: انا ودلول
    خالد: بروحكم؟؟
    هيا: اييه
    خالد يزعم معصب: شعندكم؟؟
    هيا: بنغير جو ..
    خالد: بدوني ماتروحين .. سامعه؟
    هيا ميته من الاناسه: احلف بتيي؟
    خالد: مينون انا اخلي حبيبتي تسافر بروحها؟؟
    هيا: اللاااااي عيل خل احجز لك ويانه
    خالد: متى عاد؟ خل اخذ اجازه من الدوام
    هيا: مممم .. احنا قلنا الخميس .. الويك اند يعني
    خالد: اشوه يعني مايحتاي اخذ اجازه
    هيا: اللااااي خلودي بسافر معااااك .. احلى شي
    خالد: لحظه شلون امج رضت؟؟
    هيا: وي قلت لها عرس رفيجتي هناك قالت انزين
    خالد: والله شي ..
    هيا: فديتك انا بروح ارقد الحين عشان باجر الصبح اروح ويا دلوول احجز ..
    خالد: اوكي اذا بغيتي شي كلميني
    هيا: اووكي .. يالله بيباااااي
    خالد: باي
    قط روحه عالسرير : اففففففف أذية هالبنااات .. شيفكنا منهم؟؟
    اتصل في رفيجه ..
    خالد: الوووو
    تركي: ماااصدق .. انت وينك؟؟
    خالد: موجوود .. انت اللي وينك ؟؟
    تركي: يييييه انت كل ماقلت لك تعال الميلس ماترضى
    خالد عفس ويهه: بل .. يخي مادري شلون تيلس انت ويا هالاوادم !!
    تركي: انت تعال والله بتستانس ..
    خالد: لا لا .. تبي تجوفني خنتلاقا اي مكان بس مب هالميلس
    تركي: اوكي شعندك باجر؟
    خالد: لا لا باجر مواعد ثنتين انا
    تركي فيه الضحكه: والله انك مب سهل .. عطنا شوي
    خالد: شاعطيييك ؟؟ ماعندك؟
    تركي: عندي بس وحده
    خالد: لتصير طماع .. زين تمت وياااك بعد
    تركي: ليش شجايفني ؟
    خالد: والله وحده احسن لك .. جم مره اخربط باساميهم .. بس الحين ماعندي الا قلبي وعمري .. احسن
    تركي يضحك: ههههههههه الله يهديك بس .. تصدق ذياب يبي يطيح وحده مب قادر ؟
    خالد: اي واحد ذياب ؟؟ بو شنب ؟؟
    تركي: اييه
    خالد: لو تقولي من يبي يطيحها بس .. والله اييب راسها
    تركي: تييب راسها لك ؟؟ شستفدنا ؟؟
    خالد: قدراتي لي بروحي .. آسف
    تركي: محد طلب قدراتك خلهم لك ..
    خالد: لو تقولي من بس .. بتجوفها في لستتي ..
    تركي: قصدك بجوف صورتها في الالبوم
    خالد: بالضبط ..
    تركي: يالله صج متى بنجوفك ؟؟
    خالد: اي يوم بس مب هالويك اند ؟
    تركي: شعندك ؟؟
    خالد: بروح ويا دانه .. دانه ؟؟ لا لا اظن هيا .. اووه اللي اهيا .. دبي
    تركي: شلا ؟
    خالد: انا ابي اغير جو .. جفتها فرصه .. تيي ؟؟؟
    تركي: لا لا ماله داعي ..
    خالد: كيفك
    تركي: خلاص دام باجر انت مب فاضي .. خلها عقب باجر .. بس لتواعد احد ها
    خالد ابتسم: ان شاءالله .. خلاص بكلمك انا
    تركي: انت كله بتكلمني ولا تكلم .. انا بكلمك مو مشكله
    خالد: اووكي ..
    تركي: يالله عيل باي
    خالد: باي



    يوم ثاني ..
    ام مبارك تصارخ على ميري : دورييييها !! انا البارحه جفتها فلمطبخ
    ميري: ماما مافي اهد مني .. يمكن انتي هلمان
    ام مبارك: ياربي !! انتي ماتفهمين؟ انا مب داشه المطبخ ..
    عبير دشت البيت وسمعتها تصارخ .. سوت روحها ماتدري عن شي ..
    ميري يات صوب عبير: ماما كريزي
    عبير يودت ضحكتها ..
    ام مبارك التفتت عليها: انتي شتسوين اهني بعد ؟
    عبير وهي رايحه فوق: بروح حق ابوي
    ام مبارك تصارخ: تعاالي !! انا احاجيج وقفي
    عبير وجنها ماتسمع ركبت حق ابوها ..
    بطلت الباب .. سريره مرتب .. محد .. تناديه: يبه ؟؟ يبه ؟؟ (نزلت تحت) وين ابوي ؟؟
    ام مبارك: محد طلع من الصبح يقول عنده شغل .. شتبين ؟
    عبير وهي طالعه: مابي شي .. (تذكرت انها ماجافت اليهال من زمان .. ردت دشت)
    ام مبارك: شعندج انتي ؟
    عبير ماعطتها ويه .. بسرعه ركبت فوق .. بطلت الباب: تيـــــا !!
    بدور بسرعه ركضت ولمتها: عبيييير
    عبير: آيه علييج شلونج ؟؟ ماجفتج امس !!
    بدور: كنت بيت ماما مريم .. باجر بعد بنروح عشان العب ويا فطوم
    عبير ابتسمت: آيه عليج .. بروح بيت عمي بعدين تيين وياي؟
    بدور وهي زعلانه: لا امي اكيد مابترضى ..
    عبير: معليه حبيبتي مره ثانيه .. عيل وين بدر ؟
    بدور: في غرفة مبارك يلعب بلي ستيشن
    عبير: ايي .. (يودت يدها) تعالي خل نروح له ..
    دشت غرفة مبارك .. وكان بدر حده مشتط يلعب ..
    عبير راحت بتسلم عليه: بدر حبيبي شلونك ؟؟
    بدر عافس ويهه: شتبين ؟ ماتجوفيني العب ؟؟
    عبير كانت ماده يدها .. وبدر ولا جن يجوفها ..
    عبير بهدوء: يعني مابتسلم علي ؟؟
    بدور متضايقه: عيب ماتسلم !!
    بدر التفت عليها: جب انتي لتدخلين !!
    عبير مانزلت يدها .. للحين تنطر .. بدر حس ان لازم يسلم .. مد يده بسرعه وسلم عليها
    عبير ابتسمت وباسته: عفيه عليك .. (التفتت على بدور) ها متى تخلصون امتحانات ؟؟
    بدور تسأل اخوها: هالخميس لا؟
    بدر من غير نفس: اي
    عبير: يه شعندهم اللي بيروحون الخامس !! بتصيرون كبار !!
    بدور مستانسه: اييي !!
    عبير باستها: آيه عليج .. مابتيون عندي الغرفه شوي ؟؟
    بدور يودتها: ايي انا ابي اييي
    بدر معصب: امي ماترضى
    عبير بهدوء تحاجي بدور: سألي امج .. اذا رضت تعالي .. انزين ؟؟
    بدور زعلانه: بتهاوشني
    عبير: اوكي خلاص لتقولين لها انا بعدين باييكم .. انزين ؟؟
    بدور: اخاف امي تزفج!!
    عبير: امممم ..
    شوي الا داشه عليهم ام مبارك .. نقزت عبير وقامت ..
    ام مبارك: انتي شتسوين اهني ؟؟ وقاعده على سريره بعد ؟ خوشي
    عبير باست بدور والتفتت عليهم: تبون شي ؟؟
    بدور تهز راسها ..
    عبير: يالله بانزل ..
    بسرعه نزلت وراحت غرفتها .. اتصلت في ابوها ..
    بو بدر: الو
    عبير: هلا يبه .. شلونك ؟
    بو بدر: بخير الحمدلله .. شلونج انتي ؟
    عبير: الحمدلله بخير ..
    بو بدر: ها يبه ؟ فيج شي ؟؟
    عبير: لا بس كنت بقول لك ان .. بروح بيت عمي
    بوبدر: معليه روحي ..
    عبير: اي بس مب الحين .. العصر .. وابيه يودينا مكان
    بوبدر: وين؟
    عبير: مادري يعني نبي نشتري حق ملجة يوسف
    بوبدر: اوكي مو مشكله .. سلمي عليهم
    عبير: الله يسلمك .. يالله مع السلامه
    بوبدر: الله يسلمج ..


    مروه كانت نازله بكشتها .. اروى كانت حاطه ريل على ريل .. تقرا الجريده .. وتشرب كوفي
    مروه: اروو ؟
    اروى مب ماعطتها ويه ..
    مروه: شلا مارحتي الجامعه اليوم ؟؟
    اروى تقرى وحاقرتها
    مروه عصبت: انا اذا احاجيج عطيني ويه .. لتحقرين
    اروى ساكته ..
    مروه رفست الكوفي عليها خلت ثيابها والجريده كلهم يتسبحون بالكوفي الحار .. اروى من الخرعه صرخت: ااااااااح !! هيييييييي !! (تطالع روحها حدها متلعوزه) انتي شسويتي ؟؟ ( قامت وقطت الجريدة عالأرض)
    مروه تضحك عليها: عشان تعرفين تحقريني مره ثانيه
    اروى رافعه ثيابها: حرقني يالخايسه
    مروه مستانسه: احسن .. شلا تحقرين ؟؟ تستاهلين
    اروى: صبري بس خل امي ترجع بقول لها
    مروه: وييييي تهدديني ؟؟ قوليلها حبيبتي ماعندي مشكله .. حده عادي
    اروى محتره: مالت علييييج
    مروه تحرها: وعلييج حبيبتي (دشت امها)
    ام يوسف: روحوا نزلوا الاغراض من السياره قبل لاتمشي خالتج
    مروه المطيعه قامت ..
    اروى سوت روحها ماتسمع وركبت فوق
    مروه تصارخ: اروى ؟؟؟ سمعتي امي ؟؟
    اروى التفتت عليها: بروح ابدل .. وبعدين جب انتي مالج شغل
    مروه طلعت تنزل الاغراض ..
    اروى بسرعه نزلت تراوي امها ثيابها: يمه جوفي بنتج شسوت ؟؟
    ام يوسف: شمسوية لها انتي؟
    اروى: ولا شي بس اهيا متسببه !! يمه زفيييها
    ام يوسف: انزين انتي روحي بدلي الحين وروحي ساعديها
    مروه دشت وهي شايلة الاغراض .. من جافتها اروى بسرعه ركضت بتبدل ..
    ام يوسف: جذي تلعوزين اختج ؟
    مروه بقت عينها: يمه !! انتي ماجفتي شصار من البدايه !! يعني مايصير تحكمين
    ام يوسف: ماجفت ولا ابي اجوف .. يالله زتج يبي الاغراض !!



    سلطان توه طالع من عند رفيجه .. في يده لسته الارقام "اللي باسم بوبدر". يبي يتأكد أي واحد رقم عبير قبل لايعطي ذياب ..
    اتصل على الرقم الأول ..
    بو بدر: الوو ؟
    سلطان بسرعه صكه في ويهه
    بو بدر عصب: ناس فاضيه
    اتصل على الرقم الثاني ..
    بدر الدين: الوو
    سلطان صكه في ويهه ..
    بدر الدين يطالع تلفونه: مشكل ..
    سلطان اتصل في الرقم اللي عقبه .. مغلق ..
    اتصل في الرقم الثاني ..
    ام مبارك: الووو
    سلطان حس ان صوت مره مب بنت .. صكه في ويهه
    ام مبارك: كرهااااااات تكرهكم ان شاءالله !!
    رد اتصل في الرقم اللي عقب ..
    عبير كانت تتسبح .. بسرعه راحت شالته : الوو
    سلطان حس بصوتها .. ابتسم .. : الو ؟
    عبير مستغربه: من ؟
    سلطان: شلونج ؟
    عبير بخوف: من ؟؟
    سلطان مايبيها تعرفه: افا .. ماعرفتيني ؟؟
    عبير عصبت: بتقول من ولا اصكه في ويهك ؟
    سلطان بيقص عليها: انتي مب نور ؟؟
    عبير بقت عينها: لااء !!
    سلطان: اووه .. آسف بالغلط ..
    عبير: لا عادي
    سلطان: عيل انتي من؟
    عبير: يه ؟؟ يالله باي (صكته في ويهه)


    سلطان اتصل في تركي: الووو
    تركي: هااا
    سلطان: وينك ؟
    تركي ياكل: فلبيت .. قاعد اتغدى
    سلطان: بقول لك ..
    تركي ياكل: همم
    سلطان: حصلت رقمها
    تركي: احلف ؟؟؟؟؟؟
    سلطان: والله
    تركي: شبتسوي فيه ؟
    سلطان: مادري .. تهقى اعطيه اياه ؟؟
    تركي: لا خله يتعذب شوي ..
    سلطان: مادري .. بجوف
    تركي: اصير تخليني آكل ؟
    سلطان: انزين انزين .. يالله باي
    تركي: باي


    عبير فلسياره .. بتروح بيت عمها .. اتصلت في مروه
    عبير: الوو
    مروه: هاا انتي
    عبير: كاني فلطريج
    مروه: انزين اذا جربتي طقيلي رنه
    عبير: اوكي .. يالله باي
    اتصلت في زين ..
    عبير: الوو
    زين: هلاااء
    عبير: شتسوين ؟
    زين: الحين ببدل ..
    عبير: زيووون تعالي ويانه
    زين: تبين امي تفضحني ؟؟ لازم اروح
    عبير: انزين ..
    زين: اذا حصلتي شي صوريلي اياه وطرشيلي .. بقول لج رايي
    عبير: اووكي مو مشكله .. يالله ماعطلج ..
    زين: اوكي بااي
    عبير: بااي ..
    شغل بدر الدين المسجل على اغنية .. " الوداع .. آخر حروفن .. في خفوقي شلتها .. يا تموت بوسط قلبي .. يا اموت ان قلتها .. "


    ذياب كان في غرفته .. طلع صورة عبير من بوكه واهيا ياهل .. ابتسم .. " في خاطره" ماشالله ماتغيرتي ..
    اتصل في سلطان ..
    سلطان من جاف الرقم .. توهق .. في خاطره " اووهوو شقوله ذي بعد " ؟؟
    ذياب ينطر ..
    سلطان: الوو ؟
    ذياب: قوه
    سلطان: يقوييك هلا
    ذياب : شخبار؟
    سلطان: ماشي الحال ..
    ذياب: حصلته ؟
    سلطان متوهق: اي رفيجي قال بيتصل لي بيعطيني اللسته
    ذياب معصب: لي متى يعني ؟؟
    سلطان: الحين الحين بكلمه
    ذياب: ابيه ضروري .. الحين
    سلطان: ان شاءالله


    عبير كانت تتمشى في المول مع مروه ..
    جافت ياهل قاعده تمشي بروحها وتصيح .. خايفه تتلفت يمين يسار .. تمشي جدام وكل دقيقه التفتت وراها .. عبير بسرعه راحت لها ويودتها .. بخوف: شفييج ؟
    الياهل وهي ميته من لصياح: ابي اميييي
    عبير حدها متأثره: آيه علييج لتصيحيين !! (يودتها) شسمج انتي ؟؟
    الياهل وهي تصيح: وييين اميييي
    عبير تتلفت متوهقه .. قامت وشالتها: بس يا قلبي لاتصيحين قطعتي قلبي ..
    مروه تحاجي الياهل: تدرين انج كريهه وانتي تصيحين؟
    عبير معصبه: مروو !! بس سكتي عنها (التفتت على الياهل) حبيبتي انتي وين كنتي ؟؟
    مروه تطلع لسانها حق الياهل والياهل تزييد صياح
    عبير مشت عنها: مروه لاتيين ها
    شوي الا ذيج المره المتدودها تمشي وعيونها متروسه دموع تدور بنتها وتتلفت ومب عارفه وين تروح وهي تنادي بصوتها المخنوق: نوووف .. نوووف
    نوف من سمعت صوت امها زادت فلصياح .. عبير نزلتها .. امها من جافتها ركضت من الوناسه ولمتها بالقوه وهي حابسه دموعها: نووووف حبيبتي .. وين رحتي ؟؟
    نوف تصيح
    عبير واقفه .. تجوفهم شلون لامين بعض .. والدموع تنزل من عينها بدون ماتحس .. آآآه ..
    مروه حست فيها بسرعه راحت لها : اوهوووو اشتغل الليك
    عبير التفتت عليها: امشي وانتي ساكته


    خالد .. بجسمه العريض .. الطويل .. برشاقته .. بسمورته الحلوه .. وشعره اللي واصل لي نص رقبته من ورا .. ولحيته الديرتي .. وخشمه اللي كل البنات ميتين عليه .. عيوون صغيرة وبريئة ..تخدع الكل بنظراتها .. كان قاعد يضيف الصور في البومه الخاص ..
    اتصل له تركي ..
    خالد بسرعه رد عليه: هااا انت
    تركي: شتسوي ؟
    خالد: انا ؟ ويا الصور .. ليش ؟؟
    تركي: اوهووو .. فيه شي يديد بعد ؟
    خالد: يعني .. قاعد اسوي ابديت ..
    تركي: ياحظك بس ..
    خالد يطالع الصوره ويبتسم: لو تجوف سارو شلون لامتني فلصوره !!
    تركي: مسكيييينه
    خالد: شكلي بهون مب رايح دبي تصدق .. هيوو صايره حنانه وايد .. شكلي بكنسلها
    تركي: اوهو .. انت بس هذي شغلتك ؟؟
    خالد: شسوي !! ذلين كلهم اهمه اللي ملاحقيني .. مشكلتهم
    تركي: انزين مب ياي تجوف المباراه الليله ؟
    خالد: فلميلس ؟؟ اسمح لي
    تركي: لا بنروح الكوفي شوب
    خالد: من بيروح وياك ؟
    تركي: لا بس انا وانت ..
    خالد: اذا جذي تمام .. نجوفك هناك عيل
    تركي: خل عنك الصور والخراابيط احسن لك ..
    خالد ابتسم: ان شاءالله (تلفونه الثاني يرن)
    تركي: اوهوو .. بدينه ؟؟
    خالد يطالع الرقم: والله غريب ماعرفه .. برد عليه وعقب بكلمك ..
    تركي: اووكي يالله باي
    خالد رد: الوو ؟
    صوت بنت : الوو ؟؟
    خالد مب عارف الصوت من .. : من معاي ؟؟
    البنت تتدلع: انت من ؟؟
    خالد: لا ؟؟ من اللي متصل ؟؟
    البنت: انا .. بس انت من ؟؟
    خالد: انتي تبين من ؟؟
    البنت: انت خالد ؟؟؟
    خالد متعود على هالحركات: من ماعطج رقمي انتي بعد ؟؟
    البنت: محد ..
    خالد: لا ؟؟ نزل لج من السما ؟؟
    البنت: اووه خالد .. بليز
    خالد: من انتي ؟
    البنت: ماتعرفني
    خالد: انزين شسمج ؟؟ يعني شناديج الحين؟
    البنت: ريم
    خالد: ماشالله انتوا كلكم اسمكم ريم ..
    ريم : نعم ؟؟
    خالد: لا ولا شي .. الحين شتبين مني ؟؟
    ريم: اووه لتسوي روحك ثقييل عااد
    خالد يضحك: انتي شتبين ؟؟
    ريم: مابي شي ..
    خالد يبي يحرها: متأكده ؟؟
    ريم: اييه
    خالد: اوكي يالله باي
    ريم: لحظه !!
    خالد: خير ؟؟
    ريم: اووه خالد شفيك ؟؟
    خالد يبي يحرها: انا عندي ..
    ريم: لوو تكلم عشر .. ابيك
    خالد ابتسم ..
    ريم: بليز !!
    خالد: كيفج انزين .. ولكم تو ماي لست ..
    ريم استانست
    خالد: انزين عادي اكلمج بعدين ؟؟ مشغول شوي
    ريم ابتسمت: اوكي مو مشكله ..
    خالد: يالله اخليج .. تبين شي ؟؟
    ريم: لاا سلامتك .. يالله باي
    خالد: باي
    خالد " في خاطره" طل فويهج


    يوم ثاني
    عبير كانت قاعده في حديقة بيتهم .. على الدورفه .. تغني بصوت هادي وتلعب في شعرها .. وتتدورف بالعدال .. " يـا من عرفني الليل واقف على بابـه .. لصرخ واهد الحيــل ماتحمل غيابه " في هالحزه وقف وراها مبارك من بعيد .. بدون ماتلاحظه .. يسمعها تغني .. ويقطع صوتها صوت التلفون .. رقم خارجي ... بسرعه ردت: الوو ؟؟
    زياد: عبووووووور
    عبير فزت: ماااااااااصدق !! لحظه لحظه !! من صجك ؟؟؟
    زياد: اكرهك يالشييييييينه اكرهك من جد اكرهك
    عبير تضحك: محد يكرهك غيري !! توك متذكرني ؟؟؟؟؟
    مبارك صاده فضول يعرف من المتصل..
    زياد: يوووه لو تدرين وش صار بس !! جوالي انتحر ومو حافظ رقمك !! عجزت ارسل لك ايميلاات !! ويييينك انتي ؟؟
    عبير: لا حبيبي ماتمشي علي هالاعذاار .. (مستانسه) مااااااصدق !!
    مبارك ماقدر يستحمل .. جرب زود منها .. سمعت حسه والتفتت عليه وتخرعت .. انصدمت .. بقت عينها .. مبارك !! شييبه هني ؟؟
    طاح التلفون من يدها ..
    وهوه واقف يطالعها ..


    !!!!!
     
  5. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    الجــــزء الرابــــع [4]


    عبير من الصدمه ماعرفت شتسوي ..
    مبارك فيه فضول يبي يعرف اهيا تكلم من بالضبط ؟؟
    عبير تبي تغطي علموقف .. ابتسمت: مبارك ؟؟؟ خرعتني !!
    مبارك من غير نفس: جايفه يني ؟؟
    عبير تهز راسها: لالا .. بس .. كنت .. (رفعت حواجبها) انت من متى هني ؟؟؟؟؟
    مبارك يطالعها .. ويرد يطالع تلفونها اللي طايح علأرض .. من غير نفس: ردي قاعد ينطرج (مشى عنها) ..
    عبير " في خاطرها" امبيه شفيه !!
    بسرعه خذت تلفونها .. طبعا مانطرها زياد .. صكه .. ركضت ورا مبارك بسرعه اللي توه كان بيدش البيت: مبارك !! لحظه !! مباارك !!
    مبارك مب ماعطها ويه .. يمشي ولا جن يسمعها
    عبير ركضت وصارت يمه .. وهي تنافخ: احاجيك !!
    مبارك يود الباب والتفت عليها: نعم ؟ فيه شي ؟؟
    عبير مستغربه: بقوللك شي .. بس .. شكله مزاجك
    رن تلفونها .. ومبارك يطالعه ويرد يطالعها: مزاجي ؟؟ (بسرعه مشى عنها)
    عبير ردت علتلفون: الو
    زياد: وينك؟؟
    عبير وهي تتحجى بسرعه: سووري سووري والله .. المهم انت شلوونك طمني علييييك ؟؟ (مستانسه) وشلون حصلت رقمي؟؟ امبيه من زمان عنك !! انت فوين الحين ؟؟ الساعه جم عندك ؟؟
    زياد يقاطعها: يؤ لحظه !! شوي شوي علي !! اسمعي ..انا لازم اروح الحين فهد يحتريني .. بعدين بكلمك .. حلو ؟
    عبير ابتسمت: حلو .. خلاص على خير
    زياد: احفظي رقمي عندك.. يالله انتبهي لنفسك ..
    عبير: ان شاءالله ..
    زياد: باي
    عبير: باي
    راحت حق مبارك .. طقت عليه الباب .. مايرد .. طقت مره ثانيه .. كانت متردده تبطل الباب ولا لا .. شوي الا اهوه ياي ميود كوب الجاي .. ماكان بالغرفه .. وجافها واقفه عند بابه .. حست فيه بسرعه التفتت وهي مفتشله: اووه .. سوري عبالي انت
    مبارك يقاطعها: تعالي برا
    مشى ومشت وراه .. طلعوا برا .. قعد علدجه .. وهي تمت واقفه .. رفع راسه يطالعها: قعدي
    عبير قعدت يمه: مبارك ؟؟
    مبارك وهوه يحرك القفشه فلجاي: هممم ؟
    عبير ابتسمت: الحمدلله عالسلامه !!
    مبارك: الله يسلمج
    عبير: ماقلت لي انك بتيي ! بس تدري زين اللي ييت كنت حدي متضايقه انك بتروح بدون
    مبارك يقاطعها: من كنتي تكلمين ؟
    عبير ببراءة: متى ؟؟
    مبارك بنفس النبره: من كنتي تكلمين ؟؟
    عبير: زياد ؟؟
    مبارك التفت عليها: تسأليني ؟؟؟؟؟؟ انا اسألج .. من ؟؟
    عبير: اي تقصد اللي توني يعني ؟؟ زياد !!
    مبارك ناسي: اي زياد ؟؟
    عبير: وي !! زياد بعد اي زياد ؟؟
    مبارك معصب: اوهووو عبير شفيج !! لتلفين وتدورين قلت لج اي زياد جاوبيني !! لاتردين تسألين !! يه !!
    عبير: انزين انزين شفيك معصب انت الحين ؟؟ زياد .. خالي .. نسيته ؟؟
    مبارك: لا مانسيته ..
    عبير ابتسمت: قول انك مابتروح الصين .. !!
    مبارك التفت عليها: امبلا بروح ..
    عبير بضيق: مبارك !! لتروووح !!
    مبارك: جانزين اقدر !! بس شسوي .. لازم اروح ..
    ام مبارك تصارخ من داخل البيت: مباااااااااااااااااارك !! مبااااااااااااااااااارك !!
    مبارك خاف على امه بسرعه ركض داخل وركضت وراه عبير ..
    مبارك: يمه !! شفيج ؟؟؟؟؟
    عبير بخوف: شصاير ؟؟
    ام مبارك تطالعها بخوف: ابوج مادري شفييه .. امشوا خنوديه المستشفى
    عبير طاح قلبها بسرعه ركضت بتجوفه: يبه !!
    كان قاعد عالسرير ومنزل راسه .. ويده على صدره وعافس ويهه من الألم
    عبير بسرعه راحت يمه: يبه !! يبه شفييك ؟؟
    مبارك دش عليهم وراح يوده: يالله عمي خنروح المستشفى
    عبير وهي حابسه دموعها من الخوف: يالله يبه .. (التفتت على مبارك) انت طلع السياره وكانه احنا بننزل
    مبارك حط يد رياض على جتفه وتم يمشيه .. ونزله بلعدال تحت .. قعده علكرسي وراح يطلع السياره ..
    مبارك يسوق .. امه يمه .. وعبير وابوها ورا .. وهي طول الوقت ميوده يده وتقرا عليه ..



    خالد توه داش الكوفي شوب .. يدور رفيجه .. يتلفت .. حصله قاعد بروحه .. وشكله كان متضايق .. بسرعه راح قعد يمه: تركي؟؟
    تركي التفت عليه بضيق: همم
    خالد: شصاير ؟؟
    تركي: لا .. ولاشي ..
    خالد: اي ولا شي !! قولي شفيك ؟؟
    تركي : مافيني شي ..
    خالد: علي انا هالحجي ؟؟ جوف ويهك عقب قول مافيني شي .. صاير شي بينكم؟؟
    تركي خذ نفس: تهاوشنا
    خالد: عادي !! لازم كل اثنين يتهاوشون .. شصار فلدنيا ؟؟
    تركي: لا بس هالمره غير ..
    خالد: قولي شلون اقدر اساعدك ؟؟
    تركي: لا لا شكرا .. مشكلتي وانا بحلها
    خالد: انا من صجي
    تركي التفت عليه: ماله داعي
    خالد: انت عاجبك الوضع جذي ؟؟
    تركي يهز راسه: لا
    خالد: بس عيل .. خل الخبير يحلها
    تركي ابتسم: خبير مره وحده؟
    خالد ابتسم .. يعدل كلر ثوبه: ليش شجايفني ؟؟
    تركي: والله انا مب قصدي اجذب عليها .. بس .. والله اضطرييت .. (بحزن) مابيها تروح مني
    خالد ابتسم: ماتروح منك وانا رفيجك افا عليك بس .. (وقف) عطني تلفونك
    تركي: شتبي فيه ؟
    خالد ماد يده: انت عطني !!
    تركي عطاه التلفون: هااك
    خالد طلع برا يكلمها .. وتركي قاعد ينطر على اعصابه .. خالد طوّل .. عشر دقايق بالضبط الا داش والتلفون في يده : تبيك
    تركي مب فاهم: ها ؟؟
    خالد: رد !!
    تركي خذ التلفون .. بتردد: الو ؟
    اروى: الوو
    تركي ابتسم: حبيبتي ؟؟
    اروى: عيوونها
    تركي مستانس : لحظه شوي .. (نزل التلفون والتفت عليه) شقلت لها ؟؟؟
    خالد: مايخصك .. تحجى بس فكني
    تركي مب فاهم شسالفه .. رفع التلفون: الوو
    اروى: وينك ؟؟
    تركي: لا .. ولا شي .. شلونج انتي ؟
    اروى: الحمدلله
    تركي مب عارف شيقول: شتسوين ؟؟
    اروى: اممم .. عقب شوي بروح ويا اختي بجوف فستاني ..
    تركي: حفلة يوسف ؟؟
    اروى: اييه ..
    تركي ابتسم: وعد مني .. اقل من شهر وانا ف بيتكم
    اروى مستحيه: ان شاءالله .. انزين انا الحين بنزل لهم ينطروني .. بكلمك بعدين
    تركي: اوكي.. تحملي بروحج
    اروى: ان شاءالله وانته بعد .. يالله باي
    تركي: باي
    خالد: اللي يجوفك الحين .. مايقول هذي انت اللي قبل ربع ساعه
    تركي شاق الحلج: شقلت لها عاد ؟؟؟
    خالد: ولا شي .. المهم .. من صجك بتخطبها انت ؟؟ ولا بس جذي؟
    تركي: لا والله من صجي .. بس انطر ابوي وعمي يرجعون من السفر ..
    خالد: والله انك مب سهل .. عيل تحبها ها ؟
    تركي: انت شعليك عاد !! يه !!
    خالد: يابختك
    تركي: انا ولا انت ؟؟
    خالد: اكيد انت
    تركي: لا يبه انت .. البنات يتذابحون عليك ..
    خالد: وعبالك فن يعني ؟
    تركي جرب يمه: خلود انت مافكرت تخطب ؟
    خالد بضيق: اخطب من ؟؟؟؟ قولي بس اخطب من ؟؟ من هالبنات اللي اكلمهم ؟؟؟؟؟؟
    تركي .. وهوه متردد: للحين تحبها ؟
    خالد عصب: تركي !! قلت لك لاتذكرني فيها !! خلاص انا نسيتها .. ماحبها .. ولا ابيها ..
    تركي مصمم: انت كنت ناوي تخطبها ؟؟
    خالد: انت شسالفتك اليوم ؟؟؟؟
    تركي: بس جاوبني
    خالد بضيق: كنت .. وانا كل اللي قاعد اسويه الحين عشان انساها .. لان اللي سوته فيني مب شوي .. تركي ممكن تغير الموضوع ؟؟ ترى بامشي
    تركي: لا لا بس خلاص وين تروح ؟؟ ايلس ايلس ..
    خالد: جذي اريح .. لا حب لا عوار راس .. تضييع وقت بس .. (يهز راسه) حرمت احب
    تركي ساكت ..
    خالد متضايق: اففف ويا راسك انت شلا تذكرني ؟؟؟؟؟ والله كنت مستانس ..
    تركي: خلاص انزين لتعصب .. المهم قوللي .. وين بتروح اليوم ؟؟
    خالد: اممممم .. يمكن امر الميلس .. تيي ؟؟
    تركي: اي ميلس ؟؟
    خالد: فصوول من غيره .. بتيي ؟
    تركي: اول شي بمر عند ذياب وعقب باييكم ..
    خالد جرب يمه: انت شوديك لهم ؟؟ والله اشكالهم مب هينه .. بيني وبينك .. مايحششون ؟؟
    تركي بق عينه: آآ !! لا لا !! كلش لا !!
    خالد: يه .. خصوصا ذياب ذي .. بالله عليك مايشرب ؟؟
    تركي: وانا شعلي منه ؟؟
    خالد: صدقني انا سامع عنه حجي .. وكل الشباب اللي يروحون له خرااب مثله .. خله عنك بس
    تركي ساكت ..
    خالد: اي صج .. سعود يسلم عليك
    تركي التفت عليه: سعود !! بوو وينه ذي مختفي ؟؟
    خالد: كان مسافر .. اليوم بيمرنا الميلس
    تركي ابتسم: بوووو من زمان ماسمعته يغني ..
    خالد: ييييه صل علنبي .. من يغني تسكته انت !!
    تركي: اخاف عليه يصير مغرور .. كلمه كلمه خل اتسبب فيه شوي ..




    فلمستشفى ..
    عبير على اعصابها .. مب قادره تقعد .. رايحه وراده .. حدها متوتره ..
    مبارك راح يمها: قعدي عاد !!
    عبير بخوف: لا .. عادي
    شوي الا الدكتور طالع من عنده ..
    عبير بسرعه ركضت له: دكتور !! ابوي شفيه ؟؟
    الدكتور التفت على مبارك: انت ولده ؟؟
    عبير بخوف: انا بنته !! شفيييه ؟؟
    الدكتور: آسف بس انا مضطر اسويله عملية الحين
    مبارك: عملية شنو ؟؟
    الدكتور: قسطره
    عبير بخوف: ليش ابوي شفيه ؟؟
    الدكتور: اي تأخير ممكن يضر بالمريض .. رايحين غرفة العمليات .. الحين اييكم الممرض يقول لكم شسالفة (مشى عنهم)
    عبير تطالع مبارك بخوف: شصاير ؟؟
    الممرض طلع: انتوا عياله ؟
    مبارك: خير شصاير ؟؟
    الممرض وهوه يطالع الأوراق: لو كنتوا متأخرين شوي جان .. مالحقنا عليه .. بس الحمدلله .. مضطرين نسويله القسطره الحين لان عنده انسداد في احد شرايين القلب
    عبير تبلع ريجها: شمنه ؟؟
    الممرض: الجلطه ؟؟
    عبير داير راسها: ابوي فيه جلطه ؟؟ يعني شنو ؟؟
    الممرض: يعني .. خلني اشرح لج شوي .. ضغطه مرتفع وايد .. والكولتسرول مرتفع بعد .. وفيه السكر .. والضغوطات النفسيه لها تأثير بعد .. بس لتحاتون ان شاءالله كل شي بيصير تمام .. بس يمكن يطول داخل .. (يطالع ساعته) يبيله علأقل 3 ساعات ..
    عبير بخوف: ياربي !!
    الممرض يكمل: بس حاسبوا .. بعد العمليه .. مابي اي شي يضايقه او يزعله .. حاولوا قد ماتقدرون .. لان كلش خطر عليه (مشى عنهم)
    عبير بخوف التفتت على مبارك: مباارك !!
    مبارك يحاول يهديها: معليه لتخافين .. بيقوم بالسلامه ان شاءالله
    عبير دمعتها نزلت: وااي ماستحمل !!
    مبارك يتلفت: وين امي ؟؟؟
    عبير قعدت عالكرسي تصيح .. ماقدرت تيود روحها
    مبارك راح قعد يمها .. بهدوء: عبير .. ان شاءالله مافيه شي ..
    عبير تصيح وهي منزله راسها: مبارك !! اذا صار في ابوي شي بمووت .. باين !!
    مبارك: اسم الله عليج .. مابيصيده شي لتخافين
    عبير تصيح .. رفعت راسها تجوفه: مبارك انا مالي غيره !!
    مبارك قرب صبعه يم شفايفها: اشششش .. ماله داعي هالحجي الحين .. ادعيله .. الله يشفييه
    عبير خذت نفس: لا اله الا الله ..
    مبارك قام: بروح اجوف امي ..
    عبير منزله راسها وتحاول تحبس دموعها ..
    مبارك: ماتبين تروحين البيت تريحين شوي ؟؟
    عبير: لا لا عادي .. انت روح ارتاح واذا صار شي بكلمك
    مبارك: لا لا عادي بس بودي امي وبرجع لج ..
    عبير: لا ماله داعي ترجع .. انت لازم ترتاح ..
    مبارك : اذا تبين شي اتصلي .. لتخافين مابتأخر بس بوديها وبرجع ..
    عبير: لحظه مبارك !!
    مبارك التفت عليها: هممم ؟
    عبير: طمني عاليهال .. خل ميري تحط بالها عليهم ها
    مبارك: ان شاءالله لتحاتين ..


    مروه كانت قاعده تجوف فلم فلتلفزيون ..
    ام يوسف طالعه من المطبخ: مروه امي .. بتيين وياي بيت يمه شيخه ؟
    مروه مشتطه ويا الفلم: يمه .. بعدين
    ام يوسف: يالله انا بامشي .. بيونه نسوان اهناك
    مروه: يمه !! (ألتفتت عليها) نطري خل يقول لها السالفه قبل بعدين
    ام يوسف : اي سالفه؟
    مروه: يمه يمه فلفلم .. بس خليني اجوف !! بايي بايي بس نطري يخلص
    ام يوسف: اوهو شكثر يبيله ذي بعد ؟
    مروه تتحلطم: انا لله .. الحين الحين دقيقه بس .. اششش
    ام يوسف: وه علييج انتي بعد .. وين اختج ؟؟
    مروه: ياربي !! مادري وينهي ماتت
    ام يوسف: وي اسم الله على بنتي .. (راحت يابت دفتها وشنطتها وقعدت فلصاله تنطر الفلم يخلص .. )
    مروه قامت: كله منج !! خلص
    ام يوسف: احسن .. يالله روحي نادي اختج وتعالوا
    مروه ركبت فوق بسرعه .. دشت على اروى .. كانت تتحجى فلتلفون وتضحك .. من جافتها نزلت التلفون وصكته ..
    مروه تخزها .. ونبرة صوت تخرع: شتسوين ؟؟
    اروى بخوف: ها ؟ ولا شي .. (قامت) وين امي ؟
    مروه صكت الباب وقفلته: قعدي لو سمحتي عندي وياج سالفه
    اروى : اي سالفه انتي بعد ؟؟ يالله طلعي برا فكيني
    مروه حطت المفتاح في مخباها: قعدي ..
    اروى قعدت: نعم ؟
    مروه: جوفي .. صج اني انا اصغر منج .. بـ 10 سنين
    اروى تقاطعها: ويهج !! كلهم 4 !!
    مروه: المهم .. مب هذي سالفتنا (تعدل قعدتها وتغير نبرة صوتها) من كنتي تكلمين ؟؟
    اروى قامت: اوهووو انتي شفيج الحين ؟؟ ماكنت اكلم احد .. وخري بنزل حق امي
    مروه تطالعها بنص عين: جوفي انا مابي اقول حق امي عشان ماسوي بينج وبينها مشاكل .. تعرفيني ماحب المشاكل .. بس في امل اقول حق يوسف .. اهوه يعرف شلون يتفاهم وياج
    اروى بخوف: شنو يعني انتي قاعده تهددين ؟
    مروه تبتسم: لاتبوق .. ولاتخاف ..
    اروى رفعت حواجبها: نعم ؟
    مروه: اذا ماكنتي مسويه شي .. ليش تخافين اذا قلت حق يوسف ؟؟ عادي
    اروى: اوهوو انتي شسالفتج اليوم ؟؟
    مروه: قوليلي من كنت تحاجين .. ومابقول حق احد
    اروى تفكر ..
    مروه قامت: عندج مهله .. اول مانرجع من بيت امي شيخه بتحجين .. او .. اخلي يوسف يتفاهم وياج
    اروى قامت: اوكي خلاص ..
    مروه: بس على شرط ..
    اروى: اوهووو انتي شتبين ؟؟
    مروه: تلفونج يتم عندي لين ما تقررين
    اروى: لا والله ؟؟ لا لا مايصير .. يالله عاد بلا سخافه !!
    مروه: هاج .. صكييه مابتعبث فيه ولا بجوف شي .. حطيله عشرين الف بنكود ماعندي مشكله .. بس بيتم عندي يعني بيتم عندي
    اروى بندت تلفونها وعطتها اياه: هااج
    مروه حطته في مخباها بهدوء: كونان على غفله ..
    اروى خذت دفتها وشيلتها: يالله خنروح
    مروه بطلت الباب: جدامي بسرعه
    اروى بسرعه طلعت .. مروه طلعت وراها وقفلت الباب .. فيها الضحكه .. حست روحها من صجها قاعده تحقق .. بس حاولت تيود روحها وماتبين شي .. نزلوا ..
    ام يوسف تتحلطم: انتوا شتسووون هلكثر ؟؟؟؟؟؟ يالله تأخرنا
    مروه: انزيييييين يمه !! مادري من بيي عاد .. كلهم خاله شريفة المتلتله
    ام يوسف: عيب عاد استحي على ويهج
    مروه جربت يم امها: بالله عليج مب امتلتله ؟؟ موول تقولين ملصقة بعلووج ؟؟ مادري شعبرها تمشي وتيينه
    ام يوسف عصبت: استحي !!
    مروه: مسكينه تكسر خاطري .. لا صج انا يعورني قلبي عشانها ..
    ام يوسف سحبتها: عن هالسوالف وامشي بسرعه
    مروه: يمه يمه صج بتيي ذيج اللغوية ؟؟
    ام يوسف: اي لغويه بعد ؟؟
    مروه: ذييييج اللي عندها حبة خال في حنجهاا ..
    ام يوسف ابستمت: يمكن اتيي
    مروه وقفت: لااااااا !! لا لا يمه اسمحيلي مب يايه .. لا لا لا ماقدر .. والله راسي يعورني .. ماتسكت !! عوووووذ بالله منها !! بربربرببربربر ولا تسكت .. يمه اذا عندج بندول بايي (التفتت عليها) يمه انتي بتسوقين ؟؟
    ام يوسف: لا اروى .. يالله بسرعه


    عبير كانت بروحها فلمستشفى .. مب عارفه تيلس .. ولا توقف .. رايحه وراده .. تحاتي ..
    رن تلفونها ..
    عبير وصوتها مخنوق: الو
    زين: عبوور ؟؟ شفيج ؟؟
    عبير بضيق: ابووي ..
    زين خايفه: شفييييه ؟؟ خرعتيني تحجي ؟؟
    عبير: فلمستشفى .. مادري شفيييه
    زين: وي آيه علييج لتحاتين ان شاءالله مافيه شي .. انتي الحين هناك؟
    عبير: اي
    زين: من وياج ؟
    عبير: محد .. يمكن مبارك ايي ..
    زين: ويي .. والساحره وينهي ؟؟
    عبير: ردت البيت .. (تجوف تلفونها) هي تلفوني مافي جارج .. بيبند الحين
    زين: ويي .. اوكي اوكي .. طمنيني عاد
    عبير: ان ش ( انصك ) .. اووهووو ..



    ذياب كان فلميلس ويا الشباب ..
    دش سلطان .. : السلام عليكم
    ذياب وقف: تعال ابيك ..
    سلطان متوهق .. طلعوا برا ..
    ذياب: الرقم ؟؟
    سلطان طلعه من مخباه .. : يوّد
    ذياب: متأكد ؟
    سلطان: ايه
    ذياب: وشلا ماتقول انك حصلته ؟؟
    سلطان: كاني ييتك ..
    طلع عبدالرحمن من الميلس ..: هاا ؟ بتمشون ؟؟
    سلطان يتلفت: وين ؟؟
    عبدالرحمن: بنمر على عبود فلمستشفى ..
    سلطان مب فاهم شسالفه: ليش شفيه ؟
    عبدالرحمن: ليش ماتدري عن الحادث؟
    سلطان توه متذكر: اووه اووه صج .. نسييت انا .. يالله يالله مشينه
    ذياب: يالله بس باييب تلفوني من داخل ..
    سلطان: ننطرك فلسياره



    عبير عيزت وهيا تنطر .. لا عندها تلفون ولا شي .. راحت بتشتريلها شي تشربه .. وهي تتمشى .. الا الشباب كلهم داشين المستشفى .. بازعاجهم وسوالفهم ..
    عبير كانت منزله راسها .. وتمشي .. في يدها البيبسي تبي تركب اللفت . .قاعده تنطره ..
    ذياب: تدلون عاد ؟؟
    عبدالرحمن: ايه ايه خنركب ..
    تبطل اللفت .. دشت عبير وهي منزله راسها .. طقت الدور الرابع .. ودشوا الشباب وراها .. التفتت تبي تجوف شسالفه .. الا كل اللفت صبيان .. توهقت .. توها بتطلع الا تجوف ذياب وسلطان وياهم .. بقت عينها .. انصك اللفت .. عبير خايفه ..
    ذياب مستغرب وقاعد يخزها .. وهي ميته من الخوف .. هذي مره ثانيه !!
    وصل الدور الرابع .. كلهم بينزلون فيه ..
    عبير تنطرهم يطلعون عشان تطلع ..
    ذياب ابتسم .. يحاجي ربعه وهمه طالعين: صبروا .. جوفوا شبسوي فيها
    سلطان: مب الحين عاد !!
    عبير طلعت .. ذياب وقف جدامها مايخليها تطوف .. والصبيان كلهم واقفين يمه يجوفون شسالفه .. وسادين عليها الطريج
    عبير ميته من الخوف ..
    ذياب بهدوء: شلونج ؟
    عبير وقلبها يدق وريجها حدها ناشف: لوسمحت وخر ..
    ذياب جرب منها اكثر: ممكن دقيقتين لو سمحتي ؟
    عبير حدها معصبه .. رفعت صوتها: لااااء !! وخر بس !! شتبي انت !! وين ماروح القاك في ويهي !! لوعت جبدي ترا (حست روحها حدها تصارخ والصبيان كلهم قاعدين يطالعونها .. ماعرفت شلون تشرد من الموقف .. خذت البيبسي اللي في يدها وكتته على ثوب ذياب .. توها بتمشي تذكرت انها نست بوكها تحت في الكفتيريا .. بسرعه راحت صوب اللفت بتنزل الا مبارك في ويهه .. عبير حدها استانست: مباااااااارك !! (سحبته ودخلته داخل) تعال تعال
    ذياب تم منصدم .. واقف يطالع ثوبه .. والصبيان كلهم يخزونه ..
    وعبدالرحمن حابس ضحكته .. يتطنز: امحق !! جذي عاد تسوي فيك ؟؟ ههههههههه والله شكلك نكته
    ذياب حده معصب .. توه بيروح صوب اللفت يوده سلطان: خلها
    ذياب معصب .. وحده متفشل .. جدام لصبيان كلهم صرخت عليه وسبحته بالبيبسي واهوه ماسوى شي .. حتى لو كان يبي يسوي شبيسوي ؟؟
    عبدالرحمن: يالله امشوا تأخرنا عن الريال
    ذياب يتحلطم وهو مهوس على يده بالقوه: انا اراوييج .. (دز سلطان وهوه رايح بينزل .. بسرعه يوده ) صل علنبي وين رايح انت ؟
    ذياب: مب انا اللي تسوي فيني جذي ..
    سلطان ميوده بالقوه: امش لتسويلك سوالف بس !! جوفها متنرفزه من شنو وحطت حرتها فيك
    ذياب: انا الحين بسكت .. لكن .. اذا ماخليتها تركض وراي .. ماكون ذياب


    مبارك في اللفت .. مستغرب: شفييج ؟؟ شصاير ؟؟ وشفيه ويهج مصفوق جذي ؟؟
    عبير تحاول تغير السالفه: بووكي !! نسيته فلكفتيريا .. في صورة امي ..
    مبارك صدقها: اووه .. يالله بسرعه امشي خنجوفه ..
    عبير بسرعه راحت صوب الكفتيريا وسألتهم عنه .. وعطوها اياه .. : وه .. (حطت بوكها على صدرها) وااي .. ماصدق
    مبارك راح يمها: حصلتيه ؟؟ اشوه الحمدلله ..
    عبير: وه كنت بمووووت ...
    مبارك: اسم الله عليج .. والله خرعتيني عبالي صاير شي
    عبير: اشوه اللي ييت .. ولا جان مادري شبسوي ..
    مبارك يخزها: صاير شي انا ماعرفه ؟؟
    عبير خافت: شي ؟؟ يعني مثل شنو ؟
    مبارك: مادري .. عيزت اتصل لج وتلفونج
    عبير قاطعته: مافي جااارج !! بس !!
    مبارك: انزين شخبار عمي؟
    عبير كل شوي تتلفت: للحين في غرفة العمليات ..
    مبارك: تهقين بيطول ؟؟
    عبير: اممم .. مادري من شوي سألتهم يقولون يبيله ساعه علأقل ..
    مبارك: عيل تعالي خل اشرب شي ..
    عبير تتلفت: ها ؟ اي يالله
    مبارك: عبير فيج شي ؟؟
    عبير: انا ؟ لا مافيني شي .. شفيني ؟
    مبارك مستغرب: لا .. ولا شي .. امشي يالله
    مبارك خذاله كوفي .. وقعدوا علكرسي ..
    مبارك: تبين اييب لج الجارجر ؟؟
    عبير: لا لا عادي .. ماحتاج التلفون الحين ..
    مبارك: انزين ماتبين تروحين تريحين شوي ؟؟
    عبير: خل يطلع ابوي من العمليه واتطمن عليه .. بعدين يصير خير ..
    مبارك: لازم تريحين ..
    عبير ابتسمت: ان شاءالله ..
    مبارك: لازم اجهز اغراض السفر .. افف كلش مالي خلق
    عبير: لتحاتي اول مارجع البيت بجهز لك
    مبارك ابتسم: لا عادي
    عبير متضايقه: ياربي
    مبارك: معليه .. اهم شي لتتضايقين من امي .. انتي تعرفينها تحب تسوي سوالف مالها داعي .. المفروض تعودتي عليها ..
    عبير: ماقصد بس ..
    مبارك: وقت اللي تبين تيين اهني خلي بدر الدين اييبج ... ولا عليج من احد .. وطمنيني عليه .. انا باجر الصبح مسافر
    عبير بقت عينها: بااااجر !! لا عااد !!
    مبارك: شسوي ماحصلت حجز الا باجر ..
    عبير: مايمديك تجهز شي .. شلا ييت ؟؟ جان كملت اغراضك ؟؟
    مبارك: لا مايصير اخليج بروحج
    عبير: خلاص نتطمن على ابوي وبنروح .. قولي انت شخبار اليهال ؟؟
    مبارك: الحمدلله .. يزعم يدرسون .. بدور ماخذة مكياج امي ولاعبه في ويهه لعب .. دشيت عليها تخرعت
    عبير ابتسمت: يحليلها !! وبدر ؟
    مبارك: بدر هذوهوه ويا البلاي ستيشن اللي مايقدر يهده .. الله يستر من نتايجهم بس .. (وقف) قومي انزين خنروح له ..
    عبير قامت وراه .. ركبوا اللفت .. توهم بيطلعون الا ذياب في ويههم ..
    عبير بسرعه سحبت مبارك ومشت ..
    ذياب تم واقف يخزها .. ومبارك مافهم شسالفه كان يحوس في تلفونه .. التفت عليها: ها ها شفيج ؟؟
    عبير وهي تتلفت وراها: لاااا بس امش يالله خنجوف الدكتوور ..
    مبارك: انزيين امشي .. شوي شوي .. بلعدال شفيج ؟؟
    عبير تسحب فيه: لا مستعيله انا .. امش يالله
    ذياب حده معصب .. نزل بسرعه وركب سيارته .. والموقف اللي صاده مايغيب عن عينه ..
    شلون قدرت تفشله جدام ربعه وهوه تم ساكت ؟؟ ولييش تم ساكت اصلا ؟؟ ليش مارد عليها ؟؟ ليش مالحقها ؟؟ سوالها اي شي يبرد حرته .. مب جذي جدام الشباب .. !!
    حاول يتصل لها .. بس تلفونها مسكر ..



    مروه توها بتدش البيت.. يودت يد اختها: يالله جدامي
    ام يوسف: شعندكم ؟؟
    مروه: يمه .. لوسمحتي لتدخلين .. سالفه بين اختين
    ام يوسف مشت عنهم: مالت عليكم
    اروى: انزين انزين هدييني .. بالعدال
    مروه تدزها: امشي بسرعه يالله .. مب هادتج
    اروى: افففففف ..
    ركبوا فوق وطول الوقت مروه تدزها : جدااااااامي
    بطلت باب الغرفه وقعدتها عالسرير .. سحبت الكرسي وقعدت مجابلتها .. : تحجي اهو
    اروى: افف شتبيني اقول لج ؟؟
    مروه: اروى مابي اعيد سؤالي مره ثانيه .. انتي تعرفين زين انا شسألت مساعه .. وتعرفين زين اذا ماجاوبتيني .. من اللي بيسألج .. فأحسن لج لتطولين السالفه
    اروى متوتره: اوهووو لتسوين لي جذي والله تخرعين
    مروه حابسه الضحكه: اروى تخاف مني ؟ من متى ؟؟ ( من صجها يزعم معصبه) يالله خلصيني !!
    اروى منزله راسها: واحد
    مروه بقت عينها: لا ؟؟؟؟؟؟ حلفي عاد ؟؟ لا لا بس ابيج تحلفين .. لا بس حلفي انتي ان واحد .. واحد يالظالمه ؟ متأكده مب اثنين ؟؟؟ (غيرت نبرة صوتها) ادري واحد !! بس من ذي ؟؟
    اروى بخوف: شتبين تعرفين بالضبط ؟؟
    مروه عدلت قعدتها: كل شي .. جوفي مافي رقاد الليله .. انا مستعده اقعد معاج لي الصبح .. بس اهم شي تتحجين .. ترى ماوراي شي .. انطرج ..
    اروى: يالله عاد بلا سخافه .. عطيني تلفوني
    مروه: بعطيج اياه .. بس تبطلينه لي .. وتخليني احاجيه
    اروى بقت عينها: لااااااااا حرام عليج .. لا لا مرووو بليز .. لتسوين لي جذي عااد !!
    مروه تحرها: خلاص ننطر يوسف يرجع عشان يتفاهم وياج
    اروى: اوهووو .. (استسلمت) ييبي التلفون انزين
    مروه ابتسمت وعطتها اياه: فدييتها اللي تسمع الحجي ..
    اروى بطلت تلفونها .. : شتبيني اسوي حضرتج ؟؟
    مروه: حضرتي ابيج تتصلين له .. الحين ..
    اروى بخوف: مروو شبتقولين له ؟
    مروه: قلت لج الحين ولاتطولين السالفه !!
    اروى: يمه تخرعيييييين !! لتحاجيني جذي بليز !!
    مروه: شلون تبيني احاجيج سواد ويهج ؟؟ يالله اجوف هاتي التلفون
    اروى من بطلت التلفون جافت المسجاات من تركي .. بسرعه طقت الرقم وعطتها اياه ..
    مروه ونبرة العصبيه في صوتها: الوو
    تركي من جاف رقمها فز قلبها: وييييييينج انتي ؟ عيزت اتصل فيج واطرش لج !! والله كنت احاتييج
    مروه ساكته تسمع ..
    تركي: ويييييينج ؟؟؟؟؟ الووووو حبيبتي ؟؟ انتي معاي ؟؟ الووو
    مروه وهي تحد صوتها: من انت ؟؟
    تركي حس ان الصوت غير: انتي من ؟
    مروه: بتقول من انت ولا اخلي اخوي يتفاهم وياااك ؟؟
    تركي مستغرب: من ؟؟
    مروه: انا اختها .. (طلعت من الغرفة عشان تتفاهم وياه على راحتها واروى ماتسمع .. راحت غرفتها وصكت الباب)
    تركي مستغرب: مروه ؟؟؟؟؟
    مروه: بعد ؟؟ تعرف اسمي ؟؟ خوش خوش.. من ؟؟
    تركي يعرف ان مروه صغيره .. بس اللي تتحجى جنها اكبر !! : شقالت لج اهيا ؟
    مروه: الحين انا اسألك .. ترجع تسألني ؟؟ بتحجى ولا شلون ؟؟
    تركي ابتسم: انتي جم عمرج ؟
    مروه: بتجاوبني ؟؟ ولا بصير شي في اروى .. لا انت ولا احنا نبيه
    تركي: انا تركي ..
    مروه: وتركي ليش يتصل في اروى ؟؟
    تركي: لان تركي يحب اروى
    مروه حست روحها هنديه: ومدام تركي حبي اروى .. ليش مايسوي زواج ؟؟
    تركي فيه الضحكه: تركي بيمووووت .. مرقيا مرقيا ويسوي زواج .. لكن ينطر بابا وعمي يرجع من سفر
    مروه تسايره: ومتى بابا عمي يرجع ان شاءالله
    تركي: قاعد يدور حجز .. جريب ان شاءالله
    مروه: زين بيا .. انت يحبي اروى ؟ بيار هي ؟؟
    تركي: واجد واجد حبي
    مروه: ليكن يبي يسوي زواج ولا مسخره ؟
    تركي: زوااج اكيد
    مروه: تبي يقول حق يوسف عن انته مسخره ؟؟
    تركي: انا مافي سوي مسخره بابا !! انا من صجي
    مروه: بابا مايصير انت سوي قرقر في تلفون ... مايجوز هذا كلام .. شلون انا يصدق انته ؟؟
    تركي: يه ؟؟
    مروه: ايي بيا انا نهي مالوم انته .. مجي كيسي مالوم ؟؟؟
    تركي مب فاهم: شتقولين ؟؟ ماتعرفيني يعني قصدج ؟؟
    مروه: كوج نهي كوج نهي .. الحين شنو؟
    تركي: قلت لج بخطبها !!
    مروه: تبي تخطبها اخطبها .. نهي مشكلهي .. بس مابتتحجى وياها فلتلفون الا عقب الخطبه .. وان جفت رقمك مره ثانيه .. والله .. بقول حق يوسف واخليه يسويلكم سالفه ماصارت ولا استوت .. سمعتني ؟
    تركي: ياااه !! مايصير جذي ؟؟ وينهي وينهي خليني احاجيها
    مروه: ههاي .. تتحلم .. سابنا سابنا
    تركي: عطيني اياها اقول لج
    مروه: قلت لك لاء !! فيه احد قالك اني قاعده العب وياك ؟؟ من صجي انا ..
    تركي: مروه خليني افهمج السالفه
    مروه: لا سالفه ولا شي .. نبي نجوف شكثر تحبها .. ولا انت ماتحبها ؟
    تركي: امبلا بس .. لازم اكلمها كل يوم
    مروه: والله خل ابوك وعمك يرجعون بسرعه وكلمها كل يوم .. قلت لك انا ماعندي مشكله .. بس قبل هالسالفه .. أسمحلي ..
    تركي يتحلطم بلعدال: اففف من وين طلعت لنا ذي ؟؟
    مروه عاقده حواجبها: تحاجيني ؟؟
    تركي: لا لا .. ولاشي .. انزين بس انا عندي شرط
    مروه: تتشرط على شنو بعد ؟؟ خلاص كملت السالفه .. وبعدين انا اللي لازم اتشرط عليك مب انت .. اي والله !!
    تركي: اوهوو .. اوكي اوكي خلاص .. ننطرهم يرجعون من السفر وابشري بالخير
    مروه ابتسمت: عفيه عليك .. (تتطنز) ييب اخوك مره وحده
    تركي مافهم: ها ؟؟ اي اخو ؟
    مروه: ولا شي ولاشي .. يالله باي
    تركي: اوكي بس في احتمال اتفاهم وياج في موضوع عقب شوي ..
    مروه: استغفر الله أي موضوع بعد ؟؟ مابينا مواضيع
    تركي: يعني اي موضوع بعد ؟؟ المهم .. اتصل لج على تلفون اروى ؟
    مروه: نعم ؟؟ قلت لك رقمك مابي اجوفه اهني مره ثانيه ..
    تركي: اوكي عيل عطيني رقمج
    مروه: والله لوتي !! شتبي في رقمي ؟؟؟؟ استغفر الله !! بدينه بالمغازل ؟؟؟؟؟
    تركي: اوهوو .. شدخل انتي بعد !! سمعيني .. خلي رقمي عندج وكلميني عقب نص ساعه
    مروه: استغفر الله !! هي ترى لاتفهمني غلط
    تركي: انتي اللي لاتفهميني غلط .. تتصلين ولا اتصل فيج ؟؟
    مروه: لا تتصل ولا اتصل .. لوسمحت يعني
    تركي: انزين انزين كيفج .. خلاص نتفاهم فلموضوع عقب ..
    مروه: لحظه لحظه .. متى ابوك ناوي يرجع ؟
    تركي: يعني للحين ماحصلوا حجز .. كلها جم يوم لتخافين .. ليش ؟
    مروه: انزين (عدلت قعدتها) انت فاضي ؟؟
    تركي: لاء
    مروه: امبلا .. تصدق عجبتني السالفه ؟
    تركي: اي سالفه ؟
    مروه: ولا شي .. انزين قول لي .. شبتقولون اذا ييتوا ؟؟ من وين تعرفونها ؟؟
    تركي: رفيجة اختي
    مروه: اوووووووه طلعتوا مب هينين .. مخططين حق كل شي ها ؟؟ (تطالع ساعتها) انتهى الاجتماع .. تقدر تروح الحين
    تركي: يعني مابتخليني اكلمها ؟
    مروه: وراك حنّان انت ؟؟ قلنا لااء يعني لاء ..
    تركي: الله يسامحج بس
    مروه تتطنز: واللي يسلمك صيح .. صيييح صييح
    تركي يضحك: انتي شفييج ؟ ادري فيج مب صاحيه بس .. ماتوقعتج جذي
    مروه: لاتستهين فيني ..
    تركي: مب هينه
    مروه: وايد عطيتك ويه !! يالله يالله .. بااي
    تركي: اووكي باي


    اروى كانت قاعده عند الباب وقاطه اذنها .. تحاول تسمع شي .. بطلت مروه الباب بالقوه وطاحت عليها اختها .. ثنتينهم قحصوا ..
    مروه: يعلللللللللج ريّل عوّر قولي آمين !! شتسوين اهني ؟
    اروى قامت بسرعه: شصار ؟؟
    مروه: تتسمعين ياللي ماتستحين على ويهج ؟ ذلفي مابقول لج
    اروى: عاد عاد عاد
    مروه دزتها: مافيييييي (صكت الباب على ويهه) موووتي .. مرقيااااا




    بعد ماطمنهم الدكتور عليه .. بس منع انهم يدخلون يجوفونه .. مشوا مبارك وعبير بيرجعون البيت ..
    فلسياره
    مبارك: يالله الحمدلله .. باجر من الصبح باييبج قبل لاروح المطار ..
    عبير بضيق: ان شاءالله ..
    مبارك: يالله الحين روحي ريحي شوي ..
    عبير: اي معليه عقب بايي اساعدك
    مبارك ابتسم: ان شاءالله


    خالد فلسياره .. يسوق ويسمع الراديو .. كان يغني مستاااانس .. وهو يصارخ وحده مستطرب .. ميود السكان ويهز راسه ويحرك جتفه :
    I wanna take you away
    Lets escape into the music
    DJ let it play
    I just can't refuse it
    Like the way you do this
    Keep on rockin to it
    Please don't stop the
    Please don't stop the
    Please don't stop the music
    ما ما سي ماما سا ما ما كو سا
    ما ما سي ماما سا ما ما كو سا
    بليييييز دونت ستب ذا ميووووزك


    .. شوي الا يحطون " قهـر "
    قهر ماكنت انا ادري .. تعيشي بقلبي كذابه
    قهر توي عرفت انك .. على الحبلين لعابة
    كذب كانت سواليفك .. وكل كلمه على كيفك ..
    وانا اللي احسبك روحي .. ولقلبي اقرب احبابه
    (ماقدر يسوق اكثر .. بسرعه وقف السياره .. وتم ساكت .. يسمع لغنيه .. وقلبه يعوره .. راح كل الحماس والصراخ .. يحس الكلمات تعبر عنه .. وعن اللي صار له .. )
    وفيت لقلبك بعمري .. ولك ضحيت بأيامي
    لقيتك للاسف كذبه .. اعيش بها مع احلامي
    نعم صدقت كلماتك .. ولا ادري بنياتك
    هذا اليوم انا كلي .. ندم من راسي لأقدامي
    (نزل راسه عالسكان .. مهوّس على يده بالقوه .. ومتضااااااااااايق .. وكل كلمه فلغنيه تعوّر قلبه زود)
    خلاص الحين ابي ارحل .. و انا فيني الم غدرك
    اباخذ قلبي من قلبك .. واخلي قلبك بصدرك
    بداوي روحي بروحي .. و بكتم فيني جروحي
    بعيش الدنيا من دونك .. وعيشي بالقهر عمرك
    (اول ماكملت لغنيه بسرعه صك الاف ام .. خذ نفس .. لا اله الا الله .. معليه .. مب اهيا اللي تستاهل اتضايق عشانها .. الله كرييم .. ماكانت تستاهل اي شي مني .. صج .. صدقتها .. حبيتها .. بس الحين خلاص .. مالها مكان عندي .. ومابي اي شي يذكرني فيها .. خلاص .. )




    ذياب مزاجه حده معتفس ..
    قاعد فلميلس ويحاجي روحه " مب انا اللي يصير فيني جذي .. من ذي عشان تسويلي جذي ؟؟ انا اراوييها .. " خذ تلفونه بسرعه وطلع برا .. اتصل ..
    عبير كانت حاطه تلفونها علجارج وتوها راده من عند مبارك .. دشت غرفتها وهوه يرن .. ركضت تبي ترد .. انصك .. توها ميودته ويرن مره ثانيه .. رقم غريب ..
    عبير : الو ؟
    ذياب : عبير
    عبير بخوف: من ؟
    ذياب: انا مابي اطول السالفه وياج .. وحركتج اللي فلمستشفى مساعه مابطوفها لج .. وانا احذرج .. وتحملي اللي بييج
    (طووووط >> صك التلفوون )
    عبير تيبست !! امبيه !! شيبي ذي ؟؟؟ وومن وين له رقمي ؟؟؟؟؟
    قلبها قام يدق بسرعه من الخوف .. انا شسوييييييييت !!!
    رن تلفونها مره ثانيه .. نفس الرقم .. تخرعت .. قامت ترتجف .. امبيه .. ارد ولا لا ؟؟ شيبي ؟؟
    التلفون يرن ..
    ذياب ينطر ....
     
  6. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    الجــــزء الخـــــامس [5]

    التلفون في يدها .. يرن ..
    اذا ردت .. تخاف شبيقول لها ..
    واذا ماردت .. تخاف يسوي لها شي ..
    هدوء .. الجو حده متكرهب .. مافي الا صوت التلفون يرن .. ودقات قلبها تزيد..
    انصك التلفون .. وارتاحت شوي .. " وه .. مابغى " توها بتيلس الا يرن مره ثانيه .. فزت بسرعه وزادت دقات قلبها .. " ياربي !! برد عليه.. واللي فيها فيها "
    عبير وصوتها مخنوق بالزور تتحجى: الو
    ذياب خذ نفس: وهالنطره بعد بتحسفين عليها
    عبير خايفه
    ذياب بثقه: هالمره اذا اتصلت .. من يرن تردين .. اذا رن رنتين ومارديتي بتولين .. سامعه؟
    عبير بخوف: من انت ؟؟
    ذياب وابتسامته الخبيثه: تبين تعرفين؟
    عبير بتردد: انت تعرفني ؟؟
    ذياب يضحك بضحكه تنرفز: هههههههههه حلو السؤال .. واللي يسلمج عيديه
    عبير زاد خوفها: من انت ؟؟؟
    ذياب: اووه .. شكلج حدج تبين تعرفين .. يا بنت لطيفة
    عبير بخوف: تعرف امي ؟؟؟؟؟؟؟؟؟
    ذياب يبي يحرها: معليه الحين انا مشغول .. تقدرين تتصلين فيني فلليل ..
    عبير والخوف ذابحها: لا لحظه !! لتروح !!
    ذياب: آسف بس مشغول .. والله الشباب ينطروني
    عبير: يعني مابتقول لي من انت ؟
    ذياب: يالله عبير .. باي
    صك التلفون ..
    وعبير ستين الف شي يدور في راسها .. يمه بسم الله من ذي !! وشيبي مني ؟؟ وشعرفه في امي ؟؟ شعرفه فيني اصلا ؟؟ وليش انا ماعرفه ؟؟ ومن وين له رقمي ؟؟ وليش كل ماروح مكان اجوفه ؟؟ وليش ربعه يلاحقوني ؟؟ شعرفهم فيني كلهم ؟؟ اسأل من ؟؟؟ اقول حق من ؟؟؟؟ ياا ربي !! شيرقدني الليله ؟؟
    قطع تفكيرها صوت التلفون .. رن مره ثانيه وفز قلبها .. خافت ان يكون ذياب .. بسرعه جافت الرقم الا زين .. برد قلبها: الووووو
    زين: عبووووره الحلوه
    عبير والخوف ابين في صوتها: زين
    زين: اوووه دام السالفه فيها (تقلد صوتها) " زين " .. اكيد صاير شي
    عبير: ها ؟ لا ولا شي بس احاتي ابووي ..
    زين: وينج انتي ؟
    عبير: فلبيت ؟
    زين: انزين شخباره؟
    عبير: والله مادري .. ان شاءالله بخير .. باجر ان شاءالله بروح له الصبح
    زين: لاتنسين ترى باجر النتايج
    عبير توها متذكره: اووه !! نسيت تصدقين ؟؟
    زين: متى بتروحين حق ابوج؟؟ مري قبل لا
    عبير: لا لا انا بروح ويا مبارك .. وعقب اهوه بيروح المطار يعني مايمدي
    زين: تبين اييبها لج ؟؟
    عبير: انتي متى بتروحين ؟؟
    زين: يعني .. مادري اذا قمت بجوف امي
    عبير: اوكي ..
    زين: معليه لتحاتين باجر باخذها وباييبها لج المستشفى ..
    عبير: آيه عليج مايحتاي تكلفين على عمرج !!
    زين: وي شدعوه عبور احنا مابينه هالحجي .. وبعدين من زمان عنج ابي اجوفج
    عبير بضيق: زين .. ابيج الحين
    زين: عبور لتعورين قلبي شصاير ؟؟
    عبير: مادري مادري .. (دمعت عينها) احس بخوف
    زين: عبور وويعه تحجي !! شصاير ؟؟
    عبير بلعت ريجها: محد وياي زيوون .. ابوي فلمستشفى .. مبارك باجر بيسافر .. زياد في النمسا.. محد لي !! اذا ابيهم .. ماحصلهم ..
    زين: افا عليج وانا وين رحت ؟؟
    عبير بصوت مخنوق: زيون ابي ريال !!
    زين: تبين انقلب لج بوية مثلا ؟؟
    عبير ابتسمت: تف عليج
    زين: عادي لتستحين ترى في امل انحرف عشانج .. اي شي تبينه بسويه .. اهم شي رضااج
    عبير تصارخ: زيووووووون بس عاد !! لا مشكوره مابي
    زين تضحك: اما انتي !! يعني شنو ابي ريال ؟؟ عرسي !!
    عبير: اعرس ؟؟ على من ؟؟
    زين: علي !! مب تارسه عينج
    عبير: هي انتي لتخليني اشك فيج ؟؟ شسالفتج اليوم ؟
    زين: تدرين شقريت عن برجنا اليوم ؟؟
    عبير: شقريتي بعد؟
    زين: تبين تعرفين ؟
    عبير: بتقولين قولي !!
    زين: لا مافي .. باجر لين ييت باييب لج لكتاب ..
    عبير: انزين
    زين: تدرين ان برجنا .. اللي اهوه القوس .. احسن برج ؟
    عبير ابتسمت: ادري
    زين: الا تعالي .. مبارك شنو برجه ؟؟
    عبير: مبارك ؟؟ الثور اظن .. مادري نسيت
    زين: بل !! تدرين ان القوس والثور يتنافرون ؟؟
    عبير: لا ؟؟
    زين: اي اي خليه عنج ماينفع
    عبير ابتسمت: انزين ؟ انتي متى بتفكينه من هالسالفه؟
    زين: ماقلت لج ريانو ياب لي لكتاب ؟؟؟؟
    عبير: بعد ؟؟ غير ذاك ؟؟
    زين: والله عجييب .. بايبه لج تقرينه
    عبير: ان شاءالله ..
    زين: عبور ؟؟
    عبير: ها ؟
    زين: همبه .. للحين متضايقه ؟؟
    عبير: ايه ..
    زين: تبين اييج؟
    عبير: جانزين.. بس هالحزه ؟؟
    زين: معليه باجر ان شاءالله لقاءنا .. لحظه عبور شوي (تحاجي امها) نعم يمه ؟؟؟ لااا مابي ماابي .. اوووه انزين انزين يايه (ردت تحاجي عبير) عبور امي تبيني .. بكلمج عقب
    عبير: اوكي سلمي عليها ..
    زين: الله يسلمج .. يالله باي
    عبير: باي



    خالد رد البيت .. حده متضايق .. دش وكانت امه تنطره ..
    ام خالد: وينك يمه ؟
    خالد: كاني ييت
    ام خالد: تعشيت ؟؟
    خالد: لا ماشتهي
    ام خالد: ليش عاد ؟؟
    خالد وهوه راكب فوق: مابي شي يمه .. يالله تصبحين على خير
    ام خالد: وانت من هله ..
    خالد دش غرفته .. لحقته اخته بسرعه: لحظه خالد !!
    خالد التفت عليها: هم ؟
    لطيفه: يوعانه ..
    خالد وكلش ماله نفس: لا ؟؟ حلفي ؟؟ بشري الوالده
    لطيفه من صجها: خالد عاد !! يالله ابي اطلب عشا .. تتعشى وياي ؟
    خالد: لا ماشتهي (بيصك الباب وهي واقفه مجابلته) تبين شي ؟؟
    لطيفه واقفه: ايي .. اممم .. شسمه
    خالد: يالله خلصيني ..
    لطيفه: باجر بنات خالتي كلهم بيروحون السينما .. اصير اروح وياهم ؟؟
    خالد يهز راسه: لاء ..
    لطيفه بضيق: ليش عاد ؟؟
    خالد: قلت لج لاء يعني لاء !! لتحنين !!
    لطيفه زعلت ..
    خالد صك الباب ودش غرفته .. يحوس في تلفونه .. متضايق .. يبي يكلم احد .. مايدري يكلم من .. يعرف وايد .. بس اذا تضايق .. يحس ان مايعرف احد .. يحس ان محد يحس فيه .. محد يفهمه .. ومايرتاح حق احد .. كل مايكلم وحده .. يقول هذي اللي برتاح لها .. وتطلع اخس من اللي قبلها .. ماله الا تركي ..
    تركي بعد كان متضايق: الو
    خالد: ها انت
    تركي: ها انت
    خالد: شهالنفس الخايسه ؟؟
    تركي: والله نفسك اخيس !!
    خالد: يخي متضايق
    تركي: وانا بعد
    خالد: شصاير ؟؟
    تركي: انت قوللي شصاير ؟؟
    خالد: لاولا شي ... انت تحجى
    تركي: شصاير ؟؟ (يطالع تلفونه) المفروض تلفونك هالحزه مايسكت ؟؟ ليكون كنسلتهم كلهم ؟؟
    خالد ابتسم: لاا بس مب مشتهيهم .. يخي والله عوار راس .. قولي انت شفيك
    تركي: انا الله يسلمك مادري من وين طلعت لي اختها ..
    خالد: اختها ؟؟ شتبي بعد ؟
    تركي: سالفه طويله .. بس المهم درت اني اكلمها وسوّت لي سالفه
    خالد: وشكبر ذي؟؟
    تركي: اممم .. اظن بتروح توجيهي
    خالد: ااما !! ياهل ذي !!
    تركي: جفت شلون؟
    خالد: شصار انزين؟
    تركي: ابد .. قالت لي عقب الخطبه تقدر تكلمها
    خالد يضحك: والله مب سهله !!
    تركي: جفت شلون؟
    خالد: عطني عطني رقمها خل اتسلى وياها
    تركي: ههههههههههه اما .. والله حدي ابي اكلمها .. شسوي؟
    خالد: بعد .. أوامر الست مادري شسمها .. شناوي تسوي
    تركي: ننطر الوالد ونخطب ..
    خالد: اووووووووه .. خلاص يعني استسلمت ؟؟
    تركي ابتسم: حكم القوي
    خالد: هههههههههههههه اتخيل بس
    تركي: علأقل احسن منك
    خالد: جب ماعليك مني .. (يجوف الساعه) شبتسوي انت ؟
    تركي: ولا شي ..
    خالد قام: جهز روحك باييك
    تركي: الحين ؟؟
    خالد: اي اي يالله ..
    تركي: اوكي انطرك ..
    خالد: اوكي باي
    تركي: باي
    قبل لايطلع مر على اخته .. طق عليها الباب .. ماردت عليه .. بهدوء دش .. جافتها قاعده تقرا روايه ..
    خالد : احم ..
    لطيفه ومندمجه ويا الروايه كلش ماتبي تكلمه ..
    خالد بهدوء راح قعد يمها: ليش مارقدتي ؟؟
    لطيفه التفتت عليه: مابي ارقد .. اجازه ماوراي شي ..
    خالد يطل على الكتاب: شتقرين ؟؟
    لطيفه تخشه: ولا شي ..
    خالد: توفه ؟؟
    لطيفه من غير نفس: هممم ؟؟
    خالد: جم مره قايل لج اذا جفتيني متضايق لتحاجيني .. ولتسأليني عن شي ..
    لطيفه التفتت عليه ببراءة: خالد انا متى اجوفك ؟؟ انت كله محد !! وكل مااسأل امي تقولي سألي خالد سألي خالد .. وابوي (سكتت)
    خالد ابتسم: خلاص انزين .. سوري
    لطيفه ابتسمت: يعني شنو ؟
    خالد: يعني روحي .. بس لتأخرون
    لطيفه مستانسه: ان شاءالله
    خالد: وخلي عنج السهر ..
    لطيفه: ان شاءالله
    خالد: تعشيتي ؟
    لطيفه: ايي طلبت لي بروحي .. شسوي فيك
    خالد قام: انزين يالله تبين شي ؟
    لطيفه: بتطلع ؟
    خالد: اييه .. يالله تصبحين على خير


    عبير ماقدرت ترقد .. تحس بخوف مو طبيعي .. تخاف تتصل .. وتخاف ماتتصل .. قاعده عالسرير والتلفون في يدها .. متوتره .. وقلبها يدق .. تروح علرقم .. تطق كول .. وقبل لايرن تصكه .. مب عارفه تقول حق من .. قحصها صوت تلفونها يوم رن مره وحده .. يودت قلبها " يمه بسم الله !!" كان خالها .. بسرعه ردت عليه: الووو
    زياد: عبووور
    عبير حست براحه: هلا والله وغلا !! عاش من سمع هالصوت !!
    زياد: يااا نصبك بس !! ليه ماتسألين انتي ؟؟
    عبير بضيق: ابوووي فلمستشفى زيااد !!
    زياد: اووف !! سلاماات وشفيه ؟؟
    عبير: مادري سالفه طويله .. زيااااااد .. متى بتيي ؟
    زياد: يالييت اقدر والله .. صعبه
    عبير متضايقه .. تنهدت ..
    زياد: وشفيك عبوره صاير شي ؟؟ فيك شي ؟؟ محتاجه شي ؟؟
    عبير ببراءة: ابيك .. ابيك ويااي .. بس
    زياد تضايق: لبى قلبك .. والله ادري ان مستحيل اجي هالايام وربي صعبه .. بس عشانك بحاول ..
    عبير: بس خلاص وقت اللي تقدر تيي تعال .. بليز
    زياد: ان شاءالله .. طيب طمنيني عليك انتي ؟؟ كيف امورك انتي ؟؟ احس فيك شي !! تكلمي
    عبير والعبره خانقتها: ابي امييي !! (دمعت عينها) ااااه زياد .. ابيها اكثر من أي وقت ..
    زياد عوره قلبه .. تم ساكت يسمعها
    عبير والغصه ذابحتها .. تحاول تحبس دموعها: زيااااد .. انا خايفه .. (نزلت دمعتها) والله خايفه .. خايفه على ابوي .. خايفه اتم بروحي .. زياد انا مالي احد .. (ماقدرت تيود روحها وصاحت)
    زياد بلع ريجه: عبير حبيبتي .. اذكري ربك ..
    عبير وهي تاخذ نفس قوي: لااااااااا اله الا الله ..
    زياد: تخليني احاتيك الحين ؟؟ اسمعي .. ابوك ان شاءالله بيقوم بالسلامه لاتحاتين .. وانا ماراح اخليك والله .. اوعدك من تصير الامور تمام هنا راح اجيك على طول .. الحين انتي روحي اغسلي وجهك وارجعي كلميني .. وسعي صدرك ..
    عبير: ان شاءالله ..
    زياد: احتريك لاتسكرينه ..
    عبير: اوكي دقيقه ..
    راحت بتغسل ويهه .. جافت روحها فلمنظره وقعدت تصيح .. : آآآآآه ..
    تترس يدها بالماي وتصبه على ويهه وتصيح .. تذكرت خالها .. بسرعه غسلت ويهه وحاولت تسكت .. راحت خذت التلفون .. خذت نفس قبل لاتتحجى ... : الو
    زياد بهدوء: هلا والله .. كيفك الحين ؟
    عبير تهز راسها: االحمدلله
    زياد: يا حبي لك .. لو هو بكيفي كان جيتك الحين ..
    عبير: آيه عليك ماتقصر ..
    زياد: طيب ماودك تتكلمين ؟؟
    عبير ابتسمت: لا بس .. حسيت اني ارتحت شوي بعد ماكلمتك .. الله يقوم ابوي بالسلامه ان شاءالله
    زياد: طيب ياغلاي انا معك .. بأي وقت كلميني ..
    عبير: ان شاءالله .. مشكوور
    زياد: اافا ؟؟ وشدعوه بس ؟؟ حرام عليك .. انتي قطعتي قلبي .. مابي اشوفك كذا .. وسعي صدرك
    عبير: ان شاءالله .. (ابتسمت) آيه عليك ..
    زياد: الحلوه ماودها تناام ؟
    عبير تجوف الساعه: بوو .. اي اي باروح ارقد .. باجر لازم اروح حق ابوي من الصبح
    زياد: طيب غلاي روحي ارتاحي .. وابيك تطمنيني عليك وعلى الوالد بكره .. طيب ؟
    عبير تقلده: طيب
    زياد: يا حبي لك بس ..
    عبير تقلده: يا حبي لك اكثر
    زياد ابتسم: وفديتك !! وربي اني مشتاق لك يالشينه .. آآه لو اشوفك الحين قدامي .. ذبحتك
    عبير بقت عينها: يمه !! انا لو اجوفك ذبحتك يالدب
    زياد: وربك ؟؟؟ شوفي .. في موضوع ابي اقول لك عليه .. بس بعد مايطلع الوالد من المستشفى ان شاءالله بخبرك .. ذكريني بس
    عبير بخوف: صاير شي ؟
    زياد: لالا ولا شي .. بس حبيت اخذ رايك بشغله ..
    عبير ابتسمت: اذكرك يعني ؟؟
    زياد: ايوه
    عبير: طيب
    زياد: خلاص ماطول عليك روحي ارتاحي يالله .. تصبحي على خير
    عبير: وانت من هله
    زياد: انتبهي لنفسك .. وطمنيني عليك
    عبير: ان شاءالله .. يالله باي
    زياد: نامي كويس ولاتفكرين
    عبير ابتسمت: ان شااااءالله .. باي
    زياد: الله معك


    صكت التلفون .. في اغلب الاحيان .. ماتقدر تخش اللي بقلبها .. ودايما مشاعرها تبين .. واضحه .. تنقرا من عيونها .. وتنفهم من ويهه .. وتنسمع من نبرة صوتها .. اذا ارتاحت حق الواحد تقول له .. واذا مارتاحت له .. ابين .. وهاالشي ينفعها مرات .. ومرات يضرها .. وتتحسف عليه .. لان ساعات من الافضل ان الواحد مايبين حقيقة مشاعره ..ويقول كل اللي في قلبه .. لكن .. شتسوي ؟؟ .. خذت المصحف وقعدت تقرا شوي عشان تريح قلبها .. وحاولت قد ماتقدر انها ماتفكر في ذياب .. وماتتصل له ..

    يوم ثاني الصبح .. مبارك قام يرتب اغراضه ويحط اخر الاشيا فلشنطه .. ينادي: مييرييييييي
    ميري: yes sir
    مبارك: نادي بدر الدين ينزل الشنطه السياره .. وسويلي ريوق ..
    ميري: ok
    مبارك: امي قامت ؟؟
    ميري: yes sir
    مبارك: خلاص روحي ناديه ..
    نزل بسرعه حق امه .. كانت قاعده تتريق فلمطبخ .. سلم عليها .. باس راسها وقعد: صباح الخير يمه
    ام مبارك متضايقه: صباح النور ..
    مبارك يصب له جاي حليب: شلونج ؟
    ام مبارك: احاتي عمك ..
    مبارك: لا لتحاتين ان شاءالله مافيه شي ..
    ام مبارك: انت وين بتروح الحين ؟؟
    مبارك وهوه ياكل: بمر المستشفى قبل وبخليه يوصلني المطار
    ام مبارك: عيل خل يوصلك وعقب ايي ياخذني .. انا بنطر اليهال يرجعون من المدرسه ..
    مبارك: متى بيخلصون جيف؟
    ام مبارك: المفروض اليوم ..
    مبارك: لا قصدي الساعه جم ؟؟
    ام مبارك: اظنتي عل 10 جذي ..
    مبارك قام: يالله يمه انا مستعيل .. سلمي على اليهال وحطي بالج عليهم ..
    ام مبارك قامت: ان شاءالله لتحاتي .. انت تحمل في روحك .. وكلمني اول ماتوصل
    مبارك سلم عليها: ان شاءالله يمه .. توصيني شي من هناك ؟
    ام مبارك: سلامتك يمه ..
    مبارك بهدوء: ماوصيج يمه على عبير ..
    ام مبارك سكتت ..
    مبارك مشى: يالله مع السلامه ..
    ام مبارك: تروح وترجع بالسلامه حبيبي ..
    مبارك وهوه طالع: الله يسلمج ..
    بسرعه راح عند غرفة عبير .. جاف الباب مبطل .. وقف عند الباب الا اهيا قاعده تعدل شعرها عند المنظره: عبوور ؟؟
    عبير التفتت: جان ماييت !!
    مبارك مستغرب: من متى قاعده؟
    عبير راحت يمه: يعني .. ماقدرت ارقد عقب الصلاه ..
    مبارك: افاء !! شصاير ؟؟
    عبير طلعت من الغرفه: لا ولا شي .. يالله مشينه
    مبارك: يالله ..
    ركبوا السياره ..
    مبارك: تريقتي ؟؟
    عبير تهز راسها: لا ماشتهي
    مبارك: وانتي كله ماتشتهين !! ليش عاد ؟؟ مب زين تطلعين جذي عالريج ..
    عبير ابتسمت: باكل لي شي فلمستشفى لتحاتي .. اهم شي انت .. (التفتت عليه وجابلته ) ماوصيك على روحك مبارك .. بليز .. اهتم في اكلك ورقادك .. وطمني عليييك اول ماتوصل .. بليز
    مبارك يهز راسه: ان شاءالله
    عبير: لاتقطع وتقولي مشغول .. اذا اتصلت فيك رد .. اذا طرشت لك شي رد .. اوكي ؟
    مبارك ابتسم: ومتى حقرتج انا ؟؟
    عبير: لا ماقصد .. بس اقوللك عشان ماتحقر هالمره يعني
    مبارك: ان شاءالله
    عبير: اذا برد تدفى .. واذا شمس البس كابس .. واذا مطر لاتنسى مظلتك ..
    مبارك يخزها: والله امي ماقالت لي جذي .. (يتدلع) معقوله انتي بتخافين علي اكثر منها ؟؟
    عبير تفشلت: ها ؟ لا انا .. قصدي ... تعرف يعني انا وايد اسولف واتحجى وكل شي اقول ..
    مبارك: على امرج عمتي .. بعد شتبين ؟
    عبير عدلت قعدتها: مابي شي
    مبارك ابتسم: تدرين ؟؟
    عبير: همم ؟؟
    مبارك: استانس عليج اذا عصبتي
    عبير تخزه: نعم ؟؟
    مبارك: شفيج !! لا بس فن يصير شكلج .. اجوف عصبي ؟ عصبي عصبي خل استانس؟
    عبير فيها الضحكه: سخافتك عاد !
    مبارك: اول ماتاخذين النتيجه بشريني .. طرشيلي مسج على طول ..
    عبير: ان شاءالله
    كانت تفكر .. تقول له عن سالفة اللي متصل البارحه ويهددها .. اللي اهوه ذياب ؟ .. او تسكت .. " يعني مثلا اذا قلت له الحين .. بسويلي سوالف ومشاكل ماتخلص .. وهو اولردي بيسافر عقب شوي .. يعني مافي يده يسوي شي .. بس .. علأقل اذا قلت له .. بحس ان فيه احد وياي .. يعرف بالسالفه .. اووه مسكين ليش اعور راسه وياي الحين .. وراه سفر وشغل وعوار راس .. اللي فيه يكفيه .. ياربي اخاااف !! .. الله يعدي هالسالفه على خير يارب !! "
    مبارك حس فيها سرحانه .. طل في ويهه: وين رحتي ؟
    عبير التفتت: ها ؟؟ لا .. اهني وياك .. وين بروح يعني ؟
    مبارك: عبير ؟؟
    عبير: هممممم ؟؟
    مبارك: انتي فيج شي ؟
    عبير: احاتي ابوي ..
    مبارك: لا خلي ابوج .. شي ثاني ؟؟
    عبير توهقت : لا لا مافيني شي .. شنو يعني بيكون ؟؟
    مبارك: لا بس اسأل ..


    زين توها ماخذه النتايج .. بتركب حق امها السياره وهي زعلانه وويهه منصفق
    ام ريان خايفه: شصاير ؟
    زين بلعت ريجها: يمه لتزفيني
    ام ريان بخوف : اجوف عطيني اياها
    زين خاشه الشهاده وخايفه: لا يمه ماقدر .. اخاف
    ام ريان بدت تعصب: عطيني اجوف !!
    زين: يمه لا !! خليني انا بقول لج ..
    ام ريان: يالله طيحتي قلبي تحجي !!
    زين .. بتردد: رسبت
    ام ريان حطت يدها على صدرها: شنو !!!!!!!
    زين بقت عينها: ها ؟؟؟
    ام ريان تحاول تاخذ الشهاده منها وزين تخشها: لا يمه لا .. (ألتفتت عليها بابتسامه لواسه) اقص عليج !! (عطتها الشهاده وهي تصارخ) نجحت !!!!!!
    ام ريان معصبه وهي تقرا الشهاده: وه علييج خرعتيني !! (باستها) مبرووووك
    زين مستانسه: اللاي يمه .. (عطتها الشهاده الثانيه) جوفي عبوور ..
    ام ريان تجوف الشهاده: يحليلها .. يالله تبين اوديج لها ؟
    زين: ايي يمه يالله .. بس تعالي اخذيني الساعه وحده .. عندي تدريب .. بس لازم اروح المدرسه
    ام ريان: اي مدرسه ؟
    زين: السياقه بعد اي مدرسه
    ام ريان: قولي حق ابوج !!
    زين: يمه ابوي فلشغل مابيوديني .. عااد يمه !!
    ام ريان: ان شاءالله ان شاءاالله


    مبارك .. عقب ماسلم على عمه وعبير .. طلعت وياه برا تسلم عليه .. عند السياره ..
    مبارك التفت عليها: ماوصيج ..
    عبير حابسه دموعها وتهز راسها ..
    مبارك متضايق .. يطالعها ببراءة .. وهي منزله عينها ماتقدر تجوفه ..
    مبارك يجوف ساعته: يالله تأخرت ..
    عبير تبتسم بالغصب: ماوصيك !!
    مبارك ابتسم: لتحاتين .. يالله مع السلامه (ركب السياره)
    عبير بضيق: الله يحفظك .. تروح وترجع بالسلامه
    مشى .. نزلت دمعتها بالغصب .. بسرعه راحت حق ابوها .. دشت عليه بهدوء .. سحبت الكرسي وراحت قعدت يمه ..
    رياض التفت عليها وابتسم: شلونج يبه ؟؟
    عبير ابتسمت: اهم شي انت .. شلونك الحين ؟؟
    رياض: الحمدلله ..
    دشت عليهم زين: تيــــا !!
    عبير التفتت عليها: امبيه !! (قامت) شهادتي !!
    زين خشتها: لا لا لا مابعطيج اياها .. (راحت يمه) الحمدلله عالسلامه عميي شلونك ؟؟
    رياض ابتسم: الحمدلله .. شلونج انتي ؟؟
    عبير التفتت على ابوها: يبه جوفها !! عندها نتيجتي !!
    زين طلعت لسانها: شلا ماطلعتيها من النت ؟؟
    عبير: اوو جفتيني فضيت يعني انا ؟؟ عطيني اياها يالله
    زين: نطري باجر كل فضايحج بتنزل فلجرايد
    عبير: زيييييين !! اجوف عاد !!
    زين: جم تعطيني ؟؟
    عبير: زيوّوون !!
    زين: تعالي حبي راسي
    عبير وقفت: زين !!
    زين قعدت علكرسي: بسرعه
    عبير راحت باست راسها: يالله
    زين: وحبي يدي بعد
    عبير: اوووو بتذليني يعني ؟؟ مابيها خلاص
    زين عطتها اياها: هاج هاج يالدليعه (التفتت على بوبدر) عمي بنتك طالعه على من ؟
    عبير تجوف نتيجتها: اللاااااااي نجحت !! يبه ! (راحت تعطيه الشهاده)
    زين: مالت عليج
    عبير: وانتي ؟ بشري ؟
    زين: 90 بوينت صفر ..
    رياض مستانس: عيل بنتي اشطر منج .. 93.8
    زين: وييييي عمي ماعليك هذي الا بالحظ حصلته هالمعدل .. ماعليك منها
    عبير مستانسه .. خذت التلفون: خل ابشر مبارك
    زين تقلدها: خل ابشر مبارك
    عبير تخزها .. بهمس: مب جدام ابوي !!
    عبير طلعت برا تكلمه ..
    زين: عمي متى بيرخصونك ؟؟
    رياض: والله مادري يبيلي جم يوم بعد ..
    زين: يالله تطلع بالسلامه ان شاءالله .. الا مابتسافرون الصيف (حست روحها متفرغه)
    رياض حده ماله خلق سوالف هالحزه .. بس عن الملل: والله مادري للحين
    زين تهز راسها : اييي .. احنا بعد ماندري " في خاطرها .. من سألني ؟؟ "
    عبير دشت عليهم: يسلم عليكم ..
    رياض: الله يسلمه ..
    زين تبي تتسبب: اذا قال سلمي على زين حرفيا يعني قال اسمي .. فـ الله يسلمه .. ماقال .. خل يولي
    عبير راحت يمها: بس انتي يوزي .. ابوي تعبان ..
    زين: شفيج ؟؟ سكتي بس سكتي .. (التفتت عليه) ايي عمي شكنا نقول ؟
    عبير: يبه اذا ودك نرتاح بنطلع شوي وعقب بنييك
    رياض: لا لا تموا .. اتملل اذا بروحي
    زين: انتي شحارج الحين؟؟ قومي قومي قدعيني .. صبيلي قهوه لوسمحتي
    عبير قامت: ان شاءالله من عيوني
    زين التفتت على رياض: والله بنتك مطيعه ..
    رياض ابتسم: طالعه على امها .. الله يرحمها
    عبير وهي تصب القهوه سمعت طاري امها وقفت .. فدييت هالطاري .. التفتت على زين وابتسمت .. عطتها القهوه: سمي
    زين: ايي عمي شكنا نقول ؟
    عبير: يبه !! ان شاءالله اذا طلعت بالسلامه ان شاءالله .. عقب حفلة التخرج بنسوي لنا طلعه
    رياض: ان شاءالله .. عاد انتي ماقلتيلي شتبين هديه ؟؟
    عبير مستحيه: ها ؟؟
    زين: عمي يمدحون السيايير هالايام
    رياض: ايي بس ننطرها تتدرب ومن عيوني
    زين: اي عاد عبير ماتركب اي سياره بعد .. خبرك يعني
    عبير تطالعها وتأشر لها انها تسكت ..
    زين التفتت عليها بصوت عالي: شفيج ؟؟ تستحين من ابوج يعني ؟؟ عادي .. قوليله تبين سياره (التفتت عليه) عمي انا كلمت المدرب اللي يدربني عشان يدربها
    رياض: لا ؟؟ زين انا عيزت اكلمهم كل واحد يقولي كلمني عقب سبوعين ..
    زين: لا لا خلاص قالي خل اتييني لسبوع الياي .. افا عليك بس
    عبير راحت قعدت يمها: هيي انتي !! شسالفتج اليوم ؟؟
    زين التفتت عليه: عمي ..
    عبير: بس زيون !! عورتي راسه ؟؟
    دشت ام مبارك: السلاام عليكم
    زين تتحلطم: هذي اللي تعور الراس مب اانا
    ام مبارك: شلونك ؟ ان شاءالله احسن ؟؟
    رياض يهز راسه: الحمدلله احسن ..
    ام مبارك: يالله عبور بدر الدين ينطرج برا ..
    عبير قامت: شصاير ؟؟
    ام مبارك: ابيج تروحين البيت تقعدين ويا اليهال .. وعليه الحين بيرجعون من المدرسه بيقعدون بريحاتهم .. غديهم وجوفيهم جان يبون شي ..
    عبير توها بتتحجى: بس
    ام مبارك تقاطعها: بسرعه يالله لتأخرينه ..
    زين: ليش ماتبين تقعدين ويا ابوج ؟؟
    عبير متوهقه: امبلا !!
    رياض: معليه يبه روحي وبعدين تعالي ويبيهم وياج ..
    ام مبارك : لا لا لا وين تييبهم ؟؟ مايدخلون يهال اهني .. يالله بسرعه
    عبير شالت شنطتها وراحت باست راس ابوها: باييك ان شاءالله بعدين ..
    رياض: ان شاءالله .. حطي بالج عليهال ..
    عبير: ان شاءالله يبه .. (يودت زين وطلعوا) ..


    زين: ماتبين تردين ؟؟
    عبير: لازم اروح . .شسوي
    زين: اوكي معليه (تجوف الساعه) عيل انا بنطر امي عقب بتييني
    عبير بقت عينها: لا والله ؟؟ امشي وياي يالله .. تعالي تغدي وياي لا ؟؟
    زين: لا لا عندي موعد الساعه وحده ماقدر .. لازم اروح
    عبير: وي .. انزين عقب ماتخلصين تعالي
    زين: ان شاءالله
    عبير: امشي عيل بوصلج البيت ..
    زين: اووكي يالله


    خالد كان راقد .. تلفونه عيز وهوه يرن .. مايشتهي يرد .. حده تعبان .. قام : افففف من ذي المتفرغ .. الوو ؟؟
    سعود: خااااااالد !!
    خالد راقد: همم
    سعود: طلبتك طلبتك طلبتك لاتردني
    خالد فز: شصاير ؟؟
    سعود: تكفى لاتردني
    خالد: شفييك ؟؟ صاير شي ؟؟
    سعود: انت راقد ؟
    خالد: قعدت الحين .. تحجى شفيك ؟
    سعود: ابيك في سالفه .. بتيي ميلس فصول اليوم ؟؟
    خالد: يمكن امركم فلليل ..
    سعود: لا لا العصر ابيك .. تعال عندي سالفه وياك
    خالد: ايي قولي شفيك ؟؟
    سعود: الحين انا مستعيل بروح بروح يالله باي
    خالد: اوهوو .. باي
    سعود بسرعه جابل المنظره.. نسف الغتره .. حط له دهن العود .. تسبح بالعطر .. خذ مسباحه وطلع ..


    زين كانت رايحه مدرسة السياقه .. ماقالت حق احد ان عندها تراي .. " امتحان " .. كانت رايحه علأساس عندها تدريب ..
    قعدت تنطر دورها وهي حدها قلبها يدق .. محد محد يدري .. لا امها .. لا ابوها .. ولا اخوها .. ولا عبير .. ولا احد ..
    رافعه شعرها بتاج .. مخليته كيرلي .. وقاعده تنطر دورها .. شوي الا ينادون اسمها : زين عبدالله .. غرفة 9



    ذياب عيز وهوه ينطرها تتصل .. توقع ان عقب الحجي اللي صار البارحه بتخاف .. وبتتصل .. بس شسالفتها ؟؟؟
    كانت قاعده تغدي اليهال ..
    بدور: بس مابي شبعت
    عبير: لا حبيبتي كملي صحنج ..
    بدور ميوده القفشه بالقوه: ماااابي
    عبير: يالله عشان ابوي يستانس ..
    بدور تاكل: بس شوي
    عبير: اوكي .. (التفتت على بدر) هات صحنك ازيدك
    بدر: لا مابي بس شبعت (قام بيغسل يده)
    بدور قامت وراه: الحمدلله
    عبير : بلعـافـ (توها ماخلصت جملتها الا تلفونها يرن .. ذياب .. وقف قلبها .. بسرعه فزت من الطاوله وهي ميوده التلفون .. مب عارفه شتسوي .. تذكرت كلامه ان يبيها من اول رنه ترد عليه .. بسرعه من الخوف ردت) الو ؟؟ (ركضت والتلفون في يدها وطلعت برا)
    ذياب: شلا ماتصلتي ؟
    عبير وهي تنافخ من التعب والخوف: ها ؟؟ لا بس ..
    ذياب وهوه محتر ويتكلم بثقه: سمعيني .. انا واحد احب اخذ حقي بيدي .. وفعايلج وفعايل ابوج مابطوفهم لكم .. ومحد بياكلها غيرج
    عبير مب فاهمه شسالفه: ابوي ؟؟ شدخل ابوي فلموضوع ؟
    ذياب: ليش ماتروحين تسألينه عني ؟؟ بس ابيج تقولين له .. اسمي ..
    عبير متوهقه: شسمك ؟
    ذياب: مممم .. ذياب .. بس نصيحه .. لاتقولين له اسمي واهوه تعبان او متضايق .. لان فيه احتمال تصيده سكته قلبيه
    عبير بخوف: اسم الله على ابوي !! انت من ! وشتبي مني ؟؟ وشتبي من ابوي ؟؟
    ذياب: ارجع واقول لج .. محد بياكلها غيرج .. وانتي اللي جنيتي على نفسج ..
    عبير وزادت دقات قلبها: حرام عليك انا شسويت لك !!
    ذياب: يحليلج .. نسيتي شسويتي امس ؟؟ ويوم السينما ؟؟
    عبير بخوف: شتبي مني الحين ؟
    ذياب بنذاله: اممممم .. شابي منج شابي منج .. خليني افكر ..
    عبير: لوسمحت.. ممكن تخلي ابوي في حاله ؟
    ذياب: اهاا .. عرفت شنهي نقطة ضعفج الحين .. ابوج ..
    عبير بخوف: شتقصد ؟
    ذياب بهدوء: عبير .. شرايج نكمل سوالف بعدين ؟؟
    عبير وهي ترتجف: ممكن تقول لي شسالفتك ؟؟؟؟ دورت راسي !! اي حق اللي تبي تاخذه منه ؟؟ وشدخل ابوي فلموضوع ؟؟
    ذياب وبرود زايد .. : للأسف ماقدر اجاوبج الحين .. بس .. تقدرين تجاوبيني انتي ؟؟
    عبير: على ؟؟
    ذياب: وين ابوج الحين؟
    عبير خايفه: شتبي في ابوووي ؟؟
    ذياب معصب: جوفي .. اي سؤال زايد .. بتتحملين اللي بيصيدج .. فاهمه ؟؟
    عبير خايفه: انزين شسوي الحين؟
    ذياب: رديتي تسألين ؟؟ شكلج ماتبين ابوج
    عبير خايف: لااااا !! انت شتبي ؟؟ لا بليز كل شي ولا ابوي .. بليز ..
    ذياب: خلاص انزين قوليلي وينه ؟
    عبير بتردد: فلمستشفى ..
    ذياب يفكر: امممم .. انزين .. ابي اكلمج في موضوع .. بس الموضوع مايصير فلتلفون .. شرايج تييني مكان ؟؟
    عبير طاح قلبها: نعممممممممم ؟؟
    ذياب ببرود: شفيج ؟؟
    عبير عصبت: انت شتبي بالضبط ؟؟ ترى للحين مافهمت سالفتك !
    ذياب: اووهووو ردينه نسأل .. انتي شفيج ؟؟ ناويه على ابوج ؟؟ ولا ناويه على روحج ؟
    عبير خايفه: ولا على احد .. بليز خلني في حالي انا مافيني شدة سوالف
    ذياب ببرود: ودام الحلوه مافيها شدة سوالف .. ليش تصارخ علي جدام ربعي ؟؟ وليش تسبحني بالبيبسي ؟؟ وليش لين اناديها ماترد علي ؟؟
    عبير خايفه: انزين انا آسفه مب قصدي
    ذياب: وعبالج انا انطرج تتأسفين ؟؟ خلي اسفج لج .. اللي ابيه منج شي اكبر من جذي .. بس باخذه .. بالطيب بالغصب .. باخذه .. يالله انا بروح الحين .. بكلمج اذا فضيت
    عبير خايف وساكته ..
    ذياب: مع السلامه
    عبير وواقفه برا .. في الحر .. وزاد الحر مع ذياب وحجيه .. وزاد الخوف .. ودقاات قلبها تزيد ..
    وين تروح ؟؟ تقول حق من ؟؟ وشتسوي ؟؟


    زين في السياره مع الضابط اللي يمتحنها ..
    الضابط: بس وقفي اهني .. (وهو يكتب فلدفتر) خلاص نزلي المكتب باييج ..
    زين التفتت عليه تبي تعرف .. نجحت .. رسبت .. شسالفه ؟؟
    نزلت من السياره .. توها بتدش المكتب الا سعود واقف مجابلها .. : ها ؟؟ بشري ؟؟
    زين مستغربه .. من ذي ؟؟ ويهه مب غريب انا وين جايفته ؟؟ .. : نعم ؟؟
    سعود: نجحتي ؟؟
    زين بغباء: مادري !!
    سعود: شقاللج الضابط ؟؟
    زين: نطري فلمكتب !!
    سعود ابتسم: انزين نطري فلمكتب ..
    زين عبالها اهوه يشتغل اهني: انزين وعقب ؟؟
    سعود: دشي دشي اكا الضابط يه ..
    دشت ودش الضابط وراها .. وقع على الدفتر: الحين لازم تروحين المرور عشان يسوون لج الليسن .. لتسوقين الا والليسن معاج
    زين مستانسه .. في خاطرها" اللاي نجحت " ..
    طلعت وهي ميوده دفترها مستانسه .. جافت سعود ينطرها: نجحت !!
    سعود ابتسم: انزين الحين لازم تروحين المرور و
    زين تقاطعه: اي اي قالي الضابط ..
    سعود صدق روحه ان يشتغل هناك : عندج الصور الحين ؟
    زين تبطل شنطتها: اي لحظه (طلعت صورتين وعطته اياهم)
    سعود: ترى المرور مب بعيد .. بروح اسويلج اياه وبايي .. عطيني الدفتر
    زين: مب لازم انا ايي ؟؟
    سعود مستانس: بتيين وياي ؟؟
    زين: اووه اهوه العاده انتوا تسوون كل شي ؟؟ مادري والله انا اول مره اخذ الليسن .. قصدي .. يعني ماعرف شسالفه
    سعود: انزين انتي يايه بروحج ؟؟ شلون بتردين البيت ؟؟
    زين: بتصل حق امي تييني ..
    سعود: انزين صبري لتتصلين لها .. نطري اهني لتروحين مكان .. بروح اسويلج اياه وبايي ..
    زين مستانسه .. والله شهالواسطه العجيبه .. ليكون فاهم غلط الريال ..
    سعود مشى عنها ..
    وزين ميته من الاناسه .. كلش ماشكت في سعود .. عبالها واحد يشتغل واهمه دايما يسوون جذي .. قعدت تنطره اييها ..
    وسعود مايدري شيسوي .. مستانس .. يدري انها فاهمه السالفه غلط .. بس .. اهوه كان يجوفها من قبل جم مكان .. ويوم ياب اخوه اهني سمعها يوم تاخذ موعد لمتحان .. وماكان يبي يفوت عليه الفرصه .. راح وطلع لها الليسن .. ورجع بسرعه ..
    زين كانت قاعده تنطر ..
    سعود يه ووقف: تفضلي
    زين تجوفه: اللااااااااي !! الليسن !! ماااااااصدق !! (التفتت عليه) مشكووور والله ماقصرت .. تعبتك وياي
    سعود: لا عادي شدعوه ماسويت شي ..
    زين بسرعه خذت التلفون واتصلت حق امها: الوو
    ام ريان: ها يمه خلصتي تدريب ؟
    زين: اي يمه توني ..
    ام ريان: يالله انا يايتج ..
    زين: اووكي .. باي (التفتت عليه) اخوي الحين عادي اسوق؟
    سعود حده عايش الدور: ايي عادي .. بس خلي الليسن دايما وياج
    زين ابتسمت: ايي ان شاءالله
    سعود يبي يقص عليها: بس حطي بالج اول شهر لازم ماتطوفين ال80 ..
    زين بقت عينها: والله ؟ ليش ؟
    سعود بثقه: قانون يديد ..
    زين: اووه .. اوكي زين قلتلي مااكنت ادري
    سعود بيمشي: يالله مبروك
    زين مستانسه: الله يبارك فيك !! انزين لحظه اخوي .. شسمه ذاك الضابط اللي امتحني ؟؟
    سعود متوهق: اسمه ؟؟ مادري اظن محمد ... مادري
    زين ابتسمت: اوكي معليه .. شكرا
    سعود راح وسيده اتصل في خالد ..
    خالد: ها انت ؟؟
    سعود: الحق علي .. مادري شسويت
    خالد: شصار ؟؟
    سعود: وينك ؟؟
    خالد: فلميلس .. ماقلت بتيي ؟
    سعود: ايي بايي بس .. انطر .. ابي ادل بيتهم ..
    خالد: بيت من ؟؟
    سعود: ذيج اللي قلت لك عنها
    خالد: واذا دليت بيتهم شبيصير ؟؟
    سعود: اوووه خالد شفيك ؟
    خالد: فوين انت الحين ؟
    سعود: توني راكب السياره ..
    خالد: انزين تركو يسأل عنك ..
    سعود وعينه علشارع: باي باي خلود اكا طلعت حق امها .. باي


    ذياب .. فلسياره .. نزل المنظره يعدل غترته .. رش العطر .. ونزل المستشفى ..
    راح الرسبشن .. : لوسمحتي .. غرفة رياض بدر ؟؟
    الموظفه: رياض بدر .. جناح 4 .. غرفة 12
    ذياب ابتسم: مشكوره …
    يمشي ببروود .. ركب اللفت .. نفس اللفت اللي كانت فيه عبير .. نزل .. نفس المكان اللي كلمها فيه .. زاد فيه القهر .. يمشي فلممر .. وهوه رافع راسه .. ويمشي بشموخ ..
    بطل الباب بدون استئذان .. كانت ام مبارك قاعده علكرسي .. ورياض منسدح
    بابتسامه حقيره: سلاماااات بوبدر .. !!
    رياض مستغرب .. ذياب ؟؟؟؟؟؟؟؟؟ بق عينه .. والتفت على مرته .. ورد التفت عليه
    ذياب .. بحقاره جرب يمه: موصيني ماضايقك .. يقولون مب زين لك
    رياض مستغرب .. هذي شييبه اهني ؟؟ وهوه معصب: انت شتبي ؟؟ شيايبك اهني ؟؟
    ذياب: اممممم .. شابي .. مادري انت شرايك ؟؟
    ام مبارك قامت: ذياب اقصر الشر واطلع برا ..
    ذياب ببرود: لا عيب شلون جذي تطرديني ؟؟ مايصير .. ولا انتوا العاده عندكم تطردون ؟؟ مثل ما طردتوا
    رياض يقاطعه : انا ماقايل لك مابي اجوفك مره ثانيه ؟؟؟ شطلعك الحين ؟؟
    ذياب وقف: بنتك الحلوه .. عبير
    .


    .


    .


    .

    .


    .


    .


    .


    .


    .
    " خلاص انزين انزين بكمل !!! "


    رياض معصب: لاتييب طاري بنتي على لسانك !! اطلع براا !!
    ذياب يضحك: هههههههه .. شفيك ؟؟ هد اعصابك حبيبي ..
    رياض مهوس على ضروسه بالقوه: بتطلع ولا شلون ؟؟؟
    ذياب جرب منه بهدوء: كلمتين بقولهم لك قبل لااطلع ..
    رياض ويهه صار احمر: مابي اسمع شي !! قلت لك اطلع برا !!
    ام مبارك خايفه: وي رياض هد اعصابك !! (التفتت على ذياب) اطلع فكنا مب ناقصين سوالف احنا !!
    ذياب ببرود: شفيكم الحين ؟ ليش تصارخون ؟؟ ترى بتندمون .. مثل مابخليكم الحين تندمون على الشي اللي صار قبل ..
    رياض معصب: جم مره افهمك انا مالي دخل فلموضوع !! ليش مب راضي تفهم ؟؟
    ذياب ابتسم: انا للحين فيني حره .. اذا ابوي مابرد حرته فيك .. انا ببردها .. بس مب فيك .. (طلع عنهم)
    رياض ارتفع ضغطه وحده تعب .. بالغصب يتحجى: فايزه .. فايزه نادي الدكتور ..



    ذياب من طلع من عنده اتصل في عبير ..
    عبير طاح قلبها .. بسرعه ردت: الوو
    ذياب .. بحب: عبير ؟؟
    عبير بخوف: نعم ؟؟
    ذياب وهوه صاير حده حلييو وطيب: خمس دقايق وانا عند بيتكم .. ابيج تطلعين لي ..
    عبير ريجها نشف من الخوف: بيتنا ؟؟ ليش ؟؟ شتبي ؟؟؟؟
    ذياب: بعطيج شي ..
    عبير بخوف: لا .. لاتيي
    ذياب: يالله انا فلطريج .. باي
    صك االتلفون وهي واقفه ميته من الخوف .. ياربي بموووووت شهالسالفه !!!!!



    زين ركبت السياره مع امها .. وسوت الجو عااادي .. وماقالت لها شي .. وطبعا سعود وراهم بس اهمه مايدرون ..
    ام ريان: ها متى موعدج الياي ؟؟
    زين متوهقه: ها ؟؟ اممم قال بيتصل فيني بعدين بيأكد علي ..
    ام ريان: اي بس قوليله ليتأخر ..
    زين: ان شاءالله ..
    دشوا البيت .. سعود برد قلبه يوم دل بيتهم .. بسرعه راح حق خالد الميلس ..
    زين نادت امها وابوها .. وقعدتهم فلصاله ..
    زين من صجها: يمه .. يبه .. في موضوع ابي اقول لكم عنه ..
    ام ريان: شفيج يمه ؟؟
    زين .. ساكته .. وويهه خالي من التعابير .. حده منصفق .. شوي الا تطلع الليسن من مخباها وتصارخ: خذت الليييييييسن !!
    ام ريان وابوه: شنوووو ؟
    زين: امبيه امبيه طقوا الخشب بسرعه اللي يعرس قبل !!
    ام ريان ابتسمت: عرسنا وخلصنا .. شقلتي ؟؟ الليسن ؟؟ اجوف اجوف ؟؟
    بو ريان: يييااه شلون جذي ؟؟ متى كان ترايج ؟؟؟
    زين مستانسه: اليوم !!
    بو ريان: ومن وداج تسوينه ؟؟
    زين بغباء: اهمه سوولي اياه
    بو ريان مستغرب: شلون ؟
    زين: مادري .. ياني واحد قالي عطيني الصور بروح اسويلج الليسن .. انتي نطري اهني .. وراااح وعقب يه وعطاني اياه ..
    بو ريان مستغرب: واحد ؟؟ ومن ذي ؟
    زين: وي شدراني واحد يشتغل هنااك !! ليش ؟؟؟
    ام ريان: وي عادي يمكن يسوون حق البنات جذي.. مبرووك حبيبتي
    زين مستانسه: الله يبارك فيكم
    بو ريان للحين مستغرب بس طوف السالفه: قومي اخذيلنا لفه يالله
    زين تناقز: اللاااااااي يالله بسرعه



    ذياب وصل عند الباب .. سيده اتصل فيها ..
    عبير حدها خايفه .. من جافت رقمه .. ودت اليهال غرفتها وقفلت عليهم الباب .. وهوه للحين يتصل .. دشت البيت عشان تعرف تتفاهم وياه .. تحاول تخش الخوف اللي فيها وماتبين له انها ضعيفه وخايفه .. ماتبي يستغل خوفها .. .. ردت بثقه: نعم ؟
    ذياب معصب: يعني ساعه ليما تردين ؟؟؟
    عبير وهي تحاول قد ماتقدر تخش خوفها وتمثل عليه .. تتحجى بثقه وقلبها يرتجف من الخوف: آسفه بس ماكان التلفون عندي .. خير ؟؟
    ذياب مستغرب من طريقة كلامها : انا عند الباب .. يالله طلعي
    عبير: ليش ؟؟ شصاير ؟؟
    ذياب: ابي اقول لج شي ..
    عبير: لا مابطلع .. قول اللي بتقوله اهني ..
    ذياب: قلت لج طلعي دقيقه مابطول السالفه وياج .. بتطلعين ولا اكسر الباب وادش ؟؟
    عبير خافت: ها ؟؟
    ذياب: يالله .. بسرعه
    عبير: مابطلع لك .. تحجى اهني
    ذياب: اوهوووو انتي تحبين تكبرين السوالف ؟؟ دقيقتين وانا ماشي مابطول .. يالله بسرعه
    عبير خايفه: شتبي عاد ؟
    ذياب من صجه: والله .. ان مابطلتي الباب بتجوفين شي ماجفتيه .. فاهمه ؟
    عبير ساكته
    ذياب يصارخ: بسرعه !!!!!!!
    عبير مب عارفه شتسوي: انزين انزين .. بس لتصارخ ..
    ذياب: وتعالي بروحج .. والله .. ان جفت احد وياج ..
    عبير تقاطعه: بس انزين !!
    ميته من الخووف وحدها ترتجف ...
    صكت التلفون .. وريلها مب قادره تشيلها لي عند الباب ..
    كان تبي تقول حق ميري .. او بدر الدين .. ايون وياها .. علأقل تحس ان فيه احد يمها .. بس .. مافيها شدته ..
    راحت عند الباب ..
     
  7. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    الجـــزء الســـادس [6]


    في الميلس ..

    خالد وفيصل يسولفون ..
    فيصل: قلت لك عن سلووم ؟؟
    خالد ياكل حب: شفييه ؟
    فيصل: خذ له موتر يديد .. كروزر 2007 وارد قطر .. ماماشي الا 600 كلم
    خالد: لاا ؟؟ متى ؟؟
    فيصل: توه من جم يوم .. لا وركب عليه بوالين وفلتر وهدرز ودبة صوت .. يمشي ماشالله عليه
    خالد: اووووه !! وبجم طلع عليه ؟؟
    فيصل: ويا السامان بـ 9 آلاف دينار
    خالد: ابلاااااش !!
    فيصل: اييي خذاه من واحد شيبه ..
    دش عليهم سعود .. حده مستعيل .. بسرعه راح قعد يم خالد اللي حده مشتط ويا السالفه
    خالد: اي لون ؟؟
    فيصل: أسود .. اقول لك حتى اول امس هد ويا نسيان 2007 .. أكله ليتين ..
    خالد: قوووووب !!
    سعود: خالد !!
    خالد التفت عليه: سم
    سعود: تعال شوي ابيك
    فيصل: يااااااه كل ماييلس شوي واحد منكم سحبه؟؟
    خالد ابتسم: لاحظت ؟
    سعود: خله عنك ذي دكتور فل ..
    خالد بق عينه: انت بعد ؟؟؟؟؟ انا لله
    فيصل: خله عاد
    سعود: يييه ماتشبعون منه ؟؟
    فيصل: من كثر مايينه عاد ؟ ايلس ايلس طق لنا عود شوي
    سعود: هالحزه ؟؟ لا اسمحلي انا ماتييني الطربه الا نص الليل (سحب خالد) قووم عاد
    خالد وقف: انزين انزين !!
    طلعوا برا الميلس ..
    خالد: شفييك انت؟؟ ينيت ؟؟
    سعود: ايي ينييت !!
    خالد: انتوا شسالفتكم من تصير لكم سالفه مع بنيه ييتوني !! لحظه شجايفيني ؟؟ ليكون عبالكم خالد الدريع بالغلط ؟؟
    سعود: اووه لتسويلي سالفه الحين .. ابيك تساعدني وبس
    خالد: ايي بساعدك بس .. مادري شسالفتكم انتوا .. يعني لي متى ؟
    سعود: اووه لتسوي روحك فلته عاد
    خالد: انا مب فلته ..
    سعود: انزين .. قولي الحين شسوي ؟
    خالد: اي خل اعرف شسويت عشان اقول لك شتسوي ..
    سعود: انا قلت لك يوم اقص تراي حق عبود .. اهيا كانت هناك ؟؟
    خالد مب فاهم شسالفه: لاا وحتى لو قلت لي مابتذكر .. انزين وبعدين ؟
    سعود: ايي اقول لك عاد عرفت بالضبط متى ترايها ورحت لها اليوم
    خالد ويسوي روحه مهتم فلسالفه: وبعدين ؟
    سعود: اي اقول لك وجفتها
    خالد: الزبده ؟؟
    سعود: اووه خلود مادري .. رحت سويت لها الليسن
    خالد بق عينه: ها ؟؟ من صجك ؟؟
    سعود متوهق: اييه .. بس عادي مشت عليها السالفه
    خالد: بصفتك من؟
    سعود: واحد يشتغل اهناك ؟؟
    خالد: يسلام ؟
    سعود: اووه الحين ابي اكلمها انا .. شسوي؟
    خالد: وطبعا دليت بيتهم ؟؟
    سعود مستانس: اييي
    خالد: وشتبي مني بالضبط ؟ اروح بيتهم مثلا ؟؟ ااشقح اييبها لك ؟
    سعود: هيي من صجي !!
    خالد: وانا من صجي !! قولي شتبي ؟؟
    سعود: مادري !
    خالد بيمشي: لين دريت نادني
    سعود يوده: تعال عاااد !!
    خالد التفت عليه: شكلها ميننتك ذي !!
    سعود: شرايك تيي وياي ؟
    خالد: وين ايي وياك ؟؟ انت حاول تكلمها اذا ماعطتك ويه خلها
    سعود بق عينه: وين اخليها ؟ لا يبه ماقدر .. ابيها
    خالد: انزين كلمها ويصير خير
    سعود: تعال وياي عاد !!
    خالد: لا لا مالي سالفه ايي وياك .. انت روح الحين .. يالله يالله



    عند الباب ..
    عبير واقفه وميته من الخوف .. تخاف تبطل الباب يهجم عليها .. يسوي لها شي .. بروحه يخرع !! وهي بروحهه ماعندها احد .. لو يسحبها ويركبها السياره شبتسوي ؟؟؟
    لازم ماتستسلم .. وماتضعف جذي .. لانها تدري بتتحسف ..
    رجعت البيت .. حاولت تخش الخوف اللي فيها .. وتسوي روحها عاديه .. خذت تلفونها .. تبي تتصل بس .. يمكن الحجي اللي تبي تقوله مايطلع وتخاف من صوته .. كتبت له مسج
    " لو تموت مابطلع لك .. ولا تقعد تهددني لانك ماتقدر تسوي شي .. احسن لك روح ولا بشتكي عليك عند الشرطه" وبسرعه صكت تلفونها ..
    وصل المسج حق ذياب .. اللي كان متسند على سيارته ويلعب في مسباحه ..
    قراه .. اول شي ضحك .. شفييها ذي ؟؟؟ مسكييينه للحين ماعرفت من انا .. تهدد بعد يحليلها .. معليه مابرد عليها الحين .. بتعرف من اللي بيرد عليها ..
    ركب سيارته ومشى ..


    مروه عيزت تتصل في عبير .. صاكة تلفونها ..
    اتصلت على تلفون البيت ..
    ردت عليها ميري
    مروه: الوو
    ميري: الوو
    مروه: ميييييريييييييي
    ميري ابتسمت: هاا مروه
    مروه: كيساهي ؟؟ وين عبوور ؟
    ميري: outside
    مروه: اوتسايد وين يعني ؟ غرفتها ؟؟
    ميري: يس
    مروه: انزين انزين قوليلها خل تتصل فيني بسرعه
    ميري : جين


    عبير .. ماتدري ان اللي سوته صح ولا غلط .. يمكن كانت جريئة شوي .. بس .. احسن من ان يسويلها شي ويخليها تتحسف طول عمرها ..
    كانت قاعده ويا اليهال .. اهمه يلعبون بلي ستيشن وهي قاطه روحه عالسوفا وتفكر ..
    دشت عليها ميري ..
    عبير التفت عليها
    ميري: مروه يبي كلام ..
    عبير: انزين .. (خذت تلفونها .. بطلته .. توقعت فيه مسج او اي شي من ذياب .. بس .. ولا شي .. بسرعه اتصلت في مروه )
    مروه: عبوووووووور
    عبير: هلا هلا
    مروه: مالت علييييج شلا ماتقولين لي ان ابوج فلمستشفى ؟؟ نسمع من الغريب ؟
    عبير: اووه .. سوري والله مادري .. داير راسي شوي .. من قال لكم ؟؟
    مروه: يسفوو
    عبير: الحين يسفو غريب ؟؟
    مروه: لا بعد اهوه كان يبي عمي في شغله واتصل له وردت عليه الهانم خسرانه ولا جان ولا بندري بعد ..
    عبير: وي لا آيه علييج مادري شلون راح عن بالي
    مروه: خلاص انزين لتصيحين سامحتج .. احنا تونا راكبين السياره .. مابتيين ؟
    عبير: انا ؟؟ امبلا بس انطر امهم ترجع بس
    مروه: ماتبين نمر عليييج ؟؟
    عبير: لا لا مايصير اهد اليهال بروحهم .. مابتتأخر قالت لي بتيي
    مروه: اووكي عيل نجوفج هناك ؟
    عبير ابتسمت: ان شاءالله


    زين ويا امها وابوها فلسياره .. قالت لهم تبي تمر على عبير .. راحت صوب بيتهم .. وتمت تطق هراااانه ..
    عبير خافت .. امبيه ليكون ذياب ؟؟
    بسرعه اتصلت في بدر الدين يروح يجوف شسالفه ..
    ام ريان: بس عاد ! يمكن احد راقد ولا شي .. انتي متأكده انها اهني ؟؟
    طلع بدر الدين وجاف زين .. بسرعه دش حق عبير .. : صديق مال انتي
    عبير بسرعه طلعت بتجوف من ..
    الا الشيخه زين فلسياره .. يمها ابوها .. وامها ورا .. مب مصدقه .. زيووون ؟؟
    زين مستانسه .. بسرعه نزلت من السياره وهي تصارخ: عبووووور خذت الليسن
    عبير راحت لمتها بقوه: مبرووووووك يالدبه متى خذتيييييه؟
    زين: توه فرش !!
    عبير مستانسه: ايه عليج !!
    زين: يالله ركبي باخذ لج لفه
    عبير: وي .. استحي
    زين: وي ركبي الا ابوي وامي ..
    عبير: لا صج اليهال بروحهم فلبيت .. مره ثانيه ان شاءالله .. بروح المستشفى عقب شوي .. انزين تمي وياي !!
    زين مستانسه: تخليني اسوق سيارتكم ؟؟
    عبير: حلاااااالج افا عليج
    زين: خل اقول لهم يردون نطري ..
    راحت وتفاهمت وياهم .. عبير راحت تسلم عليهم بعد .. دشوا مستانسين البيت ..
    عبير: اللاي زيووون انااسه
    زين: حد امه !! بس ابوي سندرني !! حاسبي .. خففي .. بلعدال .. ومادري شنو .. قلت له مره ثانيه مابيك تركب يمي .. تدودهني
    عبير سحبتها: تعااااااالي قوليلي شلون خذتيه .. ومتى كان ترايج ؟؟
    دشوا غرفة عبير يسولفون ..


    تركي كان ويا خالد في القهوه ..
    خالد يقرا المسج ويضحك: سعووود يبيله طق !!
    تركي مب فاهم شسالفه: شفيييييك ؟
    خالد يقراله المسج : خلوود الحق علي !! مب راضيه تطلع !! خست وانا فلسياره
    تركي: سعودو ؟؟؟ ينطر من ؟؟
    خالد: مادري عنه يخي !! وحده مدوخه راسه !! ين علينه الريال !!
    تركي: اتصل اتصل فيه
    خالد يتصل ..
    سعود: هااا انت
    خالد: شسالفتك انت ؟؟؟
    سعود: يخي من عصر وانا اهني .. شسوي ؟
    خالد: وشدراك انها فلبيت ؟؟؟
    سعود: شدراني يعني وين بتروح ؟
    خالد: لااا ؟؟
    سعود: اوووه مادري مادري .. لازم اجوفها الحين لازم اكلمها ..
    خالد: خيس عيل ..
    تركي يحاجي خالد: عطني عطني اكلمه (خذ التلفون من خالد) الوووو
    سعود: ها انت
    تركي: ايي اونسك ؟؟
    سعود من غير نفس: لاء .. مشكور
    تركي: اوهووو حالتك صعبه .. ماتجوف شر
    سعود: جب جب ..
    تركي يتطنز عليه : هههههههههه عندك أمل ؟؟
    سعود: بتجوووف شبسوي .. يالله اقلب ويهك
    تركي: مالت عليك .. يالله باي
    سعود: باي ..
    تركي يهز راسه: لااا مب صاحي الريال ..
    خالد: كللش رايحه عليه .. اقول شصار على موضوعك انت ؟
    تركي رن تلفونه .. رقم غريب .. : لحظه شوي .. ( رد على التلفون ) الوو ؟
    رغد: تركي ؟
    تركي مستغرب من الصوت: من ؟؟
    رغد وصوتها مخنوق: تركي ؟؟
    تركي: ايي .. من ؟؟
    رغد: انا .. انا رغد
    تركي من سمع اسمها قام عن خالد بسرعه : لحظه شوي (التفت على خالد) دقيقه
    خالد مستغرب .. شفييه ؟؟
    تركي بسرعه طلع برا عشان ياخذ راحته: نعم ؟ خير ؟؟ شتبين ؟؟
    رغد : تركي بليييز .. ابي اجوفك .. ضروووووري
    تركي مستغرب: تجوفيني ؟؟ خير شطاري عليج الشيخه ؟؟
    رغد: بليز ..
    تركي: ماقدر .. آسف
    رغد والعبره خانقتها: اترجااااااك تركي لاتردني .. ماباخذ من وقتك وايد .. تكفى
    تركي سكت ..
    رغد: بليييز
    تركي: مافي شي ينقال رغد .. كل شي انتهى
    رغد: طلبتك تركي .. ابي اجوفك .. باجر .. الحين .. بليز لاتردني ..
    تركي: الحين ؟؟ لا يبه ماقدر ..
    رغد: انا ماقدر الا الحين .. تعال كوستا انطرك
    تركي خذ نفس: لا اله الا الله .. اصير خير
    رغد: انطرك بليز
    تركي: انزيين انزين
    صك التلفون وبسرعه راح حق خالد .. اللي قاعد ومستغرب ..
    خالد: فيك شي ؟؟
    تركي: ها ؟؟ لا لا ولا شي .. بس بروح عندي شغله اخلصها وارجع
    خالد شك فلموضوع : صاير شي ؟؟
    تركي خذ نظارته وسويج السياره من على الطاوله: لالا .. يالله بعدين بجوفك ..
    خالد مستغرب: شصاير ؟؟
    تركي مشى: ولا شي يالله فمان الله
    خالد مستغرب .. يه !! شسالفه !!
    اتصلت له دانه ..
    خالد رد عليها: هلااا والله
    دانه: خلوووودي وحشتني !!
    خالد يتدلع: صج عاد ؟؟
    دانه: والله من صجي .. شلونك ؟؟
    خالد: زين .. شلونج انتي
    دانه: ابي اجوووفك
    خالد حده مب فاضي : ليش صاير شي ؟
    دانه: ولازم يصير شي يعني؟
    خالد: حبيبتي معليه انا مشغول هالايام .. خليها وقت ثاني
    دانه: حرام علييك ! خلني اجوفك !!
    خالد: اووهوو دانو لتحنين !! قلت لج مشغول
    دانه: انزييين لتعصب .. وه
    خالد: انتي صايره حنانه شسوي فيج ؟
    دانه: لاني قلت بجوفك صرت حنانه ؟؟ صج انتوا ماينعرف لكم ؟؟
    خالد: من احنا ؟
    دانه: يعني .. الرياييل
    خالد جافها فرصه: ليش من تعرفين غيري بعد؟
    دانه توهقت: ماعرف احد !!
    خالد وتغيرت نبرة صوته: عيل ليش جمعتي ؟؟
    دانه: وي خالد لتسوي سالفه الحين ؟
    خالد: دانه جوفي .. اذا انتي ناويه تلعبين ترى حدي مب فاضي
    دانه: خالد شفيك الحين شصار اللي انت قلبت ال
    خالد يقاطعها: خليني اكمل !!
    دانه: يعني انت لاتفسر الامور على كيفك !!
    خالد: انزين انتي شفيج تدودهتي يوم سألتج ؟؟
    دانه: انا ؟؟؟ لاا والله عادي بس استغربت منك !!
    خالد: اوهوووو انتي شفيج الحين ؟
    دانه: انت اللي شفيك ؟؟ كل ماكلمك لازم تسويلي سالفه؟
    خالد: لا ؟؟
    دانه: اووه خالد !! شفيك علي ؟
    خالد: بكلمج بعدين .. يالله باي
    دانه: خالد لا خلنا نتفاهم الحين
    خالد: قلت لج بعدين ..
    دانه: اوكي باي .. خالد لحظه ؟
    خالد: نعم ؟
    دانه: احبك
    خالد ابتسم .. تم ساكت
    دانه: باي
    خالد: باي


    خالد متضايق .. رفيجه خلاه .. وهوه مب عارف شيسوي .. من يتم بروحه يفكر .. التفكير ذبحه .. طلع من القهوه وركب السياره .. ماعرف وين يروح .. ولا شيسوي ..
    ماوعى الا اهوه عند البحر ..
    نزل من السياره .. وقعد يتأمل فلبحر ..
    " يـارب .. شفيني ؟؟ حتى كلمة " أحبك " مالها طعم .. ماقمت احس فيها .. يا كلهم يجذبون علي .. يا انا احساسي مات ..
    حلو انك تحصل اهتمام من الناس .. او حتى من البنات .. بس مب حلو انك ماتحس فيه .. !! ليش احسه ان مو من قلب ؟؟
    لي متى !!
    ساعات .. احس ان جذي احسن .. " احبك " تنقال بدون احساس .. عشان مااتعب واتعذب ..
    وساعات .. افقد احساسها .. واحتاجه .. وابيه .. بس وينه ؟؟ "


    تركي ..
    توه داش الكوفي شوب .. يدورها .. جافها قاعده ومنزله راسها وتقلب في تلفونها ..
    راح يمها .. وقعد ..
    من جافته فزت : تركي !!
    تركي مستعيل: شصاير ؟؟
    رغد: آسفه والله اني ضايقتك او
    تركي يقاطعها: انا مب ياي عشان اسمع هالحجي .. انتي قلتي تبين تكلميني ؟؟ تحجي
    رغد وعيونها متروسه دموع: تركي .. انا ادري اني غلطت في حقه .. ابيه يساامحني .. بليز كلمه .. اقنعه ان يجوفني .. علأقل يكلمني فلتلفون .. ادري مغير رقمه .. و ادري لو اتصلت مابيرد علي .. ابيك انت تكلمه ..
    تركي يهز راسه: ماقدر !! انا عيزت عشان اخليه ينساج .. تبيني الحين اروح له واقول له كلمها ؟؟
    رغد: حرام عليك افهمني .. انا اذا ماكلمته بموت
    تركي بق عينه: لا ؟؟ حلفي بس ؟؟ وين عقلج من زمان ؟؟ عبالج اللي سويتيه فيه شوي ؟؟ تدرين لو كنت مكانه بعرف شلون ببرد حرتي فيج .. لكنه مسكين على نياته .. ماعرف شلون ياخذ حقه منج
    رغد وخلاص بتصيح: تركي لاتزيد علي بليز !! انا ابيك تساعدني !!
    تركي: اساعدج واضر رفيجي ؟؟
    رغد: ومن قالك ابيك تضره ؟؟ حرام عليك شهالحجي ؟
    تركي: رغد .. ممكن انا اطلب منج طلب ؟؟
    رغد: آمر ؟؟
    تركي: ممكن تشيلين هالافكار من بالج ؟؟ خالد ورغد يرجعون لبعض ؟؟ انسي
    رغد: حرام عليييك
    تركي: شفيج ميوده علي من الصبح حرام علي وحرام علي !! حرام علييج انتي !!
    رغد: ياااربي !!! يعني الواحد اذا غلط مستحيل يسامحونه ؟؟ يعني ربك سبحانه يسامح !!
    تركي: جوفي انا مالي شغل فيج .. وانا اعرف خالد اكثر منج .. واعرف شنو كنتي بالنسبه له قبل .. وللأسف انتي اللي غيرتي كل شي ..
    رغد: تركي بليز افهمني
    تركي: جوفي بقول لج .. انتي ماتدرين خالد شصار فيه .. بس الحمدلله قدر يعدي هالمرحله .. وانتي اللي خسرتيه
    رغد: تركي انا ماناديتك عشان تقول لي هالحجي !! ابيك تساعدني !! خلني اكلمه .. خلني اشرح له !!
    تركي: شتشرحين له ؟
    رغد: انا للحين ابيه !!
    تركي: واهوه مايبيج .. خلاص خالد نساج .. لتذكرينه فييج مره ثانيه !! وبعدين ابشرج .. خالد يحب
    رغد تصيح: لاء .. مستحيل
    تركي توهق: كيفج .. وخلاص بيخطبها جريب
    رغد: لاااااااااا !! حرام عليكم !!!!!!!!!! منهي هذي ؟؟؟
    تركي قام: معليه انا تأخرت .. بليز لتتصلين فيني مره ثانيه .. ولتحاولين تجربين من الريال وتخربين حياته .. سلام
    مشى عنها وخلاها قاعده مكانها تصيح ..



    ذياب .. في الميلس
    يفكر .. ويخطط .. ومب قادر يثبت على شي ..
    جرب منه سلطان : فيك شي ؟؟ احسك مب طبيعي
    ذياب التفت عليه: ها ؟؟ لا لا .. ولاشي
    سلطان: قول شفيك .. يمكن اقدر اساعدك
    ذياب يخزه: امممم .. ايه يمكن .. ليش لاء ..
    سلطان: قولي شفيك
    ذياب: في شي في بالي .. بس مادري بينفع ولا لاء
    سلطان: شفيه بالك ؟
    ذياب قام: تعال وياي مابي احد يسمعني ..
    سلطان قام وراه: يالله ..
    طلعوا برا ..
    ذياب: بسألك .. تعرف واحد خراب ؟؟ حده رايحه عليه ؟
    سلطان عفس ويهه: خراب ؟؟؟ (ابتسم) شناوي عليه ؟
    ذياب بجدية: احاجيك من صجي
    سلطان: اي خلني افهم شتبي بالضبط ؟؟
    ذياب: يعني واحد راعي بنات وجذي
    سلطان: مغازلجي يعني ؟
    ذياب: اللي اهوه .. بايعها
    سلطان: امبلا اعرف .. بس .. نسيت شسمه ..
    ذياب تحمس: من ؟؟ من وين تعرفه ؟؟
    سلطان: لا انا ماعرفه .. رفيج تركي
    ذياب: تركي ماغيره ؟؟ وينه ذي صاير مايبين
    سلطان: مادري عنه كل ماكلمه قال مشغول ..
    ذياب: المهم .. تدل بيتهم ؟؟
    سلطان بق عينه: بيتهم ؟؟ لاا شعرفني
    ذياب: ابيك تدله .. وبعدين بقول لك شتسوي
    سلطان: شناوي عليه ؟؟
    ذياب: سو اللي اقول لك عليه وخلاص
    سلطان: ان شاءالله
    ذياب: الحين !!
    سلطان: ألحين عاد ؟؟
    ذياب: لتطول السالفه يالله بسرعه .. ماقدر اصبر
    سلطان: ان شاءالله ان شاءالله الحين بروح ..
    ذياب: لحظه .. مابي احد يعرف اني انا اللي قلت لك .. فاهم ؟
    سلطان: اووكي لتحاتي



    عبير .. عقب ماردت من المستشفى .. تمت بروحها تجوف التلفزيون .. ومر عليها الوقت .. ونست روحها .. ولا حست بالوقت ..
    رن تلفونها ..
    عبير: الووو
    مبارك: هلااا والله !! صباح الخير
    عبير مستغربه: اي صبح !! الساعه 2 الفير !!
    مبارك ابتسم: أيي انا عندي الصبح .. وبعدين شمسهرج لي هالحزه ؟؟
    عبير وصوتها ابين متضايقه: أبد .. ماقدرت ارقد .. ماعلينه قولي شلونك ؟؟؟؟ شخبارك ؟؟ عساك ماتعبت ؟؟
    مبارك: لاا الحمدلله كل شي تمام انتي شلونج ؟ وشلون عمي ؟؟
    عبير: الحمدلله .. باجر بيرخصونه ان شاءالله
    مبارك: لا ؟؟ زين زين الحمدلله .. المشكله الوقت كلش غلط ابي اكلم امي بس قلت اكيد راقده
    عبير : اييي صاج
    مبارك حس فيها: صاير شي ؟؟
    عبير : لالا
    مبارك: صوتج متغير ؟؟ فيج شي ؟؟
    عبير: لااا بس تعرف تعبانه وابي ارقد .. بس .. قولي انت شخبارك ؟ والله مكانك ابين
    مبارك ابتسم: صج عاد ؟؟
    عبير: ايي والله ..
    مبارك: امممم .. عبور ابي اقول لج شي .. ادري الوقت مب مناسب الحين .. بس ..
    عبير خافت: صاير شي ؟
    مبارك: لالا .. بس .. مادري تعرفين طول الطريج وانا افكر في نفس السالفه .. وحسيت اني مابصبر لين ارجع واقول لج .. بس
    عبير ساكته وتحاول تفهم شسالفه ..
    مبارك خذ نفس: والله مادري شلون اقول لج ..
    عبير كلش مب فاهمه: انزين .. طرشلي مسج !!
    مبارك: لالا .. ماينفع المسج .. تدرين ؟ خليها وقت ثاني
    عبير: لا لا مبارك مابقدر انطر .. الحين قول
    مبارك: لا لا لتحاتين .. بعدين ان شاءالله .. المهم انتي تحملي فروحج وطمنيني علييج
    عبير : متأكد مابتقول ؟؟
    مبارك: لا معليه خليها وقت ثاني .. المهم .. سلمي على عمي وايد .. وامي واليهال
    عبير: الله يسلمك ..
    مبارك: يالله انا لازم اروح الحين عندي اجتماع .. وخلي عنج السهر وارتاحي
    عبير: ان شاااااااءالله من عيوني
    مبارك ابتسم: تسلم عيونج .. يالله مع السلامه
    عبير: الله يسلمك


    يوم ثاني ..
    الصبح ..
    مروه نازله تراكض من على الدري بكشتها والبجامه رايحه صوب امها اللي كانت تقرا الجريدة في الصاله
    مروه تصارخ: ييييييييمه لحقي علي !!!!!!!1
    ام يوسف قطت الجريده والتفتت عليها: وه شفييج !! خرعتيني !!
    مروه قعدت على حضن امها ولمتها بالقوه وهي يزعم خايفه: يييييييمه
    ام يوسف تبي تدزها: قوووومي انتي من خفج !! مرووو قومي كسرتي عضامتي !!
    مروه تهوس عليها بالقوه وهي تصارخ: ييييييمه
    ام يوسف: مروو لتصرخييين !! شفييج ؟؟
    مروه وهي تهوس زوود: ييييييمه !!
    ام يوسف تصارخ: وصصصصصمه !! (تحاول تدزها) ذبحتيني قووومي
    مروه قامت بسرعه ووقفت جدامها: يمه لحقي علي !!
    ام يوسف: شفييج !!
    مروه وتغير نبرة صوتها: I see dead people
    ام يوسف بقت عينها: هاا ؟
    مروه تصارخ وهي راكبه فوق بسرعه : I see dead people
    وهي تراكض دعمت اروى اللي كانت نازله علدري
    اروى: ويعه !! انتي ماتجوفين !!
    مروه وقفت وهي تبق عينها .. وتسوي حركات تخرع في ويهه .. جربت يم اختها وهي تهمس في اذنها: I see dead people
    اروى مب فاهمه شسالفه: يمه اختي ينت !!
    مروه ركبت عنها ولا جنها تسمعها ..
    اروى: ويي الحمدلله والشكر !! (نزلت حق امها) يمه شفييها بنتج ؟؟
    ام يوسف كانت منزله راسه وهي تمسد جسمها: ذبحتني حسبي الله على بليسها ..
    اروى تهز راسها: ماتجوف شر مسكينه .. كاسره خاطري
    ام يوسف: ماعندج جامعه اليوم؟
    اروى: لا كنسلوا الكلاس ..
    ام يوسف: زين احسن .. اليوم يوسف بييب لنا الخدامه اليديده
    اروى: وه !! مابغى !!
    ام يوسف : ايي والله .. تغربلنا
    شوي الا مروه نازله لهم .. لابسه توب وشورت ونظارة سباحه .. والكاب اللي يغطي الشعر .. وهي تراكض .. يوم وصلت عندهم انسدحت على بطنها على الأرض جدامهم وهي تحرك يدها وريلها يزعم تتسبح وحدها مشتطه ..
    امها وأروى مب فاهمين شسالفه !!
    مروه مره وحده قامت وركبت علكرسي ونطت علأرض وهي تصارخ: بشششششش (التفتت عليهم) لعوزتكم ؟؟ سوري بس بعد بانط ..
    ركبت مره ثانيه ونطت يزعم صوبهم وهي صاكه خشمها بيدها وهي تصارخ: بششششششششش
    (التفتت عليهم) بوووو !! سبحتكم !!
    ام يوسف واروى يضحكون عليها: ههههههههههههه
    ام يوسف: وي بنتي ينت !!
    اروى: ماتجوفين شر !!!
    مروه بسرعه ركبت فوق وتحرك يدها يزعم تتسبح ..
    اروى التفتت على امها: يمه !! شفييها ؟
    ام يوسف: هذي الا خداي ..


    عبير واهي راجعه من المستشفى ويا ابوها ..
    عبير مستانسه: الحمدلله على سلامتك يبه ..
    رياض ابتسم: الله يسلمج ابوي ..
    رن تلفونه ..
    رياض: الوو
    ام مبارك: هاا وينكم ؟؟
    رياض: فلطريج .. جريب
    ام مبارك: وعبور وياك ؟؟
    رياض: أيي
    ام مبارك: انزين وانتوا يايين ييبوا (رن تلفونها) وي .. وي اكيد هذي مبارك يتصل .. بعدين بكلمك يالله مع السلامه
    رياض: الله يسلمج
    ام مبارك بسرعه ردت على مبارك: الوووو
    مبارك: هلاا يمه !!
    ام مبارك: هلا هلا والله شلونك ؟؟ عساك طيب ؟؟؟
    مبارك: انا الحمدلله بخير انتوا شلونكم ؟؟ شلون اليهال وعمي رياض ؟؟
    ام مبارك: كلنا بخير الله يسلمك .. شخبارك انت؟
    مبارك: الحمدلله .. يمه .. من يمج ؟
    ام مبارك تتلفت: محد .. شفيك ؟
    مبارك متردد: اممم .. ابي اقول لج شي .. بس
    ام مبارك خافت: وي يمه شفيك !!
    مبارك: لا مافيني شي .. بس
    ام مبارك: تحجى !!
    مبارك: انزين عاد .. مابي صراخ .. بقولج وفهميني عدل
    ام مبارك: تحجى صبيت قلبي !!
    مبارك: يمه انا ..



    ذياب ويا سلطان واقفين يم السياره..
    ذياب التفت عليه: هاا ؟؟ فهمت شتسوي ؟؟
    سلطان ابتسم: افا عليييك ..
    ذياب: حافظ الحجي ؟؟ بالضبط ؟؟؟
    سلطان: اييي لتوصي ..
    ذياب: ان شاءالله اصير اللي في بالي وارتاااح !!
    سلطان ابتسم: ان شاءالله ..
    ذياب: ابيك تنطر .. بس يطلع من البيت تدش .. سامع ؟
    سلطان: اوووكي ..
    ذياب: يالله توكل على الله .. واول ماتطلع من هناك كلمني
    سلطان ركب السياره: صار .. يالله مع السلامه
    ذياب: الله وياك



    ام مبارك تصارخ: تخسي !!!!!!!!
    مبارك معصب: يمه !!!!! شفيها يعني ؟
    ام مبارك: والله ان عدت هالسالفه مره ثانيه لانته ولدي ولا اعرفك .. سامع ؟؟؟؟؟؟؟
    مبارك معصب: يمه !!!!!!! شلا انتي جذي
    ام مبارك تصارخ: جب !! اي والله !!!!!!! هذي اخرتها ؟؟؟؟؟؟
    مبارك معصب: بقول لج .. ترى انا مب ياي اخذ رايج .. واللي في بالي بسويه
    ام مبارك: تخسي الا انت جليل الحيا .. وقفت قلبي تف علييك .. لو يبت هالطاري مره ثانيه تعرف شبسوي فيييك .. جليل الحيا
    مبارك: اوووهوووو يالله باي


    شوي الا رياض وعبير داشين البيت
    عبير مافيها شدة ام مبارك: يبه انا بعدين بمر عليك .. بروح غرفتي .. اذا بغيت شي نادني
    رياض: ان شاءالله
    عبير طلعت وراحت غرفتها .. وقفت مجابله المنظره .. ابتسمت ..
    " الحمدلله .. اهم شي ابوي طلع من المستشفى .. بس .. ذياب ؟ شفيه صاخ اليوم ؟؟ ماله حس ؟؟ الله يستر شوراه بس .. "
    اتصلت في زين ..
    زين: الووو
    عبير: هلااا والله ..
    زين: هلا فيييج
    عبير: شلونج ؟
    زين: اوكيي تمااام ..
    عبير: زينو تعالي خلنلطع ابي اشتري حق ملجة يوسف .. تدرين انها هاليمعه وانا ماشريت شي ؟
    زين : ويي صج ذكلمره ماحلصتي .. انزين .. تبين انا اسوق ؟
    عبير: امج بترضى ؟
    زين: امممم مادري
    عبير: لا لا مافينه شدة حوادث الحين ..
    زين: بل .. شلا تفاولين ؟
    عبير: انا ؟ لااا بس سمعي انا باخذ بدر الدين وبمر عليج .. وبنجوف مروو بعد
    زين: اييي اللاي .. صج خلنطلع من زمان ماستانسنه
    عبير: اووكي خلاص انا بسأل ابوي وبرد عليج .. اوكي ؟
    زين: خلاص .. انطرج



    عند بيت خالد
    سلطان .. واقف عند الباب ..
    طق الجرس .. طلعت له لطيفه: نعم ؟
    سلطان ابتسم: ام خالد موجوده ؟
    لطيفه مستغربه: من ؟؟
    سلطان: ام خالد
    لطيفه: ايي اعرفها امي !! بس اقصد من انت !!
    سلطان: اووه .. قوليلها رفيج خالد ..
     
    آخر تعديل بواسطة المشرف: ‏11 نوفمبر 2014
  8. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    الجزء الســـابع [7]


    لطيفه دشت على امها .. : يمه !!
    ام خالد التفتت عليها: هلا يمه ؟
    لطيفه: في واحد يبيج عند الباب
    ام خالد مستغربه: من ؟؟
    لطيفه: مادري يقول رفيج خالد
    ام خالد لبست شيلتها: انزين خليه يدش !!
    لطيفه راحت تناديه ..
    دخلته الميلس ودشت وراهم ام خالد: هلا والله حي الله من يه
    سلطان ابتسم: الله يحييج .. شلونج خالتي ؟
    ام خالد: الحمدلله بخير .. (مب فاهمه شسالفه) سامحني يمه ماعرفتك !!
    سلطان: ايي انا سلطان .. رفيج خالد
    ام خالد: خير يمه شصاير ؟
    سلطان: لا خير ان شاءالله .. بس ابيج في سالفه .. ومابي خالد يدري عنها
    ام خالد مستغربه: خير شصاير ؟؟
    سلطان جرب يمها: بصراحه .. انا مادري شلون ابتدي .. بس .. يعني تعرفين خالد رفيجي وتهمني مصلحته .. !!



    عبير ..
    فلسياره عند بيت زين ..
    اتصلت لها : الووو
    زين: عبوور نزلي دقيقه على مابدل
    عبير: حرام عليج للحين مابدلتي ؟؟
    زين: عاد
    عبير: مب نازله .. انطرج
    سعود كان واقف تقريبا عند البيت اللي مجابل بيتهم .. وعيز وهو ينطر
    بس هذي سالفته ..
    يوم جاف السيارة واقفه عند البيت بسرعه .. وقف .. تم ينطر احد ينزل .. شسالفه؟
    شوي الا زين طالعه وهي تركض حدها مستعيله
    حافيه وشايله نعالها (كرمكم الله) وشنتطها وهي داشة السياره .. تنافخ من الركيض: سوري أخرتج؟
    عبير: وي زيوون شفيج !! شدعوه عادي بنطرج انا
    سعود اول شي ضحك عليها .. كان شكلها حده يضحك .. ومن جافها ركبت السياره ركب سيارته ولحقهم ..



    ام خالد مستانسه: ابشر ولا يهمك
    سلطان وقف: ماتقصرين خالتي
    ام خالد: وين وين؟ تو الناس
    سلطان: معلييه مواعد الربع .. لازم اروح
    ام خالد: ايي امانة الله ..
    سلطان راح عند الباب .. وراحت وراه ام خالد .. التفت عليها: عاد ماوصيج .. مابيه يدري ان انا اللي قلت لج
    ام خالد: افا علييك لاتوصي .. ان شاءالله من عيوني
    سلطان: تسلمين والله .. يالله مع السلامه
    ام خالد: في حفظ الله


    وصلوا المول .. نزلوا من السياره ..
    بسرعه سعود وقف سيارته ونزل .. وراهم ..
    اتصل في خالد ..
    سعود: الوو
    خالد: ها انت !!
    سعود: وينك ؟
    خالد: فلبحر
    سعود: شتسوي ؟
    خالد: يعني .. جتسكي ..
    سعود: حزتك ؟؟
    خالد: يييه !! شفييك ؟؟ صاير شي ؟
    سعود: يخي انا وراها ومب عارف شسوي .. !!
    خالد فيه الضحكه: بوو انت للحين ؟؟
    سعود: يالله امش ضبطني
    خالد بثقه: المشكله اذا ييت بتهدك وبتلحقني انا
    سعود من غير نفس: ها ها ها ضحكتني .. يالله عاد !!
    خالد: اهد لصبيان واييك ؟؟
    سعود: ايي يالله
    خالد: انزين انت لي متى هناك ؟؟
    سعود: مادري !!
    خالد: انزين اهيا جافتك ؟
    سعود: لاء
    خالد: انزين انا ماعطي الشباب كلمه الحين .. لازم اتم وياهم شوي .. من اخلص باييك
    سعود: انزين لتأخر
    خالد: اووكي


    ام خالد مستانسه ..
    بسرعه راحت حق بنتها ..
    لطيفه: يمه شفيج ؟؟ شصاير ؟؟
    ام خالد: وي عيني خلوودي يستحي ..
    لطيفه: يستحي ؟؟ شدخل ؟
    ام خالد: ويي هذي رفيجة .. عطاني رقم امها .. عشان اتصل لها
    لطيفه: ام من !! يمه شتخربطين ترى حدي مب فاهمه شي !!
    ام خالد: ويي لطوف .. انا بروحي مب مصدقه
    لطيفه: ايي قولي شصاير ؟
    ام خالد: بكلمها اليوم .. وبجوف متى نقدر نروح لها انا وخالتج
    لطيفه عصبت: بتروحون حق من !!!!!!!!!!
    ام خالد ابتسمت: بنخطب
    لطيفه بقت عينها : تخطبين حق من ؟؟
    ام خالد: اخوج بعد من ؟؟
    لطيفه: ويي يمه من متى !! شدخل !! وليش !! ومن ذي !! لحظه يمه شسالفه !!
    ام خالد: انا بقول لج .. هذي الله يسلمج رفيج خالد .. انزين ؟
    لطيفه: انزين ؟
    ام خالد: وقالي عن اللي يحبها خالد .. ويبي يخطبها بس يستحي يقول لي .. وعاد رفيجه يبي يسويهه له مفاجأه ..
    لطيفه مستانسه: اللاي يعني خلود بيعرس ؟؟ خل اروح اتسبب فيه
    ام خالد: يالغبيه !! الحين انا اقول لج مفاجأه .. بتخربين كل شي !!
    لطيفه: انزين يمه بايي وياكم !! اللاي بصير عمه !!
    ام خالد مستانسه: انا اللي بصير يده
    لطيفه: وي يمه بتصيرين عيوز
    ام خالد: ويهج .. الا توني شباب
    لطيفه: أييي اييي ادري .. انزين يمه .. من ذي ؟؟ وشسمها ؟؟ وشسالفتها ؟؟ ومن متى يحبها ؟؟ وليش مايقول ؟؟
    ام خالد: ويي يمه مادري !!
    لطيفه: يالله يمه كلمي امها بسرعه
    ام خالد: الحين عاد ؟؟ نطري نطري باجر .. خل اقول حق خالتج قبل
    لطيفه: يييييمه شدخل خالتي كلميها الحين يالله .. اللاي بيصير عندنا عرس
    ام خالد: وانا اقووول شفيه خلوودي متضايق !! يبييها ومب عارف شيسوي ..
    لطيفه: وي وعليه اخووي كسر خاطري
    ام خالد مستانسه: وي ماصدق شبيصير فيه لين ييت وقلت له خطبتها لك .. آيه عليه بيطير من الوناسه
    لطيفه مستانسه: اللاااااااي !! فديته خلوود .. يمه تخيليه بالبشت !!
    ام خالد: وي عينييييي فديته ..
    لطيفه: انزين يالله يمه اتصلي !
    ام خالد: وي شفييج تحنين ؟؟
    لطيفه : يمه حده داير راسي ومب مصدقه !! يالله عااااد !! تخيلي امها ولا ابوها مايرضون ؟ امبييه !! شبيصير فيه وعليه ؟؟
    ام خالد: ويي وشوله مايرضون ؟؟ شفيه ولدي ؟؟
    لطيفه: لا ماقصد بس .. تعرفين النحاسه هالايام
    ام خالد: لا ان شاءالله بيرضون .. الله يكتب اللي فيه الخير ان شاءالله
    لطيفه: يمه عاااااااااد اتصلي الحيييين اخذي منها موعد
    ام خالد: تهقين ؟؟
    لطيفه: اي اي تخيلي احد ثاني يخطبها الحين شبيصير في خلود وعليه ؟
    ام خالد: وي بسم الله على ولدي .. انزين يالله .. روحي يبي الرقم من الميلس
    لطيفه ركضت بسرعه وجافت ورقة محطوطه علطاوله مكتوب فيها الرقم بسرعه خذتها وخذت التلفون وراحت حق امها ..
    ام خالد تطق الرقم: وي قلبي يدق .. اول مره اخطب !!
    لطيفه مستانسه ومتربعه عالأرض مجابله امها ..
    رن تلفون البيت ..
    ام مبارك كانت فلصاله ويا اليهال ..
    رد عليها بدر .. : الوو ؟؟
    ام خالد متوهقه: السلام عليكم ؟
    بدر كلش ماله نفس: من ؟؟
    ام خالد : امك اهني ؟؟
    بدر يعطي امه التلفون: هااج يبونج
    ام مبارك: من ؟؟
    بدر: شدراني انا !! سأليها
    ام مبارك ردت: الوو ؟
    ام خالد: السلام عليكم
    ام مبارك: وعليكم السلام
    ام خالد: شلونج ؟
    ام مبارك: بخير الله يسلمج ..




    سعود عيز واهوه يفتر وراهم .. ومن يدشون محل يوقف برا ينطرهم .. بدون مايحسسهم ان اهوه قاعد يلاحقهم .. وكلش مالاحظوا ..
    عبير في غرفة التبديل .. كانت لابسه فستان حرير احمر وقصير .. حدها صايره ناعمه ..
    زين: oh my god !!
    عبير وهي تجوف روحها فلمنظره: شرايج ؟؟
    زين: ايه ده ؟؟ ايه الحلاوه دي ..!!!
    عبير تسايرها: واللهي ؟؟
    زين : حده امه عجيب عليج .. كتير أوي .. احلى من ذاك لسود !!
    عبير: حلفي ؟؟
    زين: ايي والله !! مادري اخذلي نفسج ؟؟؟؟ عجبني !!
    عبير: اييي يالله !!
    زين: عاد اكيد مابيطلع حلو علي .. فييييه فرق !!
    عبير: شدعوه زيووون يالله جربييه
    زين: لا لا .. بس يالله بدلي لتصدقين عمرج ..
    عبير: يعني ماخذه؟
    زين: ماله داعي تحرجيني اكيد مب حلو علي .. بس يالله انطرج
    عبير: ويي زيون ماعندج سالفه .. طلعي انزين خل ابدل
    عقب مابدلت وشرت فستانها .. طلعوا من المحل الا سعود للحين واقف .. زين تسولف ولا جافته ..
    عبير تجوف الساعه: بيأذن المغرب الحين .. نصلي ونمشي ؟
    زين: نطري خنجوف له اكسسوارات ..
    عبير: انزين يالله .. متى اتصل له ؟
    زين: شعايلج ؟؟
    عبير: لا بس مابي اتأخر ..
    زين: اذا خلصنا اتصليله .. تعالي مروو شلا مايات؟؟
    عبير: شدراني تقولي مشغوله ..



    ام مبارك: حيااااج الله حبيبتي .. مع السلامه
    ام خالد: الله يسلمج
    ام مبارك حدها طايره من الوناسه ..
    " في خاطرها" الله يابج !! صج ييييتي في وقتج !! عيل انا مينونه اخلي ولدي ياخذ عبوور ؟؟ حشى علي لو يخلصون البنات ماخطبتها له .. وه متى تطلعين من البيت وافتك منج !!!
    بسرعه راحت حق ريلها وهي حدها مب قادره تصك حلجها من الاناسه
    رياض يطالعها مستغرب .. من زمان ماجافها مستانسه جذي
    فايزه قعدت يمه: عندي لك خبر !! صج صج بيونسك
    رياض: شصاير ؟
    فايزه: توها مكلمتني ام خالد .. باجر بتينه بتخطب عبير
    رياض مب فاهم شسالفه: من ام خالد ؟؟
    فايزه: وحده ماتعرفها ..
    رياض: انتي تعرفينها ؟
    فايزه متوهقه: اييييي شلون ماعرفها ؟؟ كله تيينه بيت امي !!
    رياض مستغرب: اول مره اسمع عنها
    فايزه: ويي ليكون تعرف كل النسوان انته ؟؟
    رياض: انزين شتبي ؟؟
    فايزه وهي شاقه الحلج: بتخطب عبير !!
    رياض: عبير ؟؟؟؟؟ لا يبه اي خطبه هالحزه !! صلي عالنبي
    فايزه: ويي رياض شفييك !! تبي البنيه تعنس ؟؟
    رياض: تدرين انها ماصارت 19 للحين ؟
    فايزه: وييي يوم انا عمري 19 كنت حامل في مبارك !! شفييها !!
    رياض: انتي غير وعبير غير .. وشلون تتصرفين وتقولين لها اتيي ؟؟ جان صرفتيها ؟
    فايزه: وييي من صجك اصرفها ؟؟ هذي ام خالد !! (يزعم تعرفها)
    رياض: ومن ام خالد ؟؟ شعرفني فيها انا ؟ وشعرفني في ولدها
    فايزه: ولدها ماشالله لا اله الا الله يخزي العين الصلاة عالنبي .. رياال بمعنى الكلمه
    رياض: وشعرفج فيه بعد ؟؟ اييكم بيت امج ؟
    فايزه: وييي !! رياض شفيك ؟؟ بيينه ان شاءالله وبتتعرف عليه !!
    رياض: لا انا مب موافق .. الحين تتصلين فيها وتقولين لها آسفه .. ولا اذا ياتج باجر كيفج .. المهم تقولين لها البنت مب موافقه .. تبي تكمل دراستها .. وابوها بعد مب موافق
    فايزه وفيها حره في قلبها .. جربت يمه اكثر: حبيبي شفيك .. لازم البنيه تبي لها ريال !! وبعدين شفيها اذا انخطبت الحين ؟
    رياض: تو الناس !! عبير ياهل !!
    فايزه: ولا بياهل ولا شي !! جوفها ماشالله عليييها شايله روحها بروحها
    رياض: شعندج راضيه عليها انتي اليوم ؟؟
    فايزه: شسوي ! استانست !! طول عمري وانا احلم باللحظه اللي اجوفها ويا ريلها ..
    رياض: انتي سألتي عبير ؟؟
    فايزه: اييي سألتها !! بالله عليك يعني بايي اقول لك قبل لاخذ رايها ؟؟
    رياض: ليش اهيا ردت من السوق ؟
    فايزه توهقت: لاا للحين .. بس ماقدرت اصبر لين ترجع .. قلت لها وحدها مستحيه لوتجوفها شلون
    رياض: شدراج انها مستحيه !!
    فايزه: من نبرة صوتها ابين !! سكتت يعني ماعرفت تتحجى تدودهت
    رياض: اوووه مادري انا خل اجوف الريال واقعد وياه وبعدين يصير خير .. يعني حطي في بالج اني مب موافق
    فايزه: تكسر بخاطر بنيتك ؟؟
    رياض بق عينه: انا ماكسر بخاطرها .. انا ادور مصلحتها .. ومابي اعطيها اي احد
    فايزه: ويي عاد خالد شيخ الرياييل
    رياض: عاد شيخ الرياييل ولا غيره .. انا لازم اقعد وياه واجوفه
    فايزه: اقعد وياااه ماقلت لك لتقعد .. بس عبير بتاخذه ان شاءالله .. وانا عطيت المره كلمه .. لتفشلني !!
    رياض: والله مشكلتج تتصرفين بدوني !!
    فايزه قامت: كيفك ترى باجر بيون (طلعت عنه)
    رياض: لا حول والا قوة الا بالله .. من وين طلعت لنا بسالفة خالد بعد ؟؟



    ام خالد حدها ميته من الاناسه .. من صكته من ام مبارك اتصلت في اختها وقالت لها السالفه .. ولطيفه مب راضيه تتحرك ..
    من صكته من اختها نطت لطيفه: يمه قوليلي شقالت لج بالضبط؟
    ام خالد: حدها استانست وقالت لي تعالوا باجر !! تدرين الظاهر انها تدري بالسالفه .. يمكن بنتها قايلة لها عن خالد .. او خالد مكلمهم من قبل .. مايندره .. بس حسيتها وايد استانست
    لطيفه مستانسه: اللاي يعني باجر بنروح ؟
    ام خالد: ان شاءالله !!
    لطيفه قامت: عيل خل اجوف شبالبس !!
    ام خالد: ومن قالج بتيين ؟؟؟
    لطيفه: يمه !!!!! حرام علييج انا اخته !! بايي كيفج .. لحظه احنا ماندل بيتهم ؟؟
    ام خالد: باجر بتصل لها بخليها توصف لي
    لطيفه: ويي جوف انا توني بقول لج خل نخلي خالد يودينه .. تذكرت انها مفاجأه
    ام خالد: أي اي تحملي تقولين له .. يودي لسانج .. باجر اول مانرجع بنقول له
    لطيفه: لحظه !! شتتوقعين شكلها ؟؟
    ام خالد: مايندره !!
    لطيفه: امبيه اتخيل كريهه وطايحه في جبد اهلها !!
    ام خالد: والله تعرفين ذوق اخوج شلون .. اكيد حلوه وعاجبته
    لطيفه: ان شاءالله يارب حلوه .. مب ضروري ملكة جمال بس قصدي .. يعني .. فاهمتني ؟؟
    ام خالد ابتسمت: فاهمتج ..
    لطيفه: انزين خليني اروح اسويلج عرض ازياء عشان تختارين لي شالبس .. (توها بتروح تذكرت شي ورجعت التفتت على امها) يمه لحظه !! شرايج اقول حق بناات خالتي ايون ويانه ؟
    ام خالد: وي ينيتي ؟؟ رايحين كشته ؟؟ انتي وبالزور بوديج
    لطيفه: اوووه .. انزين اهيا جم عمرها ؟؟ ليكون عيووز اكبر منه ؟
    ام خالد: أووهووو ترى مللتيني ! انا شدراني !! لاعمري جفتها ولا اعرف عنها شي .. كل اللي اعرفه ان اخوج يحبها ويبيها !! بس !!
    لطيفه: أنزين انزين .. باجر كلشي بنعرف .. يالله قعدي لتحركين باييج




    سلطان عند ذياب فلميلس ..
    ذياب: بشر ؟؟
    سلطان ابتسم: كل شي تماااام
    ذياب مستانس: تعجبني !! شقالت لك ؟
    سلطان: مسكينه حدها على نياتها .. ماتت من الاناسه ..دار راسها مب عارفه شتسوي .. تعرف .. جنها تبي تسوي اي شي عشان خاطر ولدها !!
    ذياب: زين اهم مشت عليها السالفه ؟؟
    سلطان: افا عليييك شلون ماتمشي ؟؟
    ذياب مستانس: جذي تمااام .. ماتدري متى بتروح اومتى بتكلمها ؟
    سلطان: عاد .. هذي زواج مب لعبه .. يعني يبيلهم شوي وقت
    ذياب: وانا شيصبرني ؟؟
    سلطان: شتبيني اسوي ؟؟
    ذياب: انت ماقلت لها تستعيل ؟
    سلطان: امبلا قلت لها ان في واحد متقدم لها ومادري شنو .. شكلها تحمست !!
    ذياب: ان شاءالله يستعيلون بس ..
    سلطان: انزين انت شناوي عليه بالضبط ؟
    ذياب: خلها لي حزتها .. كل شي بتعرف
    سلطان: انزين .. يعني الحين شبتسوي ؟
    ذياب: ننطرها تخطبها .. ويوافقون .. وبعدين اقول لك ..



    عبير وزين .. كملوا اغراضهم .. صلوا المغرب .. وبدر الدين الحين بييهم ..
    عبير مروا يمها شباب سعوديين .. تذكرت خالها: آيييه !! وحشني زيااااد
    زين تسايرها: حده !!
    عبير التفتت عليها: لاا؟
    زين: متى بيي !!
    عبير: شدراني فيه !! حدي خاطري اجووفه .. من زمااان عنه والله وحشني
    زين: كلميه الليله
    عبير: ايي ان شاءالله بكلمه .. ومبارك بعد وحشني
    زين تقلدها: مبارك بعد وحشني
    عبير تخزها: وي !! شتبين انتي !!
    زين: جن قلتيلي البارحه كلمتيه !!
    عبير: اييي كلمته بس .. قصدي وحشني يعني ابي اجوفه .. فاهمتنيي ؟؟
    زين: اي اي فهمت ..


    سعود يمشي وراهم .. جافه رفيجه وسلم عليه
    سعود في خاطره" لااااا كلش مب حزتك !! " : هلاااااا بوسنيييده !!
    راشد: هلاا والله !! شلوووونك ؟؟
    سعود: بخييير اسأل عنك
    راشد: سألت عنك العافيه .. ويينك !! ماتبين !!
    سعود ويبي يجوف وين راحوا .. اختفوا : ها ! انا موجود انت اللي ويينك !!
    راشد: ييييه من متى مامريت علينه ؟؟
    سعود حده يبي يصرفه: لا ان شاءالله بمر عليكم جريب
    راشد: شعندك اهني بروحك ؟
    سعود متوهق: لا بس كنت ويا واحد .. توه ماشي
    راشد: ايي زين خلنا نجوفك عاد
    سعود: ان شاءالله على خير
    راشد: يالله فمان الله
    سعود: الله وياااك
    من راح راشد بسرعه راح يدورهم .. مايبينوون خلاص مشوا ..
    عصب وسيده اتصل في خالد ..


    خالد كان توه راكب السياره: الووو
    سعود: كله منك !!
    خالد: كاني كاني ياي
    سعود: لا ؟ شعقبه ؟؟ ضيعتهم !!
    خالد فيه الضحكه: اما !! تلعبون صيده ؟
    سعود: والله كنت وراهم من مساعه .. ويااك رشود وسلم علي .. ومادري وين راحوا
    خالد: مالت عليك امساعه ماسويت شي ؟؟ يعني ماكلمتها ؟؟
    سعود: اكلمها شاقول لها ؟
    خالد: شدراني فيك !! انت شتبي تقول لها ؟
    سعود: اووه شدراني !! حدي ابيها .. ذبحتني ماتعيز اهيا واللي وياها .. من محل لي محل .. دوروا راسي ..
    خالد: شحادك ؟؟ من قالك تروح وراهم ؟؟
    سعود: معليييه كل شي يهون عشان خاطر زييين
    خالد: اووه اووه .. شعنده ؟؟
    سعود: افففف كله منك ..
    خالد: انت شكلك بتداوم عند بيتهم .. ود وياك فراشك احسن .. ارقد فلسياره واذا طلعت اطلع وراها ..
    سعود: تتطنز ويا ويهك ؟
    خالد: مادري عنك !! يعني انا اذا ييت شبسوي ؟
    سعود: اووهوو
    خالد: شدراني فيك انت من صوب وترووك من صوب ..
    سعود: شفيه ذاك بعد
    خالد: ألا اروح اخطب له !! جذي الحب يسوي فلأوادم ؟؟
    سعود: ترووك يبي يخطب ؟ اوووه شعنده ذي؟؟
    خالد: حالته صعبه فقير .. الليله عمه وابوه بيون من السفر .. وعلى قولته فلمطار بقول لهم
    سعود: آآآآآآ مافيه صبر
    خالد: جووف من يتحجى .. اجوف انت اللي فيك صبر عاد
    سعود: علأقل اهوه بيخطب .. انا شلون تبيني اصبر وللحين ماكلمتها !!
    خالد: يعني جان خليتها تجوفك مساعه .. سلمت عليها جذي .. تجوف ردت فعلها ..
    سعود: ياااه من صجك .. انا جني فاار قاعد اتدعس من مكان لي مكان عشان ماتجوفني
    خالد: ماتجوف شر !!
    سعود يتلفت: خلاص شكلهم مشوا
    خالد: بوو انت للحين عندك أمل ؟؟ لا خلاص راحت عليك
    سعود: انت بدل ماتساعدني وتوقف وياي يالس تتطنز ؟؟
    خالد: خلاص ولا يهمك باجر من فير الله انت عند بيتهم .. انطرها تطلع وروح وراها واتصل لي باييك
    سعود: اماا !! واذا ماطلعت ؟
    خالد: معليه تروح لها عقب باجر
    سعود: لاا عندي دوااام انا !! ماقدر
    خالد: خلاص عقب الدوام ولا يهمك
    سعود: تتطنز انت ؟
    خالد: وشلا اتطنز ؟؟ من صجي احاجيك
    سعود: يصير خير .. وينك انت ؟
    خالد: بروح البيت بتسبح وعقب بروح الميلس .. بتيي ؟
    سعود: مادري انا عيزت من لدواره .. اذا ييت بارقد
    خالد: لااا شلون ترقد ؟؟ نبيك تغني لنا الليله .. من زمان عن صوتك
    سعود ابتسم: انزين بريح شوي وعقب باييكم
    خالد: خلاص ننطرك
    سعود: يالله عيل .. فمان الله




    عبير من رجعت البيت مرت ابوها واقفة لها عند الباب تنطرها ..
    ام مبارك: وينج لي هالحزه !! عيزت انطرج !!
    عبير مب فاهمه شسالفه: شصاير ؟؟
    ام مبارك: دشي بسرعه حجرتج ابيج في سالفه
    عبير خافت: ابوي فيه شي ؟؟
    ام مبارك: لا لا مافيه شي .. دشي بسرعه
    عبير دشت غرفتها ودشت وراها ام مبارك ..
    ام مبارك: تعالي قعدي ..
    عبير قعدت بخوف: شصاير ؟؟
    ام مبارك: سمعيني ..
    عبير وحدها مب فاهمه: خيير ؟؟
    ام مبارك وهي مستانسه: بااجر بيونه نسوان بيخطبوونج
    عبير بقت عينها من الصدمه .. مب مصدقه اللي سمعته:هاااا؟؟ يخطبون من ؟؟؟؟؟؟
    ام مبارك: يخطبونج !! يعني يخطبون من مثلا ؟؟ ميري ؟؟ ولا بدوور ؟؟
    عبير قامت: لحظه لحظه من ذلين ؟؟؟؟؟؟
    ام مبارك تخزها: تسوين روحج ماتدريين ؟؟
    عبير خافت .. " في خاطرها" اكييد ذياب !! : شسالفه !!!!
    ام مبارك وهي تطالعها بنص عين: خاالد !!
    عبير برد قلبها ان مب ذياب ..: اي خالد ؟
    ام مبارك: خالد ولد ام خالد !!
    عبير: تعرفينهم يعني انتي ؟؟؟
    ام مبارك: اعرفهم ولا ماعرفهم مالج شغل .. المهم باجر بيون
    عبير: وليش ايوون ؟؟ انا مابي الحين !! من صجج انتي ؟؟ لاا مستحيل .. كلش لاااء !!
    ام مبارك بدت تعصب: مب على كيفج !! تبين اتمين على جبدي لي متى ؟
    عبير: وتبين تقطيني عند اي واحد ؟؟
    ام مبارك: لتطولين لسانج !!
    عبير: مابي !! غصب السالفه يعني غصب ؟؟
    ام مبارك تصارخ: ايييه غصب !!!
    عبير: قلت لج مابي !! (دمعت عينها) حرام عليج !!
    ام مبارك: جوفي مب تقعدين تتبجبجين علي الحين !!
    عبير تصيح: حرام عليج !! شنو يعني باجر بيون نسوان !! مابي !! قلت لج مابي !!
    ام مبارك يودتها من شعرها بالقوه: سمعيني زين .. بتاخذينه يعني بتاخذينه .. وغصبن عليج بتوافقين..
    عبير يعورها: آآي آي آي انزين هدي شعري
    ام مبارك تسحبه زود: واذا سألج ابوج قوليله موافقه .. واياني واياج تبينين له شي !!
    عبير تصيح: هدي شعري !!
    ام مبارك تسحبه زود وعبير تصارخ: آآآآآآآآي هديني !!
    ام مبارك: سمعي شقلت لج ولا اعيد الحجي ؟؟
    عبير: سمعت بس هديني بليييز
    ام مبارك هدتها وعبير ميوده شعرها: انتي شتبين مني بالضبط ؟؟؟؟؟؟ حرام عليج !! انا شسويت لج !!
    ام مبارك: انجبي لتطولين لسانج جليلة الحيا !!
    عبير محتره: مابي قلت لج مابي يعني مابي .. مابوافق ..
    ام مبارك: اذا ماتبين روحج .. لتوافقين
    عبير: اووهووو !! انتي ليش جذي !!!! يعني واحد الله يعلم من بس سيده بتقطيني عليه !!
    ام مبارك: جوفي ترى ابوج موافق وكلش ماعنده مانع .. وانتي اكيد مابتكسرين كلمة ابوج ..
    عبير: ابوي !! شلون يوافق !! وراي جامعه !! وراي دراسه !!!! مستحيل !!!!!!
    ام مبارك: ألحين انا ابي افهم .. انتي رافضه خالد ولا رافضة الفكره ؟؟
    عبير: كلشي !! كلشي !! مابي !!
    ام مبارك: عبووور سمعي الحجي احسن لج ولا بتجوفين شي ماتجفتيه .. والله
    عبير تصيح: حراام عليج !! انتي بترضينها على بنتج ؟
    ام مبارك: جب !! لتطولين السالفه !! اذا ابوج سألج قوليله موافقه .. واياني واياج تتصلين في مبارك
    عبير مب فاهمه: شدخل مبارك الحين فلسالفه
    ام مبارك: قلت لج .. لتتصلين له ولاتقولين له شي
    عبير: ليش ؟؟؟؟
    ام مبارك تصارخ: لسانج ذي يبيله قص !! سمعي الحجي وخلاص !!
    عبير قطت روحها علكرسي : ياااااااربي (محتره) براويج شبسوي باجر .. بفشلج
    ام مبارك: تخسين الا انتي ..
    (وهي طالعه) انا حذرتج وغصبن عليج بتوافقين ..
    عبير تصيح
    ياربي !! شفييها ذي !! غصب يعني غصب اوافق !! ليش تكرهني هالكثر انا شمسوية لها !! ياربي المصايب تتحذف علي من كل صوب !! بمووووووت !! يمه وييييينج !! يبون يعرسووني غصب !!!!! ليش انا هالكثر رخيصه عندهم !!! ليش يبون الفكه مني !! انا شمسوية لهم !!
    رن تلفونها .. كانت زين ..
    عبير وهي تصيح ردت ..
    زين بخوف: عبوور شفيج ؟
    عبير تصيح: زيوووووون لحقي علي بمووووت!!
    زين: اسم الله علييييج شفيييج !! شصاير ؟؟
    عبير وهي تصيح مب قادره تتحجى
    زين: عبوور !! عورتي قلبي شفيج ؟؟
    عبير تصيح من قلبها: مابيييي .. ماابي
    زين: اهدي شوي عشان افهم شسالفه !!
    عبير تصيح: زيووون
    زين: حرام عليج عبور لتذبحيني !! قومي غسلي ويهج وذكري ربج واتصليلي .. انطرج
    عبير: اوكي ..
    تحاول تهدي روحها شوي .. غسلت ويهه .. خذت نفس واتصلت في زين ..
    زين: عبور شفيج ؟
    عبير تحاول ماتصيح: شفيج متصله ؟
    زين: ماعليج مني قوليلي انتي شفيج ؟
    عبير: لا اول شي قوليلي انتي شفيج ؟
    زين: اووهوو .. كنت بقول لج ان تبادلنا الاجياس .. خبرج انا قاعده بجرب ثيابي وطلعلي فستانج .. حاولت اقص على روحي والبسه بس .. مادش علي
    عبير ابتسمت: حلال عليج اخذيه
    زين: لا باجر بييب لج اياه وباخذ مالي .. االمهم .. ماعلينه .. تحجي شصاير ؟؟ اكيد الهانم خسرانه مسوية لج شي !!
    عبير: محد خسران غيري انا
    زين: شصاير ؟؟؟؟؟؟
    عبير: تخيلي تخيلي تخيلي .. بس ابيج تتخيلين .. انج راده من السووق والمزاااج حده عجيب .. تييج وتقول لج ترى باجر بيون النسوان بيخطبونج !
    زين تيبب: كلولولووليييييش والف الصلاة والسلام عليك يا حبيب الله محمد ..
    عبير رفعت صوتها: زييين !! شفيييج انتي ينيتي ؟؟
    زين توها مستوعبه: اووه .. لحظه بس انا خبري هالخبر المفروض يونس .. بس .. شسالفه الحين ؟
    عبير: يعني تبيني اوافق غصب
    زين: من اهوه انزين ؟
    عبير عافسه ويهه: خالد
    زين: امبييه ليكون ذاك بو شنب ؟؟
    عبير: لاااا ذاك اسمه ذياب !! امبيه تخيلي اهوه مغير اسمه ؟
    زين: شلون يعني مغير اسمه ؟
    عبير: يعني يوم سألته عن اسمه قص علي ؟؟
    زين: تهقين ؟؟
    عبير: امبيه خرعتيني ليكون اهوه ؟؟
    زين: انزيين اهوه ولا مب اهوه .. شنو يعني تاخذينه غصب ؟؟ وين ابوج ؟؟ وينه الهيرو مبارك ؟؟
    عبير: على قولتها ابوي موافق .. وقالت لي لتقولين شي حق مبارك الحين !!
    زين: امبييه !! شسالفه ؟؟
    عبير: شدراني زيوون !! مابي !! حدي مابي اعرس الحين !!
    زين: حشى تونا متخرجيين !! لاحبيبتي ماتعرسين قبلي .. اعنس على حسابج ؟؟
    عبير: شدخل انتي بعد ؟ من قالج برضى ؟؟
    زين: عيل شبتسوين ؟
    عبير: بكلم ابوي .. بقول له مابي
    زين: وييي تلاقينه فاره مخه الحين .. والله محد يعرف حق ابوج غيرها
    عبير: ياربي !! زيوون .. مابي !! والله قلبي يدق بالقوه مااااااابي
    زين: ويي شهالسالفه بعد ؟؟ انزين انتي تعرفينهم ؟ قصدي يصيرون لكم شي ؟؟
    عبير: لاااء !! ماظن !! ماقالت لي الا اسمه ..
    زين: عيل سمعيني .. سبلي في عمرج وكرهي روحي وحطي لج ميك اب حده غلط ولبسي لج اشيا حدها غلط وتمي ناقزي جنج مينونه ووقفي علطاوله وناقزي علكرسي واحبي وتقلبي عالأرض وسوي اللي بتسوينه ..
    عبير: ههههههههههههههههههههه والله عادي اسويها !!
    زين: والله يهونوووون عنج
    عبير مستانسه: اللاي يبيله !!!!!!
    زين: تبين اييج باجر ؟؟ العب في ويهج ؟
    عبير: ها زيون ؟؟ الا عجبتج السالفه؟
    زين: حدها !! سمعي بحط لج شدو بالنص .. اصفر وازرق في عين .. احمر واسود في عين ثانيه .. والبلاش بنحط لج بنفسجي غامج .. والحمره حطييها .. اممممم .. برتقاليه
    عبير: امبيه اتخيل روحي !!!!!! هههههههههه
    زين: سمعيني عاد .. ونزلي راسج عالأرض وخلي شعرج كله جدام وربطيه .. فهمتي ؟
    عبير: انزين ؟؟
    زين: ولبسي .. اممممممم
    عبير: البس جلابية ابوي ؟
    زين: لااااا بيشكون فيج!! عبالهم بوية
    عبير: اما شدخل !!
    زين: لا لا نطري .. لبسي .. امممممم
    عبير: امممممم
    زين: اممممم .. أي .. لبسي .. جينز وسيع .. وفوقة تنوره ضيجة .. ممم لي تحت الركبه جذي ..وربطي على خصرج قميص مبكر
    عبير: ماعندي مبكر !!!
    زين من صجها : اخذي من بدر الدين عنده وايد
    عبير تضحك: هههههههههههه اما !!
    زين: والتوب .. اممممم .. لبسي توب طويل اصفر .. وفوقه .. اممممم .. توب سليف لس ..
    عبير: احمر !!
    زين: يا سلام على الذويييقه !!
    عبير تضحك: ههههههههههههه لا ؟؟
    زين: وسمعيني .. اهم شي لكسسوارات .. كثري منهم ها
    عبيير: بعد ؟؟؟؟
    زين: ايي من صجي .. امبيه اتخيل ؟؟ يعني تخيلي شكلج واوادم يايين يخطبونج ؟ والله غصبن عليهم ايهونون !!
    عبير: خلاص اسويها .. وافتك من هالسالفه !!
    زين: تعجبيييييييني
    عبير: افا علييييج !! ههههههههه
    زين: ايي ماحب اسمعج تصيحين .. شحلوج وانتي تضحكييين !!
    عبير: آيه عليييج شسوي !!
    زين: لا خلاص السالفه محلووله لتحاتين
    عبير: ان شاءالله !!
    زين: كلمتي زيااد ؟
    عبير: لااا !! الحين بكلمه ..
    زين: ايي تحملي تقولين له !! خلي السالفه تعدي على خير ..
    عبير: لا لا مابقول له شي ..
    زين: اييه .. معليه .. اذا تبين شي اتصلي ها .. انا قاعده
    عبير: آيه عليج ماتقصرين حبيبتي
    زين: بس انزين لتغازليني وايد اخاف اعلق وياج
    عبير تضحك: ههههههههههههه يالخايسه !! لتخليني اشك فيج !
    زين: اماا تشكين فيني !! انزين عبور ممكن طلب؟
    عبير: آآمري ؟؟
    زين: باجر لين نكرتي في روحج جذي .. صوري روحي وطرشيلي mms
    عبير: لا ؟؟؟؟؟؟؟؟؟
    زين: بلييييييز
    عبير: انزيييين ولا يهمج .. بس ماتراوين احد ؟
    زين: لا لا لتحاتين
    عبير: اوكي خلاص بكلمج باجر انا
    زين: ايي يالله .. ريان يسلم عليج
    عبير: الله يسلمه ويسلمج .. شخباره ؟
    زين: الحمدلله .. عقب باجر بيي
    عبير: ايي يحليله ..
    زين: يالله كلمي خالج ورقدي ..
    عبير: ان شاءالله .. يالله بيباي
    زين: باي


    اتصلت في زياد ..
    عبير: الوو
    زياد: يااااا حي هالصوووت !!
    عبير ابتسمت: يحييييك ربي .. شلونك ؟
    زياد: لوني ؟؟ بنفسجي
    عبير: هاها ضحكتني ..
    زياد: سخيف ؟؟
    عبير: حدك !!
    زياد: هههههههههه يا حبي لك .. اخبارك ؟
    عبير: الحمدلله انت شلونك ؟؟؟ وحشتني
    زياد: وانتي اكثر والله .. وشفيك ؟؟ صوتك موعاجبني !!
    عبير: انا ؟ لا مافيني شي ..
    زياد: اكيد ؟
    عبير: اكيييد افا عليك..
    زياد: حاس ان فيك شي ..
    عبير متوهقه: لالا .. مافيني شي
    زياد: طيب .. ماقلتيلي وشلون عن تسجيل الجامعه ؟
    عبير: ماسجلت للحين
    زياد: وليييه ؟
    عبير: مااادري ! ماصار عندي وقت ..
    زياد: طيب ليه ماتجين عندي هنا ؟؟
    عبير: اللاي !! من صجك ؟
    زياد: ودك ؟
    عبير: امبيه مادري !!
    زياد: طيب فكري لاتقررين الحين ..
    عبير: انزين .. مادري بس فاجأتني .. ماكنت حاطه في بالي اني بدرس برا !
    زياد: معليش انتي شوفي وردي علي .. حلو ؟
    عبير ابتسمت: حلوو
    زياد: يا لبى قلبك .. طيب الحين روحي ارتاحي .. واذا تبين شي اتصلي
    عبير: ان شاءالله
    زياد: يالله تصبحي على خير
    عبير: وانت من هله .. باي
    زياد: بااي



    يوم ثاني الصبح ..

    ام مبارك اتصلت في ام يوسف ..
    ام مبارك: الوو
    ام يوسف: السلام عليكم
    ام مبارك : وعليكم السلام .. شلونج خويتي ؟
    ام يوسف: بخير الله يسلمج .. شلونج انتي ؟ وشلون لعيال وابوهم ؟
    ام مبارك: كلنا بخير الله يسلمج .. وينج ماتبينين ؟
    ام يوسف: خبرج ملجة يوسف عقب باجر .. هذحنه كل مانخلص شي يطلع لنه شي
    ام مبارك: ويي الله يعيينكم ..
    ام يوسف: اي والله .. انتوا شخباركم؟
    ام مبارك: حيااج اليوم بيتنه بيون نسوان يخطبون عبووره
    ام يوسف مستغربه: من ؟؟ عبير ؟؟
    ام مبارك: اي يحليلها كبرت
    ام يوسف: وي ! مادريت ! محد قالي !!
    ام مبارك: ايي صارت السالفه بسرعه .. اهم شي تيين ..
    ام يوسف: ايي ان شاءالله .. بس فاجئتيني يختج !!
    ام مبارك: انا تفاجأت مثلج ..
    ام يوسف: خلاص ان شاءالله بايي ..
    ام مبارك: حياااج الله
    ام يوسف: الله يحيييج



    ام مبارك تنادي ميري: تعااااااالي رتبي الميلس .. بسرعه
    " في خاطرها" ويينهي ذي ليكون للحين راقده ؟؟
    طلعت برا وطقت عليها الباب ..: عبووور !! عبوووور !! عبوور وويعه قووومي !!
    عبير فزت يوم سمعت صراخها .. امبيه شفيها ذي ؟؟ راحت بسرعه عند الباب وبطلته وهي حدها دايخه ..
    ام مبارك: لي هالحزه راقده ؟؟
    عبير وهي تعرك عيونها: شصاير ؟؟
    ام مبارك: لا ؟؟؟؟ لتتغيبين !! يالله بسرعه اكا بدر الدين ينطرج ..
    عبير: ليش وين بروح ؟؟
    ام مبارك: الصالون !!
    عبير بقت عينها: شلا ؟؟ آآ كلش مايبيله!! اي صالون ؟؟ مابي
    ام مبارك: غصبن عليج بتروحين ..
    عبير: وييي مابي !!
    ام مبارك: شتبين يقولون عنج النسوان ؟؟؟
    عبير: حتى لو .. اصلا شعري طبيعي احلى
    ام مبارك: بتروحين الصالون غصبن عليج ..
    عبير: اووهوو مابي !! مابي .. انا زين اللي بدش اسلم !! بعد تبيني اتعدل ؟؟
    ام مبارك: ليش امي شناويه علييه ؟
    عبير: ولاشي !! بس مابي .. (تطالع روحها من فوق لي تحت) بدش لهم جذي
    ام مبارك عافسه ويهه: تخسين الا انتي .. عبالج بخليج ؟؟ حبيبتي انا واقفة لج عدل .. مابتدشين الا لين اتأكد من كشختج
    عبير: كشختي ؟؟؟؟؟ لاااااا كلش مابي اكشخ !!!
    ام مبارك: جوفي ترى انا مب فاضيه !! النسوان بيون وانتي قاعده تضيعين وقتي !! يالله بسرعه بدلي ينطرج
    عبير تهز راسها: ماااااااابي
    ام مبارك سحبت شعرها: غصبن عليييج
    عبير من الألم: آي آي آي انزييييين هديني بروووح .. يارب !!!!!
    ام مبارك: ايي سمعي الحجي .. يالله


    عبير حدها ماله بارض تسوي شي !!!!!! بس .. مغصووبه !!
    يعني اللي تبيه ام مبارك غصب عليها بيصير !!


    لطيفه ميته من الاناسه: اللاي يمه حدي حدي مستانسه .. امساعه بس قاعده اتخيل شكلها !
    ام خالد: سكتي عيل انا شنو ؟؟
    لطيفه: امبيه لازم اتعلم ارقص مصري .. تخيلي يعني فلعرس يقولون اخت المعرس ماتعرف ترقص ؟؟
    ام خالد: بوو لاحقين على العرس .. اتصلي في خالتج اكدي علييها .. هذي الا رويد بايت كله تنسى
    لطيفه: ان شاءالله



    " يبه !!
    آسفه والله سامحني بس .. انا مب موافقه "
    لا لا .. مب جذي ..
    " يبه بليز .. ممكن اقول لك شي بدون ماتعصب علي ؟؟ انا مابي اعرس الحين !! "
    لااااء ..
    " يبه عااد .. اذا تحبني .. واذا تهمك مصلحتي .. (قطع عليها صوت الباب .. وهي اللي مجابلة المنظره تتدرب !! ) : من ؟؟؟؟؟؟؟؟؟
    بدر الدين: يالله !!!!!
    عبير: اووهوو انت بعد ( تصارخ) انزين انزين باااييي .. أففففففففف


    خالد وعليه ولا يدري عن شي ..
    توه راجع من المسيد .. صلاة العصر ..
    ويجوف امه واخته يتناقزون ومايدري شعندهم
    خالد عافس ويهه: شصاير ؟؟
    ام خالد تطالع لطيفه وتطالعه: ها ؟؟ لا مافينه شي
    خالد شك فلموضوع: يمه صاير شي؟
    ام خالد: لا !! هههه شصاير يعني ؟؟ لا بس اليوم معزومين ويا خالتك
    خالد: اااه .. انزين .. تبون شي انا باطلع
    ام خالد: ويين بتروح؟
    خالد: الميلس ..
    لطيفه وتبيه بسرعه يطلع: الله يحفظك سلم علشباب
    خالد يخزها: لاا ؟؟ ماتبين تيين وياي احسن ؟
    لطيفه فزت: عااااااااااادي ؟؟؟؟
    خالد عفس ويهه: انرزحي محلج اقول .. انتي بعد بتروحين؟؟
    لطيفه: ايييي .. (تطالع امها) انا بعد معزومه
    خالد: زين لتأخرون .. يالله انا بامشي .. تبون شي ؟
    ام خالد: سلامتك يمه ..
    خالد وهوه طالع: يالله باي


    ام يوسف حدها مستغربه .. شسالفه !! راحت بتسأل بناتها جان يعرفون شي .. دشت عليهم كانوا يجوفون التلفزيون ..
    ام يوسف: مروو ؟؟
    مروه التفتت عليها: نعم يمه ؟؟
    ام يوسف: تدرون ان عبير انخطبت؟
    مروه مب مستوعبه: اي عبير ؟؟
    ام يوسف: عبير بنت عمج !!
    اروى مب مصدقه: مستحييل !!
    مروه بثقه: لا يمه اشاعه .. لو صج جان قالت لي انا امس مكلمتها !!
    ام يوسف: انا شكيت في روحي .. خفت اني ماسمعت عدل .. بس متأكده قالت لي عبير !!
    مروه خافت: من اللي قاللج ؟
    ام يوسف: مرت ابووها
    مروه: خسرانه ؟؟؟؟؟؟
    ام يوسف: عييب جم مره اقول لج قولي ام مبارك !! او خالتي فايزه !!
    مروه: ويي يمه خلينه من خسرانه الحييين شلوون جذي ؟؟ محد قاللي !!
    اروى مستغربه: من صجكم انتوا ؟؟
    مروه خذت التلفون واتصلت لها ..
    كانت قاعده فلصالون .. قالت لهم بس يسوون لها بف خفيف لان شعرها ويفي حلو واهوه طبيعي .. بسرعه ردت عليها : الووو
    مروه: عبوور ؟؟ شسالفه ؟؟
    عبير: شنو ؟
    مروه: يقولون انخطبتي !! وليش ماتقولين ؟
    عبير: والله انا مادري !! البارحه فلليل يات وقالت لي ان اليوم بيون النسوان !! شدراني
    مروه: آآآآآآآآآ طايحه في جبدهم ؟
    عبير بضيق: اقول لج عاد !!
    مروه: يعني من صجج ؟؟
    عبير: شسوي مروو !! غصبن علي
    مروه: يعني شنو غصبن عليج ؟؟؟
    عبير: واللله مااااااااااااااااااااااااابي !! تعرفين يعني شنو مابي ؟
    مروه: انزين جان قلتيلها مابي !!
    عبير: عيزت !! والله عيزت ..
    مروه: ويي جان حاجيتي ابوج
    عبير: مرووو ابوي ماقدر احاجيه وهيا فلبيت !! وهيا تقولي ان ابوي راضي !! شسوي ؟
    مروه: وييي شهالسالفه ؟؟
    عبير: شدراني .. بس صبري ان ماطفشتهم
    مروه عجبتها السالفه: اللاي !! شناويه عليه ؟
    عبير: مادري بس بطلع ينوني .. بخلي امه تطلع من بيتنا غصب
    مروه: تعجبيييييييييني .. آيي اساعدج ؟
    عبير: جانزيييييين !!
    مروه: لحظه انا للحين مب مستوعبه
    عبير: ولا انا !!!!!!! مروو بمووووووت
    مروه: ويي اسم الله عليج .. يوووم خسرانه قبل يومج .. المهم بحاول ايي
    عبير: اي بليييز تعالوا .. لحقوا عليييي .. قنعوهم ان انا مابي اعرس الحين
    مروه: افا علييييج يايينج .. يالله يالله باااي
    عبير: بااي



    تركي وخالد فلميلس ..
    تركي: اليوم اليوم ان شاءالله بقول لهم
    خالد: وشلا اليوم ؟؟ انطر باجر !! توهم رادين
    تركي: لاا ماقدر
    خالد: ماتجوف شر
    تركي: انت لتتطنز !!
    خالد: انزين انزين !!
    تركي: عااد خلوود لازم اتيي ..
    خالد: بايي افا عليييك .. اصلا اذا ماييت مابيوافقون
    تركي مستانس: اادري
    خالد: بس عيل مب ياي
    تركي: نحييس !!
    خالد: بايي لتخاف .. (التفت على سعود السرحان) هيييييي !!
    سعود ولا جن يسمعه
    خالد يصارخ: زيييييييين !!
    سعود فز قلبه والتفت عليه: شقلت ؟
    خالد يتطنز عليه: اقول ابي اروح زين ادفع بيلي .. ذبحوني واهمه يطرشون لي مسجات
    سعود : ها ها ها سخيف
    خالد قام وعطاه العوود: يالله اطربنا بصوتك العذب
    سعود: يخي مالي خلق
    خالد: يالله لاتردني
    سعود يود العود: شتبي ؟
    خالد: أي شي !!
    سعود وهوه يطق بالعود ويغني باحساس: وييينك حبيبي مادريت شصار .. الناس حطت دوبها ودوبي
    والعين هلت دمعها مدراار .. امشي مضيع في الهوى درووبي
    خالد وتركي يصفقون وخالد يصارخ:الله عليييييييك !!
    سعود يكمل: تدري احبك وهم عليك اغار .. وتدري سكووتي اكبر عيوبي .. ولو خيروني من البشر ما اختـار .. انت حبيبي وانت مطلوبـي
    تركي يصفق بالقوه
    سعود يكمل باحساااس: بين الصبر والهم انا محتااار .. مقدر اداري طبعي واسلوبي .. الله يعدل ميلت الاقداار .. واحلى الليالي تلتفت صوووبي
    خالد راح يمه: ماتجوف شر .. ييب ييب العود اخاف يصيدك شي ..
    تركي يضحك عليه: ههههههههههههه خله فقير !!


    العصر .. !!!!!!!!!!!!
    ام خالد .. وخالته
    لطيفه ..
    ام يوسف
    كانوا قاعدين فلميلس ..
    ام مبارك راحت تنادي عبير .. كانت قافله الباب تبدل ..
    ام مبارك: عبووور !!
    عبير بطلت لها الباب ..
    ام مبارك تطالعها .. ابتسمت: يالله بسرعه تعالي ..
    كانت حدها ناعمه .. فاله شعرها ورافعته شوي .. حده صاير طبيعي .. ولابسه فستان قصير وردي فاتح .. حده ناعم .. حطت لها كحل سائل فوق عيونها .. وقلوس وبلاش وردي .. تينن ..
    دشت عليهم الميلس ..
    ام خالد فزت: ماشالله لا اله الا الله الصلاة علنبي !!!!!
    لطيفه باقه عينها: وااااااو
    عبير حدها متضايقه .. مب راضيه لا تبتسم ولا شي ..
    دشت جافتهم شلون يطالعونها .. وعيونها متروسه دموع مب قادره تحرك ريلها وتروح تسلم عليهم .. بسرعه طلعت من الميلس وراحت غرفتها تصيح
    ام مبارك تبي ترقع: وي آيه عليها مستحيه !! معليه بروح اجوفها
    ام خالد: لاااا خليها ميخالف .. جفناها ماشالله علييها قمر ..
    ام مبارك متوهقه وحدها محتره من عبير .. قعدت وابتسمت تبي ترقع: اييه ..حي الله من يانه !! هذي الساعه لمباركه ..


    عبير ماقدرت تستحمل بسرعه راحت غسلت ويهه وبدلت ثيابها ..
    سيده اتصلت في زين وهي حدها معصبه: زيون
    زين: وي يمه بسم الله شصاير؟
    عبير: جوفي انا حدي واصله حدي .. باخذ الخيزران الحين بروح الشطها اهيا وبنتها
    زين: وي بسم الله !! شصاار؟
    عبير: مابييييييييييييييي
    زين: ياربي !! ماقدرتي تطفشينهم ؟
    عبير: لاااااء !! خاطري انتفهم .. فيني حره .. شيبوون ذلين !!!
    زين: انزين اهدي شوي !!
    عبير: تدرين ؟ افكر اشرد من البيت
    زين: وه !! عبوور ينيتي
    عبير: ولا تدرين ؟؟ شرايج اسافر ؟؟ اروح حق زياد ؟؟؟
    زين: فكره !! بس من بيخليج تسافرين ؟؟ بلا افكار مالها معنى بليز !! للحين النسوان عندكم ؟
    عبير: اييييييه !!
    زين: انزيين اذا ماقدرنا نطفش الام نطفش الريال !! شفيج ؟؟ فكري شوي
    عبير: تهقين ؟؟
    زين: ايي عشوون عيل ؟؟
    عبير ابتسمت: خلاص .. نطبخها



    ام خالد ماقدرت تصبر .. من طلعت من بيت عبير اتصلت في خالد قالت له اييها البيت بسرعه .. ولطيفه حدها مستااااانسه ..
    فلبيت ...
    خالد ياي ولا يدري شسالفه ..
    ام خالد ولطيفه واقفين عند الباب ينطرونه ..
     
  9. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    الجزء الثامــــن [8]


    مروه وزين عند عبير ..
    قاعدين وكل وحده ميوده ورقه وقلم ويزعم صج في اجتماع ..
    عبير وعشرين ألف شي يدور في بالها: شراييكم ؟؟؟
    مروه: انا من رايي .. plan A يكون يوسف .. نخليه يكلم ابووج ..
    عبير: امبيه لا !! ابوي بيعصب .. تعرفينه يحب اني اقول له كل شي .. يعني ماقول حق احد يتحجى بدالي فاهمه ؟؟
    زين: عيل كلميه انتي ؟؟؟؟؟
    عبير: شاقول له زيوون ؟؟ هذي السوسه 24 ساعه وياه !! وكل مابدش البيت تلحقني ..
    زين: اوهووو .. خندش كلنا مع بعض ونروح نتفاهم وياه
    عبير ابتسمت: تهقون ؟
    زين: اي يعني اهيا وحده مابتقدر علينه ثلاثتنه !!
    مروه: اييي يالله !!
    عبير قامت: يالله قوموا وياي ..
    راحوا البيت .. ثلاثتهم ميودين بعض .. وعبير فلوسط .. وحدهم عايشين الدور
    دشوا البيت .. الصاله مافيها احد ..
    مروه تصارخ: خسراااااانه !!
    عبير دزتها بكوعها: هييي !! بليز مروو سكتي .. !! بسكات بنروح حق ابوي ويا رب اهيا مب عنده ..
    زين: يالله ..
    راحوا صوب الدري .. الا فايزه نازله .. : خير خير ؟؟ شعندكم ؟؟
    يمشون ولا جنهم يسمعوونها ..
    فايزه عصبت: احاجيكم !!!!!!!!! شتبون ؟؟
    مروه: وخري عن طريجنا لو سمحتي !!
    فايزه واقفه مجابلتهم: مابتحرك الا اذا قلتلولي شعندكم ؟؟؟؟؟
    مروه: عندنا كلمة راس ويا عمي
    فايزه تحاول تسد الطريج عليهم : ماتروحووون !! اول شي قولولي شعندكم ؟؟؟
    مشوا عنها ولا عطوها ويه
    قعدت على الدري وتمت تصارخ: آآآآآآآآآآآآآآآآآآآآي !! رياااااض الحق علييييييي (وتسوي روحها تصيح) آآي ياريلي آآآآآآآآآي
    التفتوا عليها البنات !! امبيه !! شفيها ذي !!
    مروه: الله واكبر عليج !!
    فايزه وهي تصارخ: آآآآآآآآآآآآآآآآآآآآآ .. رياااااااااااض الحق علييييييييييييييي
    رياض بسرعه طلع من غرفته وراح صوب الدري .. جاف البنات واقفين مجابلينها وهي طايحه علأرض تصيح
    بسرعه راح يمها : شفييج ؟؟؟؟
    فايزه: طقوووني ودزووني علدري !!
    رياض التفت عليهم : انتوا شتسوون اهني ؟
    عبير مستغربه: يبه !!
    مروه: ماعلييييك منها عمي !!!!!!!!!
    زين تطالعها: عيب عليج !!
    فايزه تصارخ : آآآآآآآآآآآآآآ واي واي ماستحمل بسرعه شيلني من اهني تكسرررتت
    رياض يودها يبي يرفعها .. والتفت عليهم: كبرتوا على هالسوالف ..
    مشى عنهم بسرعه وهي تصارخ عشان مايسمعهم شيقولون ..
    عبير تطالعهم: جفتوها ؟؟؟؟؟؟؟؟؟
    مروه: ول ول علييييها .. لكن صبري عليي .. مابطوفها .. هالمره بيي بطقها وبدزها صج ..
    زين: تعالوا خل ننزل لاايي انتفنا بعد
    مروه: قايلة لج محد عارف له غيرها .. فاره مخه
    عبير متضايقه: عادي ابوي يصدقها بعد ..
    زين: امشوا خنجوف شسالفه الحين ..
    دشوا غرفتها .. وقعدوا عالكراسي وكل وحده يودت ورقتها ..
    مروه: plan B .. انا من رايي .. نطقها .. انتفها .. مممم .. نغربلها يعني
    زين: شلون عاد ؟؟ هذي بدون مانسويلها شي تتبلا علينا ؟
    عبير: غربلناها ولا ماغربلناها شبنستفيد ؟؟
    مروه: لا لا السالفه يبيلها تفكير .. نطروا شوي .. لتستعيلون
    زين: ننطر ..



    خالد ..
    عند البيت .. : بكلمج بعدين قلت لج !!
    هيا: متى بعدين يعني متى ؟؟ كل ماكلمك قلت لي بكلمج بعدين !!
    خالد طلع من سيارته: لتحنين !! يه !!
    هيا: خالد عاد !!
    خالد ابتسم: هيا .. قلبي .. عطيني ربع ساعه بس اجوف امي شتبي .. واتصل لج .. اوكي؟
    هيا: احلف ؟
    خالد: انا لله !! هذي اللي بتخليني اتهور !!
    هيا تضحك: ههههههه تتهور ؟ شناوي عليه؟
    خالد: بس عاد لتطولين السالفه .. بكلمج بعدين (صك باب السياره) اوكي ؟
    هيا: اوكي انطرك
    خالد: يالله باي
    هيا: باي ..
    دش البيت بسرعه يبي يجوف امه شفيها ..
    كانت قاعده فلصاله ويا بنتها .. من دش فزوا ثنتينهم .. وكل وحده شاقة الحلج ..
    خالد جافهم جذي ابتسم: اوه اوه !! شصاير فلدنيا ؟؟ (راح قعد يمهم)
    ام خالد مستااااانسه: وي فديتك !!
    خالد ابتسم ..
    ام خالد قامت: تعال وياي خالد ابيك في سالفه ..
    لطيفه قامت: يمه !!!
    خالد قام وراه امه والتفت على لطيفه: اسمج خالد ؟؟
    لطيفه: ييييه مايصير !!
    ام خالد دشت غرفتها ودش وراها خالد .. التفتت عليه: يمه صك الباب وراك ..
    خالد صك الباب: شصاير يمه ؟؟
    ام خالد ابتسمت .. قعدت عالسوفا: تعال ايلس يمي ..
    خالد قعد يمها وستين الف شي يدور في راسه .. شفيها امي ..
    ام خالد: والله مادري من وين ابتدي .. بس ..
    خالد مستغرب: يمه فيج شي ؟؟ صاير شي ؟؟
    ام خالد: لااا بس .. (يودت يده) يا يمه ماتدري شكثر انا مستانسه اليوم ..
    خالد ابتسم: عسى دوم هالوناسه يمه .. بس قوليلي شصاير ..
    ام خالد بتردد: انا .. انا اليوم .. خطبت لك
    خالد يضحك: ههههههههه يمه حزة غشمره هالحزه ؟؟ (قام) الحين يايبتني لي هني وصاكه الباب ومادري شعندج !! واخرتها تتطنزين علي ؟؟
    ام خالد مستغربه .. وييه شفيه خالد !!
    خالد: الله يهداج يمه ..
    راح بيطلع .. التفت عليها : انا بروح ابدل وباطلع .. تبين شي !!
    ام خالد مستغربه: خالد !! انا اتحجى من صجي
    خالد وقف مكانه .. مجابل الباب وماعطي امه ظهره .. مب قادر يلتفت ..
    ام خالد: خالد !! تعال يمه !!
    خالد التفت ببرود عليها: شقلتي ؟؟
    قلبه يدق .. يبي يتأكد من اللي قالته .. ويتمنى ان يكون غلطان !!
    ام خالد وحست فيه انصدم .. سكتت ..
    خالد بنفس نبرة الصوت .. : يمه شقلتي ؟؟؟
    ام خالد: اقول لك .. خطبت لك ..
    خالد وجن احد صب عليه ماي بارد .. حده متدوده ومب قادر يصدق ويستوعب اللي سمعه: يعني .. يعني .. يعني شنو خطبت لك ؟
    ام خالد: خالد يمه شفيك تع
    خالد يقاطعها : لحظه !! يمه شقاعده تقولين ؟؟ انتي من صجج ولا تتطنزين ؟؟
    ام خالد حست ان السالفه فيها شي ..بنبرة خوف: لا يمه مااتطنز ولا شي !!
    خالد ودقات قلبه تزيد .. بلع ريجه: ممكن تفهميني شسالفه ؟
    ام خالد: ام وخطبت حق ولدها !! شصار فلدنيا !!
    خالد خلاص مايستحمل: يييييمه !!!!!!!!!!!!!! لحظه انا للحين مب مصدق .. حلفي انج من صجج؟
    ام خالد: وي خالد شفيك !! ياهل انا عشان اتطنز ؟؟ والله من صجي !!
    خالد من الصدمه مب عارف شيقول: ليش !! ليش يمه !! من قالج ابيج تخطبين لي ؟؟؟ (قلبه قام يدق بسرعه) يمه ليش ؟؟؟؟؟ انا اشتكيت لج ؟؟ قلت لج ابي اعرس ؟؟ قلت لج ابيج تخطبين لي ؟؟؟؟؟ تروحين تتصرفين على كيفج لييييييش ؟؟؟؟؟؟ انتي هالكثر مستهزئة بالموضوع ؟؟ معتبره السالفه لعبه يعني ؟؟؟؟؟؟؟؟؟
    ام خالد حدها مب فاهمه شسالفه !!
    خالد معصب: يمه انتي فاهمه شسويتي فيني ؟؟؟؟؟؟ حراام عليج !! منهي هذي اللي خطبتيها ؟؟ ومن اللي طلب منج تخطبينها اصلا ؟؟ بس ؟؟ يات في راسج السالفه وسويتيها على كيفج ؟؟ بدون ماتاخذين رايي ؟؟ جايفه السالفه سهله ؟؟
    ام خالد توها بتتحجى وخالد بسرعه بيطلع من غرفتها
    ام خالد لحقته: لحظه خالد !!
    يود الباب .. قبل ليطلع التفت عليها: مابي اسمع هالسالفه مره ثانيه .. انسيييها (وطلع من عندهم )
    ام خالد: وي يمه ولدي !!
    خالد بسرعه ركض وركب سيارته وشخطها ..
    شفيها امي !! ينت !! على كيفها تتصرف !!!!
    اتصل في رفيجه ..
    تركي: هلا الخلد
    خالد وحده معصب: ترووك وينك ؟
    تركي: توني داش البيت .. فيك شي ؟
    خالد: باييك لتطلع
    تركي: بس انا
    خالد يقاطعه: باييك قلت لك
    تركي: انزين انزين انطرك !!
    خالد بسرعه راح حق تركي .. طق له هرااانه ورا بعض .. سوا ازعااج فلفريج .. بسرعه طلع له تركي: هييي !! شفييك انت ؟؟ (ركب السياره) شفيييك !!
    خالد حده معصب .. التفت عليه: يخي مادري الناس شلون يفكرون !!
    تركي: شصاير !! مساعه اشزينك !! ؟
    تركي سيده يات في باله رغد .. خاف انها متصله فيه او قايلة له شي .. حاط يده على قلبه ينطره شيقول
    خالد بعصبيه: امي !!!
    تركي برد قلبه ان مب رغد .. : شفيييها ؟؟؟؟
    خالد: تخيل تخيل .. امك تتصل لك تقولك تعال البيت ابيك في سالفه .. تروح لها .. تجوف ابتسامتها شاقة الحلج .. تسألها شصاير ؟؟ (تغيرت نبرة صوته) تقول لك خطبت لك !!
    تركي ابتسم: الحييييين انت معصب وقالب الدنيا على راسك على هالسالفه ؟؟؟؟؟؟؟ تدري لو انا مكانك شبسوي ؟؟ بروح احبها على راسها وبقول لها مشكوره وماقصرتي
    خالد بق عينه: تتطنز انت !!!!!!!!!
    تركي: لا بس .. شفيها انزين عادي كل الامهات يخطبون حق عيالهم !!
    خالد: ياللوح افهم !! ماخذت رايي !! راحت على كيفها واخطبتها !! يعني حطتني مابين الأمر والواقع .. !!
    تركي خذ نفس: فاهمك .. وسألتها ليش ؟؟
    خالد: شتبيني اقول لها !!!!!! انا يودت روحي زين ماسويت فيها شي
    تركي: ينيت انت !!
    خالد: من قال لك ابي اعرس انا !!!!!!! وخصوصا الحين ؟
    تركي: اسمعني .. امك اكيد تبي مصلحتك !! اكيد تعرف البنت وسامعه عنها وقالت تخطبها لك !! يعني اللي سوته مب جريمه !!
    خالد: لا ؟؟؟؟؟؟
    تركي: اوهووو المفروض تيلس ويا امك تعرف شسالفه .. وليش خطبتها بدون ماتقول لك .. شالسبب اللي خلاها تسوي كل ذي .. وبعدين جذي تخرب عليها وناستها ؟؟؟؟؟؟
    خالد: تركوو افهمني !!
    تركي: يخي والله فاهمك .. انت الحين قولي شمضايقك بالضبط ؟؟
    خالد: كل شي !!
    تركي: لا لا من صجي .. ان امك ماقالت لك ؟ يعني لو كانت قايلة لك من قبل بترضى ؟؟ او البنت نفسها ؟؟ او الفكره بكبرها ؟؟
    خالد رفع حواجبه: كل شي !!!!!!!
    تركي: اوهووو .. انت هد اعصابك الحيين .. ولاتسوي شي تندم عليه بعدين ..
    خالد قط راسه علكرسي : لا اله الا الله
    تركي: بسألك .. يعني امك راحت لهم ؟؟
    خالد معصب : اييييه !!
    تركي ابتسم: شييي والله
    خالد: ترووك ترى حدي مب ناقصك !!
    تركي: انزين الحين انت روح ارتاح .. هد اعصابك .. وبعدين بنتصرف لتحاتي
    خالد: عاد بعدين ولا الحين .. الزبده اني مابيها .. ولا ابي اخطب اي احد .. اصلا مابي اعرس الحين كلش !!
    تركي: فاهمك .. روح الحين وبعدين بنتفاهم .. اذا حسيت روحك هادي .. كلم امك بهدوء وافهم منها شسالفه .. وانت فهمها شتبي .. بس بعد بقول لك .. ترى كلش مب عدله ان عقب ماخطبتها تقول ماتبيها .. لا في حقك ولا في حق البنت
    خالد: وانا شعرفني من هالبنت ؟؟؟؟؟ اذا مايات مني بخليها اتيي منها غصب .. قلت لك ماابي !!
    تركي: اوكي فهمتك ياريال .. لتسوي شي الحين .. روح ارقد وباجر يصير خير
    خالد رن تلفونه .. كانت هيا ..: افففففففف هذي حزتها بعد !!! (عطاه التلفون) كلمها قول لها خالد ماات !!
    تركي دز التلفون: مينون انت مب صاحي
    خالد: محد ين غير امي .. لا صج خرفت
    تركي: عيب عليك عاد !!
    خالد صك تلفونه: ازعاااااج ازعااااااج هالبنات
    تركي بيطلع: يالله روح .. باجر بكلمك
    خالد: اوكي ..
    تركي طلع : يالله بااي
    خالد بيمشي: بااي
    رجع البيت وحده متضايق وستين الف شي يدور في باله .. شلون افتك من هالسالفه الحين ؟
    من دش لحقته لطيفه ..
    لطيفه: خالد !!
    خالد التفت عليها: كلش مافيني شدتج ..
    لطيفه: لحظه بقول لك !!
    خالد: شتبين ؟
    لطيفه: لا ماعرف اتحجى جذي .. تعال نيلس
    خالد: لطوف .. مب الحين
    لطيفه: خالد عاد !!
    خالد يودها من زندها بالقوه: تعالي يالحنانه
    راحوا غرفته ..
    قعدت على سريره واهو وقف مجابلها: تحجي !!
    لطيفه : تعال ايلس يمي !!
    قعد يمها: وايد تحنين .. شتبين ؟
    لطيفه: انت فيه شي مضايقك ؟؟
    خالد يخزها: حطي روحج مكاني .. وبتعرفين
    لطيفه: بلعكس خالد .. حط روحك انت مكانه .. وبتعرف
    خالد: ليش ماخذتوا رايي انزين ؟؟
    لطيفه: كنا متوقعين انك بترضى !!
    خالد: ارضى على شنو !! وحده ماعرفها ولا تعرفني .. بس تعال واخطب
    لطيفه انصدمت .. : انت .. انت ماتعرف عبير ؟؟
    خالد بق عينه: اي عبير انتي بعد ؟؟ شعرفني فيها ؟؟
    لطيفه توهقت .. امبيه مايعرفها !! .. انصفق ويهه .. بس ماتبي تقول له شسالفه تخاف يصيده شي ويعصب: انزين خالد .. اممم .. انت شناوي تسوي الحين ؟
    خالد: خاطبين لي وحده ماعرفها !! وبدون ماتاخذون رايي ؟؟ اكيد مابيها
    لطيفه: وي خالد !! شنقول حق الناس الحيين ؟؟
    خالد: مشكلتكم
    لطيفه طاح قلبها: امبيه فشيله !!
    خالد: لطوف ..ليش مافكرتوا بالفشيله قبل لتروحون ؟؟؟
    لطيفه بخوف: خالد عشان امي .. لتقول لها مابيها . .والله اخاف يصيدها شي .. يعني تخيل رايحين حق لوادم نخطب .. شبنقول لهم ؟؟؟؟؟ والله فشيله !!
    خالد: شتبيني اسوي ؟
    لطيفه قامت: كيفك بس فكر في امي قبل أي شي بتسويه .. (بطلت الباب بتطلع .. التفتت عليه) فكر ..
    طلعت ..


    خالد قط روحه عالسرير: افففففف !!
    حاول يرقد .. ماقدر .. يبي يعرف شلون يتصرف في هالموقف ؟؟ وشلون يحل المشكله ؟؟ اذا اهوه مايبيها .. وامه راحت بدون مايدري .. يعني أحسن حل ان الرفض يكون من البنت نفسها .. لان مايصير يروحون يقولون لهم والله ولدنا مب راضي !! يعني لازم يسوي شي .. يخلي البنت تهوّن عنه .. مافي حل ثاني ..


    يوم ثاني الصبح ..
    عبير قامت على صوت التلفون ..
    عبير وهي نص راقده: هممم
    مبارك: عبير ؟
    عبير: همممم
    مبارك: عبير ؟؟؟
    عبير فزت: مبارك ؟؟؟
    مبارك: راقده ؟؟
    عبير: اييه .. خرعتني
    مبارك: آسف
    عبير ابتسمت: وي شدعوه .. شلونك ؟
    مبارك: بخير .. انتي شلونج ؟
    عبير: الحمدلله بخير
    مبارك: كل شي تمام ؟؟
    عبير تذكرت سالفة الخطبه .. بس شلون تقول له ؟؟ : ها ؟ اممممم
    مبارك: فيج شي ؟
    عبير متوهقه .. شلون تقول له !!
    مبارك: الووو ! تحجي !!
    عبير: ها ؟؟ لا مافيني شي بس ..
    مبارك بدى يعصب: بس شنو ؟
    عبير: امك .. قصدي ابوي
    مبارك: شفييهم ؟
    عبير: لا بس صارت سالفه و .. تهاوشنا
    مبارك: شنهي ذي السالفه ؟
    عبير حدها متوهقه: وي مبارك ولا شي .. المهم انت شلونك ؟
    مبارك يجوف تلفونه: افف مب حزتك .. سمعيني تلفوني مافي جارج بيبند الحين باكلم(انصك)
    عبير خذت نفس: وه ..


    خالد ماقدر يرقد .. كان منسدح فلصاله يجوف التلفزيون وينطر امه ..
    ام خالد سمعت صوت التلفزيون تخرعت .. " وي يمه بسم الله من قاعد هالحزه ؟؟ "
    راحت الصاله وجافت خالد .. مستغربه: خالد ؟؟ شفييييك ؟؟
    خالد ببرود التفت عليها: انطرج
    ام خالد راحت يمه: تنطرني ؟؟ جان قعدتني !! شصاير يمه تحجى ؟؟
    خالد عدل قعدته: تعالي يمه قعدي
    راحت قعدت يمه وهي مب فاهمه شسالفه: خير يمه خرعتني ؟؟
    خالد: يمه .. ماقدرت ارقد من كثر ماقاعد افكر ..
    ام خالد تسمعه باهتمام ..
    خالد منزل راسه: قولي حق امها اني ابي اجوفها ..
    ام خالد: تجوف من ؟؟
    خالد: اجوف البنت !!
    ام خالد مستغربه: قصدك تبي تيلس وياها يعني ؟؟
    خالد: اييه .. فيها شي ؟؟
    ام خالد: لا لا ان شاءالله بكلمها وبجوفها
    خالد: اليوم ..
    ام خالد: وي ماقدر اكلمها اليوم فشيلها خلها عقب جم
    خالد يقاطعها: انا قلت اليوم .. (التفت عليها) قوليلها انا ابي اجوفها باجر .. لاني بسافر ..
    ام خالد: باااجر ؟؟؟
    خالد قام: يمه انا تعبان ابي اروح ارقد .. بس قلت بقول لج عشان ارتاح
    ام خالد: ان شاءالله يمه مايصير خاطرك الا طيب بس ماتبي تاكل لك شي ؟؟
    خالد: لااا ..
    ام خالد: مابتروح الشغل ؟؟؟
    خالد وهو طالع: لاا يمه لااا .. لحد يقعدني
    ام خالد: ان شاءالله


    رن تلفون البيت ..
    ركضت مروه بسرعه تبي ترد .. وامها وراها ..
    مروه تصارخ: انا بررررررد
    ام يوسف: خلييييه اكيد لييي
    مروه بسرعه ردت: الووو !!
    تركي: السلام عليكم ..
    مروه بقت عينها .. اللاي صوته حلو .. التفتت على امها: يمه !! لي ..
    ام يوسف راحت عنها : مالت
    مروه قعدت عالكرسي: الوو ؟؟
    تركي مصمم: السلام عليكم
    مروه: وعليكم السلام .. من ؟
    تركي: مروه ؟؟
    مروه طاح قلبها: نعم !!!
    تركي: في احد يمج ؟؟
    مروه تتلفت: لااء !!
    تركي: انزين .. انا تركي ..
    مروه عفست ويهه: تركوووو ماغيره ؟؟؟
    تركي: هيي لتصارخين !!
    مروه: وييي راح بالي بعيد .. المهم .. خير ؟؟
    تركي: اروى صاكه تلفونها !
    مروه: تلفونها عندي .. واهيا عندها تلفوني .. شتبي فيها ؟؟
    تركي: ابي اكلمها في موضوع
    مروه: واحنا شقلنا ؟؟
    تركي: ابي اكلمها ضروري ..
    مروه: لاء
    تركي: قلت لج ضروري ؟؟
    مروه: كلمني انا مب مشكله ..
    تركي: انزييين نادييها !!
    مروه: لاااا مايصير امي تحت
    تركي: اووهوو يعني انتي تكلميني عادي .. اهيا لاء
    مروه: ايي !! محتر؟؟
    تركي: يالله عاد ناديها
    مروه: قلنا لاء !! لاتحن
    تركي: سمعيني انزين .. انا كلمت ابوي .. وامي ..
    مروه بقت عينها: احلف ؟؟؟؟؟
    تركي: والله !! ياهل انا اجذب ؟؟
    مروه: انزين وشصار ؟؟
    تركي: ابي اكلم اروى نتفاهم !! عشان اعرف اقول لهم متى ايون !!
    مروه: ويي الحين انت قالب الدنيا عشان تعرف متى تيون ؟
    تركي عصب: جوفي .. بتعطيني اياها الحين ولا شلون ؟
    مروه: ويي انزين انزين !! بس اسمعني .. امي تحت .. مايصير اناديها الحييين
    تركي: خليها تتصل لي .. عطيها التلفون
    مروه: انزين بس على شرط
    تركي: شنو بعد ؟؟
    مروه: ماتطول وياها وتاخذ راحتك
    تركي: انزين انزين بس عطيها التلفون يالله ..
    مروه: اووكي يالله باي
    مروه بسرعه ركبت حق اروى .. اللي كانت راقده ..
    دشت عليها بقوه وصفقت الباب: قووووووومي !!
    اروى نقزت من فراشها من الخرعه وقلبها قام يدق بسرعه: يمه !! شفييييج !!
    مروه وهي باقه عينها تبي تخرعها زود: لحقي !!!!!
    اروى وخافت زود: شصاااااير ؟؟
    مروه صكت الباب .. بطلت الستاره .. وراحت قعدت يمها: تركي !!!!
    اروى وقلبها يدق بسرعه: شفيييييييه !!
    مروه ابتسمت وتمت ساكته تطالعها .. وتحول في عيونها .. وأروى حدها ميته من الخوف .. دزتها: هيييييي تحجي !!
    مروه دزتها : لاتدزيييين !!
    اروى: مرووو شصاير ذبحتيني ؟؟
    مروه: تركوو تحت !!
    اروى فزت من سريرها وقامت : شنو !!!!!!!!!!!!!
    مروه توهقت: لا قصدي كان متصل تحت ..
    اروى مب فاهمه شسالفه: مرووو يننتيني !!!!!!
    مروه: انزين انزيييين تركي اتصل يبي يكلمج !! بس !!
    اروى طاح قلبها: واي .. فديته .. وحشني .. امبيه .. شقال لج ؟؟ شقلتيله ؟؟
    مروه تخزها: باييب لج التلفون الحين .. خمس دقايق وانتي صاكته .. فاهمه ؟
    اروى مستانسه: أيييي اللاي !! يالله بسرعه !! بسرعه يالله !!
    مروه ببرود: لحظه .. (راحت تجوف روحها فلمنظره .. رفعت شعرها) شرايج اقص شعري حق باجر ؟؟؟
    اروى على اعصابها: بسسسسرعه !!!
    مروه ببرود تتمشى: انزيين !!
    اروى سحبتها من شعرها: مروو !!
    مروه بسرعه راحت يابت تلفونها وعطتها اياه .. اروى بسسرعه بطلته واتصلت له .. وقلبها يدق يدق يدق .. من أول رنه رد عليها تركي بلهفه: حبيبتي !!
    اروى من الشوق مب عارفه شتقول .. حدها مرتبكه .. ومروه واقفه مجابلتها ومتخصره : خلصينه !!
    تركي: الووو ؟؟
    اروى وحدها مشتاقة: الووو
    تركي مستانس: وحشتييني !! شلونج ؟؟ طمنيني عليج ؟؟ انتي بخير ؟؟
    اروى مستانسه: بخير !! انت شلونك ؟؟
    مروه تقلدها: بخيير انت شلونك !! (تغير صوتها) بسرعه !!



    عبير كانت تجهز اغراضها حق حفلة يوسف .. باجر ..
    دشت عليها ام مبارك ..
    التفتت عليها بخوف: شصاير ؟
    ام مبارك: كلمتني ام خالد
    عبير وقلبها يدق: شصاير ؟؟
    ام مبارك: خالد يبي يجوفج ..
    عبير بقت عينها: لاااااء !! مابي !!!!!!
    ام مبارك: مب على كيفج !! باجر بيي
    عبير: لاء !! باجر ملجة يوسف !! ماقدر !!
    ام مبارك: معليه نخليه ايينه من وقت
    عبير: لا ماقدر وراي صالون وعفسه !! وبعدين شيبي ؟؟ انا مابي اجوفه !!
    ام مبارك جربت يمها: لتعاندين .. قلت لج باجر !!
    عبير بدت تعصب: لااااااااا !! مابي !!
    ام مبارك عصبت: ان ماخليته ايي اليوم ماكون فايزه
    عبير طاح قلبها: اليوم ؟؟؟؟؟ حرام عليج عاد !!
    ام مبارك طلعت وراحت بتكلم ام خالد ..
    ام مبارك: الووو السلام عليكم ..
    ام خالد: وعليكم السلام هلا هلا
    ام مبارك: شلوونكم ؟؟
    ام خالد: الحمدلله بخييير الله يسلمج
    ام مبارك: والله مادري شقوللج نسيت ان باجر عندنا حفلة ولد عمها
    ام خالد: وي !! ميخالف وقت اللي يريحكم مب مشكله
    ام مبارك: لا لا بس انتي قلتيلي ولدج بيسافر !! اذا مستعيل حياه اليوم
    ام خالد مستغربه: اليوم ؟؟
    ام مبارك تبي توهقهه: كيفه اذا يبي يأجلها لين مايرجع .. اللي يريحكم حبيبتي بس
    ام خالد: مادري خليني اكلمه وجوف شيقول ..
    ام مبارك: خلاص على خير .. انطرج
    ام خالد: ان شاءالله .. مع السلامه ..
    بسرعه صكت التلفون وراحت حق خالد .. أللي كان راااقد وحده تعبااان .. طقت عليه الباب .. : خالد !! خالد يمه !!
    خالد : يمه مابي غدا !!
    ام خالد: خالد !! قوووم بسرعه ابيك
    خالد يصارخ: خلووني آآآآآرقد !!
    ام خالد تطق الباب: خاااالد !!
    خالد عصب .. قام بسرعه وبطل الباب .. حده دايخ: يمه !!
    ام خالد: تقدر تروح لها اليوم ؟؟؟
    خالد وطار لرقاد من عيونه: اليوم ؟؟؟؟؟؟؟ ليش ؟؟ شدعوه ؟؟ شصاير ؟؟
    ام خالد: لان انت بتسافر واهيا عندها حفله باجر !!
    خالد يفكر: مايصير عقب باجر يعني ؟؟
    ام خالد: اووه شدراني اهيا قالت لي اذا يقدر اليوم !!
    خالد مستغرب: وايد مستعيله ذي !!
    ام خالد: مب انت قلت بتسافر ؟؟
    خالد يعرك عيونه: اليوم اليوم .. شورانه ؟؟ احسن بعد عشان افتك من هالسالفه من وقت
    ام خالد: ها ؟
    خالد: لا ولا شي يمه خليني ارقد .. الساعه جم الحين؟
    ام خالد تجوف ساعتها: ثنتين ونص
    خالد: متى اروح ؟؟
    ام خالد: مادري !! استحي بالدقيقه اتصل لها !! انت كلمهم
    خالد: انا ؟؟ لا يمه !! شقول لهم؟؟ انتي تفاهمي وياهم وقوليلي .. يالله يمه خليني ارقد .. ولا تدرين .. خلاص طارت النوده ..
    ام خالد: علهواك .. بكلمها وبقول لك .. بس بتروح ها ؟؟ مو تغير رايك !!
    خالد: لا لا بروح .. لتخافين
    ام خالد وهي طالعه: بروح انجب الغدا
    خالد يطالع روحه بالمنظره .. وكشته وحالته لله .. وهوه مب مستوعب السالفه .. اتصل في رفيجه ..
    تركي كان يتغدى: الوو
    خالد: وينك ؟
    تركي: فلبيت .. شصاير ؟
    خالد: تقدر تمر علي؟
    تركي: الحين ؟
    خالد: شعندك ؟
    تركي: اتغدى !!
    خالد: خلص غداك وتعال .. بسرعه
    تركي: شصاير عاد؟
    خالد: تعال وبقول لك .. يالله لتأخر ..
    تركي: يااي .. انا بعد ابيك في سالفه
    خالد: يالله انطرك


    عبير وهي للحين في غرفتها .. دشت عليها ام مبارك ..
    عبير طاح قلبها : لتقولين !!!!!
    ام مبارك بابتسامه خبيثه: اليوم
    عبير قطت روحها عالكرسي: مستحيييييييييييييل .. لاااء .. مابي !!! شنو ذي !!!!!! شفيكم انتوا ؟؟ شصاير ؟؟ لااء مابي مابي .. قلت لج لااااااااء !!
    ام مبارك جربت يمها: عاد بتصارخين من اليوم لي باجر .. قلت لج اليوم يعني اليوم ..
    عبير: لاااا !! (قلبها يدق وبطنها عورها) امبييييييه !!
    ام مبارك قبل لاتطلع التفتت عليها: تجهزي عقب المغرب بيينه ..
    عبير معصبه: يااااااااربي !!
    بسرعه اتصلت في زين ..
    عبير: زيوووووون لحقي عليييي بموت بموت خلاص ماستحمل خلاص
    زين: بسم الله طيحتي قلبي انتي كل ماتتصلين تخرعيني جذي ؟؟ بلعدال علي !! شوي شوي !! شصاير ؟؟
    عبير وهي خايفه: امبيه !! ماصدق !! اليوم بيي !!
    زين: من !!
    عبير: هذاك !!
    زين: من عاد ؟ ذياب ؟
    عبير: لاااااااا خالد !!
    زين مستغربه: نعم ؟؟؟ شييبه ؟؟؟
    عبير: شدرااااني زيون ماقدر ماقدر بموت
    زين: آآآ شفيهم ذلين مافيهم صبر ؟؟؟ شدعوه عاد ؟؟ متخرعييين؟
    عبير: ابي اشرد !! تعالي اخذيني
    زين: وين تشردين !! ينيتي ؟؟؟
    عبير: محد بينني غيرها !!!
    زين: يالغبيه نطري .. لازم تستغلين الفرصه عدل
    عبير: اي فرصه انتي بعد انا خلاص باشقح من بيتنه باشرد ..
    زين: هيي لتخرفين .. سمعيني .. مب اهوه ياي يجوفج ؟
    عبير: انزين ؟؟
    زين: يالغبيه .. ركزي معاي .. دام اهوه بيي .. المفروض تعرفين شلون تصرفينه !!
    عبير تفكر: شلون يعني ؟
    زين: يعني .. مادري عاد اهوه شسالفته .. بس حاولي بطريقتج تخلينه يهون !! وخلاص نفتك !!
    عبير: انكر في عمري يعني ؟؟
    زين: بتخليييج ؟؟
    عبير: لااء !!
    زين: اقول .. فكري قبل لتحجين .. بليز
    عبير: اووه زيون والله مادري خلااص انا باين !!
    زين: جوفي لو شسويتي الحين مردج بتجوفينه غصبن عليج بتجوفينه دام هالساحره وياج .. فـ انتي جوفيه مب خسرانه شي .. اذا قدرتي تقعدون بروحكم .. قوليله بأي طريقه انج مب موافقه .. شرحيلة الموقف .. او مثلا تشرطي عليه شروط مستحيله .. خليه يهون وخلاص
    عبير تفكر: يبيله !!
    زين: اخر مره تتصلين لي وتصارخين (تقلدها) لحقي علي بموت !! .. بذبحج !!
    عبير ببراءة: احاول
    زين ابتسمت: غبيه .. شكله ذي مافيه صبر .. مسكيييين !! كاسر خاطري !!
    عبير: ويييي الله يستر !! حدي مب مستعده نفسيا !!
    زين: يالله معليه .. هونيها وتهون ..
    عبير: افففف ... زيوووون
    زين: بس عاد !! يالله
    عبير متوهقه: امبيه يعني اجوفه ؟؟
    زين: اييي يبه جووفيه ولا عليج .. وخليه يتحسف على اليوم اللي قال يبيج .. عشان يعرف منهي عبير بس
    عبير مستانسه: حلفي ؟
    زين: ملاحظه انج كلشي تصدقينه ؟
    عبير: لا ؟؟
    زين: انزين .. عاد هالله هالله فلتسبل .. يعني طلعيله لسانج .. بلقي عينج .. سوي حركات في ويهج هلون عشان يحس انج مينونه
    عبير: اما !!!!!!
    زين: الله يسهل ان شاءالله لتحاتين
    عبير: زيوووون انا خاااااااايفه
    زين: لتخافييين حبيبتي انا وياج
    عبير تضحك: ياااربي !!! هييييي !!
    زين: شسوي فيج !!!!!!
    عبير: امبيه زيون شالبس ؟؟
    زين: اي شي !!
    عبير: يعني ؟؟ مثل ؟؟
    زين: امممممم مادري
    عبير: شرايج تيييين ؟؟
    زين: لا لا ماقدر امي تبيني اروح وياها مكان ..
    عبير: وييي .. انزين بجوف وبقول لج ..
    زين: اووكي اول ماتخلصين كلميني هاا !!
    عبير: ادعييلي زيووون خايفه
    زين: ذكري ربج ..
    بدور دشت عليها .. : عبير ؟؟
    عبير: بكلمج زيون عقب يالله باي (التفتت عليها) تعالي حبيبتي !!
    بدور مستانسه .. راحت قعدت يمها: سمعت ابوي وامي يتحجون يقولون بيونه ناس .. تسوينلي شعري ؟؟
    عبير ابتسمت: اكيييد .. بس وين ابوي ؟
    بدور: فلبيت !!
    عبير قامت ويودتها: امشي خنجوف ابوي
    بدور: لاااا !! امي ماترضى !!
    عبير: ليش ؟
    بدور: اهمه قاعدين يتحجون وقالولي روحي حق عبير ..
    عبير: اووه .. اوكي قعدي ..


    في بيت خالد ..
    تركي منصدم: من صجك انت ؟؟؟
    خالد: خل اروح شوراي !!
    تركي: بتروح شبتسوي ؟؟ شبتقوول ؟؟ يعني اكيد بتجوف ابوها وعمامها وخوالها ومادري من !!
    خالد: لا يبه شدخل .. انا رايح بجوف البنت نفسها .. وأبوها اكيد
    تركي: يعني بتروح بروحك ؟
    خالد: اييه !!
    تركي: خالد انت متأكد ؟
    خالد: ايييه شفيك !!
    تركي: وشناوي عليه بالضبط ؟
    خالد: حزة الحزة بيطلع كل شي .. بس .. بحاول افهمها ان .. انا .. او .. مادري بالضبط شنو بس .. ان .. يعني .. بخليها تيي منها
    تركي: فكر قبل لاتسوي شي .. يعني مادري شياك مره وحده ؟؟
    خالد: الحل الوحيد .. ابي افتك من السالفه مابي أأجل واتم افكر في شي مابيه !!
    تركي: فاهمك .. يالله الله يسهلها ..


    في الميلس ..
    ذياب: ها ؟؟ شصار ؟؟
    سلطان: والله مادري !!
    ذياب: يخي مافيني صبر .. ابي اعرف شصار !!
    سلطان: شلون تبيني اعرف ؟؟
    ذياب: مادري .. بس حاول تعرف من رفيجه شي .. يعني .. اكيد بيقول حق رفيجه السالفه !!
    سلطان: أيي .. بس .. تهقى امه مابتقول له اني انا اللي رحت لها ؟
    ذياب: انت ماأكدت عليها ؟؟
    سلطان: امبلا .. بس مادري عنها بعد
    ذياب: مب مشكله انت كلمه وجوف شسالفه وخبرني ..
    سلطان: ولا يهمك .. بس .. ماقلت لي شناوي عليه ؟؟ من صجك يعني بتخليه يخطبها ؟؟
    ذياب بثقه: اييه .. عادي
    سلطان مستغرب: عادي ؟؟
    ذياب: انا ابيهم مع بعض بسرعه ..
    سلطان: وليش يعني انت شبتستفيد ؟
    ذياب: اوووه ... اشيا وايد .. باقدر اخذ راحتي اكثر .. واسوي اللي ابيه .. وابرد حرتي
    سلطان: شناوي عليه بالضبط ؟
    ذياب: ماعليك .. حزتها بتعرف كل شي .. المهم انت جوف شسالفه وقول لي ..



    خالد .. عقب ما دلته امه البيت .. نزل من سيارته ..
    مغتر .. في يده المسباح .. طول وعرض ماشالله .. خذ نفس وطق الجرس ..
    طلعت له ميري .. ودخلته البيت ..
    كانت فايزه واقفه تنطره .. من جافته بقت عينها .. ماتوقعت انه وسيم لي هالدرجه .. ابتسمت: حي الله من يانه !!
    خالد وقف مكانه .. امبيه .. ليكون هذي اهيا ؟؟ .. قلبه وقف !! لا ماظن امي تسوييها !! ساكت ويطالعها ..
    ام مبارك: حياااك تفضل الحين بنادي ابوها
    خالد برد قلبه .. قام يبي يتسبب فيها: تصدقين عبالي انتي عبير ؟؟ ماشالله عليج
    ام مبارك صدقت عمرها .. استحت .. بهدوء: اشش لايسمعك ريلي !!
    خالد متسبب: يابخته بس
    قعد فلميلس ينطر ابوها ..
    دش عليه رياض: السلام عليكم ..
    خالد وقف: وعليكم السلاام !!


    عبير حدها على اعصاااابها .. خذت تلفونها بسرعه وقامت بتطلع من البيت .. اتصلت في بدر الدين يطلع السياره .. بسرعه ركضت تبي تطلع الا ميري واقفه تناديها .. التفتت عليها: روحي روحي انا محد
    ميري مستغربه .. : ويين !!!
    عبير ركبت السياره: يالله امش !!
    بدر الدين ملتفت : وين يبي يروه ؟؟
    عبير: انت امش الحين بعدين اسأل !!
    بدر الدين: ماما يأرف ؟؟
    عبير: اوهووووو لتينني !! قلت لك امش !! بسرعه !!
    شوي الا ميري يات عند السياره .. بدر الدين بطل الدريشه: شنو يبي ؟؟
    ميري تطل على عبير: بابا يبي !!
    عيبر قطت راسها: يااااااااارب !! شيبي ؟؟؟؟
    بدر الدين: يالله انزل يالله .. رووه حق بابا انته
    عبير عصبت: امساعه قاعده اقول لك امش !! لكن اراويك .. (نزلت من السياره بسرعه وصفقت الباب) اراويييييك !!
    بدر الدين يهز راسه: مشكل !!
    عبير تحاجي ميري: شفيه ابوي ؟؟
    شوي الا ام مبارك طالعه من البيت: انتي ويينج ؟؟؟؟
    عبير خذت نفس: لا اله الا الله
    ام مبارك تطالعها من فوق لي تحت: شلابسه انتي ؟؟
    عبير تطالع روحها: شفيني ؟؟
    ام مبارك: قاعدتلي بجينز ؟؟ الريال قاعد ينطر !!
    عبير: خل ينطر ! شسوي فيه !! مب داشه لوتموتين
    ام مبارك عصبت: تخسين الا انتي !!!!! ابوج ينطرج يالله .. روحي بدلي
    عبير معصبه: مابي ابدل .. تبين بدش جذي .. ماتبين كيفج
    ام مبارك: ويعه لساان يبيله قص !!
    عبير متنرفزه: ياربي !!! شتبيني اسوي ؟؟؟ بروح بيت عمي !!
    ام مبارك راحت يمها وسبحتها بالقوه: بتدشين غصبن عليج الحين
    عبير تخزها: بتحسفين !!
    ام مبارك: ماتقدرين تسوين شي .. يالله لاتطولين السالفه .. روحي بدلي (سحبتها صوب غرفتها) دشي بسرعه !!
    عبير دشت .. اففففف .. ياربي .. شالبس !!!!!!
    ام مبارك دشت وراها: تعالي انا بختار لج ...
    عبير بقت عينها: لأا لا لا بليز انا بالبس .. بس انتي روحي وانا باييج
    ام مبارك بطلت الكبت تجوف لثياب: انجبي لتفشلينه بس
    عبير واقفه تنطر ..
    ام مبارك طلعت لها فستان بنفسجي قصير ينربط على لرقبه .. فيه ورده فلوسط ..
    عبير بقت عينها: نووووو وي !! من صجج انتي ؟؟ اول مره يجوفني جذي ؟؟ لا صلي علنبي !! لا لا استحي !! ويي لاا كلش لا ! !
    ام مبارك قطته علأرض : اففف لتملليني !!
    طلعت فستان ثاني .. احمر قصير .... حده ناعم ..
    عبير مستغربه: لاااااا !!
    ام مبارك دزتها: غصبن علييج !! بسرعه يالله .. انطرج انا اهني مب متحركه !!
    عبير وفيها الصيحه: مابي .. انا بالبس بروحي أي شي ..
    ام مبارك سحبت شعرها بالقوه: بتلبسينه غصبن عليج
    عبير ميوده شعرها: آآآي هدي شعري ماابي .. (دمعت عينها) حرام علييج !!
    ام مبارك دزتها بالقوه علكرسي: انتي شسالفتج ؟؟؟
    عبير من القهر قعدت تصيح: ياربي !!
    قامت وطلعت لها توب طويل .. تركواز .. يده وسيعه .. وفيه حزام اسود عريض .. مع بنسل جينز أسود ..
    .. فلت شعرها .. وراحت لها وهي متخصره: زين ؟؟
    ام مبارك: الاحمر احلى !!
    عبير وهي تمش دموعها: آسفه ..
    ام مبارك: افففف راسج يابس !! حطي لج شي في ويهج !!
    عبير معنده: مابي
    ام مبارك: لتخليني اخربط في ويهج الحين !! بسرعه يالله
    عبير جابلت المنظره: انزييين عاد !!
    قعدت .. من غير نفس حطت لها بسرعه كحل سائل فوق عينها .. ومسكرا .. وحمره حمره مات .. والتفتت عليها: زين ؟؟
    ام مبارك ابتسمت .. قامت ويودتها: بسرعه امشي
    عبير: لحظه !! (لبست نعالتها "كرمكم الله" ) يالله ..
    حدها قلبها يدق .. ويهه ابين عليها صايحه .. خشمها احمر .. عيونها حمر من لصياح .. ياربي .. شفيها ذي !! اففف وينج يمه !!! الريال اهنييي وابوي وياااه .. وانا كلش مااابي !!!!



    سلطان اتصل في تركي ..
    تركي من جاف رقمه: اووهوو شيبي ذي بعد !! (رد عليه) الوو
    سلطان: حي الله القااطع !!
    تركي من غير نفس: انا ولا انت ؟؟
    سلطان: اكييد انت !! وييينك ماتبين !! شدعوه ؟؟
    تركي: لا بس انشغلت شوي
    سلطان: ايي ماشالله شغلك مايخلص !!
    تركي: شنسوي بعد
    سلطان: مر علييينه يوم واحد !!
    تركي: ايي يصير خير
    سلطان: لا مايصير .. لازم تيينه يوم واحد ..
    تركي: ان شاءالله معليه
    سلطان: خلاص ننطرك ها !!
    تركي: ان شاءالله
    سلطان: يسألون عنك الشباب
    تركي: سألت عنهم العافيه ..
    سلطان: الله يعافيك .. يالله فمان الله ..
    تركي من صك التلفون: اففف صج ثقال !! شيبون ذلين !! والله صااج الخلد ... مايندره شسالفته الحين !!



    سعود عقب ماطلع من الدوام .. راح بيتهم يرقد .. ومن قام فز بسرعه وركب سيارته وراح بيت زين .. وقف سيارته ونزل .. تسند عليها .. وقعد ينطر .. احد يطلع .. احد يدش .. اي شي .. وييينهم ؟؟
    شوي الا ريان ياي .. سعود اول مره يجوف هالسياره .. من ذي ؟؟ طلع ريان بشعره الكيرلي .. وحالته لله حده ابين عليه تعبان .. وقف سيارته برا ودش البيت .. شوي الا الخدامه طالعه .. نزلت الشنطه من السياره ودشت .. سعود واقف .. اوهوو !! من ذي !! ليكون ريلها !! ليكون معرسه !! واذا ريلها ليش يايب شنطته ؟؟ شدخل ياي بيتهم ؟؟ اووهوو من ذي بعد !!
    اتصل في خالد .. كان حاطه سايلنت ومارد عليه .. سعود: افففف وينه ذي !!!!! .. علأقل اي احد ايي ييلس وياي !!
    جاف ياهل يدور بالسيكل .. ناداه: تعااال !!
    الصبي التفت عليه: هاا ؟
    سعود: تعال تعال ..
    الصبي راح يمه بالسيكل: شتبي ؟؟
    سعود حده متملل !! يبي يسووولف .. يتسبب: حمّوود !!
    محمد مستغرب: شعرفك فيني ؟
    سعود استانس: انت حمّود ؟ اوووه ماشالله كبرت !! شلونك ؟
    محمد مستغرب: زيين .. من انت ؟؟ بيتكم اهني ؟؟
    سعود: لا .. بس .. شكلي مضيع ..
    محمد: من تبي؟؟
    سعود يأشر على بيت زين: عاجبني البيت ذي .. حلو لا ؟
    محمد: اي
    سعود: تعرفهم ؟؟
    محمد: امي تعرفهم ..
    سعود ابتسم: اييي خوش بيت ..
    محمد يجوف ساعته: بروح الملعب الحين بتبتدي المباراه !! مب رايح ؟؟
    سعود : اووه .. مادري في ربعي اذا بيرحوون بامشي
    محمد: اذا بتروح بايي وياك
    سعود مستغرب: ها ؟ وين تيي وياي ؟
    محمد: الملعب !! محد بيوديني اخوي مشى عني !!
    سعود ابتلش: بس .. انا انطر رفيجي !!
    محمد: وييينه رفيجك ؟؟ يالله بتبتدي المباراه !!
    سعود يتلفت .. وعينه علبيت: مادري عنه !!
    محمد: انزين اسمعني .. خل انادي علوي وجسوم واييك .. لتحرك !!
    سعود متوهق: اييي ايي بسرعه يالله .. لتأخر !!
    محمد شخطها بالسيكل وراح ينادي ربعه ..
    سعود للحين عنده أمل يجوفها .. بس .. شكلها مب ناويه تطلع ..



    عبير حدها متوتره وخايفه ومعصبه ومتنرفزه وميوده صيحتها .. كلش ماتبي تدش .. ام مبارك تدزها وهي تسحب روحها ماتبي .. وذيج تدزها .. وصلوا عند باب الميلس .. بطلت الباب وام مبارك تدزها .. وهي حدها خايفه ماتبي تدش تحاول تدزها وتشرد مب قادره وام مبارك ساده عليها وماده ريلها .. عبير التفتت بخوف تبي تجوف شسالفه وتحنقلت من ريل ام مبارك وطاحت على ويهه جدامهم
    خالد صرخ: الله !! اسم الله عليج !!
    ام مبارك تبي تساعدها تخليها تقوم .. وابوها قام: عبير !!
    عبير حدها متفشله .. وقلبها يدق يدق ..شوي وتصيح من الفشيله والقهر .. واهيا للحين ماجافت ويهه .. بس سمعت صوته !! حست بشي غريب .. حسته قالها من قلب .. حاولت تقوم بالعدال .. وهي منزله راسهه .. حدها خايفه وترتجف .. تعدل فستانها ..
    خالد قام: عسى ماتعورتي ؟؟
    عبير ودقات قلبها تزيد .. تبي تقول شي .. تبي ترفع عينها تجوفه بس .. مب قادره ..
    ام مبارك يودتها تبي تخليها تمشي صوبه وهي تبتسم بالغصب: تعالي حبيبتي تعالي ..
    رياض: تعالي يبه ..
    خالد تم واقف يطالعها .. مب عارف شيقول ولا شيسوي ..
    عبير قعدت يم ابوها .. وطول الوقت منزله راسها .. وقلبها يدق .. وريجها نشف .. ومستحيه ..
    رياض التفت على خالد اللي للحين واقف .. : حيااك استريح !!
    خالد قعد: الله يحييك ..
    عبير رفعت عينها بلعدال .. تبي تجوف هالصووت العذب .. ويهه شلون !!
    طاحت عينها في عينه ..
    عبير منصدمه !!! ياربي !!!!!!!!!! شنو ذي !!!!
    تبي تنزل عينها مب قادره ..
    وخالد يجوفها .. يجوف عيونها شلون حمر .. يجوف برائة ويهه !! يجوفها شلون تتفنس بسرعه .. يجوفها شلون تطالعه .. ابتسم لها .. بسرعه نزلت عينها .. في خاطرها ..
    " ياربي !! حده اينن !! تحطييم !! ماستحمل !! شنو ذي !!! "
    خالد اللي مانزل عينه .. من أول مادشت .. وهو طول الوقت يجوفها ..
    عبير ماقدرت تستحمل .. حدها مستحيه .. ومب عارفه شتسوي .. كانت تتفنس بسرعه .. وبسرعه تبي تطلع ..
    رن تلفون بو بدر .. : الوو !! هلاااااا بوحمد شلونك !! (التفت على خالد) عن اذنك شوي .. (طلع برا يتحجى )
    فايزه مستانسه .. وتبي تستغل الفرصه .. قامت: بروح اجوف اليهال ..
    عبير حدها خايفه التفتت عليها وقامت: لا !! مابي !!
    فايزه عطتها بنظره !!
    عبير بخوف: بايي وياج !!
    فايزه وهي مهوسه على ضروسها: يلسي مكانج !!
    عبير التفتت على خالد وتطالع ببراءة وعيونها تلمع.. وترد تطالع مرت ابوها وهي تهز راسها: بايي !!
    فايزه طلعت بسرعه وصكت الباب ..
    خالد .. وعبير ..
     
  10. بـنت الخــاجه
    Offline

    بـنت الخــاجه عضو جديد

    22
    0
    1
    إنضم إلينا في:‏11 نوفمبر 2014
    الجنس:
    أنثى
    الجزء التاسع [9]


    خالد .. ساكت ..
    وهي حدها متوتره .. قلبها يدق بسرعه تبي تطلع .. تبي تروح .. تشرد من هالموقف ..
    هدووء .. محد راضي يتحجى ..
    قاعده .. تهز ريلها .. منزله راسها .. وميوده اصابعها ..
    خالد .. خذ نفس .. وعدل صوته : احم .. شلونج ؟؟
    عبير فز قلبها ورفعت راسها تجوفه .. متدودهه مب عارفه شتقول !! خذت نفس وهي تطالعه ببراءة وخوف .. تحس ان لسانها انربط .. مب عارفه ترد علييه !!
    خالد .. يطالعها وينطرها ترد علييه .. يرد يسألها: اقول شلونج ؟؟
    عبير بعد ماخذت نفس: الحمدلله ..
    خالد يبي يتحجى .. يقول شي .. طول الطريج وهوه قاعد يرتب الحجي اللي يبي يقوله لها .. ويبي يشرح لها السالفه .. ويبي يخليها تهون .. بس شلون ؟؟
    عبير .. قاعده تتذكر كلام زين رفيجتها .. تبي تسوي اي شي يخليه يهون عنها .. ويغير رايه .. بس .. ماتقدر !! تبي تقوم .. تبي تروح .. مب عارفه شلون تشرد من هالموقف ..
    ماعرفت شتسوي .. قامت وقفت .. خالد بهدوء: وين ؟
    عبير تفشلت .. قعدت وهي تهز راسها: لا لا ..
    حدها مرتبكه .. وتتنفس بسرعه ..
    خالد يبي يخليها تهدى شوي .. مايعرف يكلم احد وهوه بهالحال .. بصوت هادي: عبير ..
    عبير وهي تحس بشي غريب يوم سمعت اسمها بصوته !! ياربي !! التفتت عليه وماقدرت تطالعه اكثر نزلت عينها بسرعه ..
    خالد خذ نفس: ممكن تهدين شوي ؟؟
    عبير تحاول قد ماتقدر .. بس من تسمع صوته دقات قلبها تزيد .. وركبها تتصافق
    خالد يجوفها شلون مرتكبه .. بهمس: عبير !! شفيج؟؟ خايفه مني؟؟
    عبير خلااااص ماتستحمل .. وقفت .. بصوت مخنوق: اصير اروح؟؟
    خالد وقف .. يقلدها: اصير آيي وياج؟
    عبير بقت عينها !!
    خالد ابستم: اتغشمر يبه شفيج .. معليه بس .. انا ماباخذ من وقتج وايد .. دقيقتين بس بقول اللي عندي وباطلع ..
    عبير تهز راسها ان لاء ..
    خالد بهدوء: انزين انتي هدي اعصابج الحين .. ممكن ؟؟ قعدي
    عبير واقفه ..
    خالد: دقيقتين بس !!
    عبير قعدت .. وهي تجوف ساعتها
    خالد ابتسم: ها يعني بتحسبين لي ؟؟
    عبير التفتت عليه ببراءة: مب قصدي !
    خالد: انزين سمعيني .. انا ياي ابي اقول لج شي .. بس .. وانتي جذي !! ماقدر اتحجى .. فـ شرايج تعطيني رقمج .. ؟؟ عشان اتفاهم وياج ؟
    عبير التفتت تطالعه ببراءة .. مب عارفه شتقول ولا شتسوي ..
    خالد: همم .. شقلتي ؟؟
    عبير وقفت: اصير تاخذه من ابوي ؟؟
    خالد: ليش ؟؟ مب حافظته ؟؟
    عبير حابسه ظحكتها: امبلا .. بس..
    خالد: خلاص روحي باخذه من ابوج ولاتزعلين ..
    عبير راحت صوب الباب تبي تطلع .. وفي شي يقول لها لاااا لتطلعييين !! .. التفتت عليه وابتسمت له .. بسرعه التفتت على الباب .. توها تبي تبطله فز خالد: عبير !!
    عبير فز قلبها والتفتت عليه ..
    خالد ابتسم: تمي شوي !!
    عبير شب ويهه .. ياااااربي شسوي !!
    خالد قام .. مشى صوبها .. وكل مايمشي يمها دقات قلبها تزييد .. وهي تقريبا متسنده علباب .. وقف يمها ... بهدوء : عطيني تلفونج ..
    عبير ويدها ترتجف .. طلعت تلفونها من مخباها وعطته اياه ..
    خالد ابتسم .. اتصل على رقمه .. ويبي يسيفه في تلفونها .. تم يفكر .. شسمي روحي !! شاكتب .. امممم ..
    وعبير يدها على قلبها تنطره يعطيها التلفون عشان تمشيييي
    خالد .. كتب اسمه .. " خالد " ومد لها التلفون .. خذته وبطلت الباب وطلعت الا ابوها في ويهه .. توه بيدش .. عبير بسرعه مشت .. ورياض التفت عليها : شفيها !! (دش الميلس )
    مرت ابوها كانت قاعده فلصاله .. مالاحظتها بسرعه بطلت الباب تبي تروح غرفتها .. لحقتها ام مبارك بسرعه .. : تعالي !!
    عبير التفتت عليها وماتبي تبين لها شي : هلا ؟
    ام مبارك وهي مستعيله وتبي تسحب الحجي: شصار ؟؟ شقال لج ؟؟ شقلتيله ؟؟ عجبتيه ؟؟ قال شي ؟؟
    عبير تبي تحرها: لاء .. قالي طلعي برا ماستحمل اجوفج .. استانستي ؟؟
    ام مبارك بقت عينها: شقلتيله انتي ؟؟
    عبير ابتسمت: قلت له .. امممم .. قلت له انا مابيك وترى اهمه غاصبيني علييك و
    ام مبارك تقاطعها: تخسيييييين الا انتي !! (يودتها من اذنها) حلفي عاد ؟؟
    عبير تبي تشيل يدها: ماقلت شيييي روحي سأليييييه !! وه !!
    بسرعه مشت عنها ودشت غرفتها وصكت الباب .. تسندت عالباب ونزلت عالأرض وهي ميوده تلفونها ومستانسه: يااااااااااااارب !! شنو ذي !!!!!!! (يودت تلفونها بالقوه وضمته لصدرها) آآآآآآخ قلبي !! .. (خذت تلفونها تشمه .. غمضت عينها) آآآآآه ماستحمل !! شنو ذييييييي !! ماصدق !! شفيني انا ؟؟؟؟ مب قادره أيوّد روحي ؟؟ اول مره احس بهالاحسااااااااس ياربي !! لو كان واحد غيره اكيد بطنشه .. بس ذي !! لا ماقدر !! ليكون مسويلي سحر !! امبيييييه ماستحمل


    خالد عقب ماطلع من بيتهم .. ركب السياره .. بدون شعور اتصل لها .. اهي من جافت رقمه فزت !! امبيييييه !! اتصل !! قلبها يدق يدق يدق .. ردت بخوف: الو !
    خالد وصوته العذب: هممم .. للحين خايفه ؟؟
    عبير بحيا .. خذت نفس: مادري
    خالد: شلون نقدر نتفاهم وانتي خايفه جذي ؟؟
    عبير وهي تتنفس بسرعه .. مب عارفه شتقول
    خالد يسمع انفاسها: اهدي شوي !! تدرين ؟ انا كنت مابطلع الا اذا هديتي شوي .. بس .. الحين مب صاكه الا اذا هديتي .. فاهمه ؟
    عبير وهي مستغربه !! ياربي !! شاقول له !!
    خالد: انتي وياي ؟؟
    عبير: وياك ..
    خالد يتطنز: حلفي ؟؟ (يتلفت) وينج ؟
    عبير تضحك: هههههههههههه
    خالد: سخيف ؟؟
    عبير طلعت منها عفويه: حدك
    خالد يزعم زعل: افااااااا !! من أولها ؟؟
    عبير تفشلت: لا مب قصدي !!
    خالد: ولا انا ..
    عبير: .........
    خالد: شفيج؟؟
    عبير: لا .. مافيني شي ..
    خالد: خايفه مني ؟؟
    عبير متوهقه: لا بس ..
    خالد: قوليلي عادي .. اذا خايفه بصكه
    عبير: لا والله مب جذي
    خالد: عيل شفيج ؟؟ داشه علينه وعيونج حمر .. يعني لتقولين لي انج ماكنتي تصيحين قبل !
    عبير خذت نفس ...
    خالد: فيه احد يمج ؟؟
    عبير تتلفت بغباء: لاء !!
    خالد: صكي الباب ..
    عبير تطالع الباب: مصكوك !
    خالد: زين .. واقفه ولا قاعده ؟؟
    عبير مستغربه: واقفه !!
    خالد: لا .. قعدي
    عبير قعدت عالسوفا: قعدت ..
    خالد: عفيه .. الحين قوليلي شفيج
    عبير .. وهي تحس براحه وهي تكلمه .. وشي غريب .. : مادري بس .. يمكن شوي متضايقه
    خالد: شللي مضايقج ؟؟ قوليلي يمكن اقدر اساعدج ؟
    عبير بضيق: محد يقدر يساعدني
    خالد: حرام عليج .. ليش عاد ؟؟ شصاير ؟؟
    عبير: مادري .. بس .. احس محد فاهمني
    خالد: لتقولين جذي .. وبعدين مب على كيفج ..
    عبير بضيق: من صجي
    خالد: انزين انا ادري ان مالي حق اسأل ... وادري ان هذي اول مره اكلمج .. وقاعد اسألج وجني اعرفج من زمان .. بس .. يمكن اذا تكلمتي ترتاحين شوي ..
    عبير ابتسمت: لا بس اوكي مابي اضايقك وياي
    خالد: شدعوه؟؟ افا عليج شهالحجي ؟؟ انتي متضايقه من امج ؟؟ ولا ابوج ؟؟
    عبير بغصه: امي ؟؟
    خالد حس في صوتها: صاير شي ؟؟
    عبير ودمعت عينها: امي !! الله يرحمها
    خالد بهدوء: آمين .. آسف ..
    عبير وتحاول تحبس دموعها: عادي
    خالد: عيل .. اللي كانت في بيتكم مرت ابوج ؟؟
    عبير تهز راسها: اييه
    خالد: امممم .. جني بديت اعرف شمضايقج ؟
    عبير ابتسمت: يمكن
    خالد: ليش ؟ فيه شي ثاني بعد ؟؟
    عبير متوهقه: لا !!
    خالد: انزين شرايج ايي بيتكم الحين ؟؟
    عبير بقت عينها: ها !!
    خالد يقلدها: ها !! .. لا يبه اتغشمر !! شفيج !!
    عبير ابتسمت: لا ولا شي ..
    خالد: عبير انتي جم عمرج ؟
    عبير: 18 ..
    خالد: العمر كله .. تدرين ابين عليج اصغر ؟؟
    عبير استانست: صج ؟؟؟
    خالد: ايي والله .. انزين حرام عليج انتي توج ياهل .. لاحقه ..
    عبير سكتت ..
    خالد: اسمعج .. تحجي
    عبير خذت نفس: مادري خالد .. بس .. ساعات تصير اشيا .. تخوفك .. واذا ييت تبي تشتكي .. تبي احد يساعدك .. ماتلقاهم وياك .. وساعات .. اذا تسوي شي وانت نيتك زينه .. ينقلب كل شي عليك .. وتصير انت الغلطان .. يعني تحس محد فاهمك .. ولا احد حاس فيك .. حتى لو كان فيه .. تحس .. ان فيه شي ناقصك .. مادري !!
    خالد ابتسم : والله فاهمج ..
    عبير: صج ؟
    خالد: اي والله !! بس بسألج سؤال
    عبير: شنو ؟
    خالد: شنو شعورج .. اذا جفتي احد مستانس منج ؟ قصدي خليتي احد يستانس ؟؟
    عبير ابتسمت: اللاي !! حدي استانس ..
    خالد: انزين شرايج انج خليتيني استانس الحين ؟
    عبير مستغربه: والله ؟؟ شلون ؟؟
    خالد: استانسي وماعليج
    عبير: لا لا صج ليش ؟؟ شسويت ؟
    خالد: لانج تكلمتي .. استانس اذا احد يقول لي اللي في قلبه .. احس .. ماتحجى الا لان اهوه مرتاح لي .. ولا ؟؟
    عبير وطاح قلبها وماعرفت ترد عليه
    خالد: المهم .. استانستي ؟
    عبير مستانسه: ايه !! وااااايد
    خالد: دوم ان شاءالله .. عبير ؟؟
    عبير: هلا ؟؟
    خالد: لاتضايقين عمرج على اشيا ماتسوى .. وحاولي ماتخلين شي في قلبج .. وتتكلمين ..
    عبير ابتسمت: ان شاءالله
    خالد: وعد ؟؟
    عبير: اممممم .. ان شاءالله احاول
    خالد: اقول لج شي ؟
    عبير: قول !!
    خالد: انا كنت ياي بيتكم حق شي واحد بس .. وخذت رقمج .. وكلمتج .. بس .. مادري شنو يردني !!
    عبير مب فاهمه: يعني شنو؟
    خالد يتطنز: وانتي ماعندج الا يعني شنو ؟؟
    عبير متفشله: امبيه !!
    خالد: اووهوو .. احسن خلج جذي
    عبير: لااااااااا بليز شنو يعني ؟؟
    خالد: اووه غيرتيها الحين؟ شنو يعني ولا يعني شنو ؟
    عبير متفشله: يالله بلييز شنو هاالشي الواحد ؟؟
    خالد: مب الحين .. بعدين بكلمج وبقول لج
    عبير: وي !! شصاير ؟؟
    خالد: لتخافين ولا شي .. بس بكلمج بعدين .. انتي متى ترقدين ؟
    عبير تجوف الساعه: تو الناس !!
    خالد: تسهرين يعني ؟
    عبير: امممم .. اي عادي
    خالد: جوفي قبل لااتصل لج .. بطرش لج مسج
    عبير ابتسمت: ان شاءالله
    خالد: يالله تامريني بشي؟؟
    عبير: سلامتك ..
    خالد: الله يسلمج .. يالله اذا تبين شي اتصلي ..
    عبير متفشله: ان شاءالله
    خالد: باي
    عبير: باي ..


    خالد .. صك التلفون وهوه مستغرب من روحه ..
    الحين انا قايل ابي اروح اتفاهم وياها .. وابي افتك من هالسالفه .. ليش ماسويت اللي ابيه وافتكيت؟ ليش احس اني ابي اساعدها .. ليش حسيتها ارتاحت لي ؟؟ ليش حسيتها غير عن الباقي ؟؟ برائتها .. عفويتها .. كلامها .. اسلوبها .. طريقتها .. كل شي غير !! ليش ماقدرت اصبر واتصلت لها !! شي غريب .. متعود ان البنات اهمه اللي يركضون وراي .. واهمه اللي يتصلون .. وفي اشيا متعود اقولها واسويها .. بس .. احس ويا عبير الحجي طلع بروحه .. يعني .. ماقدر اجذب واخش مشاعري .. فيها شي غير .. واحس اني ابي اقول لها كل شي .. بس .. مابي ( رن تلفونه وقطع تفكيره)
    تركي: خلود وينك ؟
    خالد: رايح الميلس .. بتيي ؟
    تركي: ايي انطرك !! بشر شصار ؟
    خالد ابتسم: بقول لك هناك ..
    تركي: انزين (يجوف تلفونه) مادري من يتصل .. يالله اجوفك ..
    خالد: اووكي يالله باي
    تركي رد على الرقم: الووو
    رغد: تركي !!
    تركي ماعرفها: من ؟؟
    رغد: ماعرفتني ؟
    تركي ويبي يتذكر صوتها: من عاد ؟؟
    رغد: انا .. رغد
    تركي بق عينه: رغد ؟؟ خير ؟؟ شعندج بعد؟
    رغد وصوتها مخنوق: بليز تركي حس فيني
    تركي وحس روحه ابتلش فيها: انتي اللي حسي فييني !!
    رغد: بليز .. بس عطني رقمه ..
    تركي: ماقدر !!
    رغد: انا مابرتااح الا اذا كلمته !! بليييز !!
    تركي: جوفي .. بخليج تكلمينه بس مب الحين .. في سالفه ننطرها تخلص .. وبعدين انا بكلمج
    رغد ابتسمت: صج ؟
    تركي: ماوعدج .. بس بحاول
    رغد: بنطرك ..
    تركي: اووكي ... انتي لتتصلين انا بتصل ..
    رغد: ان شاءالله .. مشكور تركي ماقصرت
    تركي: ماسويت شي !!
    رغد: يالله باي
    تركي: باي


    عبير ميوده تلفونها .. وابتسامتها شاقة الحلج .. ياربي !!!!!!!
    بسرعه اتصلت في زيون ..
    زين بسرعه ردت عليها: شصاااااااار ؟
    عبير من الوناسه مب عارفه شتقول .. خذت نفس
    زين على اعصابها: عبوووور ؟
    عبير تضحك: زيووووووون .. ماستحمل
    زين مب فاهمه شسالفه: امبيه شسويتي !!
    عبير من قلب: آآآآآآآآآآآه .. ليتج معاي بس .. وتجوفين اللي جفته .. وتحسيييين باللي حسيييته .. خلاص .. ماستحمل .. اتنهييييييييييييت
    زين: عبير ..
    عبير وتكمل: حده كيوووت حده charming !!
    زين توها فاهمه: حلفي ؟؟؟؟؟؟
    عبير : تحطييييييم حده حده destroying !!
    زين مستانسه: اللاااي !! حلفي ؟؟
    عبير: ااااه لو تجوفين نظراااته بس !!
    زين: بييي عبور زين ماغمى عليج !!
    عبير: بالضبط !!!!!!!!!!! زيووون لو تسمعييين صوته !! آآآآآآآآآآآآه
    زين: امبيييه !! حبيته !!
    عبير قطت روحها عالسوفا: عيل انا شقوول !!
    زين: امبيه عبوور !! قوليلي شصار بالتفصيل ؟؟
    عبير: وييي زيون زين اللي ماسبلت في عمري .. جان بتحسف من قلب !!
    زين: بيي عبوور حمستيني .. ماقدر اصبر ابي اجوفج
    عبير تجوف الساعه: تأخر الوقت ولا جان ييتج الحين
    زين: تعالي تعشي عندي !!
    عبير: آيه عليج انتي تعالي !!
    زين: ويي عبوور ماقدر !! ريانو بيفضحني
    عبير: انزين سمعي باجر الظهر بمر عليج وبنروح الصالون وبنروح بيت عمي بنتجهز هنااك وعقب بنروح الصاله
    زين: اووكي تمام عيل انطرج
    عبير: انزين
    زين: انزيييين قوليلي شقلتي !!
    عبير: زيون قسم بالله اول مره احس بهالاحساس !!!!!! تعرفين احس .. بشي حلو .. بس .. بخوف بنفس الوقت !!
    زين: اللاي ابي !!
    عبير: احسه فاهمني !! مادري شلون زيوون احس .. احسه يعرفني !! يعني ماحسيته غرييب علي .. بلعكس .. وايد حسيته قريب مني .. يعرف شلون يهديني .. ويخليني ارتاح !! يعني ارتحت له .. فهمتي ؟
    زين: بيي عبوور !! من أول يوم ؟؟
    عبير: الا من أول نظره !! وييي على طاري النظره !!
    زين: شصار بعد !!!!!
    عبير متفشله: شدخت على ويهي اول مادشيت !
    زين: ويه !! ويه !! ياكبرها عند ربي !!!!!! بلقه انتي ماتجوفين ؟؟
    عبير: هذي الله يهداها قاعده تسحبني عند الباب وجان مادري شصار واطيح .. وجان (تغيرت نبرة صوتها) يقولي .. (تقلده) الله !! اسم الله عليج !!
    زين تضحك عليها: ياسلااااااااااااام !! لو انا منج ركض لميته !!
    عبير تضحك: وييي كنت بسويها بس يودت روحي هههههههههههههههههه
    زين: مالت عليييج ثقلي شوي !!
    عبير: مابي .. وجااان ياخذ تلفوووني .. ويسجل رقمه
    زين: ياااااا عيني !! شلون قدرتي تستحملين ؟
    عبير: اقول لج زين اللي مارفعت تلفوني وصورته !! صج صج صج صج .. جمييييييل !!
    زين: ماعنده اخوان ؟
    عبير: مادري ماسألته !!
    زين: انزين يعني انا رفيجتج !! سمعي .. اخو رفيج شي مني مناك .. لتنسيني
    عبير: هههههههههه افا عليج ..
    زين: عبوور يعت !!
    عبير: انا شبعت !!
    زين: ويي مالت عليج .. خاطري في دبل ملت .. دومينوز .. شرايج ؟؟
    عبير: اللاي !! (تتدلع) مادري بسأل خالد اذا يحبها
    زين: ويييييييي عشتو !!!!! ليكون صدقتي عمرج ؟؟؟؟؟
    عبير: وليش حبيبتي شناقصني ؟
    زين: عقل وانتي الصاجه
    عبير: ويهج
    زين: يالله من صجي .. طلبي وياي
    عبير: انزين خل اجوف اليهال اذا يبون ..
    زين: يالله عشان احس اني وياكم
    عبير: قولي حق ريان اييبج لا !!
    زين: مايرضى !! كلميييه !! اقول له بروح بروحي (تقلد صوته) ماتسوقين فلليل !! ابي اعرف شلفرق يعني ليل ولا نهار ؟
    عبير: انزين لتسوقين .. خل اييبج .. وينه اهوه ؟
    زين قامت تجوفه: نطري .. يمكن في غرفته .. لحظه (تناديه) ريّااان !! (راحت يمه وحطت التلفون في اذنه .. لا اهوه فاهم شسالفه ولا عبير فاهمه شسالفه)
    ريان يطالع التلفون ويرد يلتفت على اخته: من !! (يتحجى) الو ؟
    عبير تفشلت: اووه !! ويي ..
    ريان: من ؟؟
    زين: لتفشلني !! عبيير عبيير
    ريان: اوو هلا عبير شلونج ؟
    عبير متوهقه: الحمدلله شلونك انت ؟
    ريان: الحمدلله .. شلون مبارك
    زين: شدخل مبارك انت بعد !!
    عبير: الحمدلله .. بكلمه الليله ان شاءالله
    ريان: سلمي علييه ..
    عبير: الله يسلمك ..
    ريان: فيكم شي ؟
    عبير: لا بس .. (متوهقه) عادي تييب زيوون تتعشى وياي ؟؟ (صدقت السالفه) وتبات عندي لان عندنا طلعه من الصبح ؟؟
    ريان يفكر: قالت حق ابوي ؟
    عبير: لا اهيا بتقول له بس اهيا تبي تجوفك جان تقدر توصلها
    ريان: انزين بوصلها .. بس تسأل ابوي قبل
    عبير مستانسه: ايي مايقول شي بوريان !!
    ريان ابتسم: ايي معليه .. (يحاجي زين) روحي سألي ابوي بسرعه
    زين مستانسه: اللااي !!



    خالد وتركي في الميلس ..
    سعود دش عليهم وحده هلكاان .. قط روحه عالسوفا
    تركي: افف !! شصاير ؟؟
    سعود حده متنرفز .. : عيزت !!!!! طلعت روحي !!! مب راضيه تطلع !! وتوني راد من المباراه .. اففففف صج صج تعبت
    خالد: ولو فايزين بعد اشوه !!
    سعود: ذي الحكم غبي .. بط جبدي بغيت انزل له
    تركي: خل الحكم !! الثور اللي ضيع البلنتي !!
    سعود: بل سبيت فيه سب !! حوّل مايجوف !!
    خالد يبي يحره: عيل ماجفتها قمر الزمان ؟؟
    سعود معصب: لااء
    خالد: معليه معليه هونها وتهون ..
    تركي التفت عليه .. بلعدال عشان محد يسمع: قوللي شسويت !!
    خالد ابتسم: ولا شي .. والله وانا رايح حدي كنت ابي انهي الموضوع وياها خلاص بسوي اي شي عشان تكمل السالفه .. بس !! والله حرام !!
    تركي يخزه: هااا ؟؟
    خالد: لا يعني .. حرام اكسر بخاطرها !! انت لو جفتها بتعرف شاقصد .. ياهل !!
    تركي: اووه اووه ..
    خالد: مادري شسوي .. انا من صجي مابي الحين .. وماغيرت رايي .. بس .. مادري شلون اقول لها !! كنت ابيها اتيي منها .. بس .. مادري !! يعني اللي صار مساعه .. مادري انا متعود اسوي هالحركات .. ولا طلعت عفويه .. صج مادري في روحي ..
    تركي مب فاهم شي: يعني شنو ؟؟
    خالد: اوهوو انت بعد !! يعني .. مادري !!
    تركي: بييي ماتجوف شر !!
    خالد يخزه: شقصدك ؟؟
    تركي: ولا شي .. بس .. لتسوي شي وتندم عليه بعدين .. فكر !!
    خالد: ان شاءالله .. (رن تلفونه) الوو
    دانه: يا قلبي انته
    خالد: روووحي !! وينج ؟
    دانه: سوري كنت بيت خالتي !!
    خالد: شسويتي ؟
    دانه: قعدنا نسووووولف .. وعوروا راسي وهمه يحنون علي خصوصا يدتي !!
    خالد: حرام عليج !! شمسويه ؟
    دانه: مب عاجبها اللي لابسته .. !! وطول الوقت تزفني !!
    خالد: تستاهلين !! لو انا منها كسرت الخيزران على ظهرج !!
    دانه: آآآآآآ شدعوه !! (بدلع) يهون عليك ؟
    خالد: اييي عادي .. تستاهلين
    دانه: وه عليك!!
    خالد: بقوللج .. احس روحي تعبان مادري شفيني
    دانه: روح ارقد !! 24 ساعه وانت في هالميلس !! ماتتملل !!
    خالد: بل !! بعد ماتقوللي سلامتك !!
    دانه: لا عشان تعرف !! اكا انت بتكسر ظهري مادري شنو !!
    خالد: ماالت علي اللي راد عليج
    دانه: وي لااا قلبي مااقصد !!
    خالد: المهم .. بكلمج بعدين
    دانه: زعلت ؟
    خالد: لااء
    دانه: خالد !!
    خالد: دانه .. بعدين بكلمج .. باي
    دانه: باي
    تركي التفت عليه: بوو شفييك !!
    خالد: والله حاس روحي تعبان .. جني بصخن
    تركي: افا !! خذ لك بندول !!
    خالد: معليه لين رديت البيت (رفع صوته يحاجي سعود) انا مب طالع من اهني الا عقب ماسعود يغني
    سعود بتعب: كلش مب حزتك
    خالد: ترضاها علي ؟ والله شكلي بامرض من صجي
    سعود يتطنز: بتطيب من صوتي مثلا ؟
    خالد: بنجرب شورانه
    سعود قام: والله مافيني شده
    تركي: يالله عاد لتطول السالفه !!
    سعود خذ العود: صوتي تعبان
    تركي: لتخاف محد بيسجلك
    خالد: مابتسمعك الزينه
    سعود يخزه: جب انت
    خالد يضحك عليه: هههههههه يالله يالله
    سعود: لحد يتطنز !! كيفكم والله صوتي تعبان
    تركي التفت على خالد: وايد يتعزز ذي ؟؟ مادري احذف عقالي عليه ؟؟
    سعود: بس بس !! بغني !! (يعدل صوته .. ويطق عود ويغني باحساس) " واااقف .. على على بااابكم ولهان ومسير .. أسأل عن اللي سأل محبوبي لصغير ... يومين .. مروا علي .. مروا علي .. سنتين لو أكثر .. ماقدرت .. يا منيتي عن شوفتك اصبر .."
    تركي يصفق: عااااااااشووووا !
    خالد يهز راسه: ماتجوف شر !!
    سعود نزل العود على الأرض ورد انسدح: مب ويه احد يغني لكم ..
    تركي: افااا !! شفيه عبادي !!
    سعود مب ماعطه ويه ..
    خالد قام: يالله انا بامشي
    تركي مستغرب: ويين !! تو الناس !!
    خالد: والله احس روحي تعبان ..
    تركي: سلامتك والله .. (قام) قوم بوصلك انا
    خالد: لا لا شدعوه .. عادي بسوق ..
    تركي: امش لتدلع
    خالد: لا والله عادي .. يالله فمان الله
    تركي: فمان الكريم
    سعود: الله وياك ..


    خالد يحس روحه حده تعباااان .. مايدري شفيه بالضبط .. ركب سيارته وبسرعه رد البيت .. دش غرفته .. انسدح بيرقد .. تذكر عبير .. قال لها ان بيتصل لها ..
    اهيا كانت قاعده تتعشى .. بيتزا .. مع زين .. وكل ساعه تشرح لها شصار وتمثل .. مايسوى علييها حدها متخرعه
    زين: اللاي جانزين كنت اهني
    رن تلفوونها .. فز قلبها .. بسرعه جافت من الا خالد !! (صرخت) : امبيييييه !! خالد !!
    زين مستغربه: الحين امساعه مسندرتني خالد وخالد .. والحين تصروعتي ؟؟ ردي لا !!
    عبير وقلبها يدق بسرعه: لأا !! اخاف بليز ردي !!
    زين خذت التلفون: ارد عليه شاقول له !! ردي فقير ينطر !!
    عبير: بليييز زيوون !!
    زين تبيها من الله: كييفج !! (ردت) الوو ؟؟
    خالد بصووته الدافي: الوو
    زين خقت .. نزلت التلفون .. بهمس: حبيته !!
    عبير حابسه ضحكتها: هي !! تحجي !!
    خالد: الوو ؟؟
    زين تتدلع: هلا
    خالد حس الصوت غير: من ؟؟
    زين متوهقه: انا ؟؟
    خالد وحده تعبان: همم
    زين متسببه: انت اللي متصل ؟ من بغيت ؟؟
    خالد: عبير ..
    زين نزلت التلفون .. بلعدال: أللاي حلو يقول اسممج !!
    عبير ميوده قلبها: عطيني بس عطيني
    زين عجبتها السالفه: لحظه قلت تبي من ؟؟
    خالد بنفس النبره: عبير
    زين عطتها التلفون: يودي يودي ماستحمل !!
    عبير .. خذت نفس وردت عليه: الوو
    خالد وابين على صوته تعبان: هلا والله
    عبير فز قلبها: هلا فيك
    زين تقلدها: هلا فيك
    عبير ماتعرف تتحجى جدام رفيجتها .. بطلت الباب وطلعت
    خالد: شلونج ؟
    عبير: الحمدلله .. انت شلونك ؟
    خالد: الحمدلله ..
    عبير حست فيه: صوتك متغير .. فيك شي ؟؟
    خالد مستغرب: اييه .. شدراج ؟
    عبير: خير ؟ صاير شي ؟؟
    خالد: لا بس تعبان شوي
    عبير بعفويه: تعبان ؟؟ شفيك؟؟ عسى ماشر ؟؟ شيعورك ؟؟ اسم الله عليك !! سلامتك شفييك ؟؟
    خالد مستغرب .. :ها ؟؟
    عبير من صجها: شفيييك شيعورك ؟؟
    خالد : مادري بس .. جني بصخن .. بلاعيمي تعورني
    عبير بخوف: وااي !! سلامتك والله .. انزين .. روح المستشفى بلييز
    خالد: لاا شدخل .. ماله داعي
    عبير: امبلا له داعي .. بليز .. روح المستشفى
    خالد وحده دايخ: مافيني شده والله
    عبير: ياربي !! قول حق اي احد يوديييك !! اخوانك ربعك اي احد !!
    خالد: لا لا ماله داعي .. جوفي الساعه جم !!
    عبير بدت تعصب: شلون ماله داعي خالد !! لازم تروح المستشفى .. بطرش لك بدر الدين الحين يوديك
    خالد حده مستغرب: شلا عاد !! ماله داعي .. بندول وخلاص
    عبير: حتى لو .. (خايفه) ياربي !!
    خالد: عبير .. مافيني شي لتخافين ..
    عبير ببراءة: روح المستشفى ..
    خالد: لاء
    عبير: خالد !!
    خالد: نعم ؟؟
    عبير: بليز روح !!
    خالد: الحين بخلي اختي تييب لي بندول وخلاص
    عبير: يعني مب رايح ؟؟
    خالد: لا والله مافيني شده .. بارقد الحين
    عبير: ياربي .. انزين خلها تسويلك عصير ليمون وتحط وياه نعناع .. و خل تصخن لك حلييب وتحط وياه عسل .. وتييب لك فيتامين سي .. واخذ لك بعد ستربسلز .. واكل لك شي بعد .. فاكهه .. اممم يعني ختسويلك
    خالد يقاطعها: آآآآ !! مافيني شده انادييها الحين .. باجر باجر
    عبير بضيق: عاد يالله !!
    خالد مستانس .. من زمان عن هالسواالف .. محد اهتم وخاف عليه جذي !! يعني يحس كلامها كان من قلب .. ماتتصنع نفس باقي البنات .. واللي في قلبها على لسانها: بقول لج .. شرايج تتصلين لها وتقولين لها ؟؟
    عبير: ايي عادي !! عطني رقمها
    خالد: صج ؟ عادي ؟
    عبير: بس .. متأكد مب راقده ؟؟
    خالد: لاا لاا وين ترقد
    عبير: خلاص انت خلك مكانك لتحرك .. بس عطني رقمها وانا اتفاهم وياها
    خالد ابتسم: ان شاءالله .. بطرش لج رقمها بمسج مب حافظه .. وبكلمج عقب
    عبير: اووكي يالله ..
    خالد: يالله
    عبير: خالد !!
    خالد: هلا ؟
    عبير: ماتجوف شر
    خالد: الشر ماييج .. يالله باي
    خالد طرش لها الرقم .. اول مره يسويها .. يخلي وحده من البنات تكلم اخته .. بس حس ان عبير غير .. معنى اول مره يكلمها .. بس .. غير !!
    صج عبير كانت متفشله شوي .. بس كلمتها وقالت لها تسويله كل شي .. لطيفه اول شي كانت مستغربه .. ومستانسه بنفس الوقت !! كان معصب وقاعد يقول لهم مايبيها ومايبيها .. الحين يعطيها رقمها ؟؟ شسالفه !!
    نزلت المطبخ وسوت له كل شي .. خذت الادويه وودت له الصينيه .. بطلت الباب وهي تتحلطم: اخرتهاا صرت مطراااش للشيخ خالد
    خالد يجوف الصينيه : آآآآآآ !! شنو ذي !!
    لطيفه حطت له الصينيه على سريره .. عطته الادويه: أوامر الست عبير !! اووه صج .. سلامتك ماتجوف شر ..
    خالد: الشر ماييج .. بس خلاص طلعي برا وصكي الباب
    لطيفه تطالعه بنص عين: ماتبي شي بعد ؟؟
    خالد: شابي بعد ؟؟ خليتي شي انتي ؟
    لطيفه وهي طالعه: تصبح على خير
    صكت الباب .. خالد اتصل لها .. كانت ويا زين تقول لها السالفه .. بسرعه ردت عليه: الو !!
    خالد: ترى كلش ماله داعي !!
    عبير: خالد بليز ابيك تشرب الحليب كله زين حق بلاعيمك .. قبل لايبرد يالله .. واكل السندوج واشرب العصير.. والدوا .. وكل شي.. وقبل لاترقد كلمني
    خالد بتعب: لالا خلج وياي .. اذا رحتي مب ماكل شي
    عبير طاح قلبها .. متفشله: يالله اكل .. اجوفك ترى
    خالد قعد ياكل .. : لازم اشرب الحليب ؟؟
    عبير: كل شي لازم .. مابيك تخلي ولااااااااشي ..
    خالد يرن تلفونه .. كانت ساره .. تم ياكل .. ويشرب ..ولا معبرها .. وهي تتصل وتتصل .. وعبير تنطره يكمل .. وزين متملله: عطييينه ويه !!
    خالد سمعها: شفييها تحن ؟
    عبير متفشله: لا .. ولا شي
    خالد: من هذي ؟؟ اختج ؟؟
    عبير: لااا هذي رفيجتي ..
    زين مستانسه .. بلعدال عشان مايسمع: أييه اييه ضبطييني يالله
    عبير فيها الضحكه .. تحاجيها بهس: اشش فضحتينه !!
    خالد يبلع الدوا : جنيي شايب !! وايد اشيا !!
    عبير: عليك بالعافيه !!
    خالد: الله يعافيج (عدل قعدته) خلاص خلصت كل شي .. دقيقه بغسل يدي وباييج
    عبير: اوكي ..
    التفتت على زين: ياربي !! ماستحمل !!
    زين: صكيه بسج !! خل يرقد بس
    عبير: اشش !! انزين بس سكتي ..
    خالد خذ التلفون يبي يسمعها .. كانت تتحجى بهمس ماينسمع شي .. : الوو
    عبير فزت: هلاء
    خالد: هلا فيج
    عبير: امممم .. شرايك الحين ترقد وترتاح ..
    خالد يتدلع: تمللتي مني ؟؟
    عبير بعفويه: لااااااااا !! بلعكس !!
    خالد ميود ضحكته
    عبير: لا قصدي .. ان .. لازم تريح و ..
    خالد: فهمت فهمت (ابتسم) ان شاءالله الحين بارقد .. يالله .. تصبحين على خير
    عبير: وانت من هله ..
    زين تخزها : بييي !! شفيج انتي ؟؟ ثقلييييييي !!
    عبير ببراءة: هيي !!
    زين: يالغبيه عقب بيقول انج متخرعه !! ترضينها يعني ؟؟
    عبير: وي حلفي ؟؟
    زين: ايي مايقطون روحهم جذي !!
    عبير: هيي لتخرعيني !! انا شعرفنيييييي !! ماقلت شي !!
    زين: ثقلي ياحرمه الثقل زين
    عبير تهز راسها: ان شاءالله ان شاءالله !! امبييييييه اناسه !!
    زين: ابيييييي لتحريني !!
    عبير وصلها مسج .. بسرعه زين خذت التلفون منها
    عبير: هيييي يبي !!
    زين شردت وتبي تبطل المسج تقراه
    عبير ركضت وراها: هيييييي حرام عليج !!
    زين قرت المسج وحذفت لها التلفون: ماااااااالت
    عبير بسرعه خذت التلفون .. كان المسج من مبارك "عبير شلونج؟ "
    عبير مستانسه: وييي !! آيه عليه خل اتصل له .. (اتصلت له) الووو
    مبارك: اووه قاعده ؟؟
    زين حدها لاصقه يمها تبي تسمعه شيقول ..
    عبير وهي فيها الضحكه من حركات زين: اييي قاعده .. شلونك ؟؟
    مبارك: الحمدلله .. شلونج انتي ؟ كنت احاتيج
    عبير مستانسه: لاااااا انا حديييي مستانسه ..
    مبارك ابتسم: خيير شصاير ؟؟
    عبير: لا لا اذا ييت بقول لك .. متى بتيي برووك !!
    مبارك: والله ماااادري .. شكلنا ريضيين ..
    عبير: افا !!
    مبارك: لتخافين انتي اول وحده بتدرين متى بايي ..
    عبير ابتسمت: ان شاءالله .. يسلم عليك ريان (تطالع رفيجتها) وزين بعد
    مبارك: الله يسلمج ويسلمهم .. شخباركم انتوا ؟ شخبار امي ؟ وابوج ؟؟ واليهال ؟؟
    عبير: كلهم بخير الله يسلمك .. انت شلونك ؟؟ عساك مرتاح بس ؟؟
    مبارك: الحمدلله .. مافي اخبار يديده ؟؟
    عبير: لا !! مادري .. باجر ملجة يوسف
    مبارك: اووه !! باجر؟؟
    عبير: ايي .. يالله الفال لك !!
    مبارك ابتسم: ان شاءالله .. بس خل ارجع !!
    عبير ابتسمت: ان شاءالله .. لتحاتي بتقزر ..
    مبارك: ان شاءالله .. لاا شكلج اليوم حدج مستانسه
    عبير بحيا: حدي !!
    مبارك: ان شاءالله دووم .. بس ماقلتيلي شصاير ؟؟
    عبير: لاااا اذا رجعت بقول لك كل شي بالتفصييييل ..
    مبارك: الحين تخليني افكر ؟؟
    عبير: ويي لا لتفكر .. ماعليك انت بس تعاال !!
    مبارك: ان شاءالله .. اذا تبين شي اتصلي ..
    عبير: ماتقصر والله
    مبارك: يالله تحملي بروحج ..
    عبير: ان شاءالله وانته بعد ..
    مبارك: ان شاءالله .. يالله مع السلامه
    عبير: الله يسلمك ..
    زين مستغربه: وشلا ماقلتيله ؟؟؟
    عبير: شلون اقول له بالتلفون ؟؟ مادري !! ماعرف !!
    زين: قوليله انخطبت !! سالفه هي ؟؟
    عبير: ويي .. استحي !!
    زين: تدرين ؟ احسه بيعصب
    عبير: ليش ؟؟
    زين: يعني .. صارت اشيا وايد من وراه .. المفروض اهوه يعرف !!
    عبير: يااااربي !! شسوي في ااااااامه !!! تدرين اهيا قايلة لي لتقولين له شي ؟؟؟
    زين: وشعليج منها انتي ؟؟ اي شي تقولج تسوينه ؟؟
    عبير: اووهوو زيون بتخليني احاتي الحين !! تدرين ان زياد مايدري ؟؟
    زين: وي لبى قلبه !!
    عبير: مادري شلون اقول له !! بيعصب اهوه بعد .. اوهووو كله منهم .. انا اصلا كنت حاطه في بالي اني بفتك من هالسالفه وخلاص .. مادريت ان السالفه جذي
    زين تخزها: جذي شلون ؟
    عبير بحيا: هلون !!




    خالد .. الدوا رقده .. بس .. عقب صلاة الفير ماقدر يرقد .. طول الوقت تم يفكر .. شصار اليوم !!
    عبير من الاناسسسه والخرعه ماقدرت ترقد .. طول الوقت تتذكر كل شي صار بينهم .. ياربي !! حلو الشعور !! بس كانت تحاتيييييه .. تبي تتصل .. تتطمن عليه .. تطرش له مسج .. بس .. تخاف يقول انها قاطه روحها او شي .. كل ماتتصل تصكه قبل لايرن .. يوم صارت 11 اتصلت له .. طلعت برا عشان ماتقعد زين .. وقلبها يدق يدق يدق ..
    خالد من جاف رقمها فز .. ورد عليها: الوو
    عبير بخوف: امبيه راقد ؟؟
    خالد: لا لا .. قاعد .. اصلا ماقدرت ارقد
    عبير: افا !! ليش ؟؟
    خالد: مادري .. كنت افكر
    عبير ببراءة: انا بعد ماقدرت ارقد
    خالد: تفكرين بعد؟
    عبير: اممم .. ماعلينا انت شلونك الحين ؟؟ اشوى ان شاءالله؟
    خالد: ايي الحمدلله شوي احسن
    عبير: الحمدلله .. تريقت ؟؟
    خالد: لا لا .. ماقمت من فراشي اصلا
    عبير بخوف: ويي !! تعبان !!!
    خالد: لااا عادي بس كنت احاول ارقد
    عبير: انزين حاول
    خالد: لا خلاص بقوم .. مايمديني لازم اروح المسيد
    عبير: ايي صج .. انزين قوم اكل لك شي بلييز واكل دواك
    خالد: ان شاااءالله ..
    عبير ابتسمت .. مب عارفه شتقووول ..
    خالد خذ نفس: كله منج
    عبير طاح قلبها: شسويت !!
    خالد يتثاوب: ولا شي ..


    مروه راحت تبي تقعد يوسف .. تمت تطبل على الباب وتغني: يااااااا معيريييس عين الله ترااك .. والقمر والنجوووم تمشي وراااااك ويااااامعيريس طرارانق عين الله تراااك
    يوسف بطل الباب بقوه : بس !!!!!! سنداره انتي !!!!!!!
    مروه بقت عينها: افااااا !! معرس ومعصب !! مايطيييح !!
    يوسف ابتسم بالغصب: هلون زين ؟
    مروه تهز راسها: لااء ..
    يوسف: سمعيني .. ابيج الليله تطلعين زيرانج .. انتي واروو وعبوور .. حتى بدوروو .. سامعه ؟؟
    مروه شاقة الحلج: لااااااااتوصي !! بنهز لك القاعه افا عليييك بس
    يوسف مستانس: ايي وخلي امي ترقص
    مروه تخزه: ماتبي خسرانه تقوم ترقص ؟
    يوسف مب فاهم: من ؟؟
    مروه: فايزو ؟
    يوسف: مرت عمي ؟؟ امبلاا خل تقوم .. المهم .. انا معتمد عليج ها
    مروه: افا علييييييك بس .. بخليها احلى ملجه تصير في حياتك
    يوسف ابتسم: ايي الواحد جم مره يملج ؟
    مروه جربت يمه وهمست له: االله الله بالحركات الزيينه .. ماوصيك
    يوسف يسوي روحه مب فاهم .. يسايرها ويهمس لها: اي حركات ؟؟
    مروه تتلفت: يعني .. حق التصويير !!
    يوسف ميود ضحكته: افا علييييج !!
    مروه طقته على ظهره: سبببببببع اخوي سبع !! (مشت عنه) يالله يالله احنا ورانه شغل اليوم .. مب فاضية لك وحق سوالفك ..
    يوسف مستغرب: يه !!
    مروه راحت حق اختها: يالله انتي!!
    اروى: كلمي عبوور جوفيها وينهي !! قايلين بنروح يميع !!
    مروه خذت التلفون تتصل .. كانت عل waiting
    عبير تجوف تلفونها: وي خالد .. مروه تتصل
    خالد: اي مروه ؟
    عبير: بنت عمي
    خالد: تبين تردين عليها ؟
    عبير: عادي ؟
    خالد: بس لتتأخرين .. انطرج
    عبير ابتسمت: دقيقه بس .. (ردت عليها) الوو
    مروه: لااااااا؟ ليش رديتي ؟؟ جان نطرتي بعد شوي ؟؟
    عبير: سوووري حبيبتي !!
    مروه: وينج ؟؟
    عبير: كاني بطلع من بيتنه .. انطر زيون تجهز
    مروه: يالله بسرعه ننطرج
    عبير: ان شاءالله ..
    مروه: يبتي اغراضج وكلشيج ؟
    عبير: اي اي كلشي فلسياره ..
    مروه: يسفو امساعه يحن يقولي عبير لازم اكثر وحده ترقص
    عبير بقت عينها: آآنه ؟؟
    مروه: أي عاد كيفج قال ترى يزعل عليج ومايحاجيج
    عبير: اييي ان شاءالله .. لازم برقص
    مروه: مالت عليج .. يالله ننطرج
    عبير: يالله اوكي باي (بسرعه ردت اتصلت في خالد)
    خالد: تأخرتي !!
    عبير: سوري !!
    خالد: شفيها ؟
    عبير: لا بس تسألني متى بايي ..
    زين: يالله عبور .. مشينه
    خالد: ألحين بتروحين؟؟
    عبير: ايي بمر عليها قبل ..
    خالد: انزين بسألج .. انتي جذي تطلعين بدون دفه ؟
    عبير متفشله: ايه ..
    خالد: شلابسه الحين انتي ؟
    عبير: توب وجينز !! عادي يعني !!
    خالد: وان شاءالله بعدين بتروحين القاعه بفستانج ؟؟
    عبير متفشله: عيل ؟
    خالد: يعني الدريول والرياييل اللي هناك يجوفونج بالفستان؟
    عبير: لا لا بلبس دفه .. شدعوه
    خالد: سمعي .. الحين رايحه الصالون مابقول لج شي .. بس مره ثانيه ماتطلعين من البيت بدون دفه .. سامعه ؟
    عبير ابتسمت: ابشر
    خالد ابتسم .. كل مره اذا بيطلب من وحده شي جذي .. لازم ترد عليه وتحاججه وتعايره وتحاول تقنعه وتطلع اعذار .. بس عبير !!
    عبير جافته ساكت .. قامت بتسولف: توها بنت عمي تقوللي .. اخوها قايل لها مابي عبير تيلس
    خالد مب فاهم: شلون يعني؟
    عبير: يعني .. ارقص
    خالد: نعم ؟؟ وان شاءالله ترقصين جدامه بعد ؟؟
    عبير متوهقه: ها ؟ لالا استحي
    خالد: عبير ؟
    عبير: هلا ؟
    خالد: الحين بنزل حق امي شوي .. وبتسبح وبروح المسيد .. وعقب ماطلع من المسيد بكلمج .. اوكي؟
    عبير: خلاص اوكي ..سلم عليها ولاتنسى دواك !!
    خالد: ان شاءالله .. يالله تحملي في روحج
    عبير .. اثرت فيها الكلمه وايد: ان شاءالله .. وانت بعد بلييز
    خالد ابتسم: ان شاءالله .. يالله بيباي
    عبير: باي


    خالد نزل حق امه .. كانت قاعده ميوده المصحف .. تقرا سورة الكهف .. دش عليها .. خذ المسباح اللي يمها وقعد يسبح .. ينطرها تخلص .. من خلصت التفتت عليه: ها يمه ؟ شلونك ؟ اشوى ؟
    خالد ابتسم: عبير ماقصرت
    ام خالد مستانسه: وي فديييتها
    خالد: يمه .. انا شوي داير راسي ..
    ام خالد: شفييك يمه شصاير ؟
    خالد: مادري .. مادري شسويت .. ومادري شسوي
    ام خالد: وي صل عالنبي !!
    خالد: اللهم صلي وسلم عليه
    ام خالد: شفيك يمه تحجى .. قولي شفي خاطرك؟؟
    خالد رن تلفونه .. كانت هيا .. قام: بعدين يمه باييج ..
    طلع من عندها ورد عليها: الوو
    هيا: حبيييبي
    خالد من غير نفس: هلااا
    هيا: بل !! شفييه الحلو علينه؟؟
    خالد: مافيني شي ..
    هيا: كل ذي ومافيك شي؟؟
    خالد: اوهوو قلت لج مافيني شي وخلاص !!
    هيا: اففففففف
    خالد: لتأففين !!
    هيا: خالد حبيبي شرايك اليوم تيينه ستاربكس ؟
    خالد: اليوم ؟ كلش لاء
    هيا: ليش عاد ؟
    خالد: تعبان مافيني شده
    هيا: خالد وحشتني ابي اجووووفك !!
    خالد: ماعندج صورتي ؟
    هيا: امبلا !! بس مابي الصوره .. أبيك انت
    خالد ابتسم: ان شاءالله اذا صرت اشوى بقول لج .. (يجوف تلفونه) رفيجي يتصل لي بعدين بكلمج
    هيا: وه انت تلفونك مايسكت !!
    خالد: شسوي في روحي يعني ؟؟ يالله باي (رد عليه) الوو
    تركي: هاا ؟؟ اشوى ؟
    خالد: يعني
    تركي: انزين امر عليك ونروح المسيد ؟؟
    خالد: اي انطر خل اتسبح قبل
    تركي: اووكي مو مشكله .. انا بتسبح بعد وباطلع من بيتنه ..
    خالد: خلاص اذا شسمه اتصل لي
    تركي: اووكي .. الا شخبارها مادري شسمها؟
    خالد ابتسم: الحمدلله بخيير .. شي غرييب ترووك شي غريب .. يعني أول مره اجوف وحده جذي ..
    تركي: ييه !! شلون ؟
    خالد: مادري .. على كثر البنات اللي عرفتهم .. احسها بوايد اشيا غير .. انت ماجفت شسوت يوم قلت لها تعبان
    تركى: اووه اووه .. حركاات .. الا ماقلت لي شسمها ؟
    خالد: اسمها ؟؟ ماقلت لك ؟
    تركي: لاء !
    خالد: عبير
    تركي: عبير !! عبير شنو ؟
    خالد: ليش ؟
    تركي: اسأل !!
    خالد يتذكر: عبير رياض بدر ..
    تركي انصدم: من ؟؟؟؟؟؟؟؟؟؟؟؟!!!!!!!!!
     
جاري تحميل الصفحة...

مشاركة هذه الصفحة