1. مرحباً بك عزيزي الزائر في منتديات صقر البحرين
    يشرفنا أن تقوم بالتسجيل معنا إذا رغبت بالمشاركة في المنتدى.
    إذا كنت عضواً بالمنتدى فقم بتسجيل دخولك أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
  1. وعـــد بنوته
    Offline

    وعـــد بنوته عضو أمير

    4,027
    4
    0
    إنضم إلينا في:‏19 سبتمبر 2007
    الوظيفة:
    ℓ t3αιebα ¢σOσ ι ℓ
    الإقامة:
    آلـبح ـريـن

    قصه باللهجـه البحرانيه ..خديجه وقصه حب

    الموضوع في 'القصص والروايات' بواسطة وعـــد بنوته, بتاريخ ‏20 يناير 2008.

    بسم الله الرحمن الرحيم

    السلام عليكم ورحمة الله وبركاته

    طبعاً.. أعتقد أول مره راح تكون قصه من هالنووع..
    ألا وهي.. قصه بالبحراني.. علل عموم راح أختصر الكلام..
    وأقول لكم إنها قصه من تاليف صديقتي .. وإذا حسيت في تجاوب..
    وإستمرار في قراءه القصه.. راح اتابع وياكم.. اما اذا..
    شفت العكس ماراح اكمل.. واتمنى ان يكون تشجيع عشان..
    تعطووني دافع حق التووواصل.. وخلونا نبدي الجزء الاول من القصة..

    قصة بحرانيه.. بعنوان.. (( حياة خديجة))


    كانت خديجه بنوته صغيره حبوبه وحليووه.. حياتها كانت حليوه وبسيطة طبعاً كتكوته كانت تعيش حياه مليئة بالهدووء .. اللي خلاني اقول ان حياتها كانت مملؤه بالهدوء هو هدوئها الغير طبيعي طبعاً بالمدرسة.. وخلوني أبدأ وياكم قصتي..

    طبعاً .. راح أبدأ وياكم القصه من عمر 5 سنين ورايح..

    كانت تحب البرجر.. والبيتزا والشبس والمينوو هالخرابيط من يوم وهي كانت نتفه.. عاااد يوم من الايام شوفوا شلون طاحت فيها.. شفتون احد نفس هبالتها.. ؟؟ مااعتقد بس خلونا نشوف القصه وانتون احكموا

    خديجه: أمااااااااه ويش الغداء اليوووووم؟؟
    أمي: الغذاء اليوم سمج .. خليني اطبخ الحين ابوش بيجي وبيطحن عليي للحين مااستوى الغداء قال للحين مااستوى.. والله بلشه ويا هالرجال..
    خديجه: اهاا سمممج.. ياربي..!! ((الاول عاد نقبل بالسمج مساكين احنا جهالوا منتفين يقصون علينا بس الحين نطنقر لان كل يوم يقولون لينا سمج مللونا كل يوم سمج))
    أمي: يالله خديجووه الغذاء جاهز نادي اخواتش واخوانش وابوش.. عشان يتغذوون..
    خديجه: يالله قوموا اتغدوا جهز الغداء يالله.. اللي مابيجي كيفه اني بروح لاتقولون ماناديتكم هاااااا
    معصومه: الغداء شكله احلوووو اليوم .. ويلي جوعانه حد امي
    أمي: اكلوا وانتون ساكتين وينا ابوكم؟؟ يوو ياللي ماتستحون حتى ماناديتون له.. الحين بيعصب قومي انتين خديجوه نادي ابوش
    خديجه: ياعليييييييي يعني كلا اني؟؟ كلا اني؟؟ ((مسكينه اني جاهله وقاصين عليي))
    خديجه وهي رايحه الى ابوها: أبويااااا اقعد ابوياااا الغداء استووى
    ابويي: جان بعد مااستوى يوم جت الظهر قالت استوى هادي قبل مااراويها انا ام النسوان تقعد تسولف ليي وياهم الى الظهر واخر شي تسويه لينا هالحزه اراويها انا
    امي: وينك حج علي تعال استوى له جم مره ينادونك
    ابويي: أنا قبل ماافشلش قدام هالنسوان مايفيد فيش.. كلا تأخرينا لكن خلني الحق عليهم بفشلش قدامهم
    امي: والله مستوي من زمان بس انته قاعد ليي فوق نايم
    معصومه: ويش الحين وياكم نتغدى لو بتتهاوشون لينا هااااااه؟؟
    امي: يالله انجبي انتين بعد يا ام لسان اتغدي وانتين ساكته
    خديجه: ياعلييييييي ماني قادررره .. ماني قادره
    ابويي: ويش فييييييش خديجوووووووه؟؟
    امي: يوووووو بتموت بتي بتمووووووت خساره
    معصومه: ياعلي هكو يطلع منها دم.. لحقوا على بتكم
    ابويي: قومي انتين يا حظي شيلي بتش بنوديها المستشفى
    امي: ويلي على بتي جان ماتروح عليي خساره
    معصومه: الله يستر من هوشتكم له..(( في خاطري: لكن تستاهلون))
    خديجه: ياعلييييي امااااااااه يعورني يعوورني لحقي عليي بموت ماني قادره
    امي: بس سكتي بنوصل الحين المستشفى ويلي عليش يا بتي
    وبعد ربع ساعه من الووقت وصلنا المستشفى...


    بعد الردود الجزء الثاني بأذن الله
     
    جاري تحميل الصفحة...
    :
  2. بنوتة ابوها
    Offline

    بنوتة ابوها عضو فنان

    2,341
    2
    106
    إنضم إلينا في:‏13 ديسمبر 2007
    الوظيفة:
    ماادري
    الإقامة:
    فـي وسط قلـــــــب حبيبي
    رد: قصه باللهجـه البحرانيه ..خديجه وقصه حب

    ههههههههه حلوة القصة عجبتني وانتظر الجزء الثاني وابي اعرف وش صار في خديجوووووه
     
  3. ظل بلا حدود
    Offline

    ظل بلا حدود عضو مشارك

    123
    0
    0
    إنضم إلينا في:‏24 يوليو 2006
    رد: قصه باللهجـه البحرانيه ..خديجه وقصه حب

    من المتابعين

    ومشكورة أختي
     
  4. وعـــد بنوته
    Offline

    وعـــد بنوته عضو أمير

    4,027
    4
    0
    إنضم إلينا في:‏19 سبتمبر 2007
    الوظيفة:
    ℓ t3αιebα ¢σOσ ι ℓ
    الإقامة:
    آلـبح ـريـن
    رد: قصه باللهجـه البحرانيه ..خديجه وقصه حب

    المستشفى.. الدكتور: ويش فيها خديجة..؟؟
    الوالد: مادري ياخوك.. بس كنا نتغدى مانشوف الا وحده تبالع لينا ويش فيش خديجوه الا تصرخ وماقدرت تتحجى.. بيني وبينك السمج كبار يعني مادري هي بلعت سلايه شكلها
    الدكتور: اوكي مو مشكله الحين بشوف وياها الاشعة وبيطلع لينا كل شي..
    الام: ويش يعني .. بتي زينه؟؟ طمني عليها دختوور..
    الدكتور: مافيها ان شاءالله الا العافيه اطمني حاجية..

    وبعد ثلث ساااعة من الأشعة.. مسكينه يا خدووج بالعه ليش سلايه؟؟ والله ماتسووى عليش كلا من طحنت امش وابوش..

    الدكتور ويا الدكتوره: ويش بشري؟؟
    الدكتوره: فيها سلاية وعوده بعد.. مسكينه يبي ليها عملية.. ماتستاهل والله جاهله توها..
    الدكتور: امممممممم.. خلاص بنعطيهم موعد عشان العملية((خبركم المواعيد بالبحرين عقب سنه لما الواحد تلووع جبده))
    الدكتور: تفضل يا أبو خديجة هذا الموعد ولاتتأخرون عشان العملية..
    الوالد: خيير بس مافي وقت اقرب له؟؟ لان مابتقدر تتكلم ولا تاكل يعني المفروض هالأسبووع.. ويش ناوين على بتي تموت
    الدكتور: بشوف أنا وبجيك أقرب موعد بس ما أعتقد أقل من أسبوع يعني..

    بعد محاوولات ولووعة الجببببببد.. قرروا يعطونا مووعد بعد أسبووع .. حشى ماصارت دي صدق مواعيدهم نفس وجوههم.. والله حاله
    الدكتور: حصلت ليك حجي موعد قريب الأسبوع الجاي يوم الاثنين مافي أقرب من جديه
    الوالد: خير مابغيتوون تعطونا مووعد قريب.. لوو من صوبكم أحد عطيتونه عادي بس احنه الفقاره قاصين علينا..(( مو كأنه دشينا بالسياسه؟؟))

    وبعد 3 ساعات بالمستشفى ولووعة الجبد.. وصلنا البيت أني وأمي وأبويي.. وفي إستقبالنا معصووومه وياها اختي الصغيره فطاموه وأخويي محمد..
    معصومه: ويش أماااه..؟؟ ويش أبويااااا؟؟ ويش قالوا فيها خديجوه ام العصي؟؟
    الوالد: بالعه سلايه الملهوفه الحين هي ماتقدر تتحجى الى الاسبوع الجاي يوم الاثنين عمليتها..
    الأم: ايي كلا من طحنتك يا الطحان ماتسكت انت حزه غداء الشيطان حاضر تقعد تهاوش لينا .. ((أماااه سكتي انتين السبب كفايه متأخره وانتين تسوين الغده صدق نحيسه))
    الوالد: يالله راسي يعورني بروح انام انا.. اللي بيطلع صوت راحت عليه مني .. وانتين انتبهي الى اولادش اللي يطلع صوت انتين المسئوله عنهم.. يالله..

    معصومه: ويش فيش خديجه؟؟ اتكلمي قولي معصومه؟؟
    خديجه: مم مم ماف اكم.. ((مسكينه سكتي فشلتينا ويا هالحجي هههههههه))
    معصومه: يوووو اختي اضحكين ريريش كله طلع ههههههههههه ياعلي صرتين اخس من الجهالوا.. مسكينه اختي
    خديجه: في خاطرها ((خلني لكن اصحى بتشوفين يا ام كشه تطنزين عليي ها اراويش)).. ويش ليي آكل سمج صدق دعله اني

    طبعاً وبعد معاناة خدوج مسكييينه .. والريري طايح 24 ساعه مسكينه ماتسوي عليها هالسلايه قررررب المووعد.. يالله خدوج اجهزي بيشيلون منش هالعله.. ههههههههههه

    الأم: أسمع حج علي.. اني مابقدر اروح ويا خديجة اترقد لان فاطمه عندي توها صغيره جيفا اخليها ويا معصومه.. ومعصومه مي فالحه في شي؟؟ مابتقدر عليها
    الوالد: يعني منهو بيرقد ويا خديجه؟؟ بتخلينها بروحها مايصير توها 5 سنين ((مسكينه خدوج واعليا))
    الأم: لا بخلي تروح وياها معصومه ام الدواهي.. مابتقول شي اني اعرفها..
    الوالد: شوفي بتش يمكن ماترضى.. روحي سأليها يالله سرعي باجر موعدها له
    الأم: انزييين هداني بغدي ليهاااااااا.. ((ههههههههههههههههههه صدق بحرانيه))
    الأم: وينش عصوووم.. معصومووه وصمخ جلاب قولي آميين..
    معصومه: وييش امااه؟؟ ويش تبين لاتقولين انشر الثياب لاعت جبدي
    الأم: لا باجر نبيش تروحين ويا اختش المستشفى عشان تنامين وياها هناك عن بروحها اني مااقدر اروح ويا اختش..
    معصومه: ويلييييييييييي صدق؟؟ لو تشلخين حلفي حلفي؟؟ ويلي كشخه ياعلي عجيييييييب.. ((صدق مصرقعة هالابنيه))
    الأم: انزين روحي نامي له باجر بتروحين ويا اختش المستشفى
    معصومه: إن شااءالله بروح انااام يالله تصبحين على ليل..

    نسيت أقول ليكم معلومه.. معصوومه في ثاني إعدادي اتخيلوا انها توها وبترقد ويا اختها؟؟ تعرف تتصرف .. الله يستر بس..
     
  5. بنوتة ابوها
    Offline

    بنوتة ابوها عضو فنان

    2,341
    2
    106
    إنضم إلينا في:‏13 ديسمبر 2007
    الوظيفة:
    ماادري
    الإقامة:
    فـي وسط قلـــــــب حبيبي
    رد: قصه باللهجـه البحرانيه ..خديجه وقصه حب

    ثنكس حبيبتي نتنظر جديدج

    وانا انتظر شنو بيصر في المستشفى

    يسلموووووووووووو
     
  6. وعـــد بنوته
    Offline

    وعـــد بنوته عضو أمير

    4,027
    4
    0
    إنضم إلينا في:‏19 سبتمبر 2007
    الوظيفة:
    ℓ t3αιebα ¢σOσ ι ℓ
    الإقامة:
    آلـبح ـريـن
    رد: قصه باللهجـه البحرانيه ..خديجه وقصه حب

    إلــيكم الجـــــــــــزء الثــــــــــالـــــــــــث..!!

    طبعاً اليوم الاثنين.. عملية خدوج.. وطبعاً المرافق وياها أختها بالمستشفى.. شنو ياترى بيصير؟؟؟

    الأم: اسمعي عصووم لاتنسين تتحملين في اختش زين ومااوصيش اذا بغيتين شي اتصلي من هناك المستشفى واكو الاكل وكل شي بالشنطة واذا ماعرفتين تسوين شي خبري انتين الدختوره وهي بتقوم بالواجب زيين؟؟
    معصومه: إن شاءالله اماه.. يالله خدوج ابويي ينتظرنا بره بسرعه له لايعصب الحين..
    خديجه: طبعاً ماتقدر تتكلم الا كلش خفييف ((خبركم الريري يطيح 24 ساعه خب السلايه ماقصرت فيها..))

    وفي السياره,, لازم تعليمات الوالد((حج علي)) خب مايحتاج من يتكلم مايسكت .. اوه اوه الله يساعد اذون معصومه..

    الوالد: إسمعي معصوموه.. تحملي في اختش ومااوصيش عليها وان كملوا العمليه وجو بيرخصونها خبريني وانا بشوف ويا الدكتور زين
    معصومه: إن شاءالله ابويي

    وصلنا المستشفى طبعاً ويا الوالد حج علي وعلى ماكمل الاجراءات ويا الدكتور.. طبعاً خلاص بتدخل خدوج غرفة العمليات..
    معصومه: اتحملي بروحش خدوج ولاتخافين ترى كلها دقايق وانتين مخلصه مايعوووور كلش كلش((تقصين على من انتين؟؟))
    خديجه: ياعلييييي الله يستر بس من هالعمليه

    وعقب العمليه بساعه.. الحمدلله على السلامه ترى خدوج صارت احسن من قبل..

    معصومه: مسكينه اختي نايمه ماتدري بشي هكو صايره صفره يوو بقوم اتصل الى البيت بخبرهم..
    معصومه: الووو اماااه .. هكو خديجوه سووها عمليه وصايره صفره شوي بس يقول الدكتور ان العمليه زينه يعني نجحت ومافيها شي
    الأم: صدقه؟؟ اشوه يا بتي طمنتيني عليها اني بجي ويا ابوش العصر ليكم تحملي بأختش زين مازين لما نجي ليكم
    معصومه: انزين قولي الى ابويي لاتنسين عاد لايعصب بعدين علينا قولي ليه بته زينه..
    الأم: انزين يالله روحي الىاختش وتحملي فيها وخليها تاكل عدل..
    معصومه: ان شاءالله يالله مع االسلامه..
    او وقت ماكانت معصومه تتمشي بالمستشفى.. الا ضيعت الطريق او مو عارفه ترجع حق اختها.. ماشافوها الا تصيح بروحها..
    محمد: ويش فيش ؟؟
    معصومه: بييه صدق فشيله او هي خجلانه .. ماادري بس ضيعت ولاني عارفه وين الطابق الثالث اللي فيه اختي
    محمد: خلاص قومي وانا اوصلش ولاتخافين
    معصومه: ان شاءالله.. ((ويلي كشخه الصبي يجنن خخخخخخ كل يوم تعال))
    وعقب 5 دقايق الا موصلني الطابق الثالث.. صدق اني هبله يازعم مترقده ويا اختي ولا اعرف وين الطابق الثالث والله حاله..
    معصومه: شكراً إن شاءالله بس ماتعبتك .. اوقف شوي
    محمد: لا عادي مافي تعب
    معصومه: تفضل حلاوه مال عملية اختي نجحت الحمدلله
    محمد: مبروك والحمدلله على السلامه .. يالله لازم امشي انا مع السلامه ولا اضيعين هالمره زين
    معصومه: إن شاءالله (( عجييب جان زين كل يوم اضيع))
    وبعد ما زاروا الاهل خديجه وهنئوها بالسلامه.. رخصوا خديجه يعني طلعوها من المستشفى..
    خديجه: الله كشخه وأخيراً اتكلمت ماتسوى عليي هالسمجه اللي اكلتهاا
    معصومه: اييي عشان هالمره تاكلين عدل يالملهوفه..

    بعد مده صار عمر خديجه 6 سنوات.. وصارت لازم تدخل المدرسه.. ومعصومه بتروح ثالث اعدادي .. وفاطمه 3 سنوات وحسين 8 سنوات..
    صارت خديجه في الصف الأول وكانت حياتها غير مملؤه بالهدوء الصامت والتفكير الداخلي الطويل.. صارت خديجه ويا معصومه سنه كامله مع بعض.. غلطة معصومه ماعودت خديجه تمشي ويا البنات من صف الأول.. وصارت خديجة على طول ويا معصومه خلال السنه الأول.. لان بعد ماتروح معصومه أول ثنوي راح تضطر معصومه انها تخلي خديجه بروحها بالمدرسه..



    حبيبتي اذا تبين انزل جزئين ورى بعض انا ماعندي مانع ..بس انا مادري انكم راح تقرون القصه لأنه قصه مريم وسلمان طنشتوني ولا حد رد واذا تبون ورى بعض وكل يوم انزل جزئين ماعندي مانع


     
  7. بنوتة ابوها
    Offline

    بنوتة ابوها عضو فنان

    2,341
    2
    106
    إنضم إلينا في:‏13 ديسمبر 2007
    الوظيفة:
    ماادري
    الإقامة:
    فـي وسط قلـــــــب حبيبي
    رد: قصه باللهجـه البحرانيه ..خديجه وقصه حب

    لا بصراحة انا وايد اندمجت مع القصة وووايد حلوة واتمنى منج الجديد

    ونننتظر وش بيصر
    يسلمو
     
  8. وعـــد بنوته
    Offline

    وعـــد بنوته عضو أمير

    4,027
    4
    0
    إنضم إلينا في:‏19 سبتمبر 2007
    الوظيفة:
    ℓ t3αιebα ¢σOσ ι ℓ
    الإقامة:
    آلـبح ـريـن
    رد: قصه باللهجـه البحرانيه ..خديجه وقصه حب

    الجــزء الـــــرابع

    صارت خديجه تروح المدرسه ووياها معصومه.. كانت خديجه على طول ويا أختها يعني محد عندها من صديقات ..
    معصومه: انتين كلا ويايي.. روحي ويا بنات صفش اتعرفي عليهم
    خديجه: وييه ماني كيفي.. اللي ويايي كلهم مغرورين
    معصومه: محد مغرور إلا غيرش يا بنت حج علي
    صارت خديجه على طول تمشي ويا معصومه..لما طلعت معصومه وراحت الثنوي وصارت في مدرسه غير.. ظلت خديجه بروحها تمشي وتاكل وتمارس حياتها في المدرسه مع انها كانت شاطره في أيام الدراسه بالإبتدائي.. حتى البنات صاروا يضربونها وهي ساكته عنهم.. لدرجه ان خديجه كانت اذا تقعد بروحها تفكر شلون راح تنتقم من هالبنات وتكلمهم وماتحاول انها تخاف منهم او تتجرأ وتكلمهم بس..؟؟
    المعلمه: خديجه انتين ليش كلا بروحش؟؟ محد يمشي وياش؟؟
    خديجه: مادري عادي
    ويا الأيام كبرت خديجه وبدال ماتكون شاطره صاروا عليها اعادات بالمدرسه.. بس الحمدلله كانت تنجح.. وصلت الى 3 اعدادي..

    خديجه: ياربي انجح في الاعادات ترى مابروح ثانوي
    معصومه: أنتين ماينخاف عليش تنجحين في الإعادات
    خديجه: هالمره غير ياعليي جان ماارسب
    معصومه: لاتخافين بتروحين اول ثانوي صدقيني

    اليوم النتائج ولازم خديجه تروح تجيك في المدرسه نجحت لو لا عشان تروح أول ثانوي.. وهي على اعصابها.. كانت دائماً تفكر انها راح ترسب.. ويوم وصلت المدرسه شافت المدرسات فجأه ماشافت روحها الا تصيح قدام البنات والمدرسات
    معلمه نجاه: وشفيش خديجه؟؟ في احد مزعلنش
    خديجه: لا بس خايفه ارسب
    معلمه نجاه: لاتخافين من قال ليش بترسبين تعالي براويش المدرسات عشان تطمنين..
    مجموعه من المعلمات: ويش فيها خديجه تصيح؟؟
    معلمه نجاه: خايفه ترسب بس اكيد بتنجح
    خديجه: في تفكير عميق(( مادري ليش هالمره كنت خايفه وحاسه اني ماراح انجح))
    طبعاً ماطلعت النتيجه وقالوا أول يوم دراسي راح تطلع..
    خديجه: أنتظرت وأنتظرت لمتى بظل قاعده في البيت؟؟ متى بيتحدد مصيري؟؟ اف ياربي .. يارب نجحني
    امي: بقوم اتصل بجيك علىالمدرسه نجحتين لو لا
    خديجه: كنت اصيح وكأني حاسه بالنتيجه.. ويش اني ناجحه لو لا؟؟ ياربي اذا مانجحت مابكمل دراستي بأقعد في البيت أحس شي كريه أن أني أعيد صفي أففف ماأبغي أعيده..((بألم وحسره على مافات وضاع من الوقت في اللعب))
    أمي: سلام.. شخبار أني أم خديجه علي.. بغيت أعرف نتيجة بتي ويش عنها؟؟

     
  9. وعـــد بنوته
    Offline

    وعـــد بنوته عضو أمير

    4,027
    4
    0
    إنضم إلينا في:‏19 سبتمبر 2007
    الوظيفة:
    ℓ t3αιebα ¢σOσ ι ℓ
    الإقامة:
    آلـبح ـريـن
    رد: قصه باللهجـه البحرانيه ..خديجه وقصه حب

    الجــــــــزء الخامـــــس:

    أمي: سلام.. شخبار أني أم خديجه علي.. بغيت أعرف نتيجة بتي ويش عنها؟؟
    المشرفة: ممممم مادري الصراحه ويش اقول ليش بس للأسف خديجه راح تعيد ثالث اعدادي.. خلها تحط على روحها اكثر
    خديجه: اني رسبت؟؟ لالا.. يمكن اني احلم ((ظلت تصييح من الصبح لي الليل.. والله ماتستاهلين ياخدوج))
    خديجه: بس مابروح المدرسه خلاص بقعد في البيت((شعور كريه لايصدق..))
    معصومه: لازم تكملين دراسه وتتعبين على روحش عشان تنجحين وتجيبين درجات زينه اللي فات مات وابدأي حياتش من جديد..
    .. بدأت خديجه حياتها من جديد وبدأت تروح المدرسه رغم أنها تحسه شي كريه وعيب.. لكن طموحها الى الأعلى خلاها تنسى انها ابنية كسوله وماتبي الدراسه.. ويا الأيام تغيرت خديجه رغم انها كانت في البدايه كلا ساكته بس البنات خلوها تتغلب على هاذي المشكله..

    أمينة : ويش فيش خديجه؟؟ الى ويش كلا ساكته هااا؟؟
    خديجه: بس جديه مافيي شي
    أمينة : أنتين حليوه وعاجبتني وأول ماشفتش أرتحت ليش وااجد
    خديجه: هههه أنتين بعد حليوه (( هادي ويش فيها؟؟ أول مره أحد يقول ليي جديه))
    أمينة: صدق مادري الى ويش بس خلاص بصير صديقتش على طول وياش
    خديجه: إن شاءالله .. انتين ويش اسمش؟؟
    أمينة: أمينة عبدالله وانتين خديجه علي صح؟
    خديجه: أيي عاشت الأسامي أمينة
    أمينة: عاشت أيامش..
    وصارت الحصه الثانيه.. حصة الاقتصاد.. يعني لازم نروح غرفة الأقتصاد ..
    الجرس: تريييييييين ترييييييييييين
    أمينة: يالله خديجه تعالي اصطفي ويايي بسرعه
    خديجه: بالعدال عاد ((يوو اني مااركض وخلتني اركض والله حاله))
    أمينة: خدووج تعالي قعدي صوبي..
    خديجه: هههه مابهرب بجي
    أمينة: انتين وااجد حليوه عاجبتني وااجد وشرايش اخطبش الى اخويي
    خديجه: يوووووو ويش تقولين انتين صدق مخرفه
    أمينة: صدددق بجيب ليش صورته وشوفيه انتين صدقيني بيعجبش حليو هو بعد نفسش
    خديجه: يوووو استخفيتين؟؟ مابكلمش ترى والله بزعل منش اخر مره تقولين جديه فهمتين
    أمينة: ويش فيش أمزح وياش..
    خديجه: آخر ليش مره خلاص
    ومررت حصة الأقتصاد.. وكملنا منها وصارت الفسحه.. بالصدفه كانت رفيقة خديجة من يوم الطفوله وياها في نفس الصف..
    حميده: خديجه تعالي ويايي في الفسحه لاتظلين بروحش
    خديجه: اوكي انتين وين بتقعدين
    حميده: عند المقصف تعالي ويايي كل يوم وشرايش
    خديجه: انزين ماعليه ((علل اقل بأفتك من أمينوه اللي كلا لاصقه فيني))
    وفجأة في الفسحه .. أمينة تطالع فيني بنظرات غريبه عجيبه..
    أمينة: عمرري ها الأبنية هاالحليووه .. ويليي عليش
    خديجه: ياعلييييي ما أطيق أني جديه لاتغازليني أني ابنيه والله مو صبي
    أمينة وهي تجود خصر خديجه: ويش فيش عمري؟؟ زعلانه مني؟؟ ليش كلا تتهربين مني ها؟؟
    خديجه: أمينة ما أحب أني جديه أحد يلصق فيي..

     
  10. بنوتة ابوها
    Offline

    بنوتة ابوها عضو فنان

    2,341
    2
    106
    إنضم إلينا في:‏13 ديسمبر 2007
    الوظيفة:
    ماادري
    الإقامة:
    فـي وسط قلـــــــب حبيبي
    رد: قصه باللهجـه البحرانيه ..خديجه وقصه حب

    يسلمووووووووو بنت العجم انزين بعدين وش صاااااااااااااااااااار انتظر هههه
     
جاري تحميل الصفحة...

مشاركة هذه الصفحة